SeWeY
Aug 25 2007, 08:33 PM
انا مش هسالك يا ريرى
كفايه عليكى الشباب
rerezak
Aug 25 2007, 08:44 PM
اما دلوقتي فأسئلة بليزي
يا سلااااااااااااااام على حزب الشباب
بكرة حزب الشباب دة هيشوف هيجري فيه ايه
مبروووووووووووك ريرى
الليه يبارك فيك عقبالك ان شاء الله
انا عارف انك فرحانه
طبعا"انا هموت من الفرح والسعادة
خدى بقى كام سؤال اهم.........
ماشي ياعم اديني اللي عندك
1- متى تفكر ريرى فى الهروب ومن ماذا؟
عمري مافكرت اني اهرب من حاجة
2- بماذا تفكر ريرى بقلبها ولا بعقلها؟
بص يمكن من فترة كنت بفكر بالقلب بس دلوقتي بقيت بفكر بالاتنين مع بعض وممكن الغي القلب
3- ما اجمل كلمه اتقلتلك ومن مين؟
ليه الاحراج دة بس يابليزي ليك يوم برضة
4-هل كان هناك شئ فى حياتك يعتبر نقطه تحول؟
ايوة فعلا"انا لما بدأت اشتغل اتغيرت في حاجات كتيرة اتعلمت اتعامل مع الناس ازاي ودة حاجة مهمة جدا"
5- لو قلتلك انى مش بحب اشوفك فى المندى.....تقوليلى ايه؟
هقولك دة حرية شخصية واحاول اعرف منك ايه سبب كرهك لي
6- لو اديتك 10 ورود ......اختارى لون كل واحده...واهدى كل ورده لعضو ؟
- الحمراء ..... لإيهي
- الصفرا ..... سومة - خوخة - موني - مولها
- البيضا ..... معتز- اميدو - طاهر - بايزي - سيوي
- الروز ..... خوخة
- البنفسج ..... لكل ايجيهات
كفاية خمس ورود مش عرفة الوان تانية
وانتهى المشهد الاول......انتظرى الباقى
سلام يا قمر
وياتري امتي هنكتب النهاية هههههههههههههههه
rerezak
Aug 25 2007, 08:45 PM
ربنا يخليك ياسيوي
بس بجد لو عايز تسأل طبعا"براحتك
Bluesy_panther
Aug 25 2007, 08:58 PM
يا سلام على الردود الجميله دى يا ريرى
انت فعلا زى العسل
بس برضه فى اسأله
1-هل انت جريئه فى تصرفاتك وردود فعلك؟
2-لو فى شخص قالك انه بيحبك.......بس انت مش بتحبيه....هاتقوليله ايه؟
3- ممكن ريرى تتجوز جواز صالونات ولا لازم يكون عن حب؟
4- لو بصيتى فى المرايه هاتشوفى ايه غير نفسك؟
5- لو حبيتى واحد هاتعملى ايه......هاتحولى تصرحى بحبك........ولا هاتسيبيه يموت فى قلبك؟
6-ليه الدنيا مش بتبقى زى ما الواحد عايزه .....والى الواحد بيعوزه مش بيلاقيه!!!!!!!1
انت موفقه على الكلام ده.......وايه تعليقك؟
7- لو ماشيه فى الشارع وادلق عليكى مايه هاتعملى ايه؟
8-سؤال نفسك انى اسألهولك ومسألتوش....ايه هو؟
انتهى المشهد الثانى
rerezak
Aug 25 2007, 09:09 PM
ودلوقتي اسئلة اسلام
مبرووووووووووووووووك يا ريري جيتي لقدرك يلا نبتدي
انا عارفة ما باليد حيلة
ازيك اخبارك ايه؟؟
انا الحمد لله كويسة وكله تمام
انته عندك كام سنه ؟؟؟ وبتدرسي في ايه؟؟
سؤال مكرر
تاريخ اشتراكك في المنتدي؟؟ ياريت بالساعه والدقيقه والثانيه
3/1/2007 بس الساعة والدقيقة والثانية مش فاكرة براحة
مين انتيمك هنا في المنتدي وبره المنتدي؟؟
في المنتدي اكتر واحد انا قريبة منها هي ايهي (اسراء)وبرة المنتدي صاحبتي مروة
موقف محرج حصلك ؟؟؟ قولي الحقيقه
دايما بتعرض للسقوط او الزحلقة من علي السلم في الشغل
انتي شخصيه عصبيه ؟؟؟؟
انا عصبية موووووووووووووت
ايه مواصفاات عيل احلامك ؟؟؟؟؟؟
بالنسبة لعيل احلامي عايزاه يكون راجحل ويحبني بجد ويحافظ عليه ويكون حنين وطيب ومتفاهم
انتي برج ايه؟؟
العذراء
بتحبي مين من المطربين والمطربات؟؟؟
المطربين عامر منيب (الكينج) والمطربات شيرين
الاكله اللي انتي بتحبيها مووت ؟؟؟
بموت في البامية والخضار سوتية والسمك
لما بتخرجي بترووحي فين؟؟؟؟
سيتي ستارز - العب بولينج - النادي
اكتر مفجاه عجبتك؟؟؟؟
مش فاكرة بصراحة دلوقتي
يالا خدي شويه الاسئله دوول اتسلي بيهم لغايه اما ندخل بالتقيل :):)
وانا منتظرة التقيل
hobalovely
Aug 25 2007, 09:20 PM
( لسة بدري ياعم اسأل كمان شوية هههههههههههههههههه)
جايه تفكي كام يابنتي ههههههههههههههههههههههه
بحييكي ياريري علي اجاباتك المقنعه الي حد ما
وبجد اجمل حاجه اللجوء الي الله سبحانه وتعالي وقت الشده والرخاء
تحياتي لكي والقادم اصعب
ehahe
Aug 25 2007, 09:51 PM
حبيبتى منوره الكرسى بالعند فى ناس
قلبى معاكى ياقمر
حسألك كده علشان بس يعرفوا اننا مش بنقعد عند بس بنقعد اللى بنحبهم
اول سؤال
ايه الجمال ده؟
2 مين اكتر عضو نفسك تنتقمى منه ممكن 10 لوحبيتى؟
مااكثر شئ يدخل على قلبك السعاده؟
مااكثر شئ يسبب لك الالم؟
ايه رأيك فى اسكندريه؟
هل فى امل تيجى تانى اسكندريه السنه دى؟
بس كفايه كده ياقمر
مشمشه
Aug 26 2007, 11:34 AM
لو سألتك عن طفولتك واحلى ايام "عايزه قصص كتيره"
هل كنتى طفله وديعه ام شقيه؟
ايهما تفضلين زوج غيور ام ام عنده ثقه بطريقه متبلده
ماهو الامان بالنسبه اليك؟
هل مرت عليك لحظة ابحرت فيها داخل ذاتك ؟ ولو كنت فعلت ماذا وجدت ؟
يقولون أن الصداقه في الإنترنت مجرد صداقه وقتيه تنتهي بإقتضاء
الحاجه أو الغرض ... ما رأيك ؟؟
ابتسامة صادقة لمن تمنحها ..؟
لو كان لك قلبين .... فكيف توزعهم ؟؟؟؟
ما أجمل شئ بالحياة ...؟؟
ما أسوء شئ بالحياة ...؟؟
نقطة ضعفك؟
ايه هو البرنامج اليومى بتاعك ؟
لو رجعت إلى الصفر هل ستجعل حياتك كما هي ؟؟؟
ما هو اخر كتاب قرئتيه؟
