rerezak
May 9 2007, 06:49 PM
ايه ياجماعة سيبيني كل ده في الحمام انا وراي ميعاد مهم
لولاااااااااااااااااااااااااااااااا انتي بتوشوشي خوخة بتقوليلها ايه انا عايزة اعرف معاكي
يالا ياسوزي ادخلي خدي دش علشان تلحقي الأمتحان
خوخة ممكن تسلفيلي البنطلون الجينز بتاعك علشان بتاعي مغسول
وبعدين ياحمدي لو مش عايزني اتكلم وافطن خلاص شوفني بحاجة (وبغمزله)
moataz_sallam
May 9 2007, 07:34 PM
أيه ده ايه ده
ما شاء الله أنا اسيب البيت شوية و ارجع الاقيه مقلوب كدة
خوخة انتى متكلميش حد ذاكرى و ملكيش دعوة بالفشله دول انتى عندك امتحانات صعبة
و ايه يا مونى انا مش قايلك انتى تطبخى و تغسلى بس و مسمعش صوتك كفاية اننا مقعدينك معانا فى الشقة ببلاش
و ايه يا ست ريرى ده بتغمزى لحمدى اكمن جوزك غايب بقاله كام يوم ماشاء الله ما شاء الله
و بتستلفى بنطلون من خوخة كمان و فين دستة البنطلونات ايلى لسه جايبهالك ؟؟
الحال ده مش نافع و حد يعملى كوباية ليمون عشان اروق اعصابى نرفزتونى
Bluesy_panther
May 9 2007, 08:40 PM
لا يا معتز ما تنرفز نفسك
كل شئ هايتصلح ويبقى كويس
يابنات حد يعمل كوبيتين ليمون عشان معتز وانا نروق اعصابنا شويه
والى هاتقول عليه هايتعمل ...........سامعين الكلام ولا ايه
monyy
May 9 2007, 09:40 PM
ايه يامعتز داخل شمال فينا كدة
احنا فشلة احنا
ال اغسلى واطبخى ال
ريري استلفت عشان الولاد مكانوش بيشوفو شغلهم ويخلصو مكوة الهدوم
كمان تعالى هنا انت سايب البيت وقاعد فين كل دة
يلا اتفضل اعمل جردل لمون عشان عصبتنىىى
soma85
May 10 2007, 01:02 AM
أنا أول مرة أدخل
أهىءأهىء أهىءأهىء
البنت ايهاهى ضربتنى
مليش دعوة بقى
سيوى هات السندويتش أنتا كل حاجة تأكلها
مولها بطلى كلام فى التليفون من أمبارح بتتكلمى
نيرفو أعمللى شعرى ضفيرة
خوخة روحى ذاكرى
.:lolla:.
May 10 2007, 08:15 AM
في ايييييييييييييييييييييييييييييييييه؟ هوا انا كل يوم لازم أزعقلكم كده ما تسيبوا البت خوخة في حالها الله هوا يعني ما لقيتوش حد غيرها طب ما كلكم عندكم مذاكرة يا حلوين ويلا مفيش حد هيخرج من البيت كله يذاكر وادي الزنوبة اهي (ماسكاها في ايدي وقاعدة على باب البيت) أشوف بقى مين اللي هيعاندني
ومفيش عندنا لمون يا معتز وحتى لو كان في انت اللي هتتفضل انت والست موني تعملوه فااااااااااااااااااااااااااااااهمين
وانت يا عبود ما تعليش صوتك في وش البنات انا كام مرة قلتتلكم بلاش الصوت العااااااااااااااااااااااااااااااااالي في البيت ده انتم ناوييين تفضحووووووووووووووووووووووووووووووووووووووووووونا (وبزعق بصوت عاااااااااالي)
spiritlegend
May 10 2007, 09:33 AM
الله يخرب بيت كدا الله يحرق سنينك يا بت يا هالة عمالة تزعقي علينا كده ليه ؟؟ قومي يختي قومي انتي والزنوبة بتاعتك قال زنوبة قال حبايبي يا أحلى شباب تعالوا هفسحكوا فسحة انما ايه فسحة أمراء
molha2002
May 10 2007, 05:29 PM
أيه ياعم انت... داخل شمال في حبيبتنا لولا ليه؟؟؟ وبعدين يا سومة أنا بكلم كريم ، بقالي 5 دقايق بحالهم مكلمتوش سيبيني أنبسط شوية... وأنت يا واد يا معتز عايزة كوباية شاي محترمة.... ريري يا حبيبتي بنطلوناتي كلها في الدولاب أفتحي وخدي اللي عيزاه.... موني يا حبيبتي وحشاني والله وأحلى حاجة فيكي انك معلماهم الأدب انتي ولولا.... ويا جماعة لو سمحتوا روحوا أقعدوا في الأوضة التانية عشان عايزة أركز مع كيمو
rerezak
May 11 2007, 05:05 PM
ميرسي ياحبيبتي يامولها
