غـــــــــرفة تعــــذيب المشـــرفين - أكيد الأعضاء عاوزة تنتقم

المرة دي هنعمل غرفة تعذيب المشرفين

بما أني مشـــرف اذا هنلعب ضد المشرفين
اللعبة عبارة عن خمسين سؤال لكل مشرف
قوانين اللعبة
1- يحق للعضو او المشرف سؤال خمس اسئلة فقط لا غير .. السؤال السادس لن يجاب عليه
2- يحق فقط ل 5 أعضاء أو مشرفين السؤال لنفس المشرف
يعني5 أعضاء أو مشـرفين يسال كل واحد منهم 5 اسئلة يبقي مجموع الاسئلة للمشرف 25 وبعد كده ننتقل لمشرف أخر
3- المشرف التالي هيختاره المشرف اللي كان بيتسال .
4- لا يحق السؤال طالما توجد اسئلة لم يجاوب عليها المشرف
5- لا تحتوي الاسئلة علي اسئلة تسبب احراج او تدخل عميق بالشئون الشخصية.
6- لا تحتوي الاسئلة علي أكتر من سؤال في سؤال واحد

خلاص كده خلصت شروط الغرفة


اول مشـــــــرف أختــــــاره هو مشرفنا الجميل اللي كلنا بنحبه وبنحترمه ( admin)

أبــــدا الاسئلة



1- قول مكونات البطاقة الشخصية كاملة ولو مفيش بطاقة يبقي شهادة الميلاد .
2- ايه اكتر حاجة ممكن تنرفزك باعتبارك راجل ؟
3- ايه هو الحب بالنسبة لك ؟
4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
5- هحطك في موقف واختار ايه هيكون الحل اللي هتعمله ...
( وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية


انا كده خلصت اسئلة وممنوع ان حد يسأل المشرف اي اسئلة تانية لحد ما يجاوب علي ال5 اسئلة المطروحة

فى ايه ياعم أحمد لم الدور شوية انت داخل شمال ليــــــــــــــــــــــــــة؟

المهم انا هرد عادى ماهو بقى فى 2 كرسى اعتراف فى المنتدى !!!!!!!!!

1- قول مكونات البطاقة الشخصية كاملة ولو مفيش بطاقة يبقي شهادة الميلاد .
الإسم : خالد السيد أحمد صالح
تاريخ الميلاد : 1/8/1983
مكان الميلاد : المنزلة/ دقهليه (جمهوريه مصر العربية)
مكان الأقامة : ســـــــــــوق السمك أدامه على طول
رقم البطاقة : مش مهم تعرف
الصورة بالبطاقة: طالعه حلوة الحمد لله مش تشرد يعنى أحسن من ناس كتير
المؤهل : بكالوريوس تجارة بعيد عنكم ( بس الحمد لله جيد :P)

2- ايه اكتر حاجة ممكن تنرفزك باعتبارك راجل ؟
إنى اشوف واحده ست متحكمه فى جوزها أو البنات المديلز اللى بشوفهم فى الكليبات أو ان حد شايف نفسه يفترى على ضعيف !!!!!!!!!!!!!!! حاجات كتير زمن مايعلم بيه غير ربنا

3- ايه هو الحب بالنسبة لك ؟
دا فعلا أرقى حاجا فى الوجود وعلى فكرة انا شايف انه معناه انه انك تحب الخير للناس يعنى تحب الخير للى أدامك وحتى لو واحد بيكرهك وانت عارف انه بيكرهك تقول بقى فى سرك الله يسهل له انما وهو مش موجود قطع فى فروته عادى :D وبردو لو حب عاطفى يعنى تحب بنت يعنى بردو الحكايه مش هتختلف كتير حب لها الخير وخوف على الطرف التانى ده واه بقى لو مفيش مصلحه مستقبليه بينك وبين أى حد بتحبه تبقى فعلا انسان تمام ..............



4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
يبقى انا اللى غلطان مش هو لان انت بتقول انتيم يعنى انا معرفتوش طول مدة عشرتى له يبقى العيب فيا انا مش هو وعلى ذلك مش هعاتبه ولا ألومه انا هخليه يزعل منى بأى حجه وافصل معاه .......... ومش هكلمه فى اى حاجا .......

5- وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية



لا ياحبيبى انا هاخده على جمب ويادكتور انا ماخدتش كورسات انا بذاكر بس يعنى بسبقك فى المحاضرات ( وعمرها طبعا ماهتحصل مع اى حد من طلبة مصر )
المهم لو هو اقتنع عادى خير وبركه ماقتنعش ممكن اقولها فى وشه اخبط راسك فى الحيطه بس فى الحاله دى بقى أكون كظبط نفسى ان دى أخر مرة أدخل الجامعه اللى هو فيها وربنا يستر بقى

مستنى الباقى منك لله ياللى فى بالى

سلامو عليكم موضوع روعة يا احمد يلا نبدا بقى نظبط خالد

اولا : ايه اكتر حاجة نفسك تعملها ومش قادر تعملها
ثانيا: اوصف نفسك بس مش فى ايجاز يعنى طول شوية
ثالثا : انت دخلت الكلية حب ولا مجموع
رابعا : ايه هدفك فى الحياة
خامسا : لو فى واحدة انت كنت بتحبها اوى وهى غنية وانت ظروفك مش كويسة مثلا هتعمل ايه وانت نفسك تجوزها

اولا : ايه اكتر حاجة نفسك تعملها ومش قادر تعملها ????
انا بجد نفسى أوى إنى أسافر أهاجر كمان كام سنة كدة يعنى وارجع ان شاء الله مرتاح واعيش كويس فى البلد دى لأن بلدنا بصراحة فيها حاجات تصعب على الكافر !!!!!!

ثانيا: اوصف نفسك بس مش فى ايجاز يعنى طول شوية؟
أنا إنسان الحمد لله بسيط جدا بحب الناس أوحب الناس تحبنى جدا
وافضل أن اخد كل حاجا يعنى كل موضوع من زاويتين .....
بحب الهدوء وبكره الدوشة جدا ............ بس .


ثالثا : انت دخلت الكلية حب ولا مجموع ؟؟؟؟
مجموع طبعا لأنى مكنتش ناوى على تجارة دى وكمان جبت مجموعها الانتظام بالعافية ( قال راضيين بالهم والهم مش راضى بينا ) كان نفسى أدخل هندسة بس نعمل ايه بقى قضاء وقدر.......... الحمد لله على كل شئ

رابعا : ايه هدفك فى الحياة ؟؟؟؟؟؟
هدفى ان يكون عندى استقرار فى كل حاجا ماديا ونفسيا واجتماعيا
ويكون عندى ان شاء الله مشروع كويس كبير كدة وفلوسه حلال!!!!!!!!!!
حتى مش عايز ابقى غنى بس بردو مش عايز احتاج لحد ........واهو ربنا يسهل ....

خامسا : لو فى واحدة انت كنت بتحبها اوى وهى غنية وانت ظروفك مش كويسة مثلا هتعمل ايه وانت نفسك تجوزها
هحاول اشتغل واثبت نفسى أدامها بحيث انها متندمش انها اختارتنى وكمان أثبت نفسى أدام اهلها ( ولو ربنا موفقنيش فعادى يابنى انت عارف ان الحوارات دى مش فارقه معايا والموضوع ده بالذات نصيب وقسمة زى مابيقولوا) وانا مش هنعاند نصيبى بس انتهت الخمسه بتوعك ياعم كارم!!!!!!!!

اه على فكرة انا مسحت اسئله وكلام من بعض الاعضاء كانوا كتبوا بعد كارم
من فضلكم إقرأوا شروط اللعبة دى ومحدش يزعل وخصوصا ميدو الجن لأنى مسحت أسئله له