ما اكثر الاشياء التى تؤثر فيكى ؟
متى تقولين كلمه انتهى ولن اكمل ؟
هل أنت سريعه الارضاء ؟
ايه اكتر حاجات اخدتيها من مامتك ؟ومن باباكى ؟
ومن اقرب اخواتك لديكى ؟
انا حطيت بعض الاسئله اللى اتحطيت ليا
لو فى منها مكرر قولى ده مكرر و جاوبى على الباقى
و كرسى سعيد عليكى
ههههههههههههههههههههههههههههههههههههه
rerezak
Aug 26 2007, 08:54 PM
ودلوقتي بكمل المشهد التاني من مسرحية بليزي
يا سلام على الردود الجميله دى يا ريرى
انت فعلا زى العسل
ربنا يخليك يابليزي دة من ذوقك
بس برضه فى اسأله
ولايهمك اسأل زي ما انت عايز انا صامدة
1-هل انت جريئه فى تصرفاتك وردود فعلك؟
جدا"واي حاجة تطلع في دماغي احب اعملها فورا"
2-لو فى شخص قالك انه بيحبك.......بس انت مش بتحبيه....هاتقوليله ايه؟
طبعا"هيكون موقف صعب جدا"بس هحاول بشكل كويس في الكلام اني بعتبرة زي اخويا
3- ممكن ريرى تتجوز جواز صالونات ولا لازم يكون عن حب؟
طبعا"انا افضل جواز عن طريق الحب بس ايه اللي يمنع اني اتجوز عن طريق الصالونات طالما مرتحاله والحب يجي بعد الجواز
4- لو بصيتى فى المرايه هاتشوفى ايه غير نفسك؟
اكيد هشوف نفسي يعني هتحول في المرايه ولا ايه يابليزي هههههههههههههههههههههه
5- لو حبيتى واحد هاتعملى ايه......هاتحولى تصرحى بحبك........ولا هاتسيبيه يموت فى قلبك؟
لأ طبعا"عمري ما هحب حد واروح اقوله انا بحبك لازم طبعا"تيجي منه ومش هسيبة يموت ولا حاجة ممكن مايكنش بيحبني
6-ليه الدنيا مش بتبقى زى ما الواحد عايزه .....والى الواحد بيعوزه مش بيلاقيه!!!!!!!1
انت موفقه على الكلام ده.......وايه تعليقك؟
فعلا"عندك حق يابليزي بس ليه هتقلب علينا المواجع ياعم بس هي كدة الحياة مش كل اللي الواحد بيتمناه يتحقق
7- لو ماشيه فى الشارع وادلق عليكى مايه هاتعملى ايه؟
هتغاظ اوي
8-سؤال نفسك انى اسألهولك ومسألتوش....ايه هو؟
هو انت كل دة ومافيش حاجة لسه ماسألتهش كفاية حرام عليك
انتهى المشهد الثانى
اخيرا"
rerezak
Aug 26 2007, 09:03 PM
حبيبتى منوره الكرسى بالعند فى ناس
قلبى معاكى ياقمر
حبيبتي ايهي انتي اللي منورة المنتدي كله ربنا يخليكي
حسألك كده علشان بس يعرفوا اننا مش بنقعد عند بس بنقعد اللى بنحبهم
اسألي براحتك ياقمر وانا تحت امرك
اول سؤال
ايه الجمال ده؟
ربنا يخليكي ياقمر واللهي انتي اللي زي العسل
2 مين اكتر عضو نفسك تنتقمى منه ممكن 10 لوحبيتى؟
اكتر اتنين بليزي والشقي هههههههههههههههههههههههههه
لا طبعا"انا بحبكم كلكم
مااكثر شئ يدخل على قلبك السعاده؟
الاطفال
مااكثر شئ يسبب لك الالم؟
القراق
ايه رأيك فى اسكندريه؟
اسكندرية دة انا بعشقها موووووووووووت بجد ونفسي اكون فيهعا دايما"
هل فى امل تيجى تانى اسكندريه السنه دى؟
لا ما اعتقدش لأن خلاص احنا هنبدأ الدراسة في الشغل عندي الاسبوع الجحاي فصعب اني اخد اجازة بس واللهي كان نفسي اروح تاني
بس كفايه كده ياقمر
ربنا يخليكي طبعا"لو عايزة تسألي تاني براحتك
rerezak
Aug 26 2007, 11:38 PM
ودلوقتي اسئلة مشمشة
لو سألتك عن طفولتك واحلى ايام "عايزه قصص كتيره"
بصراحة مش فاكرة خالص
هل كنتى طفله وديعه ام شقيه؟
متهيالي كنت وديعة
ايهما تفضلين زوج غيور ام ام عنده ثقه بطريقه متبلده
لأ طبعا"زوج غيور
ماهو الامان بالنسبه اليك؟
اني اكون وسط اهلي والناس اللي بحبهم
هل مرت عليك لحظة ابحرت فيها داخل ذاتك ؟ ولو كنت فعلت ماذا وجدت ؟
اكيد طبعا"الواحد بيجي علي فترات يدخل جوة نفسه يشوف الصح والغلط وممكن الاقي نفسي بعمل حاجات غلط مش راضية عنها
يقولون أن الصداقه في الإنترنت مجرد صداقه وقتيه تنتهي بإقتضاء
الحاجه أو الغرض ... ما رأيك ؟؟
بصي انا كنت مقتنعة ان الشات والكلام علي النت كله كلام فارغ بس بعد ما اشتركت في المنتيدي لقيت اني اتعرفت وعملت صداقات جميلة انا بعتز بيها
بس موضوع الحب والارتباط عن طريق النت اهو دة مش هغير رأي في ابدا"
ابتسامة صادقة لمن تمنحها ..؟
امنحها لاصدقائي
لو كان لك قلبين .... فكيف توزعهم ؟؟؟؟
قلب لاهلي واقاربي واصدقائي وقلب لحبيبي
ما أجمل شئ بالحياة ...؟؟
الصداقة والحب
ما أسوء شئ بالحياة ...؟؟
الخيانة والفراق والكذب
نقطة ضعفك؟
الاطفال
ايه هو البرنامج اليومى بتاعك ؟
بقوم الصبح اصلي الفجر وبعد كدة انام واصحي اروح الشغل وارجع انام وبعد كدة اتغدي واتفرج علي التليفزيون او اقعد علي المنتدي
او بدل التليفزيون والمنتدي اخرج مع اصحابي
لو رجعت إلى الصفر هل ستجعل حياتك كما هي ؟؟؟
لأ هدخل كلية ارشاد سياحي او اثار
ما هو اخر كتاب قرئتيه؟
مكرر
ما اكثر الاشياء التى تؤثر فيكى ؟
مكرر
متى تقولين كلمه انتهى ولن اكمل ؟
مكرر
هل أنت سريعه الارضاء ؟
مكرر
ايه اكتر حاجات اخدتيها من مامتك ؟ومن باباكى ؟
مكرر
ومن اقرب اخواتك لديكى ؟
مكرر
انا حطيت بعض الاسئله اللى اتحطيت ليا
لو فى منها مكرر قولى ده مكرر و جاوبى على الباقى
و كرسى سعيد عليكى
ههههههههههههههههههههههههههههههههههههه
سعيد اوي وميرسي ليكي علي اسالتك
Bluesy_panther
Aug 27 2007, 04:15 AM
المشهد الاخير
بجد اسعدتينا وانت على الكرسى بإجاباتك الى زى العسل زيك....
