هاي يا جماعة و سلام ليكو كلكو ...
انا هحاول اضيف موضوع كل فترة كده عن نوع من انواع الكلاب المعروفة و بعض الخدع لتعليم الكلاب بعض الاوامر ..
النهارده حتكلم عن الكلاب المعروفة عندنا باسم الكلاب الوولف .. هو ف الحقيقة مفيش سلالة اسمها wolf لكن هو بيطلق عليه كده عشان يشبه كتير الوولف في رسمة الوش و الملامح لكن اسم السلاة هو German Shepherd Dog انا حاطط صورة للكلب ال pure اللي هو مدخلش في سلالته اي تهجين من انواع تانية و علة فطرة النوع ده هو اصل انواع تانية كتير بمعنى ان تهجينه مع انواع تانية طلع سلالات جديدة موجوده دلوقتي ..
مواصفات الكلب الاساسة :-
الوصف :- هو من اذكى الكلاب الموجودة , قوي , يتميز بقوة العضلات , سهل التدريب و التعليم , وفي جدا للمكان الذي يعيش به و لصاحبة , نجح في اختبارات كتير خاصة بالشرطة و عشان كده بيستخدموه من زمان ف البحث او ف الحراسة .
اسماء اخرى :- wolf ,Alsatian, Deutscher Schaferhund
اللون :- يا اما كله اسود و ده بيتقال عليه black coat او داخل فيه بيچ او ابيض كله و ده نادر شويه بس موجود و اسمه البينو
الطول : من 22 الى 26 هىؤا
الوزن :- من 75 - 95 lb
التعامل مع الاطفال :- ذكي جدا و لطيف و لكن مش بيرحب بالاغراب كتير
التعامل مع الحيوانات الاخرى :- نعم لكن اذا كان مدرب
تقييمه ككلب حراسة :- جيد جدا
تقييمه ككلب مراقبة :- جيد جدا
معدل الاستيعاب ف التعليم :- سريع جدا , مطيع , سريع في حل المشاكل لدرجة انه بيفكر عشان يعمل حل تاني غير الامر اللي انت قلته
النشاط :- داخل البيت نشيط و خارجه ايضا
دورة الحياه :- حوالي 13 سنة
عدد المواليد ف المرة :- من 5 الى 10
بلد المنشا :- المانيا
الامراض التي ممكن الاصابه بها :- بعش المشاكل الجلدية لكن ف معظم الاحوال مش بتحصل مع وجود رعاية
و الصوة موجوده مع المرفقات للنوع ده
على فكرة النوع ده مناسب لمعظم الاغراض لانه بيتمتع بصفات كتير تناسب الهواة عشان بيبقى زى العجينة ف ايدك تقدر تستخدمه جوه البيت بحيث يكون متعامل جيد مع اهل البيت او ممكن تشريسه ليعمل ف الحراسة و المراقبة ...
يارب يكون الموضوع مسلي و ياريت لو محتاجين نوع معين من المعلومات اضيفه قولولي عليه عشان مش عايز اطول عليكو
المرة الجايه حنكلم عن كلب من الكلاب الصغيرة بتاعة البنات :tongue: مرة كلب كبير و مرة كلب صغنون و نوع المة الجايه اسمه Lhasa apso
باى باى