monyy
Aug 13 2007, 08:39 PM
معلش يااسراء بوكرة نقعدهم كلهم
مش عارفة اللعبة بقت زحمة كدة ليه اول لما انتى قعدتى :s
يلا سؤالى بقا
ناوية تعملى ايه فى اللى كانو السبب وقعدوكى؟
ehahe
Aug 13 2007, 09:48 PM
إقتباس
حسبي الله ونعم الوكيل ماصدقوا بنت تقعد علي الكرسي
اسراء حبيبتي ربنا معاكي لو عايزه اي مساعده في الاجابه عن الاسئله انا معاكي
وان شاء الله هتتردلهم قريب حزب البنات لسه بخير
ربنا يخليكى ليا ياسالى ياقمر
شيلاكى لوقت عوزه لما كل واحد يجى وياخد نصيبه متنسنيش فى الاسئله بتاعتهم
ehahe
Aug 13 2007, 10:21 PM
بما إنى عارف إنك مش هترحمينى خالص بعض ما تخلصى مدتك وعارف إنك هتخلينى
أروح أنتحر فأسألك أنا كمان يللا مش معنى أنا
ماشى يادانى بس مين قالك انى حعمل كده ده انا طيبه خالص متتخدش من انيابى ولا الشرر اللى فى عينى
1- هل تجدى لحياتك معنى ؟ وما هو هدفك الأسمى ؟
حاليا نص معنى بس لسه بقى ححق اللى عايزه اعمله ويكتمل المعنى
وهدفى انى اعمل حاجه تخدم بلدى وترضى ربى
2- يوم فى حياة حبيبة الكل ههههه إهاهى يبتدى ......... وينتهى ...........
حاليا بصحى اخد شاور وبعدين امسك شيمو اغلس عليها وافطر واذاكر قبل الكورس بعدين ننزل تروح الكورس وارجع عل النت وبعد ماقوم اقرأشويه وانام 8
3- أكتر فيلم أجنبى شوفتيه ونرفزك قوى وأه فيلم عربى كمان
كان فيلم رعب والمشكله مش انه يخوف بس كان مقرف اوى وامعاء ودم وحاجه مقززه جدا جدا
الافلام العربى 3\4 تنرفز بس اخرها لحمه راس كنت من اسسبوع بتفرج شفت كام مشهد حسيت بعته
4- كفاية مفيش أى حاجه أسألك عليها بصراحه هما سألوا على كل حاجه عمتا
ماقولنا كده قالوا اطلعوا من البلد
بذمتك مش فى الفتره دى كنت مسكت حد من الولاد ودبحته بالاسئله
ههههههههه
وألف مبروك سى يا لاتر يا إيفر نيفر
الله يبارك فيك
دانى احب اقولك على حاجه واحده بس اى دونت كير
ehahe
Aug 13 2007, 10:33 PM
حبيبة قلبى يا اسراء دول ما صدقوا
شفتى يانور "وش بيعيط"
معلش ليكم يوم انتو كمان وهنوريكوا ( وراكى رجاله يا اسراء متخافيش )
لا يانور ورايا بنات كل بنت بميه راجل
ههههههههههههههه
المهم بقى بما انك قعدتى للاسف هضطر اسألك هما 3 اسألة بس
ولا حتى 10 اى بنت ليها مطلق الحريه "وش بيطلع لسانه للولاد"
1/ أجمل يوم فى حياتك كان امتى ؟ ولا لسه مجاش ؟ ( ومتقوليليش لما نجحتى انا عايزه حاجات منعرفهاش )
والله ده كان اجمل يوم فعلا
2/ علاقتك بربنا راضيه عنها ولا محتاجه زقه ؟
الحمد لله بس طبعا اتمنى انها تبقى اقوى هو حد يطول
3/ طموحك ايه فى حياتك عامة ( يعنى الحياة العلميه والاجتماعيه وكله ) ؟
العلميه اخد الدبلومه واشتغل وابقى مدرسه شاطره ومؤثره والاجتماعيه نفسى نفضل انا واخوتى مهما كبرنا مع بعض محدش يفرقنا بدا
واعمل حاجه كويسه زى محو الاميه او حاجه كده
بحبك يا احلى اسراء وربنا يوفقك يارب وتلاقى كل اللى بتتمنيه فى حياتك
والله يانور وانا بموت فيكى اكتر منك
اللهم آمين وانتى كمان يارب
ehahe
Aug 13 2007, 10:49 PM
معلش يااسراء بوكرة نقعدهم كلهم
مش عارفة اللعبة بقت زحمة كدة ليه اول لما انتى قعدتى :s
معلش يامونى والله ماعارفه بس حنقول ايه ربنا كبير
يلا سؤالى بقا
ناوية تعملى ايه فى اللى كانو السبب وقعدوكى؟
بصى واحد واحد كده ورا بعض ده يقوم ده يقعد
