SOOOHA
May 1 2007, 10:58 PM
ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟
هاتعمل إيه يعنى
ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت أو راديو السيارة ؟
ليه لما بتكون بطارية الريموت شبه فاضية ، بنضغط على الزراير جامد ؟
ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
ليه بنقول هدية مجانية ..؟ مش المفروض إن الهدية تكون مجانية
ليه لما نكون جوه المنزل والسماء بتمطر بنسأل هو الجو بيمطر بره ؟ هى
عمرها مطرت جوه
ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا نتأكد ؟
ليه الخدمة بتكون سريعة لما المطعم يكون مزدحم أكتر من لما يكون نص نص
؟
ليه لما الواحد بيركن السيارة فى موقف فاضى اللى جاى وراك بيركن جنبك
؟
ليه دايما لما حد بيجري يلحق الأتوبيس تلاقيه مبتسم أو بيضحك ؟
ليه بنفتكر إن لما ندوس على زرار الأسانسير كتير هاييجى بسرعة ؟ أو
مثلا ليه لو واحد جه بعديك وأنت مستنى
الأسانسير بيدوس على زرار الأسانسير ولا كأنك موجود ؟
ليه وإحنا بنأكل الطفل الصغير فى فمه بالملعقة .. بنفتح فمنا ؟
ليه لما بنتصل بالتليفون .. دايما النمر الغلط مابتكونش مشغولة ؟ وليه
دايما لوحة أرقام التليفون أو الموبايل بتكون عكس لوحة أرقام الآلة
الحاسبة أو حتى أرقام الكيبورد ؟ وبمناسبة التليفون ليه لما واحد
يعطيك رقم تليفونه بيقوله
بسرعة ؟ وليه عمرنا ماإستمتعنا بالموسيقى فى التليفون لما نكون على
الإنتظار ؟
ليه لما بنصحى من النوم دايما بنحس إن كمية النوم ناقصها عشر دقايق ؟
ليه الشخص اللى بيشخر وهو نايم دايما بينام الأول ؟
Bluesy_panther
May 1 2007, 11:13 PM
ههههههههههههههه
لا تعليق
هانعرف من الى بعدى
مرسى ليكى
amedo_dolaviga
May 2 2007, 12:35 AM
شكرا على الموضوع يا سها
بس الأسئلة دي ملهاش معنى
يعني تفسيرها سهل جدا
ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟
حركة لا ارادية للشعور بالبلل ...ومش كل الناس بتعمل كده
ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت أو راديو السيارة ؟
عشان بيكون صوته عالي وعشان نعرف نركز ونفكر هنعمل ايه
ليه لما بتكون بطارية الريموت شبه فاضية ، بنضغط على الزراير جامد ؟
عشان ندوس على أكبر مساحه ممكنه تقفل الدايره عشان التيار الضعيف بتاع البطاريه يمر ويشتغل الريموت
ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
عشان أسهل حاجه بتيجي على بالنا هي اسمنا
ليه بنقول هدية مجانية ..؟ مش المفروض إن الهدية تكون مجانية
مش احنا اللي بنقول كده
الخليجيين بس هما اللي بيقولوا كده
ليه لما نكون جوه المنزل والسماء بتمطر بنسأل هو الجو بيمطر بره ؟ هى
عمرها مطرت جوه
لا لان المطر لما بينزل والواحد يبص مش بيكون متأكد اذا كانت بتمطر ولا لأ عشان كده بيسأل اللي حواليه هو الجو بيمطر بره؟ والمفروض يكمل ولا انا بيتهيألي؟؟
ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا نتأكد ؟
عشان الواحد ساعات بينسى ...فبننبه المخ بتاعنا عشان الفعل اللا ارادي ميخليناش نركن على الحائط كالعادة وهدومنا تبوظ
ليه الخدمة بتكون سريعة لما المطعم يكون مزدحم أكتر من لما يكون نص نص
؟
عشان الزباين بتكون كتيره وبتكون طلباتها أكتر ...وعشان كده لازم الشغل يكون بسرعه عشان يلحقوا يوصلوا الطلبات للزباين
ليه لما الواحد بيركن السيارة فى موقف فاضى اللى جاى وراك بيركن جنبك
؟
عادي عشان الواحد بيشوف العربيه اللي واقفه بيقف جنبها
