rerezak
May 12 2007, 06:22 PM
تسمح لي اسألك كام سؤال
- ماهي هوايتك؟
- عرفت ايجي هات ازاي؟
- هل مشترك في منتديات تانية؟
- بتؤمن بالحب من اول نظرة ؟ وهل عشتة؟
- نفسك ترجع للكيلة تاني ولا كدة احسن؟
كفاية عليك كدة
ايه رأيك شوفت اسالتي خفيفة ازاي
يالا يي جماعة كله يهري حمص اسئلة
ههههههههههههههههههههههههههههههههههههههههه
homos_610
May 12 2007, 11:01 PM
تسمح لي اسألك كام سؤال
ماشي يا ريري اسمحلك جداااااااا
- ماهي هوايتك؟
الرسم الكاريكاتيري والنت وسماع الموسيقى وأحيانا الشغل على برامج الجرافك
- عرفت ايجي هات ازاي؟
الحقيقة مش فاكر كنت بدور على أغنيه معينه لقيتها في إيجيهات وبعد كده سجلت في المنتدى وسيبته فترة كبيرة ويوم مكنتش لاقي حاجه اعملها على الت قمت فتحت المنتدى وقريت كام موضوع عجبوني ومن ساعتها بقيت مدمن إيجيهات
- هل مشترك في منتديات تانية؟
اه مشترك في حوالي 4 او 5 منتديات بس إيجيهات هو الأصل طبعا
- بتؤمن بالحب من اول نظرة ؟ وهل عشتة؟
والله أنا مقدرش أقول حب من أول نظرة إنما بيبقى إعجاب شديد وبعدها ممكن جدا يتحول لحب لو صارحت البنت اللي أعجبت بيها فإحنا بنسميه حب من أول نظرة إنما هو بيبقى إعجاب عشان الحب لازم تعرفي الشخص اللي قدامك كويس مميزاته عيوبه عشان تعرفي إذا كنتي هتقدري تحبيه ولا لأ وممكن الإعجاب يكون إعجاب بالشكل العام او الشياكة في اللبس او اسلوب كلام ومعاملة كده
اه عشته بس بالطريقة اللي قلت عليها أعجبت بواحده جدا وصارحتها وكان نفسي أرتبط بيها جداااااااا بس محصلش نصيب وهي دلوقتي من أعز أصدقائي
- نفسك ترجع للكيلة تاني ولا كدة احسن؟
نفسي أرجع جدا بس من غير فترة الامتحانات ههههههههههه عشان أنا لما خلصت وأشتغلت لقيت جو الشغل روتيني بشكل كبير اوي انما الجامعه مفيهاش روتين زي الشغل بس هي فترة ولابد تنتهي مهما طالت إذا كان العمر هينتهي فترة زي فترة الجامعه مش هتنتهي
كفاية عليك كدة
ايه رأيك شوفت اسالتي خفيفة ازاي
يالا يي جماعة كله يهري حمص اسئلة
أسئله خفيفة جدا الصراحة وياريت كل الاسئلة تبقى خفيفة كده
homos_610
May 13 2007, 11:32 AM
طيب الحمد لله خلصت الأسئلة ولا لسه في تاني
honeyqueen
May 13 2007, 09:43 PM
ازيك ياحمص
بصراحه انا اول مره اشترك في اللعبه دي
انا هسالك سؤال واحد بس
ايه رايك في الدنيا والحياه وماهو مبداك فيها ؟
بزمتك يعني شفت اسهل من كده سؤال
ادعيلي باه
homos_610
May 14 2007, 12:20 AM
ازيك انتى يا هوني أخبارك ايه انتي مبقتيش تدخلى كتير زي الاول اكيد عشان الامتحانات ربنا ينجحك ان شاء الله ويوفقك
عايزينك تشتركي في اللعبة دي باستمرار عشان المرة الجاية نقعدك على الكرسي هههههههههههههههه
انتي بقى بتقوليلي ايه رأيك في الدنيا والحياة ومبدأك فيها؟
أنا هجاوب عليكي بمنطلق المفروض الناس كلها تنظر للدنيا دي بالمنطلق ده
الدنيا أولا لا تسوى عند الله جناح بعوضه ولو كانت الدنيا دي عزيزة عند ربنا ما كان ان يسقي كافر شربة ماء منها.
الدنيا عبارة عن مرحلة صغيرة جدا ولا بد ان تنتهي لأنه سوف يأتي بعدها الحياة الأبدية في الآخرة اما في الجنة ونعيمها والخلود فيها واللهم ارزقنا اياها وارزق جميع المسلمين والمسلمات الجنة يا رب واما والعياذ بالله جهنم والخلود فيها واللهم ابعد النار عن جميع المسلمين والمسلمات.
الله خلق لنا الدنيا والحياة لكي نعبده وحده ولا نشرك به شيئا وان نعمر في الارض لأن الانسان او ابن آدم هو خليفة الله في الارض.
والانسان يجب عليه في حياته ان يستثمر كل اوقاته اما في العبادة او العمل والاعمار في الارض لأننا سنسئل عن هذا الوقت.
والله يبتلينا في هذه الدنيا ويختبرنا بعدة أشياء منها على سبيل المثال وليس الحصر الفقر والمرض والمصائب وغيره والمفروض على العبد ان يحمد ربه على السراء والضراء وان يشكر الله على ما أتاه من نعم لا تعد ولا تحصى ولا يتفكر في المفقود منها والموجود عند غيره فالله أعطى المال لفلان وأخذ منه البنون وأعطى الصحة لفلان وأخذ منه العقل وأعطى الصحة والمال وأخذ منه الحكمة ولكن الله أعطى كل البشر نعم بالتساوي (زي ما بيقولوا 24 قيراط) ولكن تختلف نوعية هذه النعم من انسان لغيره.