وانت يامعتز مالك جي فارد نفسك علينا كدة ليه اكمنك يعني خلصت الكلية وبتشتغل وبتدينا مصروف لأ بقولك ايه
وبعدين ماتقوم تعمل لنفسك الليمون هو احنا بنشتغل عندك
ومش كفاية انك بقالك 5 ايام سايب البيت ومش عارفين انت فين وال ايه في الشغل دة الكلام اللي انت تضحك بيه علي بابا وماما
لكن طبعا"احان عارفين انت كنت فين اكيد مع الشلة البايزة بتاعتك ده وبقولك ايه لو نرفزتني هروح افتن عليك خد بالك بقي ياجميل
مولها خلصي التلفيون علشان عايزة اتكلم ولا اقولك اتكلمي براحتك انا لسة واخدة بنطلونك
soma85
May 12 2007, 01:13 AM
مولها من أول أول أمبارح بتتكلم فى التليفون مش معقول كده بجد غلبتينى وأنتى يا إسراء حأضربك بجد ذاكرى أنتى وخوخة
والله ما حأسيبك ياريرى كمان البلوزة ده أنتى أخده البنطلونات كلها وأنتا يا معتز مادام بتزعق أنا عايزة فلوس عشان أجيب حاجات للبيت
شوية ورد وبراويز وشموع بدل ما البيت فاضى كده
مونى يا حبيبتى كلمى تليفون قبل ما مولها تكلم تانى
لولا ألحقى سايبين مذاكرتهم
homos_610
May 12 2007, 02:29 PM
حرام عليكو ا عايز انام شويه
الهدوء
.:lolla:.
May 12 2007, 02:31 PM
اه والنبي يا حبيبتي يا مولها تعالي شوفيهم ازاي بيعلوا صوتهم عليا وانا الغلبانة مش عارفة بجد اعمل معاهم ايه طب انا ربي ما خلقنيش بصوت عالي اعمل ايه طيب
بتقولي ايه يا بت يا سومة ايييييييييييييييييييييييييه!! سايبين مذاكرتهم ده ايه الناس اللي ما بتجيش الا با ......... على دماغها ايه العالم دي
بت يا ريري والنبي تجيبي زنوبتك وتعالي اقعدي قدامي هنا عشان مش قادرة عليهم لوحدي يلا هنشتغل النهارده
soma85
May 14 2007, 07:02 PM
يالهوى يابنى أنتا طول النهار نايم
أقوم شوف شغلك بقى أرحمنى يابنى
أنا تعبت بقى اللى حيأكل فى طبق ولا يشرب فى كوباية يغسلها
ويلا يا بنات قموا اغسلوا
عشان الولاد حيسيقوا البيت كله
ويلا أنا حأطبخ جهزوا الأسعاف وفضوا المستشفى
Bluesy_panther
May 14 2007, 08:33 PM
صح يا سوما هو ده النظام
ولازم كل واحد يسمع الكلام بقى مش هتبقى فوضه
بس بقولك ايه يا سوما انا معزوم بره النهارده ماتعمليش حسابى
مين جاى معايا..........دى سوما هاتطبخ
homos_610
May 14 2007, 09:14 PM
ناوية تأكلينا ايه يا سوما النهاردة
مشمشه
May 16 2007, 08:53 PM
ايه ده انتو جران انتو الواحد مش عارف يقراله كام كلمه
عارفين لو مش سكتوا انا هجيب لكم جوزى
اه ده راجل و سيد الرجاله بس بيشرب بانجو على الريق بس
ايوا كده ناس مش بيجوا غير بالبخ و العو
ههههههههههههههههههه
barbiegirl
May 18 2007, 08:03 PM
هههههههههههههههههههههههههههههههههههههههه
لا احنا هنعمل صوت علشان متعرفيش تقراى ولا كلمة
ههههههههههههههههههههههههههههههههههههههههههه
soma85
May 19 2007, 05:39 PM
يلا الأكل جهز
مكرونة بشاميل وفراخ بانيه وفراخ بالطماطم وملوخية وأرز وشوربة بالطماطم ومحشى ورق عنب وشوية مخللات و بامية يلا يا حمص كل بس سيب لاخواتك
أصل معتز قبض وقال يرش رشة جريئة
بالهنا والشفا
مشمشة جوزك صوته عالى كمان
خليه يوطى صوته أحسن أحنا حنجيله مش عارفة متجوز سكرو أنتى اتجوزتيه أزاى
الحمد لله الأمن مستتب والعيال بيذكروا
مولها سيبى التليفون والله حجيلك
الفاتورة مولعة
حخلى كريم يدفعها
نيرفو أنتى فين
مشمشه
May 19 2007, 06:09 PM
انتو لككم مدايقين من جوزى ليه
الراجل طول اليوم نايم
لا بيهش و لا بينش
انتو اللى صوتكم عالى
سكووووووووووووووووووووت الواد مش عارف يحلم كويس منكم بقى
.:lolla:.
