SeWeY
Mar 15 2007, 08:37 AM
انا قلت اجيبلكم لعبة كمان كدة علشان نلعب ونزأطط اكتر واكتر
ده احنا هنلعب لـعـــــــــــــــــب
واللعبة دى عبارة عن اى بقى ....
أطول مكالمة في العالم !!
من قام بهذه المكالمة ؟؟ وما هي المدة ؟؟
لعبة بسيطة وحلوة جداً !!
مكالمة تيلفونية بين أحمد ومنى(ناس ماتعرفهمش)
أقوم أنا بوضع أول جملة على لسان أحمد ومن يأتي بعدي يضع رداً على لسان منى وهكذا..
هذة هي أطول مكالمة تلفونية في العالم
ويلا بقى عاوزين المكالمة طويلة ..
وأنا هبدأ بأول المكالمة::
أحمد: هاي منى .. ازيك عاملة اى؟
HamdyTOtti
Mar 15 2007, 08:39 AM
لا بجد لعبة جميلة جدا جدا جدا شكرا ليك يا حبيب قلبى
بس اية الاحراج دة
انا منى كدة وش
ما علينا
اللعبة بجد استاذة شكرا ليك يا سيوى يا جامد
منى: ازيك يا احمد انا الحمد لله انتة عامل اية ؟
moataz_sallam
Mar 15 2007, 09:21 AM
مشكور يا سيوى يا عسل يا شديد على اللعبة تسلم يا غالى
أحمد:أنا كويس الحمد لله عملتى أيه النهاردة؟
amedo_dolaviga
Mar 16 2007, 02:31 AM
حلوه اوي اللعبه دي
منى: وانت مالك .....انت غريب اوي يا أحمد ............ماعلينا....انت كنت بتتصل ليه؟؟
HamdyTOtti
Mar 16 2007, 09:49 AM
هههههههههههههههههههههه اية يا اميدو دول بيحبو بعض يا اخى
احمد : اية دة يا منى انتى غريبة اوى انهاردة مالك فى اية انا بتصل علشان وحشتينى على العموم مين الراجل اللى كنتى واقفة معاة امبارح دة ؟
Mr.CraZy
Mar 16 2007, 11:41 AM
ده ابن خالتي ...... ايه انت بتغيير عليا ولا ايه ؟
nanos2007
Mar 16 2007, 01:09 PM
احمد : طبعا ياحياتى لازم اغير
rerezak
Mar 16 2007, 01:53 PM
مني: ايوة انا بحبك وانت بيغير علية بس دة ابن خالتي يعني زي اخويا بالظبط احنا متربين مع بعض.
nanos2007
Mar 16 2007, 02:01 PM
برضة ياقلبى مش ينفع اشوفك مع واحد واقفة واسكت
SOOOHA
Mar 16 2007, 03:40 PM
ميرسي يا جميل على اللعبة الحلوة اوى دى
منى :لا يا حبيبي لازم تكون واثق فيا
وكمان انت هتحسب ابن خالتى عليا راجل ولا ايه ما انت بتوقف مع بنات عمتك وانا مبتكلمش
HamdyTOtti
Mar 16 2007, 04:53 PM
ههههههههههههههههههههههههههههه
حلوة هتحسبو علية راجل دية
احمد : ايوة بس يا منى برضو انتى بنت و كدى ماينفعش طيب ممكن طلب ؟
SOOOHA
Mar 16 2007, 05:01 PM
اتفضل اطلب بس حكاية بنت دى يعنى انت بتفرق بين البنت والولد واحنا متفقين ان زى ما هتعمل هعمل ولا ايه
amedo_dolaviga
Mar 16 2007, 07:33 PM
أحمد: لا يا منى احنا ما اتفقناش على حاجه .................انا معرفكيش ...(بهزر طبعا) ......سيبك من الكلام ده دلوقتي
انتي عملتي اللي قلتلك عليه؟؟.
