amedo_dolaviga
Jan 9 2007, 03:19 AM
أختار اذبح الخاين طبعا ...مع اني مش بخاف من الكلاب
اللي بعدي
لو انت محكوم عليك بالاعدام يعني من الاخر كده متنيل على عينك ميت ميت
تختار يعملوا عليك تجربه وممكن تعيش بس النتيجه مش مضمونه وممكن تتحول لوحش او تموت
ولا يتنفذ فيك حكم الاعدام؟
HamdyTOtti
Jan 9 2007, 03:58 AM
هههههههههههههههه اية يا عم التشوية دة طبعا يتفضلو يعملو فية التجربة يا سلام حد لاقى و يرفض
اللى بعدى
تختار تموت فى سبيل دفاعك عن الوطن ولا تعيش و مالكش دعوة بالوطن هايعملك اية يعنى :) ؟.
rapier_3
Jan 9 2007, 05:07 AM
اموت فى سبيل الوطن
إقتباس(rapier_3 @ Jan 9 2007, 04:59 AM) [snapback]411243[/snapback]
اموت فى سبيل الوطن
[size=7]حمدى انا عايز افهم ايه نظام المنتدى انا مش فاهم حاجه فى اى حاجه و انتو كلكم عرفين بعض ازاى
amedo_dolaviga
Jan 9 2007, 07:39 AM
طالما هو ما سألش اسأل انا
لو انت كنت غبي و بعدين كنت في الحرب معاك اجهزه تدمر بيها العدو ......هتعرف تدمره ولا هتدمر بلدك ؟؟؟؟
amrello
Jan 9 2007, 08:21 AM
تقريبا هدمرك انت :)
ههههههههههه
وبقول للعضو rapir_3
ان يشارك معنا فى الالعاب والموضعات عمومان
ومع الوقت سوف يتعرف علينا
ونحن هنا جميعا كا اخوه
المهم
اللى بعدى
لو انت ميت من الجوع ومفيش قدامك غير تعابين و ضفادع
تاكل انهى فيهم ؟؟؟؟؟؟؟؟؟؟؟
molha2002
Jan 9 2007, 09:41 AM
ولا حاجة منهم أفضل اموت ولا أكل منهم
اللي بعدي نفس السؤال
HamdyTOtti
Jan 10 2007, 08:36 AM
اولا بالنسبة للأخ
rapier_3
يا باشا زى ماقالك اميرلو انتة كل اللى تعملة تشارك معانا و انتة فعلا واحد مننا و يا باشا مادام انتة فى المنتدى خلاص انتة واحد مننا بس بقى شارك معانا و العب معانا مش فى الالعاب بس فى كل الاقسام و انتة هتتعرف اكتر و اكتر
ماشى بالنسبة لسؤال المفترى اميرلو
انا اكل ضوافرى فى اية يا عم تعابين اية بس بينى و بينك لو دخلت صاعقة هتبهدل هاكل اكتر من كدة
اللى بعدى
لو خيروك بين شهرة و مال و كل اللى نفسك فية ولا حب صادق و حقيقى ؟
amedo_dolaviga
Jan 11 2007, 04:35 AM
أختار حب صادق وحقيقي لان ده يغني عن كل شهره ومال
لان لو انا مشهور وعندي اموال الدنيا والناس بتكرهني يبقى ملهاش اي لزمه الفلوس والشهره والمجد
لان الحب الحقيقي هو اللي بيصنع الشهره والمجد
اللي بعدي
لو خيروك بين انك تقفز من أعلى برج ولا تقتل اميرلو تختار ايه؟؟؟
HamdyTOtti
Jan 11 2007, 07:43 AM
هههههههههههههههههههههههه اية دة انتة بتعمل فتنة و لا اية
لا طبعا فدا اميرلو حبيبى طبعا انط من فوق البرج كلة يهون علشان اميرلو حبيب قلبى
اللى بعدى
لو خيروك بين انك ما تكملش تعليمك و تسافر برة و شغلانة تمام و انك تعد هنا و تكمل تعليمك تختار اية ؟
amedo_dolaviga
Jan 11 2007, 01:26 PM
طبعا سفر بره وشغلانه حد لاقي العمله الصعبه اليومين دول
اللي بعدي
لو انت كنت اسير حرب وفجأه لقيت باب السجن اتفتح بس السور مكهرب ......يعني فرصتك في الهروب اقل من الصفر وطبعا احتمال يقتلوك وانت بتهرب ..........
