بصوا يا جماعة انا بجد من اشد المعجبين بتامر حسني

كمطرب وواحد صوته حلو واحساسه عالي جدا اوك مفيش مشكلة

بس انا لسة من شوية كنت بتفرج علي حفلته علي ميلودي بتاعة الفلانتين

اللي فات وبجد انا شوفت اللي بيحصل واللي ناس بتعمله ايه دة وايه اللي البنات والولاد

بيعملوه دة فين ابهاتهم وامهاتهم ياجماعة احنا نسينا ان دة انسان زيينا ولا ايه

وايه البودي جارد دول دول ولا حرس الرئيس بجد انا اتخنقت اوي من اللي بيحصل

وعيب علينا اننا نعمل كدة البنات والولاد اللي بيعيط واللي هيموت ويلمس ايده واللي بنط عشان يحضنه


ايه دة بجد يا جماعة انا متغاظ من اللي بيحصل دة والحفلة كانت مافيهاش تنظيم ولا نظام خالص


عالعموم احب اسمع رايكم في اللي بيحصل دة سواء متفقين معايا في الراي او معارضين في الراي

فعلا والله يا سولى موضوع يدايق علشان اية كل دة وكمان الى بيعيطوا دول ومش بنات وبس وولاد كمان والله العظيم حاجة تكسف

أنا متفق معاك تماما
وبجد دى موش سلوكياتنا ولا عادتنا
مهما كان تامر حسنى حلو وأغانيه جنان
بس كدة أوفر أوى

وانا كمان زر رئيكوا
اساسا المفروض ان الواحد بيسمع الاغنيه اللى بتعجبه بغض النظر عن اللى بنغنيها
لكن انهم يركزوا على المطرب ويسبوا الكلام ده غلط
يعنى مش فاهمه يشتم فى البنات وحرقه دم ولو وقفتى على اديكى
يعنى انا كمان بسمعه بس مش اى كلام وخلاص يتسمع
ده مجرد مغنى مش نبى

راحت ايام احمد عز وجت ايام تامر حسنى

طبعا رأيى زى اللى سبقونى

انا مش هقول حاجا طبعا موافقكم في الراي بيتهيالي اللي بيعمل كده بتبقي من كتر ما دماغو فاضية اوي اوي اوي

اه فعلا معاك حق يا اسلام الحفلة مكنتش منظمة خالص واتغظت اوي من البودي جاردز ولا الجمهور بجد حاجة تنرفز
جايز عشان وحشهم اوووووووووي بس يرضه نرجع نقول ان اللي حصل كان فوق المعقول
مرسي ليك يا اسلام

الحوار مش حوار حفله منظمه او لا

الحوار هنا فى الشباب
الولاد والبنات اللى هايموتوا ويسلموا على تامر حسنى
اللى همهم الاول انهم يطلعوا جمبه ويسلمو وياخدوا حضن ههههه

اوك تامىر صوتوا تمام واحساسوا عالى
لكنه فى الاول والاخر انسان مثله مثلنا

لو هانموت ونشوفه متهايقلى الاولى نموت ونشوف ربنا ؟؟؟؟؟ ( باعمالنا )

ويا جماعه لو عايزين نشكر فنه واحساسه فيه كذا طريقه
مش لازم اطلع اقولهالو فى وشه

وحاجه بقى للبنات
لو هو اتجوز هيبقى بالنسبالكم ايه :P:P:P

والله ماحتفرق ياعمرو اتجوز ولا لا انت بتسمع صوت بغض النظر عن مين صاحبه