بسم الله الرحمن الرحيم


السلام عليكم ورحمة الله وبركاته.............



ده يمكن اول مواضيعى بس ربنا يستر هو عنوانه المرأه

المرأه

هذا التوبيك راى شخصى انا ارى ان المرأه مخلوق غبى وفى بداية كلامى احب ان اعرف الجميع ان لكل قاعدة ولها شواذ وانا اؤمن ايمان تام بهذه القاعده...

قولت ان المرأه مخلوق غبى لا اعيب فى خلقها ولكنها كذالك وتتحلى بالذكاء عندما تقوم بتقليد الرجل او تقتضى بتصرفاته وهذا ارجل قد يكون والدها او اخوها او حبيبها اوزميلها او انسان اعجبها تصرف له وبالنسبة للاخلاص فان المرأه تخلص للرجل كثيرا وقلما تخلص لمرأه مثلها
صراحة هذا لم يكن رائى من البدايه ولكنى فى مرحلة الجامعة رأيت كيف يعامل زميلاتى بعضهن حتى فى النت كنت فى منتدى سابق ورايت الحقد والغيرة بين بنات النت....
حتى النت ما هذا المخلوق سمعت ذات مره ان اكثر اهل النار من النساء ياااه كمان عندما يقول بعضهن ان الرجله غدارين ولكن غدر بعض الرجال انتقاما نا المرأه...
كم من البنات نراهم سفله خاسئين كثيرون ساقوم بطرح سؤال كيف هو الحال عندما ترى انثى جميله تشرب الشيشه كيف هو الحال اذا رأيت انثى عايزه الولعة ترتدى ثيابا انت يا رجل تخجل منه كيف هو الحال اذا اردت ان تتعرف على انثى تطلع عين اهلك فى الاول وبعد كده نظام تنفضلها تلزقلك يشتغل
اين البساطه التى يفتقدها معظم بنات اليوم واذا اردت بنت اعجبتنى قالو انها معقده هذا ما يقال عادة على البنت الذكيه واللواتى يقولون ذالك من هن اقل منها ذكاء بالطبع
ارى هذه المخلوقه شيطانه كبرى
وفاجئه جاء فى تفكيرى هاتف يقول وكيف هذا هذه لم تكن طريقة تفكيرك من قبل ماذا دهاك قال لى انسيت ان امك امرأه وانت تعرف كيف هى مهما تكلمت عنها فان توفيها حقها انست ان خالاتك كذلك ولا يختلفون عن امك ..........
انسيت ان حبيبتك انثى انسيت ان الممرضات ملائكة الرحمة من ينزعون من المريض الالم اناث .... كنت على وشك ان اتكلم ولنه قال لى انال معك انا المرأهمخلوق صعب تصنيفة ولكن صادفك الحلو وال <واللى يعلم بيه ربنا > ولكن تذكر ان المرأه هى المجتمع كله فغضبت فقال لا تغضب انها نصف المجتمع فتمتمت فى سرى النصف الفاسد طبعا وقلت له نعم هى النصف فقال لى عى ايضا من تربى وتعلم النصف الاخر فعلا هى من علمتنى ولربتنى هى الحب الاول فى حياتى ولكن الذى يحدث اليوم لا تعليق علي نقف مكتوفى الايادى لا لابد ان نأخذ موقف

ولكن كيف ؟؟؟؟؟؟؟؟؟؟؟؟؟؟؟؟؟؟؟؟


تم غلق الموضوع

بص انا ليا تعليق على موضوعك اولا المرأة غبية فى بعض التصرفات وبعض الاحيان لكن ليس دائما تكون غبية نقدر نقول ان البنات اللى فى سن الشباب ليهم تصرفات جنونية او نقدر نقول سن شباب او سن مراهقة
انما لو جيت تبص على البنت بعد مرحلة النضوج هتلاقيها ليها فضل كبير على الواحد مننا
انت مثلا الست او البنت دى تبقى اختك اللى لما بتكون تعبان او متضايق بتقف جنبك
الست دى تبقى امك اللى ياما شالت عنك كل حاجة وحشة
الست دى هتبقى فى يوم مراتك اللى تصونك وتحبك واكيد هتحبها
الست او البنت دى هتبقى فى يوم بنتك او عروسة ابنك اللى تحب تشوف فيها اللى انت ممكن مش تكون شفته
الست دى حاجة كبيرة اوى فى حياتنا ومتنساش ان ربنا خلق حواء من ادم
وبرضه زى ما فى بنت مش كويسة او سلوكها غير لائق اكيد هتلاقى واحدة تعرف ربنا ومتدينة
انا عن نفسى مش بحب الاجماع بالنسبة لمجتمع كامل لان زى مافى الحلو فى الوحش فى اى حاجة حتى
احنا كشباب فى مننا الحلو وفى مننا اللى مينفعش تبص فى وشه من تصرفاته واخلاقه
وده كان رأيي واسف على الاطاله

