ehahe
Sep 10 2007, 02:57 AM
نبتدى الاسئله
اسمك بالكامل وسنك ؟
عندك اخوات ؟طب كام ؟واسميهم وسنهم وترتيبكبينهم ؟يلا بقى غلاسه
وظيفتك لو بتشتغل او مؤ هلك الدراسى "اعترف الانكار مش حيفيدك"
ماهو شعورك وانت على كرسى الاعتراف؟
كلمه توجهها لحزب البنات "مش عايزه شتيمه ولا اى شئ من شأنه انه ينرفز البنات"
اشمعنا لعبه الجواز وحبل الغسيل اللى طول النهار فيهم وبقيه الالعاب غضبان عليهم؟
عرفت ازاى ايجيهات ؟
انت اهلاوى ولا زمالكاوى ؟ولو اهلاوى ليه ولو لا ليه برضه؟
ايه اكتر حاجه بتأثر فيك ؟
ايه اكتر اكله بتحبها وايه اكتر اكله بتكرهها
لو سألتك أنت مصرى تقولى ايه؟
ماذا تعنى الصداقه ؟ وهل ليك اصدقاء كتير؟
ماهى اهتماماتك ؟
ماهو اخر كتاب قرأته
عرفت بقى دلوقتى اننا بنسكت بمزجنا وبنرشح بمزجنا ولا الا
حتفضل كده زى ماانت ولا ربنا حيهديك وتبطل مناقره مع حزبنا"خد بالك لسالك 4 ايام بلياليهم"
وفى الختام
سلام
لو سؤال مش حيعجبنى اجابته حبدله عشره خد بالك
ehahe
Sep 10 2007, 02:59 AM
هههههههههههههههههه
ماشى ياطاهر انت وبليزى
خليكوا معاه وحتحصلوه
وسيب لوكس فى حالها ياطاهر
لحسن مش حتلحق تقول جود موورننج
tgouidah
Sep 10 2007, 03:07 AM
لأ يا إســراء أنا فى حالى وخلاص أخدت نصيبى من الكرسى
والحمد لله أنك ماعرفتيش تحطيلى الأسئلة وقتها
ده واضح أنها كانت جاهزة وطلعت فى ثانية
أيه يا أبلة الناظرة أنتى ما صدقتى
الله يكون فى عونك يا عمور
وبعدين أنا ماليش دعوة لا بـ(لوكس) ولا (كامى) أنا بستخدم (بالموليف)
ههههههههههههههههه
ehahe
Sep 10 2007, 03:39 AM
هههههههههههههههه
والله انا اتجنيت لما كنت بحط وتتمسح بس معلش مسيرك حتقعد
اما الاسئله متشلش هما لسه فى كتير
احنا عندنا كام اميرلو "وش بينتقم"
IsLaMMoUsSa
Sep 10 2007, 04:22 AM
معلش يا عمرو جيت متاخر
بس ان شاء الله العالم الظلمه دووول ليهم يوووم
amrello
Sep 10 2007, 01:29 PM
مشكور جدا لكل حبايبى الولاد
واطمنوا عليا عمهم نازل بتقله
بس يا ويلهم لما عمهم يقووووووووووم
وبعدين يا طاهر متخفش لا من لوكس ولا من فا
كلهم بيخلصوا بسرعه ::P:P:P
ولا يهمك يا اسلام عادى يعنى
بنوريهم بس حزب الرجاله عامل ازاى
مش الجبلايه باللى فرحان بيها ورايح يشجع معاهم ( اه منك يالى فى بالى )
يلا عن اذنكم احضر الاجابات واجيلكم
amrello
Sep 10 2007, 02:15 PM
نبتدى الاسئله
اوك يا كبيرة الجبلايه
اسمك بالكامل وسنك ؟
عمرو صبرى حكم
( 24-8-1986 )
عندك اخوات ؟طب كام ؟واسميهم وسنهم وترتيبكبينهم ؟يلا بقى غلاسه
لو غلاسه فا انا برضو غلس وممكن اعترض او افتكس اى عزر :P:P
انا عندى
3 اخوات غيرى
حسام (31 )
محمد ( 27 )
حازم (25 )
عمو عمرو ( 21 ) ههههههههههه
وظيفتك لو بتشتغل او مؤ هلك الدراسى "اعترف الانكار مش حيفيدك"
فضايح انتو
انا فى معهد فنى سنتين
وان شاء الله اخلصه واكمل فى كليه كويسه
ماهو شعورك وانت على كرسى الاعتراف؟
احس من شعوريك اما كنتى قاعده عليه :P:P
كلمه توجهها لحزب البنات "مش عايزه شتيمه ولا اى شئ من شأنه انه ينرفز البنات"
مليتم المنتدى :S:S
اشمعنا لعبه الجواز وحبل الغسيل اللى طول النهار فيهم وبقيه الالعاب غضبان عليهم؟
لانهم اكتر الالعاب نشاطا
وبلعبهم من زمان وغير كده وكده
بدخل العب حاجه خفيفه واطلع اكمل متابعة المنتدى علشان مش ازهق بسرعه
عرفت ازاى ايجيهات ؟
من صديق لى كان بيتكلم على الشات فى ايجيهات
الكلام ده اول اما ايجيهات فتح وبعد كده دخلت اشوف الشات والمنتدى
وعجبنى المنتدى جدا
انت اهلاوى ولا زمالكاوى ؟ولو اهلاوى ليه ولو لا ليه برضه؟
الحمد لله مليش فى الكوره خاااااااااالص
انتى اسئلينى عن العربيات او الكروكيه
هما دول هوايتى من زمان :):)
ايه اكتر حاجه بتأثر فيك ؟
ايه اكتر اكله بتحبها وايه اكتر اكله بتكرهها
الكبسه السعودى
والمشويات ليها عالم تانى عندى :D:D
لو سألتك أنت مصرى تقولى ايه؟
مصرى و ابن مصرى وبعتز بكده
ماذا تعنى الصداقه ؟ وهل ليك اصدقاء كتير؟
اصدقاء او الصديق الحقيقى
معناها عندى انه وفى _ كاتم لاسرارى
يقف معى وقت الشده والحزن والفرح _ ينصحنى اذا اخطأت
والحمد لله موجود كده بس قليل
اما اصدقائى من الدراسه او جروب العربيات فا هم كتييييييييييييييييير وعلى طول معاهم
ماهى اهتماماتك ؟
اهتماماتى دلوقتى حاجتين
اول حاجه هى انى اهتم بدراستى جدا
لانى اهملت فيها كتير الفتره اللى فاتت
والحمد لله السنه اللى فاتت جبت تقدير
وان شاء الله السنه ده اجيب تقدير احسن علشان ناوى ادخل جامعه كويسه والتزم بدراستى
والحاجه التانيه انى اكمل فى هواتى واكبرها وهى تعديل على محرك السياره ليكون اقوى
وانى اكمل فى السباقات بس اخليها فى اوقات الفراغ علشان مش اهمل فى دراستى مرة اخرى
ماهو اخر كتاب قرأته
على النت قريت كتب وكتالوجات كتير اليومين دول بس عن العربيات
اما كتب عاديه فا كان "حياة محمد" للكاتب محمد حسين هيكل
بس اليومين دول حاجات عن الميكانيكا
عرفت بقى دلوقتى اننا بنسكت بمزجنا وبنرشح بمزجنا ولا الا
هنشوف اما اخلص مدتى ونعرف بمزاج مين
حتفضل كده زى ماانت ولا ربنا حيهديك وتبطل مناقره مع حزبنا"خد بالك لسالك 4 ايام بلياليهم
لسه 3 ايام بس :D:D
وفى الختام
سلام
لو سؤال مش حيعجبنى اجابته حبدله عشره خد بالك
كتر الاسئله هيتعبك :D:D:D
Bluesy_panther
Sep 10 2007, 09:54 PM
