متهيألى انى فهمت قصدك
بص هو على حسب بقى لو كان نسى الحب ده ولا لسه عايش فيه
لانها بتبقى حاجه تجرح اوى ان الانسان اللى بحبه يبقى قلبه لحد تانى

يارب اكون فهمت قصدك
ميرسى مره تانيه ع الموضوع

هقولك حاجه انا عن نفسى اقبل لان مليش دعوه باماضى بتاعه
اهم حاجه عندى هيبقى معايا انا ايه بنسباله ويا ترى الماضى ده انتهى ولالا لو منتهاش عمرى
مهقبل انى اتخطب ليه
لو هو حبنى وانا حببته وكان قايلى ان كان فى حياته وحده ده كان فعل ماضى عمرى ما احسبه عليه
وميسرى جدا على السؤال ده حلوة اوى

اه كده تمام وصلت الفكرة
وانا شايف من كلامك يا نور انه لو كان بيحبها او مازال بيحبها وهي جرحته وهو لجأ ليكي مش هتداوي جروحه
هتعملي ايه هترفضي برضه
ومرسي علي ردك يا dolly واحييكي علي ردك الجميل

ميرسى على الموضوع دة بس عادى يعنى

بص هو فى ناس لما يكونوا عايزين ينسوا حبهم بينسوا بحب تانى فلو هو كده وجاى على الاساس ده يبقى موافقش طبعا اما لو نسي حبه خلاص يشرف حد لاقى هههههههههههههه
وبعدين مفيش حد هايجى يتقدم لحد غير لما يكون عارف كل حاجه عنها
شكرا على التوبيك

مرسي يا ريهام
وانا شايف ان كلامك تمام وربنا يوفقك
مرسي علي ردك ومرورك

انا شايفة ان مفيش ولد معرفش بنات قبل الهيخطبها
و انا بالنسبة لي عادي اذا الولد الحبيته عرف بنات قبلي المهم انه يكون نسيهم
و ده حال اغلب البنات في رأيي
لكن الولد مبيحبش ان البنت اليحبها تكون حبيت حد قبله و ده من تجربة شخصية
دايما بيحب يكون هو اول حب في حياتها و ده طبعا مينطبقش على كل الشباب بس الاغلبية العظمة
صح ولا انا غلطانة ؟؟

سؤال جميل اوي

انا من رايي انه عادي جدا الحب ده احساس احنا مش بنررتبله ابلها ولا بنختار الحبيب ولا الحبيبه
بس ساعة النصيب بقي بقول ياريت انه المخطوبن ما يصرحوش بعض بحاجه عشان متبقاش حاجز ما بينهم
وبعدين اللي بيحب بجد بيحتفظ بحبه لنفسه مش لازم يعني يقول لكل الناس انه بيحب



ميرسي ع التوبيك الهايل ده.

سوال حلو بس من راىة عادى يعنى كل انسان لاازم يمر بحب ويفشل وحب ينجح

هاى
انا من وجهت نظرى ان اى ولد بيكون عارف بنات اكتر من عدد شعر راسه فاكيد لو عرفت ان هو كان بيكلم بنات مش هزعل لان اكيد البنت اللى كان بيكلمها عارف انها انسانه متستحقش انها تكون زوجته او خطيبته وكان بيتسلى انما اى ولد بيخطب بنت او هيتجوزها اكيد بيسال عنها وعن اهلها وعن مستواها واذا كانت بتكلم ولا قبل كده ولا لا وده راى واكيد كل واحد ليه وجهة نظره

ميررررررررررررررررررررررررو

اولا احب اشكر جوجو علي رايها الجميل وانا شايف كلامك مظبوط
ثانيا tamer lover انا شايف الصراحة بداية الطريق الصحيح
ثالثا انا شايف انه مش شرط انه لازم كل حب يفشل tokabamba
اما يا ناس والله مو شرط ابدا انك واحد يكون عارف بنات ويكون قصص حب يعني ولا ايه maiarmaged
علي العموم شكرا ليكم علي المرور الجميل

فى الاول احب اقولك يا سفاح تسلم ايدك

ثانيا ان الولد لما يجى يخطب البنت لازم يتفاهمو مع بعض ويقولو لبعض عن كل حاجه

وحكايه ان الولد حب قبل كدة لازم لما يجى يخطب لازم ينسى الماضى والبنت هكذا لو البنت ما نسيتش يبقى اكيد الولد هيفسخ الخطوبه

اكيد اكيد يعنى

وبالتوفيق ليك

اولا انا احب اشكرك علي ردك الجميل
ومرسي اوي علي مرورك
وانا معاك الصراحة شيء واجب في العلاقة
بس علي فكرة انت مجوبتش علي السؤال
اولا السؤال للاولاد
لو رحت تتقدم لبنت عشان تخطوبها وعرفت انها حبت ولد قبلك
هتعمل ايه؟ (بصراحه)
ثانيا السؤال للبنات
لو تقدملك ولد عشان الخطوبه وعرفتي انه حب بنت قبلك
هتعملي ايه ؟ (بصراحه)
لو دخلت تاني ياريت تجاوب

