تخيل إنك ماشي في شارع هادئ.. ششش خالص!
زي مابيقولوا كده تسمع فيه رنة الإبرة لو يعني حد كان ساكن في عمارة في الشارع ده ورمى إبرة من البلكونة!

تخيلت؟
طيب حلو كده.. خليك في تخيلك الأولاني ده..

ومن الموقفين اللي جايين دول اختار واحد..
وتخيله برضه.. "أيوه هنقضيها تخيلات العدد ده!"..
وبعدين تعال نتقابل بعدها

***

في ركن هادئ من الشارع الهادئ تخرج في هدوء اللاب توب "الكمبيوتر المحمول يعني!" بتاعك- احنا قلنا هنتخيل إن معاك فلوس تشتري لاب توب!-..
تفتح الإنترنت إكسبلور..
تكتب الكلمة الإنجليزية الوحيدة التي يحفظها كل ساكني الأرض والكواكب الأخرى حتى ولو كانوا عايشين في "الوراق" أو قبيلة "هاكوناماطاطا" في صحراء إفريقيا.. كلمة.. Sex!

موسيقى تصويرية تعبر عن القلق والتوتر..

وقبل أن تضغط enter وأنت تتخيل عشرات الآلاف من صفحات الإنترنت وقد فتحت أمامك.. تسمع الصوت الغليظ الخشن الذي يأتيك من اللامكان..

"إيه اللي بتهببه ده؟.. الأخ الأكبر.. يراقبك"!



***

وأنت تسير في نفس الشارع الهادئ وأنت واقف في نفس المكان الهادئ وأنت تفتح اللاب توب بنفس الهدوء!

يظهر لك -في هدوء مماثل- مجموعة من أصدقائك.. تجتمعون معا –في هدوء برضه!-.. تقول لهم في هدوء -طبعا- وأنت تشرح لهم الخطة ثلاثية الأبعاد الموجودة على أحد مواقع الإنترنت:
"هي دي المدرسة.. عليها اتنين من الحراس.. بيناموا دايما بعد أخبار 9.. بس مالناش دعوة بيهم.. الجزء ده في السور.. ضعيف جدا.. يعني لو حد عطس جنبه هيقع لوحده.. من هنا هنقتحم المكان.. وهندخل الحوش.. وهنرفع علمنا -تخرج من جيبك علما أحمر تتوسطه مصاصة ضخمة-.. ومش هيقدروا يمنعونا من مص المصاصات بعد كده في الحصة.. مش هيقدروا.. مش هيقدروا"..

وصدى صوتك يتردد.. فجأة يقتحمكم من مكان غير معلوم ذلك الصوت الغليظ:

"إيه اللي بتهببوه ده.. الأخ الأكبر.. يراقبكم"!



***

تخيلت!
كنت مين في الموقفين اللي فاتوا دول.. الأول ولا التاني ولا الاتنين مع بعض؟

طبعا الموقف التاني ممكن مايكونش مرتبط بثورة المصاصات بس.. ممكن يرتبط بأي ثورة تانية.. أو أي تجمع لمناقشة فكرة سياسية أو اجتماعية أو دينية..

خلينا نعرف قبل ما نسأل وندردش إن الأخ الأكبر ده شخصية خيالية ابتكرها الكاتب البريطاني الشهير "جورج أورويل" في روايته الأكثر شهرة "1984"..

كان "الأخ الأكبر" هو رئيس الحزب الديكتاتوري اللي بيحكم إنجلترا.. ماحدش شافه.. ولا قرب منه خالص.. بس دايما صوره متعلقة في الشوارع تحذر وتنذر وترهب من أن "الأخ الأكبر يراقبك دائما!" فيكِش الناس ويخافوا.. وماحدش فيهم يقدر يقول حاجة واحدة ضد أي حاجة.. لأنه عارف إن كل همسة.. كل كلمة بيقولوها محسوبة عليه.. لأنه -عقبال أملتك- متراقب..



ورغم إن فيه ناس كتير بتعتبر ده تدخل سافر في حرية الإنسان الشخصية، فيه ناس بتعتبر ده ضبط لسلوك الإنسان.. ووضع حدود لحريته.. بدل ما يمشي في الشارع كده يقول أي حاجة في أي حاجة..

احنا مالناش دعوة بالناس دول..
وسؤالنا مش مرتبط بالحرية في الشارع أو في الحديقة..
سؤالنا مرتبط بالعالم الافتراضي اللي بتقرأ من خلاله الصفحة دي..
الإنترنت..

والسؤال هنا..

