ازيكم يا احلى اعضاء فى احلى منتدى منتدى ايجى هات

انا داخل اتناقش معاكم فى موضوع قد يكون خطير ولكنى سوف اتحدث معكم

وارجوا من الكل ان ينذع فتيل التعصب...ولا داعى للعصبيه والمجادله

انا بكتب الموضوع ده......وانا متأكد بنسبه كبيره ان مفيش حد هايجاوب عليا

نبدأ فى الموضوع

الاهلى والزمالك...........او .............الزمالك والاهلى

سؤال الذى اريد ان يدور حوله النقاش هو:

لماذا كل اهلاوى بيكره كل زملكاوى........وكل زملكاوى بيكره كل اهلاوى

ليه كل واحد بيشجع فريق عريق يهتم بسب الفريق الاخر ويفرح لنكسه الفريق الاخر ويحزن لمكسبه.

لو انت جرئ........تعالى قول اذا كنت اهلاوى ولا زملكاوى

وقول رأيك فى الموضوع

انا شايف ان الامور وصلت لدرجه ان لو فى اتنين اخوات واحد اهلاوى والتانى زملكاوى

ممكن كل واحد يخسر التانى عشان النادى الذى ينتمى اليه

فهل هناك من هو جرئ..........................

بالتوفيق للفريقين ولكل الاعضاء

اولايا بليزى احييك على طرح الموضوع
بص انا اهلاويه وصميمه جدا جدا
بس اسمحلى انتو اللى بتستفزونا احنا مش بننكر ان الزمالك نادى عريق وليه تاريخه والاهلى نفس الحكايه
ويمكن بسبب تدهور الاداره بتاعته قل مستواه شويه وده كان حاصل للاهلى من فتره
وعادى يعنى لكل جواد كبوه
بس سبب اننا بنتكلم ان كل مالاهلى يكسب يبقى خلاص
احننا بنغش والحكام بيسيبولنا ومش عارفه مين بياخد منشطات والزمالك بس بكره يقوم ويوريكموكلام كده
يعنى مفيهاش حاجه لو قلتم مبروك وزى مااحنا بنشجع الزمالك لما يلعب م ع حد غيرنا احنا كنا نتمنى منكم ده
وفى الاخر الكوره مكسب وخساره

شكرا ليكى يا ايهاهى على تعليقك

واسعدنى جدا انك تكونى اول مشاركه معانا واول انسانه جريئه تقول رأيها

ومنتظرين باقى الاعضاء

بالتوفيق......

مشكور بليزى على الموضوع

انت طلبت اننا نرد بصراحه فأنا هقولك بقى

فاانا بمووووت فى حاجه اسمها زمالك بحبه جدا جدا جدا

بالنسبه للأهلى بقى فمش بحبه خالص بما فيه من اداره ولاعيبه (مش كل اللاعيبه يعنى مثلا عندك اللاعب ابو تريكه
ده بحترمه جدا)
وده من الى بشوفه من الاعلام والحكام وغيره وغيره
مش معنى كده انى أنكر مجهوده الى بذله بيعجبنى فيه الروح القتاليه الى بشوفها فى اللاعيبه
بجد لو الفريق وحش بيلعبو لأخر لحظه بيموتو نفسهم من الاخر

بفرح لما الأهلى يكون بيلعب ويتغلب بس ده مش حقد لا اصلهم شافو نفسهم اوى واتغرو كتييييير
عادى يعنى كل الى عملوه ده الزمالك عمله من زمان فمالوش لازمه الغرور

اما بقى بالنسبه ان الواحد ممكن يخسر صاحبه لأنه اهلاوى او العكس طبعا مش هيحصل معايا لأنى أغلب صحباتى اهلاويين
وبحبهم جدا بنكون مختلفين فى بعض الأراء بس بردو بنفضل صحاب

نرفو ازيك يا قمر

بجد رأيك فعلا جرئ جدا

وانا سعيد جدا بمشركتك الجميله

انا كنت متوقع عدم المشاركه.......ولكنى لم اتوقع جرئه البنات عن الشباب

بالتوفيق للجميع.......