الله يخرب عقلك

هتكرة البنات فيك يااحمد :D

عموما هو كلامك فية كتير من المنطقية خصوصا ان المراة بتعقل قوي لما بتقتدي باحد الرجال اخوها جوزها حبيبها صاحبها اي رجل

وزي ماقولت بردة لكل قاعدة شواذ عشان مننضربش

عايز اقول ياجماعة ان التوبيك اللي بيبقي علية امضاء احمد بيبقي توبيك جامد جدا لانة بيبقي من وحي خيالة الادبي هو شخصيا وليس منقول كعادة معظم اعضاء هذة الايام

الي الامام يابوحميد وربنا يوفقك ياحبي

لا ياحبى مافى بينا اسف
بس انا اقرى التوبيك كويس انا تقريبا قايل نفس كلامك ده
وبعدين انا قولت ان لكل قاعده شواذ
وبعدين انا معظم كلامى عن بنات اليوم مش
الست
الست دى امى

بالنسبهللغيره فانا عن نفسى كل صحابى ماشاء الله اللى اعرفهم مش كده وانا ليا كذا واحده منهم مولها ونيرفو وخوخه ونانوس وريرى وهونى كوين وددول اللى على بالى دلوقتى
عمر ما شفت بينهم كده ولو ده موجود فعلا بس مش هنا فى المنتدى


عايزه اقول لحضرتك بس ان انهارده انا كنت فى جمعيه وكان فيها بنات
وكل همهم ازاى يعملوا حاجه يرضوا بيها ربنا وان ازاى ربنا يستخدمهم فى الخير من اول الايتام لحد المسنين
وبيشتغلوا بمجهوداتهم الذاتيه
وكان حماسهم ممكن مش تلاقيه فى القدوه الراجل او الزوج اللى حضرتك بتقول عليهه
يعنى لو مفيش راجل وواحده طلعت يتيمه واخواتها بنات احتمال تبقى وحشه على كده
لكل قاعده شواذ بس برضه الاولاد اصخم
ولو مش مصدقنى يكفى انك بس لو فى مشوار وركبت مواصله اسمع الولاد بيقولوا ايه او بيفكروا ازاى صدقنى حتحزن جدا لما اللى حيبنوا مصر او بلاش الكلام الكبير
خليها اللى حيبنوا اسره يكونوا بيفكطروا كده
وللحق فى من البنات والولاد يستحقوا القتل شنقا ورميا بالرصاص بس ربنا يهديهم فمش تركز على البنات بس انا لو حتكلم على الولاد مش حيكفينى صفحات
وممكن تكتفى بس بصفحه الحوادث
واسفه على الاطاله

مليش تعليق الحقيقه يا كازانوفا

لكن ميرسي علي التوبيك الهايل

زميلاتك فى الجامعه والبنات اللى انت شفتهم فى المنتدى التانى
او البنات اللى انت اتعملت معاهم فى حياتك كلها أيا كان عددهم
مش مقياس يخليك تحكم على المرأه بأنها غبيه فضلا على انه مش من حقك
تعمم الكلام أساسا يعنى
لك حريه التعبير عن رأيك ولكن يجب عليك احترام مشاعر الآخرين

حبيبتي اسراء وكل اللي اشتركوا في الموضوع ده بقولهم شكرا.... اما بالنسبة لكلام الأخ أحمد.... طبعاً انت عارف ان كل البنات هيهاجموك وبما اني الزعيمة بتاعتهم فلازم أتكلم بأسمهم كلهم...

