• الجدع اللي يقدر يكسره:
بعد 8 شهور كاملة , توقف الرقم القيـاسي الخاص بعدم حصول الزمالك على ضربات جزاء بصفارة مصريه , و انا ادعو كل الاندية فالعالم انها تنافسنا في كسر الرقم ده !!
• تحدي برتغالي :
جوزيه لما قلع الجاكيت و بعدين القميص و كنا بنستناه يقلع الـبنطلون الراجل مكانش قاصد يجرح مشاعر اي حد ده كان عاوز بس يقول للمسئولين الراجل فيكم يطلعلي !!!
•وليـد عبد اللطيف :
بعد ما شكرناك و قلنالك الزمالك بيتك , انا حريص النهارده اقلك كلمه يمكن تنفعك مع الدراويش, يا كابتن في كرة القدم الفرصة تُنتزع انتزاع مش بتعطي او بتطلب طلب !!
• طه اسماعيل:
لما جمهور الاهلي صفق لجوزيه دي مش حركة ناتجه عن سوء توعيه يا شيخ طه , دي مباديء مترسخة و متكرره انهم متعودين يقولوا "آه" لاي حاجه حمرا و بس كانت صح او غلط مش مهم ؟!
• ترتيبات حمرا جديده:
المفروض بعد كده اتحاد الكورة يعمل ديزاين جديد لتذاكر ماتشات الاهلي و يضيف عليه ملاحظـة : للكبار فقط !!!اما التلفزيون فصار ضروري يذيع ماتشات الاهلي تسجيل و بعد منتصف الليل و مفيش مانع انها تتشفر دي برضه اخلاق اطفالنا !!
• شوبير و المكافأة غريبة :
ما هي جنسية المدير الفني للاهلي؟ ده كان سؤال في برنامج الرياضه اليوم بعد الفعل الفاضح لجوزيه , هي دي العقوبة يا شوبير ؟
•حازم إمام:
تجديد العقد بالصوره المشرفه دي ده تحدي ليك مش مكافأة خد بالك يا عووو
• النحس التركي:
ريز سبور بيخسر في اول مباريات ابراهيم سعيد مع الفريق , و لسـه ياما هو انتوا شفتوا حاجه ده هيما و الاجر على الله !!!
• جمهور يهودي :
جمهور الزمالك في لقاء الاوليمبي الاخير اتعامل من الامن و من جمهور الاوليمبي اللي كان معظمه اهلاويه على انه جمهور يهودي , ضرب و اعتقال و تهديد , و للاسف متكلمش اي صحفي عن الافعال دي, ليه المعاملة دي ؟!!
• علاء صادق :
مش غريبة يا كابتن لما حكم سابق فاشل زي حضرتك يبقى مركز على نقد حكم عالمي زي جمال الغندور كل اسبوع ؟!! الاغرب بقى انك تتهم محمود سعد انه شتم الحكام و ان تقول ان جوزيه "اضطر" لخلع ملابسه !! مكنتش اعرف ان الفشل بيعمل عند صاحبه عقده بالشكل ده
• قانون فيلجولي سكسوني
احد مواقع الانترنت اللي بتعتبر نفسها بتفهم كوره اخترعوا قانون تسلل جديد عشان يخلوا هدف الزمالك اللي اتلغى تسلل و لما الموضوع انكشف شطبوا الكلام من غير ما يكتبوا الحق .