ونسأل الله ان يرحمنا ويعفو عنا ويهدينا جميعا الى الطريق الصحيح وأن يحاسبنا برحمته الواسعة التي سعت كل شيء.
وطبعا الكلام عن الدنيا كتيييييييير جدا بس دى نبذة مختصرة عنها .
أما عن مبدأي في الحياة
هو مراعاة شعور الاخرين.
ومعلش طولت عليكي يا هوني وربنا ينجحك ان شاء الله ويوفقك في حياتك انتي وكل الاعضاء وكل الناس.
nervo
May 14 2007, 12:55 AM
بس انت ياحمص بتدى السؤال حقه بصراحه
بس واضح انك شخصيه جميله بجد ربنا يوفقك
داانت لو كل سؤال هتديله حقه كدا يبقى مش هتخلص الاسئله بتاعتى هههههههههه
اسأل ولا ايه الظروف؟؟؟
homos_610
May 14 2007, 08:47 AM
إسألي يا نيرفو زي مانتي عايزة
خدي راحتك (ربنا يستر) في عقل بالي
soma85
May 14 2007, 06:32 PM
حظك حلو والله
رحمينك شوية
بس ممكن أسأل شوية أسئلة محاسبية
ماهو الحساب الدائن والحساب المدي
وسؤال تانى
مقاس الشوز بتاعك كام
ماهى الأكلة المحببة
من أكتر عضو مش بتحبه
ايه اكتر موقف محرج اتعرضيتله
من اكتر عضو قريب لقلبك
من مثلك الأعلى
ما طموحاتك المستقبلية
ما اكتر موقف مضحك اتعرضتله
من العضو الرقيق فى رأيك
من العضو الطيب
بس كده كفاية
homos_610
May 14 2007, 09:29 PM
حظك حلو والله
رحمينك شوية
ماهو الرحمة حلوة برضو يا سوما
بس ممكن أسأل شوية أسئلة محاسبية
يا سلام انتي جيتي في جمل اتفضلي
ماهو الحساب الدائن والحساب المدين
ليه الاحراج ده انا على حسب ما فاكر ان الحساب المدين هو اللي أخد المنفعة اما الحساب الدائن هو اللي أعطى المنفعة دي
وسؤال تانى
ومالــــــــــــــــــــــــه
مقاس الشوز بتاعك كام
أحم أحم 43 عشان أنا طويل حبتين
ماهى الأكلة المحببة
البيتزا والمكرونة بكل أنواعها والفراخ البانيه
من أكتر عضو مش بتحبه
العضو اللي حط الحاجات اللي مش كويسة في المنتدى الاسلامي
ايه اكتر موقف محرج اتعرضيتله
ليه الاحراج ده بس بصي يا ستي هو انا كنت باخد قرص محاسبة أثناء الكلية وجيت متأخر في مرة ماكانش في ولا مكان فاضي فلقيت كرسي وحيد وكان كرسي مش اللي هو جيت أقعد قمت وقعت وقعة صعبة أوي طبعا انا بقيت في نص هدومي (ياريت ماتقوليش لحد خليها بيني وبينك)
من اكتر عضو قريب لقلبك
الكل والله بس انا بعز حمدي وسيوي وأميدو وسولي ومن البنات بعز اسراء وهوني وريري وخوخة ونيرفو وسوما والله كلكوا يا جماعه بس خايف اكون نسيت حد
من مثلك الأعلى
الرسول عليه الصلاة والسلام اولا ثانيا عمي مصطفى
ما طموحاتك المستقبلية
عايز أبقى مميز اوي في مجال الجرافك في الكمبيوتر عشان أكيد ده هيفتحلي مجال شغل أكبر من اللي انا فيه وكمان أتجوز واحده تكون بتحبني وأحبها ونفسي أجيب ولد وبنت يوسف ومريم
ما اكتر موقف مضحك اتعرضتله
كتيييييييييييييييير مقدرش اقول موقف معين
من العضو الرقيق فى رأيك
اسراء ومولها
من العضو الطيب
برضو اسراء وهوني وسيوي واميدو وسوما ونيرفو هما كتييييير اوي
بس كده كفاية
طيب الحمد لله
Bluesy_panther
May 15 2007, 12:09 AM
بجد يا حمص اجاباتك كلها جميله
وانت انسان جميل
مبروك يا عم خلصت المده
وانا برشح سوما
nervo
May 15 2007, 09:24 PM
لا لسه بعد الساعه 12 أبدأوا رشحو عضو تانى
الحق اكتب اسألتى انا بقى
ازيك ياحمص ايه الاخبار؟؟؟
قولى بتشتغل ايه وفين؟
ساكن فين؟
بتحب تاكل ايه فى الفطار والغدا والعشا؟
احكيلنا احلى حلم حلمت بيه وأوحش حلم وجعلك تقوم من النوم مفزوع؟
بتشجع فريق ايه؟
راضى عن نفسك؟
انت عصبى؟وايه هى اكتر حاجه بتعصبك؟
رأيك ايه فى سيوى هل بتحس انه ادمن ولا عضو عادى زينا؟
من اقرب انسان الى قلبك؟
لما بتغلط فى احد مستعد تعتزر له امام الناس ولا عندك نقطة الكبرياء؟
هل مريت بتجربه عاطفيه احكيلنا بالتفصيل؟
عمرك ظلمت حد؟
هل اتظلمت؟
متى تكره؟
متى تحب؟
بتدخن ؟لو اجابتك بنعم قولى لماذا تدخن؟
قولى موقف والدك ضربك فيه عملت ايه بصراحه؟
رأيك فى الصداقه بين الولد والبنت؟
والدتك راضيه عنك ودايما تدعيلك؟
تقبل ان اختك تكتب بالمنتديات جاوب بصراحه؟؟؟
قولى بقى طريقة عمل الملوخيه بالجمبرى لأن معتز وسيوى مش عرفو يجاوبو على السؤال ده ؟؟؟؟؟
كفايه كدا مش هطول عليك
Bluesy_panther
May 15 2007, 10:15 PM
وهو كذلك يا نرفو
عشان خطرك انت بس
يلا يا حمص رد بقى على اسئله نيرفو
homos_610
May 15 2007, 10:50 PM
لا لسه بعد الساعه 12 أبدأوا رشحو عضو تانى
الحق اكتب اسألتى انا بقى
أتفضلي يا نيرفو وانا قولتلك اسألى براحتك قبل كده
ازيك ياحمص ايه الاخبار؟؟؟
الحمد لله تمام زي الفل
قولى بتشتغل ايه وفين؟
انا بشتغل مصمم معادلات وجداول محاسبية على برنامج excel وادخال بيانات عليه . فين؟ شركة أقطان .
