ehahe
Aug 20 2007, 03:34 AM
ازيك ياشقى معلش والله كان نفسلى كل يوم 30 سؤال بس النت كان بايظ
بس ملحوقه
نبتدى
عامل ايه انهارده؟
ايه اكتر سؤال خلاك تفكر فى حله
وماهو السؤال الذى جعلك تحتار قبل ان تجاوبه؟
وايه الوار اللى بينك وبين سيوى؟ فهمونا؟
وايه اللى اخدته من مامتك؟ومن باباك؟
هل انت راضى عن نفسك؟
ايه اللى كان نفسك تحققه بس محصلش نصيب؟
هل تمنيت حاجه واتحققت ؟ايه هى ؟
مراتك مستحملاك ازاى؟"ربنا يعينها "
اتعرفت عليها ازاى"بالتفصيل الممل"
لو تقدر ترجع سنتين لورا كنت غيرت ايه؟
ايه اخر كتاب قريته؟
وايه برامجكالمفضله؟والبرامج اللى بتكرهها؟
ايه اكتر اكله بتحبها وبتكرها؟
لو سألتك عن طفولتك واحلى ايام "عايزه قصص كتيره"
هل كنت طفل وديعه ام شقي اظن التانيه؟
ماهو الامان بالنسبه اليك؟
وفى اسئله بتاعه سولى سألها لكريم اللى طبعا مش جاوبها وعجبتنى اوى
هل مرت عليك لحظة ابحرت فيها داخل ذاتك ؟ ولو كنت فعلت ماذا وجدت ؟
يقولون أن الصداقه في الإنترنت مجرد صداقه وقتيه تنتهي بإقتضاء
الحاجه أو الغرض ... ما رأيك ؟؟
ابتسامة صادقة لمن تمنحها ..؟
لو كان لك قلبين .... فكيف توزعهم ؟؟؟؟
ما أجمل شئ بالحياة ...؟؟
ما أسوء شئ بالحياة ...؟؟
نقطة ضعفك؟
ايه هو البرنامج اليومى بتاعك ؟
لو رجعت إلى الصفر هل ستجعل حياتك كما هي ؟؟؟
دى اسئله مفضله عندى بقى
لوسألتك انت مصرى تقولى ايه؟
امتى اخر مره رحتى السينما ؟
كانف يلم ايه؟
ايه رأيك فى افلام اليومين دول؟
ماهى نظرتك المستقبليه لتغير العوامل حتى تصبح اكثر وضوحا ؟
هل تحبالاطفال؟
طب لو جبت ولاد وبنات حتسميهم ايه ؟ارجو ذكر اسمهم الثلاثى ؟
ماهى نوع الاسئله التى تفضلى ان اسألها لك؟"فى اى مجال"؟
حصل معاكى موقف بايخ قبل كده وانت لوحدك فى الشارع ؟طب ايه؟
لو قلتلك
عضو يستحق الشنق؟
القتل؟
الخنق؟
الذبح؟
خدى بالك انهم عضو مش عضوه؟
ايه اليوم اللى كل ماتتذكريه بتحس يايه؟
عايزه اعرف 5 حاجات هى بالنسبه لك اصعب حاجه فى الوجود
لو بتحب حد جدا وحسيت انه حيضيع منك حتعمل ايه؟
لو لقيت واحده مجنونه وجايه بتجرى عليك وتقول حوزى اهه حتتصرفى ازاى ظ
كفايه كده ولا اكمل
الشاب الشقى
Aug 20 2007, 07:01 AM
عامل ايه انهارده؟
والله النهاردة المود مش تمام مش عارف ليه
ايه اكتر سؤال خلاك تفكر فى حله
اكيد كان سؤال ف الامتحانات اللى فاتت ومكنش سؤال واحد الحمد لله كل الامتحانات :D
وماهو السؤال الذى جعلك تحتار قبل ان تجاوبه؟
لما واحدة اعتبرتها اكتر من اختى لقيتها جاية بتقولى انا لو قلتلك بحبك تقولى ايه
كان صعب اوى انى اجاوب عليها وبقيت محتار ازاى ارد
وايه الوار اللى بينك وبين سيوى؟ فهمونا؟
حاجات سرية محدش من الاخوة الاعداء ليه دعوة بيها :P
وايه اللى اخدته من مامتك؟ومن باباك؟
اللى اخدته من مامتى وبابايا حاجات كتير وتعتبر واحدة زى الحنية وحسن التصرف وغيرها كتير والله
هل انت راضى عن نفسك؟
حاليا مش عارف انا صح لوا غلط فى حاجات شخصية كتير يعنى مقدرش اقول راضى ولا لا
ايه اللى كان نفسك تحققه بس محصلش نصيب؟
انى يوم ما اتخرج من الكلية تكون والدتى معايا بس محصلش نصيب
هل تمنيت حاجه واتحققت ؟ايه هى ؟
تمنيت انى اخلص من التعليم والصداع بتاع والحمد لله خلصت منه بس مش للأبد لانى هبدا فى دراسة التوزيع الموسيقى
مراتك مستحملاك ازاى؟"ربنا يعينها "
مقدرش اقول غير انه محصلش نصيب
اتعرفت عليها ازاى"بالتفصيل الممل"
عن طريق الانترنت وملوش لازمة تفاصيل يا رخمة :@
انا مش عاوز افتكر الموضوع ده
لو تقدر ترجع سنتين لورا كنت غيرت ايه؟
كنت غيرت مسار تعليمى تماما وكنت عمرى ما اسيب حبى الاول يضيع من ايديا
ايه اخر كتاب قريته؟
على اساس ايه ياماما انا مش بقرأ كتب كتير بس الجرايد والمجلات اة شغال مش بقول لا
وايه برامجكالمفضله؟والبرامج اللى بتكرهها؟
برامج ايه بالظبط يا ست الكتكوتة حددى برامج تلفزيون مش بتابع لانى مش فاضى برامج راديو هيا نجوم اف ام
وكلها بحبها اوى
ايه اكتر اكله بتحبها وبتكرها؟
اكتر اكله بحبها مسقعه :$
اكتر اكله بكرهها القرنبيط مش بطيقه اطلاقا
لو سألتك عن طفولتك واحلى ايام "عايزه قصص كتيره"
احلى ايام طفولتى لما كنت فى تونس مع اهل والدتى بصراحة دى مليانة ايام كتيرة اوى لو حكيت منها جزء هخلص صفحتين كاملين فى المنتدى
هل كنت طفل وديعه ام شقي اظن التانيه؟
شقى والحمد لله ومازلت :D
ماهو الامان بالنسبه اليك؟
الامان = راحة البال
