المساعدة - البحث - قائمة الأعضاء - التقويم
عايز ابقـي روش طـحن ..... بتقول اية ...
EgyHat.CoM > المنتدى العــام > القـــسم العــام
Ahmedjustin
Dec 25 2006, 02:59 AM
بص بقى احنا لازم نعيش حياتنا ... آه زى الشباب بتاع امريكا كده .. وزى الفيلم اللى شفناه امبارح .. شفت الواد كان معلق كام مزة ... والا العربية اللى راكبها .. والا الموبايل اللى ماسكه ... دى الناس اللى عايشة يامان

طب ح نعمل ايه ؟

اضرب شعرك جيل زى تامر حسنى .. وانا ح اعمل سبايك زى بتاع عمرو دياب .. وجزمة كعب كباية .. وحتة سلسلة
جنزير محترمة .. وانسيال جلد

واشمعنى يعنى جلد ما تخليه دهب زى السلسلة ؟

افهم يا حمار دى موضة .. خليك روش وحديث ومتفتح كده ع العالم الخارجى .. انسيال جلد زى اللى لابسه ريكى مارتن فى الاغنية .. ركز بقى معايا .. بقولك ايه .. ولع الدبوس التانى خلينا نعرف نتكتك

ماشى

بيس يا مان ؟

بيس يا مان .. بس مش الحاجات دى محتاجة فلوس برضه .. والا انا بيتهيأ لى

سهلة يا مان .. مافيش اسهل من سرقة الموبايلات اليومين دول .. واهى الناس ماشية تايهة.. واى حد سهل تغفله

آه فكرة

بعد بقى ما نظبط المسائل .. ننزل بقى نتدنجل .. ونعلق مزز .. او نروش فى اى صالة ديسكو .. ونعيش يا معلم

ميه ميه ياريس .. بس انا برضه اتكسف امشى فى الشارع وانا عامل فى نفسى الحاجات دى

يا بنى آدم افهم .. انت ح تفضل طول عمرك متاخر كده .. ده اسمه نيو لوك يا مغفل .. وبعدين ما تنساش تبقى تميع وسطك شوية فى البيت مع نفسك على انغام روبى و هيفا ... علشان تبقى شب روش طحن .. هما البنات بيحبوا كده .. اسمع كلامى وسيبك من الواد احمد ده اللى ح ببوظلك دماغك .. صلاة ايه وصيام ايه وتعذيب ايه .. وده حرام وده حلال .. وسوريا وفلسطين والعراق

الا صحيح اليهود بقالهم 54 سنة فى فلسطين ؟

يا عم احنا مالنا اياكش يولعوا ف بعض .. يابا خلينا نعيش حياتنا .. والا انتا عايز تخش المعتقل؟

اخش المعتقل ليه ؟

هو كده .. ح تمشى ف سكة الدين والسياسة .. وتقعد تقولى ده صح وده غلط ... ح تبقى أخرتك فى المعتقل .. ح تبقى روش طحن .. ودماغك انضف م الصينى بعد غسيله .. ح تبقى حبيب الكل يا سافو .. اشرب .. انسى .. ما تفكرش ..ما تحلمش .. ما تحسش .. قضى يومك خليه يعدى .. والعمر كله يعدى




مش دا اللكام ال بيتقال اليومين دول
عليه العوض فيكي يابلد
يا شباب متعة الحياة ليست فى سلسلة وروشنة زى ما بتقولوا . اعمل لنفسك شخصية فريدة ومتميزة والا فانت لا تستحق الحياة التى خلقت من اجلها
moataz_sallam
Dec 25 2006, 05:59 AM
ياعم بقولك اية سيبك بس من الكلام ايلى بيتقال اليومين دول وولع الدبوس الثالث عشان نعرف نتكتك فى منتدانا الجميل دة هههههههههه

:confused: للأسف يابو حميد هو دة الكلام بتاع اليومين دول مع أنه زيادة شوية بس فى شباب حابب يعيش كدة

على رأيك عليه العوض فيكى يا بلد

أنا بس كنت عايز أسألك يا أحمد أبو حميد دة بدايئك بيها لو بدايئك لو سمحت قولى عشان مئلهاش تانى

مشكور والى الأمام .....
HamdyTOtti
Dec 25 2006, 01:49 PM
انا مش عارف اقولك اية الصراحة الشباب كلها عايش حياتة و هوة طبعا مش كلها اغلبيتها بس يا عم الحمد للة على اللى احنا علية الحمد للة عمرى ما شربت سجاير ولا اى حاجة من دول زى الشباب كلها دلوقتى كمان تقولك اية انا الحمد للة مابشربش سجاير حشيش بس ههههههههههههههههههه دة بجد واللة فاكر نافسو كدة اية
احمد انتة بتشرب سجاير ؟
Ahmedjustin
Dec 25 2006, 03:47 PM
بي النسبه للاخ
moataz_sallam
انت يا كبير تناديني زي منت عاوز برحتك وشكلك كده بتبح الخيل وانا بموت فيها برحتك زي من عاوز
بي النسبه لرد
hamdytotti

للاسف ايوه بشرب وبعمل كل اللي فات بس مين دلوقتي بيعمل حاجه وهيه عجباه ده فضي ربنا ميحكم علي حد بيه
HamdyTOtti
Dec 25 2006, 04:54 PM
شكرا يا احمد باشا على ردك الجميل و ربنا معاك و بدعيلك انك تبطلها يا باشا
hantoso
Dec 25 2006, 05:35 PM
موضوع جميل فعلا يااحمد وواقعي جدا

بس ياريت تبطل سجاير يابطل عشان صحتك وغير كده التدخين حرام ولا ايه!!!!!!!!!!!!
nervo
Dec 30 2006, 12:35 AM
على فكره يا احمد انا مبقتش اعرف افرق بين البنات والولاد خلاص
يعنى انا شوفت واحده مره معانا فى الكليه وكاوى شعره وعامله كاريه زى البنات
رجالة اخر زمن
شكرا على الموضوع
adelmix
Dec 30 2006, 04:12 AM
موضوع عسل وجميل
متشكرين ليك يا معلم
.