العراق

اللى بعدى
مصر ولا كندا ؟

طبعا اى حتى غير مصر هتبقى جنه بس بردو يكون معايا حبيبى
انا عارفه ياجماعه ان فيه ناس كتير هتزعقلى دلوقتى وانتماء ومصر والحركات دى بس قبل ما اى حد يقول حاجه يقولى خدنا منها ايه؟؟؟؟؟؟؟؟

اللى بعدى نفس السؤال

مصر طبعا

ومش هتعرفي قيمتها يا خوخه الا لما تتبهدلي ويطلع عينك وتتهزقي لما تسيبيها وتطلعي بره لان مش كل الشعوب زي الشعب المصري وفوق كده الغرب بيكره المسلمين بشده وبيعاملوهم اسوأ من الحيوانات
وعلى رأي المثل :: من خرج من داره اتقل مقداره
وعلى اساس انتي اخدتي منها ايه لا انتي اخدتي كتييييييييييييييييييييير اوي
كفايه انك عشتي حياتك كلها فيها وعرفتي الناس اللي بيتحبيهم ويحبوكي فيها وكفايه اوي انك مشيتي على ارضها وانتي مش خايفه ووانتي مطمنه ....مش زي باقي دول العالم اللي كل الناس رجال او نساء نسبة الخطر عالية جدا لو خرج بره بالليل من اول الساعه 9 .....الواحد طول ما هو معاه حاجه بتاعته بين ايديه مش بيعرف قيمتها ابدا الا لما يفقدها وتضيع منه ويقعد يحلم انها ترجع له تاني ويلاقي ده صعب ويندم انه فرط فيها
ياريت نفكر كويس بلدنا فيها سلبيات كتير اوي محدش يقدر يقول مفيهاش بس احنا لازم نصبر ونصلح من نفسنا عشان البلد تتصلح مش نقول خدنا منها ايه وسيبك دي بلد معفنه والكلام الفاضي ده
لازم نعمل بالحديث اللي بيقول (ان الله يحب اذا عمل احدكم عملا ان يتقنه) مهما يكون العمل ده تافه لازم نعمله على احسن ما يكون ساعتها البلد هتبقى احسن بلد في الدنيا
العيب فينا احنا مش في البلد مش البلد هي الوحشه بالعكس دي اجمل بلد في الدنيا وكفايه انها اتذكرت 5 مرات في القرآن
معلش لو طولت عليكم
اللي بعدي نفس السؤال

طبعا ام الدنيا
لو خيروك بين دراسه الهندى ولا العبرى تختار ايه

العبري طبعا

لان من عرف لغة قوم امن مكرهم .............ودول اعدائنا ولازم نعرف لغتهم عشان نعرف هما بيقولوا ايه وساعة الجد بتنفع اوي

اللي بعدي
تاكل كمثرى ولا جوافة

كشرىىىىىىىىىىىى اية دة السؤال دة لية كشرى طبعا جوافة مين خلى الجوافة على جمب
هوة الكشرى انا عايز كشرى

اللى بعدى
نفس السؤال

كمثرى
لو خيروك مابين سالى ولا تينا تختار مين

مع انى معرفش لا سالى ولا تينا
بس هختار سالى

الى بعدى لو خيروك بين مصيف راس البر ولا بور سعيد تختار ايه

راس البر علشان مرحتهاش
لو خيروك ما بين البفتيك ولا الفراخ البانيه حتختار ايه

انا حاسه انك هتطلع من الكمبيوتر ادامى وتضربنى دلوقتى يا اميدو
معلش متزعلش بس دى وجهات نظر ومش عاوزة اتكلم فى الموضوع ده اكتر من كده عشان ده مش مكانه

بصراحه يا ehahe انا بموت فى الاتنين بس ممكن اختار البفتيك عشان مكلتوش بقالى فترة

اللى بعدى تختار الكمبيوتر ولا الموبايل؟

الكمبيوتر طبعا لانه شغلى بصفتى ID Internet Devloper

الى بعدى لوخيروك بين الثانوى والجامعة تختار ايه

الثانوي طبعا لاني قضيت اجمل ايام حياتي في الثانوي

اضربك ازاي يا خوخه ؟.......ينفع تفتكري كده .....انا مش بتاع عنف انا وصلت لك رأيي بهدوء جدا ...ومن غير عصبيه حتى
وياريت لو كنت غلطان حد يعرفني عشان اعرف غلطي

اللي بعدي ....