May 19 2007, 08:58 PM
السلام عليكم ورحمة الله وبركاته
كيف حالكم يا أهل الذمة
وما هي اخبار ابن شحيب العنتبلي؟؟
ما هذا الذي؟؟؟
monyy
May 19 2007, 09:35 PM
سومااا الاكل كان تحفة
بس بطنى بتوجعنى متعرفيش من ايه؟؟
لولا
ما هذا الكلام يا فتاه؟
ehahe
May 19 2007, 09:56 PM
ازيكوا يا أحلى ايجهاتيه فى العالم
تؤتؤتؤ
انتى عاملتيها ياسومه كده قضيتى عليهم
معلش يامونى
ازيكم ياجماعه وحشتونى خالص والله
بس معلش يالولا حخلى سومه تعمل لك التورته ونأكلها للولاد واحنا نشترى من بره
يلا كله معايا هابى بيرث داى تو يو هابى بيرث داى تويو لولا
هووووووووووووووووووووووف
homos_610
May 19 2007, 10:38 PM
اسراء
ازيك والله المنتدى مش حلو خالص من غيرك
ويارب تخلصي امتحاناتك على خير وتكللي مجهودك بالنجاح والتفوق ان شاء الله
شفتي سومة عملت فينا ايه انا كمان بطني مش مظبوطه خاااااااالص
.:lolla:.
May 20 2007, 09:32 AM
لا لا بلاش سومة والنبي مش هستغنى عن روحي مش شايفة عملت في الولاد ايه
اسراء يا حبيبتي انزلي انتي وحمص واشتروا تورته وياريت تكتبوا عليها اسمي ولا اقولك اعمليها اتنين وما تنسيش المشاريب
والكادو يا ريت ما تنسوش الكادو يا اخوية انت وهوا ولا انتوا فاكرينها سايبه يعني
ومفيش حد يقولي كل سنة وانتي طيبة الا ويكون شايل في ايده حاجة كده تفرح قلبي
يلا يلا اشتغلوا
موني تعالي هنا عايزاكي في موضوع على انفراد
amedo_dolaviga
May 20 2007, 12:12 PM
ايه يا بت انتي وهي
مالكم كده ...محدش مالي عينكم ولا ايه ...يعني عشان انا كنت مسافر اسبوعين كده ارجع الاقيكم عاملين وش
بت يا خوخه هاتي لي الغدا لحسن جاي خلصان
ولا يا حمدي جهز الكومبيوتر عشان نلعب شويه ونقوم نذاكر
.:lolla:.
May 20 2007, 12:17 PM
الحمد لله على السلامة يا اميدو (وبعيط) شفت اخواتك عاملين فيا ايه وكلهم عمليا يزعقوا عليا وانا يا عيني مش قادرة على حد فيهم غلبانة اوي بينهم
شفلك حل معاهم انا بجد خلاص مش قادرة اهىء اهىء
amedo_dolaviga
May 20 2007, 12:19 PM
لا ازاي يا لولا
تعالي على جنب كده وقوليلي مين اللي زعلك وانا اقطملك رقبته
ومحدش هيزعلك تاني
.:lolla:.