ولو عايز تسأل فى اى حاجا انت كمان إسال انا منتظر

هههههههههه ...جامده اللعبه دى ...و خصوصا انا بحبو اوى اوى
الاسئله
--------
1-ايه اكتر شخصيه مش بتطيقها ...مش عايز اسامى بس قول تبقا عمله ازاى ...و انا بتكلم بصفه عامه يعنى مش قصدى فى المنتدى ؟؟؟؟
2-لو وحده حلوه اوى جتلك و قلتلك انا بحبك اوى و اتجوزنى دلوقتى ...و انت بصراحه حبتها لانها جميله جدا ...حتعمل ايه :] ؟؟؟؟
3-لو الموقع بقى ال20 مثلا على العالم (طبعا مع مزيد من التقدم ان شاء الله) حتعمل ايه
4-تحب تبقى مشهور و معكش فلوس ولا معاك فلوس و مش مشهور؟
5-مين اكتر شخص دمو خفيف و لذيذ ..و بتحبو فى المنتدى كلو ....(male-female) اكتب اتين يعنى

و مورسيييييي اوى
*الزعيم*

1-ايه اكتر شخصيه مش بتطيقها ...مش عايز اسامى بس قول تبقا عمله ازاى ...و انا بتكلم بصفه عامه يعنى مش قصدى فى المنتدى ؟؟؟؟

انا مش بحب الشخصية عموما اللى بتاخد فى نفسها مقلب يعنى اللى مفكرة نفسها ياما هنا ياما هناك أو عموما البنى أدم اللى عاطى لنفسه حجم أكبر من حجمه واللى يقعد يقولك انا وانا وانا .........والحوارات دى!!!!!!!!


2-لو وحده حلوه اوى جتلك و قلتلك انا بحبك اوى و اتجوزنى دلوقتى ...و انت بصراحه حبتها لانها جميله جدا ...حتعمل ايه :] ؟؟؟؟

مش عارف صراحة ساعتها هعمل ايه بس انا متهيألى عمر الموقف ده ماهيحصل معايا :D ولو حصل حتى انا هقولها ( روحى العبى بعيد ياشاطرة ) ..........
لا بجد على فكرة الجمال مش كل حاجا ممكن تكون جميلة جدا وهطله ( سورى فى اللفظ يعنى) أهم حاجا المستوى الفكرى مش الجمال بس وكمان فى حاجا مهمه ألا وهى ((جمال الروح)).................

3-لو الموقع بقى ال20 مثلا على العالم (طبعا مع مزيد من التقدم ان شاء الله) حتعمل ايه ؟؟؟؟؟؟؟؟

حلو السؤال ده ياحمـــــــــاده
لو ده حصل فعلا انا هكون سعيد جدا جدا وهبقى عايز الناس كلها تعرف ونتشهر بقى
وانت ساعتها ياعم تقول انا مشرف فى منتدى ترتيبه العالمى 20 ( وعلى فكرة احنا ترتيبنا ناو 80 الف وده كويس جدا احنا الحمد لله لسا مش بقالنا شهرين وده إنجاز وربنا يسهل ونتقدم كمان وكمان ...........

4-تحب تبقى مشهور و معكش فلوس ولا معاك فلوس و مش مشهور؟

ابقى مشهور ومش غنى أفضل عندى بكتير ( الصيت والا الغنى ياباشا )
وانا الحمد لله مش مادى ويارب الواحد يعيش مستور طول عمره.......

5-مين اكتر شخص دمو خفيف و لذيذ ..و بتحبو فى المنتدى كلو ....(male-female) اكتب اتين يعنى؟؟؟؟؟؟؟؟؟؟؟

كتير بصراحه ومعلش انا همتنع عن إجابة السؤال ده عشان محدش يزعل منى !!!!!!!!!!!!!

شكرااا خاص ليك ياحمد على هذا الموضوع وشكراا للاصحابوا اللى موتوا خالد من الاسئلة وحان دورى مش اسئلة صعبة ولكن كويس واصل خالد حبيب قلبى

اول سؤال متوقع مين اللي يسألك ......ومين اللي مش هيسألك..؟؟

السؤال الثانى لو يعنى افتراض انتا ماشى معا ناس اصحابك وحبيت ترسم وتعاكس وحدة يعنى احنا بنفترض وضرتك بالقلم والناس اتلمت حوليك اية هيكون شعورك فى ها الموقف ارجو الرد؟؟؟