عايزين نختم المسرحيه بقى
1- كلمه لاداره المنتدى...........
2-كلمه لمشرفين المنتدى........
3-كلمه لاعضاء المنتدى.........
4-كلمه تحبى تقوليها لاى شخص فى الدنيا كلها..........
عايزين نشوفك كتير على الكرسى فى المرات الجايه بقى
بالتوفيق يا قمر........
rerezak
Aug 27 2007, 08:56 PM
اخيرااااااااااااااا
المشهد الاخير
بجد اسعدتينا وانت على الكرسى بإجاباتك الى زى العسل زيك....
ربنا يخليك دة من ذوقك ياجميل
عايزين نختم المسرحيه بقى
انا كمان عايزة اختمها
1- كلمه لاداره المنتدى........... خلي بالكم علي المنتدي احنا عايزينه دايما"في تطور وتقدم
2-كلمه لمشرفين المنتدى........ ابذلوا اقصي مافي جهدكم للارتقاء بالمنتدي
3-كلمه لاعضاء المنتدى......... بيكم المنتدي قائم طول مافي جديد واضافات
4-كلمه تحبى تقوليها لاى شخص فى الدنيا كلها.......... مش عايزة اقول حاجة لأي جد
عايزين نشوفك كتير على الكرسى فى المرات الجايه بقى
اه ان شاء الله بعد عمر طويل ههههههههههههههههههههههههه
بالتوفيق يا قمر........
ربنا يخليك
Bluesy_panther
Aug 28 2007, 02:24 AM
rerezak
Aug 28 2007, 08:09 PM
وانا برشح طاهر
ehahe
Aug 29 2007, 02:47 AM
نورتى والله الكرسى ياريرى ومعلش ياقكمر مكنتش بدخل بس تتعوض فى حزب الاعداء
واكيد حرشح طاهر
كده مشمش 1
وطاهر 2
amrello
Aug 29 2007, 04:02 AM
مشمش 2007
وكده مشمش = 2
وطاهر بيه = 2
وتعادل
hobalovely
Aug 29 2007, 04:07 AM
انا برشح مشمش
مشمش 3
طاهر 2
soley2003
Aug 29 2007, 04:34 AM
TaHeR
soma85
Aug 29 2007, 10:53 AM
انا بقى بارشح طاهر
monyy
Aug 29 2007, 09:47 PM
برشح طاهر
وكدة طاهر 5
مبروووووووووووك الكرسى يا طاهر
tgouidah
Aug 30 2007, 09:18 AM
دى بقى المبروك الوحيدة اللى ما يتقالش عليها "الله يبارك فيكى"
وموش هقولك أنا بقول أيه دلوقتى فى سرى يا مونى
منكم لله يا حزب البنات كلكم وماشى يا سولى بينا حساب (عصير) هههههههه
وعلى العموم ماشى ورونا بقى الأسئلة بس أنا هرد على اللى يعجبنى بس
ehahe
Aug 30 2007, 02:57 PM
مبروك ياطاهر الف الف مبروك
نبتدى الاسئله
اسمك بالكامل وسنك ؟
عندك اخوات ؟طب كام ؟واسميهم وسنهم وترتيبكبينهم ؟يلا بقى غلاسه
وظيفتك لو بتشتغل او مؤ هلك الدراسى "اعترف الانكار مش حيفيدك"
ماهو شعورك وانت على كرسى الاعتراف؟
كلمه توجهها لحزب البنات "مش عايزه شتيمه ولا اى شئ من شأنه انه ينرفز البنات"
كنت طيب فى الاول زى بليزى قبل مايدخل الالعاب ظ فعايزه اعرف ايه سر التحول ده ؟
عرفت ازاى ايجيهات ؟
انت اهلاوى ولا زمالكاوى ؟ولو اهلاوى ليه ولو لا ليه برضه؟
ايه اكتر حاجه بتأثر فيك ؟
ايه اكتر اكله بتحبها وايه اكتر اكله بتكرهها
لو سألتك أنت مصرى تقولى ايه؟
ماذا تعنى الصداقه ؟ وهل ليك اصدقاء كتير؟
ماهى اهتماماتك ؟
ماهو اخر كتاب قرأته
بس كده مؤقتا على بال مارجع
tgouidah
Aug 30 2007, 10:32 PM
نبتدى بإسراء يعنى أحلى بداية إن شاء الله وربنا يستر
وطبعا أنا قلت الأسئلة اللى موش هتعجبنى موش هرد عليها بدل ما أكذب يعنى الصراحة راحة
أستعانا ع الشقا بالله وربنا يعدى الكام يوم دول على خير
مبروك ياطاهر الف الف مبروك
الله يبارك فيكى يا إسراء ومنه لله اللى كان السبب
نبتدى الاسئله
اتفضلى
اسمك بالكامل وسنك ؟
طاهر محمد جويدة
وسيبك من حكاية السن دى عشان عمر الإنسان بيتقاس بلحظات السعادة اللى بيعيشها يعنى هتلاقينى صغير جدا (بس طبعا بالأوراق لأ)
عندك اخوات ؟طب كام ؟واسميهم وسنهم وترتيبك بينهم ؟يلا بقى غلاسه
أيوه عندى أخت واحدة أصغر منى بـأربع سنين ونص أسمها ((هدى)) ربنا يخليهالى يا رب وطبعا أكيد موش هقولك عندها كام سنة
طب أيه الغلاسة فى دى (سؤال السن بالنسبة لى أغلس)
وظيفتك لو بتشتغل او مؤ هلك الدراسى "اعترف الانكار مش حيفيدك"
المؤهل بكالوريوس العلوم والتربية تخصص إلكترونيات (خريج كلية التربية شعبة التعليم الفنى) زومل يعنى يا إسراء
بس عملت دبلومة تطبيقات الحاسب والبرمجة فى الجامعة الأمريكية
وبشتغل فى الأكاديمية العربية للعلوم والتكنولوجيا (طبعا بشهادة دبلومة الكمبيوتر) يعنى موش فى التدريس مع أنى بحب التدريس بس بظروف دلوقتى متهيألى كدة أحسن والحمد لله)
ماهو شعورك وانت على كرسى الاعتراف؟
منكوش أصلى نسيت أسرح هههههههههههه
شعور منيل بنيلة بعيد عنك لأنى بكره الإستجوابات والتحقيقات (وكلمة ف سرك) بترعب منها
وحاسس أنى قاعد قدام 3 قضاه ووكيل نيابة والمحامى حلقلى ومجاش (وتخيلى أنت بقى واحد ف الظروف دى حالته شكلها أيه!!؟؟)
يعنى بجد كان نفسى ماقعدش
كلمه توجهها لحزب البنات "مش عايزه شتيمه ولا اى شئ من شأنه انه ينرفز البنات"
بالعكس الكلام ده فى الألعاب بس ومن ورا القلب كمان
إنما فى الواقع والحقيقة حزب البنات هو الألوان بتاعة المنتدى ومن غيرهن المنتدى يبقى أبيض وأسود بجد
(بس خلى بالك لازم تحطى الخطوط الرئيسية الأبيض والأسود فى أى لوحة قبل ما تبتدى تلونى وإلا الألوان هتبقى خلطبيصة ههههههههه)
ويمكن عشان كده هن المسيطرات على الإشراف فى المنتدى
كنت طيب فى الاول زى بليزى قبل مايدخل الالعاب فعايزه اعرف ايه سر التحول ده ؟
ده شرف ليا طبعا أن أكون زى (عبد الحميد) بليزى بس أنا عمرى ماكنت طيب أنا كنت عامل نفسى كدة بس لغاية ما لقيت ناس حلوة زى (يسر) الشاب الشقى وإسلاموز وطبعا حزب البنات اللى طلعوا الشقاوة الحقيقية اللى جواية
وبعدين صحابى دايما بيقولو عليا انى شكل الطيبين (أحكمى أنت بقى ههههههههه)
عرفت ازاى ايجيهات ؟
الموضوع كان صدفة لأنى كنت بدور على أغانى ودخلت منتديات كتير بس مش عارف أيه اللى حصل لما دخلت إيجى هات (تقريبا علقت ولا حد قفل الباب ورايا فمعرفتش أخرج) ودخلت فى باقى الأقسام ولقيت موضوعات حلوة كتير وبقيت بدخل بانتظام تقريبا وبعدها بفترة أبتديت أرفع مواضيع أغانى فاتعرفت على (ســـيوى) أحلى شخصية فى إيجى هات بجد واللى ليه الفضل بعد ربنا فى أنى أتفاعل مع الناس الحلوة اللى هنا كلهم وبعديها كلم الإدارة علشان أكون مشرف
(بجد بموت فيك يا سيوى ربنا يخليك ليا وما يحرمنيش منك أبدا)
انت اهلاوى ولا زمالكاوى ؟ولو اهلاوى ليه ولو لا ليه برضه؟
يا نهار زى بعضه يا إسراء كل ده وماتعرفيش..
