mayoy1010
Jan 20 2007, 11:40 PM
اولا هى لعبة حلوة قوى عجبتنى موووووت يعنى قلت اجيبهالكم
اسمها ازاى تتصرف لو انت فى الموقف دة
وهى عبار عن انا مثلا ادخل اقول موقف واللى بعدى يدخل يرد علية ويحط موقف من عندة
يعنى مثلا موقف
ازاى تتصرف لو واحد او واحدة صحبتك شارى حاجة جديدة وبيوريهالك قمت انت قايلة واو حلوة قوى قامت مكسورة تعمل اية ساعتها
فهمتوا اللعبة يارب تعجبكم
على العموم اللى بعدى يجاوب على السؤال دة ويحط موقف تانى اوك
سلاااااااااام
HamdyTOtti
Jan 20 2007, 11:44 PM
اللعية جامدة جدا يا ميوى
يا نهار ابيض انا طبعا مش هعمل حاجة وشى هيحمر اوى وهتكسف موت طبعا
اللى بعدى
لو انتة شفت اكتر مغنى بتحبة هتعمل اية اول ماتشوفة
khokhaa
Jan 21 2007, 12:44 AM
هو انا طبعا مش هعمل حاجه ولا هجرى عليه واترمى عليه ولا الهبل ده
بس انا لو شفت عموره حياتى انا فعلا ممكن اتجنن
ميرسى ميويه على اللعبه الحلوة
اللى بعدى نفس السؤال
zo000m
Jan 21 2007, 12:49 AM
هصر على انى اتصور معاه واخد منه اتوجراف من نجمى المفضل اللى بحلم بيه .........؟؟؟
لو دخلت امتحان ومش عارف فى المادة ولا كلمة تعمل ايه ؟؟
khokhaa
Jan 21 2007, 01:25 AM
ولا حاجه هخرج من الامتحان
(حصلت قبل كده :wub: )
لو ماشى \ ماشيه فى المطر مع حبيبتك \ حبيبك وفجأة هوووووووووبببببببببه اتزحلقت وبقيت فى الارض تعمل ايه؟
mayoy1010
Jan 21 2007, 03:35 AM
حشدة معايا هو انا اتحرج لوحدى يعنى
ههههههههههه
انت بقى تعمل اية لو انت ماشى فى الشارع واتلاقيت واحد او واحدة مجنونة وقفتك فى الشارع علشان تتكلم معاك ولو مشيت حتبهدلك وحتشتمك وتتجن عليك؟؟
ههههههههههههه
HamdyTOtti
Jan 21 2007, 03:42 AM
هههههههههههههههههههههه حصلت معاية
كنت رايح الاستاد انا و اصحابى و افتكرتنى مش مصرى بس شكلها اية ماقلكيش و ماسكة خشبة فيها مسامير من وراها و انا مش شايفها
وقفة قدامى تقولى اهلا بيكو فى القاهرة و الجيزة الجيزة وجيزة و كلام كدة كتير لقيت اصحابى الاتنين كل واحد بعد عنها بخطوتين كدة
و هوبا عدو الشارع الناحية التانية و انا واقف لوحدى ببص كدة لقيت الخشبة بتتسحب قلت اة شكلها هتدينى على دماغى روح راجع سنة لورة و طلع اجرى على الناحية التانية من الشارع و جريت انا و صحابى ههههههههههههه بس الحمد للة عدت على خير
اللى بعدى نفس السؤال
khokhaa
Jan 21 2007, 04:50 AM
هههههههههههههههههه
هو انت دايما مسخرة كده يا حمدى
انا برده هطلع اجرى
اللى بعدى:
تعمل ايه لو ماشى فى الشارع وفجأة لقيت واحد ظريف لسعك حتت قلم على قفاك؟
HamdyTOtti
Jan 21 2007, 04:53 AM
ههههههههههههه انتوا بتعملو معاية كدة لية