الله عليك يا واد يا عمرو
انا هاسألك سؤال واحد" معلش بقى"
1- انت كنت زعلان ومضايق من الدنيا......صح؟
يا ترى ليه "وش بيغمز"
لو مش عايز تجاوب انت حر طبعا يا باشا
*********
حزب الشباب
ehahe
Sep 10 2007, 10:17 PM
إقتباس
هو انتى قعدتى يا مشمش
اصل البنات زى متقولى كده انهم استحلفولى ليقعدونى
بس شكلهم كده مش قد الكلمه :P:P:P:P:P:P:P:P
فكريهم احسن يكونوا نسيم
هع هع هع هع هع
ماشى ياعمرو جبلايه برضه وبرضه بتعاند
معلش كان نفسى كل ساعه بأسئله بس معلش تتعوض
ماهي مقترحاتك لتطوير ايجى هات أو الأقسام التي تود رؤيتها فيه ؟
مين العضو اللي في ايجيهات بترتحله وليه؟؟؟
هل عمرك زعلت من عضو في المنتدى وليه؟؟؟
أيه أكتر حاجة بتعجبك في المنتدى (يعني الأعضاء ، المواضيع أو كده...)؟؟؟
اذا اصبحت ادمن على ايجى ... من هو اول عضو ستطرده ؟ ولماذا ؟
أيه أكتر موقف صعبت عليك نفسك فيه؟
ايه الموقف اللى شعرت وقتها بالفخر ؟
غلطــــة إرتكبتهـــا وندمـــت عليهــــا؟
- ايه أكتر الحاجات اللي بتحبها في حياتك؟؟
- أيه أكتر صفة بتعجبك في شخصيتك؟؟؟
أيه أوحش صفة فيك؟؟
أوصف شخصيتك في كذا كلمة؟؟
أيه الأمنية اللي بتتمناها؟
مـــا الشـــيء الــذي تفكـــر فيـــــه بعمـــق
((تسرح فيه)) وأنـــت وحيـــد؟
كيـــف تقضــي وقـــت فراغــــك؟
مـــا الشـــيء الــذي يغضبــــك كثيـــراالسؤال ده مهم جدا علشان منعملوش؟
أيه الكلمة اللي تقولها لحد جرحك؟؟؟؟
أيه اللي بيخليك دايماً حزين؟؟؟
هل انت قوي الإرادة؟؟؟
كام مرة ظلمت ؟؟؟
كام مرة أتظلمت؟؟
هل تتعامل بالضرب؟؟ ومتى يكون الضرب حل بالنسبه لك؟؟
كام مره اضربت
- اذكر تاريخ افضل يوم فى حياتك مع ذكر الموقف ؟؟
احسن موووقف كل ما بتتكرة بيضحك قوووى ؟؟؟
موقف كل ما بتفكتكر بتندم انه حصل وبتحزن قووووى ؟
حكمتك في الحياه ؟
قولنا اغنيه دلوقتى حاسس انها بتعبر عنك اوى فى الوقت الحالى ؟
من هو مثلك الاعلى ؟؟؟
من هو ولا اقولك كفايه كده عليك المره دى يلا حل
مشمشه
Sep 10 2007, 10:38 PM
انا مش عارفه اقولك ايه يعمرو
اجابتك حلوة اوى
ههههههههههههههههههههههههه
المهم الف الف مبروك على جلوسك على الكرسى ده
على فكرة انا بحب الكرسى ده كتير و اتمنى انى اعد عليه تانى و تالت و رابع و عاشر كمان
بس عندى إيثار و بخليكم تعدوا عليه كده يعنى
هههههههههههههههههههه
المهم ربنا معاك من اسراء و اسئلتها الكتيرة
nervo
Sep 10 2007, 11:36 PM
ازيك ؟ايه الاخبار؟
منور الكرسى ياعمرو
قولى بقى سبب كبك للسيارات؟
اسمك فى المنتدى amrello طب amr وعارفينها طب ello دى ليه؟؟؟
موقف محرج حصلك قريب
عضوين تحسه مزعجين ؟
عضوين او ثلاثه بالمنتدى تحسهم قريبن من بعض ؟
هل تحب الشعر ؟ اكيد ؟ ومن هو شاعرك المفضل
رايح لسهرة خاصه من تاخذ معك من الاعضاء ؟
تذكرالمدرسين اللي يدرسونك بالابتدائي وما هى اسمائهم؟؟
ماهى اكثر ماده كنت تحبها؟؟واكثر ماده ما تحبها؟؟
كنت شاطر بالمدرسه والا لا؟؟
قد رسبت في حياتك الدراسيه؟؟
فى حد ضربك قبل كدا يعنى اتخانقت ؟احكيلنا بالتفصيل الممل؟
ماذا تعني الكتب المدرسيه التالية لك :
الانجليزي - التوحيد - الاحياء - الفقه - الكيمياء - النحو والصرف - الرياضيات الاحصائيه
من هو مثلك الاعلى ..!!
أي من الأمور التالية ترى صعوبة التخلي عنها في حياة الإنسان (علماً بأن جميعها يصعب التخلي عنها فيرجى اختيار الأكثر صعوبة):
- الخيال (أحلام اليقظه)
- التفكير الصامت
- الأسرار
- الحرية
- الكرامة
- المباديء
- العادات والتقاليد ..
أي من الامور المادية يصعب التخلي عنها في الوقت الحالي:
- وسائل الكتابة
- وسائل الاتصال
- التلفاز
- الحواسيب
- وسائل النقل ..
سوف اعطيك مجموعة من الهدايا والمتوجب عليك ان توزعها على مجموعة اعضاء كل شخص له هدية ...!!
- وردة بيضاء
- وردة حمراء
- وردة صفراء
- قلم من الذهب
- اجندة مواعيد
- مجموعه قصصيه
- بوكيه ورد كامل ...
* طبعاً لكل شخص تعاريفة للاشياء وانا ساعطيك بعض الاشياء ارجو ان تعرفها من نظرتك لها ؟
- الانثى
- الرجل
- البحر
- الهدوء
- الليل
- الحب
- الصداقة
- الاخلاص
- الوفاء
- الأم
- الأب
- العلم
- القرآن
- ناكر الجميل
- العطاء بلاحدود ..
اهم درس تعلمته بالحياه ؟
ما هي أجمل مرحلة في حياتك ؟
ما هو البلد الذي تحب أن تعيش فيه؟
ما أكثر ما تحبه في الإنترنت ؟
غرق المنتدى ومعك قارب لا يحمل الا ثلاثه من تأخذ معك ؟
من هو كاتم أسرارك ؟
ما هو أكثر شيء يثير خوفك ؟
ما هو أكثر شيء يثير ضيقك؟
ماهو هدفك في الحياة ..!!
متى تطلب من محدثك السكوت ..!!
صــف نفســـك بكلمتيـــن فقـــط..!
مــاهــو الشــئ الذي ندمــت علــي عمـلــــه؟!؟
كـلمـــة تمنيـــــت ان تسـتطيـــع سحـبهــــا؟!؟
آخـــر شخـــص تتـــذكــــره قبـــل أن تنـــــام؟!؟
جــريمــة تتمنـــي لـــو تستطيـــع ارتكابهــــا؟!؟
حمـامة زاجـــل حاملـــة رســالة لـك,,,من من تتمنـى ان تكــون؟!؟
شخـــص لطــالما حـــلمـــت بــــه؟!؟
-دمـعـــه انـذرفــــت رغـمــاً عنـــك؟!؟
-مـوقـــف صــدمــك ولــن تنســــاه؟!؟
-شـخــص تتمنــي الإنتقــام منـــه؟!؟
-شــئ او عمــل لا تستطيــع مســامحته؟!؟
-شــئ او شخــص غيــّر مجــرى حياتـــك؟!؟
-حلم لا تستطيـــع تحقيقه؟!؟
-كلمة تود سماعها كل يوم؟!؟
-القمر-الشمس-النجوم...........ايهم تفضل والسبب؟!