ليه دايما لما حد بيجري يلحق الأتوبيس تلاقيه مبتسم أو بيضحك ؟
عشان لحق الاتوبيس ومش هيتأخر ...يزعل ليه بقى؟؟
ليه بنفتكر إن لما ندوس على زرار الأسانسير كتير هاييجى بسرعة ؟ أو
مثلا ليه لو واحد جه بعديك وأنت مستني
الأسانسير بيدوس على زرار الأسانسير ولا كأنك موجود ؟
رد فعل طبيعي لو كنت مستعجل لازم تكون عصبي وتتدوس الاسانسير كتير لا اراديا
حتى لو مستعجل وشايف الشخص اللي مستني بتدوس الزرار برضه عشان لا ارادي عاوز توصل بسرعه
ليه وإحنا بنأكل الطفل الصغير فى فمه بالملعقة .. بنفتح فمنا ؟
عشان الاطفال دايما بيقلدوا الكبار وعشان نعلمهم يفتحوا بقهم ساعة الأكل
ليه لما بنتصل بالتليفون .. دايما النمر الغلط مابتكونش مشغولة ؟ وليه
دايما لوحة أرقام التليفون أو الموبايل بتكون عكس لوحة أرقام الآلة
الحاسبة أو حتى أرقام الكيبورد ؟ وبمناسبة التليفون ليه لما واحد
يعطيك رقم تليفونه بيقوله
بسرعة ؟ وليه عمرنا ماإستمتعنا بالموسيقى فى التليفون لما نكون على
الإنتظار ؟
عشان الانسان عنده عقل وبيحفظ بسرعه عشان كده بيسمع بسرعه واللي قدامه بيستقبل الرقم اول مره انما التاني الرقم متخزن في ذاكرته
بالنسبه للآله الحاسبه دي عشان نظام استعمالها واختصاصات الكمبيوتر بتخلينا نعمل الزراير كده ...عشان طبعا الكومبيوتر والاله الحاسبه مش حاجه واحده
ليه لما بنصحى من النوم دايما بنحس إن كمية النوم ناقصها عشر دقايق ؟
مش دايما ...بنحس بكده في حالة التعب أو قلة النوم
ليه الشخص اللى بيشخر وهو نايم دايما بينام الأول ؟
برضه مش دايما ...ولو اني معرفش حد بيشخر
شكرا على الموضوع يا سها
بس اسئله زي دي الفروض الناس كلها عارفاها
بس اكمنها اسئله تبع العقل الباطن ورد الفعل الناس بتقول اه صح
انما لو فكرنا على طريقتك كده يا سها هنقول
ليه الواحد لما بيتلسع بيبعد ايده بسرعه؟
لان ده رد فعل منعكس
homos_610
May 2 2007, 12:43 AM
اسئلة حلوة يا سها أنا سمعت بعض منها قبل كده وهحاول أجاوبك من وجهة نظري
1-ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟
هاتعمل إيه يعنى
ممكن عشان والله ماعرف بس ممكن عشان نستنشق هواء بالميه هههههههههه
2-ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت أو راديو السيارة ؟
ممكن عشان نزود تركيزنا في الطريق شويه الصوت العالي بيقلل نسبة التركيز
3-ليه لما بتكون بطارية الريموت شبه فاضية ، بنضغط على الزراير جامد ؟
ممكن بنبقى شاكين انها مش فاضية وان الزرار هو اللي بيعلق
4-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
يعني المفروض الاسم ده أول حاجه في ذاكرة الانسان فبتيجي على باله اول حاجه
5-ليه بنقول هدية مجانية ..؟ مش المفروض إن الهدية تكون مجانية
دي بقى اسألى بتوع العروض اللي في المحلات انا معنديش محل هههههههههه
6-ليه لما نكون جوه المنزل والسماء بتمطر بنسأل هو الجو بيمطر بره ؟ هى
عمرها مطرت جوه
دي متهيألي كلمة خدنا عليها مش أكتر
7-ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا نتأكد ؟
اما مش مصدقينه او اما عايزين نوسخ صابعنا هههههه
8-ليه الخدمة بتكون سريعة لما المطعم يكون مزدحم أكتر من لما يكون نص نص ؟
يعني بيقى فيه ضغط شغل ومفيش أماكن فاضية فعايز يخلص الزباين اللي عنده عشان لو حد جه يلاقي مكان فاضي انما لو الخدمة تعبانه محدش هيمشي النهاردة ويضيع عليه زبون ممكن كان عايز ييجي بس ملقاش مكان فاضي.