وفى اسئله بتاعه سولى سألها لكريم اللى طبعا مش جاوبها وعجبتنى اوى
هل مرت عليك لحظة ابحرت فيها داخل ذاتك ؟ ولو كنت فعلت ماذا وجدت ؟
ابحرت وبالمايوه الجديد كمان :P بصراحة لقيت انى كنت متسرع فى بعض المواقف فى حياتى وكان ليها
سلبيات على جزء كبير اوى فى حياتى لكن فى حاجات اتصلحت وحاجات بضطر اخدلها غطس تانى عشان
اشوفلها حل
يقولون أن الصداقه في الإنترنت مجرد صداقه وقتيه تنتهي بإقتضاء
الحاجه أو الغرض ... ما رأيك ؟؟
انا عن نفسى بدخل شات البالتوك paltalk
قابلت ناس كتير منهم برة الانترنت فى ناس منهم لسه اصحاب وبسافر ليهم وبييجوا عندى
فمش شرط ان صداقة الانترنت تكون من ورا شاشة كمبيوتر بالعكس ممكن تتحول للحياة الطبيعيه كمان
ابتسامة صادقة لمن تمنحها ..؟
لكل انسان صادق معى فى مشاعره ومواقفه
لو كان لك قلبين .... فكيف توزعهم ؟؟؟؟
اوزع قلبى على اصحابى بس وقلبى على اهلى بما فيهم زوجتى لو اتوجدت تانى وده تقريبا بقى صعب شوية
ما أجمل شئ بالحياة ...؟؟
الامل فى ربنا والتفاؤل ان النهاردة احسن من امبارح وان بكرة احسن من النهاردة
ما أسوء شئ بالحياة ...؟؟
الكدب والخداع اللى انتشروا بطريقه رهيبة فى الزمن ده بجد بقى فى فرق كبير اوى وضاع بين الكدب والصدق والاخلاص والخداع
حاجتين هما الحب والصداقة الحقيقة
نقطة ضعفك ؟
قلبى
ايه هو البرنامج اليومى بتاعك ؟
شغل الصبح لاخر النهار ارجع انام او اخرج مع اصحابى بظروفها وانام وارجع اكرر نفس النظام بس الشغل ويومه لذيذ بصراحة
وطبعا بتابع المنتدى من البيت لما بكون قاعد ف البيت او من الشغل
لو رجعت إلى الصفر هل ستجعل حياتك كما هي ؟؟؟
لا طبعا قبل ما هعمل اى حاجة لازم هحسبها الف مرة قبل ما اعملها حتى لو كانت حاجة حلوة
دى اسئله مفضله عندى بقى
لوسألتك انت مصرى تقولى ايه؟
اقولك وماله مش عيب ومصر هيا امى
امتى اخر مره رحتى السينما ؟
اولا اسمها رحت مش رحتى واخر مرة رحت فيها سينما كان فيلم عمر وسلمى
ايه رأيك فى افلام اليومين دول؟
بصراحة السينما بقت كلها سكا وافلام هابطة وملهاش قصة مفيدة
ماهى نظرتك المستقبليه لتغير العوامل حتى تصبح اكثر وضوحا ؟
اكيد هشرب ماونتن ديو اكتر من الاول حاليا نظرتى التركيز جنب شغلى بدراسة فرعية زى ما قلت للتوزيع الموسيقى
هل تحبالاطفال؟
اووووووووووى وبموت فيهم
طب لو جبت ولاد وبنات حتسميهم ايه ؟ارجو ذكر اسمهم الثلاثى ؟
الولاد محمد او كريم البنات راندا او ديانا طبعا :$
الاسم الثلاثى انا هقوله رباعى ولا تزعلى
اسم الابن --- يسر الشاب الشقى :P
ماهى نوع الاسئله التى تفضلى ان اسألها لك؟"فى اى مجال"؟
مجال المزيكا طبعا او الكمبيوتر مفيش مشاكل
حصل معاك موقف بايخ قبل كده وانت لوحدك فى الشارع ؟طب ايه؟
كنت ماشى والحمد لله كنت هتثبت والله فى يوم كنت مروح الساعه تلاتة الصبح ولقيت اتنين طلعوا عليا بس من غير دخول فى تفاصيل
حصل خير وجت سليمة :D
لو قلتلك
عضو يستحق الشنق؟
اكيد انتى يا اسراء :P
القتل؟
مونى
الخنق؟
مشمش
الذبح؟
نور
خدى بالك انهم عضو مش عضوه؟
معلش بقى اصل الاسئلة كانت لبنت بالتالى كان عضو وانا دلوقتى شاب وشقى كمان يبقى اقامة الحد على حزب البنات
ايه اليوم اللى كل ماتتذكريه بتحس يايه؟
بحس انى قربت اتقلب بنت من الاسئلة البناتى دى
بس والنبى شرح السؤال وياريت لو فى كتالوج يكون اسهل
يعنى ايه يوم كل ما افتكره بحس بايه
عايزه اعرف 5 حاجات هى بالنسبه لك اصعب حاجه فى الوجود
الكره - الانانية - القسوة - الخيانة - حب التملك
لو بتحب حد جدا وحسيت انه حيضيع منك حتعمل ايه؟
هعمل مسقعه لانى بحبها اوى اوى
اكيد هعمل المستحيل عشان احافظ عليه لو هتنازل عن الدنيا دى كلها واحافظ عليه
لو لقيت واحده مجنونه وجايه بتجرى عليك وتقول حوزى اهه حتتصرفى ازاى
هقولها امشى يابنت المجنونة نيلة تشيلك انتى وهبل مامتك :$
وبالنسبة لموضوع الاسئلة لو عاوزين الشاب يقعد على الكرسى للسنة الجاية مفيش مانع :D
ehahe
Aug 20 2007, 08:31 AM
معلش ياشقى والله
اسفه لو فكرتك بحاجات مش عايز تفتكرها
بس دى مش حيمنعنى انى اسأل تانى
ماهو الشئ الذى تعتبره وصممه عار فى حياتك؟
مالذى يثير اشمئزازك"علشان حعمله"
مااكتر كلمه بتضايقك؟
إقتباس
ايه اليوم اللى كل ماتتذكر
إقتباس
ه بتحس يايه؟
يعنى لو يوم حسيت فيه بفرح اوحزن او اى حاجه قول بقى
ماهى اكتر ايه بتحب تسمعها وصوره؟
ومتى اخر مره نزلت دموعك؟
ايه اكتر حاجه بتفرحك؟
واكتر حاجه بتضحك؟
