اسمك بالكامل؟
مها محمود محمد محمود خيرت راضى

- ما هي هوايتك المفضلة؟
نتت رسم على الزجاج رعب تشريح خياطه

- بتفضلي اي نوع من الأفلام العربي ام الأنجليزي؟
انجليزى رعب

- ماهو المطرب والمطربة المفضلة؟
عمرو دياب و نجوى كرم

- ما هم اكتر اصدقائك علي المنتدي؟وخارج المنتدي؟
فى المنتدى كتير الحمدلله منهم عمرو حمدى اسراء منى ندى زيزو
امنا خارج المنتدى ف نور و ايه و سلمى و عبير و سلمى و ايه و رغده و حنان
ناس كتيرة الحمدلله

- لو تحبي تسافري تروحي فين؟ومع مين؟
ماليزيا او تركيا مع مين مع اللى هيجى القدر على دماغه و احبه

- تفضلي تكوني عضوة ام مشرفة ام في الأدارة؟
اممم
الكدب خيبه
الادارة

ماهى طموحاتك المستقبليه؟
انى اكون مزيعه كبيييرة اوى الكل يحبها

ماذا يعنى لك الفراق؟
كلمه من 4 حروف

ماهو اخر كتاب قرئتيه؟
كتاب اسمه المصطفين الاخيار
بس بقرا ميكى و الاميرات كل اسبوع
ههههههههههههههههههههههههههههههههههه

ماهى برامجك المفضله؟
بصى على الراديو برنامح احمد يونس عيش ثباحك مع كوكاكولا
و يمزيكاتى ينوكيا
و برنامج اكرم حسنى لينك 0777
و برنامج انا و النجوم و هواك طبعا للامبراطور اسامه منير

ماعدد اخواتك وترتيبك؟.واسميهم ؟
محمد اكبر منى ب سنه و 8 شهور
انا
مى اصغر منى ب 8 سنين

ماذا تعتقدى انه يكون سببا ولاانتى مش بتفضلىالكلام ده؟
هو ايه اللى هيكون سببا و بتاع انا مو فاهمه شى

هل ترين ان انقطاع المياه سبب فى غضب الشعب على الحكومه؟
طب الشعب عضبان يقوم يقطع الميه على نفسه ازاى ؟؟ حليها انتى

ماهى الجبلايه وماذا تمثل لك؟
الجبلايه هو موةطنى و موطنك الاصلى يعسل
و تمثل لى كل حب و حنان و قلب الام بقى
ههههههههههههههههههههههههههههههههههههههههه

وهل لو تقدم لك قرد كويس حترفضى ؟.
اه اكيد لانى مش مع حكايه الجواز دى

وماهى مواصفاته؟
بصى انا منين ما اتهبل و احب زى قردتنا الكبيرة و انتى فاهمه
لازم يكون حبيبى طويل القامه
فرى او سبور بمعنى اصح
يعرف ازاى يشارك فى امور البيت
يستحسن يكون متعلم و مثقف
ده اللى فى بالى دلوقتى


ههههههههههههههههههههههههههههههه

ردا على اسئله سيوى

ما ردة فعلك عندما يقول لك حبيبك : أحبك نعم أتزوجك لا ؟
ههرب من الموقف بانى اضحك و بقول اوك و ابين انها ما فارقه عشان كرامتى لكن لما انفرد بنفسى اكيد هنهار

لو خيروك بين حبيبك وبين اعز صديق فمن تختار ؟
بلا شك اعز اصدقائى

متى اخر مره بكيت؟ولماذا ؟
اول امبارح عشان النتيجه مش عجبتنى خالص و حاسه بالظلم فى التصحيح

هل ملابس الشخص امامك تؤثر فيك لتأخذ عنه انطباع ؟؟
الى حد ما اه

بتحبى مين من الممثلين؟؟ (عرب و اجانب )
عرب يسيدى نقول السقا اجانب قول براد بيت

مطربك المفضل و مطربتك المفضله ؟؟ (عربى )
عمرو دياب بلا شك و نجوى كرم

مطربك المفضل و مطربتك المفضله ( اجنبى )
بص مش ليا فى الاجنبى اوى بس اكتر واحد بجمعله اغانى مسارى

مين بالنسبالك العضو المميز؟؟؟
متخليك محضر خير يسيوى
بس مظنش هنا فى فى حد مميز لان كل واحد هنا مش بيشترك فى جميع الاقسام حتى انا
المميز هنا هو اللى فى كل قسم له مشاركات لا بأس بها

مين هو العضو القوي؟؟؟
اللى عدد مشاركاته كتيرة

مين هو العضو الطيب؟؟؟
amrello hamdytotti

مين هو العضو الرقيق؟؟؟
ماليش انا فى الرقه و الكلام ده مانت عارف

مين هو العضو الحنون؟؟
مش عارفه بس اكيد molha

أيه رأيك في سيوى؟؟؟
هههههههههه واحد ناسينى خالص بقاله فترة
و لما افتكرنى مش كنت فاضيه اعبره بس بيبنى و بينك اوعى تقول له
هو ظريف و لذيذ و صاحب قرار

أيه رأيك في حمدى؟؟؟
طيب خالص خالص بجد تحس انه انسان بجد

أيه رأيك في معتز؟؟؟
احم احم خلى معتز على جنب شويه

أيه رأيك في عمرو؟؟؟
عمرو ده وقف جنبى مش قادرة اقولك اد ايه فى الامتحانات و النتيجه و كل حاجة
ده الصديق اللى على حق بجد

ايه رأيك فى خوخه؟؟؟
بصراحه هى بنوتة لذيذه و كتكوتة عارف انا بحس انها بص من الاخر زى القطة فى رقتها و برائتها
بس عمرى لسه ما اتكلمت مع خوخه اوى يعنى

