rerezak
Apr 5 2007, 06:42 PM
السلام عليكم ورحمته الله وبركاتة
كتير بنشوف بنات تقول انا عندي اصدقاء ولاد وبخرج معاهم عادي وندخل سنيمات ونقعد علي كوفي شوب
والولاد برضة نفس الحكاية وفي بنات ساعات تفضل انها يكون لها اصدقاء ولاد افضل من البنات .
هل دة علاقة صحيحة ؟ وهل البنت من المفروض انها يكون عندها ولاد اصدقاء
هل عاداتنا وتقاليدنا ممكن ترحب بهذة العلاقة؟
انا هحكي لكم علي موقف حصل لي من كام يوم
انا بشتغل في مدرسة وفيها طلبة ثانوية عامة(مدرسة أمريكية) ولقيت ولد من ولاد ثالثة ثانوي بيقول لي علي اسم محل
وانا قولت له اني مش عارفة استغرب اوي ساعاتها اني ازاي مش عارفة وقولت له دة محل اية قالي دة ديسكو قولت له طب
انا اعرفة لي قال لي عادي يعني هو غلط طب ما احنا بنروح عادي قولت له انت ولد لكن انا بنت مش ينفع ادخل مكان زي دة
قال لي عادي ما احنا معانا بنات وبيروحوا معانا قولت له وبيسهروا معاكم قال لي وفيها اية.
انا ساعتها قولت هو كل شئ بقي عداي عندهم ومافيش احترام للتقاليد
اللي مستغرباله انة مستغرب اوي اني مش بروح ديسكو حسسني كأني انا اللي غلط مش هو.
هل فعلا"تفكير الناس بقيت كدة كلة عادي عندهم .
لأوبيحكي لي علي اشهر ديسكو في شرم الشيخ وان الناس كلها هناك بيتمنوا يروحوا لي وانه انضف ديسكو اتعمل
معلش اني طولت عليكم بس الموضوع مضايقني اوي
انا عايزة اعرف رايكم بصراحة
amedo_dolaviga
Apr 7 2007, 07:05 PM
لا يا رحاب ...انتي صح 100%
واوعي تضايقي ...بالعكس ...انتي بتعملي الصح
واحنا في زمن بقى فيه الصح غلط والغلط صح....ضاعت فيه حاجات كتير اوي
بس اللي بيتمسك بالصح أكيد بتحصل حاجات بتضايقه ...
بس فيه فرق بين الصداقه ...والحب
واللي بيحب واحده بيخاف عليها ومش ممكن يوديها اماكن زي دي ...او يقبل انها تكون بره البيت لساعه متأخره
اصلا الصداقه بين الولد والبنت مش صح...وانا مش بعترف بشيء اسمه صداقه بين الولد والبنت
لانها محرمه بنص صريح في القرآن في سورة النساء "ولا متخذات أخدان"
يبقى المفروض ان فيه حدود ..عندنا مش لازم نعديها
....وانا مبسوط من موقفك يا ريري...اسف لو طولت عليكم
rerezak
Apr 8 2007, 10:26 AM
شكرا"ليكي يا أميدو علي ردك واهتمامك بالموضوع
وطبعا" ماطولتش ولا حاجة
ehahe
Apr 9 2007, 07:30 PM
اولا شكرا على الموضوع الجميل يا ريرى
عارفه ان الموضوع ده بقى شغلنى من زمااااااااان
عن رأيي أنا بأيد اميدو فى كل كلمه قالها
وعندجى شويه من صحابى ومعارفنا بنات كنا قاعدين برضه كده فى مناسبه وكل واحده بتتكلم على صحابها اللى فى الكليه واللى فى النادى
وأنا بقى الوحيده اللى مش عاجبنى الكلام لقيت كل قام عليا وعرفت اد ايه انا متخلفه
وانهم مش يقصدوا حب وكلام فارغ دى جرد صداقه بريئه