السؤال الثالث في دلوقتي حركه غريبه في المنتدي ؟؟عارفها؟؟

السؤال الرابع ليه اطلقو علي المليون جنيه ارنب ؟عاوزه اجابه منطقيه ؟

السؤال الخامس امتى عيونك بكت من غير دموع؟


كان نفسى اسئل اكتر من كدة انا مستنى اللحظة دى من زمان بس دى اصول اللعبة سلام ياحبيبى :36_13_3:

اول سؤال متوقع مين اللي يسألك ......ومين اللي مش هيسألك..؟؟

يعنى هو اللى كنت متوقعهم المرفين طبعا عشان هما بقى هيتعذبوا بعد فبيقولك بقى نعذبه عشان اكيد هيعذبنا بعد كدة ....................... انما انت مكنتش متوقعك :P

السؤال الثانى لو يعنى افتراض انتا ماشى معا ناس اصحابك وحبيت ترسم وتعاكس وحدة يعنى احنا بنفترض وضرتك بالقلم والناس اتلمت حوليك اية هيكون شعورك فى ها الموقف ارجو الرد؟؟؟

انت بتقول ايه ياعمنا اساسا ساعه ما واحده تفكر كدة هتكون أخدت قلم على شوها ونامت فى الارض او أغمى عليها....... لا وعلى ايه أنا كدة بهزأ نفسى لما اعامل واحده بهذا الاسلوب بس عموما انا صعب إنى احط نفسى فى موقف من ده لأن الشخصيه اللى من النوع ده انا مش بحب اتعامل معاهم ومش بحب أعرف حد منهم وانا اساسا مش بعاكس حد ياباشا

السؤال الثالث في دلوقتي حركه غريبه في المنتدي ؟؟عارفها؟؟

أعتقد انها تزايد الاعضاء والحمد لله انا بشكر ربنا على الحكايه دى ويارب نفضل على كدة

السؤال الرابع ليه اطلقو علي المليون جنيه ارنب ؟عاوزه اجابه منطقيه ؟

اعتقد ان صفة الارانب اطلقت على الفلوس والمليون بالذات ليه.....
لأن الى بيبقى معاه مليون من السهل انها تتضاعف وتبقى 2 و 3 وهكذا......
ولاده يعنى ممكن تزيد بسهوله بس دا طبعا لو عرفت توصل للمليون الاول فا انت كدة ممكن توصلهم ل2 و3 ............ بس ع الله يكونوا من حلال

السؤال الخامس امتى عيونك بكت من غير دموع؟

انت قلبت المواجع ليه ياسيد
يمكن الوقت اللى زعلت فيه جدا ( هو يوم وفاة ابويه ) الوالد :S
الله يرحمه


شكرا على اسئلأتك يامان ومنتظر هلى لسا فى بعد كدة والا اؤشح حد بعدى ممكن اللى حط المسابقه يوضح

لا لا ....تقريبا كده كفايه .....
ممكن نشوف حد تانى يا شباب.....

*الزعيم*

جالك حبيك يا خالد جالك حبيبك اللي هيزبطك اللي هيدلعك اللي هيلاعبك على الشناكل

وصباح الكوسة والباشميل وبدعي ربنا ان من اسئلتي ما تتشل

اولا احب اقول للأعضاء ان خالد ده يا جماعة صاحبي وحبيبي وكفاءة

بس طبعا لازم ننكشه شوية علشان نعرف نعيش معنى الصداقة الحقيقة سوا

وجهز نفسك يا باشا لأحلى 5 اسئلة في حياتك

1

2

3

lets go

1- طبعا اكيد حضرتك بتاكل يا خالد بس معرفش بقى مفجوع ولا ايه نظامك المهم بقى
بتشرب ميه وانت بتاكل؟؟؟؟؟؟؟؟؟؟؟؟؟؟؟؟؟؟؟

2- تخيل نفسك كنت بتحلم انك رئيس الجمهورية وصحيت من الحلم لقيت نفسك في الحقيقة
وواقف على المنصة وبتخطب في الناس... يا ترى هتعمل ايه وهتقولهم ايه؟؟؟؟؟؟؟

3- كنت ماشي في الشارع ومن غير زعل واحد جيه واداك طراااااااخ على قفاك وقلك ازيك
يا محسن يا حبيبي فينك من زمان يا راجل... هتعمل يه ساعتها فيه؟؟؟؟؟؟؟؟؟؟

