السلام عليكم ورحمة الله


يا جماعة انا زعلانه بجد بجد حاسه انى هفرقع ومتغاااااااااظه
معلش سامحونى


شوفت النهارده برنامج بيقول ان البنات او المرأة بصفه عامة غبية
الكلام ده لا كلام علمى ولا معمول عليه ابحاث ولا حاجه
بس مجرد سؤال اتطرح وكان رد الناس معظهم ( طبعا نصهم رجاله )انه صح البنات غبيه
وبمتعرفش تتصرف لوحدها فى اى موقف تتحط فيه
وبتصدق اى حاجه واكتر كائن بيتأثر بالاشاعات
وكمااااااااان ايه عقلها نص عقل الرجل



طب ليييييييييييه


نسيوا يعنى ان فى امرأة دكتورة ومهندسه وعالمه وبيبقو احسن من الرجاله كمان
ومش هنروح بعيد بلاش المتعلمات خالص
فى نساء كتير اوىىىى فاتحين بيوتهم لوحدهم
وبيربوا اولادهم وبيشتغلوا وبيعيشوا احسن من رجالة تانيه كتير


مش فاهمه ايه دخل النوع فى العقل يعنى
بنت او ولد المفروض اللى يفرق بينهم
الشخصيه والتربيه والثقافه
مش النوووووووووع



هنبطل امتى جهل ونبطل نفرق من غير تفكير
ده ربنا سبحانه وتعالى خلق المرأة علشان تربى الاجيال
معقول اللى بتربى الاجيال دى هتبقى عندها كل النقص ده؟؟؟



وكون ان الرسول قال علينا ( ناقصات عقل ودين ) ده مش عيب فينا


لانه ببساطه معناه ان المرأة عاطفتها اكبر من الرجل
يعنى عندها قدر اكبر من الحنان
طب بالله عليكم ده عيب ولا ميزة؟؟

وناقصات دين ده شئ بأمر ربنا سبحانه وتعالى
ان المرأة بتقصر فى العبادات فى اوقات معينه من حياتها
وبرده دى رحمة من ربنا ليها ومش عيب فيها



متهيالى بقى لازم نعيد تفكيرناااااا
احنا ديننا كرمنا اوىىىىىى وللاسف احنا بننقص من نفسنا



بجد عايزاكوا تتفاعلو معايا وعايزه ردود فى اراء
مش بس شكرا وميرسى

يالا مستنيه ردودكوا الجامده.........
بس اللى هيغلط فينا هو حر هههههههههههه
حزب البنات مش هيسكت

تحياتى لكم جميعا

ليه يعني يقولوا ع المراه غبيه ديه المرا نص المجتمع من غيرها لا ممكن يكون في حياه
المراه هي رمز الجمال في الطبيعه وبعد ((ان الله جميل يحب الجمال)) يبقي احنا مش هنحبه وهنقول
عليه غبي وبعدين انا معرفش الرجاله والشباب بيقولوا كده ليه وبعدين الرجل والمراه اللي اتنان ليهم حقوق وعليهم واجبات
نحية بعضهم


شكرا ليكي يا عسوله علي موضعوك الحل ده

لالالالا إزاى يقوله كده

مايصحش برده

وبلاش تقعوا مع ليدووو إبن الإيه

هوريكم الويل والله .. وإللى مايعرفنيش أعرفه

هههههههههههههههههههههههههههههههههه

لا طبعا المرأه مش غبيه واللي بيقول كده طبعا غلطان لان المرأه مش نص المجتمع وبس دي المجتمع كله
والمرأه مليانه احاسيس ومشاعر تقضي الدنيا كلها
وانا كمان اتغاظت من كل اللي بيقولوا علي المراه انها غبيه

ميرسى يا اموره وانا موافقاكى فى كلامك
بس ياريت اللى يقدر
نورتى

-----------

منورنى يا ليدو وبراحه علينا شويه
ده احنا برضه النص الحلو صح ولا لا هههههههه
وبعدين بلاش تتحدى حزب البنات
خلى بالك انت لوحدك قدامنا ههههههههههه
ميرسى لمرورك يا جميل

------------

تسلمى يا جميله وانا راييى ان اللى بيقول على المرأة غبيه يبقى هو اللى غبى
بجد كلامك جميل ميرسى ليكى
نورتى

ميرسى يا نور على التوبيك الجميل دة
وانا دلوقتى بقيت فى صف وليد
ونشوف مين اللى يتحدى التانى
وهنوريكو اللى ما عمركوش شفتوة لسه هتتبهدلو
هههههههههههههههههههههههههههههههههههه
هتتبقى تعرفونى بعدين
تحياتى

إللى عندكم إعملووووووووووووا
وش مطلع لسانه

ومبروك على النيولوك الجديد
دلوقت محدش أدك إشراف ونيولوك إيه الحلاوة دى ...