وكل يوم حسئل مرتين ده حد ادنى وحتى اللى رشح ومسألش لان العقاب نزل خلاص
نفر نفر حخليهم يمنوا بس يبقوا فى حزب البنات وساعتها حنرفض انضمامهم
tgouidah
Aug 14 2007, 01:09 AM
بجد بشكرك على ردك يا إسراء
وعشان أنت صعبتى عليا موش فى تانى أسئلة
كفاية الناس اللى ماصدقت ههههههههههههههههه
ehahe
Aug 14 2007, 01:48 AM
هههههههههههههههههههههههههههه
عادى ياطاهر كل واحد حتتردله متخفش
انا حقانيه اوى على فكره
amrello
Aug 14 2007, 10:54 PM
هاى اسرااااااااااااااااااااء :):)
عامله ايه يا عضوة الجبلايه ؟
وايه اخبار الكرسى معاكى؟
وكرسى اللى جابوهولك ماله مش عاجبك ولا ايه :P:P ؟؟؟
طيب ندخل بقى على الاسئله الجامده
نلحق نطلع منك بحاجه قبل اما تخلعى :):):)
سنك و تاريخ ميلادك ؟؟؟ ياريت لو صوره من البطاقه الشخصيه احسن :P:P:P
طولك و وزنك ؟؟؟
عدد اخوتك وترتيبك وسنهم؟؟ ياريت البطاقه بتاعتهم ههههههههههه
ما هى هوايتك ؟؟؟
ما هو اول موضوع لـ اسراء؟؟؟
الموضوع ده يمثلك ايه ؟؟؟
ايه احلى موضوع قراتيه فى المنتدى ؟؟؟
اوحش موضوع قراتيه ؟؟؟
ما هو اخر كتاب قرئتيه؟
ما اكثر الاشياء التى تؤثر فيكى ؟
متى تقولين كلمه انتهى ولن اكمل ؟
هل أنت سريعه الارضاء ؟
ماذا تمثل لكى كلمه الوطن؟
ايه اكتر حاجات اخدتيها من مامتك ؟ ومن باباكى ؟
ومن اقرب اخواتك لديكى ؟
أيه الكلمة اللي بتحبى تسمعيها؟
لو ارتبطتى بواحد وقالك ياانا ياشغلك حيكون ايه موقفك؟
لو ارتبطتى بواحد واهلك رفضوا حتعملى ايه؟
ايه اكتر لعبه بتحبيها فى الالعاب؟
لو قلتلك
عضوه تستحق الشنق؟
القتل؟
الخنق؟
الذبح؟
متنسيش انى قيل عضوه مش عضو ( فاكره انتى الكلمه ديه ) :):)
فيلم عربي قديم
فيلم عربي جديد
فيلم أجنبي
ممثل عربي
ممثلة عربيه
ممثل أجنبي
ممثلة أجنبية
مطرب قديم
مطرب جديد
مطربة قديمة
مطربة جديدة
مطرب أجنبي
مطربة أجنبية
أغنية قديمة
أغنيه جديدة
وللاسئله بقيه
هههههههههههه
honeyqueen
Aug 14 2007, 11:05 PM
حسبي الله ونعم الوكيل
SeWeY
Aug 14 2007, 11:30 PM
شوفتى يا اسراء انا مش هسالك المره دى
كفايه عليكى الشباب دى :)
ehahe
Aug 15 2007, 01:35 AM
هاى اسرااااااااااااااااااااء :):)
عامله ايه يا عضوة الجبلايه ؟
الحمد لله
بتنطط وباكل موز
وايه اخبار الكرسى معاكى؟
الحمد لله بس فيه مسمار طالع
وكرسى اللى جابوهولك ماله مش عاجبك ولا ايه :P:P ؟؟؟
امم
لا طبعا اى حاجه من بليزى حلوه
طيب ندخل بقى على الاسئله الجامده
نلحق نطلع منك بحاجه قبل اما تخلعى :):):)
ههههههههههههه
متخفش حخلع وحتيجوا واحد واحد ورايا
سنك و تاريخ ميلادك ؟؟؟ ياريت لو صوره من البطاقه الشخصيه احسن :P:P:P
هههههههههههههههههه
21 و3 شهور و22 يوم
23\4\1986
رقم البطتقه بقى مش حفظاه
طولك و وزنك ؟؟؟
168 ووزنى بلاش فضايح
عدد اخوتك وترتيبك وسنهم؟؟ ياريت البطاقه بتاعتهم ههههههههههه
هههههههههههههههه
مالك ياعمرو انت زعلان منى ولاحاجه
اسماء 22 سنهو3 شهور و14 يوم بكالوريوس تجاره
شيماء 19 الا 3 شهور 2 اثار
ما هى هوايتك ؟؟؟
علرف السؤال ده تقريبا كتبته 5 مرات قبل كده
ارجع شوفه بقى فوق
ما هو اول موضوع لـ اسراء؟؟؟
موضوع اسمه اذهب
الموضوع ده يمثلك ايه ؟؟؟
والله ده خاطره من ضمن خواطرى المبتذله وانا لما بضايق بكتب بس بتخيل الحاجه اللى مزعلانى لو كدب يبقى اكتب على راجل
