hoba100
Mar 26 2007, 10:42 PM
أنا مشكلتى ربما تكون زى كتير بس الجديد انى أول مرة فى حياتى اتعرض للموضوع دة
القصة ومافيها انى ارتبطت فى حياتى 3 مرات والتلات مرات دول انا هجرتهم مش غدر منى والله لا بالعكس انا كنت بحبهم جدا بس مع مرور الايام لقيت انهم مش دول اللى بدور عليهم او بسبب مشاكل منهم هما
بس المصيبة ان بعد المواضيع دى ما انتهت عرفت بنت فى الجامعة وكنا اصدقاء جدا جدا وكونا شلة كبيرة اوى
بس مع مرور الايام حسيت من نحيتها بأعجاب وتطور لحب والمشكلة الكبيرة بقى ان انا مش عارف احساسها اية من ناحيتى لان فية حاجات هيا ممكن تعملها معايا تدل انها ممكن تكون بتحبنى وحاجات احس انها مفيش حاجة من ناحيتها
حتى انى قولت مقولة عليها وهيا (انها عندما تجلس معى أشعر بأنى بالنسبة اليها غير كل البشر..... وعندما تجلس مع غيرى أجد أنى بالنسبة اليها ككل البشر)
وهيا كلامها دايما انها اتعودت على انها تتحب مش تحب الا قليل اوى ودة بيحسسنى انها مغرورة ولو ان كتير كلموها فى موضوع الارتباط دة قدامى بس كان ردها انهم اخوات وزمايل جامعة مش اكتر
بالله عليكم قوليلى أعمل اية عشان انا قدامى حاجة من الاتنين اما اقولها واصارحها بحبى بس ممكن تصدمنى وتقولى احنا زمايل وبس وساعتها ممكن اموت بجد لانى اول مرة اتعرض لموقف زى دة أو انى اسكت وماصرحهاش خالص وممكن تكون فية حاجة من ناحيتها وساعتها اندم بجد انى مقولتلهاش حاجة
أعمل اية ارجو الرد حتى ينطفىء لهيبى
f_m
Mar 30 2007, 04:59 PM
اوعي تقولها انك بتحبها الا لما تتاكد من حبها علشان انت لو عرضت عليها حبك وهي رفضته يبقي كده مش ها ينفع ترجعوا اصحاب تاني وانت كده ها تخسرها والصداقه اللي بينكوا ها تتشرخ
ممكن تشوف واحده من صاحبتها وتعرف منها اذا كانت بتحبك او لا
وممكن تلمحلها بالكلام بس من غير ما تحط نفسك ف موقف بايخ
بتمنالك السعاده وانك تلاقي شريكه حياتك
samara_20
Apr 1 2007, 06:49 PM
انا من رايى انك لازم تقولها كل الى ان حاسه من ناحيتها
وفهمها اك بتحبها بس بطريقه غير مباشره وهىلو انسانه ذكيه وبتبادلك نفس الشعور اكيد
هاتتجاوب معاك برده بطريقه غير مباشره يعنى مش تروح تقلها بحبك كده على طول وضح لها احساسك
بس بطريقه تانيه تبان فيها انك بتحبها
بس انت لزم تحسسها بكده لانك بجد ممكن حد تانى ياخدها منك وساعتها تندم انك ما صرحتهاش بحبك
واكيد كان هاتخسر صداقتها لو ارتبطت بشخص تانى لانك مش هاتقدر تتكلم معاه خلاصحتى لو زمايل بس
وربنا معاك ويوفقك ويقدم لك الى فيه الخير
بـــــــــــــــــــــــــــــــاى
hoba100
Apr 3 2007, 02:15 AM
انا متشكر جدا على الرد بس عجبنى كلامك اوى يا سمارة
وحاسس انك زى مايكون عارف موضوعنا من فترة
وشكلى فعلا هعمل كدة
وبجد انا مش قادر اقول غير انى بحبها بحبها بحبها وعمرى ماحلمت ولاحبيت حد زى ماحبيتها
وملت عينيا وخلتنى بجد مش ببص لاى بنت فى الشارع او فى الجامعة او فى اى مكان والله
انا بجدبعشقها عشق ابدى وان شاء الله دى شريكة حياتى
وكفاية انها ادتنى دافع للممذاكرة عشان انجح وخصوصا انا السنة دى فى بكالريوس عشان اتقدملها واكون جدير بيها بجد
ايهاب بكير
rerezak
Apr 3 2007, 03:04 PM
انا من رأي انك لازم تصارحها بحبكلها علشان ماتجيش تندم في الأخر ولما تصارحها وتكون بتبادلك نفس الشعور ساعتها انت كدة كسبت
ولو مش بتبادلك نفس الشعور وقالتلك اننا زمايل يبقي مش ليكوا نصيب في بعض.
ولو انت مش عايز تصارحها دلوقتي ممكن تحاول تعرف عن طريق غير مباشر مشاعرها اية من ناحيتك
حاول تبين في تعاملك معاها انك بتعاملها معاملة خاصة غير الباقي
وربنا معاك ويوفقك للخير ان شاء الله