وايه الحاجه اللى لو ايه حتحس بايه؟"دىغير اليوم اللى فوق"
ايه رأيك فى المنتدى ؟وايهمقترحاتك؟
لو قلتلك اختار عشره واسألهم او وجه لهم كلمه؟ يلا
لو حست فى مره بانك اذيت حد وانه عمره ماحيسمحك حتعمل ايه؟
هل دموعك قريبه ولا لا؟
تقدر تسامح حد خانك؟
طيب لومفيش مبرر لخيانته؟
بص حفكر وارجع اسألك علشان مش مركزه
ehahe
Aug 21 2007, 12:13 AM
-
طالما لسه محلتش حسأل تانى
هى مش سايبه اصلها
حتحل امتى بقى ؟
لو لم تكن كما انت كذلك ماذا كنت تتمنى ان تكوووون ؟؟؟ فى الدراسة ..... الوطيفة ..... المستقبل .....؟؟؟؟ اذكر كل دوووول
N0UR
Aug 21 2007, 11:26 AM
هههههههههههههههههههههههه ايوه كده يا سوسو وريهم
جاوب بقى يا جميل
انا جايبالك شوية اسئله انما ايه مش بيطلعوا لاى حد
اولا اجب على الاسئله التاليه : ( اول عشرين سؤال اجبارى )
1/ مش عايز ترد على اسئلة اسراء ليه ؟ خوف ؟ ههههههههه
2/ طولك كام ؟
3/ وزنك قد ايه ؟
4/ فطرت ايه النهارده ؟ ولو مفطرتش قول مفطرتش ليه ؟ ( وش غلس اوى )
5/ مين الممثل المفضل ليك ؟ ( عربى واجنبى )
6/ الممثله المفضله ؟ ( برضه عربى واجنبى ولو فى هندى قوله احنا فاضينلك )
7/ الفيلم المفضل ؟ ( مش كل شويه هقولك برضه عربى واجنبى )
8/ طب الفيلم اللى مش مفضل؟
9/ ايه هواياتك ؟
10/ لو قولتلك قول رأيك فى نفسك هتقول ايه ؟
11/ ايه اكبر عيب فى شخصيتك ؟
12/ طب و اكبر ميزه ؟
13/ اوصف نفسك بكلمه ؟
14/ لو اتعرض عليك الاشراف تانى هترفض ؟ ولو هترفض قول السبب بصراحه ؟
15/ اختار شخص واحد من المنتدى بتحبه واتكلم عنه وقول بتحبه ليه ؟
16/ اختار برضه شخص واحد من المنتدى بتكرهه واتكلم عنه وقول بتكرهه ليه ؟
17/ رتب الحاجات دى فى حياتك ( الشغل - الاصحاب - الحب - المال - الزواج - الاطفال )
20/ ايه أقرب وصف من دول لشخصيتك حاليا ( الثقه بالنفس - الخوف - الضياع - التألق - النجاح - الهدوء )
21/ ايه شعورك بعد الاجابه على الاسئلة دى كلها ؟ وايه رأيك فى الاسئلة ؟ ( نفس الوش الغلس اللى فوق مطلع لسانه ) هههههههههه
ثانيا اختر الاجابة الصحيحه من بين الاقواس ( كله اجبارى )
1/ اغلس عضو فى المنتدى
( عمرو - معتز - بليزى - اميدو - سيوى - عبود - كل ما سبق )
2/ اكتر عضو محدش طايقه فى المنتدى
( عمرو - معتز - بليزى - اميدو - سيوى - عبود - كل ما سبق )
3/ اوحش عضو
( عمرو - معتز - بليزى - اميدو - سيوى - عبود - كل ما سبق )
4/ اجمل واحلى واظرف وارق عضو فى المنتدى
( كل البنات - البنات كلها - اى بنت - حزب البنات )
( وشوش كتير مطلعين لسانهم ) هههههههههههههههههههههه
بس كفاية كده دلوقتى جاوب بقى على مهلك
باى باى
الشاب الشقى
Aug 21 2007, 02:37 PM
ماهو الشئ الذى تعتبره وصممه عار فى حياتك؟
لما فشلت فى الثانوية العامة ومش عاوزين فضايح
مالذى يثير اشمئزازك"علشان حعمله"
اى كلمة مستفزة :@
مااكتر كلمه بتضايقك؟
انت رخم
يعنى لو يوم حسيت فيه بفرح اوحزن او اى حاجه قول بقى
فى كده وفى كده بس بصراحة مش قادر افتكر
ماهى اكتر ايه بتحب تسمعها وصوره؟
والنبى شوية توضيح دى اسئلة فى قسم المعوقين يا قمر :$
ومتى اخر مره نزلت دموعك؟
لما فارقت مراتى بس الامور بدات تتصلح والحمد لله نوعا ما
ايه اكتر حاجه بتفرحك؟
الكلمة الحوة
واكتر حاجه بتضحك؟
انى اتعرف على حد جديد ويكون ده شربات زيك :@
وايه الحاجه اللى لو ايه حتحس بايه؟"دىغير اليوم اللى فوق"
لا حرام عليكى اعدلى اسئلتك ووضحيها :@
ايه رأيك فى المنتدى ؟وايهمقترحاتك؟
المنتدى جميل اوى اوى بس عاوز اهتمام اكتر من الادارة والاعضاء والمشرفين
لو قلتلك اختار عشره واسألهم او وجه لهم كلمه؟ يلا
طاهر وسيوى وعبود وجومى ومونى واسراء وهونى ومشمش ونور وليدو بحبكم اوى
لو حست فى مره بانك اذيت حد وانه عمره ماحيسمحك حتعمل ايه؟
لازم اصلح غلطتى دى مهما كنت هاجى على نفسى بس المهم انى مش اكون عامل حاجة وحشة فى حد
هل دموعك قريبه ولا لا؟
مش فى كل الاوقات وحسب الموقف
تقدر تسامح حد خانك؟
لا طبعا
طيب لومفيش مبرر لخيانته؟
برضه لا
الشاب الشقى
Aug 21 2007, 02:53 PM
1/ مش عايز ترد على اسئلة اسراء ليه ؟ خوف ؟ ههههههههه
مش بخاف غير من ربنا وادينى جاوبت :$
2/ طولك كام ؟
184
3/ وزنك قد ايه ؟
88
4/ فطرت ايه النهارده ؟ ولو مفطرتش قول مفطرتش ليه ؟ ( وش غلس اوى )
لسه مش فطرت لانى لما بصحى بشرب النسكافيه والسجارة وبعدها افكر
5/ مين الممثل المفضل ليك ؟ ( عربى واجنبى )
احمد السقا براد بيت