انا زملكاوية وبكره الأهلي علشان غروره وتكبره
الأهلي لما بيكسب الزمالك الاعلام بيفضح الدنيا أما الزمالك لما بيكسب الأهلي عادي ولا كأن حاجه حصلت
الاعلام والحكام مساندين الأهلي
دلوقتي لماكسبوا الزمالك 6/1 لحد دلوقتي لسه شمتانين فينا طب احنا كسبناهم 6 زمااان امال مش عملنا زيهم ليه
أما من ناحية الأصحاب فعادي

ههههههههههههه الله ليه كده يا بليزى
انا بقى اهلاوية وبعششششششششششششق الاهلى بجنون كمان
ومبكرهش اى حد زملكاوى بس بحب كل واحد يحترم غيره
يعنى ممكن ارد لو حد زملكاوى غلط وده بيحصل منهم كتير ولو تلاحظوا مش هتلاقى ان حد اهلاوى بيفكر يغلط فى غيره ، وانا عن نفسى عمرى ما بهتم اتابع حد غير الاهلى اصلا
لان احنا بنحب الاهلى وبس ، مش معنى حبنا اننا نكره غيره لا طبعا
انا اتمنى ان يبقى فى فرق كتير فى مستوى الاهلى عشان المنافسه تبقى احلى
وبرضه الاهلى هياخد البطولات هههههههههه

-------

ونيرفو بقى عيب عليكى تفرحى فى الاهلى طب شوفتوا بقى انكوا بتبدأو بالاستفزاز
مااحنا اهو مبنفرحش فيكوا ليه ...
عشان احنا بنحب فريقنا لدرجة ان مفيش مكان جوانا نكره غيره اصلا
بس لما اشوفك على الايميل يا وحشه

عامة يا جماعه حاولوا تاخدو الموضوع بروح رياضية وتحبوا فريقكوا وخلاص
وملكوش دعوه بغيره زى مااحنا بنعمل

وميرسى يا بليزى على الموضوع

تسلم ايدك يانور
وماشى يانيرفو
على فكره برضه فى نقطه الاهلى متغرش ولا حاجه كل اللى عليه انه يلعب وبس
ويمكن اللى طور المشكله المشجعين مش اكتر
وعلشان المنافسه بقت خارج الملعب وكده بقى كل زمالكاوى بيتمنى يخسر الاهلى علشان يكسر عينه وده كان الحال كل مره لما الاهلى يطلع او ينزل
فياريت ياجماعه مش نبخس حق حد واللى بيلعب كويس نقول لعب كويس والل ى وحش نقول وحش
وبلاش التعصب ده

طب طالما عندكم روح رياضية يا أهلاوية ماردوتوش ليه على أحمد شوبير لما غلط في الزمالك
وحب يحاكم عمرو زكي وأغفل عن ثلاثة أهلاوية عملوا أكتر ما عمل عمرو زكي مع العلم ان عمرو حرك شفايفه
وانا ما بطلبش بعدم عقابه ولكن بالمساواه
معلومات اضافية لللأهلوية
عصام الحضري عمل زي عمرو زكي مع التشويح في وش الحكم
فلافيو شوح للحكم مع البرطمة بكلامه الأنجولي

انا زمالكاوية جدا جدا جدا وبحب الزمالك اوي ومش بحب الاهلي خالص
لانه فريق مغرور وخد قلم جامد في نفسه اوي ومعظعم الاعيبه مغرورين
مننكرش انه فيه لاعيبه كويسة وبتلعب حلو ومحترمة بس كتير منهم مغرورين وانا مش بحب الغرور
وكمان بفرح لما بيتغلبوا جدا بس والله مش حقد ولاحاجة بس هوه المغرور كده
وكمان زي ما سارة قلت اشمعني احمد شوبير محكمش علي فلافيوا وعصام الحضري زي عمرو زكي
ولا هما كده اللي يغلط عندنا يتعاقب ولو نفس الغلط حصل عندهم نسامح ولا اكن حاجة حصلت
يعني فيه خيار وفقوس في الكورة ولا ايه
لا طبعا لازم الاحكام تكون علي الكل زي بعض
لكن هقول بصراحة لما بيكون الاهلي بيلعب ماتش عالمي ودولي علشان خاطر مصر انا طبعا بشجعه وكلنا بنشجعه علشان مصر لكن لما بيكون عايز يلعب ماتش للمنظرة زي ماتش ريال مدريد اللي اتغلب فيه بفرح اوي بخصارتهم لانهم جايبينه يتمنظروا بيه فاكرين نفسهم ايه
وبرده الزمالك هوه الزمالك النادي العريق والاصيل اللي له تاريخ كبير في الكورة وايه يعني لما يكون حصلت له شوية ازمات عادي بكره يرجع لاصله تاني

