السلام عليك ورحمة الله وبركاته
.ده اول موضوع ليا بعد النيو لوك الجديد للسايت
نخش في الموضوع
.....
في رايي سنه 2006..كانت اقوى سنه واحلى سنه (موسيقيا) خصوصا بوجود عاصفة جامده من الالبومات الجديدة لنجوم جداد وبعضعم كانت تاني او تالت تجربة ليهم..ونقدر نقول جيل جديد من الفنانين
وهما تامر حسني ..فنان احساسه عالي جدا
........
محمد حماقي البوم اكتر من رئع..وفيه حاجات جديدة خصوصا رساله وبيعرف يختار هو يغني ايه
.........
حسام حبيب...البوم موسيقي عبقري بجد وفي رايي احلى البوم غنائي متكامل
........
رامي صبري حيكون نجم كبير جداجداجدا كمان سنتين تلاته..بس عيبه انه طلع نسخة عمرو دياب .والناس حست
كده ..بس هو نسي ان (مافيش عمرو دياب تاني) بس البومه جامد جدا
........
لؤي..فنان جامد جدا وصوته نمن العيارالتقيل
........
محمود العسيلي فنان ببيقدم شكل جديد م الاغاني وعاجبني استايله جدا
.......
عدوية فنان شاب عندو جديد عايز يقدمه بس انا شخصيا مش بحب اسمعه
......
محمد كمال هو ده فعلا نسخة فؤاد بس فشلت جدا لأن على عكس رامي صبري الناس حبته من اغاني اللي سكتها غير عمرو ..اما محمد كمال حاول يقلد فؤاد بشكل مستفز حتى في شكل الاغاني
.......
ايساف بدايته في استار ميكر كانت اقوى من وجهة نظري ولازم نصبر عليه شويا لألبوم تاني
.......
عمرو مصطفى انا شخصيا غير فكرتي عنه من خلال البوم مزيكا *مزيكا وفعلا بين انه طالع من تحت دكتور موسيقى ::عمرو دياب
.................................................. .................................
.................................................. ..........................
.................................................. .......
...........................................
نخش في المهم في الجزء اللي فات حاولت افكركم بأجمل الالبومات اللي نزلت في الفترة اللي فاتت وبدون مجاملة عرفو يثبتو نفسهم وظهرو جامد
واللي يهمني في ده كلو هو النجم الاسطورة ومدرس الاجيال عمرو دياب اللي في رايي البومه اللي جاي حيكون ولازم يكون جديد بكل المقاييس خصوصا انه نازل بعد فترة كان فيها النجوم اللي فاتو وعرفو يكتسبو جمهور ويستحقو النجاح
احنا كجمهور وعشاق عمرو دياب ..حنفضل نسمعه حتى لو قعد ينزل البوماته القديمة بتوزيع جديد..بس انا بتكلم من نقطة ان في ناس مستنية الغلطة لعمرو ..ونفسها تثبت ان عصر وجيل عمرو بدا ينتهي
واللي لازم يثبته في البوم 2007 القادم"ان شاء الله" انه نجم كل جيل بكل المقاييس