تفتكر حتحاول الهرب ولا حتفكر وتقول ......انا احسبها وبالحساب استنى فرصه احسن بدل ما اموووووت؟؟؟!!!!!!!!!!!!!!!!!!!!!!!
molha2002
Jan 11 2007, 04:44 PM
حلو السؤال
أستنى فرصة أحسن ليه أغامر... وبعدين اللي يلجئ لربنا دايماً يلاقيه جنبه وحتى لو موتوني حد يزعل أنه رايح يقابل ربنا؟؟؟؟...
أكيد هستنى اللي بعدي نفس السؤال
شكرا على السؤال
محـبـوب
Jan 11 2007, 05:14 PM
اكيد بردو اسنتي الفرصه
وربنا اكيد كبير
الى بعدي
لو خيروك هديك مليون جنيه و تسافر بره ولا تشتغل في بلدك
Flute_Boy
Jan 11 2007, 07:53 PM
هاخدها واسافر لاني اساسا طبيعي عاوز الفلوس واساسا عاوز اسافر طبعا
لو خيروك بين تعوم في حمام سباحة الساعه 6 الصبح في شهر واحد ولا تتخانق مع واحد زي باتستا طولو عرض وكف طبعا وعارف انك هتنضنرب هتنضرب
HamdyTOtti
Jan 11 2007, 11:55 PM
لا طبعا اعوم لأن انا كمان شوية هاخد على المية و جسمى يتعود عليها لكن واحد زى باتيستا مش هتعود علية ابدا
اللى بعدى
لو خيروك بين اسرائيل او امريكا تختار اية ؟ :)
amedo_dolaviga
Jan 12 2007, 06:30 AM
شكرا يا molha2002 الرد بتاعك هو الصح ان الواحد يقاوم ويقاوم ويعمل اللي عليه وما يستسلمش ابدا مهما حصل لان الفرصه مش بتيجي مرتين
اه انت بتحط العقده في المنشار بقى يا عم حمدي طيب
انا هأختار امريكا طبعا لانها ارحم من اسرائيل مهما كانت على الاقل الشعب الامريكي مش زي الحكومه نفس الرأي بالعكس ده شعب طيب جدا على عكس اليهود في كل شيء حتى لما بحب اشتم واحد بقول له انت يهودي
اللي بعدي
لو انت ماشي في الشارع ولقيت شخص رخم رزل طول بعرض بارتفاع بعضلات بيرخم على بنت ماشيه في الشارع ويعاكسها
وانت الشاب العادي يعني...فرق القوه ليه من الاخر تعمل ايه
هتتدخل وممكن تقف له وتتخانق معاه ......ولا تخاف وتقول انا مالي هي كانت قريبتي مليش دعوه ؟؟؟؟؟؟؟؟؟
HamdyTOtti
Jan 12 2007, 07:09 AM
انا ممكن احاول احلها بذكاء و حصلت معاية قبل كدة ان و واحد صاحبى مشيت جنب البنت و كلمتها علشان يفهم انى اعرفها كنت بقولها عايزة اساعدك و انا همشية و كدة و صاحبى بيكلمو روحت رايحلة قلتلة فى حجة قالى هية تبعك قلتلة اة قريبتى قالى خلاص يا عم انتة زعلان لية و مشى فأنا ممكن اعمل نفس الحكاية
اللى بعدى نفس السؤال ؟
molha2002
Jan 13 2007, 11:22 PM
أنا بنت معرفش ايه اللي هيحصل من ولد لكن أنا لو ولد هعمل زي ما قال حمدي أما بقى لو أنا اللي بتعاكس فهسيبه يقول اللي عايزه وفي الآخر هيمشي لو مأديتوش إهتمام ... لكن لو رديت عليه هيفضل يرخم أكتر حتى لو شتمته.... فالأحسن للبنت أنها تسكت وتطنش ولا كأنها سمعاه....
