السلام عليكم

لاحظت الإدارة ان هناك بعض المشاكل التي تحدث بين الأعضاء من الشباب و الشابات فأهيب و أحذر كل مشرف و عضو أنه لو لاحظت الإدراة عدم انتظام سلوكه مع الأعضاء الاخرين او حدثت منه مشاكل متعدده ووصل لنا تقرير ضده سيتم طرده فورا بدون اي تنبيه
وسيمنع مرة اخرى من دخول المنتدى .

ولو لاحظت مرة اخرى انه تم وضع الايميلات الخاصة بالاعضاء في المواضيع سيتم ايضا الطرد بدون تحذير .

و هذا قرار لكل المشرفين و الاعضاء و اطلب من المشرفين العام تنفيذه و ابلاغي بالاعضاء المخالفين .

مع تحيات إدارة إيجي هات

تحذيرات جميلة يا كريم ان شاء الله هنبقى عند حسن ظن المنتدى كله

تحياتى ليك....

فعلا يا جماعة احنا لازم نبقى جد شوية وياريت نكون اكتر من اخوات ونحترم بعض بطريقة مش تتوصف لان مهما كان لما واحد بيهزء واحد على انه هزار بيبقى شايل جواه اللى اتقاله

و أحذر الشابات أن الادارة غير مسئولة عن تصرف عضو أخر اذا سمحت له بالحصول على رقمها الخاص أو بريدها الالكتروني
ولكن ان تم الابلاغ عن مثل هذه المشكلة سيتم حذف العضويات الخاصة بالعضو المخطئ

تمااااام يافندم

تحذير مهم جدا و سيتم تطبيقه من غدا :

لاحظت أن هناك العديد من المشرفين قلبوا المنتدى العام ساحة حوار على مين الي حيسيب المنتدى و مين مش حيسيبه المنتدى له 65 الف عضو انا لا احتمل ان تقلب ساحة المنتدى العام لمثل هذه المناقشات و من المشرفين الي مفروض هما قدوة و للأعضاء .
اولا أتخذ هذا القرار و أتعهد بتطبيقه أن لو بعد كدا لاحظت وجود موضوع ان العضو او المشرف سيترك المنتدى سيتم حذف العضوية على الفور ولا رجوع فيها لأن ملاحظ ان الموضوع بقى سهل جدا و بسبب مشاكل تافهة لاتخص المنتدى و اعضائه وهذا بالفعل اسائة كبيرة لصورة المنتدى

شكرا لكم

اوكى يا كريم

بس بجد احنا ملينا هو كل شوية لازم حد يزعل

اسمحلى اضيف حاجة يا جماعة ياريت تشيلوا فكرة الزعل ديه من دماغكم نهائيا
عشان انا ما صدقت انى بطلت عياط بقالى يومين وابتديت اعيط من انهاردة بجد قدروا مشاعرى ويارب محدش يزعل تانى

انشاء الله نلتزم بالتعليمات

يا جماعه بدون تعليمات واى حاجة كل واحد يحافظ على سلوكه وكله هيبقي تمام

بس انا شايف يا كريم ان بالنسبه للمشرفين العام ومشرفين الاقسام انهم اخوات واكتر من اخوات ممكن يكون ده من الاعضاء

بس ان شاء الله يتعلموا من المشرفين كلنا فى مركب واحد يعني لازم طبعا خايفيين علي منتدي ايجي هات
ومتزعلش نفسك يا عم


ولا ايـــــــــــــــــــــــــه يا جماعه كلامي غلط

أن شاء الله يا كريم نكون عند حسن ظنك

و أن شاء الله محدش يشتكى منا

بالتوفيق

بص يا كريم انا عارف ان المقصود بموضوع ساحة الكلام دة انا اوكى
بس انا قلت انزل موضوع كدة علشان ماحدش يزعل منى انى سبت فجأة و بجد انا حاجات كتير خنقتنى مافيش نظام معلش فى الكلمة بقى و كل شوية حد يزعل حد لية يعنى كدة ماينفعش يا كريم
وشكرا على التحذير بس معلش لو اى حد اعترض دة حقو و ماتزعلش منو

معلش يا كريم حاجة اخيرة ياريت لو ترجع سيوى علشان كلو مفتقدو و انتة وعتدنى انك هترجعو

