hantoso
Dec 26 2006, 11:39 PM
بجد اتخنقت
اكيد كلكوا تعرفوا مدينة العريش بس اللي مش اكيد ان حد فيكوا عاش هناك واتعامل مع اهلها انا عايشه فيها بقالي عشرين سنه بس انا اساسا مش من اهل البلد الاصليين انا مصريه مش عريشيه للاسف هو ده اللي بيتقال هنا في العريش بيقولوا علي اللي من المحافظات التانيه مصريين لكن هما عرايشيه وكان العريش دي دوله مستقله بالزمه مش حاجه تخنق :ermm:
عمري في حياتي ماحسيت وانا في البلد دي ان انا في مصر مفهاش روح مصر مفهاش حب وطيبة الشعب المصري لما بسافر اروح بلدي الاصليه طنطا او اروح القاهره او اي حته تانيه بحس فعلا ان انا مصريه لكن الاحساس ده بينتهي مجرد مابدخل العريش ناس تانيه وعالم تانيه عادات غير وطباع غير هما بصراحه متاثرين جدا بالعادات الفلسطينيه وخصوصا ان نسبه مش قليله من سكان اللبلد دي فلسطنين بالزمه مش حاجه تخنق.. :confused:
واللي انتوا متعرفهوش كمان ان شباب البلد دي لما بيروحوا التجنيد مجرد مابيعرفوا انه من العريش بياخد اعفا علي طول لان العرايشيه معروفين بتاريخهم الاسود مع اليهود من ايام الاحتلال وتعالي وانت تسمع حكاويهم من اهل البلد علي فكره الكلام ده قالهولي واحد من اهل البلد عاصر مراحل كتير فيها ده غير ان الست بالنسبه للراجل في العريش مجرد حاجه بيكمل بيها اثاث البيت سها انه يغيرها وسهل انه يجيب غيرها عشان كده نسبه الطلاق عاليه جدا فيها انا ليا زمايلي اصغر مني سنا مطلقات والله مطلقات بالزمه مش حاجه تخنق :confused:
انا ليا واحده صاحبتي من اعرق عائلات العريش عرايشيه طحن ارتكبت غلطة عمرها وحبت واحد مش عرايشي(مصري يعني) ولما طلب انه ييجي البيت عشان يتكلم مع والدها رفض بشده وقالها بالنص" انا احط ايدي في ايد واحد مصري بنتي مش هتطلع بره العيله" تخيلوا شوفتوا قد ايه احنا مضطهضين في البلد دي بالزمه مش حاجه تخنق ؟؟؟؟؟؟؟؟؟
علي فكره العريش بلد جميله جدا وهاديه جدا وجوها تالت انضف جو علي مستوي العالم بس اهلها عايزين يتغيروا كتير
بزمتكوا ليا حق اتخنق ولا لا............................................
karem
Dec 26 2006, 11:51 PM
ربنا يكون فى عونك بجد ولازم نحاول نعمل عملية تثقيف للناس دى ونعرفهم انهم مصرين مش كيان مستقل ومصر كلها كيان واحد مش مناطق مناطق
Ahmedjustin
Dec 27 2006, 12:06 AM
احلي حاجه في العريش تقريبا انتي
العريش اعتقد انها متنفعش لحد يجي يعيش فيها(الا اهلها الاصليين)الا عشان مصيف وهيه مصيف حلو موووووووووووووت بي شهادة الجميع
moataz_sallam
Dec 27 2006, 05:26 AM
ربا يكون فى عونك يا hantoso
فعلا حاجة تخنق أنى أعيش فى بلدى ومش مرتاح
ربنا يهدى أهل هذة البلد الجميلة مع أنى مرحتهاش قبل ذلك بس بسمع أنها جميلة وجوها رائع
HamdyTOtti
Dec 27 2006, 01:04 PM
بأمانة انا اول مرة اسمع كدة منك و بجد حاجة غريبة جدا العريش طول عمرى بسمع انها من اجمل البلاد يعنى بقى كدة انا لو رحت العريش ابقى اجنبى بجد ربنا يكون فى عونك هانتوسو بس طلما فى ناس زيك فيها انشاء اللة تبقى بلد تانية قريبا
IsLaMMoUsSa
Dec 27 2006, 01:23 PM
ربنا معاااكي يا بنتي والله....العاالم دي منين ...امال مكتووووب في بطاقه كل واحد فيهم ايه مصري ولا يهودي!!...العالم دي بامانه عايزه غسيل مخ...
hantoso
Dec 27 2006, 03:58 PM
فعلا ياجماعه العريش بلد غايه في الجمال انا بحبها اوي عشان كده نفسي ان اهلها يتغيروا يفهموا انهم كيان لايتجزا من الكيان المصري ودي دعوه مني ليكوا عشان تيجوا تزوروها
HamdyTOtti
Dec 27 2006, 04:03 PM
الف شكر ليكى و انا كنت جاى الصيف اللى فات ممكن اللى جاى انشاء اللة
hantoso
Dec 27 2006, 04:05 PM
تنور ياحمدي وليكوا عليا اعمل لكم بروجرام هايل عشان تشوفوا احلي اماكن في العريش
HamdyTOtti
Dec 27 2006, 04:21 PM
بجد مش هزار
amrello
Dec 27 2006, 04:32 PM
هلا شباب
ادعو الله ان يكون فى عونك
واتمنى ان تكون الحياه بالعريش وكما كانها بقعه من بقاع مصر الاصيله
بشعبها واهلها
ولكن اعتقد ان هذه لن يحدث الا بعد التثقيف و التوعيه لاهل البلد
واتمنى ان يكون الموضو ملفت للانتباه لكى يعمل اى من هو قادر
على توعيه الاهل وهكذ
واشكرك جدا على المعلومات الهامه هذه
واتمنى لكى التوفيق دائما