أخي المحترم: المجتمع مقسوم اتنين زي ما ذكرت (نساء ورجال) تقدر تسأل نفسك ليه ربنا مخلقش رجال بس؟؟؟؟ ما دام انت بتقول ان الستات هما الفساد اللي على وجه الأرض؟؟؟؟ لأن ربنا حكيم وأحسن مني ومنك ومن اي مخلوق في الدنيا .... زي ما في نساء كويسين في مش كويسين وزي ما في نساء مش كويسين في برضو رجال مش كويسين.... الست مش غبية زي ما انت بتقول ، الست في العادة بتمشي ورا مشاعرها ودي فطرة في اي بنت ربنا خلقنا بيها وده اللي يمكن تقول عليه انت غباء واللي عمره ما بيتفسر كده ، بيتفسر بطيبة القلب والحنية ....عارف ربنا قال علينا ناقصات عقل ودين ليه؟؟؟ لأننا في اوقات كتير مبنحكمش عقولنا بنحكم قلوبنا... لكن ده مش معناه غباء.... تقدر تقولي من غير والدتك كنت هتيجي انت الدنيا دي ازاي؟ من غير مراتك كنت هتخلف انت ازاي؟ من غير الإنسانة اللي بتقول عليها حبيبتك هتقدر تعيش من غير مشاعر الحب دي أزاي؟ لو بتفسر المشاعر بأنها غباء يبقوا كمان الرجالة أغبياء.... تقدر تقولي الرجالة اللي بيخونوا مرتاتهم دول ايه؟؟؟ وليه؟؟؟؟ انا ياما قرأت قصص وحكايات وشفت ناس عمرها ما قصرت في حق ازواجها لكن برضو الزوج بيرجع يخون او يتجوز عليها.... تقدر تفسر ده بأيه؟ ذكاء؟؟؟؟؟؟؟؟؟!!!!!!!!!! تقدر تقولي ليه الراجل بيجرح واحدة حبته بجد وضحت بكل حاجة علشانه؟؟؟؟ ذكاء؟؟؟؟!!!!!! تقدر تقولي ليه الراجل بيتعدى على واحدة في الشارع أو طفلة برئية؟؟؟؟ ذكاء؟؟؟؟؟؟ !!!!! فسرلي كل الأمور دي ..... تقدر تقولي ايه لازمة الشيشة اللي بتتكلم عنها دي سواءاً للرجال ولا للنساء؟؟؟؟؟؟ ليه غلط البنت تشربها والراجل لأ؟؟؟؟؟ الخمرة والمخدرات والسجاير وده كله مستنكره على البنات ومش مستنكره ليه على الشباب؟؟؟؟ هل هو ده الغباء اللي في البنات؟؟؟؟

أما بالنسبة للحسد والغيرة اللي بتتكلم عنهم فزي ما قالت صحبتي وحبيبتي اسراء.... احنا كلنا أصحاب وعرفنا بعض من النت وعمر ما في واحدة غارت من التانية بل بالعكس كلنا بنحب بعض قوي وأكتر من أخوات....

أخي المحترم عيزاك تعرف حاجة واحدة بس ان ربنا زي ما خلق الخير خلق الشر والشيطان موجود مش بيوسوس للنساء فقط هو بيستخدم النساء وسيلة لإيقاع الرجال وكمان بيوسوس الرجال ومنقدرشش ننكر ان في بنات قمة في الإحترام ومش هقول الذكاء لأن الذكاء موجود في كل البنات الحمد لله ، وهقولك جملة أفهمها كويس " أكتر انسان غبي هو اللي يفتكر اللي قدامه غبي" حاول متبقاش ضد طبيعة خلقها ربنا وتسميها غباء

ومتقدرش تنكر ان في نساء كتيرة من العظماء وبيتقلدوا مناصب كبيرة قوي في الدول ومأعتقدش لو كانت المرأة غبية كانت وصلت لده كله وواكبت التطورات وتقدمت وفاقت الرجل.... فكر في ده كله وأعرف ان زي ما قالت lux1 ان تجربتك الشخصية حاجة مينفعش تعمم على نصف المجتمع (النساء)

وشكر ا ليك

بجد أنا ما كنتش مصدقة أن الكلام ده كاتبه بصحيح
يعنى مش بتهزر
على فكرة أنا بعد اللى قلته مولها وايهاهى ولوكس
مفيش حاجة أقولهلك
لان الغباء نابع منالموضوع
ولا تعليق

اسف لانى اتأخرت فى الرد
بس انا نظرتى صح
لان اعتقد اخواتى اللى ردوا على الموضوع مفهموش الاسلوب اللى انا استخدمته ده اسلوب كتابه الكاتب فيه بيكون له رايين رأى بيقوله عن لسانه وراى بيقوله عن لسان هاتف فى دماغه بس هو رايه فى النهايه برضه
احى من كل قلبى كل بنت ردت على الموضوع
وبعدين انا دايما ليا ثغره بنفد فيها وهى لما قولت ان كل قاعده لها شواذ وقولت كمان ان عندى ايمان كامل بالقاعده دى لدرجة انى طبقتها على نفسها كتير مش هيفهم كلامى انى طبقتها على نفسها المهم انا عممت القاعده دى على الرجال والنساء وكل شئ
معاكى يا أختى الكريمة ان فيه شباب عايز الحرق وماشى يحب دى ويعاكس دى و........... دى الخ.....طبعا .؟
بس انا بتكلم عن المرأه فى موضوعى ده مش معنى كده انى بطلع الرجاله ملايكه لاء طبعا
وكنت قريب هكتب توبيك اسمه الرجل