إنت تحب تتحرك بالماوس والكيبورد على الإنترنت بحرية دون أي مراقبة من الأخ الأكبر ده.. ولا لأ؟!
تحب إنه يكون من حقك وحق أي حد غيرك إنه يدخل على مواقع إباحية مثلا من غير رقابة..
ولا لازم يكون فيه رقيب.. يمنعك من ده؟


تحب ده فعلا.. ولا ماينفعش العالم يكون بيتكلم عن الحرية وحد ييجي يعمل نفسه وصي عليك؟
واللي ينفع في المواقع الإباحية ينفع في المواقع السياسية والدينية؟

يعني إنت مع.. إن كل دولة من دول العالم يكون محبس الإنترنت في إيدها.. تفتحه فتمرر للشعب ما تريد من أخبار ومواقع سياسية وتغلقه فلا يرى الشعب أيا من هذه المواقع؟

شايف فعلا إن.. الرقابة على الإنترنت مهمة وضرورية عشان ماتخليش الأفكار التي لا تتناسب مع قيمنا وعاداتنا وتقاليدنا.. تقتحم حياتنا؟

ولا تعتقد بأن.. فكرة أن تكون الدولة هي "ماما" وأن الشعب هو "الواد النغة الصغنن" اللي لازم ماما تكون وصية عليه وهي بس اللي تقرر إيه اللي يعرفه وإيه اللي مايعرفوش.. دي فكرة مكانها المتاحف المهتمة بحضارات القرون الوسطى؟

عموما الفكرة دي طبقت بالفعل ومش في حتة بعيدة.. جنبنا يعني.. في الصين!

يعني من المعروف إن موقع Google الشهير لا توجد عليه أو على الصفحات التي يوصلك إليها بضغطة enter أي رقابة في أي دولة في العالم.. إلا في الصين سيادتك!

الصين بس هي اللي اشترطت على Google قبل ما يمارس أي نشاط على أراضيها أن يضع في يد المؤسسات الصينية المختصة ما يمكنها من "فلترة" المواقع التي يعتبرها النظام الصيني ضده ومناهضة له.


تحب كده؟
ولا إنت من هواة الإمساك بالعصاة من النصف؟!

يعني ممكن توافق على أن يكون للدولة رقابة على المواقع الجنسية بس والسياسية والدينية لأ.. أو العكس؟

ويا تري تحب ده يكون مطبق كمان على محيط دولتك الصغيرة.. أسرتك يعني؟

موافق يعني أن يضع والدك فلترا لمنع المواقع اللي –هو متصور- إن فيها أفكار مش ولابد؟
ولا شايف إن ده حجر على حريتك؟

طيب إنت لو مكانه وبقيت أب -قول إن شاء الله- أو أم -قولي بإذن الله-.. ممكن تتصرف إزاي مع الحرية المفتوحة على أقصى حد لها على صفحات الإنترنت؟

وهتعمل إيه مع أولادك في الحالة دي؟


رتب أفكارك.. وكل الأسئلة اللي فاتت إجبارية –احنا مش في امتحان في الجامعة يا حلو-!



وبكل حرية وبلا أي رقابة..
اكتب لنا رأيك وماتخافش

الأخ الأكبر في إجازة اليومين دول.. ومش هيراقبك!

هههههههههههههههههههههههههههههههههه

موضوع جامد بجد يامشمشه

بس انا الاخت الاكبر ومش بيرقبني انا اللي برقبه :

ميرسي ياحبي على الموضع

واللة انتى ستاذة يا مشمشة الموضوع يجنن جامد جدا كعادة ايجيهات بس انا فى رأى انك نسيتى تذكرى الاهم من الاخ الاكبر و هو اللة - سبحانة و تعالى - ماهوة برضو بيراقبنى يعنى عيب اوى لما اخاف من صورة متعلقة على الحيطة مالهاش لازمة و ما اخافش من ربنا و الف شكر بجد على الموضوع يا مشمشة بجد حلو اوى و عايزين مواضيع تانية كتيرة بقى

اولا يورده الف شكر على ردك


اما حمدى انت فعلا عندك حق ربناهو الوحيد اللى لازم نخاف منه

بس ده المفروض و ما حدا بيخاف الا القليل " فى نظرى "

فعلا يا مشمشة و دة للاسف

اولا انا بحب اشكر جدا على الموضوعك الجميل
وتانيا انا بموافق الاخوة الاعضاء اللي قالوا ان الله سبحانه وتعالى هوالمراقب الحقيقي لافعالنا مش الاخ الاكبر وعايز اضيف حاجة ان كمان ضمير البني ادام هو اللي ممكن يتحكم في تصروفاته يعني هو رقيب نفسه لداته مش محتاج اخ اكبر

thankx for the artical.
ana shayef eno mahma 3amalte rekaba ppl will find way to hack it
so the best thing for u.. that u be ur own watcher
and dont forget that allha is watching u all the time

thankx all

موضوع جامد كوت يا مشمشه

وطبعا لو كلنا فعلنا صفة الرقيب من الله عمره محد هيعمل حاجه غلط لانك هتبقي عارف انه هيشوفك وهيحسبك
وبرضه بقول ان النفس أماره بي السوء فأذا لم تأمرها بي المعروف أمرتك بي المنكر وبي السوء