May 20 2007, 12:21 PM
حم حم حم اهىء اهىء حمممممد حممممممم حممممممممممدتشي اهىء اهىء وحم حم حم حمممم حممممممممص اهىء اهىء و كلهم ما عدا البنات الشباب بس
حتى اس اس اس اسأل البنات اهىء اهىء
amedo_dolaviga
May 20 2007, 12:23 PM
ونفرض انك مش بتكدبي
مقولتيش السبب يعني؟؟؟
انا بقولك احكي لي كل اللي حصل
.:lolla:.
May 20 2007, 12:25 PM
بكدب ؟؟؟؟؟؟؟؟؟؟؟؟؟؟ اهييييييييييييييييييييييييييييييييييييييييييييييييييييييييء اهيييييييييييييييييييييييييييييييييييء مش شاشا شا شا شايف ان ان ان ييي
مش مش قادرة احكي
اس اس اس اسأل البنات اهىء اهىء بتشك فيا يا احم احم احمد!!
amedo_dolaviga
May 20 2007, 12:27 PM
اصلي مش هصدق ان الناس كلها تزعلك
ازاي يزعلوكي وهما بيحبوكي وانتي اختهم ؟؟؟
انتي تصدقي كده؟؟؟
.:lolla:.
May 20 2007, 12:30 PM
(ايه الوقعة دي؟! بوشوش نفسي) اهىء اهىء هما كده قدامك بس من وراك بيعملوا العمايل اهىء اهىء وبعدين روح اسأل البنات انت ليه بتزعق عليا هوا انا ناقصة
خلاص انا هروح اتخمد قصدي اناا نانانانه انام عشان هصحى اذاكر واللهي انا اللي مظلومة بينكم
amedo_dolaviga
May 20 2007, 12:33 PM
لا محدش يقدر يزعلك اصلا يا هاله
روحي نامي بس تلاقيه كان حلم (كابوس) محدش زعلك حتى انا سألت موني وخوخه وقالولي محدش زعلها دي كانت نايمه وصحيت تعيط
كملي نوم ومتخافيش
يلا تصبحي على خير يا لولا
.:lolla:.
May 20 2007, 12:38 PM
قصدك ايه؟؟! اني ابتديت اخرف يا لهوي سامعين يا بنات قال انا بتكلم وانا نايمة وبعيط وانا نايمة قال كابوس قال
انا هروح الم هدومي وسايبة البيت خلاص انا ما بقاليش قعاد هنا اهىء اهىء تعالي يا بت يا خوخة انتي وموني نهاركم مش فايت
مشمشه
May 21 2007, 05:47 PM
اوعى تروحى يمونى لانتى و لا خوخه
ايه ياميدو سيب لولا فى حالها ظامينها كلكم ليه براحه عليها
دى زى الورده الجميله اللى قربت تدبل منكم
انتى يلولا روحى اطبخى و نضفى البيت و حمى العيال و روحى زورى حماتى و نضفى العربيه يالا
واقفه بتبصى عليا ليه
.:lolla:.
May 21 2007, 06:10 PM
احم احم (بصوت واطي طبعا) حبيبتي مشمشة بلاش تتكلمي معايا كده قدام الشباب يعني مش حلوة في حقي
لا مش رااايحة يختي روحي واعملي كل حاجة بنفسك هوا انا السيرلانكية بتاعتك ( وحياى جوزك بلاش البصة اللئيمة دي)
aboud_500
May 22 2007, 06:13 AM
صباحوا (بأولها وانا مدايق علشان خطيبتى عطيات سبتنى)
هوا انا كل لما انم شوية تصحونى على زعيئكم
فيييين الاكل علشان انزل
spiritlegend
May 22 2007, 10:04 AM
نازل من السرير (عنيا متنفخة من كتر النوووووووم)
ايييييييييييييييييييييه دااااااااااااااااااا (بصووووووووووووووووت عالي) انتو كل شوية تعملولي خناقة الللللللللللللللللللللللللللللله ايه دا مفيش حد في البيت هنا بنام كويس
انا جعان اوي عايز اتسمم
عبود والنبي خدني معاك في طريقك وياريت تركبني على حسابك ها لانو اخوك مفلس (جيبتي مليانة)
soma85
May 22 2007, 06:47 PM
هههههههههههههههههههههههههههههههههههههههههههههه
بلاش تتعاركوا يا بنات
أنا أقوم أحضر الأكل بس الولاد هما اللى جانوا على نفسهم
نولينى الملح الأنجليزى يا لولا
الله رايحة الأكل خطيرة
ومش تزعلى يالولا كل سنة وأنتى طيبة وبصحة وسلامة كده
وعقبال مليون سنة
تورتة من عند لابور لاحلى لولا
ولا تزعلى نفسك خالص
barbiegirl
May 22 2007, 11:32 PM
الله يكون فى عنا انتى اللى هتاكلينا ولا اية يا سومه
يعينى عليا
ههههههههههههههههههه
.:lolla:.