صفه تكرهها فيك ؟ واخرى تحبها؟
هل ذقت مرارة الغدر؟
من آخر شخص كلمته عالتيلفون ؟
ضع العضو المناسب في الفراغ المناسب:-
# عضو حبوب:
#عضو فعال:
#عضو نحس:
#عضو ثقيل دم:
#عضو ودك تغير اسمه بالمنتدى:
#عضو ودك يغير توقيعه او صورته:
#عضو شايب:
#عضو مجنون:
#عضو خفيف عالقلب:
#عضو مثقف:
#عضو تحسه كسلااان وماله خلق لااي شي:
#عضو ودك تذبحه:
#عضو بولسانين:
# عضو مقرب لك:
#عضو تعتبره صديق:
#عضو ودك تعزمه على عشا:
#عضو ترتاحله:
افتح الموبيل بتاعك اكتبلى الرسايل الى اتبعتتلك كلها؟
هل انت راضي عن نفسك ؟وكم مرة تمنيت وتتحققت امنيتك؟؟
مامعنى الخيانه في وجهة نظرك ؟
مالفرق بين كل من :
الصديق والزميل ::
العلم والثقافه ::
الامس واليومــ::
الجرأة والوقاحه::
الثقة بالنفس والغرور::
مارأيك بهذه المقوله
قد يكون الزجاج مكسورا و كلمة اسف لن تعيده كما كان .. لكنها بالتأكيد تستطيع اصلاح نفوسا مكسورة "
احكيلنا قصة حياتك فى 15 صفحه؟؟
كفايه كده دلوقتى
tgouidah
Sep 10 2007, 11:39 PM
هوبز ربنا معاك يا عمرو نيرفو جاية تتنتقم
ربنا معاك الأسئلة لوحدها شكلها يخض
لو عايز أى مساعدة إحنا موجودين أكيد
وبجد إجاباتك كلها حلوة جدا يا عمورى 100 100
amrello
Sep 11 2007, 12:19 AM
إقتباس
انا مش عارفه اقولك ايه يعمرو
اجابتك حلوة اوى
ده من زوقك يا عسوله
وربنا يكرمك
amrello
Sep 11 2007, 12:21 AM
إقتباس
الله عليك يا واد يا عمرو
انا هاسألك سؤال واحد" معلش بقى"
الله يخليك يا بليزى
ويا سيدى طالما انتى من الحزب الكبير حزب الولاد
اسأل زى ماتحب
وردى على سؤالك
1- انت كنت زعلان ومضايق من الدنيا......صح؟هى مش الدنيا بالظبط
بس كنت زعلان علشان اغلى الناس كان غايب عنى
بس الحمد لله خير :D:D:D
amrello
Sep 11 2007, 12:37 AM
إقتباس
هوبز ربنا معاك يا عمرو نيرفو جاية تتنتقم
ربنا معاك الأسئلة لوحدها شكلها يخض
لو عايز أى مساعدة إحنا موجودين أكيد
وبجد إجاباتك كلها حلوة جدا يا عمورى 100 100
ربنا يخليك على دعائك الجميل ده فى الوقت ده
علشان خاطرى عايزن دعوه كده لحزب التنطيط ده ( الجبلايه )
مشكور جدا يا سيدى انا اوريهم الفرد الواحد منا يجاوب على اسئلته ازاى من غير
ما يتصل بحد ولا مساعدة الاعضاء زى ما حبو يقعدونى على الكرسى فاهمنى انت ههههه
tgouidah
Sep 11 2007, 12:42 AM
طبعا يا حبى فاهمك وقلبى معاك
وعارف أنك قدها وقدود يا بطل
وحسبى الله ونعم الوكيل
ربنا على المفترى وحزب الجبالاية وبنت الجيران
IsLaMMoUsSa
Sep 11 2007, 02:02 AM
بجد ربنا معااك العالم دي دخله ع انتقاام
بس متخفش احنا معاااك يا حاج عمرو
مشمش_2007
Sep 11 2007, 03:17 AM
ههههههههههههههههههههه
ايه ده عمرو اللي هنا
الف مبروك يا عمرو والله زي متكون ربنا استجاب لامنيتي
وعالعموم الكرسي مش وحش اوي
وانا مستعدة اقعد عليه تاني
بس مبروك عليك
وعلي حزب الشباب
نحن السابقون وانتم الاحقون
انا بقي هحضر لك شوية اسئلة بس سهلة رأفة بحالك
amrello
Sep 11 2007, 04:19 AM
ماشى ياعمرو جبلايه برضه وبرضه بتعاند
معلش كان نفسى كل ساعه بأسئله بس معلش تتعوض
اعاند ايه مش انتو اللى قلتو على نفسكم كده
واهلا وسهلا بالاسئله الجميله ديه
بس بطلو حاجات محرجه بقى ههههههه
ماهي مقترحاتك لتطوير ايجى هات أو الأقسام التي تود رؤيتها فيه ؟
حاجات كتييييييييييير عايزه رد او موضوع خاص
وان شاء الله هعمله قريب واوريهلكم كلكم بس قولو يا رب
وبعدين سبق وعرفتى الكلام اللى عايز اقوله فى التطوير
مين العضو اللي في ايجيهات بترتحله وليه؟؟؟
كتير جدا والله بس اكترهم
سيوى ومشمشه وحمدى
هل عمرك زعلت من عضو في المنتدى وليه؟؟؟
هو حصل انى زعلت
وده بسبب انه مكانش كويس معانا
لا فى طريقه كلامه معى او مع الاداره عامتا
وكان يسىء ويحور مع الاعضاء وبالذات البنات
والحمد لله تم استبعاده من الاداره
أيه أكتر حاجة بتعجبك في المنتدى (يعني الأعضاء ، المواضيع أو كده...)؟؟؟
انا اقول ايه اكتر حاجه مش عاجبانى
بالنسبه للمواضيع بقى فيه منها كتير مكرر
وده لان اعضاء كتير بينزلو مواضيع كتير وجديده
ومش بيقرو ولا بيستفادوا من المواضيع القديمه
علشان كده هما مش عارفين ايه اللى موجود قبل كده
وبالطريقه ديه مواضيع كتيره باقت مكرره
غير كده ما شاء الله عليكم مجهود جميل ومواضيع جميله
اذا اصبحت ادمن على ايجى ... من هو اول عضو ستطرده ؟ ولماذا ؟
من اراه يسىء الى المنتدى او احد افراده
أيه أكتر موقف صعبت عليك نفسك فيه؟
اما كنت بتحامى لاحد اصدقائى مع ناس وهو اهاننى امامهم
ايه الموقف اللى شعرت وقتها بالفخر ؟
هم كلهم حاجات عاديه
بس بالنسبالى حاجات كبيره
وهى عموما اما اعمل حاجه والناس تحيينى وتفتخر بى
واما اسمعهم بيتكلمو عنى بكلام طيب
واكيد مواقف فى عائلتى بتحصل وتكون كويسه
وكانهم انا
غلطــــة إرتكبتهـــا وندمـــت عليهــــا؟
انى اهملت فى دراستى بسبب هوايتى
- ايه أكتر الحاجات اللي بتحبها في حياتك؟؟
العربيات والسباقات والاكل والطبيخ :D:D:D
- أيه أكتر صفة بتعجبك في شخصيتك؟؟؟
الهدوووووووووووووء
أيه أوحش صفة فيك؟؟
انى بكره المذاكره
بس بعشق العمل
أوصف شخصيتك في كذا كلمة؟؟
غيور - طيب - مسامح - شديد الغضب بعد عدة تسامحات
أيه الأمنية اللي بتتمناها؟
ان ربنا يوفقنى فى حياتى و دراستى واكملها على خير
وانه يوفقنى واتجوز البنت اللى احبها وتحبنى ياااارب
مـــا الشـــيء الــذي تفكـــر فيـــــه بعمـــق
((تسرح فيه)) وأنـــت وحيـــد؟
حاجات كتييييييييييير يعن حسب المود اللى انا فيه
كيـــف تقضــي وقـــت فراغــــك؟
فى التفكير او الخروجات مع اصحابى او العربيه او النت :D:D
مـــا الشـــيء الــذي يغضبــــك كثيـــراالسؤال ده مهم جدا علشان منعملوش؟
اسئلتكم ديه
هههههههههه
صراحه انا مش بغضب منكم بس اكتر حاجه
تغضبنى فى المنتدى اليومين دول المواضيع المكرره
أيه الكلمة اللي تقولها لحد جرحك؟؟؟؟
لو حد كنت بعزه بسيبه وامشى على طول بدون اى كلمه
علشان مش اأذيه
لو حد غريب حسب لو ضرب ممكن اعدمه ضرب بس مش على طول بسامحه واعرفه غلطه الاول
بعامله بالمثل تقريبا بس بعد كذا تحذير وكده يعنى
أيه اللي بيخليك دايماً حزين؟؟؟
ان اعز اصحابى يكونو بعيد عنى
او انى اشوف حد زعلان بسببى او غير
هل انت قوي الإرادة؟؟؟
90%
كام مرة ظلمت ؟؟؟
تقريبا مفش والحمد لله
وده لانى براجع نفسى كتير وانى قبل اى كلمه او حركه لازم دليل حتى لا اظلم
كام مرة أتظلمت؟؟
عدة مرات والحمد لله
هل تتعامل بالضرب؟؟ ومتى يكون الضرب حل بالنسبه لك؟؟
يا فضايحك . وانا صغير اتضربت .