المهم
انا على لسان الهاتف اللى هو الفكر التانى ليا برضه مدحت المرأه بما فيه الكفايه واعتقد ان اللى انا بمدحها دى هى شواذ القاعده يعنى اى واحد شايفه نفسها مش كده تعتبر نفسها من الشواذ

عظيم جدا ان البنت تكرس جهودها ااخير سواء البنت او الرجل
كمان جميل جدا المشاعر اللى لاحظتها بينكم دى ويارب يارب تخليكو كده على طول

بس اختى اللى قالت ان تجربتى مع البنات اصحابى فى الجامعة
لاء ده كان جزء صغير فى مجال بحثى
حتى كمان المنتدى السابق هو انا لسه عليه ناو ومش هقدر استغنى عنه بس اللى دخلنى فى المنتدى ده اكتر بنت احترمتها واعتبرتها زى اختى الصغيره

يعنى من الطبيعى ان يكون الشواذ اللى بتكلم عنهم 30% مثلا
بس المهم انا الغالبيه زى ما انا قولت

كمان المقوله اللى حضرتك قولتيها يا زعيمه انا دايما حاطتها قدامى لدرجة ان اكتر بتخلينى متعكنن ان واحد مش يحس انه غبى لاء ان واحد يحس انى اذكى منه ببقى مضايق اوى لانى حسسته بده مع انه غصب عنى الموقف اللى احنا فيه هو اللى خلى ده يحصل

حتى لو واحد بيتفلسف ويتجمهر عليا مع انى كاشفه مبقولوش انت غبى كده لا بقولهاله بالطريقه يعنى اعمل حاجه قدامه مثلا تحسسه ان هو غلطان او لو هو حرجنى وجالى موقف احرجه فيه بكون احسن منه ومبحرجوش ده مثلا

الكدب والخيانه والهجر والحجات دى موجوده هنا وهنا وزى ما قولت انا مقولتش على الرجاله ملايكه

اما الشيشه والحاجات دى
متنسيش يا اختى الكريمه ان انت فى مجتمع شرقى انا مش هوضح لان كلامى واضح كفايه

اه صحيح بالنسبه للاخت العزيزه اللى قالت الغباء نابع من الموضوع شاكر جدا ليكى ممنون على حسن اخلاقك بس اسمحيلى بعد اذنك اكتبلك العباره اللى كتبتها صاحبتك
"" أكتر انسان غبي هو اللي يفتكر اللي قدامه غبي""

قبل ما تفكروا تردوا تانى اقروا الموضوع كويس هتعرفوا ان الراى ده راى مستجد بس واقع كلنا بنعيشه وان الراى اللى فى دماغى اللى قاله لى الهاتف هى الراى اللى كان فى دماغى اصلا بس غيرته الحياه والتجارب
شاكر جدا لحسن اخلاقكم وظرفكم

ماشى يااخى الفاضل وانا معاك بس انت مش شايف ان ردك مش شبهه الموضوع
وصدقنى لو قريت الموضوع حتفهمه زينا
ومع انك حاولت تحرجنا بالذوق وبطريقه مهذبه بس انا شايفه انهم رده بطريقه تتناسب مع اللى قرئوه
يعنى استحاله حد اول مايتكلم يقول الراجل غبى ويستنى سافل ...........
انت حترد ساعتها ازاى
طب حقولك حاجه حكتب انا حاجه
العرب المسلمين جهله بدو مبيفهموش دايما دمويين وسفله وعمرهم ما بيدوروا على مصلحتهم
ده ماكنش رأيي زمان بس اول ما حدث ضرب للبرجين فى 11 سبتمر غيرت رأيي
وعرفت انهم سادين بدو جهله
وانا لقيت من خلال معرفتى بيهم انهم بيغيروا من بعض وعمر مادوله منهم حتتقدم الا
لو احتذت بامريكا او اسرائيل اواى دوله من الدول العظمى
وبعدين جالى هاتف قالى طب مش هما دول اللى كانوا فى العصور الوسطى وكانوا مناره قلت لنفسى بس شوف حالهم دلوقتى
وبعدين قعدت قلت مش دول فى منهم زويل ويعقوب وغيرهم
معرفش ده كان رأى بس اللى بيحصل ده مينفعش نقف مكتوفى الايدى