9-ليه لما الواحد بيركن السيارة فى موقف فاضى اللى جاى وراك بيركن جنبك
عشان الوحدة العربية متقفش لوحدها تلاقي اللي يسليها هههههههههه
10-ليه دايما لما حد بيجري يلحق الأتوبيس تلاقيه مبتسم أو بيضحك ؟
هههههههههههههه عشان لو حد بص عليه من الاتوبيس ممكن يضحك عليه فيبين انه عادي take it easy يعني
11-ليه بنفتكر إن لما ندوس على زرار الأسانسير كتير هاييجى بسرعة ؟ أو
مثلا ليه لو واحد جه بعديك وأنت مستنى
الأسانسير بيدوس على زرار الأسانسير ولا كأنك موجود ؟
مش عارف الصراحة ههههههههههههه
12-ليه وإحنا بنأكل الطفل الصغير فى فمه بالملعقة .. بنفتح فمنا ؟
عشان بتبقى عينينا في الأكل فا فمنا بيتفتح تلقائيا
ههههههههههههههههه
13-ليه لما بنتصل بالتليفون .. دايما النمر الغلط مابتكونش مشغولة ؟ وليه
دايما لوحة أرقام التليفون أو الموبايل بتكون عكس لوحة أرقام الآلة
الحاسبة أو حتى أرقام الكيبورد ؟ وبمناسبة التليفون ليه لما واحد
يعطيك رقم تليفونه بيقوله
بسرعة ؟ وليه عمرنا ماإستمتعنا بالموسيقى فى التليفون لما نكون على
الإنتظار ؟
النمر الغلط دي حظ بقى
موضوع لوحة المفاتيح دي مش عارفه الصراحه
لما واحد يديني رقم تليفونه يقولي بسرعه عشان مينساش الرقم ههههههههههه
الموسيقى دي انا عن نفسي بعملها لسبب ان محدش يسمع احنا بنقول ايه
الباقي بقى مبيعملهاش ممكن مكسل يدوس على زرار الانتظار او عايز اللي متصل يسمع اللي بيتقال عنده
14-ليه لما بنصحى من النوم دايما بنحس إن كمية النوم ناقصها عشر دقايق ؟
يعني عشان عقبال ما جالنا نوم ممكن يفوت عشر دقايق فبنعوضهم واحنا صاحيين نص نص
15-ليه الشخص اللى بيشخر وهو نايم دايما بينام الأول
عشان يزعج اللي في البيت ههههههههههه
aboud_500
May 2 2007, 02:17 AM
thnxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx begad elmawdo3 ra2e3
.:lolla:.
May 2 2007, 12:12 PM
مرسي ليكي يا سها موضوع جميل يا سها بس الاجابة بقى ............
