انها حقا ظاهره تؤرق الصيادله , فعلى الصيدلى توفير العلاج للمريض كاملا تبعا لما تنص عليه روشته الطبيب , وفى كثير من الأحيان لا تتوافر لدى الصيدليات جميع الأدويه المذكورة بالروشته , فاذا قام الصيدلى بصرف دواء بديل .. تثور ثائرة المريض ويرفض العلاج الا كاملا وطبقا لما هو بالروشته اعتقادا منه - وهو اعتقاد خاطئ كل الخطأ - بأن الدواء البديل غير فعال ولا يؤدى الغرض مثل الدواء المكتوب بالروشته.
وفى احيان أخرى يكون الدواء بالروشته غير متوافر فى سوق الدواء عموما أو أن تكون الشركه المنتجه له قد أوقفت انتاجه مؤقتا لغرض ما , فتكون النتيجه هى أن يلف المريض الأرض شمالا وجنوبا فى رحله البحث عن لبن العصفور المكتوب بالروشته مما يتسبب فى تأخره عن بدء العلاج , وبالتالى تأخر حالته الصحيه, وكل هذا يجعل دور الصيدلى مقصورا على مجرد تنفيذ التعليمات المكتوبه بروشته الطبيب دون الحق فى التعديل كما يتراءى له , والمواطن البسيط لا يدرى حقيقه الأمر , حيث تقوم الشركات المنتجه للأدويه بتقديم هدايا عينيه وربما ماديه للأطباء لحثهم على كتابه دواء بعينه دون غيره, وقد يكون هذا الدواء أقل فاعليه أو أغلى سعرا من الدواء مثيله(البديل).. لذلك اقترح على الاطباء كتابه اسم الماده الفعاله للدواء فقط دون كتابه الاسم التجارى وترك الاختيار للصيدلى بما يراه ملائما لحاله المريض الصحيه والاقتصاديه أسوة بما هو معمول به فى كثير من الدول المتقدمه



ممكن كتير اوى منكم ميهتموش بالموضوع ده بس فعلا دى حاجه بتتعبنا جدا وأنا جربت ده بنفسى لما اتدربت فى صيدليه حسيت ان كل شغلى هو انى اقرا الروشته واقوم اجيبها. من الاخر بقيت بياعه شرطها الوحيد انها تعرف تقرا انجليزى وتجمع وتطرح (لزوم الحساب)
والله ده حرام اوى اللى بيحصل فى البلد دى احنا بنتهان جدا
مش ده اللى احنا بندرسه فى الخمس سنين(على الاقل) فى الكليه المشؤمه دى
طب لزمتها ايه بقى ما انا بعرف اقرا دلوقتى نسيب الكليات بقى ونقف نبيع على ناصيه الحارة
فعلا حاجه مؤسفه
انا طبعا مش جايبه الموضوع ده نتناقش فيه لأنى عارفه ان مش احنا اللى هنحله ويمكن كتير منكم يحس بالملل وهو بيقراه بس على الاقل تعرفوا الكلام ده
عشان لما حد فيكوا يجيلى الصيدليه بتاعتى بعد عمر طويل هبقى اديله دوا بديل واياك يقول مش هاخده ههههههههههههه

شكرا" يا Khokha علي موضوعك

وان شاء اللة تفتحي صيدليتك قريبا"جدا" وتعملي فيها اللي انت عايزاة

تعطي للمريض دواء بديل او ماتدلوش حاجة خالص

وربنا يوفقك

شكرا يا عسل على ردك

خوخة انتى تمام اوى واللة
الموضوع هايل
شكرا ليكى اوى
و ربنا معاكى

ميرسى يا حمدى يا عسل على ردك

معاكى حق ياخوخه
انا عن نفسى لما بكون عايزه علاج ومش لاقياه مش بجيب البديل
بس لما تفتحى الصيدليه ياعسل اى حاجه منك هاخدها
موضوع جميل جدا تسلميلى ياقمر

شكرا يا خوخه على موضوعك
وفعلا بتحصل كتير بس انا طيبه وباخد الدواء حتى ولو بديل
وياريت تفتحى فرع فى دير النحاس وانا حبعتلك بنتى تشترلى الدوا