6/ الممثله المفضله ؟ ( برضه عربى واجنبى ولو فى هندى قوله احنا فاضينلك )
منى زكى جوليا روبرتس
7/ الفيلم المفضل ؟ ( مش كل شويه هقولك برضه عربى واجنبى )
الشبح - الانتقام
8/ طب الفيلم اللى مش مفضل؟
مفيش انا بتفرج على كله انما الاجنبى حسب القسة
9/ ايه هواياتك ؟
قلنا كتابة الاغانى والتلحين واللعب على الجيتار والاورج
10/ لو قولتلك قول رأيك فى نفسك هتقول ايه ؟
هقول لا تعليق :D
11/ ايه اكبر عيب فى شخصيتك ؟
العصبية :@
12/ طب و اكبر ميزه ؟
الحنية :$
13/ اوصف نفسك بكلمه ؟
الشقاوة
14/ لو اتعرض عليك الاشراف تانى هترفض ؟ ولو هترفض قول السبب بصراحه ؟
هو اتعرض بصراحة عليا بس انا مش عاوز اكون مشرف انا عضو شرفى كده زى الفل
15/ اختار شخص واحد من المنتدى بتحبه واتكلم عنه وقول بتحبه ليه ؟
هما اتنين والله الواد طاهر لانه فعلا واد زى العسل وبجد اعرفه من فترة بسيطة بس حسيت انى اعرفه من زمان
التانى طبعا سيوى اعرفه من فترة طويلة اوى وبجد واد زى السكر عمره ما عمل اى حاجة تضايق او تزعل
ربنا يحميهم بجد :$
16/ اختار برضه شخص واحد من المنتدى بتكرهه واتكلم عنه وقول بتكرهه ليه ؟
هو عارف نفسه بس مش كره بصراحة انا شايل منه اوى بس مش هقدر اقول مين
17/ رتب الحاجات دى فى حياتك ( الشغل - الاصحاب - الحب - المال - الزواج - الاطفال )
الشغل - الاصحاب - الحب - المال - الزواج - الاطفال
20/ ايه أقرب وصف من دول لشخصيتك حاليا ( الثقه بالنفس - الخوف - الضياع - التألق - النجاح - الهدوء )
الخوف
21/ ايه شعورك بعد الاجابه على الاسئلة دى كلها ؟ وايه رأيك فى الاسئلة ؟ ( نفس الوش الغلس اللى فوق مطلع لسانه ) هههههههههه
حاسس انى عايز اعلق نور وبالنسبة على رأيي بصراحة ايام اللى حطت الاسئلة زى الفل
ثانيا اختر الاجابة الصحيحه من بين الاقواس ( كله اجبارى )
1/ اغلس عضو فى المنتدى
( عمرو - معتز - بليزى - اميدو - سيوى - عبود - كل ما سبق )
ولا واحد
2/ اكتر عضو محدش طايقه فى المنتدى
( عمرو - معتز - بليزى - اميدو - سيوى - عبود - كل ما سبق )
ولا واحد
3/ اوحش عضو
( عمرو - معتز - بليزى - اميدو - سيوى - عبود - كل ما سبق )
ولا واحد
4/ اجمل واحلى واظرف وارق عضو فى المنتدى
( كل البنات - البنات كلها - اى بنت - حزب البنات )
ولا واحدة :$
amrello
Aug 21 2007, 04:36 PM
تقريبا يا شقى حزب البنات قايم معاك بالواجب :):):)
اللى عايز اعرفه او اساله بلاقيه جاهز وحاجات تانيه مش عيز اعرفها بلاقيم سالينك عليها
ههههههههههههههههههههههههههههههههههههههههههههههههههههههههههه
افترا على اصوله
بس مش عليناااااااااااااااااا :@:@
الشاب الشقى
Aug 21 2007, 06:05 PM
شفت بقى يا عمرو ويوم ما واحدة منهم تقع معايا والله هطلعهعليها تالت ومتلت
ههههههههههههههههههههههههههههههههههههههه
rerezak
Aug 21 2007, 10:37 PM
اجباتك جميلة اوي يا شقي
وبعدين بالنسبة لاسالتي انت لحقت نفسك لانك لو ماكنتش جاوبت عليها مش عارفة كنت هعمل ايه
نكمل باقي الاسئلة
- لو جت حبيبتك وقالت لك انا بحب صديق عمرك تعمل ايه؟
- ايه اسباب انك اتخليت عن حبك الاولاني (لو مش عايز تجاوب بالاش بس عارف لو ماجوبتش انت حر)
- تفضل مشاهدة الافلام ولا الكورة؟
- لو تحب تسافر تصيف تحب تروح فين ومع مين؟
كفاية كدة عليك
jomy
Aug 22 2007, 12:50 AM
ازيك ياشقى منور كرسى الاعتراف والله
وانا بقى عندى ليك حبة اسئلة صغنتطين خاااااااااااااااااااااااااااااااااااالص
ونبدأ الاسئلة
1- امتى حسيت بالندم ؟
2- ماهى اصعب لحظة عدت عليك ؟
3- اية احسن مقلب عملتة فى حياتك ؟
4- اية اكتر لحظة حسيت فيها بالخيانة ؟
5- لو اقولك اكتب لحد رسالة من خمس كلمات فقط تكتب اية ؟
6- اية هو شعورك وانت بترد على الاسئلة دى ؟
وبس كفاية عليك كدة
الشاب الشقى
Aug 22 2007, 06:40 AM
ماشى يا ريرى صبرك عليا يابت انتى :@
- لو جت حبيبتك وقالت لك انا بحب صديق عمرك تعمل ايه؟
بصراحة لو هيا بتحبه وهو لا يبقى هيا بالسلامة ومش هيبقى ليا غير صحبى انما لو هو كمان بيحبها يبقى العيب لا عليها ولا عليه العيب
عليا انا ان انا اللى اخترت صاحب زيه وحبيبة زيها
- ايه اسباب انك اتخليت عن حبك الاولاني (لو مش عايز تجاوب بالاش بس عارف لو ماجوبتش انت حر)
انا اتخليت عن حبى الاولانى مش بايدى والله بس انا بعترف انى غلطان اوى فى حقها
وان انا اللى ضيعتها بسبب حاجات كتير
- تفضل مشاهدة الافلام ولا الكورة؟