السلام عليكم ورحمة الله وبركات
يا جماعة انتو عمالين تقولو لو حب واحدة قبلى مش هسالة او هحاسبة وممكن تحبي اكتر ما كان بيحب الاولانية دا مستحيللللل وان قال هو كدة يبقي بيكذب وكذالك البنت برضو لان هو لو حب بجد الحب الاولانى يبقي مش هيعرف يحب تانى زى الحب الاولانى دا مش معنى دى ان هو مش هيقدر ينسي الحب الاولانى لا هينساة علشان الانسان الى بيحبة او الانسانة الى بيحبها واحسن حب هو الحب الاولانى ومافيش حب هيكون زية ولا هيعيش زى الحب الاولانى خالص سواء البنت او الولد وممكن يكون الحب التانى دا يكون بيحبة افضل من الاولانى بس هو مش هيقدرة زى الاولانى وانا واحد من الناس جربت الحب دا والحب دا الاولانى والتانى ومافيش حاجة دلوقتى اسمها حب بجد وان في بيبقي قليل جدا جد جدا لى السنة الجاية
وكل عام وانتم بخير

هو سؤال جرئ اوي
بس هو معايا مش فارق
بس هيكون في تحدي بيني وبين نفسي
باني انسيه اللي فات واعيشه ايامه اللي جايه في حب وسعاده
لان الانسان بفطرته في الحياه بيدور ع الحب والسعاده
وبعدين المثل بيقول من باعك بيعه ومن اشتراك اشتريه
ولا ايه رايك؟؟؟؟

ع فكره ياللي مجنن البنات انا واللله شوفت ناس حبو بجد (الحبيب الاولاني) وكنت بحسب انهم عمرهم ما هينسوا ونسوا
وبيقولو عيزين نعيش الحياه وعيزين حب جديد يكون هو الهدف لينا من الحياه عيزين حاجه تربطنا بالحياه
وبيقولو علشان تنسي تجربه فاشله ادخل في تجربه جديده

السلام عليكم
ع فكره فكره الموضوع كويسه وبشكر صاحب الموضوع عليها

واحب اقول ان فكره ان الحب الاول لا يمكن نسيانه هى فكره تقليديه وغير حقيقيه فى ارض الواقع علشان انا عرفت ناس كتيره نست الحب الاول عادى وبالعكس الحب الاول بيكون مجرد تجربه بتخلى الواحد يعرف بعد كدا ازاى يتحكم فى نفسه وما يتسرعش فى اى علاقه
نرجع للموضوع الاساسى
ما ينفعش ما اسالش اللى هخطبها عن ماضيها بالعكس لازم اسالها وكمان بالتفصيل علشان دى مش واحده مجرد هيكون بينا قصة حب (تيك اواى) ولكن دا مشوار عمر وحياه وصاحبة ورفيقه فى الدنيا
علشان كدا لازم اعرف انها حبت كام مره وايه الظروف اللى خلتها تسيب حبها السابق واتاكد اذا كانت نسيتهم ولا لا واتاكد انى بالنسبه ليها كل شىء والماضى كان مجرد ماضى مات وطلع من دماغها وع فكره لو طلعت طبعا كانت بتحب 5 او 10 قبل كدا طبعا مش هوافق دا يبقى لعب عيال بقا وبعدين اصلا انا لو خطبت مش هخطب واحده من الشارع اكيد طبعا هكون عارف اخلاقها كويس
-----------------اسف انى طولت حبتين بس حبيت اوضح وجهة نظرى
---------------مع ارق تحياتى

ع فكره يا ميدو انا متفقه مع وجهه ونظرك اووووووووي
انت ع صواب

اوك يا جماعة انا موافق على كلامكوووووو بس صدقونى دا مش بيبقي حب بجد هو صحيح هينساة بس مش هيعيش مع الحب التانى زى ما عاش مع الحب الاولانى دا وجهة نظرى بصراحة وانا بقول الكلام دا بطبقة على نفسي وعلى ناس كتير من اصحابي وناس ما اعرفهمش بيقولو نفس الكلام بس هى بتختلف من طريقة العبد عن بعض بس انا واحد من الناس حبيبتى توفت وهى بعيد عنى وكل لما اقول لى حد ان انا الى شايل زمبها بيقولى ماتقولش كدة طبعا كلة بيحاول يخلينى اتبرء من زمبها بس انا حاسس بكدة سوررى لو كان كلامى ضايقوووووو
كل عام وانتم بخير

بص يا السفاح البنت أكيد هتسامح وعادي لكن الولد لأ ، أنا عن نفسي هيكون عادي المهم هو يحبني أنا ويكون ناسيها

بتتاسف ليه
قولت ايه يزعل انا حسه بيك عرفه انه صعب انك تحس انك سبب الم انسان
بس ان شاء الله ربنا هيعوضك خير وحاول بكل ما فيك انك تنسي ولو انت مش قادر تنسي
شوف اكتر شئ بيسعد الانسانه دي واعمله من بعيد لبعيد لانك لما هتشوفها مبسوطه اكيد انت كمان هتبقي مبسوط
وكل سنه وانتم طيبن