ايه رأيك فى نيرفو؟؟؟
نيرفو كانت اول مرة اكلمها فى حياتى امبارح
بسلسه شويه على السؤال ده

أيه رأيك في لولا ؟؟؟
بصراحه مش عارفه
مش بتابعها كتير فمقدرش احكم و انا غير متاكده

ايه رايك فى اسراء ؟؟؟
زميلتى فى الجبلايه
و قرده امورة و لذيذه و زى السكرة

ايه رأيك فى مولها ؟؟؟
اوبس انت عايز تدخلنى فى الادارة مرة واحد
مولها يسيدى حنينه جدا
لذيذه
ظريفه
وهى القرده الاولى اللى فى الجبلايه معايا انا و اسراء و انضمت مؤخرا نيرفو فى الجبلايه


كلمه عايزه تقوليها لاداره و مشرفين و اعضاء ايجيهات ؟؟؟
مش فى غير ان كل واحد يلتزم بقوانينه اللى هو حطها فى قسمه

ماهي العيوب و ماهي المقترحات الي توجهها للمشرفين لتطوير الموقع ؟
بص من العيوب ان فى مشرفين انا مش اعرفهم بس فى منهم بيحس انه ملك الدنيا و ما فيها و يمشى الاعضاء يمين و شمال
اخد الم فى نفسه يعنى كل اللى بطلبه بلاش الالم ده لانه هيوجع بعدين

ماهي مقترحاتك لتطوير ايجى هات أو الأقسام التي تود رؤيتها فيه ؟
ايجى هات حلو و فل اوى
بس فى عيوب فى الاستايل مانعه تقريبا كود الصور و اللينكات و كده الكل يطلب تصليحها

متى يأتى اليوم الذى تترك فيه مشمشه النت و ايجى هات؟
بص انا مانى اقدر ادخل فى علم الغيب
بس انا عن نفسى لا جواز و لا حبيب و لا اى حد يقدر يمنعنى
تقريب الموث او المرض بس

عايز اعرف كيف كانت بدايتك مع منتدى ايجى هات؟
يااااااااااااااااه
دى حكايه قديييمه اوى الحكايه وما فيها انى اول يوم فى حياتى اخش النت من غير رقيب قلت ادخل شات
دخلت الشات عرفت واحد ادانى موقع قالى ده بتاع صاحبى دخلت الموقع و اتعرفت منه على المجموعه اللى فيما بعد
عملت ايجى هات و منهم دخلت ايجى هات و بقيت مشمشه زى ما انت شايف

تختارى واحد او واحده فقط

افضل ادمن : m&m

افضل مشرف :amedo

افضل مشرفه :lolla

افضل مشرف عام :amrello

افضل عضو :معرفش

افضل عضوه :مشمش 2007

عطرك المفضل ؟
organza

هل لك مشاركات ندمت على كتابتها ؟
اكيييييييييييد فى منها اللى ندمت انى اتسرعت و اتعصبت و انا بكتبها
و فى منها اللى ندمت انى كنت طيبه فى كتابتها

أفضـــل إســـم بنـــت:
مريم او ماهى

أفضـــل إســـم ولـــد:
احمد

أفضـــل الايـــام فــي الأسبـــوع:
الاتنين

أفضـــل الأشهـــر:
مارس

أفضـــل سنــــه مـــن سنوات عمـــرك وأجملهـــا:
2004

اللــــون المفضـــــل:
اسود

الفريـــق المفضــــل:
زمالك

اللاعـــب المفضــــل:
حازم إمام

رقـــم مفضــــل:
3

هنالك صفات يستحقهـا . بعـض الأعضـاء منـها ...؟
أديـب:معرفش
صاحـب رأي:معرفش
روحـه مـرحه:اسراء و منى
مثقــف:اميدو
جــدي:سيوى
غامــض:سيوى
حبوبعمرو و معتز

حكمتك في الحياه ؟
افعل يا ابن ادم كما تريد فكما تدين تدان

اوصفى نفسك ( شكلك يعنى و بالتفصيل الممل )؟
ايه الطلب الوحش ده بقى
بص يسيدى
انا طويله 177سم
بيضه مش رفيعه ولا تخينه بس اميل الى سمنة حبه
بلبس نضاره
عيونى لونها بنى غااااااامق يكاد يكون اسود
عندى خمس صوابع فى كل ايد و 5 فى كل رجل
ههههههههههههههههههههههههههه
بيقال انى اشبه قليلا الفنانة يسرا بس انا مش بحس بكده اطلاقا


تسلم يسيوى و اشوف فيك يوم يرب انت و اللى فى بالى
قادر يا كريم

اهئ اهئ اهئ


______________________________________________________________





هو انتو للدرجه دى فرحانيين انى على الكرسى بجد؟؟
ممكن اقول يبليزى و تعد انت بس عشان مش تتعب من كتر الوقفه
يا راجل يالا رجليك هتوجعك

المهم اسئلتك يبليزى دى ردودها
1-ايه شعورك لما عرفتى انك على كرسى العتراف؟
اعدت اضحك

2- تحبى تجوبى على اسألتى ولا لا؟
اكيد

3- نصيحه من بباكى او اى شخص بتعتبريها شئ اساسى فى حياتك؟
اللى ياكل على ضرسه ينفع نفسه

4- ايه الاكله الى مش بتعرفى تعمليها ونفسك تتعلميها؟
انا اصلا مش بعرف اطبخ عشان اتمنى اكله
بس اكتر حاجة تورتة بالشيكولاته عليها كريمه متزوقه عدل
و عليها سوس شيكولاته يكون اسمى


5- ايه رأيك فى الكلمات ديه..
الحب : حلو بس للى يفهمه
- الرومانسيه : متفرقش كتير عن اللى بيسموه الحب
- الجمال : إن الله جميل يحب الجمال
- صدق المشاعر: مفيش احسن منها بس الاول نكوت متاكدين منها
-الصداقه.: اعظم و اجمل ما يوجد فى الحياة دى اللى الناس تموت للدفاع عنها
اعظم كمان من الحب بكتيييييييييييير