همسكة انيمة على الارض و اعد الطش فية
اللى بعدى
تعمل اية لو انتة ماشى و عربية جت خطفتك
mayoy1010
Jan 21 2007, 09:03 PM
ههههههههههههههه
حاجة بسيطة حيغم عليا ولو فوقونى حموت نفسى قبل مايحاولوا يقربوا منى
تعمل انت اية بقى لو انت ماشى فى الشارع والبنطلون او الجيبة اتقطعت منك قطعة كبيرة قوى بقى ؟
وقدامك مشوار عقبال ماتلاقى تاكسى ولا حاجة
ههههههههههههه
HamdyTOtti
Jan 21 2007, 09:07 PM
ههههههههههههه حرام عليكوووووووووووووووووووو
و انا مش بلبس جيبة بس البنطلون بقى
همسكلى اى واحد اثبتة فى هدومة هههههههههههههه
اللى بعدى نفس السؤال
amedo_dolaviga
Jan 21 2007, 09:19 PM
حصلت مع واحد صاحبي قبل كده
ولو حصلت معايا هعمل زي ما عمل
هاخلع الجاكت بتاعي
والفه حوالين وسطي من الكم عشان اتصرف
اللي بعدي
تعمل ايه لو انت ماشي في الشارع ولقيت شويه عيال صغيره اوي طلعوا يجروا وراك ويقولوا .....العبيط اهه ....العبيط اهه؟؟
mayoy1010
Jan 22 2007, 03:17 AM
حوقف تاكسى واجرى بية
هههههههههههههههههه
اللى بعدى تعمل اية لو كان وراك معاد مهم قويييييييييي ونزلت الشارع ورحت المكان اللى فية المعياد وفجاة بتبص اتلاقيت نفسك واقف بفردة جزمة مختلفة عن التانية؟
ههههههههههههههههههه
amedo_dolaviga
Jan 22 2007, 03:28 AM
هاقابل الشخص ده واخليني باصص في عنيه ومش هخليه يبص عليا خالص واقعد الفت نظره بحاجات تانيه ........لحد ما اخلص واروح بسرعه
اللي بعدي
لو انت كنت ماشي مع خطيبتك وحد عاكسها ......هتعمل ايه؟؟
khokhaa
Jan 22 2007, 10:27 AM
هو انا بنت يعنى مينفعش امشى مع خطيبتى
هههههههههه
بس انا هقلب السؤال وهرد عليه
وبما ان مافيش بنت بتعاكس ولد يبقى نقول ان هو اللى بيعاكس برده
لو كنت مع خطيبى ولقيته بيبص على بنت همسك كبايه الميه اللى على التربيزة وادلقها عليه
وهسيب سؤالك للى بعدى بقى بس يارب يطلع ولد المرة دى
HamdyTOtti
Jan 22 2007, 03:28 PM
بص هقولك حاجة لو اللى معاية بتحبنى بجد مش هترضى اصلا انى اروح اتخانق فأنا هروح اتخانق و لو هية مسكتنى و رفضت انى اروح هعرف انها بتحبنى لو سابتنى يبقى هية مش بتحبكم
اللى بعدى
لو انتة ماشى مع حبيبك او العكس و رحت هووووووووة مدلوق فى طينة هتعمل اية .؟
هههههههههههههه بتخيل منظرك يا خوخة
mido_br
Jan 23 2007, 02:17 AM
[glow]بتقولى [/glow]
................همشي واسيبه
هقله نظف نفسك
وابقى حصلني
بلاش فضايح
بس لو حبيبي ده ز ي القمر واسمه محمد عمري مسيبه هرميه في النيل هحاول نشوف تكسى او نشوف العربية او اقرب حاجة يسبقى شكلنا كويس منغير ما نتبهدل ف الشارع
