samara_20
Mar 27 2007, 05:55 PM
سلام عليكم
انا كنت عايزه اخد رايكم فى موضوع او بمعنى اصح مشكله وبالنسبه لى كبيره قوى قوى
واحب بجد اعرف رايكم بصراحه ووضوح وتقولولى ممكن اعمل ايه فى المشكله دى وايه
الحل؟؟؟؟؟؟؟؟؟؟؟؟؟؟؟؟؟؟؟؟؟؟
انا كنت بحب شخص من على النت وشفنا بعض تقريبا مرتين تلاته كده
وهو بصراحه انسان محترم جدا جدا ويمكن ده الى شدنى ليه وخلانى اتمسك بيه وللاسف احبه واتعلق بيه
وكان كويس جدا جدا معايا وبيقولى كلام ويعمل حاجات تخلينى اهتم بيه اكتر وكان دائما يحسسنى بحبه ليا
مكانش بيقول لكن انا الى كنت حاسه بكده مش عارفه بقى انك كده الى اتسرعت فى الحب ده ولا هو فعلا
كان بيحبنى ولا ايه؟؟؟؟؟؟؟؟؟؟
المهم..........هو الى حسسنى بالحب ده وتقريبا من كلامه ادانى امل انه ممكن يجى يتقدم لى ونرتبط رسمى خطوبه وكده
وفجأه!!!!!!لاقيت كلامه متغير معايا قوى وحسيت انه عايز يقولى حاجه وخايف ازعل وكان بيلمح لى وانا طبعا حسيت انه
محتاج يخرج كل الى عنده
الخلاصه...........انه فجاهقالى انه اخد اميلاتى كلها على شين يعرف اميل واحده صاحبتى
ساالته ليه عايز تعرف اميلها قالى بصراحه كده مش عارف ايه الى شدنى اليها بس انا طبع ما اقلكوش كنت حاسه انى هاقع من طولى
وخصوصا انها صديقتى الانتيم واكتر اختى والله وقدرش استغنى عنها قالى بقى انا عايز اكلمها قلتله براحتك
ورجع تانى يقولى انا مش عايزك تزعلى
بعدكل ده وعايزنى ما زعلش يالا الله يسامحه
انتم من رايكم اعمل ايه؟ اقول لصاحبتى ولا لاء
والا اسيبها تعرف منه والا اعمل ايه انا حيرانه بجد ومش عارفه اعمل ايه؟
ومش عايزه اخسر صاحبتى الى هى اكتر من اختى والله
ياريت الاقى عندكم الحل وتفدونى
وانا اسفه انى بجد طولت عليكم قوى
اسفه اسفه اسفه
مشمشه
Mar 27 2007, 06:45 PM
اهلا بيكى يحبى و مش تتاسفى انتى مش تقلتى على حد
المهم بصى يقلبى باين من كلامك انك و الحمدلله مش بتفكرى كتير فى ها الانسان
انا ما هظلمه بصراحه
هو لو كان اعترف بحبه ليكى يبقى من حقك تقولى لصديقتك
" هو قالى انه بيحبنى و فجاه قالى انه عايز يتعرف عليكى و كان اخد ايميلاتى ... تقولى لها الحكايه كلها
اما لو ما كان اعترف لك يبقى يحبى للاسف انتى احتمال كبير تكونى وقعتى فى الحب من طرف واحد
يعنى شدك الاول ادبه و كده و حبتيه
فساعتها يبقى قولى لصديقتك على انه عايز يتعرف عليها و بس
و مش تقولى انك حبتيه
بس حذرى صديقتك من حبه
يعنى قولى لها تفكر كويس لو هى فكرت فى يوم تحبه
و على العموم
Hard Luck
بس فعلا تانى لو هو اعترف بحبه ليكى يبقى اوعى اوعى اوعى تديله ميل صديقتك الا لما تحكيلها الحكايه من البدايه
zizooftop
Mar 30 2007, 02:24 AM
زى ما مشمشة ما قالتلك
f_m