تختار تاكل بط ولا فراخ ؟؟؟

فراخ
اللى بعدى
مكرونه بشامل ولا رقاق

مكرونه بشامل
تشتغل طباخ ولا حارس امن؟؟

هههههههههههههههههههههههههه

حارس امن

بس ليه الاختيارين الرخمين دول ههههههههههههههههههه

تشتغل مكوجى رجل والا مكوجى كهربا؟؟؟

حلاق
اللى بعدى
تشتغل حانوتى ولا فقى

طيب والنبى هى الشغل ده تنفع للبنات برضه

عموما مش اشتغل خالص اقعد فى البيت احسن

تختار تدخل الجيش 3 سنوات ولا تضيعهم فى التعليم ؟

يعنى أنتى قاصدة تخلينى عاطل و خلاص يعنى هو وقف حال

بس أختار التعليم بلا جيش بلا بتاع البلد فيها أيلى يحموها غيرى موقفتش عليا يعنى هههههههههههههه

اللى بعدى

تركب أتوبيس نقل عام ولا قطار؟؟ و متقوليش مقضيها تاكسى العاصمة ونبى هههههههههه

أتوبيس نقل عام عشان أنا جربت القطر وكنت هموت فيه والأتوبيس لو هروح مسافة قريبة يبقى أحسن

اللي بعدي

تحب تعيش وحيد ولا مع الناس؟؟؟؟

وحيد او مع الناس اللى بحنهم بي
اللى بعدى
تجبر حد على حاجه مبيحبهاش ولا تخونه

أجبره على حاجة مبيحبهاش أحسن من اني أخونه

اللي بعدي نفس سؤال ehahe العسل

للاسف انا مش ehahe

اجبره احسن من انى اخونه

اللى بعدى
تاكل شيبسى بالملح والا شيبسى بالفراخ

انا عارف انه سؤال غبى بس معلش عشان جعان هههههههه

شيبسي بالخل
هههههههههههههههههههههه

اللي بعدي
تاكل بطيخ ولا خوخ؟؟؟

اكل فراولة طبعا

اللى بعدى

تاكل بط والا وز ؟؟؟

انا مبحبش البط عموما

ممكن افكر فى الوز لو بانيه او كرسبى ههههههههههههههه


اللى بعدى

تختار تتجوز واحدة حلوة قوووى بس اكبر منك بكتير ومبتحبكش ولا واحدة من سنك وجمالها على قدها وهى بتحبك وانت مبتحبهاش ؟؟

أيه يا زوووم ده بس حرام عليكى مش عاوز أتجوز خلص بالطريقه ده

بس لو ضرورى يعنى الأجبةيبقى حختار واحدة من سنى و جماها على قدها و مبحبهاش لأنى صعب أرتبط بشخص أنا عارف أنه مبيحبنيش

بس ممكن أرتبط بواحدة مبحبهاش و هى بحبها ليا أكيد حتجبرنى على أن أحبها

اللى بعدى:

تسكن فى شقة كبيرة بس فى منطقة و حشة و لا تسكن فى شقة صغيرة علبة بس فى منطقة راقية؟

شقة صغيرة علبة بس فى منطقة راقية طبعا
اللى بعدى
تاخد ناديه ولا سوسو

هههههههههههههههههههه

بلاها نادية آخد سوسو

اللى بعدى

تبقى معيد فى الكلية ولا تشتغل فى شركة كبيرة ؟

شركه كبيره
اللى بعدى تشتغل مدرس فى مدرسه ولا فى محو اميه

مدرس فى محو امية لانه عمل خيرى ومش شرط تكون خريج تربية

تختار تبقى رئيس شركة صغيرة بمرتب صغير ولا موظف صغير فى شركة كبيرة بمرتب كبير

متهيألى رئيس فى شركه صغيره
"الصيت ولا الغنى "
اللى بعدى
تدخل فى تجربه خسرانه ويبقى شرف التجربه يكفيك ولا تهرب من الاول