May 23 2007, 08:51 AM
حبيبتي يا سومة بموت فيكي والله انتي الوحيدة اللي فاهماني والله بجد بموووووووووووووووووووت فيكي انتي عارفة انتي اقرب مني ليا بجد
سومة بقولك ايه يا عمري يا حياتي يا قلبي (بصوت واطي وماسكاها من ايدها) عايزة 200 جنيه ضروري دلوقتي والنبي يا سومة اوعي تقولي لا انا عارفاكي مش هتقدري ترفضيلي طلب مش كده يا قلبي
soma85
May 24 2007, 03:19 AM
أه منك يا لولا يا حبيبتى بتمسكينى من أيدى اللى بتوجعنى عشان عارفة أنى هبلة كده وبحبك أوى وبموت فيكى وما أقدرش أرفضلك طلب
خدى يا لولا 500جنيه
ولو عاوزة أى حاجة أطلبى مش تتكسفى أبدا يا حبيبتى
بجد أنتى عسل
.:lolla:.
May 24 2007, 11:11 AM
امووووووووووووووووووووووووووووووووواه حبيبتي يا سومة واللهي طول عمري بقول انتي اللي فيهم
طب بقولك انا هروح اغير هدومي وعندي مشوار صغنن مش هغيب يعني كتير هيا 3 ساعات اوكي يا قمر هاتي بوسة بقى
soma85
May 25 2007, 01:33 AM
مووووووووووووووووووووووووووووووووووووه
بس أوعى تتأخرى يا حبيبتى بره
أحسن الولاد يكسروا البيت على دماغى
وهاتيلى حاجة حلوة وياريت تكون جوافة
molha2002
May 25 2007, 04:20 PM
يا عياااااااااااااااااااااااااااااااال وحشتوني موووووووووووووووووووت موووووووووووت أزيكم عاملين أيه أنا بقالي يومين بذاكر
homos_610
May 25 2007, 07:23 PM
يااااااااااااااااااااااااااااااااه فينك يا مولها
حمدلله على السلامة
وحشتينا كلنا
يلا هتعملي لينا ايه النهاردة على الغداء
Bluesy_panther
May 25 2007, 08:17 PM
روحى يا مولها كملى مذكره........وشكلك يا حمص انت الى هاتعمل الغداء
يلا معلش بقى احنا شايلين البيت عقبال مايخلصوا امتحانات
لازم نساعد برضه................
soma85
May 26 2007, 01:03 AM
ههههههههههههههههههههههههههههههههههههههههههههه
ياعم روح أمال أنا بأعمل أيه
وحشينى يا مولها أوى أوى
الولاد ياريت يرحوا ينظفوا حجراتهم الأول قبل ما يتكلموا
molha2002
May 26 2007, 10:09 AM
أزيك يا حمص ويا بليزي .... مش عيب عليك يا حمص تطلب الطلب العظيـــم ده مني؟؟؟؟ طب قدر ظروفي.... مش شايف اني هلكت من المذاكرة؟؟؟؟ لكن المشكلة مش في كده.... المشكلة اني مبعرفش أطبخ (: لكن ممكن أسلقلكم بيض وفينو يبقى كده 100% ولا ايه رأيكم؟؟؟
سومة يا حبيبتي والله انتي وحشتيني أكتر.... ربنا يخليكي ليا يا حبيبتي
Bluesy_panther
May 26 2007, 10:39 AM
الله يكون فى عونك يا كريم......... ربنا معاك بقى
شكلك كده هلتموت من الجوع..هههههههههههههههههههههههههههه
وانت يا سوما..........عايزك تعملى طبق رز بلبن عشان انا بموت فيه ونفسى اكله
انا هاروح اشوف اخواتى بقى بيذكروا ولا بيلعبوا..........