تم تعديل المشاركه نظرا لعدم التزامها بقانون اللعبه
mayoy1010
Jan 23 2007, 06:59 AM
مفيش سؤال اوك اسال انا
تعمل اية لو انت نايم بقى وفى عز نومك
الله بقى والنووم جميل
وبتحلم حلم جميل قوى بقى
فجأة
اخوك دلق عليك كباية ماية بتلج على وشك بقى وهدومك واتغرقت مية
وبيقولك قوم شغلى التلفزيون
حتعمل اية؟؟
SeWeY
Jan 23 2007, 07:08 AM
هههههههههههه هيبقى يومه اسود لو عملها
الى بعدى نفس السؤال
و شكرا يا ميومه على اللعبه معلش جت متاخره شويه :$
mayoy1010
Jan 23 2007, 07:18 AM
على اية بس يا sewey وشرفت اللعبة بمشاركتك
وحسيب السؤال للى بعدى
amedo_dolaviga
Jan 23 2007, 08:55 AM
ينهار اسود
دي لو حصلت يبقى كده هو لعب في العداد بتاعه
عداد عمره يعني .....دانا اقوم اقتله ......وهما عارفين كده كويس في البيت ومحدش يقدر يعملها .......عشان انا الكبير
بس بصراحه ...........انا بعملها في اخواتي الصغيرين كتير .....هههههههههههههههههههههههههههه
اللي بعدي
لو انت بتتفرج على ماتش الاهلي والزمالك وجت هجمه خطر لاحد الفرقتين وفجأه النور قطع
تعمل ايه؟
khokhaa
Jan 23 2007, 12:18 PM
ولااااااااااااااااااااااا حاجه عشان اصلا مش بحب الكورة :tongue:
هسيب سؤالك للى بعدى
بس ياريت بعد كده اسئلتك تبقى تاخد بالك ان فيه بنات
اسئلتك كلها للولاد اعمل انا ايه يعنى
amedo_dolaviga
Jan 23 2007, 12:26 PM
خلاص يا حاجه
عشان خاطرك هغير السؤال
خليه
لو انت كنت قاعد بتذاكربالليل والنور قطع وكان وراك امتحانالصبح ولسه مكنتش مذاكر كويس ومحتاج لسه تذاكر ........هتعملي ايه؟؟
khokhaa
Jan 25 2007, 02:34 PM
ليه كده يا احمد
دايما جاى ع الجرح كده :sad:
هروح اذاكر عند صاحبتى
اللى بعدى نفس السؤال
HamdyTOtti
Jan 26 2007, 08:33 AM
هذاكر على نور الشامعة عادى
اللى بعدى
لو عمرو دياب اودامك هتعمل فية اية ؟
nervo
Jan 29 2007, 10:48 PM
3ady wala 7aga
ely ba3dy
lama 7ad yegra7ak betetsaraf ezay
moataz_sallam
Jan 30 2007, 12:39 AM
لو غالى عليا أكيد حعاتبه فى وشه لو كان عادى حسيبه و أغير ماملتى معى وأشوف رد فعله من هذا التغيير
لو مش فارقة معاه لن أتعامل معه ثانية
بس فى كلا الحالتين مش حردها لحد بجرح
اللى بعدى لو واحد قالك فى وشك أنت شخصية لا تطاق و كان عزيز عليك ماذا تفعل معه؟؟
HamdyTOtti
Jan 31 2007, 07:39 PM
هعيط الصراحة لو بحبو اوى و هبقى مدمر من جواية و مش هعملو حاجة هقولو ربنا يوفقق
اللى بعدى
لو انتة ماشى و لقيت واحد جة راح جايب ايس كريم و دبو فى وشك و طلع يجرى هتعمل اية ؟
moataz_sallam
Feb 1 2007, 12:47 AM
حاكل أيلى فاضل من الأيس كريم!!