لا ده ولا ده انا بحب الاغانى اكتر حاجة
- لو تحب تسافر تصيف تحب تروح فين ومع مين؟
اروح دهب لان بصراحة بحبها اوى وفيها اماكن هادية كتير
من ناحية اح اروح مع مين دى بقى هقولك مش هروح مع حد احب اروح مكان زى ده لوحدى
الشاب الشقى
Aug 22 2007, 06:45 AM
1- امتى حسيت بالندم ؟
لما خسرت حبى الاولانى طبعا
2- ماهى اصعب لحظة عدت عليك ؟
قلت يوم وفاة والدتى
3- اية احسن مقلب عملتة فى حياتك ؟
مقلب عملته لما كنت بصيف فى راس البر انا واصحابى وعملت مقلب فى واحد صاحبى وهو بياخد شاور الساعه 12 بليل
وقمت طافى النور وقعدنا عملنا ليه فيلم رعب وللعلم هو كان قافل الباب من جوة طبعا و بيخاف اوى :$
4- اية اكتر لحظة حسيت فيها بالخيانة ؟
لما خنت حبى الاول ريحتى ريرى كده :D
5- لو اقولك اكتب لحد رسالة من خمس كلمات فقط تكتب اية ؟
حبيت شروق الشمس من عنيكى
6- اية هو شعورك وانت بترد على الاسئلة دى ؟
حاسس انى منتعش اوى :$
ehahe
Aug 22 2007, 05:59 PM
بتحب البحر ولا لا ؟وايه اكتر حاجه او موقف بيجى على بالك اول ماتسمع سيره البحر؟
بتحب مصر ؟ ليه ؟ومع التعليل بالتفصيل ؟
ايه اكتر شئ ممكن يضايقك ؟
واكتر شئ ممكن يفرحك؟
وايه حلمك غير انك تكون مؤلف اغانى ؟
فاكره ايام ماكنت فى حضانه ؟ طب ايه اللى فكره؟
ايه اكتر شخصيه كارتونيه بتحس ان دىيسر؟
ايه هى اللعبه اللى كنت بتحبيها وانت صغير؟
عرفت الفشل قبل كده؟
لما بتتضايق بتعمل ايه علشان تخرج من المود ده؟
صيفت السنه دى؟
هل تقوم بدراسه وعمل خطط لكل شئ قبل الاقدام عليه؟
هل تتقبل التقد ؟
ماذا تفعل اذا ظلمت
مش حتبطل بقى وتبقى كويس وتسيب الماتش؟
مارأيك فى اداء النادى الاهلى مؤخرا؟
كلمه تواجهها للزمالكاويه"خد راحتك اوى"
حل الاسئله ولك عندىى خبر حلو اوى
الشاب الشقى
Aug 22 2007, 08:03 PM
بتحب البحر ولا لا ؟وايه اكتر حاجه او موقف بيجى على بالك اول ماتسمع سيره البحر؟
اكيد بحب البحر والموقف انى اول حب فى حياتى اتعرفت عليها فى اسكندرية وعلى البحر وطلعت من المنطقة عندى
بتحب مصر ؟ ليه ؟ومع التعليل بالتفصيل ؟
اة بحبها بس اتخنقت من العيشة فيها
ايه اكتر شئ ممكن يضايقك ؟
الكدب واللف والدوران
واكتر شئ ممكن يفرحك؟
الحب والصداقة اللى بجد
وايه حلمك غير انك تكون مؤلف اغانى ؟
مهندس شبكات زى منا شغال :$
فاكره ايام ماكنت فى حضانه ؟ طب ايه اللى فكره؟
فاكر لما كنت مسكت واد معايا فى الحضانة مكنش راضى يدينى البلية بتاعتى قمت ماسكه رازع دماعه فى الحيط :$
ايه اكتر شخصيه كارتونيه بتحس ان دىيسر؟
اكيد توم جيرى
ايه هى اللعبه اللى كنت بتحبيها وانت صغير؟
كهربا واستغماية
عرفت الفشل قبل كده؟
فى الثانوية العامة
لما بتتضايق بتعمل ايه علشان تخرج من المود ده؟
بقعد لوحدى واطلع الضيق ده فى الكتابة والسيجارة
صيفت السنه دى؟
لا مليش مزاج لانى عايش لسه لوحدى فى مصر وبخلص ورقى لسه
هل تقوم بدراسه وعمل خطط لكل شئ قبل الاقدام عليه؟
اكييييييييييد
هل تتقبل التقد ؟
النقد بيصلح فيا حاجات مش ببقى واخد بالى منها
ماذا تفعل اذا ظلمت
احاول ارضى اللى ظلمته
مش حتبطل بقى وتبقى كويس وتسيب الماتش؟
اسيب الماتش لو اتعرضت للاصابة وبلاش تكسرى يا اسراء بدل ما اموتك فى الملعب
مارأيك فى اداء النادى الاهلى مؤخرا؟
مش كويس طبعا بس الاهلى اهلى
كلمه تواجهها للزمالكاويه"خد راحتك اوى"
جيتى بقى للكلام الصح
دى بقى لكل زملكاوى مصمم انه يقول اهلى مين وبتاع مين
بص يابنى منك ليها ليه الاهلى عمكم وحارق دمكم
ولو نسيتوا الستة واحد نفكركم بالاربعه
لو نسيتوا ابو تريكة ومتعب نقولكم اتنيلوا وشوفوا عبد المنصف
ربنا يهدى كل زملكاوى الى القلعه الحمراء ويعقل كده وميبقاش غشيم
يلا اسيبكم يا زملكاوية انا كلمتين فى السريع لانى لو اتكلمت هكتب تلاتين صفحة :D
ehahe
Aug 22 2007, 08:26 PM
تسلم ايدك يايسر تصدق انت ميه م يه
بالرغم من عميلك بس طلعت جامد
وعلشان الكلمتين الحلوين بتوع اخر سؤال
حقولك على الخبر الحلو مدتك خلصت من يوم الاتنين بس احنا كنا بنغلس عليك
واجاباتك حلوه اوى بس بطل سجاير
ودلوقتى نفتح باب الترشيح
فاضل كده دانى وطاهر وعبود وسيوى وبليزى
اختاروا بقى
الشاب الشقى
Aug 22 2007, 08:37 PM
وفين البنات يابت انتى :@:@:@
amrello
Aug 22 2007, 09:13 PM
انا برشح اسرااااااااااااااااااااااااااااااااااااااااااااااااااااء
rerezak
Aug 22 2007, 09:25 PM
ههههههههههههههههههههههههههههههههه
برافو عليكي يا اسراء وشكرا"علي اجباتك الجميلة