انا لست من يتعلم بالضرب ولكن بالتفاهم
لذا لم اضرب كثيرا وانا صغير
كام مره اضربت؟
مرتين من والدى وكانو قلم
منهم مره علشان كنت بستعبط وعايز اغيب عن المدرسه فى ابتدائى
ومره من اخى وكانت خناقه بين اخوات :D:D بس علشان اكبر منى فا ضربنى
والمره الاخير من والدتى علشان شتمت اخويا اما يئست من انى اضربه :D:D:D
دول اللى افتكرهم وتقريبا مفيش تانى
- اذكر تاريخ افضل يوم فى حياتك مع ذكر الموقف ؟؟
هما كتير
بس على قد ما فرحت كتير حزنت كتيييييييييير
احسن موووقف كل ما بتتكرة بيضحك قوووى ؟؟؟
كنت سايق العربيه وراجع من 6 اكتوبر المهم واحد صاحبنا اتصل بصاحبى اللى كان جامبى
وقعدو يرغوا كتيروطبعا انا من تركيزى فى السواقه زى ماتقولو كده احدت جو ان احنا ال 3 قاعدين مع بعض
شويه لاقيت اللى جامبى بيقولى خد كلم
وانا بتكلم صاحبى كان جمبه دوشه قا مش سامعه وعمال اقوله ايه ايه . المهم رحت باصص للى جمبى
وبقوله هو بيقول ايه ده على اساس انا قاعدين جمب بعض هههههههههههه واللى جمبى ده اتخض منى
وحجاه تانيه لسه من يومين. كنت سايق عربيت صاحبى وداخلين نحط بنزين فا بسأله انت بتحط 92 مردش
وانا كنت خلاص داخل على الطلمبه
المهم سالته بسرعه هو باب التانك على انهى جمب قالى يمين انا اتلخبط وقولتله ايه ده انت بتحط بنزين 80
ههههههههههههههههههههههههههههههههههههههههههههه
موقف كل ما بتفتكر بتندم انه حصل وبتحزن قووووى ؟
ايه الفرق بينه وبين ( أيه اللي بيخليك دايماً حزين؟؟؟ )
الاتنين معناهم فى الاخر انى افضل حزين كثيرا
وات يوجد حزن دائما
حكمتك في الحياه ؟
افعل يا بني ادم ما شئت فكما تدين تدان
قولنا اغنيه دلوقتى حاسس انها بتعبر عنك اوى فى الوقت الحالى ؟
طيب دقيقه كده اكلم اسامه منيب ههههههههههه
من هو مثلك الاعلى ؟؟؟
غير الرسول (صلى الله عليه وسلم )
تقريبا مفيش بس انا بحاول اخد الصفات الكويسه من غيرى
من هو ولا اقولك كفايه كده عليك المره دى يلا حل
ارحمى يرحمك ربنا
مشمش_2007
Sep 11 2007, 08:44 AM
بجد يا عمور اجاباتك جميلة جدا
هوه انا اول مرة هسال
وده طبعا علشان اتعرف عليك اكتر
معلش هما شوية اسئلة سهلة خالص
وانت اكيد قدها
ونبدأ الأسئلة
من أنت؟
أصعب دمعة كانت في حياتك ؟
أين يجد عمرو نفسه؟
حلم تتمني أن يتحقق؟
هدفك فى الحياة ؟
أكبر لحظة فرح قابلتها ؟
أكتر لحظة حزن عشتها ؟
أقرب أعضاء المنتدى اليك ؟
شخصية تعلمت منها الكثير ؟
أكتر موقف أضحكك ؟
أكتر موقف محرج قابلته فى حياتك ؟
مثلك الأعلى فى الحياة عامة ً ؟
ايه هي ظروف حياتك العاطفية مرتبط ولا ؟؟؟
ايه هو رايك فى البنات؟
كيف عرفت المنتدي واول قسم تزوره والقسم اللي بتحبه؟
وجه هذه الكلمات لأي شخص"بالمنتدى" :
- مثلك نادر الوجود :
- للأسف ماتوقعتها منك :
- أنت غريب الطباع :
- دمك خفيف :
- أنت مبدع :
- الله يحقق اللي في بالك :
- فقدناك :
- يهمني رأيك :
- قلمك رائع:
- انت متميز:
- هونها وتهون :
- سامحني :
- لك مستقبل :
- الله يهديك :
- حمدلله على السلامة :
- نفسي اتعرف عليك أكثر :
- أنت اللي فاهمني :
- أحبك في الله :
- طيبت قلبك ساحرة :
- يفتخر المكان بأمثالك :
- الله يخليك لنا :
- اتمني رضاك :
- أنت نشيط:
ايه رايك في كل من:
ايهاهي:
بليزي:
اميدو:
معتز:
مشمش_2007:
موني:
مشمشة:
حمدي:
نور:
سيوي:
اميرلوا:
مولها:
كريم:
قلنا علي درس علمتهولك الحياة؟
متى تنزل دموعك ومتى تصل الى قمة السعاده ؟
المستقبل عالم غيبي يحمل لنا الكثير والكثير من المفاجات الساره منها والمحزنه .
سؤالي ماهي نظرتك لمستقبلك ؟
أعطنا 5 دروس علمتهالك الحياة ؟
المجامله أصبحت منتشره بين أغلب العلاقات الاجتماعيه
مع العلم ان البعض يتعامل مع مبدأ المجامله من دون اقتناع ولكن لتسير الحياه.
سؤالي هل المجامله موجوده في حياتك وليس بالضروره ان تكون مقتنع بها ؟
لحظه الوداع صعبه
هل مررت بلحظه وداع كل ماتذكرتها تصيبك نوبه حزن ؟
اذا وقعت فالشارع ! هيكون ايه شعورك ؟
اذا اتمسكت من غير بطاقة هتعمل ايه ؟
اذا توهت فالشارع .. وما لقيتش حد تسأله هتعمل ايه؟
يارب مكونش طولت عليك يا عمرو
لحد لما احضر لك اسئلة تانية لو مش يدايقك يعني
لاني اول مرة اسال وبصراحة مبسوطة بكده
يلا عايزين نشوف الاجابات
nervo
Sep 12 2007, 01:45 AM
امريللو خلص نفسك اول بأول على الأسئله عشان كده مش فى صالحك
كده هنزعل ولما بنزعل بنسأل تانى
يلا جاوب بسرعه بقى
nervo
Sep 12 2007, 02:10 AM
قولى نوع الشامبو الى بتستخدمه؟
ومعجون الاسنان؟
بتحب تاكل ايه فى الفطار والغدا والعشا؟
بتعرف تطبخ؟قولى بتعرف تعمل اكلات ايه؟
اذا لم تكن كما انت كذلك ماذا تحب ان تكون؟
قولى رأيك فى الكلام الى بيتقال فى الموضوع الى شاغل الناس كلها بس ياريت تجاوب بكل صراحه ؟
لو لم تكن اسمك عمرو كنت تحب يكون اسمك ايه بكل صراحه وتوضيح؟
عندك كم ايميل على الياهو وكم ايميل على الهوت؟
ماذا تعرف عن الأميبا ؟مع الرسم والتوضيح؟
بتحب باباك؟ليه؟
كل انسان يمر بظروف ولكن كيف تشعر بعد ها ولماذا؟
متى يبكى امريللو؟
طلع المحفظه بتاعتك دلوقتى وقولى فيها بالتفصيل؟
كفايه كده مؤقتا ولو مش جاوب هسأل تانى
ehahe
Sep 12 2007, 02:14 AM
جاوب علشان احنا مش بيهمنا لومردتش برده حنحط اسئله
نبتدى
لو حد سئلك سؤال وانت مش عارف بتعمل ايه؟
لو حد قالك وصلنى معاكى فى الطريق وفى حته مقطوعه حترضى ولا لا
عند ك عربيه ؟طب موديل ايه؟
لو وانت ماشى ولد صغير حدف توبه على زجاج العربيه حتعمل ايه؟
لو وانت فى عاركه وجالك تليفون حترد على التليفةن ولا حتكمل العاركه؟
ماذا تعنى لك الحريه
وهل تعيش فى بحر الآوراب ام انك لست من هذا النوع
ماذا يمثل لك الورق؟
يعنى ايه فقانع