نخش بقى في اسئلة حلوة شوية وجميلة وبلاش تهريج كفاية عليك كده

4- ايه مواصفات شريكة احلامك من حيث الشكل والأخلاق وكده كل حاجة يعني؟؟؟؟

5- مين هوا مثلك الأعلى في الحياة....ومين اكتر شخصية عامة بتكرهها في حياتك


وارجو تكون اسئلتي خفيفة عليك يا لورد انت عارف معزتك عندي عاملة ازي

ده انا بحبك موووووووووووووت وواضح من اسئلتي اهوه

وفي انتظار الأجابة يا حبي

اخوك: شريف

إيه ده انت فعلا بتحبنى أوى ياشريف ;)

1- طبعا اكيد حضرتك بتاكل يا خالد بس معرفش بقى مفجوع ولا ايه نظامك المهم بقى
بتشرب ميه وانت بتاكل؟؟؟؟؟؟؟؟؟؟؟؟؟؟؟؟؟؟؟

أول سؤال نظام أر ........أمسك الخشب ياعم اللى جمبك .......... ع العموم انا مش بشرب أثناء الأكل ........ ولو أنه سؤال غريب !!!!!!!!!!!!!!!!!

2- تخيل نفسك كنت بتحلم انك رئيس الجمهورية وصحيت من الحلم لقيت نفسك في الحقيقة
وواقف على المنصة وبتخطب في الناس... يا ترى هتعمل ايه وهتقولهم ايه؟؟؟؟؟؟؟

هكلمهم بكل تقدير واجلال واحترام وهقولهم اشتغلوا ياجماعه واتعبوا وجدوا فى عملكم وان شاء الله على مقدار تعبكم هتلاقوا فى الاخر ........................... محدش بياكلها بالساهل احنا كدة اشعب لمصرى عايزين ناكلها جاهزة وعلى طبق من دهب والواحد منكم يخلف 10 ومش عارف يأكلهم ........... دا كلام ياشريف.... بقى دا اسمه كلام ( مانت بقى مدير أعمالى ) :P .........

3- كنت ماشي في الشارع ومن غير زعل واحد جيه واداك طراااااااخ على قفاك وقلك ازيك
يا محسن يا حبيبي فينك من زمان يا راجل... هتعمل يه ساعتها فيه؟؟؟؟؟؟؟؟؟؟

ِشوف إجابة السؤال اللى فوق فى أسئلة ( سهر الليالى ) ........!!!!!!!!!
يابنى انا مش بعرف حد من الاشكال دى :P اللى احط نفسى بسببها فى موقف محرج من ده ............. دا مش موقف محرج كمان دا موقف أليم ........ موقف عصيب ..........طعمه وحش.........

4- ايه مواصفات شريكة احلامك من حيث الشكل والأخلاق وكده كل حاجة يعني؟؟؟؟

يعنى أهم حاجا تكون جميله الروح ( وجميله مظهرا طبعا دى مؤبد ياباشا )
وتكون بنت حلال وبنت ناس وطيبه كدة وشطورة ومبتسمه وبتعرف تطبخ ( المحشى بالذات ) ورمانسيه كدة تفهمنى من غير ماتكلم ........... بسكفايه بقى كدة :$:$:$:

5- مين هوا مثلك الأعلى في الحياة....ومين اكتر شخصية عامة بتكرهها في حياتك

والله يابنى صعب انك تلاقى حد تاخده مثل أعلى اليومين دول...........
بس لو كلنا نمشى كدة على حسب شريعة ديننا كويس ان شاء الله مفيش حد هيلاقى مشاكل........
أما الشخصيه اللى بكرهها فااأنا مش بكره حد ومش بحب أأذى حد الحمد لله
بس يمكن هما اليهود بس مش بحب اسمع سيرتهم .........
مع إنى معاشرتش حد منهم ومش عايز اعاشر00000
000
00
0
شكرا على أسئلتك ياعمونا حلوة لك يوم ان شاء الله .......:):D:

موضوع جميل يا خالد

vito

والله لعبه حلوه