ده الدم اللى بيجرى فى عروقنا واللى من غيره نموت لونه أحمر وبيقول وهو ماشى ف العروق (بيب بيب أهلى)
طبعا أهلاوى حتى النخاع
وبعدين لو ماكنتش أهلاوى يعنى هكون أيه ده الناس التانية بتستخبى من الكسوف ف الضلمة بس اللون الأبيض بيفضحهم هههههههه
ايه اكتر حاجه بتأثر فيك ؟
موش عارف قصدك تأثير إيجابى ولا سلبى
بس هو لو أيجابى فيبقى صدق المشاعر والحب الحقيقى اللى من القلب بجد (وده بيتحس جدا وبيخلينى طاير ف السما) طبعا من الأصحاب او الزملاء أو من أى حد عشان محدش يركز على حاجة واحدة بس (الجنس الآخر يعنى)
أنما الحاجة اللى بتأثر فيا تأثير سلبى وبجد بتقتلنى هى الغدر والخيانة والضرب فى الظهر خصوصا لما يكون من حد قدمتي له الخير وكنتى بتحبيه بجد
ايه اكتر اكله بتحبها وايه اكتر اكله بتكرهها
أكتر أكلة بحبها البيتزا والمكرونة والفراخ (المطعم الإيطالى عموما)
ومفيش أكلة بالتحديد بكرها هى مسألة تفضيل نوع على نوع (وكلها نعم ربنا والحمد لله)
لو سألتك أنت مصرى تقولى ايه؟
أقولك مصرى أبن مصرى وأبن مصر الله عليه هههههههه
بجد مصر دى أحلى بلاد الدنيا وشعبها أحلى شعب فى العالم وكفاية انه مستحمل اللى مستحمله وصابر
وعمرى ما فكرت أسيب البلد وأطفش زى ما شباب كتير بيفكر بالعكس قاعد فيها لغاية ما أموت وأدفن فيها برضه
لو بلدنا دلوقتى ظروفها موش ولابد يعنى عمرها ما هتكون أحلى وأحسن إلا بولدها المخلصين ليها واللى هيغيروها بسواعدهم وعرقهم ودمهم
ماذا تعنى الصداقه ؟ وهل ليك اصدقاء كتير؟
الصداقة اللى بجد ومن القلب أحلى حاجة فى الدنيا
وللأسف مليش أصدقاء كتير هما (2)
وما تنسيش أن المستحيلات الثلاثة هى (الغول والعنقاء والخل الوفي)
ماهى اهتماماتك ؟
أكيد الكمبيوتر والموسيقى والرياضة (وأحيانا على حسب المزاج الرسم)
ماهو اخر كتاب قرأته
موش غاوى قراية كتير للأسف بس بحب أقرا لـ (مصطفى محمود) و (محمود السعدنى)
وكتب الكمبيوتر لأنى لما بكون عايز أتعلم حاجة جديدة بفضل قراءة كتاب أحسن من ما أروح لحد يعلمنى
بس كده مؤقتا على بال مارجع
ترجعى بالسلامة بإذن الله وأنا مستنى لما نشوف أخرتها أيه
nervo
Aug 30 2007, 10:40 PM
اجاباتك حلوه ياطاهر بس فى حاجه ضايقتنى اوى
بس على فكره بقى انا بفتخر انى زمالكاويه يعنى مش مكسوفه زى مابتقول كده وتاريخ الزمالك مفيش حد يقدر ينكره
بحبك يازمااااالك بموووت فيك وش مطلع لسانه ليك ياطاهر
وبما انك اهلاوى فالأسئله جايه
ehahe
Aug 30 2007, 11:00 PM
ههههههههههههه
اوعى تفكر ان دبلوماسيتك دى حتنفعك
خد دول بق
عندك كام سنه"مفيش حاجه اسمها متردش"
ايه اللى اخدته من مامتك؟ومن باباك؟
هل انت راضى عن نفسك؟
ايه اللى كان نفسك تحققه بس محصلش نصيب؟
هل تمنيت حاجه واتحققت ؟ايه هى ؟
لو تقدر ترجع سنتين لورا كنت غيرت ايه؟
وايه برامجكالمفضله؟والبرامج اللى بتكرهها؟
لو سألتك عن طفولتك واحلى ايام "عايزه قصص كتيره"
هل كنت طفل وديعه ام شقي
ماهو الامان بالنسبه اليك؟
يلا حل ونبقى محط تانى
مورييش حاجه
IsLaMMoUsSa
Aug 30 2007, 11:11 PM
يا نهار ابيض ارحموا الواد شويه انتوا مصدقتوا ولا ايه
معلش يا بني استحمل لغايه اما ننتقم منهم بعدين
nervo
Aug 31 2007, 12:13 AM
ازيك ايه الاخبار؟؟؟
ايه رأيك في كل من ؟
وزير الصحه:
وزير التربية والتعليم:
وزير الماء والكهرباء:
وزير العمل والشؤون الاجتماعية:
الرئيس حسنى مبارك:
وزير الاتصالات:
مثل تؤمن فيه
حكمه تقولها
كم نسبتك بالثانويه يوم تخرجت ؟
موقف اثر في حياتك وخلاك تستفيد منه ؟
لو كنت في مظاهرة ماهي العبارة التي تهتف بها ولمن تهتف !!