شكرا يا أستاذ amedo على كلامك
واللي بعدي نفس السؤال
HamdyTOtti
Jan 14 2007, 01:25 AM
انا رديت علية قبل كدة بس انا على فكرة يا molha2002 بصى دلوقتى الولاد صعبين اوى مالهمش امان من الاخر يعنى لو انتى سكتى بصى معلش فى الكلمة ممكن يمد ايدة فى حتة و انتى فاهمة و كدة فانا شايف انة صعب اوى البنت تخلص من الحاجات دية بس يلا نقول اية ربنا يعدى علينا المواقف دية بخير
اللى بعدى
اغانى هادية ولا صاغبة
amedo_dolaviga
Jan 14 2007, 02:53 AM
طبعا هاديه ورمانسيه
مش بحب الصوت العالي الا في حدود
اللي بعدي
لو انت لاعب كوره في نادي درجه تانيه وجالك عرض من الزمالك بالرغم من انك أهلاوي جداااااااااااااااااااااااااا وبتكره شيء اسمه الزمالك والزملكاويه وبتعتبر ان ده مرض
ياترى توافق على العرض ده ولا ترفضه؟؟؟؟؟؟؟؟
HamdyTOtti
Jan 14 2007, 03:46 AM
الصراحة الصراحة انا اهلاوى موت و فعلا بعتبر الزمالك مرض مع احترامى لية بس هوافق علشان برضو دة مش نادى صغير تانى نادى فى مصر و ممكن اخدة سكة اروح للأهلى
اللى بعدى نفس السؤال
molha2002
Jan 14 2007, 09:49 AM
مش هوافق مش كل حاجة الفلوس في الدنيا وده لأنك هتفقد حب الجماهير وإحترامهم ليك لعدم ولائك لفريق معين لكن لو حصل زي اللي حصل مع حسام وإبراهيم حسن هعمل نفس اللي عملوه لكن مش عشان خاطر الفلوس
لو خيروك بين انك تكون متعلم وأنت تعبان قوي في الدراسة دلوقتي ولا تكون قاعد في البيت ولاتاعب دماغك وبتاكل وتشرب لكن متعرفش حاجة في الدنيا دي تختار ايه؟؟؟
لو السؤال ده ليا انا هختار أكون متعلمة حتى وأنا تعبانة كده في الدراسة (على الرغم ان كل يوم أروح أصوت لماما لما أتعب من المذاكرة وأقولها مسبتونيش أطلع جاهلة ليه مكنتش تعبت زي دلوقتي)
amedo_dolaviga
Jan 14 2007, 10:15 AM
طبعا هأختار التعليم ......هي دي عايزه كلام
مين ده اللي يحب يكون جاهل ويقعد لطخ في وسط الاحداث اللي حواليه .....ده اهم شيء في الدنيا التعليم
اللي بعدي
لو هما خيروك بين
انك تدفع غرامه قدرها 100 الف جنيه ولا تتسجن لمدة سنتين؟
molha2002
Jan 14 2007, 02:55 PM
أتداين وأدفع مأقدرش أتسجن
لو خيروك بين أنك تعيش فقير طول حياتك ولا تسجن واحد ظلم وتاخد مبلغ محترم تعيش بيه مبسوط؟؟؟؟
amedo_dolaviga
Jan 14 2007, 06:27 PM
لا طبعا أعيش فقير ولا أظلم حد