شكرا علي الموضوع تاني يا مشمشه وياريت تنورينا علي طول



رجاء رد علي موضوع اخوتك في المنتدي حتي يردوا عليك مستقبلا

ياريت تشرفينا في شجرة الاعضاء يا مشمشه

مشكورة مشمشة على الموضوع الجميل و المثير وده مش غريب عليكى

ردى على موضوعك أن ا:يد الرقيب علينا هو الله سبحانه و تعالى بس للأسف برضه فى ناس ايمانها ضعيف

و صورة الأخ الأكبر ده مطبقة فى دولة أصلها مش أسلامى وهناك ديانات كثيرة ولكننا فى بلد أسلامية يعنى عارفين أن الله يراقبنا و يرانا دائما

و موضوع الصين ده ممتاز وأنا أحب أى بلد أن تطبقه حتى بلدى و على فكرة السعودية ايضا لا يمكن الدخول على أى من المواقع الأباحية و بعض المواقع السياسية

أما بالنسبة لأن يقوم والدى بفلترة الكمبيوتر مثلا أو الدولة تقوم بغلق هذه المواقع فدة شىء جميل لأن الأنسان لو أتمنع عنه الخطأ و أصبح غير متاح له فلن يرتكب الذنب

وهو أكيد الكسبان حتى لو زعل فى الدنيا لأنه كان يريد أن يدخل على موقع أباحى سوف يفرح فى الأخرة لأنها حجبت عنه!!

موضوعك جميل
بجد هايل

[size=4][color=deeppink] موضوعك بجد يامشمشه هايل فى منتهى الجمال واتمنى انك تعملى موضيع تانى كتيره
شكرا

مشكور يا شمشوشه على موضوعك

تقبلي تحياتي

يا انتي

سلاموز

بجد موضوع رائع جدا وبيناقش مشكله خطيره وحلولها

ولازم نضع حل

وانا وجهة نظري اننا نعمل زي الصين و نلغي كل اللي يخالف شرعنا ومنهجنا ومبادءنا وديننا

وشكرا ليكي يا مشمشه

شكرا ليكم كلكم على مروركم الجميل جدا

تسلم يسمسم و بجد كلامك رائع

و العفو يعادل مكس

و كلامك برضه يمعتز حلو جدا

و شكرا ياحمد جمال

و يمحبوب

سورى يا مشمة انا قريت نفس اللى انتى كتباة دة فى بص وطل وطبيعى الموضوع من غير كلام تحفة
وحلو انك تكتبية هنا ................
بس قبل الاخ الاكبر لازم نخاف من ربنا

اعتقد ان لازم علشان اقدر اعمل حرية لازم تبقي لواحد مسؤل عن تصرفاته فاذا جعلت الدولة افرادها علي قدر من المسئولية علي تصرفاتهم تديهم الحرية لكن الدول الديكتاتورية دول مقدرتش تخلي مواطنيها مسؤلين عن تصرفاتهم

شكرا علي الموضوع الجميل
بس اختار موقف ولا اقول رأيي
ههههههههههههه
شكرا كتير

وبعدين مليش اخوات اكبر مني
اخوكم (حمادة)

شكرا علي الموضوع تاني يا مشمشه وياريت تنورينا علي طول

الف شكر على المرور الجميل اوى ده للكل

موضوع جميل ان الله المراقب الوحيد والاخ الاكبر لايراقب اخته اذا كان واثق منها ولا انتوا ايش رايكم

وشكرا يامشمشه كتير ياقمر

طبعا يحبى اكيد لو فى ثقه اصلا يبقى مش فى حد هيراقب حد

لكن انا بخاف مثلا لما اجى اعمل كده لانه اصلا محفور حوا عقلى انه عمل مكروه بل محرم فبعمله فى الخفاء

دى وجهة النظر يحبى

مشمشه والله فكرة الاخ الكبير دى موجودة من قبل الكاتب جورج معرفش ايه ده موجودة من اول ظهور الاسلام وهيه خوف الله وتقواه وعمل ما يرضيه وتجنب ما يغضبه وحتى لو مفيش رقيب على النت المفروض احنا جوانا الرقيب لان بجد الى بيخاف ربنا مش محتاج مراقبه من حد والى عنده ضمير نفس الشئ ......................... والى عنده سندوتش يجيبه

إيه الجمال ده با أجمل مشمشه فى الوجود إيه المواضيع الجامده ديه بجد ملهاش حل شكرا ليكى على الموضوع بس أنا ليا تعليق

بسيط مش الرقابة الأسريه أو رقابة الدوله هيا اللى هتوقف المواقع الساقطه ديه لإن ببساطه حسب تخيلى المواقع ديه بديل

للواقع اللى بنعيشه دلوقتى فطالما مفيش رقابه للإنسان على نفسه يبقى ملوش لازمه الكلام ده كله

وأرجوا التعليق والإهتمام

فعلا مدام انا مش هقدر اراقب نفسى يبقى ما يستطيع حد انه يعمل رقابه عليا
لانى بالتاكيد هعرف اهرب منها


مشكور جدا دانى على ردك