دى ظروف اكثرنا بيمر بيها
طبعا بعد التخرج ما حدش بيلاقى شغل (البطالة) واكثر الشغل بعقود
فقلت لا لازم الاقى شغلة كويسة بابا قال واسطة قلت واسطة ايه لالالالالالالالالالا
رح قالى انت حرة
وطبعا انا بكالوريس تجارة (تقدير جيد وقربت من الجيد جدا)
قلت ده انا حأشتغل شغل يا سلام ولا فى الـأحلام
ههههههههههههههههههههههههههههههه
طبعا دورت فى الجرائد
لقيت وظيفة فى مكتب محاسبة حلو الكلام
قلت ماشى اتدرب
رحت فى الميعاد مش حتصدقوا اللى حصل
الرجل كان محترم وكويس تشفوه تقول رجل ميه ميه
طبعا ماما كانت معايا
المكتب اخر شياكةوجمال
و دخلت مليت الطلب وفى المقابلة قعد يسأل أسئلة غريبة
فقلى أنا عايز واحدة تهزر وما تزعلش من الهزار
رديت كل شى له حدود
قلى أنا عايز واحدة حركة
قلت أنا عندى القدرة على العمل بسرعة
قلىانت عنك كام اخت رديت
ماما وبابا بيشتغوا ايه رديت
انتى بتخرجى لوحدك قلت ايه الأسئلةالغريبة دى
المهم قعد بعد كده يسأل أسئلة ملهاش لازمة خالص
قال فى نص الكلام انت امورة
قلت اه ماله الراجل ده ده بيخرف فى الكلام
وأنا أضايقت فرديت فى حدود الأدب على الأسئلة البايخة
قالى المرتب400جنيه
وسألنى انت رايحة فين بعد ما تنزلى
قالتله دى حاجات خاصة مش لازم حضرتك تعرفها
ورحت بصيت له بصة انتقام
الراجل اترعب
قال حتصل بيكى
وطبعا ما اتصلش وانت عارفين ليه
انا نزلت وقلت لماما والله ما اشتغل هنا ابدا
ومبقتش افكر فى الشغل
بابا قلى حدورلك على شغل كويس
وبأذن الل حيلاقى
ودلوقتى انا قاعدة فى البيت
بأطبخ وامسح واكنس
ايه رأيكم بأه
وبقيت من ربات البيوت وضاعت الأمال العريضة
يلا اللى عنده نفس الحكاية يحكلنا يا جماعة
لنواسى بعضنا

صعبتي عليا يا بنتى معلش هي دي كده كده اخرتك هتشتغلى مش هتشتغلى ملكيش الا بيتك وجوزك وعيالك

بس الصراحه عجبتيني فى تصرف انك اولا اخدي مامتك معاكي وغير كده انك رفضي لشغل ده عشان ده راجل مش محترم انه بيسال الاسئله دي
ربنا يحافظ عليكي وان شاء الله يتحقق لك احلامك اللى انتى فكراها راحت

شكرا يا MR CRAZY ياعسل
ردك اسعدنى
ربنا يحفظنا جميعا

موضوع حلو جدا و فعلا بيعكس مشكلة معظم شباب مصر في الوظايف

عموما ربنا يوفق كل الشباب و شكرا على الموضوع و نتمنى المزيد

موضوع مهم فعلا يا سومه
ربنا معاكى يا قمر ويحفظك دايما يارب
دى مشكله البلد كلها والله مفيش شغل لحد
اللى معاه دبلوم زى اللى معاه بكالوريوس تجاره زى طب زى هندسه كله بيخرج يقعد ع الرصيف
وطبعا مفيش امل فى الجواز كمان (ربنا يستر علينا بقى هههههههههه)
عشان كده ان شاء الله انا هخلص واهج م البلد دى مع جوزى ان شاء الله (ده لو عرفنا نتجوز يعنى)

ميرسى ياسومه ع الموضوع الجميل ولو انك جيتى ع الجرح

الحمدللة انك ماشغلتيش في الشغل دة وربنا نجاكي منة

وماتزعليش انك مش بتشتغلي وقاعدة في البيت اديكي برضة لما قعدتي في البيت اتعلمتي تكوني ست بيت شاطرة

وان شاء اللة ربنا هيوفقك يأما بشغل محترم وكويس او تتجوزي واحد محترم وتكوني ست بيت

الحمد لله انك مشتغلتيش الشركات النصابة كتير وانا عديت ع كذا واحدة منهم ربنا يرزقنا وظيفة كويسة

شغل ايه ياسومه اللي بدوري عليه يعني الشباب بيتخرجوا وبينحتوا في الصخر عشان يتجوزونا نقوم احنا ناخد فرصهم في الشغل كمان حرام احنا اخرتنا كده نمسح ونكنس ونطبخ
بس انتي ميه ميه احييكي علي اللي عملتيه

هههههههههههههه

الراجل حبك من اول مرة هههههه

الشخص ده من الرجالة بيبقى غير امين على اى حاجة هو بيعملها

بصى يا سوما اولا مفيش اى مانع ان البنت تشتغل بس هو الافضل انها تبقى ربة منزل وديه اطهر واشرف شغلانة ممكن تشتغلها البنت

وعلى العموم يا ستى ربنا يوفقك وان شاء الله تبقى نابغة يعنى حاجة كده زى زويل او نوبل بحاله هههههههه

انا بقى عاوز ابقى مطرب بس للاسف انى مش فاضى انى اروح لاى شركة انتاج حاليا بسبب ظروف الاسرة بس اكيد اكيد يعنى هروح

ادعيلى بقى ان ربنا يوفقنى ويدينى على اد نيتى

تحياتى ليكى....

طبعا يا مستر كريزى لازم تعمل كده مش اختى
وبعدين متصدقوش دى ولا بتعرف تعمل حاجه ولا محتاجه احنا سايبنهاتاكل بلقمتها
وربنا يوفقك يا كييييييو

شكرا على مروركم جميعا
شكرا يا ادمن وربنا يوفقنا جميعا
شكرا يا خوخة يا عسل والله انا عندى امل كبير فى ربنا
شكرا ياrerezak لحمد لله ويسمع من بقك
شكرا يا عم hamadamada وربنا يكرمك
والله يا حنتسو انت عسل يعنى كل حاجة يخدوها كده يلا وحبقى احكيلك فى الحلقة القادمة
شكرا يا كيوووووووووو ربنا يوفقك بأذن الله
وانا مع ن الست لما تجوز او تخلف تقعد تربى عيلها
لكن دلوقتى اربى مين وانكد على مين
ههههههههههههههههههههههههههههههه