بسم الله الرحمن الرحيم
وبه نستعين
اولا اعرفكم بنفسى انا اسمى جومى
عضوة من اعضاء المنتدى الجميل دة
موضوعى هو ان مفيش حد فينا مش عندة مشكلة او مشاكل كتير
مشكلة مع صديق
مشكلة مع حبيب
مشكلة مع جار
اى مشكلة تقابلك ادخل واكتبها وانا ان شاء الله حلاقيلها حل
ودة بجد مش هزار انا بحب اساعد اصحابى عشان اشوف البسمة على وشهم وانتوا كمان اى شى مضايقكم ان شاء الله انا حلاقيلة حل
اتمنى يعجبكم الموضوع وحستنى ردودكم ومشاكلكم

انا يجماعه كمان بنضم لجومى لانى زيها بس اكتر سنة صغنونه

ميرسى يامشمشة اهلا بيكى نورتى ياقمر
انا مازلت مستنية ردودكم

10x ya 3asal 3ala el mawdo3

isa aye moshkela 7agelek gary ente wemeshmeshte

ميرسى ليكى يافانكى
ربنا يبعد عنك وعننا المشاكل
بس اذا قابلتك اى مشكلة او اى حاجة اختك جومى موجودة ومشمشة طبعا
شكرا ياقمر

بسم الله الرحمن الرحيم

ميرسى ليك يا hamody_love للمشاركة بس انت مش كتبت حاجة
انا لسة مستنية ردودكم

وانا موافقه ع الفكره
انا بقي باخد رايك
اذا حبيبك خانك ها توافقي ع الغفران ولا لاء
انا اقصد هنا خيانه الرجل
مع انه رجع ندمان وبيقول ان ده كانت نزوه
مستنيه رايك

بصى يا f_m الخيانة خيانة واللى بيخون مرة بيخون اتنين واربعة وعشرة بس علشان مش ابقى ظالمة انتى بتقولى انة رجع ندمان انتى ممكن تديلة فرصة بس بشرط انك طبعا مش تحبية زى الاول وتوقعى انة يغلط فى لحظة علشان مش ترجعى تتجرحى تانى وانتى تحسى دة اكتر منى اذا كان ندمان بصدق ولا لا
اتمنالك التوفيق

السلام عليكم

إزيك يا جومى

دى اول مشاركة ليا فى المنتدى

للآسف يا جومى أنا مش عندى سؤال واحد إنما انا عندى مسلسل أسئلة يا ريت تستحملينى و يا ريت بجد تعرفى تجاوبينى




أولا :
هل ممكن أن شخص يقابل واحدة يعجب بيها من أول مرة و من تانى مرة يقابلها و يكلمها يحبها و فى تالت مرة يتأكد أنه بيحبها و بيموت فيها مع العلم أنه مات فى شخصيتها و فيها جدا جدا جدا و انا من ضمن الناس اللى مش مقتنعة بالسرعة فى الحب



ثانيا :
هل من حقه أنا ما يأولش لأى حد و ليها هى بالذات عن حبه لها لمجرد أحساسه و ثقته أنه أكيد فيه حد فى حياتها برغم أنها ما قالتش و مش بيقول بردوا لأنه متأكد أنه مش ليها و أن فيه كتير أكيد أحسن منه و حيناسبوها