ههههههههههههههههههههه

ليه كده يا سامو وانا كنت بقول عليك طيب هههههههههه
ماشى ماشى ورونى بقى انت ووليد هتبقوا تعملوا ايه
احنا برده جامدين اوى هههههههههههههههههههه
نورت يا قمر

هههههههههههههههههه قر عليا بقى ياساتر عليك
بس بجد حلو النيولوك صح
ادعى للاستايلست بتاعى هو اللى صمملى النيولوك
بس انا خلاص همشيه واجيب واحد غيره عشان ده عنيه وحشه اوى مبيبطلش قر عليا هههههههههههه
( وشين مطلعين لسانهم (

وش متعصب بقى

ماشى يانووووووووورز من غير لمبة

هههههههههههههههههههه

وش مطلع 5 أو 6 لسانات كده على الماشى
هههههههههههههه

هههههههههههههههههههههههههههههههه

مش عيب واحد فى سنك ده ويحط وشوش ومطلعين لسانهم كمان

( وش عايز يضرب حد )هههههههههه

أل وش عايز يضرب حد أل

إنتى بتعرفى تضربى نملة
ياشيخة روحى كده
ههههههههههههههههههههههههههههه
شكلك لسه ماتعرفيش ليدووو إبن الإيه كويس

وش جاب مخدة وحطها على وش نور وهيخنقها ويموتها
ههههههههههههههههه

ههههههههههههههههههههههههههههههههههه

( وش مخنوق وبيفرفر ) ههههههههههههههه

بقى دى اخرتها عايز تموتنى يا ليدو من غير ز

طب والله لاخلى عفريتى يطلعلك

طب وش تانى حاطت المخدة على عفريتة نور يلا بقى
ههههههههههههههههههههههه

بصوا هى كلمه واحده بس تتقال على اللى يقول ان المرأه غبيه انه متخلف وطبعا مقصدش بالمعنى الدارج ااقصد انه مش متحضر من غير المرأه اصلا الرسول نفسه عليه السلام كرم المرأه يجى بنى ادام عادى يحقر من مكانتها فى المجتمع

ولا تزعلى ولا حاجه يا جميل ليس على المجنون من حرج
مشكوره

السلام عليكم
طبعا الكلام ده مش صحيح
طبعا انتم مش اغبية ولا عقلكم نصف عقل الرجل
وهما ميش ليهم حق يقولوا كده
وبعدبن بعنب احنا منقدرش نستغني عنكم
وبعدين انتم سيبتم الاقسام كلها وجيتم تتخنقوا هنا
هههههههههههههههههههه

موضوع جامد كالعادة يا نور

انا نتهياءلي ان الكلام دا غلط هو مش كل البنات معظمهم بس ههههههههههههههه

لا بجد البنات مش اغبياء بس في بردو حبة اغبياء

تسلم ايدك ع التوبيك

لاء طبعا مين اللي يقول المراه غبية بس بردوة ناقصات عقل ودين واللي مسمعشي عن الجملة دية يقولي وبعدين متسنيس ان المراه هي سبب الاغراء في الشوارع بلبسهم والمكياج وانها سبب المشاكل بين اعز الاصحاب علشان الغيرة وسبب الخناقات في الشارع بين ارجالة علشان بيبوصا علي البنات اللي لبسين لبس حلو قوي ومتزوقيين قوليلي بقي فين العقل اللي بيحكم هنا في بقي العقل الثقف فين بقي العقل اللي دياما بيقول انا مش غلطانة انا بعمل الصح ومش بعمل حاجة ولا عيب ولا حرام
ولو تحبي اثبتلك حاوالي تعملي نسب للمشاكل بين كل اتنين مرتبطين وشوفي مين اللي دايما بيعمل مشاكل علي اتفه الاسباب
ومين اللي عمرة ما بيقتنع وبيفضل دايما عنيد ومتكبر وبيكدب ومين اللي بينصح وبيطلب ومين اللي بيخون متزعليش مني انا مش قصدي الهجوم دة بس بجد انا شوفت كتيير وطلع عيني في الكاية ديةة اني الاقي وحدة بس بتقدر او تفهم صح الانسان اللي قصادها ملقتشي
هو اكيد فيه بس نادر واحنا بنتكلم علي الاغلبية مش الاقلية يا جماعة وياريت حد يرد علية

