يا صباح الفل يا معلم

المعلم حنفي : صباح الخير يا روءه خش اقعد جوه

انا : وماله ياخويا أخش ماخشش ليه هو انا صغير .......... اهلاااااااااا صباح الخير يا جماعه عاملين ايه متجمعين عند النبي كده ان شاء الله

رمزي بيه : يا اهلاً يا عم المصري تعالي يا خويا خدلك جنب واقعد .. انت ايه اللي اخرك كده

انا : اصلي صحيت متاخر المهم انتوا ابتيتوا القعده من غيري ولا ايه تصدقوا كده عيب عليكوا

ليدو افندي : ياعم احنا لسه جايين من عشر دقايق الشاي لسه علي النار

تيتو : يا روءه انت عارف الحجرين من غيرك ولا يسووا ههههههههههههه >> من طرف اخوك تيتو

انا : يا شيخ اتنيل المهم هو الكلام علي ايه ؟

رمزي بيه : علي اللي روحي فيه .... ياعم خد نفسك الاول انت لسه مقعدتش وبعدين نشوف حنتكلم في ايه

انا : ماشي يا رمزي باشا انا حخليك باشا مش بيه

رمزي بيه : منا باشا ياد غصب عنك هههههههههههههههههههه

انا : ماشي يا عم الباشا .... ماتيجي تقعد يا معلم حنفي واقف علي باب المحل زي الغفير كده ليه

المعلم حنفي : ياعم دي ساعه صبحيه ولسه مستفتحناش بسحنكم الفقريه .... جايين تتكيفوا علي الصبح وانا لسه مبعتش بربع جنيه سلك موعين حتي

انا : ههههههههههههههههههههه ماشي ماشي طب نقوم نمشي يعني ؟ ........ يالا يارجاله

ليدو افندي : ياعم انت ما بتصدق اهمد ياعم اترزع في مكانك

انا : ههههههههه مانتوا شايفين المعامله الجافه اهو ...... ههههههههههههههههه


بعد شويه زهق المعلم حنفي وجه قعد جنبنا وفضلنا نرغي في كلام مالوش لازمه المهم شويه كده وجه عيل صغير

العيل الصغير : ياعمووووووووووو

المعلم حنفي : عاوز ايه ياد ؟

العيل الصغير : عندك بوريو ابيض

المعلم حنفي : عاوزها لمين يا حبيبي ؟

الواد الصغير : ليا طبعاً امال حيكون لمين

المعلم حنفي مسك طوبه وهوش الواد بيها وقاله
- يالا ياد امشي من هنا حتشرب سجاير وانت لسه مطلعتش من البيضه ... عيال اخر زمن لا ومارلبوروا ابيض كمان من ام سبعه جنيه ونص ... يالا ياد بدل ما اقول لابوك

الواد الصغير : هههههههههههه سجاير ايه يا عمو ده بسكويت بالكريمه

المعلم حنفي : بسكوت !!! واسمه مارلبورور هههههههههههههه

الواد الصغير : مارلبورو ايه بس .. اسمه بوريو يا عمووووووو ... طب خلاص خلاص مش عاوز .. هات توينكز او مولتو

المعلم حنفي : يالا ياد امشي من هنا بدل ما افتحلك دماغك يالا ياااااااااااااااااااااد


انا : جري ايه يا معلم براحه علي الواد شويه ... معلش يا حبيبي امشي انت جيب من حته تانيه ... في ايه يا معلم مش اسلوب بيع ده

المعلم حنفي : منتاش شايف الواد وبجاحته بيقولوا انت حتنجز ولا اقلعلك ملط ... عيال سافله اهاليها معرفوش يربوها

تيتو : ههههههههههههههههههههه بقي بزمتك الواد قال كده .. الواد كان بيقول انت هات توينكز مش تنجز وبيقولك او هات مولتو مش اقلعلك ملط

المعلم حنفي : انت بالذات تخرس خالص بدل ما ابطحك بحجر الشيشه في دماغك

رمزي بيه : ياعم حنفي انت متعرفش ان في حاجات دلوقتي اسمها كده ؟ امال انت فاتح دكان بتبيع ايه ؟

المعلم حنفي : ببيع سكر وزيت وشاي ومكرونه ورز وسلك موعين وصابون وكل حاجه

انا : يعني ماسمعتش عن منتجات بالاسامي دي علشان العيال الصغيره ؟؟

المعلم حنفي : وهي العيال بس ايه اللي عرفها بالملط والكلام ده ... هو التليفزيون اللي مبوظهم الله يخرب بيته هو السبب