لو خيانه يبقى كأنها بنت هبل بعيد عنك بس فى ناس كتير بيشجعونى ولانى كنت المشرفه مكنش حد بيكلمنى وكمان قسمنا مش بيخشه ناس كتير
ايه احلى موضوع قراتيه فى المنتدى ؟؟؟
بتاع رساله الى من يكرهنى عجبنىاوى الموضوع ده
اوحش موضوع قراتيه ؟؟؟
بتاع المرأه متعرفش الولد اللى كاتبه ده منرفزنى ازاى قال المرأه مخلوق غبى ؟؟؟؟؟؟
ehahe
Aug 15 2007, 01:37 AM
ياجماعه الرد اتمسح وحكتبه تانى معلش
aboud_500
Aug 15 2007, 09:44 AM
والله يا اسراء انتى صعبانة عليا
ehahe
Aug 16 2007, 01:21 AM
إقتباس
شوفتى يا اسراء انا مش هسالك المره دى
كفايه عليكى الشباب دى :)
شاطر ياسيوى وانت كمان لما حتقعد مش حتقل عليك
ehahe
Aug 16 2007, 01:58 AM
والله الاسئله دى تالت مره اكتبها لما كرهت الافلام والممثلين
ما هو اخر كتاب قرئتيه؟
البرمجه العصبيه وطرق الاتصال اللا محدود
لدكتور ابراهيم الفقى
ما اكثر الاشياء التى تؤثر فيكى ؟
اى حاجه بتأثر فيا
متى تقولين كلمه انتهى ولن اكمل ؟
حينما تنهان كرمتى او حد يهنى
هل أنت سريعه الارضاء ؟
بطريقه فظيعه يكفى حته مستيكه او بونبونايه حتلاقينى اعمل اى حاجه
ماذا تمثل لكى كلمه الوطن؟
الامان وهى
ايه اكتر حاجات اخدتيها من مامتك ؟ ومن باباكى ؟
من ماما الطيبه والصبر والاصرار
ومن بابا الحنيه والطيبه وحب الناس
ومن اقرب اخواتك لديكى ؟
احنا التلاته قريبين جدا من بعض
أيه الكلمة اللي بتحبى تسمعيها؟
مش حينفع اقولها هنا
بس بحب اسمع اسمى كتير "جنون العظمه"
لو ارتبطتى بواحد وقالك ياانا ياشغلك حيكون ايه موقفك؟
بص انا مش حاخد عيل ياانا ياما مش حلعب معاكى
اكيد حيكونن بنا تفاهم لانا امشيه على مزاجى ولاهو حنتناقش ولو اقنعنى كان بها مش اقنعنى خلاص
لو ارتبطتى بواحد واهلك رفضوا حتعملى ايه؟
انا اساسا مش حرتبك بحد من غير موفقتهم اساسا فحكايه انى احبه بعدين اقولهم مستحيله
ايه اكتر لعبه بتحبيها فى الالعاب؟
كل الالعاب وخصوصا الماتش ولعبه كرسى الاعتراف والساحر والسع التقيل
لو قلتلك
عضوه تستحق الشنق؟انا
القتل؟انا
الخنق؟ انا
الذبح؟ انا
متنسيش انى قيل عضوه مش عضو ( فاكره انتى الكلمه ديه ) :):)
هههههههههههههههه
دلوقتى عرفت الاسئله دى مش غريبه عليا ليه
فيلم عربي قديم العميل 13
فيلم عربي جديد صعيدى فى الجامعه الامريكيه
فيلم أجنبي مش بفتكر الاسامى والله
ممثل عربيمحمد صبحى
ممثلة عربيه حنان ترك
ممثل أجنبي جيم كارى
ممثلة أجنبية جيسكا اولبا
مطرب قديم مفتكرش
مطرب جديد عاصى الحلانى
مطربة قديمة نجاه وفيروز وفايزه احمد
مطربة جديدة شرين واصاله
مطرب أجنبي سامى يوسف
مطربة أجنبية ----------
أغنية قديمة ربك لما يريد
أغنيه جديدة باب عم يبكى
وللاسئله بقيه
هههههههههههه
هههههههه
لللاسف انهارده انا خلصت
وانتوا اللى حتقعدوا
ehahe
Aug 16 2007, 02:00 AM
ودلوقتى فيه
طاهر او دانى او الشقى او بليزى او سيوى او اميرلو
وانا حشوف حتتفقوا على ايه واللى ليه 4 حبقى انا الخامس
وياريت حد من الاتنين او التلاته اللى فى بالى
مشمش_2007
Aug 16 2007, 02:11 AM
انا برشح الشقي
نفسي اشوفه علي الكرسي
honeyqueen
Aug 16 2007, 03:26 AM
انا برشح شقي
moataz_sallam
Aug 16 2007, 05:41 AM
لاااااااااااااااااااااااااااااااا
شقى مين انتى و هى بس بس روحوا ناموا
انا برشح مونى هييييييييييه
يالا يا شباب عايزين نقعد مونى على الكرسى
