شعار شعبى جداااااااا!!!
تصحى الصبح بدرى عينيك مدروخة
كباية الشاى وتنزل تلاقى المواصلات مبوخة
تاخد أى حاجة هتوديك المكان
وفى عز الزحمة وفى وسط الدخان
هتلاقى شعب بيصرخ بس ساكت من زمان
اللى قاعد بيقرى الجرانين
واللى ايديه فى جيوب الموظفين
واللى نايم ومش عارفين ده محطته فين
وده شعب ساكت بردوا مش عارف حتى يروح لمين
ده شعار مميز للشعب بأكمله
حتى اللى عايز يبتدى مشوار مش هيعرف يكمله
سياسه أيه واقتصاد أيه كلام مين يتحمله
" يا عم واحنا مالنا متخلينا فحالنا
وكفية أوى علينا اللى بيجرلنا
خلينا ناكل عيش ونربى كويس عيالنا
وبلاش بقى منه وجع الدماغ ده قلنا"
امال احنا ليه عمالى يتسرق فى مالنا ؟؟؟؟!!!
ونااااس عمالى تتاجر بأحلامنا !!
وبلد حالها عمالى يتقلب قدامنا!!
ونرجع ونقول ميييييييين المسئول ؟؟؟؟!!!