اسراء ايه لأ
انا برشح طاهر
الشاب الشقى
Aug 22 2007, 09:26 PM
برشح ريرى
rerezak
Aug 22 2007, 09:29 PM
ريري ايه
هو طاهر
الشاب الشقى
Aug 22 2007, 09:53 PM
ريرى بقول وايامك سودة كمان :@:@:@
ehahe
Aug 22 2007, 10:23 PM
وانا طاهر
الشاب الشقى
Aug 22 2007, 10:24 PM
ريرى ريرى
هاتلنا ريرى هاتلنا ريرى
هاتلنا منه باكو واتنين :$:$
كلنا عاوزين ريرى :P
rerezak
Aug 22 2007, 10:29 PM
ايه يابنات انتوا فين انقذوني
الشاب الشقى
Aug 22 2007, 10:30 PM
ينقذوكى وانا موجود استحالة لا دى محالة
jomy
Aug 22 2007, 11:11 PM
وانا كمان بقول طاهر
tgouidah
Aug 23 2007, 12:02 AM
وأنا برشح ريرى معاك يا شقى
كدة 2 ريرى
1 طاهر
jomy
Aug 23 2007, 12:15 AM
طاهر واحد ازاى
انا واسراء وريرى بنرشح طاهر
يبقى 2 ريرى
3 طاهر
IsLaMMoUsSa
Aug 23 2007, 12:21 AM
انا برشح ريري
وكده تعادل
3 ريرى
3 طاهر
الشاب الشقى
Aug 23 2007, 12:23 AM
برشح ريرى
ريرى 4
طاهر 3
hobalovely
Aug 23 2007, 12:36 AM
برشح ريرى
ريرى 5
طاهر 3
يلا بقي علشان محضر اساله جامده جدا
الشاب الشقى
Aug 23 2007, 12:37 AM
كده الف مبروك يا ريرى وايامك زى ما قلتلك لبنى على احمر انشاء الله
نياهاهاهاهاهاهاهاهاهاها
rerezak
Aug 23 2007, 06:49 PM
حسبي الله ونعم الوكيل فيك ياشقي
كدة يعني انا اللي رشحت الاول ادبس انا فيها
الشاب الشقى
Aug 23 2007, 07:00 PM
ههههههههههههههههههههههههههههههههه
الف الف الف الف مبروك
استنى الاسئلة بقى (ضحكة شيطانية)
SeWeY
Aug 23 2007, 07:02 PM
مبرووووووووووووووك يا ريرى
ربنا معاكى يا قمر ههههههههههههه
amrello
Aug 23 2007, 07:03 PM
مـــــــــــــــــــــــــــــــــــــــــــــــــــــــــــبروك اسراء
ربنا يستر عالى هايعمله فيكى الشقى
هههههههههههههههههههههههه
ويلا نبداء اسئلتنا
عامله ايه يا ريرى اللى على طول مستخبيه ؟ :):):)
وايه اخبار الكرسى معاكى؟
سنك و تاريخ ميلادك ؟؟؟ ياريت لو صوره من البطاقه الشخصيه
طولك و وزنك ؟؟؟
عدد اخوتك وترتيبك وسنهم؟؟
ما هى هوايتك ؟؟؟
ما هو اول موضوع لـ ريرى؟؟؟
الموضوع ده يمثلك ايه ؟؟؟
ايه احلى موضوع قراتيه فى المنتدى ؟؟؟
اوحش موضوع قراتيه ؟؟؟
ما هو اخر كتاب قرئتيه؟
ما اكثر الاشياء التى تؤثر فيكى ؟
متى تقولين كلمه انتهى ولن اكمل ؟
هل أنت سريعه الارضاء ؟
ماذا تمثل لكى كلمه الوطن؟
ايه اكتر حاجات اخدتيها من مامتك ؟ ومن باباكى ؟
ومن اقرب اخواتك لديكى ؟
أيه الكلمة اللي بتحبى تسمعيها؟
لو ارتبطتى بواحد وقالك ياانا ياشغلك حيكون ايه موقفك؟
لو ارتبطتى بواحد واهلك رفضوا حتعملى ايه؟
ايه اكتر لعبه بتحبيها فى الالعاب؟
لو معاكى ورده واحده. لمن تهديها ؟؟
كلمه لايجى هات ؟
الشاب الشقى
Aug 23 2007, 07:13 PM
ماهي طموحك في المستقبل ؟
عطرك المفضل ؟
-اكله بتحبيهاا ؟
-اكله مش بتحبيها ؟
اسم ولد بتحبيه ؟
اسم بنت بتحبيه ؟
لو بتحبى الكورة بتشجعى نادى ايه ؟
بتحبى السفر ؟ ولو بتحبيه تحبى تسافرى فين ومع مين ؟
ياترى فى حد ساكن فى قلب ريرى ومش تقوليلى ايجيهات انا بقول عاطفيا :D
دى البداية والبقية تأتى :$
hobalovely
Aug 23 2007, 07:33 PM
اسمك بالكامل
عندك كام سنه
دراستك ايه
بتعملي ايه لما تحسي انك مخنوقه واوعي تقولي برقص
ايه احب حاجه لقلبك
مين اقرب انسان ليكي وبتحبيه اكتر من نفسك
مين قدوتك وبتفتخري بكده
ايه اكتر حاجه بتدايقك
اتهبلتي وحبيتي كام مره
ايه اجمل يوم في عمرك
ايه اسود يوم عدي عليك
ايه الحاجه اللي كان نفسك تعمليها ومتعملتش
كام مره حسيتي بالفشل طبعاً كتير هههههههههههههههههه
جرحتي او خدعتي كام حد في حياتك
بتعملي ايه لو حد غدر بيكي
هل من الممكن ان الحقد يوصل لقلبك
هل من الممكن انك تحبي شخصين في وقت واحد
ولو عملتي كده هيكون احساسك ايه
ايه اكتر حاجه عملتيها ولسه ندمانه عليها لحد دلوقتى
ايه اكتر حاجه بتعجبك في حبيبك
بس كفايه كده عليكي
يلا اعترفي بقي ياقمر ومفيناش من زعل
ehahe
Aug 23 2007, 08:04 PM
انها مهزله
مهزله بجد
كده كل ده يحصل وانا مش هنا لالالالالالالالالالالالالالالالالالالالالالالالالالالا
معلش ياريرى اصمدىوحنوريهم واحد واحد
معلش جوبى وليهم روقه
وسؤالى انهارده
ازاى القمر واخبارك ايه ياجميل؟
Bluesy_panther
Aug 23 2007, 08:36 PM
يا سلااااااااااااااام على حزب الشباب
مبروووووووووووك ريرى
انا عارف انك فرحانه
خدى بقى كام سؤال اهم.........