مش يمكن يجي حد يعمل فيا كده بعد كده
لا انا كده بالفقر ابقى أحسن
اللي بعدي
لو شخص خانك أكتر من مره .....وجه طالب انك تسامحه زي كل مره تسامح ....ولا تقول لا........؟؟؟؟؟؟
molha2002
Jan 14 2007, 08:51 PM
ممكن يصعب عليا وأسامحه لو كنت بحبه.... بس اللي بيخون مبيرجعش يطلب السماح من اللي خانه إلا لو كان بيحبه ومفيش إنسان مبيغلطش اللي بعدي نفس السؤال
ممكن يصعب عليا وأسامحه لو كنت بحبه.... بس اللي بيخون مبيرجعش يطلب السماح من اللي خانه إلا لو كان بيحبه ومفيش إنسان مبيغلطش اللي بعدي نفس السؤال
ممكن يصعب عليا وأسامحه لو كنت بحبه.... بس اللي بيخون مبيرجعش يطلب السماح من اللي خانه إلا لو كان بيحبه ومفيش إنسان مبيغلطش اللي بعدي نفس السؤال
rapier_3
Jan 15 2007, 02:12 AM
مينفعش اسامحو تانى على شان الى بيخون مرا و يرجع تانى سهل اوى يخون كتير
السوالى للبعدى (لو خيروك بين انك تعد فى بلدك ولا تسافر برا تشتغل )تختار ايه!
amedo_dolaviga
Jan 15 2007, 03:50 AM
طبعا اسافر بره اشتغل ...محدش لاقي شغل الايام دي
اللي بعدي
لو انت محبوس في مكان وكنت مخطوف
واللي خاطف ده كان مجنون وكان خاطف معاك أكتر انسان بتحبه في العالم كله ....وفجأه لقيته بيقولك فيه قنبله في المكان ده ومكنش ليه غير مخرج واحد بس ومقفول بالمفتاح ولقيت سكينه والراجل بيقولك ان القنبله هتنفجر بعد 10 دقايق
وان المفتاح موجود في بطن حبيبك وهو اكلهوله يعني لازم تفتح بطه بالسكينه وتدور على المفتاح في معدته وتهرب
تعمل ايه ......تهرب وتسيبه يموت وياروح ما بعدك روح ولا تعمل ايه بالظبط
rapier_3
Jan 15 2007, 03:58 AM
السوال ده جامد جدا جدا جدا
انا هكون ندل و مش هسامح نفسى خالص لو قتلت اكتر واحد بحبو على شان انا عيش فمش هعمل حاجه هستنى يمكن المجنون يفوق ويفتح الباب بنسخه تانيه
ههههههههههههههههه
نفش السوال للبعدى
HamdyTOtti
Jan 15 2007, 09:43 AM
الصراحة انا مش هعرف اعيش و انا فية ذنب زى دة فى رقبتى ممكن اموت نفسى انا كمان بعديها علشان كدة هعد م نموت مع بعض
السؤال فعلا جامد جدا
نفس السؤال
molha2002
Jan 15 2007, 10:52 AM
هموت مع حبيبي لأن اصلاً انا لو طلعت وسبته فهموت من غيره لأن حياتي هتبقى وحشه قوي من غيره وغير كده زي ما قال حمدي هحس بالذنب... ده أنا ممكن أطلعه هو وأموت أنا لو أقدر...