والدليل على كلامهم ان صحوبيه البنات مش ليها لازمه أنا قلت أزاى قالولى الولد لو طلبتى منه محاضره بيبقلى جنتل وبيديهالك
لكن البنات بيغيروا ومش بيدواحد حاجه
طب ما أنا فى الكليه وكل صحابى بنات والمحاضرات بتتنقل مابينا
الاقيهم فى صوت واحد هى كليتك دى كليهيعنى يبقى عادى لما امشى فى الكليه والاقى اتنين بيدوسوا على رجل بعض او بيضربها او بيشتمها علشان هى مش سمعاه
فيقولها انتى ياحماره وعادى بقى
معلش طولت بس بجد الموضوع ده لو اتفتحت مش حسكت
rerezak
Apr 9 2007, 11:29 PM
شكرا"جدا"يااسراء علي ردك الجميل دة ومرورك
molha2002
Apr 9 2007, 11:52 PM
شكرا يا ريري على الموضوع ده وأحب أضيف زيادات على أميدو وإسراء اللي رأيهم دايماً بيعحبني....بصراحة انا مستغربة جدا على البنت اللي دايماً بلاقيها تقول صاحبي... دايماً قريبنا بيكلمني على صحباته في الجامعة (مش اللي بيحبهم) اللي هما صحباته ومرة اتصلت فيه ردت عليا صحبته وقالتلي انا صحبته صراحة احتقرتها جدا ازاي هانت عليها نفسها؟؟؟ أزاي أهلها راضيين بالمسخرة دي.... فين الأهل؟؟؟ هل يعرفوا المواضيع دي؟؟؟؟ وأزاي البنات تهون عليهم نفسهم ويطلعوا مع شباب في ديسكوهات وكافيهات وكلام من ده .... مين ممكن يرتبط بواحدة زي دي.... معندهاش لا دين ولا أخلاق ولا أهل يربوها.... الللي عاوزه أقوله يا ناس إن علامات يوم القيامة بقت كتير وده معناه ان اليوم ده قرب قوي.... يا ترى مجهزين أيه لأخرتنا؟؟؟؟ قد ايه الواحد غافل عنها ياريت يا جماعة نرجع لدينا ولربنا.... ألف شكر ليكي يا ريري يا حبيبتي على الموضوع الحلو ده
nervo
Apr 10 2007, 12:08 AM
موضوع جميل جدا بيناقش مشكله كبيره اوى
شكرا ليكى ياريرى على الموضوع الهام ده
انا عن نفسى مش مقتنعه اصلا ان ممكن تكون فى صداقه بين ولد وبنت مينفعش اساسا
وبعدين الى بيحصل فى الجامعات دلوقتى شىء مؤلم بصراحه
الولد بيلمس البنت عادى وبيعاملها كما لو كانت ولد مثله
دنا حصل معايا موقف هقولوكو عليه
سيبت مره صحابى الى بيقعدو فى اول بينج وقولت انا هقعد ورا فى اخر بينج مع بنات تانيين
بنات ايزى خالص ودمهم زى العسل وانا من طبعى احب الهزار جدا
فقعدت ورا معاهم وهما مصاحبين ولاد وكدا فجه واحد يعرفهم وسلم عليهم ومدلى ايده يسلم عليا
فاانا قولتله مش بسلم هو بصراحه اتحرج بس فى داهيه انا مالى الى ضايقنى صحابى زعلو جدا من الموقف ده
واستغربو انى رفضت اسلم حسسونى انى من العصر الجاهلى
وفى كمان حاجه مضايقانى دلوقتى مش بعرف افرق بين الولد والبنت بجد مش بهزر
يعنى شوفت ولد قبل كدا عامل شعره كاريه ولابس سلسله انا عرفت انه ولد لانه مش كان لابس حلق شىء محزن للأسف
انا طولت عليكو بس مقدرتش امسك نفسى بصراحه كان لازم ارد
وميرسى ليكى ياحبيبتى على الموضوع
انى احبك فى الله
SOOOHA