يا جماعه ميرسى اوى اوى على ردودكو واسفة اوى على التاخير فى الرد كل ده
نورتونى والله

--------

نورت يا ممدوح وميرسى لردك بس انا كان عندى كام تعليق عليه
اولا انا رديت على الكلام ده فى الموضوع ومش معناه انه عيب فى المراة



بتتكلم عن الولاد زى ما يكونوا اطفال مش عارفين الصح من الغلط ... وعامة لو كنتوا كده مكنش ربنا حاسبكوا
وعلى فكره الرجل هيتحاسب على المراه كمان
عارف ليه .... عشان اللى بتمشى فى الشارع بلبس زى ماانت بتقول مش كويس لو كان فى فى بيتها اب او اخ محترم
كان نزلها بلبس محترم لانه كراجل عارف انها هتكون ملفته للانظار ، ده غير انه مسؤل عن اهل بيته قدام ربنا وقدام المجتمع



بص يا ممدوح اكبر غلط ممكن نقع فيه اننا نحكم على الكل من الجزء
بمعنى ان تجربتك الشخصيه مش مقياس وحتى لو كانت اكتر من تجربه مسألتش نفسك ايه الحاجه الوحيده المشتركه بين كل التجارب الوحشه اللى فى حياتك
عارف لو سألت هتلاقى ان المشترك بينهم هو انت ، يعنى ممكن اوى يكون العيب منك ( وبرضه مش اكيد ولا كلامى ده قاعدة )
ممكن تكون بتختار غلط ، او تكون متسرع فى مشاعرك ، او مش ناضج كفايه
وممكن ميكونش كل ده وتكون البنات هى اللى فعلا وحشه بس برضه نرجع ونقول انهم جزء مش كل
ومش اغلبيه زى ما بتقول ... وعامة العيوب اللى انت قولتها كلها دى عيوب سببها مش النوع ( بنت أو ولد )
دى عيوب شخصيه ممكن تتوجد فى اى حد

اسفه لو كنت طولت عليك ... وبشكرك مره تانيه لمرورك ومشاركتك معايا
جزاك الله خيرا يارب... دمت بخير

لاء والهي هي مش اكتر من تجربة هي تجربة وحدة في حياتي بس انا باشرت وتعمقت في علاقات تانية خاصة باصدقائي وانا مش صغير انا عندي 21 سنة ودة اخر سنة لية في الكلية بس انا في جامعة خاصة يعني فيها تجاوزات كتيير جدااا وانا محكمتش علي الكل بالجزء بس حمكت علي الاغلبية مش الاقلية وفيه حكمة بتقول الحسن بتخص والسيئة بتعم وعلي فكرة انا شوفت اكتر من بنت في قمة الاحترام والاخلاق واللي بحلم ان اي وحدة فيهم تكون زوجة لية وبعدين بالسنبة للشباب الموضوع مش موضوع اطفال مش عارفيين هم بيعملوا اية الموضوع ان فيه ناس كتيير نفوسها ضعيفة والضغط عليها بيولد الانفجار لما تمشي في الشارع وتلاقي 100 بنت مش محترمين وبنت وحدة محترمة اكيد عنيكي هتشوف علي الاقل 50 وحدة دة غصب عنك وغصب عنك بردوة هتعلقي علي اللي انتي شايفه حتي لو في سرك بس صدقيني حوالي تعملي نسبة وتناسب في اللعلاقات وشوفي مين دائما اللي بيعمل المشاكل وميين اللي مش عايز يحلها وبردوة اعملي نسبة وتناسب بين البنات المحترمين واللي مش محترمين يمكن البيئة اللي انا محاط بيها كدة بس انا بردوة زورت اماكن كتيير ولقيت نفس التجاوزات هتلاقي عن جدية ان الاغلبية الصنف اللي انا قولتلك علية وبعدين متنسيش ان وراء كل رجل عظيم امراة يعني بردوة مش انتوا دايما اللي بتخربوا الدنيا دة بالعكش انتوا الاخت والام والبنت انتوا اهم شيء في الوجود وبردوة الجنة تحت اقدام الامهات يعني فيه حاجات جميلة جدا فيكوا وبردوة فيكوا ميزة جميلة جدا ان لو وحدة فيكوا حبت بجد حب حقيقي بتتغير تماما وبتحافظ علي حبها علي قد ما تقدر ودة بردوة عن تجربة وشوفت دة بعيني بس انا مشكلتي اني نفسي الاقي الانسانة اللي زي دة فاهماني والشمكلة الانسانة اللي كنت مرتبط بيها هي انها كانت كدبة وعنيدة وضعيفة الشخصية تماما قدام مامتها اوك وميرسي علي ردك الجميل وانا لية عظيم الشرف اني اشرك في موضوعك
باي باي

