كتير منا سمعنا على حاجه إسمها السحر الإسود فى الأفلام والمسلسلات كتيييييييييييير وده كان
بيضع فى دماغى كتير من التساؤلات حول ما هية السحر الأسود فالمهم قعدت أبحث عن السحر
الإسود وكده يعنى فالمهم توصلت إلى تعريف مبسط ليه كما يلى ( السحر الاسود هو استحدام
الاملاك السفليون وتقتصر استخداماته على اعمال الشر فقط وممارسته خطرة جدالأن التعامل
مع الاملاك السفليون يتطلب الابتعاد عن تعاليم الدين والاسلام فلاتوجد ضمانات للمستحدم
من مس السوء منهم. ) ومن هنا هنقدر نقول حاجه واحده بس إننا مهما حاولنا فيه هنقف
فى حته الحرمانيه تقوم بقى الأفلام والمسلسلات تعمل إيه عشان تزعزع إيماننا وتبوظ
معتقداتنا يقوموا بقى يخترعولك السحر الإسود والسحر الأبيض طب مفيش كاروهات ولا
بنى فكده بقى يقولولك إن السحر الأبيض حلال والسحر الأسود حرام عشان دايما بيحاول
يقضى على البشريه على طول يقوم بقى يطلع السحر الأبيض يقاومه ويغلبه ويخلص الفيلم
على كده ولكن الأمر أشبه بتقسيم البدعه إلى حاجه حسنه وحاجه سيئه زى ما قلنا ولكن
طبعا إحنا بنؤمن بوجود السحر بس الموضوع إنا لا نستعمله أبدا لأنه مخالف لقواعد ديننا
الحنيف والأمر ده ظهر فى العصور الوسطى فى أوروبا على وجه التحديد حيث ظهر إتجاه
فى السحر إلى إيذاء الناس وتدمير حياته فأطلق عليه إسم السحر الأسود أو الدارك ماجيك
وعشان كده لازم نبقى عارفين كويس قوى إنها مادة افلام وإن كل ده حرام وعشان منقلش
إنى بجيب حاجه من عندى الدليل أهو من السنه النبويه الشريفه (النبي صلى الله عليه وسلم قال:
"اجتنبوا السبع الموبقات قيل وما هن يا رسول الله فقال: "الشرك بالله، والسحر، وقتل النفس
التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات
الغافلات المؤمنات". ) أما بقى الموضوع الخطير جدا بقى إن حتى لو الواحد مثلا إستخدم السحر
وبالأخص أو على وجه التحديد السحر الأسود هنلاقى حاجه ممكن منكنشى واخدين بالنا منها
إن فيه الواحد بيستخدم طلاسم وتعويذات وأبراكدابرا وفليمنجوا وإكسبيلياما وهنقضيها هارى بوتر
والكلام ده بيتنافى مع وجود الإيمان يعنى من الآخر إنتا أو إنتى كده بتلغى توحيدك بالله وإيمانك
بيه برده لإنكم ببساطه متجعلوا معاه شركاء وبكده أعتقد إن الرساله وصلت والسلام عليكم