1- متى تفكر ريرى فى الهروب ومن ماذا؟
2- بماذا تفكر ريرى بقلبها ولا بعقلها؟
3- ما اجمل كلمه اتقلتلك ومن مين؟
4-هل كان هناك شئ فى حياتك يعتبر نقطه تحول؟
5- لو قلتلك انى مش بحب اشوفك فى المندى.....تقوليلى ايه؟
6- لو اديتك 10 ورود ......اختارى لون كل واحده...واهدى كل ورده لعضو ؟
وانتهى المشهد الاول......انتظرى الباقى
سلام يا قمر
IsLaMMoUsSa
Aug 23 2007, 08:43 PM
مبرووووووووووووووووك يا ريري جيتي لقدرك يلا نبتدي
ازيك اخبارك ايه؟؟
انته عندك كام سنه ؟؟؟ وبتدرسي في ايه؟؟
تاريخ اشتراكك في المنتدي؟؟ ياريت بالساعه والدقيقه والثانيه
مين انتيمك هنا في المنتدي وبره المنتدي؟؟
موقف محرج حصلك ؟؟؟ قولي الحقيقه
انتي شخصيه عصبيه ؟؟؟؟
ايه مواصفاات عيل احلامك ؟؟؟؟؟؟
انتي برج ايه؟؟
بتحبي مين من المطربين والمطربات؟؟؟
الاكله اللي انتي بتحبيها مووت ؟؟؟
لما بتخرجي بترووحي فين؟؟؟؟
اكتر مفجاه عجبتك؟؟؟؟
يالا خدي شويه الاسئله دوول اتسلي بيهم لغايه اما ندخل بالتقيل :):)
Bluesy_panther
Aug 24 2007, 12:05 AM
يا عينى البنت تلاقيها دخلت شافت الاسئله انتحرت على طول
يا ريـــــــــــــــــــرى انت فين
يلا عشان فى اسأله كتير
tato2000
Aug 24 2007, 12:36 AM
ممكن اشارك فى اللعبة بس انا مش عارف اخوش فيها ازاى[/color][color="#FF0000"][size="6"][/size]
الشاب الشقى
Aug 24 2007, 12:38 AM
تقدر يا تاتو تسال اسئلة زى ما انت عاوز وباحترام اكيد
والاسئلة المرة دى موجهة لريرى
يلا ورينا اسئلتك لريرى يابطل
rerezak
Aug 24 2007, 12:46 PM
ادعي عليكم بأيه بس ؟لا تعليق ماشي ياحزب الشباب دة انتوا هتشوفوا مني ايام ماشي
ونبدأ بأسئلة عمرو
مـــــــــــــــــــــــــــــــــــــــــــــــــــــــــــبروك اسراء
ربنا يستر عالى هايعمله فيكى الشقى
هههههههههههههههههههههههه
اسراء مين ياعمرو انا ريري
ويلا نبداء اسئلتنا
ماشي ياخويا ابدأ
عامله ايه يا ريرى اللى على طول مستخبيه ؟ :):):)
انا الحمد لله كويسة بس واللهي بختفي غصب عني اوقات كتير بيكون النت عندي واقع
وايه اخبار الكرسى معاكى؟
كويس انا قدة وقدود ان شاء الله وهوريكم نفر نفر
سنك و تاريخ ميلادك ؟؟؟ ياريت لو صوره من البطاقه الشخصيه
انا عندي 22 وماشية في 23 وتاريخ ميلادي 13/9 وخلي صورة البطاقة بعدين علشان ماكينة التصوير بايظة عندك اي سؤال تاني ياحضرة الظابط عمرو
طولك و وزنك ؟؟؟
انا وزني 50 كيلو بس طولي تقريبا" 156
عدد اخوتك وترتيبك وسنهم؟؟
انا عندي ولدين انا اللي في الوسط الكبير 25 سنة والصغير عندة 17 سنة
ما هى هوايتك ؟؟؟
القرأة والرسم
ما هو اول موضوع لـ ريرى؟؟؟
انا بصراحة مش فاكرة اول موضوع ايه
الموضوع ده يمثلك ايه ؟؟؟
لا تعليق
ايه احلى موضوع قراتيه فى المنتدى ؟؟؟
كل المواضيع بجد جامدة وبستفيد منها بجد
اوحش موضوع قراتيه ؟؟؟
لأ مافيش مواضيع مش حلوة
ما هو اخر كتاب قرئتيه؟
مش فاكرة بالظبط بس اكيد كان لاحسان عبد القدوس
ما اكثر الاشياء التى تؤثر فيكى ؟
الاطفال وماما وبابا
متى تقولين كلمه انتهى ولن اكمل ؟
في موضوع ارتباط فاشل لازم ينتهي او اي شئ مش مقتنعة به
هل أنت سريعه الارضاء ؟
مووووووووووووت
ماذا تمثل لكى كلمه الوطن؟
كل حاجة في حياتي
ايه اكتر حاجات اخدتيها من مامتك ؟ ومن باباكى ؟
اخدت من ماما الرومانسية والحنية ومن بابا العصبية الشديدة والطيبة والانضباط في المواعيد
ومن اقرب اخواتك لديكى ؟
اخويا الصغير
أيه الكلمة اللي بتحبى تسمعيها؟
حاضر
لو ارتبطتى بواحد وقالك ياانا ياشغلك حيكون ايه موقفك؟
علي حسب الشخص لو انا بحبة بجد وحاسة معاة بالامان ممكن اتنازل عن الشغل
لو ارتبطتى بواحد واهلك رفضوا حتعملى ايه؟