ساكن فين؟
مدينة بنها محافظة القليوبية
بتحب تاكل ايه فى الفطار والغدا والعشا؟
والله مفيش حاجه محددة بس انا أحب البطاطس المحمرة والعسل الأبيض في الفطار وفي الغدا مكرونة بأي نوع وفراخ بانيه او بوفتيك العشا غالبا بيبقى تيك اوي من برة او بيتزاااااااااااااااااااا (حبيبتي البيتزا دي)
احكيلنا احلى حلم حلمت بيه وأوحش حلم وجعلك تقوم من النوم مفزوع؟
احلى حلم في كتيير بس انا مش فاكر حلم معين عشان اعتبره ده أحسن حلم أما بقى أوحش حلم هو حلم يضحك شوية بس انا كنت مرعوب وانا في الحلم ده حلمت بواحدة ست كبيرة وكركوبة عماله تجري ورايا مش عارف ليه انا عملتلك حاجه وعمال اهرب منها ومش عارف ولما صحيت حمدت ربنا انه كان حلم عشان انا فعلا كنت مرعووووووووب.
بتشجع فريق ايه؟
محليا الاهلــــــــــــــــــــــــــــي طبعا وعالميا مانشيستر يونايتد والمنتخبات بعشق ايطاليا وانجلترا والبرازيــــــــــــل طبعا
راضى عن نفسك؟
حاجات اه وحاجات لأ في حاجات معينة نفسي ألتزم بيها جدا
انت عصبى؟وايه هى اكتر حاجه بتعصبك؟
لا الحمد لله مش عصبي خالص بس أكتر حاجه تعصبني لما أعامل شخص معين في موضوع معين وألاقي عنده لا مبالاة وانا أكون مهتم بالموضوع ده وكمان الحر بيعصبني جداااااااااااااااا.
رأيك ايه فى سيوى هل بتحس انه ادمن ولا عضو عادى زينا؟
سيوي شخصية زي العسل بجد وانا نفسي اقابله واعرفه أكتر وانا شايف انه مهتم بمعظم مواضيع المنتدى بلاقي له مواضيع كتير جدا في كل المجالات بس انا واخد عليه الموضوع بتاع المنتدى الاسلامي واللي حصل فيه عايزينه يديله اهتمام زايد شوية.
من اقرب انسان الى قلبك؟
والدي بحبه جدا ومقدرش اتخيل الدنيا دي من غيره يا رب يخلهولي يا رب قولوا أميــــــــــــــــــن.
لما بتغلط فى احد مستعد تعتزر له امام الناس ولا عندك نقطة الكبرياء؟
اه طبعا والحمد لله انا معنديش كبرياء خالص عشان دي صفة لله وحده.
هل مريت بتجربه عاطفيه احكيلنا بالتفصيل؟
اه مريت بتجربة عاطفيه عايزة تعرفي الحكاية بالتفصيل طيب انتي فاضية ولا وراكي حاجه اصل انا رغااااااااااي وبحب ادي كل حاجه حقها.
بصي يا ستي بعد ماخلصت الجامعه قدمت في قرص كمبيوتر وبدأت أخده قابلت واحده هناك كانت معايا في نفس القرص من اول نظرة شفتها اعجبت بيها جدااااااا من الشكل العام وطريقة الكلام والشياكة في اللبس المهم كانت للأسف مش معايا في نفس اللاب كنت انا في لاب 1 وهي 2 مر حوالى اسبوعين كده وقررت اني ابدأ اتعرف عليها وأكلمها المهم كلمتها واتعرفت عليها وبقينا شبه اصحاب عشان ماكانش في مجال كبير نتكلم فيه الا يدوب في البريك اللي في الوسط المهم بدأ اعجابي بيها يزيد لغايه ما اتحول لحب وقررت اني اصارحها فصارحتها اني معجب بيها جدا لقيت الرد صدمه بالنسبالى قالتلي انا مخطوبة يا محمد طبعا انا اتصدمت بس طبعا كنت بتمنالها كل خير وبقينا اصحاب زي ماحنا واحده تانية بقى زميلتي لاحظت الموضوع قلتلها ماهو خلاص طلعت مخطوبة قامت قيلاللي لأ مش مخطوبة انا اتعرفت عليها وقالتلي انها كانت مخطوبة بس محصلش نصيب وقالتلي هكلمهالك وكلمتها فعلا وعرفت بعد كده انها قالتلي انها مخطوبة عشان بتبقى في حالة حرج في المواضيع دي فبتبقى عايزة تنهي الموضوع بأي شكل وهي اعترفتلي بده وبقينا اصحاب احنا التلاتة بعد القرص ما انتهى المهم زميلتي دى جابتلي الايميل بتاعها وقالتلي حاول اتعرف عليها اكتر بقى وفعلا كلمتها وبقت تكلمني على الموبايل باستمرار والبيت المهم في الاخر عرفت انها اكبر مني بسنتين وانا ماكانش عندي مانع خالص من الارتباط وعرضت عليها اكتر من مرة بس هي كانت رافضة المبدا من اساسه ( موضوع السن يعني) وخلاص على كده بس طبعا في تفاصيل كتيرة جدااااااااااا وبقينا اصحاب بل اصدقاء وباخد رأيها في حاجات كتير جدا وطبعا عارفيني في البيت عندها وكذلك عندنا عارفنها ولسه مكلماني امبارح بس بتطمن والحمد لله على كل شيء وكل شيء نصيب وادينا بقالنا حوالي اربع سنين اصدقاء واان بحمد ربنا اني ماخسرتش الانسانة دي.