عندما تكون معجبا بواحده .. ماهي طريقتك في الوصول الى قلبها !!
والدك هل هو النموذج في حياتك .. ولو لم يكن والدك هل يكون كذلك !!
في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!
كم مرة تنازلت عن مبادئك من اجل انثى !!
ماهو الموقف الذي تضبط فيه نفسك متلبسا بالتناقض ؟
هل تتزوج من تحبها .. ام تحب من تتزوجها !! وايهما تراه اجمل ؟
ايهما اجمل المراة في الواقع ام في الخيال!!
هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
هل خضت يوما حربا من اجل الوصول الى قلب انثى .. وهل ظفرت بقلبها !!
ماهي الكلمة التي تربكك من الانثى !!
هل ممكن تتزوج وحده اعترفت لك انها كانت على علاقه بواحد قبلك؟
صفة متواجدة في المجتمع تكرها؟
هل تريد الرجوع إلى الدراسه بالمدرسه ؟؟يعني اشتقت لها ؟؟
اسم يحزنكـِ كلما سمعته؟؟
4- آخر مقلب عملته فمين؟
لمن تهدي ؟؟
1- ورده صفراء
2 -ورده حمراء
3 -بوكيه ورد كامل <<شكلي بفتح محل ورد
تواضب على صلاتك ؟؟
اذا تواضب على صلاتك ؟؟ هل في اوقاتها ؟؟
ما هى اكثر قسم
عجبك من حيث نظام
و ترتيب ؟
و ما هو اكثر عضو
عجبك من حيث
المواضيع و الردود ؟
موهبه تمتلكها وأخرى تمنيت ان تمتلكها؟
اذا اكتشفت ان اعز اصدقائك خانك هتعمل ايه ؟
اذا مسكت منصب كبير في الدوله هتعمل ايه ؟ يعنى بقيت رئيس جمهوريه ؟
غلطه ندمت عليها ؟
لو ربنا رزقك بمليون جنيه هتمل بيهم ايه طبعا هتديهملى ههههههههههه ؟
اذا كانت ما شي في خط سريع وفي اخر الليل وشفت واحد متعطل توقف له ولا تمشي ؟
حاجه حلووووووه في حياتك تتمنى انها تستمر معاك ؟
افضل قناة عندك ماهي؟
لو كنت تريد ان تسافر بالسياره وانت اللي تسوقي لوحدك
وكان عندك طريقين ...
الاول : طريق حلو وخضــار واشجار بس يمكن ياخد 5 ايام عشان توصل
الثاني: طريق مقرف وحالته حاله .. بس هتوصل فى يوم..
تختار اي واحد ...
لو جالك واحد ووراك 5000 جنيه وقالك عندك خيارين :
1) تاخد الــ 5000 جنيه الأن..
2) ما تاخدي الــ 5000 الان وبعد سنه ممكن يوصلو 100000 وممكن تروح الــ 5000
اي خيار تختار الاول ولا الثاني .. واعطيني اسباب اختيارك..
قولى احلى حلم حلمته وانت نايم وحلم وحش قومك من النوم مفزوع؟؟
من اقرب انسان الى قلبك؟
متى كنت حزينا جدا و متي كنت سعيدا جدا ؟
هل راضى عن عملك الآن ؟
وماذا كان العمل الذى كنت تحلم بيه ؟
اكلتك المفضله؟
اللون المفضل؟
بما انك اسكندرانى فما هى طريقة عما الملوخيه بالجمبرى؟؟على فكره السؤال ده بسأله لكل اسكندرانى بيقعد على الكرسى بس مفيش
حد جاوبه خالص
متى شعرت بالندم ؟
ولماذا ؟
متى أحسست باحساس الظلم ؟
من ( مطربك / مطربتك ) المفضل ؟
لو كنت محامى !! ماهى القضيه التى تريد الدفاع عنها ؟
يلا قولنا نكته دلوقتى وتكون مش بايخه اوك؟
ما هو الشئ الذى يثير غضبك.. ويجعلك بالفعل تخرج عن شعورك
ماهى هواياتك
ما هو العيب الذى ما زلت تحاول التخلص منه
ما هو احسن رئيس حكم مصر على مر العصور .. ولماذا
ماهى النصيحه المخلصه الامينه التى تريد توجيهها لشباب اسكندريه عامة وشباب المنتدى خاصة
ما هى الاغنيه التى تستدعى الدموع فى ع*** عند سماعها
من هو الممثل الكوميدى اللى بيخليك تموت من الضحك
ماهو الشئ الذى يجعلك سعيدا مثل طفل صغير حصل على لعبه جديده
كل واحد مننا جواه عقده او شئ بيخاف منه خوف مرضى.. ايه بقى بصراحه عقدتك فى الحياه .. وايه الشئ اللى بتخاف منه خوف مرضى مع انه ممكن يكون شئ عادى لحد تانى زى مثلا الخوف من الاماكن العاليه او المغلقه.. الخ
مين هو الانسان الللى أثر بجد فى مشوار حياتك
ما هى الصفات الجميله التى تتحلى بيها كما يقول لك من حولك من اقارب واصدقاء
عرف نفسك فى كلمه واحده فقط
رشح لنا بعض من اعضاء المنتدى من هو يصلح ان يكون
كوميديان مصر الاول
موظف حكومى
مدرس
صحفى
عضو مجلس شعب
ممثل او ممثله
قائد طائره
محامى
دكتور نفسى
فنان
مهندس
ما تعريف الاهانة في قاموسك ومتي تعتبر نفسك مهان؟ وما هو ردك علي تلك الاهانة . مع ذكر موقف قد اهنت فيه جدا ولم تنساه
ما هي السعادة ؟ مع ذكر موقف كنت فيه في قمة السعادة
ايه الموقف اللي ابكاك من قلبك
ايه الصفة الوحشة فيك
ايه هي الايجابيات والسلبيات في المنتدي
ما هو اصعب موقف مررت به؟
متي تختلي بنفسك ؟ وهل تحاسب نفسك وتعاقبها ؟ واين يمكنك الاختلاء بنفسك دون دخيل؟
نفسك في ايه دلوقتي
ما هو البرنامج اليومي لك على مدار الاسبوع .؟
اى الاعضاء تتمنى روايته فى الحقيقه &اكتر الاعضاء يحيطه الغموض من وجهة نظرك & تود ان تنصح احد الاعضاء نصيحه معينه ( من هو هذا العضو وما هى النصيحه ) .؟
اى مراحل حياتك أحب إليك ولماذا مع ذكر اسباب عدم اختيارك الاخرى .؟
( الطفوله _المراهقه _ الشباب ) ؟
اذا بلغك خبر سيئ عن وفاه والد اقرب اصدقاءك وطلب منك تبليغه بالخبر ماذا ستقول له ؟
ايه الموقع الى انت عامله Home page على الانترنت اكسبلورر عندك؟؟
لما تكون مدايق..بتعمل ايه؟؟؟ومين اول شخص بتلجأ له؟؟
بتحكم على الناس ازاى.؟؟وبعد اد ايه؟؟؟
بتتنرفز بسرعة ؟؟ولا تقدر تقول على نفسك انك هادي؟؟وايه الى ممكن يخليك تفقد اعصابك؟؟
العمر لا يقاس بالثوانى والدقائق والأيام والشهور والسنين .