هحاول اني اقنعهم لكن لو مصرين علي رأيهم مش هعمل حاجو من غير موافقتهم ورضاهم عليها
ايه اكتر لعبه بتحبيها فى الالعاب؟
بحب لعبة الجواز وكرسي الاعتراف وماتش الكورة تقريبا"كل الالعاب
لو معاكى ورده واحده. لمن تهديها ؟؟
اهديها لاقرب انسان لي (ان وجد)
كلمه لايجى هات
انا بموووووووووووت في المنتدي دة بجد ويارب يكون الاحسن دايما"بين المنتديات
يعني انا مش عارفة اقولك ايه علي الاسئلة دة كلها بس مسيرك هتقع تحت ايدي
rerezak
Aug 24 2007, 12:58 PM
ودلوقتي اسئلة الشقي
ماهي طموحك في المستقبل ؟
اني يكون عندي بيت واولاد حلوين اربيهم زي ماانا عايزة
عطرك المفضل ؟
مش حاجة معينة لأني بستعمل منتجات افون
-اكله بتحبيهاا ؟
بموت في البامية والخضار سوتية والسمك
-اكله مش بتحبيها ؟
الكشـــــــــــــــــــــري
اسم ولد بتحبيه ؟
يوسف وسيف
اسم بنت بتحبيه ؟
شهد ونور ونانسي
لو بتحبى الكورة بتشجعى نادى ايه ؟
انا بكرة الكورة مووووووووووت
بتحبى السفر ؟ ولو بتحبيه تحبى تسافرى فين ومع مين ؟
انا بعشق السفر جدا" وبحب اسافر اسكندرية مع اهلي واقاربي
ياترى فى حد ساكن فى قلب ريرى ومش تقوليلى ايجيهات انا بقول عاطفيا :D
ههههههههههههههههههههههههههه طبعا"ايجيهات بس صدقني حاليا"مافيش حد خالص
دى البداية والبقية تأتى :$
حرام عليك كفاية كدة يامفتري
hobalovely
Aug 24 2007, 07:52 PM
ايه ياست ريري الاساله بتاعتي مش عجباكي ولا ايه
يلا ياقمر عايز اعتراف كامل
rerezak
Aug 25 2007, 02:59 PM
هو انا اقدر برضة
وهبدأ اهو بالاسئلة
اسمك بالكامل
رحاب زكريا
عندك كام سنه
عندي 22سنة
دراستك ايه
انا متخرجة من كلية تجارة عين شمس
بتعملي ايه لما تحسي انك مخنوقه واوعي تقولي برقص
ههههههههههههههههههه لأ طبعا"اكيد مش برقص بس بقرب من ربنا اكتر وبحب اكون لوحدي او اقعد مع انتمتي
ايه احب حاجه لقلبك
اهلي واصدقائي
مين اقرب انسان ليكي وبتحبيه اكتر من نفسك
بابا وماما
مين قدوتك وبتفتخري بكده وعمي الكبير
انا ماليش قدوة بحب اعمل اللي مقتنعة به
ايه اكتر حاجه بتدايقك
الكدب والخيانة والغدر
اتهبلتي وحبيتي كام مره
اتهبلت مرة واحدة بس
ايه اجمل يوم في عمرك
مش فاكرة بصراحة
ايه اسود يوم عدي عليك
مش فاكرة بصراحة
ايه الحاجه اللي كان نفسك تعمليها ومتعملتش
كان نفسي اوي ادخل كلية اثار او ارشاد سياحي
كام مره حسيتي بالفشل طبعاً كتير هههههههههههههههههه
دايما الواحد مش بيكون راضي عن نفسه
جرحتي او خدعتي كام حد في حياتك
انا اتجرح بس مش اجرح
بتعملي ايه لو حد غدر بيكي
ياه بتكون حاجة مؤلمة اوي بس هعمل ايه يعني بلجأ لربنا
هل من الممكن ان الحقد يوصل لقلبك
مستحيل خالص
هل من الممكن انك تحبي شخصين في وقت واحد
طبعا"لأ ممكن اكون مرتاحة ليهم لكن طبعا"مش حب بجد
ولو عملتي كده هيكون احساسك ايه
هيكون احساس صعب جدا" وهتكون حاجة مش طبيعية وانا اكيد مش هكون مرتاحة
ايه اكتر حاجه عملتيها ولسه ندمانه عليها لحد دلوقتى
لأ الحمد لله مافيش حاجو ندمانة عليها بس ممكن بالنسة للكلية كان نفسي في كلية تانية
ايه اكتر حاجه بتعجبك في حبيبك
الرجولة والحب والعطاء والحنية والطيبة والتفاهم
بس كفايه كده عليكي ( لسة بدري ياعم اسأل كمان شوية هههههههههههههههههه)
يلا اعترفي بقي ياقمر ومفيناش من زعل( لأ طبعا" مافيش زعل اسأل براحتك وانا اعترف)
rerezak
Aug 25 2007, 08:31 PM
اما دلوقتي فاسؤال اسراء حبيبتي
انها مهزله
مهزله بجد
كده كل ده يحصل وانا مش هنا لالالالالالالالالالالالالالالالالالالالالالالالالالالا
معلش ياريرى اصمدىوحنوريهم واحد واحد
معلش جوبى وليهم روقه
ربنا يخليكي يا اسراء ماتقلقيش انا قدها وقدود ان شاء الله
وسؤالى انهارده
ازاى القمر واخبارك ايه ياجميل؟
انا الحمد لله كويسة