6- لو حبيتى تسألى كل المشرفين وكل الاعضاء سؤال واحد هايكون ايه؟
هل انتو شايفينى بجد شغلى كويس و انا كويسه و لو فى ملاحظات يريت حد يقولها

7- من وجهه نظرك ايه الهدف الاساسى من المنتدى؟
يكون اكبر منتدى مصرى عربى سواء فى المشاركات او الاعضاء ....الخ

8- انت استفدتى من المنتدى منتدى ايجيهات؟
اكيد طبعا ده عمر يبنى

9- اكتر حكمه او مثل بتحبيه؟
حكمه انا قلتها اللى هى: افعل يا ابن ادم كما تريد فكما تدين تدان

10- هل الجواز هو نهايه الحب؟
الجواز نهايه كل حاجة حريه و شغل و استمتاع بالحياه و حب و خروج و فسح و تهييس

11- اكتر سوره واكتر آيه فى القرأن متعلقه بيها؟
سورة :يــس
آيه : اهدنا الصراط المستقيم

12- لحظه فرح قلبت بحزن؟
معرفش او مش فاكرة بصراحه

13-ولحظه حزن قلبت بفرح؟
ههههههههههههههه دى حصلت امبارح تقريب اول اول لما كنت مدايقه بغباء انى مظلومة من نتيجتى
فجه اخو صحبتى الصغير و اتريأ عليا و بتاع بس بضحك فاعدت اضحك و اهيس و نسيت كل حاجة

14- لو اديتك قلم وورقه هاتكتبى ايه ولمين؟
هكتب عتاب لامى

15-نصيحه تحبى تقوليها لكل الشباب؟
مفيش غير اوعوا تتجوزا الا لما تفكروا جامد اوى اوى اوى

16- ان مضيقه من اسألتى؟
اكيد طبعا لا

17-عايزانى اسألك تانى ولا كفايه..............
لا طبعا مش كفايا

1- لو قلتلك انت مغروره ......هاتقوليلى ايه؟
هقولك هاتلى دليل مادى بكده

2- لو واحد ضربك بالقلم هاتعملى ايه؟
بص مش هقولك هضربه و بتاع بس ممكن اتنرفز فى وشه و لو اعرفه هحرجه بكام كلمه توجع اوى
لانى مقدرش يعنى اضربه لان دى فيها اهانه لكرامة الراجل

3- كيف تحكم مشمشه على الشخص الذى امامها؟
بص اكيد التفكير و المستوى التعليمى و الاجتماعى بيساعدنى انى اعرف اللى ادامى
و اكيد المواهب فى مواهب بتخلى صاحبها منفصل عن الدنيا و فى مواهب بتخلى الواحد على طول شغال

4- لما بقت مشمشه فى الاداره....حست انها عملت حاجه فى المده البسيطه ديه؟
اكيد ظبطت الحاجات اللى عشانها طلعت الادارة
بعض الاقسام كانت محتاجه تظبيط و الحمدلله

5- هل مشمشه بتابع مواضيع الاعضاء الى فى المنتدى.....ولا مواضيع بعض الاعضاء المقربين فقط؟
لا والله عادى لانى فى هنا ناس كتيرة مش مقربين الي و برد على مواضعهم عادى

6- ما الفرق بين البنت والولد من وجهه نظر مشمشه؟
بص البنت لازم صفاتها رقيقه مقطقطه زى البسكوتة حاجة كده تحس انه لذيذه زى الكريز
اما الولد فلازم اكيد يكون راجل بمعنى الكلمه سواء فى القرارات او فى طريقه الكلام و بيبان على فكرة الراجل اوى فى الحب
بس اكيد فى صفات مشتركة بين الجنسين زى مثلا الغرور التكبر التواضع الطيبه القسوة الحنيه

7- ما الذى تستطيع ان تقدمه مشمشه لايجى هات؟
والله بص انا كل اللى اقدر اعمله انى اقوم بواجبى اللى المفروض عليا لا اقل ولا اكتر ده اللى اقدر اقدمه

8- هل مشمشه تفكر فى الحب؟
والله لا ممكن سعات لكن انا هرفضه لو جه لانه مش وقته

9- ماذا تفعل مشمشه عنما تجد من يعاكسها؟
بص انا بمشى فى الشارع زى العسكرى لو امى نفسها ندهت عليا مش بسمع بجد
بحس ان فى حاجة بتمنع عنى كلام الناس و بركز فى طريقى و بس
بس لو حصلت بطنش و بعمل فيها ولا كانى سمعت عادى يعنى زى ما الكلمه دخلت زى ما خرجت
اللى بيححسوا بالنقص بس هم الى بيقولوا ده قال كزا ده عمل تخيلى اتعاكست و بتاع

10- انت بتفكرى فى ايجابه اى سؤال قبل كتابته؟
لا

11- انت راضيه عن نفسك؟
لا

12- ما علاقه مشمشه بوالدها؟
بابا اصلا مش بشوفه على 3 ساعات فى اليوم و يوم الخميس و الجمعه مش بشوفه خالص
بس بحاول اهو اقرب له و ربى معى

13- ما علاقه مشمشه بوالدتها؟
عادى يعنى لا هى علاقه حلوة ولا هى وحشه
امى مثلا اعملى حاضر بس
لا بهش و لا بحاول اقرب لها ولا بحاول اعمل اى حاجة

14-يا ترى مشمشه بتقول على bluesy_panther ايه تلوقتى؟
بتقول اسئله اول مرة بجد اتسئلها جابها منين الزكى ده