اما بالنسبة ان ممكن اخسر صديق او اخ علشان اهلي وزمالك لا طبعا انا عندي صحاب كتير اهلاوية وكلنا صحاب جدا ومش ممكن اخسرهم علشان حاجة زي ديه لاننا كلنا في الاول وفي الاخر مصريين واخوات واكيد روحنا رياضية والصداقة والاخوة مالهاش دعوة بالكورة خالص ديه حاجة وديه حاجة انا كمان بالنسبة ليه الوحيدة الزمالكاوية في البيت عندنا وعادي
والاختلاف في الرأي لايفسد للود قضية ومهما حصل فكلنا اخوات واصدقاء
وميرسي ليك يا بليزي علي الموضوع الجميل ده

انا اهلاوى مووووووووووووت والكورة فى مصر يعنى اهلى ( على الاقل فى الوقت الحالى )
وانا مش معاكوا يا زملكاوية ان لاعبى الاهلى مغرورين بالعكس كل لاعبى الاهلى فى منتهى الروعة
ولاعب الوحيد اللى كان مغرور فى الاهلى كان ابراهيم سعيد واحنا بعتناه عندكوا علشان مكانه مش فى الاهلى.
وعلى العموم احنا بفرح لما الزمالك يتغلب محليا بس لما بيلعب دوليا بيكون كل الاهلاوية بتشجعة لانة فى الحالة دى بيمثل مصر.
اما انتوا يا زملكاوية بتفرحوا فى الاهلى سواء اتغلب محليا او دوليا (ودة التعصب الاعمى)
وطبعا مش الزملكاوية كلهم ( وش بيغمز) علشان محدش يزعل منى

ومش ممكن طبعا يا بليزى ان فى اتنين اخوات او اصدقاء يخسروا بعض علشان واحد بيشجع الاهلى والتانى بيشجع الزمالك
بالعكس انا لية اصحاب زملكاوية وبحبهم موت

وشكرا ليك يا بليزى على الموضوع دى

بس انا معرفتش انت اهلاوى ولا لاقدر الله زماكاوى؟

ايوه كده ياتامر
تسلم ايدك
وبليزى زمالكاوى

وياساره اول مره اعرف ان الحضرى شتم ياريت توضحى الوقعه دى
بصوا ياجماعه كلنا عارفين ان الدم لونه ايه
احمر بس الدم بيتكون من اتحاد كرات الدم البيضا مع كرات الدم الحمرا
واحنا مصريين وميصحش نختلف على حاجات كده
امال فين روحنا الرياضيه
وانا اهلاويه دائما وزمالكاويه احيانا
يلا

انا سعيد جدا بروحكوا الرياضيه ومشاركتكم وأرائكم الجريئه جدا

ساره......نور.........اسراء........مشمش........تامر

بجد ان بشكركم اووووووووووى

إقتباس

اما انا يا تامر

الحمد لله زملكاوى وعاشق للزمالك

ومشجع للاهلى فى بعض الاحيان (القليله جدا) هههههههه

بجد نورتونى اوووووووى

مرسى ليكم[/b]

يا جماعه من الاخر كده كل مشجعين الاهلي مبيتكلمووش علي الزمالك احنااا بنشجع فريقنا وبس

مش زي مشجعين الزمالك اللي يئسوو انهم يخدوو بطوله كمان خمسين سنه جايه علشان كده مش لاقيين حاجه

يعملوها فيتكلمو عن الاهلي ساعه يقولو منشطات وحكام وتزوير واللاعيبه بتروح لدجالين علشاان يكسبوو

جمهوور يا عيني غلباان فريقه جابلهم الضغط والسكر وامراض الدنيا كلها فعشاان كده تعبو ويا ست بوووسي