أيه الأسئلة الخطيره دي... عظمة على عظمة يا أميدو... نفس السؤال يا أميدو
amedo_dolaviga
Jan 16 2007, 06:59 AM
طبعا احاول اقاوم واشوف اي طريقه تانيه
ولو معرفناش نخرج يبقى نموت مع بعض احسن ما اعيش لوحدي واكون السبب في موت اقرب حد بحبه
اللي بعدي
لو انت ماشي في غابه وتهت فيها وضاعت اتجاهاتك ولقيت طريقين بس واحد فيهم ممكن يموتك وانت عارف كده بس متعرفش انهون فيهم الصح هتعمل ايه ؟؟؟ هتقف ولا ترجع؟
molha2002
Jan 16 2007, 10:15 AM
صعب السؤال ده ... يمكن أقعد أفكر كتير قبل ما أخد أي طريق فيهم فالأول همشي في الطريق الأمان إذا وصلني لحاجة كان بها إذا موصلنيش هرجع وأخد الطريق التاني وهقرأ قرآن لأن القران بيحفظ صاحبه وربنا يبعدنا عن كل حاجة وحشة....أميدو أنت شكلك بتتفرج على أفلام رعب وأكشن كتير... (: (:
اللي بعدي نفس السؤال
محـبـوب
Jan 16 2007, 02:50 PM
هجازف و خلاص
الىلا بعدي
بتحب اي الحب ولا الي يحب
molha2002
Jan 16 2007, 10:36 PM
مفهمتش سؤالك... هل تقصد بتحب اللي بيحب ولا الحب لذات نفسه؟؟؟.... بحب الإنسان نفسه طبعاً
اللي بعدي
لو قدامك أتنين واحد/واحدة أنت بتحبه/بتحبها وهي/هو مبيحبكش/مبتحبكش وفي واحد/واحدة بتحبك لكن انت مبتبادلهوش/مبتبادلهاش نفس الشعور هتختار مين للإرتباط؟
amedo_dolaviga
Jan 18 2007, 07:27 PM
طبعا هختار اللي بتحبني من غير كلام عشان عمري ما هقدر اخلي التانيه تحبني لو هي مش عاوزه
اللي بعدي
لو انت راكب عربيتك وماشي في حالك وفجأه طلع لك واحد وخلاص هتخبطه وجنبك عربيه ...هتعمل ايه .....تخبطه ولا تخبط في العربيه التانيه؟؟؟؟؟؟
molha2002
Jan 18 2007, 07:48 PM
هخبط العربية طبعاً وأنا دايماً وأنا بسوق بكون واخدة بالي وحطاه في بالي لو حصلت الحكاية دي هخبط العربية طبعاً حتى لو متت أنا فيها لكن مأموتش حد
اللي بعدي نفس السؤال
amedo_dolaviga
Jan 18 2007, 11:51 PM
هي بصراحه مخاطره بس لو انا لوحدي هعمل زيك ....بس لو معايا ناس وممكن يموتوا يبقى لازم تتحسب ان اخبط الراجل وربنا يكون في عونه
مش معقوله اموت 3 عشان انقذ واحد .....ممكن هو يعيش بعد كده لو غلطتي اتحملها ....
اللي بعدي
لو والدك رفض انك تتجوز الشخص اللي انت بتحبه وعاوز تتجوزه ...........وهددك انه مش موافق ومش هيخليك ترتبط بيه ......تعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تكسب والدك طول العمر؟؟؟؟؟؟؟؟؟؟؟؟؟؟ ولا تتجوز وتخسره طول العمر؟؟؟؟؟؟؟؟؟؟؟؟؟؟؟؟؟؟؟؟؟؟؟؟
khokhaa
Jan 19 2007, 01:20 AM
لا لو اهلى موافقوش على اللى بحبه هفضل وراهم لحد ما أقنعهم بيه مدام انا واثقه انه كويس وانه هو اللى هيسعدنى
لكن عمرى ما اسيب اهلى عشان حبيبى
وبرضه مسيبش حبيبى عشان اهلى مش موافقين عليه يبقى انا كده ماكنتش بحبه اصلا
السؤال: لو خيروك لا قدر الله ان يا باباك يموت يا انت اللى تموت مكانه تختار ايه؟؟؟ ممكن تضحى بنفسك عشان ابوك؟؟؟؟