الشقى 2 صوت
مونى 1 صوت
SeWeY
Aug 16 2007, 07:08 AM
و انا برشح موووووووووووووونى علشان خاطر معتز
moataz_sallam
Aug 16 2007, 07:12 AM
الله ينور يا سيوى يا حبى
كدة مونى 2 صوت
شقى 2 صوت
فين ترشيحاتكم لمونى يالا قرب قرب قرب عايزين نعرف مونى
كل ما هو جديد عن مونى بجنيه و نص و تعالى بص رشح مونى رمز الكنكة
هههههههههههههههههههه حتقعدى يعنى حتقعدى
amrello
Aug 16 2007, 04:11 PM
وانا برشح مونى
لانها من حزب البنات
وايهاهى خلعت منى
علشان كنت مجهزلها اسئله تانيه كتير
ومستنى اما ترد على باقى اسئلتى
افوجئ بانا بتقول ان مدتها خلصت
لااااااااااااااااااااااااااااااااااااااااااااااااااااا
مونى 3
شقى 2
monyy
Aug 16 2007, 04:15 PM
اييييه دة
شقى طبعا
شقى 3
مونى 3
SeWeY
Aug 16 2007, 05:49 PM
المنافسه جامد جدا بين الشقى و مونى
IsLaMMoUsSa
Aug 16 2007, 07:04 PM
طبعااااااااااااااااااااااااااااااااااا ومن غير تفكير
مووووووووووووووووووووووووووووووووووووووووووووووووووووووووني
وكده
شقى 3
مونى 4
يلا لسه صووت واحد والبت موني تشرف علي الكرسي
مشمش_2007
Aug 16 2007, 07:12 PM
موني ايه انت وهوه
شقي طبعا موني لا
SeWeY
Aug 16 2007, 07:31 PM
مونى 4
و الشقى 4
فاضل صووووووووووت واحد بس
monyy
Aug 16 2007, 07:40 PM
تعااادل كدة
ياااااااااااااارب بنت تدخل
aboud_500
Aug 16 2007, 08:04 PM
وانا برشح مووووووووونى شكراااا
مونى 5
الشقى 4
مشمش_2007
Aug 16 2007, 08:06 PM
لا شقي مش موني
الشاب الشقى
Aug 16 2007, 09:35 PM
يا جماعه هيا حرب ولا ايه
مش عيب ولا حرام الكرسى اهو راحة بدل التنطيط
ههههههههههههههههههههههههههههههههه
مين اللى عليه الدور عشان ابقى عارف
على فكرة يا سيوى مخدتش بالى من كلمة السر اللى انت بعتها غير دلوقتى :D
ehahe
Aug 17 2007, 02:24 AM
ياجماعه انتو نسيتو صوتى فى اول الموضوع والله
كده الدور على الشقى وحيقعد من اول الجمعه
ومش حرحمه
نياهاهاهاها
الشاب الشقى
Aug 17 2007, 02:27 AM
يقعد فين بس قعدتى ف صالون سياسى عشان يعتقلوكى يابعيدة :@
مشمش_2007
Aug 17 2007, 03:02 AM
هيييييييييييييييييييه الشقي قعد علي الكرسي
فرحانة فيك
ehahe
Aug 17 2007, 03:45 AM
1- أسمك وسنك وعنوانك؟؟؟ قتلتها ليه أعترف؟؟؟؟
2- كام سنك؟؟؟
3- امتى ألتحقت بإيجيهات؟؟؟
4- ليه ديما مستقوى نفسك على حزبنا
5- الحب بالنسبالك أيه؟؟؟
6- هل مرة حبيت لدرجة العشق؟؟؟
7- مين اكتر الأعضاء الأحب لقلبك؟؟
8- مين أعز إنسان ليك في الدنيا؟؟
9- أيه رأيك في الفلوس؟؟
10- هل انت ممكن تضحي بقيمك ومبادئك عشان تحصل على الفلوس؟؟
11- كام مرة أنجرحت؟؟
12- كام مرة جرحت؟؟
13- ايه هدفك في الحياة؟؟
14- هل انت متفائل ام متشائم؟؟
15- أوصف شخصيتك في كذا كلمة؟؟
16- ايه احلى صفة في صفاتك؟؟
17- وأيه أوحش صفة في صفاتك؟؟
يلا بقى ياشاطر واستنى المزيد
مشمش_2007
Aug 17 2007, 05:04 AM
مبروك يا شقي
الشاب الشقى
Aug 17 2007, 05:39 AM
طيب نقول صباحوووووووو بقى وكده :D
الله يبارك فيكى يا مشمش هانم عقبالك :@
نبتدى الرد يا ست اسراء :
1- أسمك وسنك وعنوانك؟؟؟ قتلتها ليه أعترف؟؟؟؟
يسر الشافعى السن : 22 سنة والشهر الجاى هيبقوا 23 عنوانى : بلدنا اللى هيا فيها شارعنا وانا ساكن فى بيتنا هناك
2- كام سنك؟؟؟
اعتقد ان انتى بتكتبى الاسئلة وانتى نايمة وانا جاوبت :P