الافوكاتو
Mar 16 2007, 08:05 PM
منى : احمد انا ماعملتش حاجة
ومش هقدر اخبى عليك اكتر من كده
بليل فى عريس جاى يتقدملى
لازم تعمل حاجة
SOOOHA
Mar 16 2007, 08:35 PM
احمد:
عريس مين يا ام عريس انتى
ارفضيه طبعا انا شرحتلك ظروفى كلها ومش هتكلم تانى
amedo_dolaviga
Mar 16 2007, 09:23 PM
منى : ايه ارفضه ده
وايه يا أم عريس دي ....انت طريقة كلامك وحشه اوي ........انا خلاص زهقت
وبصراحه كده مش قادرة استنى اكتر من كده ...انت لسه قدامك وقت طويل على ما تتخرج وتشتغل وتكون نفسك
وكمان العريس ده جاهز وامور وحلو وكلامه حلو وبيعرف يخليني اعجب بيه بصراحه
صعب يترفض
SOOOHA
Mar 16 2007, 09:27 PM
احمد يعنى خلاص يا منى ضيعتى حبنا واتخليتى عنى علطول
مش احنا متفقين انك هتستنينى من عشرة لخمستاشر سنة
وكمان كنت انا وبس ومفيش زى فى الدنيا ايه اللى غيرك يا منى
يا بت الحب الحب بلوبيف بلوبيف
amedo_dolaviga
Mar 16 2007, 10:14 PM
منى: لا ......كلام الافلام ده مبقاش ياكل معايا يا عم اللمبي
الظاهر ان كان فيه حاجات مكناش شايفينها في وقتها بدأت تظهر دلوقتي ....مش عارفه افكر بصراحه
عاوزه اقعد مع نفسي شويه
SOOOHA
Mar 16 2007, 10:19 PM
احمد: ايوة اقعدى مع نفسك وافتكرى سندوتشات الفول والطعمية اللى كنت باكلهالك وكروت الشحن والبادى اللى لسه جايبه والعصير اللى كنتى بتشربيه كل لما اقابلك والخمسة جنيه اللى استلفتيها منى من اسبوعين بصى لو مش فاكرة انا كاتب كل حاجة عندى (هههههههههههههههههه)
منى انا بحبك وانتى عارفة كده كويس متخليش اهلك يضيعوا حبنا على الفاضى
amedo_dolaviga
Mar 16 2007, 10:24 PM
منى: ماهو عشان كده انا مش عارفه افكر
اقارن بين الفول والطعميه ....والكباب والكفته
وبين الخمسه جنيه والخمسين الف جنيه (فلوسك عالجزمه يا حبي انت حتذلني بيهم ولا ايه ده البت نهال بتاخد من الواد محسن اللي بتحبه 50 جنيه كل اسبوع ) بصراحه مش عارفه اخد قرار
SOOOHA
Mar 16 2007, 10:34 PM
احمد:
متبقيش مادية يا حبيبتى ايه الفلوس يعنى
اهم حاجة الحب هو اللى هيعيشنا بعد كده (ايه القرف ده مش كفاية تمن المكالمة دى)
منى فكرى بقلبك يا حبيبتى
nanos2007
Mar 17 2007, 12:45 AM
منى : اية دة انت بتحسبنى على تمن المكالمة مكنتش اعرف انك بخيل اوى يا احمد وانا مش قولتك كلمنى واية كلة الحب اتصرف اعمل اية يعنى
SOOOHA
Mar 17 2007, 12:54 AM
اصبرى عليا شوية يا منى كلها خمس ست سنين واكون نفسي واخطبك
يا حبيبتى مش كل حاجة الفلوس
وكمان انتى اسمك ميلقش غير على احمد وبس
nanos2007
Mar 17 2007, 12:58 AM
صح ياحبيبى هصبر وامرى لله بس اعمل اية بابا معاند معايا اوى قولى اعمل اية بس وعى رايك احمد ........... منى نداء الاحبة
SOOOHA
Mar 17 2007, 01:43 AM
بصي يا حبيبتى انتى ادخلى عليه بكام كلمة حلوة كده وطلعيله القطط الفطسانة فى العريس ده لغاية لما يسيبك فى حالك واصبري عليا علشان خاطرى يا حبيبتى
amedo_dolaviga
Mar 17 2007, 02:51 AM
منى: بس المشكله انه مفيهوش عيب
احمد.....انا عاوزه اقولك حاجه...............انا قررت اوافق
بصراحه فرصه متتعوضش
moataz_sallam
Mar 17 2007, 03:56 AM
أحمد: و الحب أيلى بنا يا حياتى حتضيعيه فى ثانية كدة
ما أنتى عارفة أنى بعمل المستحيل عشان أقدر أسعدك و بعدين أنتى بتمسكينى من الأيد أيلى بتوجعنى
أنتى عارفة أنى مقدرش أعيش من غيرك أنا حنتحر لو أستغنيتى عنى
منتظر ردك أيلى يسعدنى و تقوليلى أنك أتخلصتى منه
rerezak
Mar 17 2007, 01:30 PM
مني: طب انا اعمل ابة ياأحمد هما بيضغطوا علية جامد وانا مش بايدة حاجة
كل عريس يجي اطفشة اعمل اية تاني
هما بدأوا يشكوا ان في حاجة
قولي اتصرف ازاي
molha2002
Mar 17 2007, 02:48 PM
شكرا يا سيوي على اللعبة الحلوة
أحمد: بصي تعملي ايه يا حبيبتي... انتي أول ما يجيلك العريس تعملي فيه شوية مقالب وتعملي نفسك مجنونة وتحطيله ملح في الشاي وليمون في العصير يعني تظبطيه خالص وقوليله ان عندك الأيدز كمان(بعيد الشر) وأهلك ميعرفوش أنتي مش ممكن تسيبيني يا حبيبتي ، انا صح أعرف غيرك كتير وبطلع معاهم وعايش حياتي بالطول وبالعرض وبفكر في اني اخطب واحدة منهم لكن مش عايز أسيبك...هاه يا حبيبتي هتعملي الكلام اللي قولتلك عليه؟؟؟
.:lolla:.