فريق الاهلي مش مغروور هو علشان النادي بيكسب وياخد بطولاات يبقا مغرووور


من الاخر كده والخلاصه ياريت الزملكاويه ميقرنوش نفسهم بينا علشان هيتعبو اوووي علشاان لو كل انديه مصر بما فيهم الزمالك حطو بطولاتهم والقابهم علي بعض مش هيجيبو نص بطولاات الاهلي

ايه يا ست بوسي ديه يا اسلام
لا مغرورين ومغرورين اوي كمان
وبعدين مين اللي بياخد بطولة كل خمسين سنة ده
مش معني اننا ظروفنا وحشة اليومين دول يبقي هنفضل كده علي طول
ظروف وهتعدي ان شاء الله
ومتنكرش ان عندنا برده لاعيبه حلوة واخد بالك يا سي اسلام
وفي الاول والاخر احنا روحنا رياضية جدا
والكورة مكسب وخسارة وان شاء الله هتشوفوا الزمالك علي حق


من الاخر كده والخلاصه ياريت الزملكاويه ميقرنوش نفسهم بينا علشان هيتعبو اوووي علشاان لو كل انديه مصر بما فيهم الزمالك حطو بطولاتهم والقابهم علي بعض مش هيجيبو نص بطولاات الاهلي


ال فريق جاب الضغط ال بس بس
وبعدين مقارنش نفسنا بمين يا بني بيكوا انتوا
ياعم روح ال احنا مش لاقيين غركوا نقارن نفشنا بيه
طيب قول نقارن نفسنا بفرق عالمي
روحوا ناموا احسن
بكره تتغلبوا ونشوف اخرة الغرور ديه ايه
ال اهلي ال

وانت يا عم تامر بقي مش احنا بس اللي عندنا التعصب الاعمي فيه كده اهلاوية كتير ومعظم اللي اعرفهم اهلاوية متعصبين تعصب اعمي
خافوا علي نفسكوا لحسن يجيلكوا الضغط ولا حاجة
بس واضح ان روحك رياضية عن اسلام

اولا بحييك يا عبده ياجميل علي موضوعك الرائع ده بس ياريت الكل يتناقش بدون تعصب
ثانيا بقي ياسيدي انا اصلا زملكاوي وبحبه جدا بس حاليا بعدت شويه عن الكوره المصريه
يعني فين الاهلي والزمالك من ليفربول او مانشستر كده يعني
ثالثا انا عن نفسي اخواتي كلهم اهلاويه ازاي اخسر اخواتي علشان حاجه هايفه زي كده
واكتر اصحابي كمان اهلاويه ولو في ماتش للاهلي بتفرج عليه وبشجعه عادي يعني
كلنا مصريين ولا هنعمل زي اللي بيقول لو الزمالك بيلعب مع اسرائيل هشجع اسرائيل
ده كلام ,انا مش عايز اطول عليك بس انا حصلي حاجات كتيره بسبب التعصب ولاني بشجع الزمالك
مع احترام الفرق الاخري حتي لو كانت بترول اسيوط هههههههههههههههههههههههههه
بس تعرف الاعلام عليه دور كبير لانه يلعب دور كبير في التعصب الاعمي اللي انتشر بشكل رهيب جدا زي مابنشوف.
وشكرا ليك يابرنس تحياتي لك وبالتوفيق ان شاء الله

لية كدة يا بليزى
على العموم متقلقش فى ناس كتير كانوا زملكاوية ودلوقتى الحمد لله ربنا شفاهم وبقوا زى الفل
ههههههههههههههههههه
وانتى يا مشمش بتخدوا بطولة كل خمسين سنة
اما احنا فمن كتر البطولات خلاص حسينا بملل نفسنا نخسر مرة ومش عارفين
واحنا مبنخفش ومش احنا اللى يجلنا الضغط
وشوفى اللينك دة وانى تعرفى مين فينا اللى هيجيله الضغط والسكر وكل الامراض الاخرى

ههههههههههههههههههههههههه
وبيتهيقلى كفاية كدة عليهم يا إسراء

هههههههههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههه
ههههههههههههه
هههه

مش قادره هموت ههههههههههههههههههههههههههههههههههههههه
لما انتو فراحانين اوى بالاهلى بتاعكو ده امال ليه الغيظ الى جواكو والشماته
وشاطرين بس تقولو احنا فى فريقنا وبس فين الى فى فريقكو ده داانتو بتقولو كلام ينرفز
ياريت بقى تخليكو فى فريقكو وبس زى مابتقولو
ربنا يشفى