مفيش حاجة اسمها شرف التجربة اما انا هخسر يبقى ليه ادخل فى تجربة خسرانة

اهرب طبعا لانى مش حمل تجارب خسرانة

اللى بعدى

تموت جعان والا تموت عطشان

اموت جعانه
اللى بعدى
تموت من الغيظ ولا من الحيره

انا سمعت اللى بيموت من الغيظ وشوفتها فى الافلام لكن فيه حد بيموت من الحيرة ؟ده كده ربنا يستر عليه عشان انا بحتار كتييييير

انا دلوقتى محتار اموت من الغيظ ولا اموت من الحيرة

اللى بعدى تسكن فى عمارة نضيفة بس جيرانك ناس مش كويسة خالص ولا فى عمارة مش نضيفة وجيرانك ناس كويسة جدا

اعتقد انى اسكن فى عمارة نضيفه وحيران مش كويسه لأن انا اصلا مليش علاقه بالجيران خالص
ولا ليه اختلاط بحد خلينى فى حالى يا عم احسن

اللى بعدى تختار تبقى مشرف عام فى اى منتدى ولا تبقى عضو فى ايجيهات مع الناس العسل دى؟

عضو فى منتدى ايجى هات وسط الناس اللى بحبهم

اللى بعدى

تسرق ولا تشحت ؟؟

أشحت طبعاً عشان مش حرام قد السرقة..
لو قدامك مبارة لفريقين واحد منهم انت بتحبه جدا جدا وعمرك ما شجعت غيره لكنك عارف انه هيخسر ومتراهن مع صاحبك انك هتشجع فريق منهم والفريق ده هيكسب فهتشجع أي فريق اللي بتحبه وعمرك ما شجعت غيره وتخسر الرهان ولا الفريق اللي مبتحبوش وتكسب الرهان؟؟؟؟؟

هههههه

وانا ليه اراهن الرهان اساسا حرام بس اكيد هشجع فريقى حتى لو خسر

اللى بعدى

تحب واحدة كدابة والا تحب واحدة مدمنة؟ والعكس لو السؤال لبنت

اعتقد انى احب واحدة مدمنة احسن لانها ممكن تتعالج تدخل اى مستشفى وتطلع زى الفل لكن الكدب مالوش علاج

تختار تشترى تلفزيون ولا كمبيوتر

كمبيوتر طبعا
اللى بعدى
تكبر دماغك ولا تموت بحسرتك

ولا دي ولا دي ...انا اتصرف واحل المشكله حتى لو وصلت لايه حتى حتى لو مت بسببها ..مش بحب استسلم ابدا

محبش اشوف حاجه مضايقاني واكبر دماغي لان لو دماغي كبرت هموت بحسرتي يبقى كده الجوابين نفس بعض

اللي بعدي ................تسافر المريخ ولا تسافر الزهره؟؟

زهرة مين ده الدنيا هناك اكيد حر اوىىىىىىىى خلينا فى المريخ جمبينا

تسكن فى عمارة على كونيش النيل ولا عمارة على كورنيش البحر

اكيد على كورنيش البحر علشان احنا معندناش نيل
اللى بعدى تحب تبقى محبوب بس تافه ولا مثقف بس دمك تقيل

هههههههههههههههههههههههه حلوه

لا ابقي مثقف و دمي تقيل بس انا دمي مش تقيل

هههههههههههههههههههه

الى بعدي

خبر جالك حببتك اتخطبت غصب عنك تعمل اي تموت ولا تموت

لا تنسى اللى فات وتبدء من جديد
اللى بعدى
تتعلم من جرحك ولا تخلى جرحك يرجعك ورا

اتعلم من جرحى اكييييييييييد


تعمل ايه تشجع الاهلى ولا الزمالك ؟؟؟؟

هههههههههه والله انا فلسطينينة وعمري ماحضرت ماتش لا لده ولا لده

بس تقريبا اهلاوية على زوق ... ناس بقى ههههههههههه




بتحب تامر حسني ولا عمر دياب؟

بحب الاتنين بس طبعا عمرو هو الكينج مفيش زيه اصلا

اللى بعدى بتحب اليسا ولا نانسى؟

نانسى


اللى بعدى

كفتة ولا رز ؟

كفتة طبعا

اللى بعدى

تقع من قشرة موز والا تقع من قشرة بطيخ