متى تشعر بانك لابد ان تخطوا ن كان الطريق ملئ بالماء والصابونه وان كنت تعلم فمتى واين
هل تيأس من الانسجام مع ناس لاتنسجم فى اوقات غير انسجاميه
ام انك تهوى الوقع فى اوقات ليست واقعيه
بما تعلل رفضك واستهزائك بحسب الجبلايه وهل جعلته حزب وماذا يمثل لك
حينما تنفرد بنفسك هل تشعر بانك معتزفلى
متى تنزوى وتشعر بان لكينونتك انكماش
هل انت نباتى ام انك لست من هذا النوع ولا انت من النوع التانى
هل تكثر من تناول الفواكه ام الخضروات
هل تتأتى ام تتخير
ماذا كنت تفضل ان تكون لو لم تكن ولد
كفايه كده
يلا ســـــــــــــــــــــلام
nervo
Sep 12 2007, 02:22 AM
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
بجد مش قادره عسل ياسوسو
يلا جاوب ياعمرو بسرعه وخصوصا السؤال بتاع فقانع دا عايزه اعرف معناها هههههههههههههههه
مشمش_2007
Sep 12 2007, 03:06 AM
ههههههههههههههههههه
سوسو انتي سكر
ايه ده يا عمرو كل الاسئلة ديه محلتهاش
ياعيني
انت حر شكلك مش هتنام
يلا خلص علشان فيه اسئلة كمان
amrello
Sep 12 2007, 02:26 PM
ادى اسئلة نيرفووووووو
ازيك ؟ايه الاخبار؟
الحمد لله تمام
انتى اللى ايه اخبارك
منور الكرسى ياعمرو؟
بنورك انتى وباقى الجبلايه :D:D
قولى بقى سبب حبك للسيارات؟
هوايتى السيارات زى اللى هوايته الكوره
وهى عجبانى اكتر حاجه لانها مليانه اثاره
وصعبه شويه وقليل من يملك خبره كبيره بها
لانى بعدل على الموتور واحاول اخليه اجمد
وديه حاجه مفتخر بالهوايه ديه :D:D
اسمك فى المنتدى amrello طب amr وعارفينها طب ello دى ليه؟؟؟
اخويه الاكبر منى كان بيقولهالى وانا صغير علشان يغيظنى بيها
ومنين جابها مش مهم نعرف
وليه حطيتها فى الامنتدى لانه اسم مميز شويه وتقريبا مفيش زيه
وانا ايميلى يحمل نفس الاسم منذ 8 سنوات :D:D
موقف محرج حصلك قريب ؟
هو حصل بس مش فاكر الصراحه
عضوين تحسهم مزعجين ؟
هو واحد بس وانتو مش تعرفوه
( بدون ذكر اسامى )
عضوين او ثلاثه بالمنتدى تحسهم قريبن من بعض؟
كتير الصراحه. تقريبا كل اعضاء المنتدى :D:D
هل تحب الشعر ؟ اكيد ؟ ومن هو شاعرك المفضل
يعنى.. لا يوجد شاعر بعينه مفضل لدى
لاكن اكتر قصائد شعر شفتها وعجبانى لغايت النهارده
كانت للخنساء وافضل قصيده بالنسبالى ( الخنساء في رثاء صخر )
وديه جزء من ابيات الشعر لحد اما انزل الشعر كامل لها
أعـــــيــــنيّ جُـــــودا ولا تــــــجـــــمُــدا. . . ألا تــبـــكـــيــــان لصــــخـــر النـــــــــدى
ألا تـــبكـــيـــــــان الجـريء الجــمــيـــل. . . ألا تــبــكــيــان الــفــتــى الــسيـــــــــدا
رفـــيـــــع العــــــــماد طـــويل النـــــجاد. . . ســـــــاد عـــشــــيـــــــــرتــــه أمـــــــردا
إذا الـــقــــــوم مـــــــدوا بـــأيــد يــــهــم. . . إلــى المجــــد مـــد إلـــــيـــــــــــه يــــــدا
يـــــحمــــــله القـــــــــــوم ما عـــــالهم. . . وإن كــــــــان أصغــــــــــــر هـــم مولــدا
وإن ذ كــــر المــــجـــــد ألــــفــيــتـــــــه. . . تـــــــأزّر بـــــــــالــــمــجـــد ثـــم ارتــدى
اخدناها فى اولى ثانوى تقريبا
رايح لسهرة خاصه من تاخذ معك من الاعضاء ؟
مشمشه
تذكرالمدرسين اللي يدرسونك بالابتدائي وما هى اسمائهم؟؟
مدرس الرياضيات ( الحساب ): أ/ نبيل
مدرسة التاريخ: أ/ ناديه
مدرس العربى: أ/ سيد . أ/ طلعت
مدرسة الانجليزى: أ/ منى
دول اللى فاكرهم وكنت بحبهم ماعدا اول واحد مكنتش بفهم منه اى كلمه :D:D
ماهى اكثر ماده كنت تحبها؟؟واكثر ماده ما تحبها؟؟
التاريخ والجغرافيا جدا
الرياضيات بانواعها بس بنسبة 60%
كنت شاطر بالمدرسه والا لا؟؟
لغايت 3 اعدادى
قد رسبت في حياتك الدراسيه؟؟
فضاااايح :]:]:]
انا عمرى ما سقط ولا شلت اى ملحق
غير فى الثانويه مشلتش ملحق لأ عدت سنه بحالها وده بسبب احد الظروف
كفايه كده عليكم
فى حد ضربك قبل كدا يعنى اتخانقت ؟احكيلنا بالتفصيل الممل؟
شكلى هضربكم انتو فى النهايه
لو بتتكلمى عن خناقات فا الحمد لله كاى شاب .. واتخانقت بس مش كتير
اكثرهم ايام الدارسه لأنى دايما كنت فى حالى ومش بعمل دوشه غير بس اما كان حد بيجى يعد جامبى
مكنتش اطيق حد يعد جامبى خاااااااالص المهم بسبب هدوئى للاسف
كانو بيفتكرونى عامل كده لضعفى او خائف فكانو بيعرضو عضلاتهم على
بس فى الاخر بيلاقو انهم اتعاملو مع واحد غلط وكفايه كده
ماذا تعني الكتب المدرسيه التالية لك :
الانجليزي - التوحيد - الاحياء - الفقه - الكيمياء - النحو والصرف - الرياضيات الاحصائيه
الانجليزى: ماده شفتلها مدرسين كرهونى فيها ومدرسين حببونى فيها لدرجة انى اخدة جائزتين تفوق
توحيد: انا مرحتش السعوديه الصراحه :D:D
الاحياء: فيها معلومات كتير قيمه بس مش اخدتها فى ثانويه
اخواتى اللى اخدوها وكنت بقراء كتبهم
الفقه: انا مرحتش السعوديه بس الفقه كماده لازم الشباب يعرفو عنها كتير
الكيمياء: حلوه بس بنسبة 40% اما العضويه فلا اطيقها
النحو : استغفر الله :D:D
الاحصاء : ماده كنت بعشقها فى الثانويه بس :D:D
من هو مثلك الاعلى ..!!
مكرر
أي من الأمور التالية ترى صعوبة التخلي عنها في حياة الإنسان (علماً بأن جميعها يصعب التخلي عنها فيرجى اختيار الأكثر صعوبة):
- الخيال (أحلام اليقظه)
- التفكير الصامت
- الأسرار
- الحرية
- الكرامة
- المباديء
- العادات والتقاليد ..[/b]
العادات والتقاليد
لانها لو سليمه وكويسه هيكون فيها كل اللى فات وهتمسك بيها جدا
وعن طريقها هعرف اجد باقى هذه الامور( ياريت تكونوا فهمين قصدى ) (او محدش فهمها قولوى وانا اشرح تانى
[b]أي من الامور المادية يصعب التخلي عنها في الوقت الحالي:
- وسائل الكتابة
- وسائل الاتصال
- التلفاز
- الحواسيب
- وسائل النقل ..
