mendes
Apr 13 2007, 11:32 PM
السلام عليكم ورحمة الله وبركاته
هذه اول مرة اشاك معاكم فى المنتدى
بس عندى مشكلة وعايز رايكم فيها بس بمنتهى الصراحة والوضوح
انا فى اخر سنة فى كلية هندسة واعجبت ببنت معايا فى الكلية بس فى اول سنة
بس ماعرفتش ازاى اوصلها اعجابى بيها وان انا عايز اتكلم معاها بجد ونفسى ارتبط بيها
المهم بصيينا لبعض حوالى يويمن وكان فى نظرات ما بينا كده
فانا بطبيعتى خجول جدا
فلما روحت اتكلم معاها فبدات كلامى معاها ان انا نفسى اتعرف عليها وان انا متابعها من مدة
فردت عليا وقالتلى لا لا لا لا ما ينفعش فعرفتها بنفسى وقولتها ان انا فى اخر سنة هنا فى الكلية قالتلى لا لا لا لا
قولتلها طيب انتى ممكن تاخدى وقت تفكرى قالتلى الموضوع مش عايز تفكير
قولتلها والله العظيم انا مش بتسلى انا نفسى اتعرف عليكى والله وارتبط بيكى
قالتى ماينفعش ارتبط بحد اكبر منى وقعدنا بصيين لبعض ثوانى كده
وقالتلى فى الاخر فرصة سعيدة
هذة هيا المشكلة
انا عايز اخد رايكم فيها بمنتهى الصراحة
انا بقول انها لازم تقولى كده ما ينفعش توافق من اول مرة وانا بصراحة احترمت رايها جدا
فانا ممكن اتكلم معاها تانى واحاول مرة تانية ولا انتوا تفتكروا ايه
dreamstory
Apr 14 2007, 02:57 AM
بصراحه هو ممكن الاسلو ب اللي انت دخلت به اكون خلها تخجل وما قدرت ترد كويس عليك وانا اعتقد دا بنسبة 99%
وتاني في اشياء كتير ممكن تخليها تغير رايها مثلا انك تشوف اصحابها وتصاحب احدمنهم وبعدين لما تصير صاحبه ممكن هو اساعدك في الموضوع بس لا تخنقها او ي علشان لا تهرب منك
amrello
Apr 14 2007, 04:42 AM
انا من رايى ان انت تحاول تعرف مين من زمايلك او زمايلها له علاقه ( زماله ) جيده بها
وان تحاول تتكلم معاه تعرف قصة البنت ديه وتقوله انك محتاج تتكلم معاها فى موضوع يخصكم
واول اما تكلمها تحاول انك تقولها على نيتك وانك محتاج تتكلم مع ولى امرها اذا امكن
وان لم يمكنك فحاول ان يكون الشخص الذى وصلك اليها هو من يتعامل
وانا دلوقتى بعتزر لانى لازم انقل الموضوع الى قسم (فضفضة شباب )
rerezak
Apr 14 2007, 12:38 PM
انا من رأي ان الدخلة اللي انت دخلت بها عليها كانت مش صح
لأ مافيش واحد يروح لبنت مش يعرفها وهي كمان مش تعرفة ويقولها انا عايز اتعرف عليكي ونرتبط.
كان لازم الأول تتعرف عليها علي انكم اصدقاء في كلية واحدة لأنك لسة ماتعرفش مشاعرها اية
او هي مرتبطة ولا لأ.فأنت اعمل زي ما قالوا ليك amrello و dreamstoryانك تتعرف علي اصدقائها وتكونوا اصدقاء الأول
وان شاء الله ربنا يوفقك في اللي فيه الخير
مشمشه
Apr 14 2007, 01:07 PM
بص هى ممكن تكون عندها اسبابها و قالت لك الاسباب الظاهريه
لكن غير كده لا تتعمق معاها تانى فى الحوار
هى رفضت خليك بكرامتك و امشى و انساها
نرمو
Apr 17 2007, 01:22 AM
انا من رايى انك تقولها للمرة الاخيره انا عاوز اتقدملك ويببقى الكلام مع اهلها ورسيمى قبلت خير
ما قبلتيش خلاص مفيش نصيب
وانا مش مع الراى انك تشوف زملايها هى لو كويسه فعلا مش هيبقى ليها زمايل بيدخلوا فى تفاصيل الدى