معلش طولت عليكي قلتلك انا رغااااااااي
عمرك ظلمت حد؟
لا الحمد لله
هل اتظلمت؟
مقدرش اقول اتظلمت تلاقيها كلها مواضيع هايفة بس الواحد ساعتها بيبقى مكبر المسائل حبتين وبعد كده بيهدى.
متى تكره؟
الحمد لله مش بكره حد ممكن ازعل شوية انما كره لا
متى تحب؟
مش عارف سؤال صعب والله بس انا بحب الناس كلها هكرهم ليه يعني
بتدخن ؟لو اجابتك بنعم قولى لماذا تدخن؟
الحمد لله بطلت من 4 سنين كده
قولى موقف والدك ضربك فيه عملت ايه بصراحه؟
كنت في اولى ثانوي وبصراحه مشيت من المدرسه ورحت مع اصحابي نلعب بلاي ستاشين (شفتي فشل اكتر من كده) هههههههه هو جالى المدرسة اليوم ده عشان يوديني لدكتور السنان شفتي الحظ زعل مني ساعتها جدا.
رأيك فى الصداقه بين الولد والبنت؟
من وجهة نظري مطلوبه عشان احيانا الولد بيبقى محتاج لرأي بنت وممكن يتكسف يسأل اخته او والدته وكذلك البنت بس طبعا الصداقة دي لازم تبقى في النور واهل الولد والبنت يبقوا عارفين ولازم طبعا يكون ليها حدود.
والدتك راضيه عنك ودايما تدعيلك؟
الحمد لله
تقبل ان اختك تكتب بالمنتديات جاوب بصراحه؟؟؟
اه ليه لأ بس تكتب حاجه مفيدة ومحترمة ومتكتبش حاجه هايفة ملهاش لزمة وتكون محترمة في ردودها عشان تجبر كل اعضاء المنتدى على احترامها زيكو كده يا نيرفو انتى وباقي اعضاء المنتدى المحترمين.
قولى بقى طريقة عمل الملوخيه بالجمبرى لأن معتز وسيوى مش عرفو يجاوبو على السؤال ده ؟؟؟؟؟
هي الملوخية على حد علمي بصفة عامة اهم حاجه فيها ( تشهق يعني تعمل هااااااااا هو صوت كده أكيد كلكوا عارفينه).
كفايه كدا مش هطول عليك
ميرسي يا نيرفو وربنا يوفقك في حياتك.
nervo
May 16 2007, 02:16 AM
اجابتك ياحمص على الاسئله بنبين انك انسان كويس ربنا يكرمك يارب ويخليلك والدك ووالدتك
ويوفقك الى ما تحبه وترضاه
انا نسيت اشكر سيوى على اجابته على الاسئله بتاعتى مع انه كان خلاص قام من على الكرسى بس هو بذوقه مش رضى يحرجنى وجاوب
انا بحترمك جدا وميرسى كتير ليك
دلوقتى نرشح عضو تانى
انا برشح Bluesy_panther
soma85
May 16 2007, 01:18 PM
فعلا يا نرفو يا حبيبتى
حمص من الأجابة تحسى أنه إنسان كويس
وصريح
ربنا يوفقك
أنا برشح
بليزى برده
كده يا بليزى ماشى أشرب
يلا يا بنات
Bluesy_panther
May 16 2007, 07:39 PM
ايه ده بقى
ما تفقناش على كده
انا رشحت سوما والشباب جايين
ما شى يا نرفو
soley2003
May 16 2007, 07:51 PM
وأنا كمان برشح الأخت سومه تشرف علي الكرسي
أنا هطوء الكرسي عشان تيجيتعدي
SeWeY
May 16 2007, 08:04 PM
و انا كمان برشح سوما
كده سوما 3
و بليزى 2
amrello
May 16 2007, 08:08 PM
سومتى
ههههههههههههههههههه
عاملا ايه
اطمنى يا سومه
انا مش
هسيبك الا اما تشرفينا على كرسى الاعتراف
هههههههههههههههههههه
SeWeY
May 16 2007, 08:17 PM
سوما 4
وبليزى 2
فاضلك صووت واحد يا سوما يا عسل
و حزب الشباب يعووووووووووووود مره اخرى
و انا الى هجيب اخر صوت دلوقتى
homos_610
May 16 2007, 08:28 PM
برشح سومــــــــــــــــــــــــــــــــــا
وتم انتصار حزب الشباب ههههههههههههههههه زي كل مرة
وتم جلوس العضوة سوما على كرسي الاعتراف
homos_610
May 16 2007, 08:29 PM
وهسألك سؤال واحد بس لازم تجاوبي عليه
كيلو السكر فيه كام سكرة يلا روحي عديهم وقوليلي
طبعا انتي ليك لسه عندي لستة أسئلة بس السؤال ده بنمسي بيه بس ههههههههه
مشمشه
May 16 2007, 08:35 PM
انتى ست بيت شاطرة ؟؟؟ليكى فى المطبخ يعنى؟؟؟؟
بتحبى تاكلى ايه فى الفطار والغدا والعشا؟