3- امتى ألتحقت بإيجيهات؟؟؟
10/7/2006
4- ليه ديما مستقوى نفسك على حزبنا
لأن حزبكم عاوز الحرق مش اكتر :$
5- الحب بالنسبالك أيه؟؟؟
اسمى معانى الحياة ومن غيره اى انسان ميقدرش يعيش
6- هل مرة حبيت لدرجة العشق؟؟؟
مرة واحدة والحمد لله راحت زى ما اى حاجة بتروح
7- مين اكتر الأعضاء الأحب لقلبك؟؟
بصراحة فى كتير بس اللى بحبه بجد واوى الواد طاهر ده سكر بجد
8- مين أعز إنسان ليك في الدنيا؟؟
والدى وجارى لأن دول حاجة كبيرة اوى بالنسبالى
9- أيه رأيك في الفلوس؟؟
الفلوس تقدرى تعملى بيها اى حاجة الا راحة البال والصحة ولا فراق الاحباب يتعوضوا بالمال
10- هل انت ممكن تضحي بقيمك ومبادئك عشان تحصل على الفلوس؟؟
مستحيل لان انا ربنا ادانى عقل افكر بيه واقدر اجيب بيه فلوس انما لو مكنش عقل كنت اتخليت عن اى حاجة
11- كام مرة أنجرحت؟؟
كتيييييييييييييييييييييييييييييييييير
12- كام مرة جرحت؟؟
مرة ومش عارف اسامح نفسى لحد النهاردة لانى جرحت انسانة اخلصت ليا وانا مصنتش حبها وبندم عليها اوى
13- ايه هدفك في الحياة؟؟
انى انجح ف المزيكا وفى شبكات الحاسب الالى وللعلم المزيكا هواية والشبكات مهنة
14- هل انت متفائل ام متشائم؟؟
احيانا متفائل واحيانا متشاؤم لان حال الدنيا علمنا مش نثبت على حال
15- أوصف شخصيتك في كذا كلمة؟؟
طيب ومش غرور والله لانى بدات احسها الفترة الاخيرة دى وطيب زيادة عن اللزوم ده اللى اقدر اقوله
بس مش طيب بهبل برضه
16- ايه احلى صفة في صفاتك؟؟
الحنيه
17- وأيه أوحش صفة في صفاتك؟؟
العصبية
وربنا على كل ظالم ومفترى قولى امين
مشمش_2007
Aug 17 2007, 07:51 AM
بعد الشر عليه
هحضر شوية اسئلة صبرك عليه
N0UR
Aug 17 2007, 10:59 PM
هع هع هع هع واخيرااااااااااااا وقعت يا شقى
عقبال الباقيين ( وش شيطانى )
نبتدى بقى الاسئله
1/ مالك ومال البنات ؟ متغاظ مننا ليه ؟
2/ ايه سبب اختيارك لاسم الشاب الشقى ؟ ( مقطع السمكه وديلها يعنى ولا ايه ) هههههههههههه
3/ مين اصحابك فى المنتدى ؟
4/ مين العضو اللى انت مخنوق منه فى المنتدى ؟ ( غير حزب البنات طبعا )
5/ مين العضو اللى هو مخنوق منك فى المنتدى ؟
6/ اكتر حاجه بتحبها فى ايجيهات واكتر حاجه بتضايقك فيه ؟
7/ اهلاوى ولا زملكاوى ؟
8/ احكيلنا على موقف محرج حصلك واتصرفت فيه ازاى ؟
9/ فى مره زعلت حد منك فى المنتدى ؟ وكان ايه السبب ؟
10/ ايه الحاجات اللى ممكن تخليك تتنرفز وتتعصب اوى ؟
ودى كانت المقدمه المره الجايه هبقى اجيبلك الاسئله نياهاهاهاهاها
الشاب الشقى
Aug 18 2007, 05:38 AM
ماشى يا نور هانم ليكى يومك برضه الايام جاية مش تقلقى
1/ مالك ومال البنات ؟ متغاظ مننا ليه ؟
اصلى بحبهم اوى اوى وحكاية انى متغاظ فأنا مش بتغاظ من حد والشقى عمهم وحارق دمهم وباينة من الاسئلة بتاعتكم انتى واسراء انكم
ما صدقتم ان انا اللى خدت الكرسى ههههههههههههههههههههههههههه
2/ ايه سبب اختيارك لاسم الشاب الشقى ؟ ( مقطع السمكه وديلها يعنى ولا ايه ) هههههههههههه
لأنى بحب الشقاوة والهزار وعجبنى انى اسمى نفسى الشاب الشقى
3/ مين اصحابك فى المنتدى ؟
والله انا ليا اصحاب كتير الحمد لله بس مثلا اقدر اقولك الجروب بتاع الالعاب كله
4/ مين العضو اللى انت مخنوق منه فى المنتدى ؟ ( غير حزب البنات طبعا )
