هاى سلام ليكو كلكو ...
النهارده حوريكو ازاي تعم كابك امر sit او تخليه يقعد و يفهم امتى يعمل ده و الامر ده مفيد لما بيكون في زحمة و كلبك مش مركز و ممكن يعملك مشاكل فالامر ده بيخليه يركز و يهدى ...
الاول لازم ف اول مرة يكون الكلب مربوط في سلسلة مينفعش من اول مرة تعلمه من غير Leash عشان تتحكم فيه و بعدج كده لما تثق انه حيسمع كلامك ممكن تعلمه من غير سلسله ...
الفكره العامة ف التدريب هيا انك لازم تخلي الكلب ميكرهش الامر ده بمعنى انك لازم تخليه يعمل ده مش غصب عنه يعني مثلا طريقة انك تضربه لو منفذش حتخليه يكره وقت التدريب و مش حينفذ حاجة ..
الطريقه ::-
الاول اقف جنب الكلب و خلي معاك اي قطعة من اي اكل الكلب بيحبه و خلي معاك قطع صغيرة كتير ف ايدك عشان هتحتاجهم
ادي الكلب قطعة ف الاول من غير مايعمل اي حاجة عشان يعرف ان الاكل معاك انت و انت المتحكم ف ده
بعد كده ارفع السلسلة لورا شويه او شدها لفوق كانك بتخنقه (كأنك هه) هو رد فعل طبيعي من الكلب انه حيرجع لورا معاك شويه طبعا متشدهاش جامد مجرد بس انك ترفعا شويه و ف نفس الوقت قول بصوت واضح كلمة sit او اي كلمة تانية انت عايز الكلب يفهم بيها انه يقعد المهم تقولها بصوت واضح .
الكب مش حيفهم انت عايز ايه بس رد فعله الطبيعي انه هيرجع لورا شويه لحد ما يقعد ( يقعد مش ينام خالص ع الارض ) لحظة ما يقعد اديله بسره قطعة من الاكل حتى لو مقعدش غير ثانية واحدة .
كرر ده من الاول تاني مع تالت او رابع مرة و انت بتقول كلمة sit الكلب حيفهم انه بياخد الاكل لما بيعمل الحرة ديه ف حيبتدي يستناك تقول sit عشان هو يقعد و انت تديله الاكل ...
بعد كده ممكن يا اما تزود اشاره بايدك مع الامر الصوتي او ممكن اصلا بعد كده تشيل السلسلة خالص و تعوده انه يسمع الكلمة بس و ينفذ بعدها ...
المهم ف موضوع التعليم ده انك متكونش زهقان و انت ناوي تعلم الكلب حاجة لو حاسس انك مش فاضي ف الوقت ده بلاش تعلمه حاجة احسن عشان لو سيبته ف نص التدريب حيتلخبط و مش حيفهم منك اي حاجة و حتعيد من الاول .
كل يوم بعد ما تخلص التدجريب الاساسي و الكلب يفهم منك الامر معناه ايه حاول و انت معدي عليه ف اي وقت تنعش الذاكرة من وقت لتاني عشان مينساش بعد 3 او 4 ايام حيكون حفظه خلاص تقدر تعلمه حاجة جديدة الصورة المرفقة بتوضح الامر sit
بس خلاص LoL
يا جماعة انا مش واحد فاضي عشان كده بكلم ف الكلاب عشان البعض ممكن يفتكر كده ده انا و الله ف صيدلة و عندي امتحانات اليومين دول بس انا بحب الكلاب دي جدا هو اينعم كل الناس بتقول عليا مجنون :tongue: بس برده مفيش حاجة حتخليني ابطل حب الكلاب LooooooL مفيش حاجة هتفرقنا