15- ما هو السؤال الذى جعل مشمشه تتردد كثيرا قبل كتابه الاجابه؟
سؤال علاقتى بامى

17- ماذا تمثل الحياه عند مشمشه؟
الحياة هى الحياة
ضحك و لعب و جد و صداقه

18- هى الاسأله كتيره ولا ايه بظبط؟
خالص والله اسئله كلها سكرة و زكيه

19- عايزاى اسألك تانى ولا لأ.........
السؤال ده اتكرر تانى
بس اكيد تسالنى عادى والله كويس انك تسالنى عشان تعرفونى اكتر و لو فى حاجة غلط تصلحوها ليا
مش انا الصغيرة بتاعتكم برضه؟؟؟

20- سؤال اكتبيه لــــــــ اى شخص فى المنتدى......مع تحديد اسمه؟
هو سؤال بسيط جدا
ليه يا اسراء طلبتى منى انى اعد على الكرسى؟؟؟


مشكور بجد يا بليزى واله اسئله حلوة جدا و منتظرة المزيد منك

أجابه ehahe


ماهو الشئ الفحلقى الذى يسير على جانبيه؟
بصو كل اللى بيقرا السؤال ده انا مش فاهماه و سالت اسراء قالت ممنوع الغش انا مش فهماه بجد

ماهو الشئ الاسود الفحلقى الذى يسير على جانبيه؟
ال يعنى فهمت الاولانى عشان افهم التانى

ياريت تجاوبى علشان محدش جاوبنى
مهو مين الفحلقى اللى يجاوبك يعنى

لو انتى فى مره كنتى ماشيه فى الشارع وطلعلك ولد صغير وقالك انتى ماما ومرضاش يسبيبك حتعملى ايه ؟
ماما؟؟ ده اكيد بيهيس عليا ال ماما ال
بس لو هو تايه هسلمه لاقرب قسم و اسيب بياناتى و امشى

لو انتى بقيتى مذيعه فى برنامج اطفال وجه ولد وقعد على رجلك وقعدينام وانتى على الهوا حتعملى ايه؟
على طول فاصل ثم نواصل
و ازاة ميه عليه احنا جايين نلعب يعنى ابوه و امه مش عارفين ان فى هوا و برنامج

ماهى موادك المفضله ؟وماهى المواد التى تكرهبنها؟
المواد المفضله رياضيات و احياء و تاريخ و جغرافيا
اللى بكرها بها فرنساوى و النحو و البلاغه و الادب و القراءه فى العربى

عمرك اخدتى فصل رفض؟
يووه كتيير اصلى انا مشاغبه و كل طلاب و طالبات مدرستى زيى و الناظرة مش عرفت تعمل ايه معانا غير الفصل

احكلنا عن مقلب من مقالبك؟
مقلب؟؟؟ بصى ها الحين مش فاكرة
بسس الى كنت بعمله زماان انى عملت ميل مخصوص نسيته اكيد و منه بعمل اضافه لبعض الناس و لو بنت ابقى معاها ولد و لو ولد ابقى معاه بنت فى قمه الرقه و كده و بعيش
و مرة اتقفشت و اتبهدلت بهدله سودة مش فى غير ربنا اللى يعلم بيها و اللى بهدلونى بس

ومقلب اتعمل فيكى ؟
بعد المقالب اللى كنت بعمها اتعمل فيا مقلب مماثل
بس بطريق تانيه ان ميل واحده صاحبتى اتسرق و بتاع و اللى سرقه كان عايز يصاحبنى و انا رفضت و طبعا اتشتمت و شتمت
و بتاع و هيسيت طلع فى الاخر مقلب و اتنشر فى موقع تانى انا مشتركه فيه
اصلى فى حكايه اصحابى دى بصراحه مستحملش بقوم لهم على طول و مستحملش حد يقول لحد من صحابى تلت التلاته كامن فى وجودى

لو اتعرضتى للخيانه من اعز صاحبه ليكى حتعملى ايه؟
انا بالفعل اتعرضت لها بس عادى كان رد فعلى انى خاصمتهم شهر و كل مرة يحاولوا يصالحونى كنت ببهدلهم فى الشارع حظهم كده
و ولاد المدرسه دفعتى كانوا بيهدوا ما بينى و بينهم و بتاع كانت مصيبه بالنسبه لهم يعنى
و بعدها وافقت انى ارجع لهم تانى بس بشروط بس اكيد علاقتى مش زى الاول بيهم
لانى لما بفقد الثقه فى حد مش بترجع تانى

لو انت غلطتى فى حق حد ولقتيه بعد كده مظلوم حتعملى ايه؟
مهو اكيد لما اغلط فى حقه هيبقى مظلوم
بصى لو انا عرفت انى غلطت هغتزر و هقول انى غلطت و اكفر عن اللى عملته
لكن لو مش اقتنعت انى غلط ولا هيهمنى حد و هستمر فى الدفاع عن فكرتى

ايه اكتر حاجه بتشمئزى منها ؟
الحمدلله مش بشمئز من حاجة

ايه اكتر حاجه من الحاجات الحلوه بتحبى تاكليها؟
بروفيترول

لو معاكى 15 قرش هل حتفكرى تحوشيهم ولا حتصرفيهم؟
حسب يعنى بس مدام هم 15 قرش يبقى اتصدق بيهم هيرجعولى جنيه اتصدق بيه يرجعلى 5 جنيه

ايه اكتر حاجه بتكرهيها فيكى ؟مع التوضيح بامثله ومواقف لو وجد؟
التسرع و العصبيه
موقفى اللى قلته بتاع صحابى ده اه عندى الحق انى ادايق منهم
بس هم لما كانوا بيجوا يصالحونى
مش كانوا بينطقوا بس يقولوا مها ممكن اقوم ازعق و اتخانق و انتى عارفه الباقى ان ولاد الدفعه بيفضوا
اصل بصى كله الا الصداقه الصداقه دى بالنسبه ليا اهم من الحب و اصحابى اكتر من اخواتى يبقى مش تيجى منن القريب فتسرعت عليهم