احكيلنا احلى حلم حلمت بيه وأوحش حلم وجعلك تقوم من النوم مفزوع؟
راضيه عن نفسك؟
انتى عصبىه؟وايه هى اكتر حاجه بتعصبك؟
من اقرب انسان الى قلبك؟
لما بتغلطى فى احد مستعد تعتزر له امام الناس ولا عندك نقطة الكبرياء؟
عمرك ظلمت حد؟
هل اتظلمت؟
متى تكرهين؟
متى تحبين؟
رأيك فى الصداقه بين الولد والبنت؟
والدتك راضيه عنك ودايما تدعيلك؟
انا استلفت معظم اسئلة نيرفو
يالا يسومة يحبى كرسى اعتراف سعيد
هههههههههههههههههههههههههههههههههه
Bluesy_panther
May 16 2007, 08:36 PM
هو ده حزب الشباب
ويواصل تألقه دايما
ومبروووووووووك ليكى يا سوما الكرسى وعقبال باقى البنات
وطبعا بشكر حزبى وهو حزب الشباب
soley2003
May 16 2007, 08:57 PM
سومه خدي شؤلين تيك أواي كده
1- لو حبيتي تسفري بره مصر...تروحي فين
2-ما هو أكثر موقف احراج قبلتيه
3-أنتي منين في مصر
4-ما هي أقسامك المفضله
SeWeY
May 16 2007, 09:23 PM
يا اهلا يا اهلا يا سوما
نورتى الكرسى يا جميييييييييييييييييل
يااااا حزب الشباب عايز من كل واحد يكون اسئلته كتييييييير
مش سؤال والا اتنين و خلاص
لازم سوما تتعب معانا
ويالا نبدا يا قمر
بسم الله
ما ردة فعلك عندما يقول لك حبيبك : أحبك نعم أتزوجك لا ؟
لو خيروك بين حبيبك وبين اعز صديق فمن تختار ؟
متى اخر مره بكيت؟
هل ملابس الشخص امامك تؤثر فيك لتأخذ عنه انطباع ؟؟
بتحبى مين من الممثلين؟؟ (عرب و اجانب )
مطربك المفضل و مطربتك المفضله ؟؟ (عربى )
مطربك المفضل و مطربتك المفضله ( اجنبى )
مين بالنسبالك العضو المميز؟؟؟
مين هو العضو القوي؟؟؟
مين هو العضو الطيب؟؟؟
مين هو العضو الرقيق؟؟؟
مين هو العضو الحنون؟؟
أيه رأيك في سيوى؟؟؟
أيه رأيك في حمدى؟؟؟
أيه رأيك في معتز؟؟؟
أيه رأيك في اميدو؟؟؟
ايه رأيك فى خوخه؟؟؟
ايه رأيك فى نيرفو؟؟؟
أيه رأيك في إيهاهي اختك حبيبتك؟؟؟
ايه رأيك فى مولها ؟؟؟
كلمه عايزه تقوليها لاداره و مشرفين و اعضاء ايجيهات ؟؟؟
SeWeY
May 16 2007, 09:27 PM
سوما معلش يا قمر
اميدو كان موصينى اجيبلك الاسئله بتاعته ليكى
هههههههههههههههه
علشان هو مشغول شويه
يالا استحملى بقى
انتى لسه شوفتى حاجه
لسه فى معتز و حمدى
هههههههههههههههههه
ما هو شعور سوما وهي على الكرسي دلوقتي؟؟
متى تغضب سوما؟
ومتى تحزن سوما؟
ومتى ترضي سوما ؟
ومتى تفرح سوما؟
كم عمرك ؟
ما هي نظرتك للحياة .. واقع ولا خيال .. تفاؤل ولا تشاؤم .. ؟؟
في حياة كل شخص شيء مجهول >> ما هو مجهول ريرى الذي لا نعرفه عنها؟؟!!!
ما هو رايك في:-
البحر
السماء
الصحراء
الدمعه
البسمه
الغربه
-----
ايام الطفوله انتهت حقيقتها وبقى خيالها
متى تتذكرين طفولتك ومتى تسألين نفسك عنها؟
اكثر دولة عربية تحبيها .. ونفسك تزوريها ( طبعا غير السعودية )
عرفي نفسك بثلاث كلمات
2- متى تشعر سوما بالوحدة؟؟
3- اذا اعطيتك هذه الأشياء لمن ستهديها ( من اعضاء المنتدى )؟؟
- سيارة موديل 2006
- باقة ورد جوري لونه احمر
- دعوة للعشاء لعضوين
- لقب الصديق
- عطر
- ساعة
1- ماذا يعني لك :
- الفراق
- الأحزان
- الشعر
- الوطن
- الأم
- منظر غروب الشمس
2- لمن ترتاح سوما من صديقاتها؟؟؟
3- مـن أول شـخـص تـلـجـألـه لـو تـعـرضـت لـمـشـكـلـة ويـعـتـبـر بـئـر اسـرارك (غير ماما)؟
4- من تتمنى أن يخلفك على كرسي الاعتراف ؟
5- من هو العضو الذي تحرصين على قراءة مواضيعه؟
6- اكثر عضو تحب تتعرفي عليه من قرب ؟
7- ما هي أكثر صفة تكرها في الانسان اللي ممكن انتي تصادقيه او تعيشي وياه..؟!