بماذا تقيس عمرك؟
أنا أفكر إذن أنا موجود .
ما مدى صحة هذه العبارة فى رأيك ؟
المفروض زى ما بتقول .. لكنه مرفوض زى أنا ما بقول .
احكى لنا موقف خاص فى حياتك كان المفروض فيه ان يحدث ولكنه كان مرفوضا
منك ؟
انت فاهم انى مش عملت اللي علىّ .. لا والله بس غصب عنى .
ما الذى فعلت ما عليك فيه وكانت النتيجة عكسية لظروف غصب عنك ؟
أنا لا أشكو وفى الشكوى انحناء .. وأنا نبض عروقى كبرياء .
ممن تشكي ؟ لمن ؟ ولما الكبرياء؟
كل شئ وله بداية ونهاية الا هذا الشئ .
ماهو هذا الشئ .. الخاص بك وحدك ؟
أنا لا سعيد ولا تعيس ولكن ........
ولكن ماذا ؟
كأنك تعلمي ما بدا خلى .. لكن الموضوع ده بالذات أهرب من الإجابة عليه لأنه يخص كرامتى الشخصية .
يا ترى ممكن نعرف موضوع إيه ؟
لست وحيد فى ذلك .. الشباب كله يعانى ولكنى لست مثلهم فى ذلك .. ولى مقاييس خاصة جدا ..
كيف تجد نفسك فى ضوء هذه العبارة بين الشباب ؟
نعم لى أخطاء كثيرة مثل كل الشباب .. لكن هذا الخطأ لا يمكن أن أنساه لأنه جلب لى مشاكل عديدة ..
ما هو الخطأ ولما ارتكبته ؟
كفايه كدا دلوقتى
ehahe
Aug 31 2007, 05:12 PM
ايه ياطاهر الاسئله من امبارح ومتحلتش انت اتخضيت من اسئله نيرفوولا ايه
على فكره قدامك 3 ساعا لو الاسئله متحلتش حتضاعف فجاوب بسرعه احسن لك
tgouidah
Aug 31 2007, 08:10 PM
إقتباس(ehahe @ Aug 31 2007, 05:12 PM) [snapback]831352[/snapback]
ايه ياطاهر الاسئله من امبارح ومتحلتش انت اتخضيت من اسئله نيرفوولا ايه
على فكره قدامك 3 ساعا لو الاسئله متحلتش حتضاعف فجاوب بسرعه احسن لك
ههههههههههههههه
آه بصراحة اتخضيت
وبعدين ايه كل الأسئلة دى يا نرفو عشان طلعت أهلاوى ماشى يا بنى آدمين هى بقت كده
دانا اللمبى (قصدى طاهر) هههههههههه
وجارى حل الأسئلة و(جاى فى السريع) يا إسراء
tgouidah
Aug 31 2007, 08:12 PM
إقتباس(IsLaMMoUsSa @ Aug 30 2007, 11:11 PM) [snapback]830591[/snapback]
يا نهار ابيض ارحموا الواد شويه انتوا مصدقتوا ولا ايه
معلش يا بني استحمل لغايه اما ننتقم منهم بعدين
ربنا يكرمك يا إسلاموز
سيبهم ماشى ماهو كل واحد ليه يوم
وحزب البنات هيشوف منى أيام سودا بإذن الله بعد كدة
وقال أيه إسراء تقولك أنت كنت طيب بقيت كدة ليه
عرفتى ياختى مين السبب
مااااااااااااشى
ليكو يوم
ehahe
Aug 31 2007, 08:23 PM
ههههههه
عرفت ليه
وعلى بال ماتيجى اكون جمعتلك كام سؤال كده صغير
tgouidah
Aug 31 2007, 08:24 PM
نخش على باقى أسئلة إسراء
علشان نرفو لسة موضوعها كبيييير قوى
ههههههههههههه
اوعى تفكر ان دبلوماسيتك دى حتنفعك
أولا دى موش دبلوماسية دى صراحة ولو عايزين حاجة تانية فى بس أنا موش عايز غير الصراحة
خد دول بقى
هاتى ربنا يستر لما نشوف
عندك كام سنه "مفيش حاجه اسمها متردش"
لأ فى حاجة أسمها مردش أنا حر وممتنع عن إجابة السؤال ده
وبعدين أنتى ممكن تستنتجى من الإجابات لو فى شوية فراسة
ايه اللى اخدته من مامتك؟ ومن باباك؟
من أمى أخدت الطيبة والحنية والتسامح وحسن الظن بالغير
ومن والدى أخدت الجرأة والشجاعة وأنى ما اخفش من حاجة طالما أنى على حق ومن أسلوبه بحاول أتعلم إزاى أخلى كل الناس تحبنى وماخسرش حد مهما كان فى إختلاف ف وجهات النظر بينا
هل انت راضى عن نفسك؟
بصراحة لأ .. بس مش معنى ده أنى وحش قوى هو فى حاجات فيا أنا عارف أنى لازم أحاول أغيرها
ايه اللى كان نفسك تحققه بس محصلش نصيب؟
هو فعلا لسة محصلش نصيب لغاية دلوقتى
لأنى نفسى ألاقى الإنسانة اللى تحبنى وأحبها وتكون بتكملنى وأنا بكملها زى بالظبط قطع الـ (Puzzle) لازم تحطى القطعة المناسبة اللى بتكمل القطعة التانية علشان يكملو بعض يعنى ماينفعش يكونوا شبه بعض أبدا وبكدة تكمل اللوحة ونشوف الصورة اللى فيها بس الموضوع ده صعب جدا ولسة مالقيتش الإنسانة دى ربنا يسهل
هل تمنيت حاجه واتحققت؟ ايه هى؟
آه الحمد لله كان نفسى أتخرج من الكلية وألاقى شغلانة كويسة وتكون فى المجال اللى بحبه وأبتدى حياتى العملية وأكون ناجح فى شغلى ومحبوب من أغلب الناس والحمد لله ربنا وفقنى فى ده (الحمد لله)
لو تقدر ترجع سنتين لورا كنت غيرت ايه؟
ماعتقدش أنى هغير حاجة لأنى ماتعودتش أندم على حاجة عملتها
ودايما بفكر كويس قبل ما أخد أى قرار
بس المهم أن الموضوع ما يخدش أكتر من الوقت اللى يستحقه فى التفكير وإلا موش هاخد أى قرار فى حياتى فى الوقت المناسب
وايه برامجك المفضله؟ والبرامج اللى بتكرهها؟
البرامج اللى بحبها فى التلفزيون يعنى برنامج (الكورة مع دريم) بتاع شوبير
ولما البرنامج ده اتلغى وشوبير ساب دريم أنا كمان بطلت أشوفها وبقيت بشوف شوبير فى الفضائية المصرية برنامج (الدرجة التالتة)
ولو قصدك على برامج الكمبيوتر
بحب برامج الـ (Graphics) وده كان المشروع اللى عملته فى الدبلومة برنامج شبه الـ (photo editor) بس طبعا كان فاشل جدا وبحب برامج ADOBE كلها
ومش هتسدقى أكتر برامج بكرها برامج مايكروسفت لأن فى رأى دول شركة حرامية software وبيسرقوا أفكار الشركات الناجحة ويعملوها هما ويا ريت يعملوها أحسن بالعكس أوحش بكتيير