هههههههههههههههههههههه
عسل يا اسراء ومتخافيش مش هحط فيه سم قاتل
هههههههههه

ميرسى يا نيرفو يا حبيبه قلبى انتى تنورى الصيدليه بتاعتى بس هتجيلى اليكس مخصوص

شكرا ليكي يا خوخه وانا هبقي اخد دوا منك حتي لو مش عيان هاخد بس اكرميني في تمنه

لا طبعا مش هاخد البديل هههههه

انتى هتفتحى صيدلية امتا يا خوخة عشان اجى اشترى فوار ههههههه

موضوع بجد يستحق التقيم والتواضع

ربنا يوفقك يا خوخة

والله عندك حق في كل اللي انتي قلتيه
بس الدكاتره هنا بيحبوا يتنططوا شويه .....اثبات ذات يعني ...وياخدوا شغل غيرهم ههههههههههههههههههه
انا المشكله دي حصلت بالظبط لواحد صاحبي واتبهدلنا وملقيناش الدوا خالص
فعلا الصيدلي دلوقتي بقى مجرد بياع وخلاص ......لأن الدول المتقدمه بتعمل زي ما انتي بتقولي كده
والف مبروك مقدما على الصيدليه ....وان شاء الله ربنا يكفينا شر المرض ومبقاش زبون عندك ههههههههههههههههه
كده هتدعي عليا انا عارف يا خوخه عشان هخسرك بس...لو حصل وتعبت ان شاء الله هاشتري من عندك

والله عندك حق يا خوخة بث ناس كتير بتعمل كده
و شكرا على الموضوع

بصى يحبى فى اوربا و الدول المتقدمة
الصيدلى مهمته الوحيده انه يقرأ الروشته و يجيب الدواء
و لا يصرف اى دواء الا بروشته



بس انا اظن ان كليه الصيدله بتعرف طلابها انهم كيف يصنعون الدواء
فمش لازم يعنى ادخل الكليه عشان اخرج فى الاخر بياعه

و كمان مالهم البياعين
مش هم بتوع ارتفاع الاسعار برضه

هههههههههههههههههههههههههههههههههههه

يا جماعه
لكل مجتهد نصيب

شكرا يا خوخة على الموضوع الجميل

بصراحة انا رايى انى لما اشترى دوا خصوصا لما يكون لعلاج مرض خطير والعياذ بالله وربنا يعافينا اهتم بشراء الدوا اللى كتبه الدكتور دون غيره لان مش كل الصيادلة شاطرين زيك يا خوخة الواحد ميضمنش يدينى دوا بديل ميكونش هو المطلوب
متزعليش منى بس هو ده رايى العمر مش بعزقة

ههههههههههههههه
ميرسى يا جماعه على ردودكم كلكم
وان شاء الله مشوفش وش حد فيكوا عندى هههههههههه (مبدعيش عليك اهو يا اميدو)
ربنا يشفى مرضانا جميعا باذن الله

بالنسبه لكلامك يا مشمشه ارجو انك تتأكدى من معلوماتك الاول لأن فى الدول المتقدمه مش بيعملوا كده

اما انت بقى يا حماده انت فاهم الموضوع غلط المسأله مش صيدلى شاطر او خايب او هيجيبلك دوا مش مؤثر
الموضوع ان الماده الفعاله اللى فى الدوا بتكون مكتوبه كويس ونسبتها اد ايه فيه
والرأى المطروح ده بيقول ان الدكتور يقول هو عاوز ماده فعاله ايه وعاوز المريض ياخد منها نسبه اد ايه يوميا وبكده بقدر انا اشوف الدوا اللى يناسبه واوصفله كمان عدد الجرعات اللى هتوصله النسبه اللى احنا عاوزينها

وده اللى احنا بندرسه فى العملى بتاعنا فى الكليه وده كمان اللى كان بيحصل زمان (ايام ادويه التركيب)
تصوروا بقى لما يكون الامتحان بتاعى انى اترجم روشتات مواد فعاله كده( وطبعا مكتوبه باللاتينى كمان)
واعمل منها دوا واوصف الجرعات

كل ده واتخرج اقف بياعه
بذمتكوا ده مش حرااااااااااااااااااااااااام

ههههههه مش بياعة ولا حاجة يا خوخة معلش فى الاول كده استحملى وان شاء الله تبقى رئيسة شركة فايزر

ههههههههههههههههههههه
ميرسى يا حماده
يسمع من بؤك ربنا

بس فايزر مرة واحده مش واسعه شويه دى هههههههههه

مش واسعة ولا حاجة يا خوخة مش بعيد على ربنا وممكن انا كمان ابقى رئيس شركة ما يكروسوفت مكان بيل جيتس ههههههههه احلام بس ان شاء الله تتحقق

ههههههههههههههههههههههه

يارب يا حماده
ربنا يحقق احلامنا كلنا يارب ويدى كل واحد على اد نيته