السلام عليكم

يا جماعة عايزين نناقش موضوع مهم بحيث نستفيد كلنا من بعض... أزاي نكسب أكبر عدد ممكن من الحسنات... كل واحد يدخل يقولنا نعمل ايه؟؟؟

أنا مثلاً رأيي اننا نختم القرآن ونصلي التراويح.... بس هل دي كفاية؟؟؟ ياريت نتناقش بحيث نقدر كلنا نستقبل رمضان صح ويمكن رمضان ده يجي علينا لكن رمضان الجاي منلحقوش .... اللهم بلغنا رمضان وأجرنا الثواب وأجعله نعمة علينا بالحسنات والثواب

مستنية ردودكم

شكراا ليكي موضوع جه في وقته

اكيد اول حاجة لازم نفكر فيها اننا نختم القرأن و نحنفظ علي الصلاة .

تاني حاجة اننا ممكن نعمل خير و نكسب منه ثواب بردو

يعني مثلا شنطة رمضان او التبرعات و كدة يعني .

اه الصدقة وكفالة يتيم والكلام ده حاجة كويسة برضو وياريت نقدر نعملها كلنا

اة بجد توبيك هايل طحن يا مولها مرسى اوى على التوبيك دة

بس انا شايف ان اغلب الشباب بتعمل حاجات فى رمضان عكس اللى المفروض يحصل تماما
يعنى مثلا انا مش هقدر اكدب انا واصحابى يجى رمضان نقول بقى اشطة رمضان فى الدراسة ماحدش بيذاكر اساسا و كل يوم بننزل و تلفزيون وماعرفش اية انا شايف ان المفروض العكس
يعنى اة المذاكرة مش بتبقى قد كدة بس نعوض فى القران و الصلاة و الكلام دة كلة بس اللى بيساعد على اللى الشباب بتقولة دة التلفزيون يعنى مثلا بيجو فى رمضان يتملى كمية برامج تشد الواحد اوى
مش غلطة الشباب بس

يارب ماكونش طولت عليكو

موضوعك فعلا جميل يا مني
وطبعا لازم نكسب اكبر قدر من الحسنات في رمضان
نفطر صائم ونختم القران ونعمل شنطة رمضان و ومنكدبش ونساعد المحتاج واليتيم
وربنا يقدرنا علي فعل الخير في شهر الخير
اللهم بلغنا رمضان

بارك الله فيكى يا منى

انا من رأى نحاول نفطر صائم واح على الاقل

والصدقه ضروريه جدا لان الحسنه بعشره امثالها والله يضاعف لمن يشاء ما بالك فى الشهر الكريم

ونحاول ان نصلى التراويح وصلاه التهجد على قدر المستطاع

وفقكم الله

بالتوفيق............