ها ايه رأيك انت واحد قريت موضوع زى ده حتفكلر فى هاتف او غيره ولا طريقه الموضوع
وبعدين انت شتمت كام سطر وجيت فى اخر سطرين تقول هاتف
وبعدين اصريت على كده
ممكن نكون اخدنا الموضوع جد فعلا وغضبنا بس علشان انت مش بتعمم ولا بتخصص بس انا لو قلت المسلمين اغبيا حتستنى تسمع الهاتف
شكرا واسفه على الاطاله بس صدقنى انا شايفه ان الموضوع مستفز

يسلم لسانك يا أحلى سوسو في الدنيا.... يا ريت تكون فهمت أو حسيت باللي حسينا بيه وياريت تنتقي الألفاظ اللي بتعبر عنها في كلامك وأنا بقول ل Mr.Butterfly ان مش كل اللي بيكتبه فلان الفلاني يبقى صح وممتاز وان فيه كتير من المنطقية لمجرد انك قرأتله موضوع أو اتنين عجبوك .... ياريت تحسوا بالكلام قبل ما تقولوه... وعلى فكرة مفيش بنت فينا غلطت فيك وكلنا ذوق ومحترمين ومعبرناش غير عن اللي جوانا ولو سمحت يا أستاذ لو عندك رأي مناقض للحقيقة ورأي يجرح ويضايق اي انسان بنت كان أو ولد فياريت تحتفظ بيه لنفسك أو تعبر عنه بطريقة مستحسنة عن كده بشوية.... وخلي بالك الهاتف بتاعك بيرن دلوقتي روح شوف هيقولك ايه (:

بدايتا انا كل كلمه فى موضوعك انا ضدها

مش هقولك امك او اختك او اى حاجة
بس اولا هتأسف مقدا على طريقتى اللى هتكلم بيها
والتى لا تقل عن الطريقه اللى انت اتكلمت بيها
اولا انت مسكت شريحه معينه من البنات اللى على حد قولك سفله و خاسئين و بتاع

انا كمان بقى همسك الولاد و مش تعلق
فى رجاله برضه الواحد بيسمع عنهم فى قمة قله الأدب
لا احترام ولا حاجة
عمرى ما شوفت بنت بتعاكس فى الشارع بكلماتها او بايدها
عمرى كمان شوفت بنت هى اللى بتضيف ايميلات الولاد و تعد تتحايل و تقول ممكن نتعرف

عمرى مسمعت عن واحده اتجوزت على جوزها لكن سمعت عن رجاله اتجوزا 3 مرات على مراته
لكن سمعت كتير عن رجاله سفله بمعنى الكلمه مثل الكلمه اللى حضرتك وصفتنا بيها
لكن شوفت ولاد

سمعت عن رجاله محششين و بتوع حقن ماكس و بتاع مش شيشه بس
سمعت عن البانجو و ان 99% من تجار المخدرات رجاله




بص انا جيبت حبه امثله غبيه
ماشى
بس لو المراة مش عاجباك و شايفها غبيه تاكد انها كمان هتحس بنفس الاحساس الى انت وصفته بيها تجاهك


المراة نص المجتمع مظنش حضرتك ان نص المجتمع بالمواصفات دى
والا كنا عايشين فى اعمق اعماق جهنم
و يا ريت حضرتك حته ان معظم اهل النار من النساء
فده عشان الثرثرة بتاعتهم
و اعمالهم
بس اظن انك نسيت تفتكر ان فى رجاله برضه فى جهنم




انا شايفه ان البنات معظمهم سكتين مش تطاولوا فى الكلام
لكن اظن ان حقى انى ادافع عن نفسى و اقول لا كلامك غلط
اوك
انا بقى استرجلت و بقلك كلامك غلط



اسفه على طريقتى البايخه اوى اوى اوى دى
بس ده اللى المفروض يترد على موضوعك
مع اننا اخوات يكزانوفا بس فى النقطة دى لا

انا معرفش ده رأيك فينا عمتا و لا على شريحه مننا مش لطيفه
انا معرفش
بس لو دى نظريتك فدى كمان نظريتى فى الرجاله اما لو ده نظريتك عن الفئة اللى مو لطيفه فينا كنساء فده رايى فى الفئه اللى مو لطيفه فيكم كرجال

