كنت قاعد باسمع اغنيه الست ( بمقياس الالفية الثالثه ) نانسى عجرم ، لو سالتك انت مصري حتقولى ايه ؟ و الواقع ان الاغنيه فضلت شغاله في راسي و عينيا على مظاهر الرقي و التحضر اللى بتتمتع بيها مصر ( ولو مش مصدقنى اعمل زي اعلانات تحديد النسل و انظر حولك )
الحقيقه ان مصر بلد محير جدا فلا هو قادر راضي يكون بلد نامى و منتمى لدول العالم الثالث و لا هو نافع ابدا يكون بلد حضاري و متطور بس عمال يحاول و يناطح و يزنق نفسه في كل مناسبه علشان يقول انا اهوه ( صحيح النتيجه بتكون صفر كبير زي بتاع تنظيم مونديال كاس العالم كده ) بس برضه يعنى بيخليك تقول احنا احسن من غيرنا ( بص في الخريطه على دوله اسمها الصومال كده وانت تعرف النعمه اللى انت فيها )
لكن ايه اللى حيحصل لو فجاه مصر بقت قوه عظمى ودوله من دول القطب الأوحد و بقت من الاخر كده اعظم دوله على وجه الارض ياترى هل شكل الحياه على الكوكب بتاعنا حتتغير
اعتقد لو مصر بقت قوه عظمى ، اكيد الجنيه المصري حيكون عمله دوليه و لك ان تتخيل باءه منظر الجنيه وهو عمله دوليه ، لا وكمان اللغة العربيه حتبقى لغه التجاره العالميه و حتلاقي الشباب في هولندا و فرنسا و الدنمارك و حتى الصين و اليابان عمال يزنق كلمتين عربي وسط كلامه علشان يبان مثقف و متحضر .
تخيل كده مطاعم الفول و الفلافل و هي بتغزو العالم ، و تصبح قدره الفول رمز عالمي و تلاقي الشباب في امريكا بيتباهوا بانهم بياكلوا في محلات فول وفلافل ابو ربيع ( بالخلطه السحريه ) .
تخيل كده مصر و هي بستخدم حق الفيتو على أي قرار ميعجبهاش او حتى يعجبها ، تخيل اسرائيل و هى بتشتكى من ان فلسطين بتستخدم اسلحه محرمه دوليا و بتمتلك سلاح نووي و بتطلب من مجلس الامن انه يعمل تفتيش في الاراضي الفلسطنيه فتطلع مصر و تعمل فيتو و تفشكل الموضوع كله و تطلع لسانه لاسرائيل و للعالم كله ماهي قوه عظمى تساند اللى تسانده و تطلع عين اللى ميعجبهاش منظره على الخريطه .
تخيل لو الناس بتتمنى تحصل على الجنسيه المصريه ... و تلاقي كل الناس في العالم بتتكلم عن الحلم المصري ( فيلا و موزه و عربيه ) و سفاراتنا في كل دول العالم الناس واقفها عليها طوابير
تخيل نفسك وانت ليك قيمه جوه بلدك و براها وكل الناس بتحترمك ولما تشوفك في بلدها تتصور معاك ، تخيل لو نانسى عجرم وقفت قدامك ( ولا بلاش تتخيل دي لحسن تروح فيها ) تخيل لو سمعتها بتقول : لو سالتك انت مصري تقولى ايه ؟ و لقيت نفسك بتردد بكل فخر : ايوه مصري ابن مصري و ابن مصر الله عليه
- منقول -
الحقيقه ان مصر بلد محير جدا فلا هو قادر راضي يكون بلد نامى و منتمى لدول العالم الثالث و لا هو نافع ابدا يكون بلد حضاري و متطور بس عمال يحاول و يناطح و يزنق نفسه في كل مناسبه علشان يقول انا اهوه ( صحيح النتيجه بتكون صفر كبير زي بتاع تنظيم مونديال كاس العالم كده ) بس برضه يعنى بيخليك تقول احنا احسن من غيرنا ( بص في الخريطه على دوله اسمها الصومال كده وانت تعرف النعمه اللى انت فيها )
لكن ايه اللى حيحصل لو فجاه مصر بقت قوه عظمى ودوله من دول القطب الأوحد و بقت من الاخر كده اعظم دوله على وجه الارض ياترى هل شكل الحياه على الكوكب بتاعنا حتتغير
اعتقد لو مصر بقت قوه عظمى ، اكيد الجنيه المصري حيكون عمله دوليه و لك ان تتخيل باءه منظر الجنيه وهو عمله دوليه ، لا وكمان اللغة العربيه حتبقى لغه التجاره العالميه و حتلاقي الشباب في هولندا و فرنسا و الدنمارك و حتى الصين و اليابان عمال يزنق كلمتين عربي وسط كلامه علشان يبان مثقف و متحضر .
تخيل كده مطاعم الفول و الفلافل و هي بتغزو العالم ، و تصبح قدره الفول رمز عالمي و تلاقي الشباب في امريكا بيتباهوا بانهم بياكلوا في محلات فول وفلافل ابو ربيع ( بالخلطه السحريه ) .
تخيل كده مصر و هي بستخدم حق الفيتو على أي قرار ميعجبهاش او حتى يعجبها ، تخيل اسرائيل و هى بتشتكى من ان فلسطين بتستخدم اسلحه محرمه دوليا و بتمتلك سلاح نووي و بتطلب من مجلس الامن انه يعمل تفتيش في الاراضي الفلسطنيه فتطلع مصر و تعمل فيتو و تفشكل الموضوع كله و تطلع لسانه لاسرائيل و للعالم كله ماهي قوه عظمى تساند اللى تسانده و تطلع عين اللى ميعجبهاش منظره على الخريطه .
تخيل لو الناس بتتمنى تحصل على الجنسيه المصريه ... و تلاقي كل الناس في العالم بتتكلم عن الحلم المصري ( فيلا و موزه و عربيه ) و سفاراتنا في كل دول العالم الناس واقفها عليها طوابير
تخيل نفسك وانت ليك قيمه جوه بلدك و براها وكل الناس بتحترمك ولما تشوفك في بلدها تتصور معاك ، تخيل لو نانسى عجرم وقفت قدامك ( ولا بلاش تتخيل دي لحسن تروح فيها ) تخيل لو سمعتها بتقول : لو سالتك انت مصري تقولى ايه ؟ و لقيت نفسك بتردد بكل فخر : ايوه مصري ابن مصري و ابن مصر الله عليه
- منقول -