Mar 30 2007, 04:12 PM
بصي ياستي طبعا طالما هي صاحبتك وذي اختك يبقي اكيد هي عارفه الموضوع من اوله
ف اذا كان قالك انه بيحبك وفجأه كده عاوز يكلم صاحبتك يبقي هو انسان مش كويس
هو واخدك كوبري عشان يوصل لصاحبتك
ف انتي تقولي لصاحبتك علي كل اللي حصل وتقوليلها انك اخدتي صدمه فيه وتحكيلها اللي حصل كله
عشان بجد الصداقه اقوي من الحب ف اوعي تتنازلي عن صاحبتك علشانه
واكيد هي ها تقدر صراحتك معاهه
اتمنالك السعاده وانك تلاقي الشخص المناسب
samara_20
Mar 30 2007, 07:52 PM
بجد انا مش عارفه اشكركم ازاى وايد ردودكم دى هاتسعدنى كتيرعلى الى انا فيه
واكيد اكيد الصداقه عمرها ما هاتاثر عليا فى موضوع الحب ده
لان دى فعلا اختى واكتر
مرســــــــــــــــــــــــــــــــــــى
بجــــــــــــــــــــــــــد
elwa7sch
Apr 4 2007, 03:40 AM
انا هاقلك حاجة...طبعا انتى المشكلة الى عندك دلوقتى هوا انك مش عارفة تقولى لصحبتك ولا لا ودى مش مشكلة اصلا...هيا لو صحبتك بجد وبتحبك الموضوع مش هيهمها خالص وهتقلك عليه عبيط.. (وهوا كده فعلا)..المهم انتى تقللها عادى خالص وهاتعرفى هى صحبتك بجد ولا لا من رد الفعل بتاعها اول ماتقللها..لو لقتيها اهتمت بالموضوع يبقا عوضك على ربنا فيها وفى اللى كنتى بتحبيه.. لو هيا بجد بتخاف عليكى هاتقف معاكى وهاتبعدك عنه وتخليكلى تنسيه..this's my number[size="5"][/size] (0128181688
rerezak
Apr 5 2007, 09:42 AM
بصي انا هقولك حاجة اللي يبيعك بعية وماتكونيش باقية علية مهما كان
وطالما هو استغني عنك استغني انت كمان عنة
وبعدين مهما كان مش بيحبك المفروض انة عارف انك بتحبية ويجي بكل صراحة يطلب منك ايميل صديقتك القريبة ويقولك اصل مشدود لها
انا من راي انك ماتديهوش انت ايميلها ولو هو عايزة يجيبة من اي مكان تاني
وان شاء الله بكرة تنسي
وربنا يقدملك اللي فيه الخير
Bluesy_panther
Apr 6 2007, 06:27 PM
طبعا مفيش كلام يقال بعد الكلام الجميل والأراء الهايله
الى قالوها اخواتى فى المنتدى
بس بصراحه انت اكيد اتسرعتى فى حبه
او فكرتى بقلبك بس مش بعقلك كمان
المهم تكونى اتعلمتى حاجه من التجربه ديه
لو كان قاللك انه بيحبك يبقى لازم تنسيه وانا متأكد انك مش هاتفتكريه خالص
واكيد صحبتك هاتكون عارفه العلاقه الى بينك وبينه وهاتكون جنبك ومش هاتسمحله انه يكلمها.
اما لو هو ما قالكيش انه بيحبك يبقى هو ماظلمكيش معاه ورأى اذا كنتى بتحبيه يبقى اكيد مش هتقفى
فى سعادته عشان نفسك وقولى لصحبتك بس اوعى تديله الايميل بتاعها.
انا عارف ان الكلام سهل بس الانسان القوى لو عايز ينسى حاجه هاينساها.
واكيد هتلاقى الانسان الى فعلا يستهلك ويخاف عليكى. وسعتها قوللنا عليه وفرحينا.