Apr 10 2007, 01:54 AM
شكرا ليكى يا ريري بجد موضوع تحفة ومشكلة معاصرة احنا عايشين فيها دلوقتى
انا عندى فى الجامعة البنات بيهزروا مع الولاد بطريقة مستفزة جدا وبقلة ادب عالية اوى وطبعا الولد لما بيلاقي كده بيسوق فيها
فبيبقي العيب على البنت اكتر من الولد
وربنا يرحمنا ويهدى البنات والشباب
ferindly-heart
Apr 10 2007, 04:05 AM
بسم الله الرحمن الرحيم
الســــلام عليكم ورحمة الله تعالي وبركاتة
اولا احب اشكر اختنا الكريمة رحاب لموضوعها القيم جدا وبصراحة كل مواضيعها جميلة وانا اشهد بذللك (( لكي جزيل الشكر والتقدير))
وطبعا انا برمي اخطاء الشباب للام اللتي تترك ابنائها يسهرون ليلا ويتعرفون بأصدقاء والام طبعا شكلها كاجووووووول فأكيد الولد او البنت هتبقي كاجول وسهر عادي تتعرف علي شباب عادي جدا (( فيلم الباشا تلميذ))
وبكدا الشباب هتضيـــــــــــــــــع وتنحرف بدايتها ديسكوا اخرتها.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,>(ندم)<
وضياع مستقبل البنت اللي بتفرط في احترامها وبتضحي بنفسها وبتجعل نفسها تجربة لاي شاب وبيقولوا انهم اصدقاء ومش بتتعلم البنت الا لما بتاخد القلم وبتتكسر وبترجع تعرف الصح .
ثـــــــــانيا احب اشكر جميع الاخوة والاخوات اللي ردوا في الموضوع دا وبصراحة حضرتكم غطيتوا الخبر ورديتوا علي الموضوع .
واحب ازود علي كلام نيرفو ان فعلا البنات بتعمل حاجات سخيفة جدا في السيكشن وحصل معايا موقف من البنات واضطريت اخرج من السكشن لانهم بيعاملوا الشباب بطريقة مقدرش اوصفها ومبقاش في احترام ولا تدين ولا خجل ولا احترام واما ان البنات شايفة اننا اطفال او ان السكشن كلو بنات دي حالة من الحالتين ومش واحدة بس احتما ل نص السكشن كان بيعامل الشباب صحابي كدا وطبعا انا مسمحش لنفسي ان بنت من دول تعاملني كدا وتنتظر مني اني ابادلها المعاملة وطبعا كانوا بيلمحوا علي صداقة بيني وبينهم زي ما اصحابي ما هم عاملين صــــــــــــــــــــداقة معاهم وطبعا مش بيدخلوا بيحضروا ولا حاجة وبيقضوا طول الوقت في الكوفي شوب ودي طبعا صداقة لكن بجد الكلية مبقتش تستحق لقب الجامعة اللي بتطلع جيل صالح في البلد واساسا البلد خربت بحكمها وكمان شبابها المتخرجيين مفيش شغل يعني خربناة خربانة بجد
ارجوا ان لا اكون اطلت علي حضراتكم
تحيــــــــــــاتي للجميع
moataz_sallam
Apr 10 2007, 04:19 AM
مشكورة يا ريرى بجد على الموضوع ده
مش حقدر أضيف على رأىكم حاجة هو فعلا يا ريرى أنتى صح و ربنا يهدينا جميعا و يبعد عنا أماكن كالديسكوهات و الديجيهات
و أنا مع رايكم جميعا أن الصداقة بين الولد و البنت بقت خاطئة و فى كثير فاهمها غلط و فعلا الكلام أيلى قالته نيرفو و أيهاهى بيحصل فعلا
و كنت بشوف شباب بيهزروا مع بنات بالأيد و لكن ......