الحواسيب
سوف اعطيك مجموعة من الهدايا والمتوجب عليك ان توزعها على مجموعة اعضاء كل شخص له هدية ...!!
- وردة حمراء : كان نفسى اهديها لأمى بس ( الله يرحمها )
- وردة بيضاء : ابى وامى
- وردة صفراء : مشمشه
- قلم من الذهب : ابى
- اجندة مواعيد : مولها وكريم علشان يسجلو مواعيد الاجتماعات
- مجموعه قصصيه : هتكون قصص الانبياء واهديها لطفل صغير ليعلم من الانباء
- بوكيه ورد كامل : عائلتى كلها كلها
* طبعاً لكل شخص تعاريفة للاشياء وانا ساعطيك بعض الاشياء ارجو ان تعرفها من نظرتك لها ؟
- الانثى : نصف الحياة الاخر
- الرجل : تولتين الحياة الاولى :]:]
- البحر : عالم اخر
- الهدوء: راحة بال
- الليل : ما اجمله بنجومه وقمره
- الحب : تكوين ما ينقصنى من روحى
- الصداقة: الشعور بالقوه والامان
- الاخلاص:
- الوفاء :
- الأم : مدرسه والحضن الدافئ والامان والراحه
- الأب: رب العائله ( مدرسه وكل حاجه كل حاجه )
- العلم: نور
- القرآن: منه اعرف كيف اعيش افضل
- ناكر الجميل: مغرور
- العطاء بلاحدود:
اهم درس تعلمته بالحياه ؟
طول منا عايش طول منا بتعلم
ما هي أجمل مرحلة في حياتك ؟
الطفوله
ما هو البلد الذي تحب أن تعيش فيه؟
مصر و الامارات
ما أكثر ما تحبه في الإنترنت ؟
المعلومات الكثير اللى بكون محتاجها واللى بلاقيها صدفه
وايـــجيهات
غرق المنتدى ومعك قارب لا يحمل الا ثلاثه من تأخذ معك ؟
1- المنتدى 2- اعضائه 3- انا
من هو كاتم أسرارك ؟
صديق لى اسمه علاء
واخر اسمه احمد
ما هو أكثر شيء يثير خوفك ؟
المستقبل البعيد
ما هو أكثر شيء يثير ضيقك؟
الحوارات
ماهو هدفك في الحياة ..؟
متى تطلب من محدثك السكوت ..؟
لو انشغلت فى اى امر اخر
صــف نفســـك بكلمتيـــن فقـــط..؟
غيور و هادئ
مــاهــو الشــئ الذي ندمــت علــي عمـلــــه؟!؟
اهمالى بدراستى
كـلمـــة تمنيـــــت ان تسـتطيـــع سحـبهــــا؟!؟
آخـــر شخـــص تتـــذكــــره قبـــل أن تنـــــام؟!؟
ساعات اقرب الناس الى وساعات بفكر فى الحاجات الكويسه اللى عملتها طوال اليوم وحسب المود برضه
جــريمــة تتمنـــي لـــو تستطيـــع ارتكابهــــا؟!؟
لا يوجد
حمـامة زاجـــل حاملـــة رســالة لـك,,,من من تتمنـى ان تكــون؟!؟
من البنت اللى انا معجب بيها.. وتكون كاتبالى فيها موافقتها على
شخـــص لطــالما حـــلمـــت بــــه؟!؟
افكر فى اغلا الناس عندى
-دمـعـــه انـذرفــــت رغـمــاً عنـــك؟!؟
كانت دموووووووع وكانت يوم وفات امى
-مـوقـــف صــدمــك ولــن تنســــاه؟!؟
هما كتير بس مش حاجه جامده
-شـخــص تتمنــي الإنتقــام منـــه؟!؟
مفيش .. بس فيه واحد برى المنتدى مش بطيقه خااالص
وكل اما اجى خارج الاقيه طلعلى من تحت الارض وعايز يخرج معانا وكده عنى
-شــئ او عمــل لا تستطيــع مســامحته؟!؟
المسامح كريم بس اى حاجه تاسر على جامده او تضرنى جامد
وتغضب ربنا انا باخد منها موقف ومش بقدر اسامح فيها
-شــئ او شخــص غيــّر مجــرى حياتـــك؟!؟
لحد النهارده لسه
-حلم لا تستطيـــع تحقيقه؟!؟
كتير كتير
-كلمة تود سماعها كل يوم؟!؟
اى كلمه طيبه تفرحنى
-القمر-الشمس-النجوم...........ايهم تفضل والسبب؟!
النجوم لها لمعه قويه فى المساء
وبحس انها شىء بيفرحنى لانى بحس براحه
والقمر برضه اما بيكون بدر بيكون جميل جدا
وبياضهاكثر ما يعجبنى فى هذا الوقت
صفه تكرهها فيك ؟ واخرى تحبها؟
انى مش بطيق كتب التعليم المصرى
واحب جدا انى غيور وهادئ
هل ذقت مرارة الغدر؟
نعم ومن صديق
من آخر شخص كلمته عالتيلفون ؟
صديقى احمد
ضع العضو المناسب في الفراغ المناسب:-
# عضو حبوب:سيوى
#عضو فعال: انتو مشرفى فا انا هقول اسم عضو ( dolly2010 ) وديه اللى انا افتكرها بس فيه كتير
#عضو نحس: حمدى لان بقاله كام يوم كل اما يدخل نت ايجى هات مش بيرضا يفتح معاه ههههههه
#عضو ثقيل دم: مفيش
#عضو ودك تغير اسمه بالمنتدى: كل واحد داخل بيعتز باسمه فا انا ليه اغيره
#عضو ودك يغير توقيعه او صورته: الحمد لله كله حط تواقيع وصور رمضانيه :D:D:D
#عضو شايب: مش فاهمك اصلا
#عضو مجنون: اى بنت من حزب الجبلايه
#عضو خفيف عالقلب: انا مش اعرف اعضاء قوى فا بقول ( مشمشه )
#عضو مثقف: برضو مشمشه
#عضو تحسه كسلااان وماله خلق لااي شي: تقريبا بقيت انا :D:D
#عضو ودك تذبحه: الخاين اللى جرى على حزب الجبلايه
#عضو بولسانين: ممكن اقول حمدى
# عضو مقرب لك: كتييييييييييير
#عضو تعتبره صديق: حمدى و مشمشه وكتييييييير برضو
#عضو ودك تعزمه على عشا: مشمشه
#عضو ترتاحله: سيوى
افتح الموبيل بتاعك اكتبلى الرسايل الى اتبعتتلك كلها؟
اعتبرونى بعت الموبيل :D:D
رسيلى ديه اسرارى
حتى لو عاديه
هل انت راضي عن نفسك ؟وكم مرة تمنيت وتتحققت امنيتك؟؟
نعم بس مش قوى لانى لازم اتقرب الى الله اكثر
مش فاكر الصراحه بس كان لى امانى وتحققت
مامعنى الخيانه في وجهة نظرك؟
الغدر والكذب وبعض الاحيان النفاق
مالفرق بين كل من :
الصديق والزميل ::
العلم والثقافه :: العلم هو التخصص فى منهج معين
اما الثقافه فهى التخصص فى منهج معين ومعرفه الكثير عن المناهج الاخرى
مثلان انا تخصصت فى الطب لكن عندى معرفه بالتاريخ والمحاسبات وكده
الامس واليومــ:: الامس يوم مضى وقد تعلمت منه لليوم
اليوم هو حياه جديده وصفحه جديده وايضا هو تطبيق لما تعلمناه من الامس
الجرأة والوقاحه:: الجرأة هى التحدث فى اى شىء يمكن ان يجرح ولاكن بطريقه محترمه وعلميه
الوقاحه هى خدش حياء وجرح الاخرين
الثقة بالنفس والغرور:: الثقه بالنفس هى الوثوق فى الذات
الغرور هو الحديث عن نفسى دائما و فى كل الاوقات
مارأيك بهذه المقوله
قد يكون الزجاج مكسورا و كلمة اسف لن تعيده كما كان .. لكنها بالتأكيد تستطيع اصلاح نفوسا مكسورة"
التواضع من صفات الرسول صلى الله عليه ...
فلماذا لا نكن كالرسول ...