ههههههههه
كنت ماشى مع خطيبتك و شباب زاولك مارد فعلك أنت أو رد فعلك أنتى؟؟
HamdyTOtti
Feb 1 2007, 01:59 PM
ميلودى تتحدى الملل هيشتغل ساعتها بقى
اللى بعدى
لو انتة ماشى و واحد راح جية كلك نص و جرى
khokhaa
Feb 7 2007, 03:40 AM
هو انا بصراحه ياحمدى مش فاهمه يعنى ايه كلك نص دى؟
amedo_dolaviga
Feb 7 2007, 09:54 AM
ولا انا
حمدي هيس خالص ياجماعه
اللي بعدي
لو انت كنت ماشي وبعدين اتزحلقت ......زي ما حصل لخوخه كده ...تعمل ايه؟؟
karem
Feb 7 2007, 03:47 PM
هقوم واعمل انى محصلش حجاة وابعد عن المنطقة بسرعة
الى بعدى لو جالك حد متتوقعش خالص انه معجب بيك ولا ليه فى الحب وقالك انا معجب بيك تعمل ايه
amedo_dolaviga
Feb 7 2007, 03:57 PM
هأستغرب طبعا ووشي هيحمر جدا زي العاده هتلخم وهاسكت
وافكر شويه لو انا مرتبط هحاول ارفض باسلوب رقيق عشان مجرحش حد
انما لم مش مرتبط هافكر في الموضوع بجد وهأخد قرار
اللي بعدي تعمل ايه لو نمت وصحيت من النوم لقيتك في بلد تانيه متعرفش لغتها ولا معاك فلوس ولا حاجه ؟؟
karem
Feb 7 2007, 04:21 PM
يسىم عز الطلب هضيها هبل وضحك وامثل عليهم
الى بعدى لو صحيت لقيت نفسك متجوز وعندك 3 عيال غير امهم والشتا داخل بقى يحلو
ehahe
Feb 22 2007, 07:11 PM
نفس اجابتى قبل كده
حخلع جوزى وانزل ضرب فى العيال
اللى بعدى
لو قعد جمبك فى المواصلات راجل مجنون وقعد يتكلم معاك حتعمل ايه
amedo_dolaviga
Feb 24 2007, 04:06 AM
حأبص به كده ومش هارد عليه طبعا يقوم يتجنن اكون نزلت في المحطه واسيبه يجنن الاتوبيس
اللي بعدي
تعمل ايه لو انت كنت عازم خطيبتك وجيت تحط ايدك في جيبك لقيت المحفظة اتسرقت ؟؟؟؟؟؟؟؟
ehahe
Feb 24 2007, 07:52 PM
بما انى بنت حقول لخاطبتى ولو هى بنت ناس حتدفع
ولو مقدرتش واتكسفت حتصل بحد من اصحابى اللى ساكنين قريب
السؤال للى بعدى
لو انت ولد وجه خطيبك وقعد يبص على بنت زى القمر ونسى ان هو قاعد معاك حتعمل ايه
SOOOHA
Mar 1 2007, 09:27 PM
هديله بكوباية مية متلجة فى وشه وهسيبه واقوم هههههههههههههه
اللى بعدى تعمل ايه لوانت ماشى فى الشارع وفجاة حد ادالك على قفاك وجرى
amedo_dolaviga
Jun 11 2007, 09:02 PM
ليه ؟؟؟؟ يعني متحصلش اساسا
الا لو واحد عاوز ينتحر يعمل كده ...ازاي يلاقي واحد طويل عريض ماشي في الشارع ويعمل كده
هموته طبعا
وان كان على الجري فانا هجيبه لاني مش بطيء يعني
اللي بعدي تعمل ايه لو صحيت من النوم لقيت نفسك كبرت 20 سنه وبيقولولك انت كنت في غيبوبه ولسه فايق بعد 20 سنه ..لقيت الدنيا اتغيرت بقى وتطور وكده تعمل ايه؟
rerezak
Jun 12 2007, 11:32 PM
هكون ساعتها مش مر كزة واقعد شوية كدة علي ما استوعب الموضوع
واحاول اقنع نفسي اني بحلم ومش حقيقة