اولا برضه شار وبحترم كل بنت ردت عليا
ثانيا اول ما نشرت التوبيك ده كنت متوقع اى رد من اى واحده بنت تقرأ الموضوع
يعنى محبتش احرجكم بالزوق ولا حاجه
احم احم
كل كلمه فى الرد كنت قاصدها بجد
انا عايز اعرف ان البنت اللى بتقرأ الموضوع بتقراه بنرفزه وتاخدو على صدرها
اه معاك ممكن علشان انتوا تحت غطاء الموضوع بس ليه اللى تدخل تقرا الموضوع كده مره واتنين وهى هاديه من غير عصبيه
الاخت مشمشه
مفيش داعى للاسف
ما علينا من اسلوب كلامك انا بتعود اسامح كل الناس
كمان انا قريت كلامك بعقل وفهمته كويس
علشن كده ما زعلتش
لانك قولتى فيه رجاله
ده معناه انه مش كلهم
انا اعتبرت نفسى بمنتهى البساطه مش من الرجاله اللى انت ذكرتيهم
اما كلام اختى الكريمة عن العرب
معاكى حق
بس برضه فيه نقطه انتو ناسينها
انا قولت كل قاعده لها شواذ
مشفتوش انا قولتلكم انى مؤمن بيها ايمان تام
امرى لله
هقولك درجة ايمانى بالقاعده دى وصلت لفين
انى طبقتها على نفسها
يعنى اعدت افكر ايه القاعده اللى مالهاش شواذ كنت هتجنن لغاية ما وصلت وعرفت وهى
القرأن الكريم فعلا هى دى القاعده اللى مالهاش شواذ قاعده بدأت بــ ""ذلك الكتاب لا ريب فيه ""
ايه العظمة دى يعنى ربنا سحانه وتعالى بيقول للبشر اللى هيحاولوا يكذبوا بالقرأن انه لاريب فيه متتعبوش نفسكم

اخيرا انا مبغلطش نفسى لان كل كلمه قولتها وخصوصا فى الرد كانت رايى
وبعدين ده مش هاتف ده رايى على لسان الهاتف
انا مش عايز حد يظلمنى لانى ببساطه فسرتلكم القاعده على انها ممكن تكون 70% لــ 30%

انا قولت ان الغالبيه كده
مفكرتوش ان الغالبيه دى ممكن تكون 1%
انا معاكوا للاخر لغاية ما تفهموا وجهة نظرى صح

معلش نسيت البقاء لله للاخت مشمشه
بس ربنا يرحمها انا صحيح معرفش هى مين
بس
ربنا يرحمها
والبقاء لله

بص كزانوفا
انا برضه بنت و محترمة فيك انك قلت رأيك فينا
و انت بتقول ان لكل قاعده سواذ
هل بقى اللى انت اتكلمت عليهم هم الشواذ ولا القاعده؟؟؟


على حته انك كنتت تقدر تحرجنا بالزوق و بتاع
انا الحمدلله هاديه اهو
بس معلومة اكيد انت عارفها
ان حواء مخلوقه من ضلع ادم
فلو بنات حواء اغبيه يبقى شوف الاصل اللى هم مخلوقين منه

اسفه على اطالتى مرة تانيه و يا ريت مدام بتكرهنا اوى كده
و شايل مننا
فانا منتظرة الموضوع بقى اللى فيه هتحرجنا بادب زى ما قلت
و انتظر ردى عليه

سلاموز

يخلق من ظهر العالم فاسد
ومن ظهر الفاسد عالم

اولا : شكرا ليك على التوبيك الجميل ده واللى اثار الجدل جدا
حواليك واعتقد طبعا انك منزل الموضوع ده بس للفت النظر ليس الا
انا لا اقصد الاهانة ابدا بس عادى يعنى تفكير ذكى منك

ثانيا : هو فيه شيطان غبى ؟ معروف ان المرأة ناقصة عقل ودين
مش انا ولا انت اللى بنقول كده طبعا فاهمنى يا ..... كازانوفا
لكن حكاية الذكاء دى طبعا انا ااكدلك ان المرأة مخلوق ذكى جدا فى
حالة بعدها عن مشاعرها وان الرجل يفوقها ذكاء والا مكنش فيه شاب
قدر يخدع فتاه بإسم الحب طبعا فاهمنى .. خلى الكلام بينى وبينك

ثالثا : ده رأيك الشخصى انت حر فى رأيك محدش يقدر يحجر على
رأيك وبرده مش هتفرض علينا آرائك الخاصة المتأثرة بتجاربك الشخصية
اللى طبعا مش كل راجل مر بيها يا مان انت ( معقد ) متزعلش ده بقى رأيى
الشخصى فيك

رابعا : حكاية ان المرأة بتقلد الرجل هههههههههه المرأة او الرجل بحبو
يكون ليهم مثل اعلى وده مش عيب وغالبا المثل الاعلى ده بيكون رجل
مثالى ده اللى بتاخده المرأة طبعا ليها مثل اعلى اما الولد نو كومنت
ولكل قاعدة شواذ طبعا

