بما اننا فى العام بنتكلم عن نفسينا احب اقلكوا يوم فى حياتى
واتمنى انه ميتنقلش
انا فاكر فى يوم صحيت من النوم طلعت اجرى على التليفون كلمت اشلخن مش موجود كلمت ليدو لاقيته مخمود روحت داخل اعمل فطار اديتها فول بالزيت الحار خلى بوئى مشعلل نار روحت شارب كاس فوار فدخلت نمت تانى وفجاءه سمعت
طراااااااااااااخ
قمت مفزوع من تحت البطانية (في ايه ؟؟؟)
بصيت على الساعة . . . 1:19 ظهرا (يوووووووووووووووه)
قمت ادور على شبشبي و كالعادة لقيت فردة واحدة بس
لبستها و طلعت ادور على اي فردة تانية
فتحت باب الحمام و . . (فيه حاجة لازم اعملها الاول . . ايه ياواد RO2A !! ايه ياواد RO2A !!)
الكمبيوتر افندي . . صح كده . . دست على الباور و سبته يصطبح براحته
ورحت الحمام و . . نعم ؟!! ( انتوا رايحين فين ؟؟؟ هتخشوا معايا ؟؟ استنوا هنا لما اخلص)
.
.
.
.
.
.
.
.
.
.
.
.
.
.
.
طلعت من الحمام و بعدين رح. .... ( نعم يا حبيبي ؟؟؟) الله ينعم عليك يا سيدي !!
وبعدين بقى ف العيال دي
شغلت البويلر و ظبطت مج شاي عجب
(RO2A !!)
انا : نعم !!
ماما : يا ريت بدل مانتا قاعد على النت طول النهار كده تعمللك حاجة مفيدة
انا : حاجة مفيدة ؟؟ انتي متعرفيش ان النت ده . . ده . .
ماما : ده ايه ؟؟
انا : ده حاجة جامدة !!
ماما : جامدة ؟؟ ربنا يهديك يابني . . . لأ . . ربنا يشفيك !!
انا : آآآآآآآآآمييين يارب . . صحيح ايه الخبط الي كان من شوية ده ؟؟؟
ماما : اخوك كان بيغير الانبوبة و خبطت في الارض
انا : ماتركبوا غاز طبيعي بقى . . انتوا مزهقتوش ؟؟
ماما : ده اللي قدرت عليه ؟؟ بدال ماكنت تقوم تساعده ؟؟
انا : اساعده ليه ؟ ربنا يديه الصحة . . ربنا ما يحوجه لحد
ماما (بقرف) : رووح يابني شوف انت هتعمل ايه !!
ياللا بينا بقى
DSL و مسنجر و كمبيوتر و شاي . . عايز ايه تاني ؟؟
اون لاين
وفى ياهو لاقيت
الموزه بتاعتى : انت كنت فين كل ده ؟؟
انا : اسف يا روحي كنت مشغول اوي
هي : مشغول عني ؟؟
انا : وانا اقدر برضه ؟؟
هي : مشغول بايه ؟؟
انا : كان فيه ناس كتير في المكتب
هي : ستات وللا رجاله ؟؟
انا : هههههههههه . . من ده على ده !!
هي : و طبعا انت خدت راحتك اوي
انا : ايه ده ؟ انتي بتغيري عليا ؟؟؟
هي : واغير ليه يعني ؟؟ لا انا واثقة ف نفسي اوي
انا : يا حبيبتي انا عمري ما حد يقدر ينسيني حلاوتك و حبك
هي : وهوه انت لسه شفتني عشان تقول حلاوتي ؟؟
انا : ماهو انتي مش عايزة تبعتيلي صورتك
هي : معلش يا سعيد . . احنا اتكلمنا في الموضوع ده قبل كده
انا : يبقى انتي مش واثقة فيا !!
هي : لأ متقولش كده
انا : امال تسمي ده ايه ؟؟؟ انا قلتلك على كل اسراري و كنت صريح معاكي من الاول . . كل ده مالوش لازمة ؟؟
هي : يا حبيبي انا بس خايفة حد يشوف الصورة عندك في المكتب
انا : مين يعني ؟؟
هي : يعني محامي تحت التمرين وللا فراش . . كده يعني !!
انا : ده لو حد دخل مكتبي بس من غير اذني انا اوديه ورا الشمس . .
هي : عارفه يا حبيبي
انا : طب خلاص بقى انا مش عايز صورتك . . براحتك . . بس بجد انا حزين
هي : ليه يا عمري ؟؟
انا : كنت فاكرك بتثقي فيا اكتر من كده
هي : انا هابعتهالك وأمري لله
انا : براحتك !!
(ياااااااااااااااااااااه . . دانتي طلّعتي عيني !!)
loading . . .
ايه ده ؟؟؟
فين العيون الواسعة و الشعر الحرير و ال...........
هي : ايه رأيك بقى ؟؟
انا : معقول دي انتي ؟؟ دانا افتكرتك باعته صورة منى زكي بين قوسين كداب
هي : بجد عجبتك ؟؟
انا : بجد زي القمر . . انتي كده خليتيني اش........ ارجع قصدى اتجنن
بابا
(مين دي يالا !!!)
انا : بابا ؟؟
هو : مين اللي في الصورة دي ؟؟
انا : دي صورة لقيتها على الايميل مش عارف مين اللي باعتها . . شكلها مبعوتة غلط
هو : ااااااه . . طيب . . اقفل الكمبيوتر و ياللا عشان تنزل تجيب كيس ملح لوالدتك
انا : حاضر ( احسن برضه . . يا خسارة ال3 شهور حوارات)
هو : هوه انت كنت بتعمل ايه على النت ؟؟
انا : مفيش . . كنت باشيّت
ونزلت جيبت كيس الملح وطلعت اجرى
وزى ماسمعتوا لسه هتسمعوا اليوم انهارده خلص بس الايام جايا كتير
بشكر فرقه MTM على المشاركه
وتحياتى
RO2A