حمدي أنت دخلت في موضوع تاني وأعتقد يا حمدي ان لو عندك أي شكوى على نظام غلط في المنتدى تحطها في قسم الشكاوي ومش كل حد مش عجباه حاجة يقول همشي ومعرفش أيه؟؟؟ اللي عايز يمشي محدش هيمنعه لأن دي حرية شخصية لكن مفيش وظيفة مفيهاش مشاكل وكل حاجة في الدنيا دايماً بتكون غرقانة بالمشاكل ..... أما بالنسبة لسيوي فهو أخونا وهو فضّل يكون عضو ، وبسبب المشاكل اللي حصلت محدش هيكون أدمن غير كريم وبس وأعتقد ده من حق كريم لأن محدش تعب تعبه وهو بيرجع المنتدى مكنش بينام.... وبعدين عضو أو مشرف أو أدمن فكلنا واحد ومفيش حد أحسن من التاني.... أنا رديت على لسان كريم لأن انا وكريم واحد ولو جيه هيقول نفس كلامي.... أرجو إننا نحترم رغبة كريم ويبقى في نظام في المنتدى وقسم الشكاوي مفتوح واللي عايز يشتكي من اي حاجة يدخل يحط شكوته... ثم كمان أميدو مع إحترامي ليك يا أميدو وأنت عارف أنا بحترمك قد أيه بس انت مأحترمتش كريم وأتكلمت بطريقة مش كويسة أبداً على كريم و أحمد جاستن ، الإنسان المفروض يكون حذر في كلامه وأنا أتضايقت جدا من اللي كتبته وكتير من الأعضاء اتضايقوا مهما كنت متضايق فمش المفروض تتكلم مع حد بالأسلوب ده.... أتمنى إننا نكون أخوات بجد ومحدش فينا يتطاول على التاني والمشاكل اللي بين الأعضاء بتتحل بس مش بالطريقة بتاعتكم... أتمنى محدش يزعل مني ونفتكر وعدنا بتاع زمان اننا هنرجع إيجيهات زي ما كان وأحسن

تكملة على كلام منى انا لو شفت مواضيع زي الي حصلت امبارح دي موجودة في المنتدى العام حمسحها على طول المواضيع دي مكانها الاقتراحات و الشكاوي

و شكرا

كل واحد ياجماعه يخلي بالو من كلامو بس

وزي ما قال كريم

اي ح عضو او مشرف او اي حد لحظت انا اسلوبه في الكلام

اتغير هقول الاداره بدون اي تنبيه


مشكور يا كريم و يا ريت الكل ينفذ الموضوع ده

مـــــــــــــــاشى كلامـــــــــــــــــــك

انا اسفه جدا يكريم على تأخرى فى الرد على ها الموضوع بس الجهاز كان بايز



المهم قرار فعلا سليم و الكل اكيد هينفذه

جمـــاعه كلنا اخوات



وبجد الموضوع خلاص و مش هيبقي في مشاكل ما ادام احنا اخوات

وياريت ننسي الى فات و نبتدي صفحه جديده

متشكرين يا ادمن على التحذير
وانتا عندك حق فعلا

والله انت عندك حق فى اللى انت بتقوله

لان فيه شباب بتدخل المنتديات علشان خاطر البنات

وغير كده برده فيه خلافات بتحصل بين الشاب والشابات

بس ياريت بلاش الحاكايه بتاعت طرد العضو دى او وقفه

يا ريت يكون فيه سيسه تحزير وتكون ظاهره للاعضاء والمشرفين ولكل الوجودين على لمنتدى

علشان يعرفوا انه فيه تحزير وكفايه ان ها يكون العضو اللى تم تحزيره او المشرف اكيد فيه ناس ها تسال هو تم تحزيره ليه

شكرا على كلامك الجميل

وتفبلونى عضو جديد واخ بينكم

We will do what you want my lord

ادمن ايه ده انا حاسه انك بتكتب وانت مكشر وعامل كده .......... ايه ده انا بجد خايفه منك والله يا بيه انا بريئه وما قتلتش حد و يحيا العدل والنبى لما تقرا الرد اوعى تتعصب انا بهزر وبس ..... بس بجد انا خايفه منك ولما تيجى تعمل تنبيه او انذار ابقى ابتسم وانت بتكتب اوكى وكل الناس تسمع الكلام فهمين