[size=7]السلام عليكم ورحمة الله وبركاته
انا بصراحة عايزة اعرض عليكم قصة حب فاشلة انا عشتها لسببين اولهم انى مش عارفة اعمل ايه حاسة انى متدمرة
والسبب التانى انى حاسة ان ارائكم ان شاء الله هتفيدنى
حكايتى تبدأ من حوالى 8 شهور اقول ما حبيت شخص كان جارى من سنين وكان كل اللى بينى وبينه سلام مش اكتر لغاية لما صرحلى بحبه ليا وانه كان بيحبنى من قبل ما يصرحلى بحبه بحوالى سنة بس كان خايف من رد فعلى لانه معاه دبلوم صنايع وبيشتغل (قهوجى) وانا فى كلية الاداب قسم إعلام المهم فضل فترة يكلمنى لغاية لما خلانى احبه وبصراحة انا ممكن اكون اعجبت باشخاص قبل كده بس ده كان مجرد إعجاب وقتى وبينتهى علطول ومبيسبش جوايا اثر لكن ده الشخص الوحيد اللى حسيت انى حبيته اوى اوى اكتر من نفسي ويمكن ده حصل لانه بينلى انه بيحبنى بجد ولانى كنت فعلا محتاجة حد يحبني بجد واحبه والاقى معاه الحنان والامان
المهم انا فضلت معاه بالظبط حوالى شهر ونصف وبعد كده حصل اللى عمرى ما كنت اتوقعه لما طلب منى انه يتقدملى وقاللى عرفى والدتك وخدى رايها ساعتها انا طرت من الفرح وفضلنا نخطط مع بعض حياتنا المستقبلية وعلى فكرة انا قدمت تنازلات كتير اولها كان فرق التعليم وده نسيته لانى حبيته بجد وتانى حاجة انه شرط عليا انى مش هشتغل وهقعد فى البيت وانه هايخدنى يقعدنى فى بلده وهى منطقة أرياف ومع ذلك وافقت وانا فى منتهى السعادة (قال ايه باسم الحب)وقولت لماما عليه وعلى رغبته فى الإرتباط بيا ومش عارفة يا ريتنى ما قولتلها مع انى حاسة انها مش غلطانة لانها قالتلى انت هتضيعى نفسك لانه فيه عيوب كتير اولها التعليم ومعندوش وظيفة ثابتة (مع العلم انه كان فى الوقت ده سايب شغله وبيدور على شغل)وكمان موضوع انه يخدنى البلد بعيد عنها وعن العيشة اللى انا واخدة عليها
المهم انا محبتش اخبي عنه وقولتله اللى حصل بس فضلت اقوله انى مش هسيبهوانى هفضل معاه لغاية لما اقنعهم بيه لكن للاسف
الشخص اللى كان (بيوهمنى انه)بيحبنى اتخلى عنى وباعنى من اول خطوة ومتأثرش بدموعى اللى نزلت قدامه وانا بترجاه انه يستنى ويشوفنى انا هعمل ايه انا عارفة انى ضيعت كرامتى فى اليوم ده لكن غصب عنى المهم انه سابنى وانا بنهار وبعد بعد اوى
مع انه كان عارف انى لما بزعل ضغطى بيوطى وبتعرض لحالة صعبة وممكن اموت فيها لكن تقول لمين (اصله هو ده الحب)طبعا قولت يمكن انا غلطانة وانه لما يفكر شوية ويهدأهيكلمنى لكن مفيش اى خبر وعلى فكرة ماما لما لاقتنى تعبت كده وخلت المستشفى كانت عايزة تروحله بنفسها وتقوله انها موافقة عليه بس انا مرضتش ومنعتها المهم فضلت مستنية انه يكلمنى وابعتله فى رسايل واطلب منه انه يرجعلى لانى فعلا كنت بموت بالبطئ لكن للاسف (الحبيب)بعد اووووووووووووووووووووووووووى
ومش عارفة ليه مع انى مغلطتش ومشكلتى بقا دلوقتى انى لسه بحبه اوى رغم انى مفضلتش معاه غير شهر ونص واننا سايبين بعض بقالنا 8 شهور
حقيقي انا حاسة انى ضايعة مش عارفة احب تانى ولا عارفة انسي واهتم بدراستى
يا ريت حد يساعدنى اعمل ايه واتصرف ازاى بس محدش يقولى إنسيه لانى بجد حاولت ومقدرتش



المعذبة إلى الأبد

معلش يعني انتي غلطانه م الاول انك فكرتي تحبي واحد اقل منك ف كل حاجه سواء ف المستوي الاجتماعي او التعليمي وانتي مش غلطانه ابدا لما قلتي لوالدتك طبعا ده عين العقل والتصرف اللي هو عملوه ده تصرف قهوجيه طبعا يعني تصرف اولاد شوارع وانتي متبكيش عليه ولو دمعه واحده لان انتي دلوقت ف جامعه كويسه وقدامك الحياه واكيد ها تلاقي اللي يستاهلك سواء ف جامعتك او ف شغلك بعد التخرج واظن ان كرامتك اتهانت كتير بسببه وانتي بتهينيها اكتر واكتر لمجرد تفكيرك ف البني ادم ده