فلو تواضعنا فسوف تكون الحياة اجمل
واسف هى من التواضع وليس تقليل الشأن
وكلمه تسعد سامعها حيث يشعر بالراحه مرة اخرى
احكيلنا قصة حياتك فى 15 صفحه؟؟
كتيييييييييييييييييييييييييييييييييييره
كفايه كده دلوقتى
وليه كده مانتى قاعده
مشمشه
Sep 12 2007, 05:28 PM
اجباتك جامده موت برضه يعمرو
بجد تسلم كتير على كل اللى قلته
و انا هبقى معاك طيبه و مش هنزل ولا سؤال بمناسبه الشهر الكريم
كل سنه و كل الشعب العربى بخير
و رمضان كريم
مشمش_2007
Sep 12 2007, 09:51 PM
اجاباتك جميلة اوي يا عمرو
افعلا عجبتني
بس خلي بالك انت لسه ماجوبتش علي اسئلتي
خلص علشان احط الباقي
وكل سنة وانت طيب
amrello
Sep 12 2007, 10:59 PM
كل عام وانتم جميعا بخير
تسلميلى انتى يا مشمشه على المرور والرد الجميل
وبعدين لو عايزه تسألى اوكى عادى وبراحتك
مشكوره مشمش على الرد الجميل
واسئلتك انا بحل فيها من الصبح اهو
ههههههههههههههههههههههه
اطممنى هنزلها دلوقى اهو
وادخل على اسئلة اسراء
مشمش_2007
Sep 13 2007, 02:56 AM
معلش يا عمور ربنا يعينك
شد حيلك
ehahe
Sep 13 2007, 03:07 AM
ربنا معاك وانا حسمحك المره دى علشان خاطر رمضان بس
كل سنه وانت طيب
amrello
Sep 13 2007, 06:42 AM
وادى اسئله بوسى
مشكوره جدا يا بوسى على الكلام اللى فى الاول
ونشوف اسئلتك
ونبدأ الأسئلة
من أنت؟
عمرو صبرى
وباقى المعلومات انتو بتعرفوها اهو
أصعب دمعة كانت في حياتك؟
يوم وفات امى
أين يجد عمرو نفسه؟
وسط عالم السيارات
حلم تتمني أن يتحقق؟
مكرر
هدفك فى الحياة ؟
انى هتم بدراستى واحاول انى اعشتغل حاجه كويسه وبجانب عملى افتح مركز تعديل سيارات
واشارك فى السباقات اما عن حياتى فا نفسى اتجوز الانسانه اللى احبها وتحبنى بجد واعيش معاها احلى ايام العمر
واحاول انى اعلم اولادى كل حاجه كويسه اتعلمتها ولسه هتعلمها واحاول انى اخليهم يتفادو المشاكل اللى انا مررت بها
وبكده يكون عندى بيت جميل كل من بداخله يحب الاخر ويكون اولادى تربوا وتعلمو احسن حاجه وبيتنا يكون قدوه للغير
أكبر لحظة فرح قابلتها ؟
بقالى كتير مش فرحت قوى غير من قريب لكن غالبا هقول يا فرحه ماتمت
غير كده اول مره فى حياتى ادخل سباق الاوتوكروس وقعدت اتأهل للمرحله الاخيره
بس كان بقى معايا ناس دائما بيكونو ال(20) الأوائل وانا طلعت ال(26) من 98 متسابق
وكانت مفاجئه لى ولناس كتير جدا
أكتر لحظة حزن عشتها ؟
يوم وفاة امى
أقرب أعضاء المنتدى اليك ؟
كتير كتيييييييير كلكم تقريبا
شخصية تعلمت منها الكثير ؟
امى وابى
أكتر موقف أضحكك ؟
مكرر
أكتر موقف محرج قابلته فى حياتك ؟
حصل كتير بس مش فاكر حاليا
كل واحد يحط اسئلته يسألأ السؤال ده لحد اما افتكر واجاوبه :D:D:D
مثلك الأعلى فى الحياة عامة ً ؟
مكرر
ايه هي ظروف حياتك العاطفية مرتبط ولا ؟؟؟
انتو بس قولو يا رب
ايه هو رايك فى البنات؟
فيهم الكويس وفيهم الوحش وفيه فصيله جديده اسمها الجبلايه وبيقولو انهم بنات
والبنات عموما شئ جميل مش كنا نقدر نعيش من غيرهم حيث انهم خلقو من ضلع اعوج
كيف عرفت المنتدي واول قسم تزوره والقسم اللي بتحبه؟
عرفت المنتدى من صاحبى. اول قسم زرته كان العام و اكثر الاقسام اللى بحبها كانو الالعاب و السيارات
وجه هذه الكلمات لأي شخص"بالمنتدى" :
- مثلك نادر الوجود : كلكم كويس وفيكم الخير
- للأسف ماتوقعتها منك : محدش
- أنت غريب الطباع : ليدو
- دمك خفيف : حمدى
- أنت مبدع : كل ايجى هاتى حاول يبتكر موضوع من نفسه ومينقلش مواضيع
- الله يحقق اللي في بالك : كلكم يا رب
- فقدناك : الورده الرومانسية
- يهمني رأيك : كلكم
- قلمك رائع: كتير منكم
- انت متميز: نيرفو
- هونها وتهون : محدش
- سامحني : اى حد زعل منى فى اى شىء
- لك مستقبل : مشمشه
- الله يهديك : حزب الجبلايه
- حمدلله على السلامة : انا بعد اما اخلس الاجابات :D:D
- نفسي اتعرف عليك أكثر : كلكم
- أنت اللي فاهمني : حمدى
- أحبك في الله : كتيييييييييييييييير منكم
- طيبت قلبك ساحرة : مولها ( طيبه وبس كده )
- يفتخر المكان بأمثالك : سيوى
- الله يخليك لنا : اعضاء ايجى هات
- اتمني رضاك : هى عارفا نفسها
- أنت نشيط: مشمش _2007
ايه رايك في كل من:
ايهاهي: شخصيه طيبه اما تبعد عنى و شغلها تمااام جدا فى المنتدى
بليزي: عبد الحميد راجل جدا زفى المنتدى شغله جميل
اميدو: جدى فى المنتدى
معتز: الاسكندرانى الشهم
مشمش_2007: زى اختى الكبيره وربنا يوفقها
موني: دلوعة ايجى هات
مشمشه: المزيعه الناجحه و متميزه من يوم ما عرفتها و ربنا يوفقها
حمدي: عسل جدا وموضوعاته جميله وبيتعب فيها بجد بس بيكتب بسرعه قوى :S
نور: مواضيعها جميله جدا ومميزه زى مشمشه
سيوي: راجل جدا ومحبوب جدا
اميرلوا: بسم الله ما شاء الله عليه عينيه اتحولت من كتر اسئلتكم
مولها: بسم الله ماشاء الله على شغلها وتعبها فى المنتدى بس محتاجه تركز شويه فى الادمن كنترول :D:D
كريم: تمام جدا وبيحاول انه يخليلنا المنتدى كويس بس بقى كسول من ناحيته اما موللها مسكته
وعيبه ايضا انه معندوش طولت بال
قلنا علي درس علمتهولك الحياة؟
مكرر
متى تنزل دموعك ومتى تصل الى قمة السعاده ؟
تنزل دموعى قيلا جدا ولكن احيانا عند فقد شىء او شخص عزيز على
واصل الى قمة السعادة عندما ارى من حولى سعيدا وحياتى فى راحه وحاجات كتير
المستقبل عالم غيبي يحمل لنا الكثير والكثير من المفاجات الساره منها والمحزنه .
سؤالي ماهي نظرتك لمستقبلك ؟
مخيف لاكن يجب ان نكون مستعدين له وان نكون قد استفدنا من الايام السابقه لنواجهه
أعطنا 5 دروس علمتهالك الحياة ؟
ان محدش يستهين بمستقبله لاى ظروف
ديه اهم حاجه واكبر حاجه
المجامله أصبحت منتشره بين أغلب العلاقات الاجتماعيه
مع العلم ان البعض يتعامل مع مبدأ المجامله من دون اقتناع ولكن لتسير الحياه.