اميدو عشان اتهمنى بالخيانة لحزب الشباب ظلم وانا مش بحب حد يظلمنى مهما كان مين
5/ مين العضو اللى هو مخنوق منك فى المنتدى ؟
الله اعلم بالى فى نفوس كل عضو (وش بيغمز)
6/ اكتر حاجه بتحبها فى ايجيهات واكتر حاجه بتضايقك فيه ؟
اكتر حاجة بتعجبنى ف ايجيهات الاعضاء اللى زى العسل والضحك واللعب الجميل وطبعا بعض المواضيع اللى الواحد
بياخد منها فايدة فعلا وغيرها كتير اما اللى بيضايقنى ف ايجيهات انه بيقع كتير وبقعد الف حوالين نفسى بس بشغله برضه
7/ اهلاوى ولا زملكاوى ؟
اهلاوى صميم وعلى راى مصطفى كامل (لو لم اكن اهلاويا لوددت ان اكون اهلاويا )
8/ احكيلنا على موقف محرج حصلك واتصرفت فيه ازاى ؟
موقف محرج اممممممممممممم
هقولك ياستى
مرة كنت ماشى بالعربية فى ستة اكتوبر ولقيت شوية بنات راكبين ف عربيتين وعمالين يلفوا حوالين نادى اكتوبر قمت انا بقى
عملت فيها الشاب الشقى فعلا وعملت خمساية بالعربية والحمد لله العربية حضنت الرصيف لانها عومت منى ودى كانت اول مرة
اخمس بالعربية بس دلوقتى الحمد لله مستوايا اتحسن
طبعا هتقوليلى ياشقى اتصرفت ازاى طبعا بمنتهى البساطة قمت خالع وفص ملح وداب عشان الشكل العام بس وكده :$
9/ فى مره زعلت حد منك فى المنتدى ؟ وكان ايه السبب ؟
حزب البنات كله والحمد لله وده عشان الشقى موريهم ايام سودة واسود من اللى جاية مش هتلاقوا غير مع الشقى
10/ ايه الحاجات اللى ممكن تخليك تتنرفز وتتعصب اوى ؟
حاجات كتير اوى لانى عصبى بطريقة غبية بصراحة
اولا مش بحب حبيبتى تقعد تبرر كتير ف موقف هيا غلطانة فيه
تانيا مش بحب اللى قدامى يرد عليا رد مستفز وانا مخنوق منه
ثالثا مش بحب حد يمشى كلمته عليا واللى بيحاول بتبقى ايام .....سودة
رابعا مش بحب حد يغلط غلطة واعديها وافهمه ويغلطها تانى ده بقى كده اتحط ف البلاك لست
وكده مقدرش اقولك غير ان انتى ف البلاك لست :p
هههههههههههههههههههههههههههه اللى بعده
rerezak
Aug 18 2007, 11:26 AM
منور الكرسي ياشقي
هاهاهاهاهاهاهاهاهاهاهاهاها
نبدأ بقي الاسئلة:
- انت متخرج من اي كلية؟ وبتقدير ايه؟ (بلاش احراج صح) ههههههههههه
- ماهي هواياتك المفضلة؟
- ايه رايك في الحب من اول نظرة؟هل تؤمن به؟وهل صادفتة من قبل؟
- اي الافضل بالنسبة لك الافلام العربي ولا الاجنبي؟
- مين هيكون اقرب لك صديق عمرك ولا حبيبك؟
- بلاحظ انك مستقوي اوي علي البنات ياتري ايه السبب ؟ هل انت متقعد مننا في حاجة ولا ايه؟
- تجب لما تتجوز يكون عن طريق الحب ولا جواز صالونات؟
- ماهي مواصفات فتاة احلامك؟ (دة لو في واحدة مامتها داعية عليها)
- ما هي اكتر الاقسام اللي بتحبها في ايجيهات؟
- ماذا يمثل لك ايجيهات؟ وهل انت مشترك في منتدي تاني؟
كفاية كدة عليك لحد لما احضر لك اسئلة تانية واسيب فرصة لباقي حزبنا لينتقم منك
ههههههههههههههههههههههههههههههههههههههههههههههههه
SeWeY
Aug 18 2007, 03:22 PM
اهلا يا شقى
بص هما كام سؤال
ايه سبب رجوعك ايجيهات بعد غياب اكتر من 4 شهووور تقريبا ؟؟؟؟؟؟؟؟؟
انت زمان كنت مشرف كلام فى المزيكا واخبار النجوم.. يا ترى نفسك ترجع مشرف تانى ؟؟؟؟
سؤال مهم بقى .. انت عايز تجيبنى فى المشاركات والا ايه ؟؟؟ ههههههههههههههههه ( اوعى يا شقى ازعل منك هههههههه )
فى حب جديد فى حياتك حاليا ؟؟؟ و الا لسه من ساعت اخر مره ؟؟ و لو مافيش ايه السبب؟؟؟؟
-----------------