ميرسى يا ممدوح على مرورك مره تانيه وكلامك بنسبة كبيرة صح

بس برضه هرجع و اقولك بالنسبه لللبس والبنت اللى اخلاقها وحشه ... مين اللى سابها تنزل من بيتها كده ؟ ومين ساب اخلاقها وحشه ؟
فين باباها ؟ فين اخوها ؟؟ فين خطيبها ؟ .... وانت مثلا كولد لو بتحب بنت جدا ممكن تنفصل عنها لو لبسها مش كويس واخلاقها مش قد كده ؟؟
اللى عايزه اوصلهولك ان اى انحراف بنبقى كلنا مشتركين فيه ( كلنا يعنى كل المجتمع )
يعنى البنت المحترمه لو مصحبتش غير البنات المحترمه اللى زيها .. اللى معندهاش اخلاق مع الوقت مش هتلاقى اصحاب
والاب والاخ لو حافظ على بنته وشافها قبل ما تنزل من البيت ... كلهم هيمشوا محترمين
والولد لو رفض يحب واحده اخلاقها وحشه ولبسها مش كويس ... البنت دى هتعرف انها مرفوضه وهتتغير

وبالنسبه بقى للعلاقات ومين السبب فى المشاكل ... ده بيرجع لحاجات كتير ملهاش دعوه بالنوع
و اولها الاختيار الصح ... و بعدين عشان نبقى بنتكلم بصراحه اكتر
علاقات الجامعة دى لا هى حب ولا غيره ... معظمها لعب عيال ده لو مكنش كلها

و قولى كده انت لما حبيت اخترت اللى حبيتها على اساس ايه ؟ واى واحد فى علاقات الجامعه بيختار على انهى اساس ؟
رد على الاسئلة دى و انت هتعرف ليه كلها علاقات فاشله

ميرسى يا ممدوح مره تانيه .. يارب مكونش طولت عليك
دمت بكل خير

لا طبعا يا نور ده مش اسمه كلام
مين اللي قال كده
اللي قال كده هوه اللي غبي
ده احنا النص الحلو وميقدروش يستغنوا عننا
تعرفي هما ممكن يكونوا بيقولوا كده كلام بس علشان هتلاقيهم بيقولوا لو قلنا لهم كلمة حلوة هيتغروا بس هما عارفين الحقيقة انهم ميقدروش يستغنوا عننا بس بيحبطونا وخلاص

مع احترامى

أولا منه لله قاسم أمين وصفيه زغلول
ومنها لله واحد خلت البنات على الرجاله واظن الكل عارفها

مش المقصود ان المرأه غبية بالغباوة المعروفه انما المقصود فيها انها مش هتعرف تتصرف زى الرجاله
والى بتقول المرأة وصلت لمكانه الرجل يبقى منها لله الى فى بالى
عمرها ما هتوصل لمكانه الرجل اذا كان الله عز وجل فضلنا عليكم يبقى انتو هتقولوا وصلتوا لمكانه الراجل
صعبه شويه

ثانيا بتقولى تتعرفى تتصرفى
معلش سؤال كده بسيط وارجو تردى عليه
هل لاقدر الله لو توفى احد من عائلتك هيكون تصرفك زى تصرف الرجل
طبعا لاء فالطبيعى المرأه متقدرش تتصرف زى الرجل