اسئلتك غريييييييييييييبه و انا دلوقتى فهمت اشمعنى طلبتى منى انك ترشحينى
اكيد عشان حدش جاوبك على اول سؤالين دول فحبيتى تعرفى اجابتهم
هههههههههههههههههههههههههههههههههههههههههههه

ehahe


ماذا يعنى لك كلا من الاعلام والتعليم
التعليم طريقى الى الاعلام
و الاعلام هو امنيتى و اللى بيه هقدر اعرف و اعرف غيرى على حاجات ممكن مش يكونوا يعرفوها


بتحبى البحر ولا لا ؟وايه اكتر حاجه او موقف بيجى على بالك اول ماتسمعى سيره البحر؟
اكيد بحب البحر و بعشقه جدا
بحب اوى اعد اسمعه امواجه و بس بتحسى براحه نفسيه رهيبه
احلى موقف بقى
قريبا كده روحت و انا هناك فتحت الام بى ثرى على عمرو دياب و كنت معلياه اوى فاعدت اغنى وسط الغنا قمت و هيست
و طرطشت ميه و بليت هدومى و بتاع و اللى مش كنت واخده بالى منه ان كان فى عائلات جنبى
فاتكسفت اوى و خرجت اول ما اخدت بالى

بتحبى مصر ؟ ليه ؟ومع التعليل بالتفصيل ؟
بصى اللى يقولك بكره مصر ده انسان كداب
مصر دى معناها اكبر كتير من 3 حروف اتحطوا مع بهض كونوا كلمه
التعليل مفيش لان ده احساس جوانى
بس ممكن انى لغايه يومنا هذا رافضه السفر للعمل خارجها كمبدا كل ما اسمع ان حد مسافر و بتاع عشان شغل
بوبخه اوى

ايه اكتر شئ ممكن يضايقك ؟
عدم الاهتمام و عدم حفظ العهد

واكتر شئ ممكن يفرحك؟
الاهتمام بيا بس مش الاهتمام اللى مقطع بعضه و مكالمه الصبح و مكالمه بليل و كده

وايه حلمك غير انك تكونى مذيعه ؟
اكون مخرجه
ههههههههههههههههههههههههههه

فاكره ايام ماكنتى فى حضانه ؟ طب ايه اللى فكراه؟
اكيد فاكرة مش انا وريتك صورتى و انا فيها امبارح
بس كل اللى فاكراه عنها انى و انا فى المدرسه دى كان فى قطه عندنا هناك فى المدرسه لونها رمادى
و كل البنات حتى الناظرة بيخافوا منها بس والله بلا خداع انا كنت بحبها اوى و لغايه اليوم بحب القطط
و امى بصراحه كانت بتعملى ساندويتشات مش بحبها فكنت بديها للقطه فعشان كده انا و القطه اتعلقنا ببعض
هههههههههههههههههههههههههههههههههههههههههههههههه

ايه اكتر شخصيه كارتونيه بتحسى ان دى مشمشه؟
اممم ممكن يكون كونان لانه الوحيد اللى بتفرج عليه و كمان انا بحب طريقته و بحاول اكون نبيهه كده

ايه هى اللعبه اللى كنتى بتحبيها وانتى صغيره؟
كنت انا و اخويا و اولاد خالى كنا بنكون عصابات و احنا صغيرين و نستلم حد من العيله كل يوم "اصلنا ساكنيين فى نفس العمارة "
و نخضه و بمسدسات تنور و نضرب فيه و كده
و احنا و حظنا و لما خلصنا اللى فى العمارة اتعرفنا على الجران و بقينا نلعب معاهم كل واحد من شباكه و احنا من السطوح و كده بقى

ايه اكتر لعبه بتحبيها فى ايجيهات؟
الماتش و لعبه الجواز و البيت الكبير

ايه هى الصفات اللى اخدتيها من مامتك ومن باباكى ؟
من امى اخدت العصبيه و القلب الطيب
من بابا اخدت الجد و ان الشغل شغل
و ان 1+1=2
اخدت من بابا ان الحياة مش دلع بس فى عيله و اهل
و حاجات اهم من كده

هل انتى من حزب البنات ؟ولو كده تقدرى تقدميلهم ايه؟
اكيد طبعا من حزب البنات
اللى اقدر اقدمه اى حاجة تطلبوها منى راح انفذها

كلمه لحزب الولاد تقوليها لهم؟"عايزه ضرب نار"
ههههههههههههههههههههههههه
فهماكى
بقول لهم يشباب انتو شباب اه لكن احنا البنات و التحدى بينا الى مالا نهايه لان دى سنه الحياه

زهقتى منى ولا لسه حتفضلى صحبتى ؟
يحبيبه قلبى مش فى حاجة اسمها زهقتى ولا نو
انتى صحبتى و هتفضلى صحبتى الى يوم مماتى ان شاء الله

ehahe


لما بتتضايقى بتعملى ايه ؟
بسمع الراديو نجوم اف ام

هل انتى وحيده ؟ وماذا تفعلى لو وجدتى نفسك وحيده؟
اه طبعا وحيده كواحده بين الناس و العيله
عادى يعنى بصى اللى يخاف من العفريت يطلع له يعنى مش بفكر فى الموضوع عشان مش احس بيه اوى يعنى

هل تبكى ؟ وماذا تعنى لكى الدموع؟
اكيد ببكى بس لاسف الدموع عندى ضعف
يعنى لما احس بالضعف ببكى او بالظلم و الظلم بيولد ضعف

ايه اكتر حاجه بتلاقيها فى نفسك ومش موجوده عند جد غيرك؟
معرفش ممكن انتو اللى تجاوبوا لانى مش هعرف اشوف فى نفسى زى ما انتو هتشوفوا