أنتم غير مقتنعين بالصداقة أو بالزمالة بين الولد و البنت أنا مختلف معكم قليلا فى الرأى
أنا واحد من الناس أحببت من قبل فى الجامعة مش ده موضوعنا طبعا و لكن ربنا موفقنيش فى تكملى الموضوع و لكن هذه البنت أصبحت لى صديقة بمعنى الكلمة
هل هى غير محترمة أو مرفهة لأ أقسم بالله العظيم أنها من أنظف البنات أيلى تعرفت عليهم فى الجامعة و بقيت بعرف عنها كل شىء و أنا كذلك بقلها كل شىء
و أتعرفت على والدتى و جابت عروسة لأخويا هههههههههههههههههههههه و زرناها و حضرت فرح أخويا
و حاليا خطيبها صاحبى و كذلك عندى الكثير من زميلاتى ايلى دخلت بتهم و تعرفت على والديهم و كذلك دخلوا بيتى
طيب ممكن حد يقولى هل هذه الصداقة خاطئة أيضا مع أنها بريئة تماما و على فكرة والدتى عبارة عن صديقة لى و هى تعرفهم جميعا و بتكلم أهل أى بنت فى التليفون
ده فى واحدة زميلتى قابلتها مرة و أنا مع والدتى و الله العظيم مشيت معانا عشان تورينا محل شنط هى بتشترى منه !!!!
يمكن عشان أيلى بنشوفه و عادتنا تكسرت كثيرا أختفى الجانب النظيف للصداقة معرفش و الله ده وجهة نظر
بس أنا واحد من الناس بعترف بصداقة البنت و تهمنى بس الصداقة النظيفة
و توضيح لكلامى والدتى مثلا و الله العظيم تعرف كل من أعرفه و عرفاكم يا بنات المنتدى كلكم يعنى متراقبين ههههههههههههههه
لا مانع من الصداقة مادامت ظلت نظيفة و أكيد أختى فى الجامعة كان لها زمايل و مادام البنت محافظة على سلوكها مع الولد و أهلها بيثقوا فيها
و هناك حدود فى المعاملة أنا لا أرى عيب فى الصداقة و لكل منا رأيه
ياريت بجد كلامى ميتفهمش غلط لأنى بقدر الصداقة جدا جدا و مبحبش أن مانيها تتلوث
طولت عليكم جدا أسف
rerezak
Apr 10 2007, 09:31 AM
شكرا"ليكم كلكم علي ردودكم الجميلة واهتمامك بالموضوع
وانا معاك يانعتز ان في صداقة نظيفة واكيد برضة انا كان لي اصدقاء في الجامعة وفي الشغل والدورات اللي باخدها
لكن في ناس بتفهم معني الصداقة دة غلط جدا"بتفهم انا الصداقة الخروج مع الولاد وانهم يكونوا ايزي معاهم ومافيش فرق
انا برضة بؤمن بالصداقة بس في المعقول لك واحد يكون عارف حدودة اية بس الصداقة اللي بتكون في مجال الكلية والشغل فقط
غير كدة انا مش بحبها.
وربنا يستر علينا في الزمن اللي احنا فية
ferindly-heart
Apr 11 2007, 04:57 AM
العفو يا ريري
وانا معاك يا معتزل في الكلام اللي انت قلتلة وانا مش بقول ان الصداقة بين الولد والبنت حرام بالعكس " انا موافقك جدا جدا في الصداقة بينهما لانها بتزيد من احترام النفس وبتزيد من الثقة في النفس وادام في احترام وتبادل بين الطرفين في ظل الاخوة يبقا مفيش اي مشاكل
لكن لو الصداقة بغرض ان يبقا ليك جيرل فريند او بوي فريند وانا هسهر مع الجو انهردا في الديسكو الفولاني او هتمشي مع صاحبي في وسط البلد دي تبقا صداقة محرمة محرمة محرمة ومبقاش في اي حدود بينهم ومبقاش في تبادل احترام ومبقتش دي صداقة اصلالالالالالالالالالالالالالالالالالالا
شكرا لكم جميعا[size="5"][/size]