زي ما قلتم بالضبط ورحمة الله وبركاته:)
samo_momo
May 2 2007, 02:59 PM
تسلم أيدك يا سها بجد موضوع حلو اوى ومشوق جدا بس الاجابه الله أعلم بقى
تحياتى
(((samo)))
rerezak
May 2 2007, 05:59 PM
شكرا"ليكي ياسها علي الأسئلة الجميلة دة
فعلا"لما قرأتها قلت زيك لــــــــــــــــــــــــــيه؟
بصي انا هحاول اجاوب علي بعض الأسئلة
-ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟هاتعمل إيه يعنى
لأ بصي انا الموضوع دة مش بيحصل معايا فمش هقدر اجاوبك
-ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت أو راديو السيارة ؟
لأن ساعتها الواحد بيكون مضايق ومش طايق يسمع صوت حد حتي الكاسيت
-ليه لما بتكون بطارية الريموت شبه فاضية ، بنضغط على الزراير جامد ؟
لأمش بعمل كدة اول لما ادوس والقيها مش بتلقط معايا بغيرها علي طول
-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
انا عن نفسي لما اكون عايزة اشخبط في الورقة بكتب اسمي سواء بالعربي او الأنجليزي
-ليه بنقول هدية مجانية ..؟ مش المفروض إن الهدية تكون مجانية
علشان يقنعوا الواحد انه فعلا"اخد هدية مجانية في الوقت اللي هو فيه دفع فعلا"فلوسها
-ليه لما نكون جوه المنزل والسماء بتمطر بنسأل هو الجو بيمطر بره ؟ هى
عمرها مطرت جوه
لا تعليق
-ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا نتأكد ؟
علشان لازم نجرب بنفسنا علشان نتأكد
-ليه الخدمة بتكون سريعة لما المطعم يكون مزدحم أكتر من لما يكون نص نص؟
علشان يقدروا يلبوا جميع الطلبات
-ليه لما الواحد بيركن السيارة فى موقف فاضى اللى جاى وراك بيركن جنبك ؟
علشا يكون الجراج منظم
-ليه دايما لما حد بيجري يلحق الأتوبيس تلاقيه مبتسم أوبيضحك؟
لأنة بيكون مكسوف وهو بيجي
-ليه بنفتكر إن لما ندوس على زرار الأسانسير كتير هاييجى بسرعة ؟ أو
مثلا ليه لو واحد جه بعديك وأنت مستنى
الأسانسير بيدوس على زرار الأسانسير ولا كأنك موجود ؟
لا تعليق
-ليه وإحنا بنأكل الطفل الصغير فى فمه بالملعقة .. بنفتح فمنا ؟
علشان نفهمة ويعمل زي
-ليه لما بنتصل بالتليفون .. دايما النمر الغلط مابتكونش مشغولة ؟
علشان يرودوا يقول النمرة غلط
-ليه دايما لوحة أرقام التليفون أو الموبايل بتكون عكس لوحة أرقام الآلة
الحاسبة أو حتى أرقام الكيبورد ؟
لا تعليق
-وبمناسبة التليفون ليه لما واحديعطيك رقم تليفونه بيقوله
بسرعة ؟
علشان بيكون حافظة كويس
-وليه عمرنا ماإستمتعنا بالموسيقى فى التليفون لما نكون على الإنتظار ؟
احنا فاضين نسمع موسيقي الأنتظار
-ليه لما بنصحى من النوم دايما بنحس إن كمية النوم ناقصها عشر دقايق ؟
مش بيحصل معايا انا بمجرد ما اصحي بفوق
-ليه الشخص اللى بيشخر وهو نايم دايما بينام الأول ؟
لا تعليق
بجد اسئلة هايلة ياسها
SOOOHA
May 2 2007, 08:28 PM
شكرا اوى لردودكم واجابتكم
بس ايه ده يا عم اميدو ايه الشطارة دى انت حللت الاسئلة تحليل علمى بحت بس برافو عليك ههههههههههههههههههههههههههههه
dany
May 3 2007, 06:53 PM
هاهاهاهااهاهاهاهاهاهاهاهاهاها بصراحه يا سها بعد تحليل أميدو مبقاش ليا كلا أقوله وشكرا على الموضوع
SOOOHA
Jun 21 2007, 08:28 PM
شكرا ليكوا اوى على الاجابات المقنعة دى
ميــ المجنن البنات ــدو
Jul 27 2007, 03:40 AM
موضووووووع جميل يا سهاااااااااااااااا جدا بس الاجبات بتاعت جاوبها اميدوووووووووو تمام اميدووووووو عجبتى اجابتك اوووووووووى اول مرة اشوف حد بيفكر زى
N0UR
Jul 27 2007, 07:39 PM
إقتباس
ليه لما بتكون بطارية الريموت شبه فاضية ، بنضغط على الزراير جامد ؟
انا بخبطه فى الحيطه ههههههههههه يمكن يحس على دمه ويشتغل
تسلم ايديكى والله موضوع جنان خالص ...
ميرسى يا قمر