8- من أكثر شخص له تأثير على سلوكيات سوما؟
9- كيف ستتصرفين اذا قابلتك هذه المواقف )
- صديق حزين ومتضايق
- شخص مظلوم تنهان كرامته قدامك
1-أول ما تدخلي المنتدى أول 3 أعضاء تبحث عن مشاركاتهم (بصراااحه)
2-عدد من الأعضاء تحب توصلهم كلمه ... أنتي تختاريهم وتحدديهم على ألا يقلوا عن 10
3-ماذا تفعلين ,, وبماذا تفكرين عندما تكونين وحدك ؟
4- ما هي أكثر المواقع التي تتصفحها سوما ؟
5-ما هي الصفة الحلوة الي فيك و تفتخر فيها ؟
6- اين تحب ان تقضي سوما اوقات فراغها ؟
7- ما هي الصفة التي تحبين أن تكون فيكي ؟
8-ما هي الصفة التي لا تحبيها في نفسك؟
9-متى تحس سوما بالراحة <<<<< لا تقولي اذا انتهيت من كرسي الاعتراف
10- ماذا تعني لك الدموع؟
11- ماهي العقبه التي تتمنى انها تبتعد عن حياتك ؟؟
12- ما هي الخطوط الحمراء في حياتك التي لاتحبي ولا تسمحي بأن يتعداها أحـــد ؟؟
13- لمن تهدي هذه الكلمات ؟
** استمر في عطائك .....
** أشكرك جزيل الشكر .......
** قلم مميز و رائع ......
** راجع نفسك قليلا.......
14- ضع الكلمه المناسبه بعد العبارات التاليه
* اصعب مافي الحياه.......
* أحلى مافي الحياه........
* الذ مافي الحياه.........
* أسوء مافي الحياة........
15- متى تكون سوما:
1. طفله
2. أنانيه
3. فضوليه
4. غيوره
كم عدد اخوانك وما هو ترتبيك معاهم ؟؟
كم وزنك وطولك ؟
ما هي اغنيتك المفضلة
ما هو رأيك بشباب وبنات الجيل الحالي
ما هي اكلتك المفضلة
اي نادي تشجع ( محليا وخليجيا وعربيا وعالميا )
ما هي رياضتك المفضلة
مين هو اكثر واحد شايفاه شادد حيلة بالمنتدى ؟؟
أحلى خبر سمعته سوما؟
تجربه تودين تكرارها ؟
أمر دوما تخشينه ؟
اخر سؤال
زعلتى منى ( سيوى ) علشان جبتلك الاسئله دى والا عادى؟؟؟
monyy
May 16 2007, 09:51 PM
ايه الافترا دة
معلش ياسوما (وش زعلان)
ملحقتش ارشح
انا مش هسال كفاية اسئلتهم عشان كتييرة
Bluesy_panther
May 16 2007, 10:14 PM
ازيك يا قمر عامله ايه
انا هاقسم اسألتى على اجزاء
مستعده تجوبى ولا ايه............
1-ايه شعورك لما عرفتى انك على كرسى العتراف؟
2- تحبى تجوبى على اسألتى ولا لا؟
3- نصيحه من بباكى او اى شخص بتعتبريها شئ اساسى فى حياتك؟
4- ايه الاكله الى مش بتعرفى تعمليها ونفسك تتعلميها؟
5- ايه رأيك فى الكلمات ديه..
الحب - الرومانسيه - الجمال - صدق المشاعر -الصداقه.
6- لو حبيتى تسألى كل المشرفين وكل الاعضاء سؤال واحد هايكون ايه؟
7- من وجهه نظرك ايه الهدف الاساسى من المنتدى؟
8- انت استفدتى من المنتدى منتدى ايجيهات؟
9-انا شايف ان شخصيتك جميله ومحط اعجاب ناس كتيره واكيد انا منهم , السؤال بقى ايه اكتر حاجه اثرت فى تكوين شخصيتك هل شخص ام موضوع ام مبدأ فى الحياه؟
10- اكتر حكمه او مثل بتحبيه؟
11- اكتر سوره واكتر آيه فى القرأن متعلقه بيها؟
12- لحظه فرح قلبت بحزن؟
13-ولحظه حزن قلبت بفرح؟
14- لو اديتك قلم وورقه هاتكتبى ايه ولمين؟
15-نصيحه تحبى تقوليها لكل الشباب؟
16- ان مضيقه من اسألتى؟
17-عايزانى اسألك تانى ولا كفايه..............
عموما ديه اسأله النهارده.........استنى اسأله بكره...وبعده....وبعد بعده
soma85
May 16 2007, 11:45 PM
كده حرام
أنا عمرى عملتلكو حاجة ده أنا غلبان
ماشى
كده يا بليزى أنا عمرى عملتلك حاجة كنت حأرشحك بس
كده يا سولى بقى كده ماشى حأردهلك
كده يا سيوى ده أنا بقول عليك طيب
يا أميرلو كده ده أنا مش حأسيبك غير لما أقعدك على الكرسى
كده يا حمص ده أنا لسة بقول عليك كلام حلو
عملتوها ماشى
وسيوى وأيرلو تحس أنهم فرحانين فيا أوى مش عارفة ليه كده عمرى أذيتكم
وحشششين
SeWeY
May 16 2007, 11:55 PM
احنا وحشيييييييين بس يالا ابتدى جاوبى علشان فى اسئله تانيه
بسرررررررررررررررررررررررررررعه يا سوما :P
nervo
May 17 2007, 01:01 AM
بس كفايه حرام عليكو يامفتريين
انتو بتستغلو ظروف الامتحانات وبتقعدو البنات
سومه حبيبتى قلبى معاكى ياقمر
انا ممكن ادخل اعدل فى الاسئله دى لو عايزه
هخلى كل واحد سؤالين بس ههههههههههههههه
ولا اقولك انا ممكن ادخل اجاوب معاكى
soma85
May 17 2007, 02:25 AM
أه وحشين وحشين
يا سيوى