حبيبتي نور أنتي قبل ما تحطي الموضوع ده كان في موضوع في المنتدى صاحبه بيتحدث عن نفس الموضوع وعن اقتناع تام بأن البنات في قمة الغباء... وكان بيقول انه عيب الست تشيش وعيب تشرب سجاير وعيب معرفش ايه أما الراجل فلألألألألألألألألألألألألألألألألأ كله حلال بالنسباله.... بس حابه أقول للناس دي أنهم ناس فاضية بجد وهما حقيقي أعداء النجاح.... الرجالة اللي بيتكلموا دول معندهمش أمهات ، معندهمش أخوات ، معندهمش زوجات معندهمش حبيبات.... إذا قبل على كل دول الكلام ده فخليه ينعزل عنهم ويعيش في المجتمع لوحده ونشوف ساعتها هل المرأة غبية فعلاً و لا هو اللي غبي... تخيل معايا يا أخي إنك اتخلقت بنت هل تسمح لحد بأنه يقولك انت غبي عشان خاطر انك بنت بس؟؟؟؟ ياريت قبل ما نقول حاجة نكون فاهمينها ونحط نفسنا مكان الطرف الآخر ونشوف هنتضايق ولا لأ؟؟ لو كنا هنتضايق يبقى لازم منقولش كده ولازم نحترم آدميتنا وإن ربنا هو اللي خلقنا مش احنا اللي خلقنا نفسينا

على فكرة الحمد لله الحمد لله أنا أفخر أني بنت ولو مكنتش بنت لأتمنيت أكون بنت

شكرا ليكي يا نور موضوع جميل

لالالالالالالا ما يصحش الكلام اللى بيتقال دة

فى الاول احب اقول ان البنات اول واخر حاجه بس طبعا بعد الولاد

هههههههههههههههههههههههههههههه

المهم ان الولاد مش هتعيش من غير البنات والبنات احلى حاجه فى الدناي
وليه يتقال عنهم الكلام دة والكلام دة اكيد غلط

واللى قالو اكيد فى حاجه فى عقلو

تسلم ايدك يا نور على التنبية دة

بالتوفيق

اكيد اللى قال الكلام دة مش متحضر

هههههههههههههههههههههه
معنديش كلام بعد كلامك يا حبى
نورتى

طب براحه علينا بس انت داخل متنرفز ليه D: D:
بص طبعا الرجال قوامون على النساء محدش يقدر يتكلم فى دى
بس مش معنى كده ان ربنا بيقول ان المرأه مخلوق ناقص او مش هيوصل لمكانة الرجل ، لا طبعا
يعنى لو الكلام ده صح مكنش بقى فيه راجل حرامى وست وزيرة ، والحاجات دى اصلا بتختلف باختلاف التربيه والبيئة
يعنى ملهاش دعوه بده راجل ودى ست
وبعدين الراجل لما اتفضل علينا اتفضل بالجهاد وبانه مش عاطفى زى المرأه
لكن ربنا سبحانه وتعالى ممقلش انا خلقت الست غبيه و كل الرجال علماء لا طبعا

وبالنسبه لسؤالك ، اذا كنت بعرف اشتغل و افكر وقد المسؤليه ليه يعنى مش هعرف اتصرف ؟
طب مش فى رجاله كتير فاشلين وحياتهم ضايعه ومضيعين ولادهم واهل بيتهم معاهم ؟ ولا يعنى كل الرجاله بتعرف تتصرف
هرجع تانى واقولك ده بيتخلف باختلاف التربيه ، وانا عن نفسى الحمدلله اتربيت على انى اشيل مسؤلية نفسى وابقى قد اى موقف اتحط فيه لوحدى
ولو مش معايا اب ولا اخ ولا زوج يعنى هيبقى ربنا معايا وهو اعلى واقدر من كل دول واعتمادى اولا واخيرا عليه
مش بقى لو حصل زى ما اانت بتقول لا قدر الله وبقيت لوحدى هروح اموت نفسى لانى مقدرش اتصرف
اللى بيحصل ان الحياة بتبقى اصعب من غير راجل طبعا لكن مش هنموت D:

ومتزعلش من كلامنا احنا بنتكلم على اللى بيتهمنا بالغباء واظن ده شئ ميرضيش حد
لما يقولوا عل ىوالدتك واختك اغبيه هيبى ايه ردك ؟ والدتك اللى ربتك وخلتك بنى ادم واختك اللى انت اغلى عندها من الدنيا كلها
اكيد مش هيعجبك الكلام صح ولا لا