خامسا : اما بقى حكاية ان البنت بتطلع عينك فى الاول دى امال يعنى قبل ما تحبك
تاخدك بالحضن ؟ مش عيب يا مان طبعا هى مش قصدها انها تطلع عين اهلك ولا
حاجه بس انت غريب عنها هتعمل ايه معاك ؟ جرب كده ان واحدة صديقه او اخت
تكلمك على واحد شوف انت هتنصحها بايه وبعدين هو فيه امان دلوقتى لولد او بنت
وبعدين لو البنت حبتك تبقى طبعا غبية لانها بتسيب كل حاجه تخصها عليك انت
بتثق فيك للاسف وبتعتمد عليك للاسفين وبتحب تكون معاك على طول علشان بتحبك
اما انت بقى لو محستش انك عايز تكون معاها ديما زيها كده يعنى انت لو ملزقتلهاش
تبقى بتتسلى بيها وتدور على حد تانى وعلق على نفسك قبل ما تعلق عليها

سادسا : حكاية ان البنات بيغيروا من بعض دى ايه يا عم ما كل الناس بتغير من
بعض بس والله الحمد لله انا مش بغير من حد مع ان الناس بتغير منى واصلا مفيش
داعى للغيرة دى اصل انا يعنى مش مارلين مونرو وعلى فكرة انا عارفة المنتدى
اللى بتقول عليه ده هههههههههههههههه بس لما الغيرة تخليك توصل لحاجة كويسه
وتبقى دافع ليك بتبقى حاجه حلوة وتتمسك بيها جواك

سابعا : انا انثى زى كل النساء ولما حبيت كنت اغبى البشر بص لتفكير المرأة
فى العمل او فى المهام الصعبة وانت تعرف هى مخلوق غبى او لا ها ؟
بلاش التفكير السطحى بص لاى حاجه بعمق شويه

لولا المرأة انت مكنتش جيت لينا هنا فى المنتدى ونزلت الموضوع ده ومكنتش
فهمت حاجات كتير فى الدنيا ومعرفتش ازاى تتذاكى على اى امرأة فى الدنيا

اما ردود البنات اللى ردوا عليك معلش يا مان هم لو كانوا يعرفوا انك عايز
تلفت النظر مكانوش اتعصبوا اوى كده

الخلاصة المرأة انسان ذكى فى حالة بعدها عن مشاعرها

وردى الخاص عليك شخصيا انت انسان معقد سورى طبعا وهدفك فى الحياة هو المرأة
ومريت بتجارب كتيرة اوى اوى اوى لدرجة انك بقيت تشوف كله زى بعضه
واكيد انت بتحط البنات اللى عرفتهم كنموذج الكل زيه

نصيحة : يا ريت تعيش حياتك طبيعى وتشيل من دماغك الهواجس دى
علشان تقدر تعيش انسان طبيعى

مع تقديرى وحترامى

[bimg]http://img61.imageshack.us/img61/2606/909108578ht4ez3.gif[/bimg]

[bimg]http://www.moq3.com/img/uploads/mnC40718.gif[/bimg]

اه سورى نسيت اعلق على موضوع الشيشة
انا رافضة الفكرة دى بالنسبة لاى بنت حتى
لو على سبيل التجربة
ومش كل البنات سفلة والله فيه بنات كويسة
طبعا افكارك انت حر فيها بس انا بدافع عن نفسى
وعن كل البنات طبعا ومش معنى انك قولت الكلام
ده يبقى ده تفكير كل الشباب والله فيه شباب طبيعين جدا
واذكياء جدا وبيقدروا المرأة جدا جدا
رغم علمهم ان فيهم نماذج فاسدة كتير
وانا بضم صوتى لمشمشة فى الدفاع بس مش
فى اهانة الرجل علشان يا مشمشه مش كله زى كازانوفا
فى رأيه ده فينا هو لسة قايل انه عامل ثغرة فى الموضوع
وده دليل انه بيعمم الموضوع ده على كل البنات
شكرا ليك يا كازانوفا وياريت نشوفلك موضوع احسن من
كده عن المرأة ويكون تانى موضوع كمان
وتكون فيه بتحترم المرأة فذكائها ومشاعرها وتكوينها
وكل حاجة واحب اقولك ان المرأة انسان ضعيف جدا
ومتخفش منها علشان واضح من كلامك انك مرعوب
من اى ارتباط ربنا يعينك على ما بلاك يا نجم
بالتوفيق