يعنى انا مش عارف اقولك اية بس بصى انا ولد و مع ذلك انا معاكى فى كل حاجة و بعد الشر عليكى من الموت لان دة واحد مايستهلش علشان هوة اللى من الاول ابتدى دة و بعدين هوة فى فرق بينك و بينة كبير و معلش فى الكلمة انتى اللى بتجرى وراة بصى من الاول هوة كان واخدها لعبة و شكلة شاف واحدة تانية و احمدى ربنا ان دة حصل قبل ما تدخلو فى جواز و تكتشفى انة بعد كدة مش قادر يحافظ عليكى و يصونكو يفتح بيت انا مش على فكرة بقول على شغلانتة و كدة ممكن الواحد يكون شغال اوحش حاجة فى البلد و رغم كدة واخد الحياة جد جدا و يعرف يعيش لو مين احلى عيشة و ممكن العكس يكون واحد غنى جدا و مش قادر يفتح بيت ياريت تخدى كلامى جد و تكونى على ثقة ان اللة سبحانة و تعالى عمل كدة يبقى فى احسن انشاء اللة و انقذك قبل ما تدخلى فى حاجة غلط و تسيبو بعض و تكونى مطلقى

على العموم اوعى تزعلى منى و اعتبريها نصيحة اخوية مش اكتر و ولا تشيلى هم يا جميل و ربنا معاكى و يوفقق يا رب

الموضوع ياسها ليه جوانب كتير اولها الفرق الكبير اللي بينك وبينوا وده كان مفروض تحطيه في اعتبارك من الاول ودي غلطتك لكن ترموش الغلط كله علي الشاب لانه واضح انه كان جد معاها بدليل انه طلب انه يتقدم لها لكن لما هي واجهته بالكلام اللي والدتها قالته اكيد كرامته وجعته اي حد مكانه كان عمل كده كان بيحلم حلم جميل لكن فاق علي الحقيقه اللي الحب كان مش مخليهم يشوفوها عامة ياسها متظلمهوش علي اي حال ومتندميش لان لحظات الحب الجميله ميتندمش عليها


سامحيه وحاولي تنسيه فكري في دراستك احسن وان شاء الله رنا هيعوضك عنه كتير.... بتمنالك التوفيق

shoof ya seti enty mesh 3'altana 3ashan 2olti le mamtek w mesh 3'altana 3ashan enek 7abeti bas 3'altana enek 7abeti el ensan da aslan men el awel law konti fakarti hatla2i eno mesh haynefa3 aslan ezay w howa a2al menek 7ekayet eno hat3eshi fl balad w keda kol da mesh monaseb w mafesh 7aga esmaha eno el 7oob aham 7aga el 7oob aham 7aga ah bas fe awlaweyat el mohem kol ell kalam da 7asal elmohem enek delawa2ty la tekalemeh wala teb3atelo msgs la2eno howa 7'alas ba3 yeb2a lazem teb3i 3ashan enty bent w aham 7aga karamtek w wa7ed bel manzar da mayestahelsh enek tefakari feh w ebda2i 7ayah gededa aked mesh bel sahl bas bardo mesh sa3b isa w aham 7aga yekon 3andek el neya enek hatenseh w enty isa hetnseh

انسه سها انا مش هقلك حاجه غير انك هتلاقى الى احسن منه فى التفكير وفى المستوى انتى فى كليه واكييييد ربنا مش بيعمل كده فيكى علشان حاجه وحشه ربنا بيحبك وعرفك حققته انتى متزعليش انتى تفرحىى والله صدقينى انك قبل مايبقى شريك حياتك عرفتى حققته
ترضى بعد لما يجوزك يسبلك البيت خالص سعتها انتى تعملى ايه بقا بجد
ده هيخسرك اهلك هيخسرك الدنيا كلها لو حبيتيه مع مراعاتى انك بتحبيه وعايزاه حولى تصلى كده واستخريه وربنا هيلهمك تعملى ايه انا مش هتكلم اكتر من كده

بصي يا عمري متندميش على حب انت حبتيه افتكري اي كلمة حلوة هو قلهالك افتكري انو كان محسسك بحاجة انت حباها

بصي افتكري ده كلو بس حطي فدماغك انو بااع الي يبيعك بعيه انت متعرفيش هو بعد ليه ومتقنعيش نفسك انو بعد عشان كلام ممتك

وانت مش غلطانة انك قلتلها بالعكس ده المفروض الي يتعمل انا مش هقولك انك غلطانة انك حبيتي واحد مش من مستواكي لان لو كل واحد هينقي

هو هيحب مين مكنش حد غلب كان زمان الناس كلها فالشارع بتدور ومش هقولك انسيه لاني عارفة انها حاجة مش سهلة وان البنات بيحبو بجد

بس الي هقولك عليها يا حبيبتي حاولي تشغلي كل وقتك عشان تقللي الساعات الي بتقعدي تفتكريه فيها بس نصيحة مني يوم مييجي فدماغك خليه