(يعنى Windows ده مثلا اللى عملت فكرته شركة Apple Mac وهما سرقوا الفكرة وعملوه منها)
لو سألتك عن طفولتك واحلى ايام "عايزه قصص كتيره"
هى فعلا الطفولة أحلى أيام الواحد عاشها بعيد عن المدرسة يعنى وكفاية أن الواحد ماكنش شايل هم الدنيا لأنه موش فاهم أى حاجة ف أى حاجة ولا شايل أى مسئولية خالص
ولغاية كدة وكفاية بلاش فضايح (وش بيغمز)
هل كنت طفل وديع ام شقي؟
هما بيقولوا وديع وممكن تسألى ماما
ماهو الامان بالنسبه اليك؟
الأمان بالنسبة لى فى رضى الرب عن الإنسان
لأن لما يكون الإنسان عامل اللى عليه وضميره مستريح قدام ربنا وقدام نفسه يبقى بعد كده يسيبها على الله واللى يحصل يحصل لأن ده أكيد هيكون اللى مقدره ربنا لينا
(عارفة قصة الراجل الفارسى الذى كان يبحث عن سيدنا عمر بن الخطاب فوجده نائم فى المسجد بدون حرس ولم يكن مصدق أن هذا هو أمير المؤمنين ولما عرف قال "حكمت .. فعدلت .. فأمنت .. فنمت")
يلا حل ونبقى نحط تانى
موش كفاية كدة يعنى يا إسراء ولا هو انتقام يعنى
مورييش حاجه
بس أنا ورايا (الحيطة) هههههههههههه
على فكرة الرحمة حلوة
rerezak
Aug 31 2007, 10:46 PM
هههههههههههههههههههههههههههههههههههههههههههههههههههههه
مبرووووووووووووووووووووووووووك طاهر
الكرسي منور بوجودك
وبعدين بتدعي لي علي اللي كان السبب الله يسامحك
نبدأ بقي الاسئلة:
- لازم تقول سنك ومافيش حاجة اسمها انك بتمتنع
- ما هم مطربك ومطربتك المفضلة؟
- هل تؤمن بالحب من اول نظرة ؟ولو اه جربتة قبل كدة؟
- ايه اكتر الاقسام اللي بتحبة في المنتدي؟
- تحب لما تتجوز عن طريق الحب ولا الصالونات؟
- ماهي مواصفات فتاة احلامك؟(بصراحة وماتتهربش من السؤال)
- من اكتر اصحابك في المنتدي ؟ومن خارجة؟
- ايه اكتر افلام عجبتك في السينما؟
- ابدي رايك في الاعضاء الاتي اسماؤهم وبصراحة:
سيوي:
ايهي (اسراء):
بليزي:
ريري(واوعي تغلط):
الشقي:
موني:
مولها:
كفاية عليك كدة دلوقتي علي مااحضرلك الباقي
tgouidah
Aug 31 2007, 11:19 PM
هو أنا هلقيها منك يا ريرى ولا من نيرفو
أنتو أيه ماصدقتو
الرحمة حلوة على فكرة
حسبى الله ونعم الوكيل
ehahe
Aug 31 2007, 11:38 PM
بص يلا بجد علشان عايزين نحط اسئله جديده
والله ينور ياريرى
محدش يسبه
حسألك سؤال واحد بس
عندك كام سنه
ولو بتضايق خلاص
بس قول انت خريج سنه كام عدانا العيب اظن
tgouidah
Sep 1 2007, 12:23 AM
نرفو واضح أن أنتى سنيتى السكينة كويس وجاية تنتقمى منى
ليه كده بس أنا عملت أيه وحش معاكى (حرررااااااااااااااام عليكى)
والمفروض علشان أنتى زملكاوية ماجوبش على ولا سؤال واحد
بس عشان تشوفى تسامح الأهلوية هرد على أسئلتك بس المرة دى بس
يعنى ما تحوليش تانى وخصوصا أنك خدتى حقك بالكامل كده
ازيك ايه الاخبار؟؟؟
قبل ما اشوف اسئلتك كنت الحمد لله كويس
بس بعدها أعتقد أنى محتاج قرص مهدئ
حسبى الله ونعم الوكيل
ايه رأيك في كل من ؟
وزير الصحه: هسألك عليه الراجل بتاع شركة أكياس الدم الفاسد وأقولك على طول
وزير التربية والتعليم: أولا بقى أسمها وزارة التعليم بس ومفيش تربية وعلى العموم هبقى أسألك عنه طلبة الثانوية العامة
وزير الماء والكهرباء: هو الأتنين وزارة واحدة (دا كدة يبقى قفلة) وممكن حد يتكهرب
وزير العمل والشؤون الاجتماعية: ما سمعتش عنه قبل كدة بصراحة هو فى وزارة بالاسم ده هبقى أسألك الحاج سيد صاحب القهوة اللى بقعد عليها مع شباب الخريجين (صباح الخير يا...)
الرئيس حسنى مبارك: أنتى أكيد عايزة تودينى المعتقل
وزير الاتصالات: ألووووووووو ألووووووووو نأسف لقد نفذ رصيدكم برجاء إعادة الشحن
مثل تؤمن فيه
أمشى عدل يحتار عدوك فيك
حكمه تقولها
Better be alone than in bad company
الوحدة خير من جليس السوء
كم نسبتك بالثانويه يوم تخرجت ؟
بلاش فضايح يا نيرفو
موقف اثر في حياتك وخلاك تستفيد منه؟
هو موقف ملوش لازمة كدة خلاف مع زميل فى العمل وأنا اتصرفت فيه بانفعال وإندفاع زائد ومن بعديه أتعلمت أكون أكتر هدوء واكتر حكمة فى التصرف علشان لو أنا صح ماضيعش حقى بإيدى
لو كنت في مظاهرة ما هي العبارة التي تهتف بها ولمن تهتف !!
لا اعتقد أنى ممكن امشى فى مظاهرة فى يوم من الأيام وبالذات اليومين دول أكتر
بس لو افترضنا وده حصل هاهتف وأقول (بالروح بالدم نفديك يا حرية)
يعنى طبعا هاهتف للحرية بكل معانيها
عندما تكون معجبا بواحده .. ماهي طريقتك في الوصول الى قلبها !!
أعتقد إذا كان البنات بتقول أقرب طريق إلى قلب الرجل معدته (وطبعا ده كلام غلط مليون فى المائة)
فأنا شايف أن أقصر طريق للوصول إلى قلب المرأة هو عقلها وإذا كان هذا الطريق مسدود فلا داعى للمحاولة عن طريق آخر
والدك هل هو النموذج في حياتك .. ولو لم يكن والدك من يكون كذلك !!
نعم فى أغلب الأمور وليس كلها (لأنه شخصية ناجحة جدا فى حاجات كتير جدا جدا)
بس لازم الإنسان يتعلم من كل الأشخاص اللى قابلهم أو اتعامل معاهم ولو فى حد فيه حاجة كويسة يحاول أنها تكون فيا أنا كمان ولو حاجة وحشة وأنا أنتقدتها فى الشخص يحاول أنها ماتكونش فيا
في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!