كفاية عليكى دول دلوقتى

يجد يا ريت ما أكونش غلست عليكى و طولت

اولا :- اهلا وسهلا بيك فى المنتدى
ثانيا :- انا اسفة جدا انى اتاخرت قوى قى الرد بس انا كنت بمتحن ولسة مخلصة امبارح انا اسفة جدا
ثالثا :- ممكن الواحد يقابل شخص ويعجب بية من النظرة الاولى دة وارد بس المهم انة يتاكد ان الاعجاب دة مصدرة اية انبهار مثلا ولا حب ولا مجرد اعجاب بالشكل وانا معاك فى موضوع السرعة دة لان الى بيقع فى الحب بسرعة بينتهى بسرعة بس مفيش تأكيد على دة انت ممكن تكون فعلا حبتها بس نصيحة لازم تتأكد من الحب دة علشان انت مش تنجرح
رابعا:- انت ايش عرفك ان فى حد فى حياتها وبعدين انت مش حتقولها انك بتحبها كدة على طول يعنى حاول تتقرب منها واحدة واحدة مش المفروض انكم اصدقاء وبعدين شوف هى رد فعلها اية لو لقيتها مستلطفاك ابدا لمحلها بس على خفيف وشوف ايةالى حيحصل وانا فى الخدمة واتمنالك التوفيق وسورى كمان مرة على التأخير

ازيكم يمكن قريتوا كلامى قبل كده بس انا تعبانه اوى بجد انا نونا حبيت قبل كده مرتين وطلعوا كدبين وكنت مقربه من صديق وهو قرب ليا بس هو مرتبط صريح معايا اوىىىىىىىى قالى انا احتمال مكملش معاها لانها مش مهتميه وكده وخلاص كنت خارجه من حب تانى ولقيته حسيت انى بجد محتجاله بجد بس فتره ورجعت خلت صحبتها تبعتله رساله تقوله انها بتعيط ومش بتذاكر وكده بس فما بقوله واحنا ايه اللى بينا قالى انا مش عايز اظلمها وبقوله وظلمتنى قالى مش ظلمتك انا كنت قيلك كل حاجه انا حاسه انى تعبانه اوى ومش عارفه اعمل ايه بحاول ابين انى عاديه لكن مش قادره ونفسيتى زى الزفت ومعنديش ثقه بحد ودلوقتى بنتكلم كصدقاء بس جوايا حاجه تانيه هل حبى او حبها ازاى حبنى وازاى حبها انا مش لقيه حلللللللللللللللللل انا مدمره بجد نفسيتى زى الزفت
طولت عليكوا معلش
ميرسى ليكوا

ازيك يانونا عاملة اية بصى ياحبيبتى الى انت فية دة مش حيصولك لحاجة انك تفضلى تعبانة ومش تكلمى حد دة فى حد ذاتة غلط اى حد يتعرض لمشكلة لازم يتعود انة يخرج منها بسرعة وبأقل الخساير الحب مش عيب وانتى فى جزء غلطانة فية وجزء تانى هو غلطان فية الجزء الى انتى غلطانة فية انك بتدى ثقة متناهية فى الناس لازم تتعودى تحرصى والحب الى جواكى دة حاجة كبيرة وغالية قوى اوعى تفرطى فيها او تديها لاى حد الشخص الى اتقرب منك على اساس انة صديقك وبعدين حبتية كان لازم يصارحك ويقولك انة معتبرك صديقة مش حبيبة علشان مش ترجعى وتتصدمى وبعدين هو المفروض يحدد مين الى بتحبة وخايفة على مصلحتة اذا كان انت ولا البنت التانية ودة الجزء الى هو غلط فية انة اداكى الامل انكم ممكن ترتبطوا والحل دلوقتى انك تتقربى من ربنا وتحاولى تشغلى نفسك مع اصحابك وزمايلك وعيشى حياتك طبيعى وكل ما تحسى انك حتفكرى فى الموضوع او انة حيجى على بالك اشغلى نفسك فى اى حاجة مفيدة حاولى اعملى الى بقولك علية وخليكى جامدة شوية وعندك ارادة ولو حبتى تتكلمى معايا ابعتيلى ماسيدج وانا حبعتلك اميلى وانا تحت امرك
اوكى يانونا واتمنالك التوفيق يارب

جومي

فكره هااااااااااااااااااااااااايله جدا جدا

انا قريت من المشاركات السابقه اللي حلول اللي انت كاتبها

وفعلا بتعرف تحل وحلول صحيحه وموفقه بين الطرفين

والله لا يجيب مشاكل

موووفق بروعتك

ميرسى ليك يا شرقية وربنا مايجيب مشاكل لحد ان شاء الله
وميرسى تانى مرة على المرور