انا لو اتقدملى واحد حب واحدى قبلى او كان يعرف واحدة قبلى مش مهم المهم انو قالى كدة دى تدل على حبة لية وانو نسيها لية هزعل يعنى خلاص الموضوع انتهى وحبينى انا

مرسي نهر على كلامك بس انا بحاول انى اعمل كل الى بيسعدها بس مش عارف هى لسة حاسة بية ولا لا لان انا حسيت ان انا بعيتها بسهولة بس هى ماكنتيش بايدى والله الظروف كانت اقوى منى ومنها بكتيرررررررررررررر اوووووووووى بدون ذكر سبب بس مش علشان مثلا السبب مش مقنع وعملية الانفصال مش كانت من عندى ولا من عندها دا من اهلها وشكرااااااا
كل عام اونتم بخير

حسه بيك والله
صعب ان انسان بتحيه يضيع منك وغصب عنك
انا اعرف انسان مامته افقتده الامل انه يرتبط بالانسانه اللي بتحبه
وبعد حب 4 سنين
صعب ع الاتنين اوي
بس ان شاء الله ربنا هيعوضهم
وهيعوضك
مش فكره
بس انا سمعت حد قال لو عرفتم المستقبل لرضيتم بالقدر
ربنا اكيد بيعمل اللي فيه الخير لعبيده
وكل سنه وانت طيب

اولا انا احب اشكر الجميع علي المشاركة
والردود الجميلة وانا اشيف ان تقريبا الكل مسامح وده شيء جميل
وانا شايف ان في مشكلة ظهرت في الحوار
وهي مشكلة ميدو
بص يا ميدو ده قدر محدش كان يقدر يغيره سواء بيك او من غير المكتوب مكتوب مفيش مفر
اما احساسك بالزنب ده شيء تاني وانا مع نهر في كلامها وانا راي ان تشوف نفسك وستقبلك وتدعيلها بالجنة ياريت يكون فهمت كلامي

السلام عليكم ورحمة الله وبركاتة
اشكرك سفاح اولا علشان الموضوع الجامد الى انت حاطة دا وانت بتقول في مشكلة والله يا مان مافيش مشاكل وربنا مايجيب مشاكل خالص ان شاء الله بس هى الحكاية ان انا كان نفسي اطرح حاجة زى حالتى الى انا فيها دى في المنتدى دا علشان اتاكد من حاجة بس وانت اديتنى الفرصة دى اشكررررررك يا مان سوررى لو كان كلامى ضايقكو
كل عام وانتم بخير

يا حبيبي انت بتشكرني علي ايه احنا اخوات لازم نساعد ولا انت رأيك ايه
وبعدين احنا هنضايق من ايه بس
ربنا يوفقك يا قمر

على فكره الولد لو لقى بنت كانت بتتكلم فى التليفون بس بجد والله يروح يخطبها لكن خروجات بقى وحاجات من ديه كل واحد يسأل نفسه هو لما كان بيخرج بيعمل ايه مع البنت الى معاه ....................؟
.....................................................................................حاول ترد على السوال..................................................

انا عن نفسي علدى والله ... لاني زيه
ثانيا ... يمكن لو مكانش انجرح او حصل شئ ماكانش هيتقدملي ...
يعني كفاية انه شايف انى انسانة اقدر اشاركه حياته ...
تسلم ايدك عالسؤال ... تقبل مروري

السلام عليكــم ورحمـة الله وبركاتــة ،،
بص ياسفاح انا رأيى ان البنت او الولد يحاسبوا بعض على الحاجات اللى حصلت من اول ماارتبطوا ببعض
طالما ان اللى فات فات وخلاص اتنسى
واى قصة حب فاتت دى ماتعيبش اى حد فيهم بالعكس دة معنى كدة ان الطرف اللى حب قبل كدة ده عنده احساس
وقلب يحب مش انسان مايعرفش الحب وده يمكن بيبقى احسن فى بعض الحالات لانه بيعرف يقدر الحب ولما حد زى ده
يحب او يرتبط اكيد هايحس بالطرف التانى ويراعى مشاعره

مش معنى اللى انا بنت عملت علاقه يبقى مينفعش اخطبها

[b]

[b][b]من وجهه نظرى انى مش ححاسبه على اللى فات عشان ده بأه ماضى خلاص يعنى انا واثقه انى اللى فى حياته دلوقتى وماليه عينه يبقى خلاص انا مش حتجوز واحد عشان احاسبه واخنقه واحسسه فى الاخر انه غلط اساسا انه فكر فيا يعنى اللى فات مااااااات ومالوش غيرى وماليش غيره وخلاص ده لو عايزه اعيش مش بتلكك اتمنى تكونوا فهمتوا رأيي وموضوع بجد حلو سؤال مينفعش فيه غير الصراحه ميرسى[/b]

[/b][/b]