هل انتى كسوله؟
الى حد ما اه

ماهي العقبه التي تتمنى انها تبتعد عن حياتك ؟؟
حته تفكير امى بكلمه عيب و مش يصح و كلام الناس و البريستيج و الكلام اللى مش له معنى اصلا ده
الواحد يعيش زى ما هو عايز و اللى مش عابجه براحته البحر كبير

- ما هي الخطوط الحمراء في حياتك التي لاتحبي ولا تسمحي بأن يتعداها أحـــد ؟؟
اصحابى
اللى يقول عنهم كلمه يبقى تخطى الخطوط اللى بعد الحمرا كمان

ما هي اغنيتك المفضلة
اغنيه عمرو دياب " بعترف"

ما هو رأيك بشباب وبنات الجيل الحالي
زى الفل مالهم عاديين
هم شباب زمانهم
بصى كل جيل بيعد يقول كده يعنى عام 1950 كان الكبار مش عاجبهم الشباب
و كده دى حاجة على طول معروفه ببساطة لاننا شباب

ماهو اكثر المواقف احراجا ؟ وماذ1 كان تصرفك وقتها ؟
بصى انا لاسف اكتر المواقف احراجا بتحصل لما بكون فى افراح و بتاع و طبيعى افراحنا مش مختلطه فبقلع الحجاب لاننا كلنا بنات فى بعض
لكن المصيبه الكبرى ان كل مرة لازم اخو العروسه يشوفنى
حصلت مرتين مرة اخو العروسه و مره ابن خالتها
و المصيبه انهم بيسلموا عادى ولا كان فى اى مشكله

هل ترى انه بمرور هذه الاعوام مضت ام انها ستظل ولكن هناك بديل مع التمثيل لما تقول
بصى الى حد فهمى انها معناها انى هعمل اللى بقول عليه مع مرور الزمن و كبر سنى و خبرتى هتزيد اكتر
اكيد لما اكبر هفهم اكتر مخى هيكبى اكتر دائرته هتكبر برضه اكتر
فاكيد هيتم تعديل بعد المبادئ للاحسن

ehahe

- ما هى اهم سمات شخصيتك وطباعك؟
عنيده جدا و طيبه قوى

2- ايه هو هدفك فى الحياة؟
انى اتخرج و اشتغل و اعمل على ارتقاء شغلى

3-ايه اكتر شىء يحييك فى الشخص اللى ادامك؟
طريقة كلامهم

4- ايه اكتر شىء يكرهك فى الشخص اللى ادامك؟
انى اكون مثلا لسه مش عارفه مين ادامى و تاخدنى بالحضن و بتاع و بوس
و تتكلم و كاننا كنا متربين سوا سوا
بيجيلى ازبهلال و بصراحه مش بحب اوى كده

5- ايه اكتر شىء ممكن يزعلك او بتخافى انه يحصل؟
اممم انتى عارفه اصحابى
بسش مش بخاف انه يحصل لانى انا اللى بدافع عادى يعنى

6-هل ليكى اكتر من وش فى تعاملك مع الناس؟
اكيد فى ناس مثلا فى العيله مش بيعرفوا يتكلموا الا بالمنظرة
فى ناس مش بيعرفوا يتكلموا الا بالشتايم
فى ناس انتى مش بتكونى طايقاهم اصلا لكن عشان العيله و الناس بتضطر تحطى البسمة على وشك و تتكلمى و كانهم احبابك

7-حكمة او مثل عدا عليكى وعجبك ايه هو؟
سؤال مكرر

8-ايه رايك فى المثل ده ( الجواب بيبان من عنوانه ) ؟
اكيد صح و مرت عليا على فكرة حكايه عليه
و انا كنت معتمده تمام الاعتماد ان اللى ادامى هيفهم من جوابى بس طلع ............

9- لما تكونى زعلانة ومضايقة بتعملى ايه عشان تغيرى حالتك؟
مكرر

10-شوية اسئلة عامة بئه ايه رايك فىواهل مصر وحكومة مصر ؟
اهل مصر هما احنا
لكن حكومة مصر فربنا يخليهم كمان كمان
و يبعدهم عنا كمان و كمان

11- مين هو الممثل المفضل ليكى وايه اكتر فيلم عجبك ؟
السقا بصراحه كل افلامه اوف جامده موت
حتى " عن العشق و الهوى" عجبنى جدا

12-ايه اكتر مكان ليه معزة خاصه عندك او بتحبى تروحيه كتير؟
البلد عن جده امى اله يرحمها لان فيها اجمل ذكريات عمرى

13-بما انه السؤال رقم 13 هل انتى بتتشائمى او بتتفائلى باشياء معينة؟
مش باخد فى بالى بصراحه
بس بينى و بينك الناس بتخاف منى لانى بقول احساسى بيقول كزا و المضيبه ان كزا هو اللى بيحصل
سواء كان كزا حاجة حلوة او وحشه


منتظرة المزيد يا سوسو

هااااااااااااااى
مـشــــمـشــــه

amedo_dolaviga

ايه ياميدو ده انت مش فرحان
ده انت السعاده مقطعاك اوى اوى اوى كده فيا
بس ماشى يسيدى راح اجاوب عليك



ما هو شعور مشمشة وهي متقطعه من كتر الاسئله ومحدش راحمها على الكرسي دلوقتي؟؟
انا عايزة اعد فترة كمان زياده على الكرسى
لانى فرحانه من الاسئله البسيطة دى
ههههههههههههههههههههههههههههههههه

متى تغضب مشمشه ؟
مكرر

ومتى تحزن مشمشه؟
ايه اسئلتك مكررة ليه

ومتى ترضي مشمشه ؟
مش عارفه انا على طول راضيه والله

ومتى تفرح مشمشه ؟
اممم الفرح؟؟
مش عارفه والله اهو عادى يعنى

كم عمرك ؟
17 و كام شهر


ما هي نظرتك للحياة .. واقع ولا خيال .. تفاؤل ولا تشاؤم .. ؟؟
واقع و تفاؤل


في حياة كل شخص شيء مجهول >> ما هو مجهول مشمشه الذي لا نعرفه عنها؟؟!!!
هههههههههههههههههههههههه
طب انت بتقول مجهول ازاى هينفع يتقال يعنى