Mar 17 2007, 02:58 PM
منى: مش عارفة يا أحمد اللي انت بتقوله ده صعب جدا وخايفة استنى كتير وبصراحة بصراحة انا خايفة قطر الجواز يفوتني وانت لسه بتكون نفسك متزعلش مني يا حبيبي بس الحب مش كل حاجة
molha2002
Mar 17 2007, 03:13 PM
أحمد: يعني بتتخلي عني وأنا مديون وحالتي بالبلا... طب فكي زنقتي وأمشي براحتك
HamdyTOtti
Mar 17 2007, 05:54 PM
منى: مقدرش يا احمد اقول على نفسي كده.....ممكن اكوم متمسكه بيك اه بس صعب واحد يقول على نفسه الصفات دي
افرد انك مت ولا روحت في ستين داهيه
كده محدش يتجوزني بقى ؟؟؟؟؟؟ لا كلامك مش منطقي خالص ...ايدز ومقالب ....كل ده شغل عيال ومينفعش ...اساسا بابا يقتلني لو عملت كده
بصراحه انت كلامك كله وحش اوي مش مظبوط خالص ومشتت
مش منطقى ...فرصتك بتضعف معايا اوي يا أحمد
الحب لوحده مش كفايه ..مش هيأكلنا ولا يشربنا والحب زي الحزن بيتنسي مع الزمن
حاول عشان تزود فرصتك معايا
amedo_dolaviga
Mar 17 2007, 06:36 PM
أحمد: يعني اعملك ايه يعني يا منى
بايدي ايه اعمله يعني؟؟
انتحر عشان تستريحي ولا ايه؟.....
molha2002
Mar 17 2007, 07:12 PM
منى: لأ يا حبيبي انا مقلتش كده بس أقلها تكلم أهلي بس ربط كلام بينكم مش أكتر... أنا لا طالبة منك لا شقة ولا مهر ولا حاجة دلوقتي أنا بس طالبة منك أنك تكلم أهلي بس ربط كلام يعني
(الأسم جاي على مسمى)
.:lolla:.
Mar 17 2007, 08:30 PM
ربط كلام؟ وانتي يا فالحة فاكرة ان اهلك ممكن يوافقوا اني اتقدم من غير ما اتكلم عن المهر والشقة هما كده مش هيطمنوا على بنتهم بالعكس
منى يا حبيبتي ركزي معايا انتي ابتديتي تخرفي فوووووقي يا قلبي
ferindly-heart
Mar 17 2007, 09:37 PM
احمد: انا معنديش غير حل واحد اعملي الخطة 2100 والخطة دي هتحط اهللك قدام الامر الواقع وهتخلي اهللك هما اللي يجيبو الشقة والمهر والعفش والتلاجة وتكون بقدم كمان وتليفزيون 21 بوصة ويفرشولي الشقة وكل حاجة عارفة الخطة دي ولا اقوللك عليها كمان
انتي طبعا عرفاها
amedo_dolaviga
Mar 18 2007, 12:35 AM
منى : انت ايه اللي بتقوله ده؟؟؟ انت اكيد اتجننت
مش انت احمد اللي انا حبيته والله انا كده بدات اكرهك
من اول المكاالمه وانت كل همك انك تسوء سمعتي بأي شكل
انسى اني اوافق اصلا على مجرد الفكره دي
انا بنت متربيه ..بنت ناس ...ولا انت فاكر ايه
فيه حاجات كتير اوي أكبر من الحب ...وعمري ما افرط في سمعتي أبدا ....انت فاااااااااااااااااااااااااااااااااااااااهم...!!!!!!!!