شكرا يا نرفو يا حبيبتى ربنا يخليكى ليا
مش عارفة أعمل ايه من غيرك يا قمر
أولا حمص
وهسألك سؤال واحد بس لازم تجاوبي عليه
كيلو السكر فيه كام سكرة يلا روحي عديهم وقوليلي
طبعا انتي ليك لسه عندي لستة أسئلة بس السؤال ده بنمسي بيه بس ههههههههه
بصراحة مش عارفة بس من قال لااعرف فقد أفتى
كنت أتمنى أجاوبك والله
soma85
May 17 2007, 03:06 AM
ازيك يا مشمشة واحشنى والله
انتى ست بيت شاطرة ؟؟؟ليكى فى المطبخ يعنى؟؟؟؟
أه يا مشمشة أنا بحب الطبخ والمطبخ أوى وبعرف أطبخ وأعمل حلويات كمان
بتحبى تاكلى ايه فى الفطار والغدا والعشا؟
فى الفطار بأشرب شاى و سندويتش (جبنة تركى بحبها أوى فى الفرن وفلافل و جبنة قريش أى حاجة منهم)والغداء السمك طبعا والمسقعة والفراخ البانيه والبامية وكشرى أسكندرانى والعشا فاكهة ووجبنة وساعات كبده
احكيلنا احلى حلم حلمت بيه وأوحش حلم وجعلك تقوم من النوم مفزوع؟
أحلى حلم بس ما حدش يضحك ماشى
أنا بحب الماعز أوى وحلمت أنى بأكل معزه برسيم بس شكلهم حلو أوى وأنى عندى بنت جميلة أوى وافقة جنبى وعينها ملونة والمعزه والخضرة كان شكلهم حلو اوى
والحلم الوحش أنى شفت حد من قريبى بيموت واتفزعت ومات بعدها
راضيه عن نفسك؟
الحمد لله
بس ما فيش إنسان كامل والكمال لله وحده فى حاجات عايزة أغيرها وبحاول
انتى عصبىه؟وايه هى اكتر حاجه بتعصبك؟
أنا صبورة لابعد الحدود
بس ساعات بعقد أشيل أشيل وبفقد أعصابى
بس والله بحاول أستحمل على قد ما أقدر
من اقرب انسان الى قلبك؟
إسراء وشيماء أخواتى ومامتى وبابيا وريهام صديقتى ومن المنتدى نيرفو ومولها وخوخة ونانوس وهونى وريرى ومشمشة ولولا
لما بتغلطى فى احد مستعد تعتزر له امام الناس ولا عندك نقطة الكبرياء؟
بعتذر بس لما احس بغلطى ومش بتردد
عمرك ظلمت حد؟
لا الحمد لله
هل اتظلمت؟
كتير بس ربنا بينصرنى فى الأخر
متى تكرهين؟
لما الأقى حد مش صادق معايا بزعل أوى
بس مش بقدر أكره حد
متى تحبين؟
بحب اللى يحبنى والصادق معايا وبحب كل الناس
محدش يقدر يعيش من غير مايحب حتى لو حب الدنيا يبقى ده حب
رأيك فى الصداقه بين الولد والبنت؟
بصراحة ممكن تكون كويسة
بس أنا بالنسبة لى ما جربتهاش
والدتك راضيه عنك ودايما تدعيلك؟
الحمد لله دايما
أنا تحت أمركم فى أى سؤال
soma85
May 17 2007, 03:19 AM
-ماشى يا سولى لك يوم يا ظالم
وعلى العموم أنا بهزر مش تزعلوا
لو حبيتي تسفري بره مصر...تروحي فين
نفسى أروح الكويت
2-ما هو أكثر موقف احراج قبلتيه
دى حاجة مش قادرة أبطلها بنام دايما فى المواصلات وحد يصحينى يقولى نازلة فين
ههههههههههههههههههههههههههههههههههههههههههههههههههههههههههههههههههههههههه
3-أنتي منين في مصر
أسكندرية
4-ما هي أقسامك المفضلة
القسم الأسلامى والطبخ والألعاب
soma85
May 17 2007, 02:30 PM
معلش يا جماعة النت معلق والله معايا
وجاوبت على أسئلة واتمسحت
بس بأذن الله حأجاوب عليها كلها
soma85
May 17 2007, 03:31 PM
سيوى بجد انا مش حسيبك
ده أنا بقول عليك طيب
ما ردة فعلك عندما يقول لك حبيبك : أحبك نعم أتزوجك لا ؟
أنا اللى يبعنى أبيعه عمرى ما أبكى فى يوم عليه أنا اللى يشترينى أبيع حياتى واشتريه لكن يومين حبيبى ويوم حتلعب بالهوا لالالا لا أظن أنا
حقوله يلا مع السلامة وشوفلك حد تانى
لو خيروك بين حبيبك وبين اعز صديق فمن تختار ؟
الصديق لان الصداقة تدوم
متى اخر مره بكيت؟
من أسبوع كده
هل ملابس الشخص امامك تؤثر فيك لتأخذ عنه انطباع ؟؟
يهمنى الجوهر أكتر بس
المظاهر خداعة
بتحبى مين من الممثلين؟؟ (عرب و اجانب )
العرب منى زكى وياسمين عبد العزيز وبحب كيتى الراقصة بتاعة الأفلام القديمة وفاتن حمامة وخصوصا فيلم سيدة القصر وغادة عادل وكريم عبد العزيز وأحمد حلمى وفى كتير بس بنسى
الاجانب انجلينا جولى و جينفر انستونو جوليا روبتس وخاصة فيلم بريتى وومن و كاترين زيتا جونز فى فيلم زورو وجيسيكا أولجا وسلمى حايك وريتشارد جيرد ونيكولاس كيدج وجون ترفولتا فيلم تو فيس وجيم كارى وتوم كروز
وأنطونىو با ندريس
مطربك المفضل و مطربتك المفضله ؟؟ (عربى )
المطربات شيرين وأصالة وزيزى وفيروز وماجدة الرومى وكارول سماحة و أليسا وسميرة سعيد