ييجي بالخير وادعيلو ان ربنا يوفقو فحياتو انا بعمل كده جربي مش هتخسري ركزي فمزكرتك ومستقبلك صدقيني دول الي هينفعوكي والله اعلم النصيب هيبقى فين

:wink:

[font=Arial][size=7][color=limegreen] بصي انا بقول لك ربنا معاكي في اختيار حب جديد وبلاش تبدئي بالمصارحة وما تظهريش حبك اوي وشكرا باااااااااااااااي

يحبيبه قلبى لا عزاب و لا حاجة
اه بس المعزبه الى الابد دى

يحبى بصى للحكايه دى من جانب اخر

اكيد ربنا بيحبك و عايز يعلم دروس تستفادى منها

قولى الحمد لله و ابداى صفحه جديده مع نفسك و مع ربنا و صدقينى هتعيشى سعيده الى الابد

اولا شكرا ليكي ياسها عشان انت حبه اننا نساعدك
ودي اول خطوة في طريق النجاة من العذاب
بس اننا عايز ارد علي f_m مفيش اسمها في الحب الفرق الاجتماعي او التعليم
اما سها بطلب منك انك تشغلي نفسك ركزي في الكلية وحطي لنفسك هدف تحققيه
يمكن ربنا يساعدك وتنسيه
وزي مقالت مشمشه (قولى الحمد لله و ابداى صفحه جديده مع نفسك و مع ربنا و صدقينى هتعيشى سعيده الى الابد)



اخوكي (حمادة)

السلام عليكم ورحمه الله وبركاته
معلش يا حماده انا بختلف معاك يعنى ايه التعليم او المستوى الاجتماعى مش مهم
اصل انا الحكايه دى حصلت امامى بحزافرها
الولد كان بيلعب لعبه وبيشوف حتيجى معاه ولا لابدليل انه من اول لا مشى ومستناش
ويمكن انتى علشان ملكيش تجارب صدقتيه
علشان انا شوفت بعض الولاد ليهم طرق فى الكلام ياكل بيها عقل اللى ادامه
وانت كنت عايزه تحسى بحاجه وهو قدر يوصلها
يمكن كنت عايزه تحسى بمشاعر الحب او عايزه حد يحسسك بان انت اهم شى وهو قدر يعمل كده
وياريت قبل ماتفكرى فى اللحظات الحلوة اللى انت عشتيها معاه تفتكرى ان هو محاولش يدافع عن حبك او يعمل حاجه وعارف انك حتتعبى وبرضه سابك
وبعدين هو من الاول كان عارف انه مينفعش بس عمل كده وانت فضلتى تتنزلى فلو الحب مش متوازن من ناحيه التعليم فهو مش متوازن من ناحبه العطاء
فانت اصبرى وان شاء الله ربنا حيعوضك باحسن منه وحولى تتقربى من ربنا وادعى ربنا انك تنسيه وربنا معاكى
معلش انا طولت بس هى دى وجهه نظرى

انا مع كلام كل الاعضاء ومع معارضتهم بس لازم نبص لحاجه يمكن تكون هى كلمه صغيره لكن معناها كبييييييييييييير ومفيش حد واخد باله

احنا كبرنــــــــــــا


أقل واحد ممكن يفتح بيت او أقل واحده ممكن تتحمل مسئوليه بيت

يعني لازم ابص وافكر كذا مرة فى الشخص اللى هرتبط بيه مش اضعف قدام الحب وخلاص

وانا بؤمن بحكايه الطبقات بجميع مجالتها لسبب واحد

أولا : المتعلم هيكون تصرفاته ارقى واحسن من الجاهل

ثـــانيا : تربيه البيوت غير تربيه الشوارع

فلازم كل واحد يشوف اللى يناسبه قبل اللى يحبه

وبالنسبه للاخت ( سهــــا ) انتى لازم تبصي لمستقبلك وتحاربيه بسلاحه بمعنى هو سابك فى وقت محنه عرفيه انه فقط شيء غالى كان ممكن يبقي من نصيبه بس لو كان راجل

ونصيحه اخ انسيـــــــــــــــــــــــــــــــــــــــه ومفيش حاجة اسمها مش هقدر

هو دلوقتى مش خسران حاجة انتى اللى خسرانه

هو مسيره يتعرف على واحده من الشارع

انما انتى ماشاء الله متعلمه جامعيه الف مين يتمنى زيك

انا اسف انى طولت لكن اللى زي دول بيخلوا منظر الشباب وحش مع ان فى شباب انا نفسي شاب اهوه انما بحب التعامل معاهم اوى

وربنا يوفقك ويفك كربك يا رب

بصى الحكايه دى عن تجربه منى انا شخصيا
حاولى تفتكرى كل حاجه وحشه شوفتيها منه والموقف اللى هو فى اتخله عنك فيه
ولما تيجى تفتكريه وتعيدى الذكرايات حاولى تشغلى نفسك بحاجه تانيه بسرعه وحاولى تتقربى من ربنا وهو اكيد هيسعدك
وابقى قوليلى ايه الاخبار
سلام يا قمر