سورى ياجماعه قلبتها دراما بس ده اللى على بالى دلوقتى عشان فعلا كان نفسى اموت انا وبابا يعيش ( الله يرحمه )
بليييييييز كل اللى يقرا كلامى يدعيله بالرحمه
amedo_dolaviga
Jan 19 2007, 03:27 AM
ربنا يرحمه يا ندى وان شاء الله تتقابلوا في الجنه
انا طبعا هضحي عشان خاطر بابا يعيش مهما كلفتني ....حتى لو حياتي ........عشان الانسان ملهوش غير اب واحد بس مش ام واحده فاي حد فيهم مش ممكن يتعوض ...............فلو فعلا محتاج لاي شيء مني انا طبعا مش هتأخر حتى لو كلفني حياتي
اللي بعدي
تختار انهم يرموك في الزيت المغلي .......ولا انك تترمي في حمض مركز؟؟؟؟؟؟
khokhaa
Jan 19 2007, 03:38 AM
يا ساتر يارب ده انت قلبك اسود أوى
أعتقد الزيت المغلى هيبقى أرحم شويه
ولو ان الاتنين أنيل من بعض أصلا
اللى بعدى:
لو خيروك تعيش فى فقر مع حبيبك \ حبيبتك او تعيش فى قصر مع حد تانى تختار ايه؟؟
سؤال سهل أهو اللى جه على بالى دلوقتى بقى :wink: :wink:
amedo_dolaviga
Jan 19 2007, 03:55 AM
أختار حبيبتي طبعا
عشان لما اعيش معاها البيت البسيط الفقير ده هيتحول لجنه
واحسن من مليون قصر مع واحده مش بحبهااااااااااا
اللي بعدي
اختر احدى المدن التاليه للذهاب اليها
بغداد(أبوغريب)---تل ابيب(وما أدراك ما تل ابيب)---كوبا (سجن جوانتانامو)---
khokhaa
Jan 19 2007, 07:17 AM
مش بقولك انت مفترى ايه يابنى ده
لا وانا اللى دايما بتدبس في الرد عليك
اظن تل ابيب هتكون ارحم شويه من ابو غريب او جوانتانامو
ده رأيى
اللى بعدى نفس السؤال
HamdyTOtti
Jan 19 2007, 08:04 PM
انا اروح تل ابيب برضو بجد انتة فعلا زى ما خوخة بتقول مفترى اوى
اللى بعدى
تعد فى مصر ولا تسافر برة ؟
amedo_dolaviga
Jan 19 2007, 09:54 PM
أوكي
هسافر بره
اللي بعدي
تركب مركب ولا طياره ؟؟
HamdyTOtti
Jan 19 2007, 09:55 PM
طيارة
اللى بعدى
الحب ولا الصداقة ؟
khokhaa
Jan 20 2007, 02:46 AM
سؤال صعب اوى يا حمدى
فى الوضع اللى انا فيه دلوقتى هقول الحب
عشان مفيش صداقه حقيقيه الايام دى
لكن لو كان فيه كنت هقول الصداقه طبعا
اللى بعدى نفس السؤال
mayoy1010
Jan 20 2007, 03:10 AM
والله انا عن نفسى حختار الحب
بس بماان مفيش حب دلوقتى حختار صداقة طبعا
اللى بعدى لو خيروك بين انك تمشى 3 ايام متواصل وتاكل كتيير بس وانت ماشى
ولا تقعد 3 ايام من غير اكل وانت قاعد عادى يعنى
khokhaa
Jan 20 2007, 03:56 AM
طبعا اعد من غير اكل
ولا ايه ياحمدى
اللى بعدى نفس السؤال
( يارب يكون اللى فى بالى)
khokhaa
Jan 20 2007, 03:57 AM
طبعا اعد من غير اكل
ولا ايه ياحمدى
اللى بعدى نفس السؤال
( يارب يكون اللى فى بالى)
طبعا اعد من غير اكل
ولا ايه ياحمدى
اللى بعدى نفس السؤال
( يارب يكون اللى فى بالى)
طبعا اعد من غير اكل
ولا ايه ياحمدى
اللى بعدى نفس السؤال
( يارب يكون اللى فى بالى)
amedo_dolaviga
Jan 20 2007, 03:59 AM
لا انا افضل امشي واكل
اللي بعدي
تحب انهم يقطعوا اجزاء من جسمك ولا انك تتحرق؟؟؟؟