سؤالي هل المجامله موجوده في حياتك وليس بالضروره ان تكون مقتنع بها ؟
امجامله موجوده وبعض الاحيان مكونش مقتنع بيها بس فى زمننا ده هى مطلوبه
وبحاول ساعتها انى اسكوت علشان منقولش نفاق
لحظه الوداع صعبه
هل مررت بلحظه وداع كل ماتذكرتها تصيبك نوبه حزن ؟
لا
اذا وقعت فالشارع ! هيكون ايه شعورك ؟
الاحراج و وقعت قبل كده بس الشارع كان فاضى :D:D
اذا اتمسكت من غير بطاقة هتعمل ايه ؟
هطلع رخصتى :D:D:D
ولو نسيت المحفظه كلها هكلم حد يجيبهالى باللى فيها
اذا توهت فالشارع .. وما لقيتش حد تسأله هتعمل ايه؟
هفل الف لغااااااايت اما اوصل للى انا عايزه او لغايت اما اعرف ارجع البيت
او اروح اقرب منطقه فيها ناس
يارب مكونش طولت عليك يا عمرو
لحد لما احضر لك اسئلة تانية لو مش يدايقك يعني
لاني اول مرة اسال وبصراحة مبسوطة بكده
يلا عايزين نشوف الاجابات
مطولتيش ولا حاجه بس
انتو جيتو بالاسئله فى وقت غريب شويه
بس اتفضلوا اسئلو براحتكم
nervo
Sep 13 2007, 06:58 AM
بجد ياعمرو انت طيب اوى ربنا يوفقك يارب
ومعلش لو كنت غلست عليك فى بعض الأسئله فاانا بهزر معاك
ومش هسألك تانى عشان رمضان بس كل سنه وانت طيب
مشمش_2007
Sep 13 2007, 07:13 AM
بجد يا عمرو انت انسان جميل اوي وطيب واجاباتك جميلة وعجبتني جدا وشخصيتك عسل وانسان نشيط ومجتهد ومحبوب من الجميع وتستحق كل خير
بجد مش عارفة اقول عليك ايه
كفاية مجهودك الواضح في المنتدي
وميرسي جدا للكلام اللي قلته عليه
ربنا يوفقك
وانا مش هسالك تاني
واسفة اذا كنت طولت عليك
ورمضان كريم وكل سنة وانت طيب
amrello
Sep 13 2007, 07:46 AM
إقتباس
ومعلش لو كنت غلست عليك فى بعض الأسئله فاانا بهزر معاك
ومش هسألك تانى عشان رمضان بس كل سنه وانت طيب
ولا غلستى ولا حاجه والله دا انتى منورانا هنا
ويا ستى اسألى براحتك مجاتش على رمضان يعنى
وكل سنه وانتى والامه العربيه كلها بخير
*****************************************
مشكوره جدا على الكلام الجميل ده يا بوسى
ديه شهاده جميله منك لى
وانتى مش طولتى ولا حاجه واسألى تانى براحتك
وكل سنه وانتى طيبه
amrello
Sep 13 2007, 07:56 AM
وأدى اسئلة نيرفو
قولى نوع الشامبو الى بتستخدمه؟
هيد اند شولدرز _ دوف
ومعجون الاسنان؟
سيجنال2
بتحب تاكل ايه فى الفطار والغدا والعشا؟
مش بحب الفطار بس بكون مبسوط لو فيه فاكهه
بس بقالى يومين نفسى فى طعميه على الفطار :D:D
اما الغدا بحب جميع الاكلات تقريبا بس يكون فيه تنوع
ويفضل مكرونه وبانيه او بفتيك. او كبسه
اما العشا فا بحب اى حاجه من المطاعم السريعه او المشويات
بس اطمنوا باكل قبل النوم بكتيييييييييييييييييييير
بتعرف تطبخ؟قولى بتعرف تعمل اكلات ايه؟
كل حاجه تقريبا فى الطبيخ ما عدا المكرونه البشاميل مش بعرف اعملها مظبوطه
اما المخبوزات فهى البيتزا وبلح الشام
اذا لم تكن كما انت كذلك ماذا تحب ان تكون؟
كما انا ولكن بالافضل واجتماع كل الصفات الجميله
قولى رأيك فى الكلام اللى بيتقال فى الموضوع الى شاغل الناس كلها بس ياريت تجاوب بكل صراحه ؟
موضوع ايه
لو لم تكن اسمك عمرو كنت تحب يكون اسمك ايه بكل صراحه وتوضيح؟
كنت احبه انه يكون عمرو برضه ولو قفش الموضوع خلاص يكون عمر
عندك كم ايميل على الياهو وكم ايميل على الهوت؟
واحد فقط هوت ميل . و واحد فقط ياهوو
ماذا تعرف عن الأميبا ؟مع الرسم والتوضيح؟
قلت انى مدرستش احياء
بس اللى اعرفه عنها انها بتيجى عن طريق عدم النظافه الجيده للطعاه والمشروبات
والتلوث عموما
بتحب باباك؟ليه؟
الحمد لله اكيد علشان والدى وعلشان لولاه مكنتش عشت واكلت
وغير كده رجل جاد فى عمله وديه اكتر حاجه اخدتها منه
كل انسان يمر بظروف ولكن كيف تشعر بعدها ولماذا؟
بقول الحمد لله على كل حال بس اكيد بتكون لسه مأثره على شويه
متى يبكى امريللو؟
لم ابكى كثيرا
ولكن بداخلى ابكى مع اى فقدان لصديق او قريب او حبيب وحاجات كتير تحزن اى بشر
طلع المحفظه بتاعتك دلوقتى وقولى فيها بالتفصيل؟
خديها انتى شوفيها :D:D:D
البطاقه
الرخصه
كارنيه النادى
شوية كروت محلات او ناس اعرفها وكده
نصف ورقه من عمله سوريه قسنتها بينى وبين صديق عزيز
كفايه كده مؤقتا ولو مش جاوب هسأل تانى
اسألى براحتك عرفى الجبلايه مين عمو عمرو :D:D:P:P
monyy
Sep 13 2007, 08:25 AM
اجاباتك كلها زى العسل يا عمرو
شوفت انا رشحت بس مسالتش اهو
وابقا فكرنى اقولك الطريقة السحرية عشان تظبط المكرونة بالبشاميل :D
Bluesy_panther
Sep 24 2007, 01:17 AM
انت انسان جميل فعلا يا عمرو
بالتوفيق يا حبى
.........
بمانسبه الشهر الكريم
تم اقفال الكرسى لبعد العيد
وكل سنه وانتم طيبين
مشمش_2007
Sep 25 2007, 03:49 AM
وانت طيب يا بليزي
وان شاء الله نرشح بعد العيد
ehahe
Oct 19 2007, 02:56 AM
السلا م عليكم
بعد اذنكم حنفتح الكرسى والله وحشنى اسئله الكرسى اوى
ونرشح ليدو
يلا ياجماعه عايزين نبتدى نسأل رشحوا بسرؤعه
monyy
Oct 19 2007, 03:02 AM
وعليكم السلام يا سوسو
يلا انا كمان برشح ليدو
مشمش_2007
Oct 19 2007, 03:59 AM
منورين يا حلوين
هييييييييييييييييه الكرسي هينور من تاني
وهنبتدي بليدو
SeWeY
Oct 30 2007, 03:13 AM
يلا يا جماعه نبتدى نرشح
انا هرشح نوووووووووووووووووووووور
IsLaMMoUsSa
Oct 30 2007, 03:26 AM
انا برشح نووووووووووووووووووووووووووووووووووووووووووووووووووووووووووور
اشطه يا سيوي اي خدمه
SeWeY
Oct 30 2007, 03:32 AM
كده ليدو 3
و نور 2
اشطه عليك يا اسلام :D
يلاااااااا عايزيييييييييييييييييين نوووووووووووووووووووووووور
nervo
Oct 30 2007, 03:36 AM
برشح ليدو
عايزين نعرفه اكتر
N0UR
Oct 30 2007, 03:42 AM
وانا برشح ليدو
ماشى يا سيوى @: لن انسى لك هذا الموقف
نيفرررر
dreamstory
Oct 30 2007, 03:44 AM
انا برشح ليدو الاجابه علي اسئلة الاعضاء واسفة يا سيدي بس دا امر الله عاد
Tamerifm
Oct 30 2007, 03:46 AM
نوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووور
مشمش_2007
Oct 31 2007, 02:51 AM
وانا برشح ليدو تاني