ما هو رايك في:-

البحر جميل

السماء صافيه

الصحراء فاضيه

الدمعه ملهاش لزمة

البسمه تعطى امل

الغربه صعبه
-----

ايام الطفوله انتهت حقيقتها وبقى خيالها

متى تتذكرين طفولتك ومتى تسألين نفسك عنها؟
بص انا بشوف طفولتى اوى فى اختى الصغيرة
و بحاول احسن طفولتها عنى اكيد
لكن متى اسال عنها فطول حياتى بسال عنها

اكثر دولة عربية تحبيها .. ونفسك تزوريها ( طبعا غير السعودية عشان الحج)
تركيا لانى ليا عرق منها

عرفي نفسك بثلاث كلمات
عنيده طيبه متفائله

2- متى تشعر مشمشه بالوحدة؟؟
حضرتك انا فيها على طول

3- اذا اعطيتك هذه الأشياء لمن ستهديها ( من اعضاء المنتدى )؟؟

- سيارة موديل 2006
amrello

- باقة ورد جوري لونه احمر
اسراء

- دعوة للعشاء لعضوين
معتز و حمدى

- لقب الصديق
amrello

- عطر
سها

- ساعة
سيوى


1- ماذا يعني لك :
- الفراق
مكرر

- الأحزان ملهاش وجود فى حياة الناجحين

- الشعر ماليش فيه خالص

- الوطن مصر
- الأم حنان و حب و قربه

- منظر غروب الشمس بدايه نهايه اليوم

2- لمن ترتاح مشمشه من صديقاتها؟؟؟
نور

3- مـن أول شـخـص تـلـجـأين له لـو تـعـرضـت لـمـشـكـلـة ويـعـتـبـر بـئـر اسـرارك (غير ماما)؟
تعديل امى اصلا مش بحكى لها شى
لكن ممكن اقول ان اللى بلجأ اليه على طول هو حبى القديم
يعنى كده بقى

4- من تتمنى أن يخلفك على كرسي الاعتراف ؟
اممممممممممممم اسراء

5- من هو العضو الذي تحرصين على قراءة مواضيعه؟
الكل والله

6- اكثر عضو تحب تتعرفي عليه من قرب ؟
والله بص اللى عايزنى هيلاقينى
لكن مش بفكر يعنى انى ادخل فى حياة حد كده لمجرد انى عايزة كده

7- ما هي أكثر صفة تكرها في الانسان اللي ممكن انتي تصادقيه او تعيشي وياه..؟!
الغدر

8- من أكثر شخص له تأثير على سلوكيات مشمشه ؟
هههههههههه مش هتصدقنى لو قلت لك
انى بستخلص كل الحاجات اللى تدخل دماغى من كل الناس
لكن مش فى حد معين يعنى واخداه قدوة ليا عشان اتاثر بيه

9- كيف ستتصرفين اذا قابلتك هذه المواقف )
- صديق حزين ومتضايق
احاول اخفف عنه اكيد

- شخص مظلوم تنهان كرامته قدامك
لازم انى اجيبله حقه لان نصرة المظلوم مطلوبه

- ماشية في الشارع لقيتي مجموعة من الاطفال بيجروا وراكي ويقولوا حراااااااااامي
هقف و امسك اقصر واحد فيهم و اعمل فيه اللى متعملش
مش طفل بقى
و باقى العيال هيخافوا و يمشوا

1-أول ما تدخلي المنتدى أول 3 أعضاء تبحث عن مشاركاتهم (بصراااحه)
معتز امريلو اسراء


2-عدد من الأعضاء تحب توصلهم كلمه ... أنتي تختاريهم وتحدديهم على ألا يقلوا عن 6
سيوى: فينك و فين اسئلتك الحلوة
اسراء : اسئلتك حلوة جدا و منتظرة المزيد
امريلو: منور المنتدى بجد بيك بيبقى احلى
معتز : بطل تسجن البنات
الشاب الشقى : كفايا بقى خفوا عن حزب البنات
سها : ربنا يقومك بالسلامه يحبى
hantoso : فينك بقالنا كتير مش بنشوفك ليه
نيرفو : منورة الجبلايه والله
كفايا كده اوى


3-ماذا تفعلين ,, وبماذا تفكرين عندما تكونين وحدك ؟
هههههههههههههههه مهو ده بقى الامر المجهول يسيوى
انى بعيش باحلامى اوى بسخرها لطلبى فى الحياة
بس الاحلام احلام


4- ما هي أكثر المواقع التي تتصفحها مشمشه ؟
بص انا اصلا مش بدخل الا على 2
ايجى هات و واحد تانى مش ينفع اقول اسمه



5-ما هي الصفة الحلوة الي فيك و تفتخر فيها ؟
انى عنيده و عندى ده بيساعدنى فى حقى اوى


6- اين تحب ان تقضي مشمشه اوقات فراغها ؟
بصراحه مع الحصانين اللى عن قرايبنا
بحب اعد معاهم جدا
بس مش بروح اكيد يعنى


7- ما هي الصفة التي تحبين أن تكون فيكي ؟
مكنش متسرعه و انى اعمل حساب الزمن


8-ما هي الصفة التي لا تحبيها في نفسك؟
التسرع و اللا مبالاه


9-متى تحس مشمشه بالراحة <<<<< لا تقولي اذا انتهيت من كرسي الاعتراف
مش بحس بيها بجد
هو اللى عنده مى اختى و محمد يحس بالراحه اصلا
ههههههههههههههههههههههههههههههههه