المطربين فضل شاكر وعمرودياب و حماقى وتامر عاشور ومحمد منير
مطربك المفضل و مطربتك المفضله ( اجنبى )
مطرب مارك أنطونى ومصارى
مطربة ويتنى هيستون وجنيفر لوبيز وشاكيرا
مين بالنسبالك العضو المميز؟؟؟
كل أعضاء ايجيهات مميزين ولكل عضو حاجة بتميزه
مين هو العضو القوي؟؟؟
أميدو وسيوى ومعتز ونرفو وخوخة ومولها وحمدى
مين هو العضو الطيب؟؟؟
حمدى وسيوى ونرفو ومولها وريرى وهونى وخوخة ونانوس وايهاهى
مين هو العضو الرقيق؟؟؟
نرفو وريرى وهونى وحمص ودانى ومونى
مين هو العضو الحنون؟؟
نرفوومولها وريرى ونانوس وخوخة وهونى
أيه رأيك في سيوى؟؟؟
سيوى بجد عسل وطيب وتحس أنه طفل صغيروتعبينه معانا دايما ربنا يوفقه
الأدمن الطيب
أيه رأيك في حمدى؟؟؟
حمدى طيب أوى بس عليه شقاوة بتحلى المنتدى ربنا يكرمه ومش يسألنى
الأيجاهتى الشقى
أيه رأيك في معتز؟؟؟
معتز طيب ومحترم وأراءه بتعجبنى وغايب بقاله كتير ربنا يوفقه
فارس ايجيهات
أيه رأيك في اميدو؟؟؟
أميدو المفترى بعتالى أسئلة
بجد طيب وصاحب فكر وربنا يوفقه
المفكر الغايب الحاضر
ايه رأيك فى خوخه؟؟؟
خوخة بقى دى عسل بجد وتحس أنها أختك كده وطيبة كده وربنا يوفقها
كتكتوتة ايجيهات
ايه رأيك فى نيرفو؟؟؟
بموت فيها أختى وحبيبتى وعسل كده وحنينة ربنا يوفقها
البراءة والرقة والحنية
أيه رأيك في إيهاهي اختك حبيبتك؟؟؟
دى بقى مجننانى إسراء دى أختى وصديقتى بحبها أوى لو تعرفوها مش حتحبوها بس
وهى اللى لما أكون زعلانة بتضحكنى وربنا يوفقها
الشاعرة الصاعدة
ايه رأيك فى مولها ؟؟؟
مولها دى أختى بقى وعسل كده ولذيذة وتحب تكون معاها وربنا يوفقها وأشوفهم فى الكوشة هى وكريم يارب
الأميرة النائمة
كلمه عايزه تقوليها لاداره و مشرفين و اعضاء ايجيهات ؟؟؟
الأدارة بجد مجهودات رائعة وعمل دءوب والمنتدى ما يمشيش من غيركم
المشرفين اللى أنا منهم عايزين شغل من نار عشان نعلى بالمنتدى
الأعضاء ربنا يخليكم ويوفقكم
وللكل ايجيهات بحبكم مووووووت
بس يا سيوى جاوبت أهو أنت وحش برده
SeWeY
May 17 2007, 08:25 PM
انا وحش وحش
بس بجد انتى انسانه زى العسل
ربنا يوفقك يا سوما يا جميله انتى
و يالا بسرعه جاوبى على اسئله اميدو علشان فى اسئله تانيه كتيييييييييييييييييير
homos_610
May 17 2007, 09:50 PM
سوما ازيك اخبارك ايه يا رب تكوني بخير
ممكن أسألك كام سؤال كده
مين هي سوما؟ عرفي نفسك شويه؟
ايه اللي شيفاه في نفسك حلو و ايه اللي وحش وعايزة تغيريه ؟ جاوبي بصراحه
بتحبي ولا لأ ولا نفسك تحبي
ولو بتحبي بتحبي مين
ولو ما بتحبيش؟ ايه مواصفات فتى أحلامك؟
بتدرسي ايه؟ ولا خلصتي
وناويه تعملي ايه بعد كده إن شاء الله؟
طموحك للمستقبل واصل لغايه فين؟
بس كفايه كده الله يكون في عونك
بيني وبينك انا كنت محظوظ على الاخر
هههههههههههههههههههه
بتمنالك كل خير
soma85
May 18 2007, 12:06 AM
بقى كده يا سيوى
اميدو كان موصينى اجيبلك الاسئله بتاعته ليكى
هههههههههههههههه
علشان هو مشغول شويه
يالا استحملى بقى
انتى لسه شوفتى حاجه
لسه فى معتز و حمدى
هههههههههههههههههه
عارف أنا حأجن كل شوية أجاوب والورد يعلق وتتمسح الأسئلة حموتك يا سيوى
ما هو شعور سوما وهي على الكرسي دلوقتي؟؟
فى بعد كده فرحانة أوى حأزغرط لولولولى
متى تغضب سوما؟
لما حد يكدب عليا ويخونى
ومتى تحزن سوما؟
لما أكون لوحدى ولما أشوف طفل بيعيط بضايق أوى
ومتى ترضي سوما ؟
الحمد لله دايما راضية
ومتى تفرح سوما؟
لما أشوف كل الناس فرحانين
وأما أشوف أطفال وخاصة سما بنت بنت خالتى
Bluesy_panther
May 18 2007, 12:39 AM
ازيك يا سوما عامله ايه
انا جيت النهارده عشان اسألك كام سؤال على الماشى
انا عارف انك لسه ما جوبتيش على الاسئله الاولى
بس مش مشكله جوبى على اقل من مهلك بس بسرعه عشان لسه فى اسئله تانيه
1- انت مضيقه عشان جيت اسألك تانى؟
2-تحب تقولى ايه لحذب الشباب؟
3- ايه مبدأك فى الحياه؟
4- هل الزواج هو نهايه الحب؟
5- ايه هى امنيتك الى عايزه تحققيها انشاء الله؟
6- لسه مضيقه من اسئلتى؟
7- يا ترى بتقولى عليا ايه تلوئتى؟
8- أسألى نفسك سؤال وجاوبى عليه؟
9- تعملى ايه لو شفتى وحده صحبتك ونسيتى اسمها؟
10- لو معاكى 4 تفاحا