عموما نورت ومن غير زعل دى مجرد نقاش
دمت بكل خير

بجد كلامك يا منى كلام رائع
المشكله انهم بيتكلموا وبيفتخروا اوى طب الاول قولوا الحمد لله اللى خلقكم رجاله لو شايفين نفسكوا كويسين
واحسنوا للمرأه زى ما ربنا ورسوله وصاكم
ناسيين ان ربن اهو اللى خلقهم كده يعنى محدش باختياره بيبقى ولد او بنت
منى بجد جزاك الله خيرا وشكرا يا قلبى على مشاركتك الهايله

ميرسى يا محمد منور يا جميل
جزاك الله خيرا يارب على الكلام الرقيق ده

بشكرك جدا لرأيك ده ومرورك
نورت الموضوع

اولا احييكى على الموضوع الجامد دا
ومعاكى فى كل كلمه
ومع كمان مقوله
وراء كل عظيم امراه عظيمه
بس يا نور مش الكل بيقول كدا
لانى اعرف فعلا ناس
زوجاتهم هى اللى بتمسك شغلهم فى غيابهم
يا ترى حد هيامن لاى حد حتى لو ابنه او بته وهو عارف انه غبى
اكيد لا طبعا
الانسان اذا مش كان واثق من اللى معاه ثقه كامله عمرة مايامنها على شغله وتبقى ماسكه عمال وكل عامل بيعول اسر
يعنى امراة قادرة تتحكم فى كل دا
ياترى دى غبيه؟؟؟

اولا موضوع جامد ينور

ندخل فى الصميم
بصى انا اؤمن ان الانثى اقل من الرجل بعض الشى

يعنى من الناحيه البيولوجيه ربنا مديها حاجات مش عنك الذكر و العكس صحيح
ده لان الذكر عليه واجبات غيرها
و ربنا خلقنا كده كنوع من التاقلم مع البيئه
مع اخذ فى الاعتبار الفروق الفرديه

اما انها عاطفيه اكتر
فمظنش ان ده عيب

و حته ناقصات دين فدى انتى قلتيها
لكن اننا نعانى من نقص فى بعض الامور توجد عند الرجال
و هذا النقص بيحاسبونا عليه " ده لو كان موجود اصلا"

فانا معنديش غير رد واحد
امنا عائشه اللى اغلبيه الاحاديث هى الراويه لها
او اللى معرفهالنا

الرسول مات و هى عندها 18 سنه

ده ردى اللى هيقول ان المرأة فيفسرلى امنا عائشه كانت كده ازاى

بس

.ايه ده مين الي قال كده البنات دي اجمل حاجه في الدنيا وبعدين اصلا
ازاي احنا نعيش منغير بنات دا حته يبقي غباء من الاخارين بس البنات دي عامله زي القطط
تاكل وتنكر

elly by2ol kda akeed 3'airan we mt3'az mnna e7na delw2ty masken mnasb mohema fel bld da fe set 2ady . homa bas ma7ro2 damohom 3ashan e7na 2ashtar mnhom fel sho3'l . delw2ty law ro7ty ay 7etta 7atla2y banat henak maska kol 7aga mn sharekat we benok we fanad2 we daktrt gam3a .kol magal . de 3'era mish aktar we ma7adesh ya banat yz3l mn el kalam da de nas mt3'aza sebohom kda rabena yhdehom .

هاي
عندك حق يا نور انك تدايقي وطبعا طبعا طبعا طبعا من هنا للصبح المرأة مش غبية ولو قارننا مخ المرأة بالرجل المرأة اذكى بكتيييييييييييييييييييييييييييييييييييييييييييييييييييييييييييير
وده مش كلامي دي ابحاث عملوها ناس بيفهو اكتر مني
وفي كذا دليل القرآن قال ان كيدهن عظيم ده لاننا اذكية و الرجالة يا عيني ما يقدروش يوصلوا للي بيدور في مخنا
ده غير ابحاث اثبتت ان المرأة مخها بيبقى سابق مخ الرجل اللي بيبقى في نفس عمرها بخمس سنين وعشان كده البنت مش بتميل لحد في سنها و غالبا بتحب الراجل يكون اكبر منها
وفي مليون دليل تاني بس كفايا كده