اولا :اهلا بيك بين اخوانك واخواتك ويارب تكون مبسوط بينا
ثانيا :الموضوع ده شائك جدا وللاسف انت زودتها شويه خاصة انك عممتها
ومتنساش ان بالفلاحي((مش كل صوابعك زي بعضها))يعني في كل حاجه في الوحش وفي الكويس
يعني متجيش تقولي ان كل البنات اغبياء او تتكلم بالفاظ غير لائقه ((سفله ,خاسئين )) طبعاً مينفعش
ومتنساش ان الام والاخت والحبيبه والصديقه والزوجه((مرأه)) بكلامك ده تقصد ان كلهم اغبياء
ثالثا:اعزرني اخي الكريم انت شكلك متاثر بشئ ما ((حب فاشل ))مثلا علشان كده بتقول الكلام ده
ومتنساش ان في غيرك اتخدعوا او انجرحوا في ((برنسيسه))من برينسيسات هذا الزمان ولكن ياريت تعيد النظر في النظر الي المرأه هذا المخلوق الجميل ((نصف المجتمع )) زي مابيقولوا
رابعا: انا عن نفسي عرفت ((للاسف طبعاً)) بنات كتيره بتشرب شيشه وسجاير والادهي من ذلك ((هاش وويت )) او (( مخدرات)) ليس هذا معناه انهم كلهم كده ,اكيد في بنات اقل مايقال عنهم انهم ((شياطين الانس)) ولكن هناك ايضا ((ملائكه)) وبما ان لكل قاعده شواذ فارجو اخي الكريم لا تعمم هذه ((.....)) علي اجمل مخلوقات الارض.
خامساً: انا ليا عتاب صغير لاخوانى واخواتى في الحوار بينهم وبين كاتب الموضوع الاخ ((كازانوفا))
وامووووووووت واعرف الاخ اللي قبلي بيضحك ليه هل ((التجريح )) في احد ما يسبب الضحك
بجد انا اشفق علي من وصلت به الدرجه ان يستهزء بالآخرين
وعلي فكره انا حمايا شيخ لو شاف الكلام ده هيقيم عليك الحد
وياريت كلنا ندخل هنا لنعرف اداب التعامل مع الآخرين
http://www.egyhat.com/forum/index.php?showtopic=24781
وبدون حجر علي اراء الاخرين بطلب من المشرف غلق الموضوع
وشكرا ليك يا (( كازانوفا)) تحياتي وتقديري لك ومنتظر منك موضوع اجمل من كده يفيدنا جميعاً
وبالتوفيق ان شاء الله

((خَالطوا الناسَ مُخالطةً إن مُتُّم معها بَكوا عليكم، وإن عِشتُم حَنُّوا إليكم.))

بص يا ابني انا هقول كلمه واحده وانا عارفه ان الرد ده هيتشال



((((((((((((( ربنا يشفيك ))))))))))))))

اولا : مبروك يا هوبا على الخطوبة او الجواز مش عارفة اباركلك على ايه فيهم

ثانيا : جرب ان حد يشتمك شوف انت هتعمل ايه معاه

رغم انى مشتمتش حد ولا جرحت حد ابدا ابدا ابدا

بس انا بعتذر لكازانوفا عن الطريقة بتاعتى فى الحوار

رغم انى ما تطاولتش عليه بسبب الموضوع رغم انه كان حقى

زى باقى البنات بس انا برد عن نفسى بطريقتى اللى اكيد هو فاهمها

ثالثا : انا مش عارفة انت متحامل عليا انا ليه وبتدافع عنه

وهو اللى غلطان ويقدر يتكلم عن نفسه ومتشفقش عليا ولا حاجه

لانى مغلطتش فحد ولو غلطت يبقى فى كازانوفا مع انى والله ما عملت حاجة

ولا بستمتع فى الاستهزاء بحد انا كان حقى ارد عن نفسى وعن كل البنات

وعلى فكرة انا قريت كل الردود وكان من باب اولى انك ترد عنه فى الاهانة

اللى مش فى ردى انا

رابعا : مشكور ليك على تقديرك للمرأة جدا وياريت كل الشباب زيك

خامسا : انا اميرة المنافسة ليك فى الشعر مش فى الاشراف طبعا

افتكرتنى والا لسة ؟ اصلك بتقول الاخ وانا الاخت يعنى بنت ومن

حقى ادافع عن نفسى فى الموضوع

شكرا ليك يا نجم والى الامام دائما

بالتوفيق

[bimg]http://www.moq3.com/img/uploads/mnC40718.gif[/bimg]