عادى طب أيه المشكلة فى الموضوع ده ما اكيد هى سابتنى أو أنا سبتها فى يوم من الأيام ولخلاف ما يمكن أكون أنا السبب فيه او هى المهم أننا لم نكن لبعض حتى النهاية
واللى لازم أحترمه أنها الآن زوجة لشخص آخر لازم أحترمه مهما كانت الظروف وكمان أم لطفل
وبعدين أنا زى ما قلت قبل كدة ما تعودتش أندم على قرار خدته قبل كدة حتى لو كان غلط
لأنه لا يفيد بشئ البكاء على اللبن المسكوب والأفضل التفكير فيما سيأتى
كم مرة تنازلت عن مبادئك من اجل انثى !!
أبدا لم يحدث هذا ولا مرة واحدة لا من أجل أنثى ولا حتى من أجل رجل أو صديق
ولا أعتقد أن هذا ممكن أن يحدث فى يوم ما
ما هو الموقف الذي تضبط فيه نفسك متلبسا بالتناقض؟
مش عارف سؤال صعب قوى بس ساعات بيحصل لما أكون بنصح حد والاقى أنى محتاج النصيحة دى ليا
فببقولها وأسمعها كمان عشان لازم أعمل بيها بعد كدة
هل تتزوج من تحبها .. ام تحب من تتزوجها !! وايهما تراه اجمل؟
افضل أن أتزوج من أحب
وأعتقد أن ذلك أجمل لأن نتائجه بتكون أفضل بشرط أن يكون الحب والعاطفة من خلال حسابات العقل
وبكدة تكون المعادلة (1+1=3 ويمكن أكتر)
أما إذا أحببت من تزوجت فستكون المعادلة (1+1=2 وبس)
على فكرة أنا بشوف أن الطريقة التانية اللى بتتجوز بيها البنات أكتر
ايهما اجمل المراة في الواقع ام في الخيال!!
يمكننا أن نرى أشياء كثيرة فى الخيال جميلة جدا وأفضل من الواقع بمراحل
ولكن يبقى أننا لا نستمتع فعلا إلا بما نلمسه فى الواقع حتى لو كان أقل من الخيال بكثير
فكيف كانت (المدينة الفاضلة) التى تخيلها (أفلاطون) وكيف استمتع بها وهو على أرض الواقع المليئة بالعيوب
هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
بالتأكيد لن أبادلها الهجر فإذا كنت أحبها حب حقيقى وكانت غالية عليا فعلا وكانت تبادلنى هذا الحب يوما ما فهى تستحق أن أبذل كل غالى وثمين فى مقابل أن أنعم بوصالها ثانية
هل خضت يوما حربا من اجل الوصول الى قلب انثى .. وهل ظفرت بقلبها !!
لا وأعتقد أنى لا أحب أن أفعل هذا يوما ما فالحلول السلمية دائما أفضل نتائج وأقل خسائر
ماهي الكلمة التي تربكك من الانثى !!
عندما تسأل "هو أنت بتحبنى؟" لأن الحب أفعال لا أقوال
طب بجد أرد أقول أيه؟ وهل المفروض أن هى هتصدقنى لو قلت "آه"!؟
هل ممكن تتزوج وحده اعترفت لك انها كانت على علاقه بواحد قبلك؟
وما المانع فى ذلك (يكفى الصراحة فى مواجهة الأمور)
بس ده أكيد هيتوقف على نوع العلاقة دى لأنى أنسان بشر وشرقى كمان يعنى فى حاجات معينة موش ينفع اوافق عليها أو اتقبلها خالص
صفة متواجدة في المجتمع تكرها؟
فى مجتمعنا المصرى أكتر حاجة بكرها جدا جدا جدا (التدخل فى شئون الغير)
ويا ريت كل واحد يخليه فى حاله أحسن ويسيب الناس فى حالها
هل تريد الرجوع إلى الدراسه بالمدرسه ؟؟يعني اشتقت لها ؟؟
أبدا ولا لحظة واحدة حتى
اسم يحزنك كلما سمعته؟؟
مفيش
آخر مقلب عملته فمين؟
أنا موش بتاع مقالب أصلا
هو ممكن يكون المقلب اتعمل فيا موش العكس بس حتى ده الحمد لله محصليش
لمن تهدي ؟؟
1- ورده صفراء
للإنسانة التى سوف اتزوجها
2 -ورده حمراء
سيوى
3 -بوكيه ورد كامل (شكلي بفتح محل ورد)
لأسرتى
تواضب على صلاتك ؟؟
أكيد الحمد لله
اذا تواضب على صلاتك ؟؟ هل في اوقاتها ؟؟
نعم الحمد لله
ما هو اكثر قسم عجبك من حيث نظام و ترتيب ؟
كل الأقسام خصوصا بعد أن قامت منى بمجهود غير عادى فى ترتيب أقسام المنتدى كلها تقريبا
و ما هو اكثر عضو عجبك من حيث المواضيع و الردود ؟
بصراحة (نـــور)
موهبه تمتلكها وأخرى تمنيت ان تمتلكها؟
موهبة أمتلكها: الرسم (بس على قدى يعنى موش حاجة جامدة قوى)
واللى اتمنى أن أمتلكها: العزف على البيانو
اذا اكتشفت ان اعز اصدقائك خانك هتعمل ايه ؟
هاتصدم صدم كبيرة جدا وأعتقد أنى هحتاج وقت طويل علشان أرجع كويس تانى
اذا مسكت منصب كبير في الدوله هتعمل ايه ؟ يعنى بقيت رئيس جمهوريه ؟
يا لهوى حتة واحدة ههههههههه
هو بصراحة أول حاجة هحاول أعملها هى الأستفادة من الطاقة البشرية المعطلة فى البلد واللى هى كتيييير قوى وغير مستغلة للأسف واللى بيحسدنا عليها أعدائنا وكمان الأوربيين وكل الدول اللى عندها عجز فى النقطة دى وبتفتح أبوابها للمهاجرين علاج لهذا النقص
وعن طريقها هوفر موارد مالية اقدر اطور بيها الموارد البشرية علشان يبقى الإنتاج أحسن والموارد المالية تزيد فنقدر نوصل بالبلد لحالة رخاء جامدة جدا جدا
غلطه ندمت عليها ؟
عمرى ما ندمت على حاجة عملتها مهما كانت
هو المهم أن الواحد يتعلم من أخطائه (When you lose don't lose the lesson)
لو ربنا رزقك بمليون جنيه هتمل بيهم ايه طبعا هتديهملى ههههههههههه ؟
لأ طبعا بس يمكن أديهم لقاتل مأجور علشان يخلصنى منك ومن أسئلتك ههههههههه
بصى هو فى ف دماغى فكرة مشروع نفسى أنفذه بس العائق المادى هو اللى مانعنى فأعتقد لو الفلوس أتوفرت هنفذ المشروع ده فورا
اذا كانت ما شي في خط سريع وفي اخر الليل وشفت واحد متعطل توقف له ولا تمشي ؟
فى ظروف الأمان اللى أحنا عايشين فيها اليومين دول أكيد همشى بسرعة ولو حاول يوقفنى بالعافية يمكن أدوسه
حاجه حلووووووه في حياتك تتمنى انها تستمر معاك ؟
<