ايه رد فعلك لو حصلت بينك وبين خطيبتك مشكة وبتزعقوا لبعض في الشارع امام الناس
وهوب ضربتك بالقلم وشتمتك اقدام الناس؟
لعبة جميلة اوي شكرا"ليكي ياميوي
soma85
Jun 13 2007, 03:46 PM
لعبة حلوة يا ميوى
أنا عن نفسى لوخطيبى عمل كده هتنرفز جدا وأبصله كده بصة حب وحنان
وأروح هوب ضربه قلم وهوب القلم التانى
وأسيبه وأمشى ومأ عبرهوش تانى
لو ماشى فى الشارع ورايحة فرح ومتشيكة وعربية المجارى كانت معدية وحمتك تعملى أيه ؟
aboud_500
Jun 13 2007, 06:00 PM
اروح تانى واستحمى والبس من اول وجديد او مرحش الفرح
تعمل او تعملى اية لو كنت راكب تاكسى وقولتلوا مكان وطلع من طريق تانى غير مكانك خالص مثلا على الطريق وقلتلة نزلنى مرديش وقالك اعد ساكت خالص
ehahe
Jun 13 2007, 06:11 PM
يعنى خطفنى مش كده
حقعد اضحك واصضحك لحد ما يتنرفز ويقولى بتضحكى على ايه حقوله علشان انت سبت كل الينات الحلوين اللى ماشين وخطفتنى وخانت صعبان عليا اوى علشان تودى نفسك فى داهيه علشان واحده زىى واقعد اضحك لحد ماينرفز ويرمينى بره التاكس
اللى بعدى تعمل ايه لو كنت فى فرحك والعريس او العروسه مش جت وسبتك لوحدك
soma85
Jun 14 2007, 03:13 AM
حأعمل فرح لوحدى وأسلم على المعازيم وأرقص معاهم وأقضى الفرح
بس لما أروح البيت حأفتكر وأزعل بس شوية صغيرين عشان هو الخسران
تعمل أيه لو لقيت حد غلس أوى جالكم زيارة ومش عارف تفافص من ولو قعدت معاه شوية حيجيلك أنهيار عصبى؟
rerezak
Jun 20 2007, 11:40 PM
ياااااااه ده تبقي حاجة رخمة خالص وخاصة اني مش بحب اقعد مع حد انا مش بطيقة
بس ساعتها هيكون غصب عني لازم اقعد وارحب به
تعمل ايه لو جي واحد صاحبك اوي طلب منك سلفة خمسين جنيه وانت مش في جيبك غير خمسين جنيه؟
ehahe
Jun 20 2007, 11:53 PM
حديله 45 واقوله معلش وممكن اقوله يستنى واستلف من حد تانى
اللى بعدى
لو انت قاعد فى مواصله ولقيت واحد قاعد وراك وعنده برد وشغال سيمفونيه سنيف واصوات غريبه
حتعمل ايه؟؟؟؟؟؟؟؟؟؟؟؟؟؟ظ
dany
Jun 23 2007, 02:51 AM
إييييه هبينله إنى مضايق مللى بيعمله وأحوال أتكلم معاه بطريقه متجرحش مشاعره
اللى بعدى هتعمل إيه لو إنت كنت لوحدك فى البيت ودخلت الحمام وربنا فتحها على الآخر والحمد لله وجه واحد غلس
وآعد يعمل سينفونيه بجرس الباب هتعمل إيه عشان الموضوع ده بيحصلى كتييييييييييييييييير أرجو الإفاده
هههههههههه
amedo_dolaviga
Jul 9 2007, 12:44 PM
هاعمل ولا كأني سامع ..
اللي بعدي .....تعمل ايه لو كنت رايح مشوار مهم ومتأخر وسواق الميكروباص عمال يتلكع بطريقه رخمه وكل شويه يقف
ويشرب شاي وكده ويروح يحط بنزين والحركات الرخمه بتاعة السواقين دي؟؟؟
الشاب الشقى
Jul 10 2007, 04:42 AM
انزل اشوف مواصلة تانية
تعمل ايه لو انت ماشى ف الكلية ولقيت واحدة زى القمر جت وقفتك وسالتك انت مرتبط ؟