molha2002
Mar 18 2007, 01:23 AM
أحمد : يا حبيبتي انا مأقصدش.... أنا كل ده عشان بحبك والله وعايزك تفضلي جنبي على طول حتى لو فاتك القطر عادي يعني المهم اننا نحب بعض زي دلوقتي وان شاء الله هتفرج
nervo
Mar 18 2007, 01:35 AM
منى:انا خلاص عرفتك على حقيقتك كل الى همك مصلحتك وبس انسان انانى مش بتفكر غير فى نفسك
واساسا انت لو بتحبنى مش تقول الكلام ده وتخاف عليه وعلى سمعتى
ياريت بقى متكلمنيش تانى وتنسى انك عرفتنى
SOOOHA
Mar 18 2007, 02:05 AM
احمد :منى انتى اتجننتى ولا ايه يا حبيبتى انتى نسيتى كلامك ليا لما كنتى بتقوليلي انا مش هقدر اعيش من غير وهقف جانبك لاخر لحظة ولو انت سيبتنى انا مش هسيبك ايه كان كل ده اسطوانات عاملاها عليا
اسمعى انتى لو سيبتينى انا هموتك وهموت العريس وابوكى وامك واخواتك والجيران وبعد كده مش هموت نفسي انتى فاهمة ولا لاء
.:lolla:.
Mar 18 2007, 09:28 AM
منى:تموتني وتموت العريس كمان؟ هههههههههههههههههههه يا حبيبي انت ما تقدرش تموت فرخة عشان تموتني ولا انت نسيت
rerezak
Mar 18 2007, 09:34 AM
أحمد: اي حد في الظروف اللي انا فية دة يقدر يعمل اي حاجة
.:lolla:.
Mar 18 2007, 12:20 PM
منى: يا لهوووي انا حاسة اني بتكلم مع رامبو والنبي بلاش الكلام اللي مفيش منه فايدة
dany
Mar 18 2007, 12:33 PM
أحمد: رامبو مين ده أنا أحسن منه بس اللى أنا متأكد منه إن إنتى أميرتى الحسناء
rerezak
Mar 18 2007, 02:19 PM
مني:بص ياأحمد انا حاسة اننا بدأنا نخرف في الكلام خلينا في موضوعنا احسن وقولي هنعمل اية
ehahe
Mar 18 2007, 03:30 PM
شكرا يا سيوي على اللعبة الحلوة
احلى حاجه الاندماج ده
احمد :منى انتى عارفه ان انا مش اقدر اعيش من غيرك ولو رحتى لحد تانى انا حموت
انا شايف انك تقولى لاهلك انك حتنتحرى ولو سابوكى
ادخلى اشربى علبه اقراص المهدئ وهما اكيد حيلحقوكى
ولو مش لحقوكى يبقى انا عرفت انك بتحبينى ومخلصه ليا وساعتها مش احس بالذنب لو حبيت تانى يا عمرى
rerezak
Mar 18 2007, 03:54 PM
مني: ياسلام يعني انا اموت نفسي علشانك وانت تروح تحب واحدة تانية
تصدق ياأحمد انت مش عندك دم......... انا بقولك احنا في مشكلة وانت بتهزر
ehahe
Mar 18 2007, 04:00 PM
احمد :يامونى انا بحاول بس اخفف الضغط
انا حموت ومخنوق ومش عارف اعمل ايه
بصى طب انتى شايفه فايدى اعمل حاجه ومش عملت
amedo_dolaviga
Mar 18 2007, 06:49 PM
منى: الظاهر كده يا أحمد ملناش نصيب
rerezak
Mar 18 2007, 06:59 PM
أحمد: لأيا مني ماتقوليش كدة احنا مخلوقين لبعض بس محتاجين نصبر شوية وان شاء اللة ربنا يوفقنا مع بعض احنا دلوقتي عايزين نفكر كويس هنعمل اية