رمزي بيه : امال انت فاكر العيال بتشتري ايه دلوقتي ؟؟

المعلم حنفي : احنا علي ايامنا كنا بنجيب نبوت الغفير ولا نشتري عود قصب وفي الاعياد بس كمان

انا : ههههههههههههههههههههه نبوت ايه وغفير ايه بس يا معلم دي حاجات عفي عليها الزمن دلوقتي في حاجات طعمها احسن ومغلفه بطريقه اشيك بتجزب الاطفال والكبار كمان

المعلم حنفي : انا اخر حاجه سمعت عنها المصاصه انما يجي عليا يوم وايع بتاع اسمه ملطو ده مش ممكن ابدااااااااااااً

تيتو : هههههههههههههههههههههه انت قديم اوي يا معلم ده انت من ايام فحت البحر

المعلم حنفي : وانت اعفن من الميه في المجاري واتلم بقي بدل ما اجيب كرشك

تيتو : يااااااااااي ده انت متوحش !! وبعدين كرش ايه يا معلم ما تبص لنفسك ده انت كرشك متر ونص قدامك انما انا رشيق

انا : ايه يا جدعاااااااااان انتوا حتتخانقوا ولا ايه بس ياعم انت منك ليه

ليدو افندي : بصوا يا جدعان انا ساكت من الصبح بس انا عاوز اعرف حاجه

انا : ايه ياعم سيد قووول

ليدو افندي : هو المنتجات الجديده اللي بتتطلع كل يوم في صالح الطفل والاسره ولا ضدهم ؟

انا : مش فاهم وضح كلامك

ليدو افندي : انا اقصد يعني هل الحاجات دي مش مضره لصحه العيال وبيتعودوا عليها وبينسوا الاكل العادي المصحي اللي المفروض ياكلوه خصوصاً في فتره نموهم الاولانيه دي ؟ .. وبرده مضر بالحاله الماديه بالاسره لان العيل ما بيبطلش سحب فلوس مره علشان شيبسي ومره علشان بسكويت ومره علشان مصاصه وكله بيأثر علي الدخل

رمزي بيه : انا بيني وبينك الحاجات دي كلها مواد حافظه وبتبوظ معدة العيال .. وتلاقي العيال اليومين دول هفتانه كده ومسلوعه ومفيهمش صحه من اكل الشيبسي والبتاع اللي بيشتروه ده

انا : انت كلامك مظبوط يا رمزي بيه بس الاعلانات بتخلي العيال عاوزين الحاجه باي طريقه ... الواد يتفرج علي التليفزيون يلاقي واحده لابسه ميكرو وبدي وطالعه تتنطط تعمل اعلان مصاصه تلاقيه جري نزل جابها علي طووول .. وكمان الامهات بقت تستسهل يعني يجي ابنها يقلها اعمليلي اكل تقوم تقوله روح جيبلك كيس شيبسي بسرعه وتعالي علشان متكلفش نفسها وتقوم تعمل للواد حاجه ياكلها

ليدوافندي : ههههههههههه والله عندك حق .. انا ساعات بحس ان العيل ممكن ياكل حاجه طعمها مش عاجبه بس علشان هو شافها في الاعلان مع البت الاموره !!!

المعلم حنفي : انا يا جدعان ماليش فيه انا هنا يابا كافي خيري شري ابيع اللي علي مزاجي هما شويه ارواح وملبس ولبان وعسليه للعيال وخلاص

تيتو : يا معلم حنفىىىىىىىىىىىىىىىى

المعلم حنفي : ايه يا سي زفت انت بتنده عليا من اخر الشارع ... انطق عاوز ايه ؟

تيتو : انت راجل قفل ههههههههههههههههههههه >> وطلع يجري

ههههههههههههههههههههههههههههههههههههه
حلوة يامان
تسلم ايديك ياجميل

ههههههههههههههههههههههههههه
هههههههههههههههههههههههههههههههه
يخربيت دماغك ياخاطف
مكنتش قادر والله تعبت الضحك

ربنا يخليك ياشقى وعلى مرورك اللى زى العسل

وانت ياواد ياليدو مانت حاضر معايا القعده ولا نسيت ده شرب لحد ماادهول وقال حجات

هزار والله ياجماعه

شكرا ليكوا بجد

تحـــــــــــــــــــــــــــياتى

هههههههههههههههههههههههههه

ماشى ياعم خاطف

تماااااااااااااام اي باشا
والى الامام

حلوة عجبتي مية مية شكرا

ههههههههههههههههههههههههههههههههه
هههههههههههههههههههههههههههههههههههههههههههه
يا راجل ياقفل هههههههههههههههههههههههههههههههههههههههههه
تسلم ايدك بجد جميله اوي زيك بالتوفيق يارب ان شاء الله والي الامام دائماً