تختار واحد او واحده بس يا شقى
افضل مشرف :
افضل مشرفه :
افضل عضو :
افضل عضوه :
افضل ادمن :
افضل قسم فى المنتدى مفضل لديك :
------------------
جاوب على الاسئله دى الى فى قلبك يا شقى
نصائح او عتاب على حاجه . كده يعنى و ياريت تختار انت المشرفين و الادمنز الى عايز توجه ليهم كلمه
كلمه توجها لادمن المنتدى ( كلهم يعنى ) :
كلمه للمشرفين العام :
كلمه لمشرفين الاقسام :
-------------------------
افضل مطرب :
افضل مطربه :
افضل فيلم عربى :
افضل فيلم اجنبى :
كفايه كده يا حبى و ربنا يوفقك
الشاب الشقى
Aug 18 2007, 05:07 PM
ايه سبب رجوعك ايجيهات بعد غياب اكتر من 4 شهووور تقريبا ؟؟؟؟؟؟؟؟؟
والله انا رجعت ايجيهات ولقيت نفسى حبيت ايجيهات اكتر من اى حاجة والله حسيت ان ايجيهات بيتى التانى
انت زمان كنت مشرف كلام فى المزيكا واخبار النجوم.. يا ترى نفسك ترجع مشرف تانى ؟؟؟؟
لا مش عاوز اكون مشرف كده احلى ياعم سيوى وانت فاهمنى (وش بيغمز)
سؤال مهم بقى .. انت عايز تجيبنى فى المشاركات والا ايه ؟؟؟ ههههههههههههههههه ( اوعى يا شقى ازعل منك هههههههه )
لا يا حبى انا مش هجيبك انا هعديك انشاء الله (وش مطلع لسانه )
فى حب جديد فى حياتك حاليا ؟؟؟ و الا لسه من ساعت اخر مره ؟؟ و لو مافيش ايه السبب؟؟؟؟
والله يا سيوى المفروض انى كاتب الكتاب بس شكلها خلاص هتوصل للطلاق :$:$
-----------------
تختار واحد او واحده بس يا شقى
افضل مشرف : طاهر
افضل مشرفه : اسراء
افضل عضو : سيوى
افضل عضوه : مشمش
افضل ادمن : مولها
افضل قسم فى المنتدى مفضل لديك : الالعاب و العام والاغانى
------------------
جاوب على الاسئله دى الى فى قلبك يا شقى
نصائح او عتاب على حاجه . كده يعنى و ياريت تختار انت المشرفين و الادمنز الى عايز توجه ليهم كلمه
كلمه توجها لادمن المنتدى ( كلهم يعنى ) : ياريت تهتموا بالمنتدى اكتر من كده لانه بيقع كتير اوى
كلمه للمشرفين العام : ياريت تبقى شغالين بسرعه ياض منك ليها مش عاوزين كسل :@
كلمه لمشرفين الاقسام : دول وربى ما قصروا
-------------------------
افضل مطرب : تامر حسنى
افضل مطربه : ديانا حداد
افضل فيلم عربى : الشبح
افضل فيلم اجنبى : مليش ف الافلام الاجنبى اساسا والعربى مش قد كده برضه بس انا مهتم بالميوزيك والاغانى اكتر
SeWeY
Aug 18 2007, 06:37 PM
ردودك على الاسئله جميله يا واد
بس عايز اقولك حاجه انت لو عايز ترجع مشرف ارجع
الى انا فاهمه و الى انت فاهمه خلااااااااااص مش هناااااااا
فا فكر و ارجع امسك القسمين بتوعك و عليا انا الوسطه ههههههههههههههههه
الشاب الشقى
Aug 18 2007, 08:37 PM
هههههههههههههههههههههههههه لا ياعم الله الغنى
يلا فين الاسئلة :$
عاوز اسئلة بجد بقى :@
Bluesy_panther
Aug 19 2007, 12:11 AM
شقى.........حبيب قلبى
معلش فلتت المره دى.....بس اعملوا حسابكم ان المره الجايه لا يمكن تفلت ابدا
************
المهم انا مكنتش عايز اسألك........بس انت عايز بقى
قشطه يا حبى يلا نبدا
*********
1- انت غلس اوووووووووى.......ترد تقول ايه؟
2- كام مره بكى يسر؟
3- متى يقول يسر "انا اسف"؟
4-لو اديتك جنيه وورقه وعلبه فاضيه تعمل بيهم ايه؟
5-اختار 7 اشخاص من المنتدى واكتب لهم جمله واحده؟
6-اجمل ما فى حياتك ايه؟
********
اسئله صغيره وخفيفه.......تحب اسألك تانى ولا........