10- ماذا تعني لك الدموع؟
مكرر


11- ماهي العقبه التي تتمنى انها تبتعد عن حياتك ؟؟
لا بلاش احسن تقولوا دى اتهبلت ولا حاجة


12- ما هي الخطوط الحمراء في حياتك التي لاتحبي ولا تسمحي بأن يتعداها أحـــد ؟؟
مكرر


13- لمن تهدي هذه الكلمات من اعضاء ومشرفين المنتدى ؟


** استمر في عطائك ..... امريلو


** أشكرك جزيل الشكر ....... سيوى


** قلم مميز و رائع ......اميدو


** راجع نفسك قليلا.......ريهام


14- ضع الكلمه المناسبه بعد العبارات التاليه


* اصعب مافي الحياه....... الغدر


* أحلى مافي الحياه........ الصداقه


* الذ مافي الحياه......... الحب


* أسوء مافي الحياة........ برضه الحب


15- متى تكون مشمشه ا:


1. طفله على طول بس بصراحه فى النادى بستعيل اوى


2. أنانيه نادرا ما بكون


3. فضوليه نادرا برضه


4. غيوره نادرا جدا


كم عدد اخوانك وما هو ترتبيك معاهم ؟؟
مكرر

كم وزنك وطولك ؟
طولى 177 وزنى مش ليك بيه دعوه
ههههههههههههههههههههههههههههههههههه

ما هي اغنيتك المفضلة
مكرر تانى فيه ايه ؟؟

ما هو رأيك بشباب وبنات الجيل الحالي
مكرر
هههههههههههههههههههههههههههههههه

ما هي اكلتك المفضلة
المحشى ورق عنب و محشى كرنب
ههههههههههههههههههههههههههه

اي نادي تشجع ( محليا وخليجيا وعربيا وعالميا )
محليا الزمالك
عربيا الاهلى
عالميا برشلونة


ما هي رياضتك المفضلة
السباحه و الفولى

مين هو اكثر واحد شايفاه شادد حيلة بالمنتدى ؟؟
ليدو ابن الايه

أحلى خبر سمعته مشمشه ا؟
انى بقيت من الادارة مع انى مش كنت متوقعه

تجربه تودين تكرارها ؟
ممم معرفش بصراحه

أمر دوما تخشينه ؟
الحب

فحم وجدار ماذا تكتبين ؟
اكتب

amrello

ولا يهمك المهم ان فى اسئله كويس
و تسلم عليها مقدما

- ما هى الصفات التى تحبينها فى نفسك ؟
انى طيبه اوى و عنيده جدا

2- ما هى الصفات التى تكرهينا فى نفسك ؟
التسرع و اللا مبالاه

3- من هم اقرب الناس اليكى ؟
انت و نور و بس

4- من هو قدوتك فى الحياة ؟
حدش

5- ما هى رياضتك المفضله ؟
فولى و سباحه

6- اول ما تفعلينه عند الاستيقاظ من النوم ؟
بقفل المروحه و بغسل وشى

7- ما هى الاماكن التى تحبين زيارتها كثيرا ؟
مرسى مطروح و شرم الشيخ اللى عمرى مروحتها

8- ما هى الاماكن التى تخشين الذهاب اليها ( اماكن رعب او زكريات سيئه او ..... ) ؟
اماكن رعب مش بخاف بل بالعكس بحبها جدا
لكن بخاف انزل من البيت فى الضلمة

9- انتى الان خارجه فى عزومه. فا الى اى الاماكن او المطاعم تفضلين الذهاب ؟
كوك دوور او وصايه
و لو كافيهات
يبقى كوستا او سيلنترو

10- كيف هو فتى احلامك ؟
مكرر معلش يعمرو

11-معكى ورده واحده فلمن تهديها ؟
لسها

ehahe

هههههههههههههههههههههه يعينى مش لاقين اسئله تانى

اهو انا اعده برضه هتحدى الكل لغايه ما الاسئله تخلص
هههههههههههههههههههههههههههه


ما هو اخر كتاب قرئتيه؟
مكرر يعسل

ما اكثر الاشياء التى تؤثر فيكى ؟
لا شى

متى تقولين كلمه انتهى ولن اكمل ؟
لما بشعر بعدم الثقه فى اللى ادامى

هل أنت سريعه الارضاء ؟
لا سريعه العضب

ماذا تمثل لكى كلمه الوطن؟
مكرر

ايه اخبار العسوله الصغنونه ؟
بتسلم عليكى
و بتقول لك هاتى مصاصه و غزل البنات لانها بتحبه

ايه اكتر حاجات اخدتيها من مامتك ؟ومن باباكى ؟
مكرر

ومن اقرب اخواتك لديكى ؟
انا اقرب ليهم الاتنين
لكن هم مش قريبين ليا

هل حبيتى قبل كده؟
اكيد

هل بتحبى دلوقتي؟
لا

أيه الكلمة اللي بتحبى تسمعيها؟
مشمشه


هههههههههههههههههههههههههههههههههههه

ما هو اول موضوع لمشمشه؟
يخبر
انا اصلا عندى زهايمر
بس اول موضوع ليا مو فاكرة اسمه
بس كنت كاتباه كعضوة جديده فى منتدى الصداقه
كتعريف بيا

الموضوع ده يمثلك ايه؟
والله الموضوع ده كان بدايه شغلى هنا فى المنتدى

ايه احلى موضوع قراتيه فى المنتدى؟
يااااه
فى مواضيع كتيرة مقدرش انا احكم انهى احلا واحد الا لو افتكرتهم كلهم

اوحش موضوع قراتيه؟
بص بصراحه
موضوع المرأة اللى موجود فى قسم المرأة العربيه

هل هناك كرامه بين الحبيبين؟
طبعا فى
لازم يكون فى كرامه بين الحبيبين
ان كان فى كرامة بين الواحد و صاحبه
الحب ده حياة تانيه تمثل مجتمع صغير لازم برضه يكون فيه كرامه