سلام يا حبى
الشاب الشقى
Aug 19 2007, 12:25 AM
1- انت غلس اوووووووووى.......ترد تقول ايه؟
ارد واقول الله يسامحك بس مش اغلس منك يا غلس :P
2- كام مره بكى يسر؟
لما والدتى توفت ولما حبيبتى الاولانية ضاعت منى بسببى
3- متى يقول يسر "انا اسف"؟
لما يكون غلطان ف حق حد
4-لو اديتك جنيه وورقه وعلبه فاضيه تعمل بيهم ايه؟
الجنيه اديه لواحد غلبان محتاجه والورقه اكتب فيها بحبك واحطها ف العلبة مع هدية بسيطة لحبيبتى
5-اختار 7 اشخاص من المنتدى واكتب لهم جمله واحده؟
طاهر - سيوى - معتز - بليزى - عبود - اسراء - جومى
اقولهم بحبكم اوى يا احلى اخوات ليا
6-اجمل ما فى حياتك ايه؟
رضا ربنا واهلى عليا ودى اجمل حاجة
الشاب الشقى
Aug 19 2007, 12:26 AM
اما بالنسبة انك عاوز تسال تانى اسال ياخويا ولا بيهمنى
moataz_sallam
Aug 19 2007, 06:32 AM
ايييييييييييييييييه ده غلط غلط غلط
اسراء مشاركتك غلط
إقتباس
ودلوقتى فيه
طاهر او دانى او الشقى او بليزى او سيوى او اميرلو
وانا حشوف حتتفقوا على ايه واللى ليه 4 حبقى انا الخامس
وياريت حد من الاتنين او التلاته اللى فى بالى
من قوانين اللعبة يا اسراء ان الترشيح يبقى 3 اعضاء بس
مش مشكلتنا بقى انك مرشحة 6!!!!!!!!!
و بعدين مونى اخدت الصوت الخامس قبل شقى لكن لو انتى اديتى الصوت الخامس لشقى قبل مونى كان اوك
لكن كدة انتى مكنتيش محددة و مرشحة 6 و ده مينفعش
لذلك شقى توقف عن باقى الاسئلة
و دلوقتى نسال مونى بقى :-)
الشاب الشقى
Aug 19 2007, 09:02 AM
لا عادى يا معتز هكمل
انا مكنتش خدت بالى من اسئلة ريرى
- انت متخرج من اي كلية؟ وبتقدير ايه؟ (بلاش احراج صح) ههههههههههه
متخرج من اكاديمية الدلتا للعلوم فى المنصورة اما بخصوص التقدير فتقديرى التراكمى تقدير الشعب
وتقدير الفرقة الرابعه جيد وتقدير مشروع التخرج امتياز وحاصل على هندسة شبكات من مايكروسوفت MCSE وبالتفصيل اهو يا ريرى
- ماهي هواياتك المفضلة؟
الجيتار و الاورج وكتابة الاغانى والتلحين وكرة القدم والكمبيوتر
- ايه رايك في الحب من اول نظرة؟هل تؤمن به؟وهل صادفتة من قبل؟
جميل اوى الحب من اول نظرة واؤمن بيه ليه لأ الحب ملوش معاد وللأسف مش قابلنى ولا عاوزه يقابلنى :D
- اي الافضل بالنسبة لك الافلام العربي ولا الاجنبي؟
العربى بس اللذيذ فيها مش كله وبعض الاجنبى
- مين هيكون اقرب لك صديق عمرك ولا حبيبك؟
صديق عمرى
- بلاحظ انك مستقوي اوي علي البنات ياتري ايه السبب ؟ هل انت متقعد مننا في حاجة ولا ايه؟
مستقوى نفسى عليكم قلت عشان انتوا مش بنات انتوا حاجة شبيهة للبنات :D والله ياستى مش عقد بس هو
ده الاسلوب الناجح ف المعاملة مع البنات
- تجب لما تتجوز يكون عن طريق الحب ولا جواز صالونات؟
عن طريق الحب طبعا
- ماهي مواصفات فتاة احلامك؟ (دة لو في واحدة مامتها داعية عليها)
تكون محترمة ومتدينة وتكون مطيعه وتسمع الكلام وتكون هادية وطيبة ومتسامحة
- ما هي اكتر الاقسام اللي بتحبها في ايجيهات؟
والله كل الاقسام لكن الاكتر قسم الالعاب
- ماذا يمثل لك ايجيهات؟ وهل انت مشترك في منتدي تاني؟
ايجيهات ده بيتى التانى وكفاية انه قربنى من ناس زيكم احلى ناس بجد عرفتها
اما بالنسبة مشترك فى منتدى تانى انا واثق ان معظم اللى هنا مشتركين فى منتديات مش منتدى
وده كان ردى عليكى ياست ريرى