اما احنا فمن كتر البطولات خلاص حسينا بملل نفسنا نخسر مرة ومش عارفين
واحنا مبنخفش ومش احنا اللى يجلنا الضغط
هههههههههههههههههه
اصدك زهقتو من التزوير ومساندة الحكام والاعلام فاكر شرف اشرف لو ناسيين ممكن افكركو عادى

يا نيرفو تزوير ايه بس وكماان مسموش شرف اسمه شريف ههههههههههههههههههههههه

وكمان دا اللاعب هوو اللي زور اسمه كتب اسمه غلط في الاهلي علشان يخلع وكمان لو علي التزوير انتو ملووك التزوير فاكرين محمد عبد الواحد السنه اللي فاتت وقضيه التزوير بتاعت الاسماعيلي ولا شيكا بووم بوم ولو كنت نسيتي افكرك

وبجد يا بوسي سي اسلاام دي طلعه منك زي العسل هههههههههههههههههههه

ع العمووم متعصبيش نفسك ليجيلك الضغط ولاا حاجه انا عارف ان فرقكو يا عيني جاب لنص اللي بيشجعوه شلل والنص تاني السكته القلبيه بس انتوا لازم تستحملو داا فريكوا برده

وعلي حكايه انكو تقارنو نفسكو بفريق عالمي قصدك ياعني فريق زي شبين الكوم ولا مركز شباب كفر عجله

ههههههههههههههه

ههههههههههههههههههه

وبعدين ما اى حد بيكتب من الكيبورد معرض انه ينسى حروف عشان تعرف بس انكو بتيجو فى الهايفه وتصدرو
ومعقول انا لما اجى اكتب واقعه حصلت عن واحد مش هكون عارفه اسمه بطلو هيااافه بقى




تم رفض القيد من قبل منطقة الجيزة و الأتحاد المصري لكرة القدم حيث ان اللاعب تم قيده في قائمة الاهلي الثانية بإستمارة بتاريخ 23-7 و هو ما دفع اللاعب شريف أشرف للثورة على ذلك و أتجه بصحبة وليد بدر للطعن بالتزوير في قيده في صفوف الاهلي حيث انه لم يقوم بتوقيع أي استمارات خاصة للنادي الأهلي و عقده منتهي مع النادي الأهلي كما صرح شريف أشرف لـZamalek.tv أنه لن يكتفي بالشكوى في أتحاد الكرة بل سيقوم برفع قضية مدنية ضد النادي الأهلي بسبب التزوير الذي حدث في تلك الاستمارة التي تم قيده بها في أتحاد الكرة
اى عقد بيتكتب لازم ياخدو بيانات اللاعب من البطاقه مش تهريج هو انتو بتقولو كده عشان تبررو موقفكم
لكن الموضوع واضح


في مباراة الألومنيوم والأهلي في العام قبل الماضي في الصعيد احتسب الحكم مدحت عبد العزيز ضربة جزاء ضد الأهلي و بالتحديد ضد عصام الحضري و انبرى عصام يسب الحكم بأفظع الألفاظ خصوصًا بعد ضياع الضربة بعد أن قام الحكم بإعادتها و كانت الكاميرا مركزة و بوضوح على شفاه عصام الحضري...وحتى ننسب الحق لأصحابه قام الأستاذ محمد سيف في برنامج "الكوره مع دريم" بالحديث عن هذه اللقطة و قال حرفيًا "هل يقبل اتحاد الكرة بما قام به عصام من سب الحكم بهذه الألفاظ" و الغريب أن السيد شوبير قد تجاهل ما قاله الأستاذ محمد سيف ولم نسمع ضجيج إعلامي و مرت القصة على خير لأن المقصود هو الأهلي....و تشاء الصدف أن يقوم فلافيو بنفس الفعل مع العلم أننا لا ندري ماذا كان يقول لأنه كان يتحدث بلغته فهل سنحضر خبير في حركة الشفاه لفلافيو و لكل لاعب أجنبي لكي يحل شفرة الشفاه الخاصة بلغته...أم أن المقصود هو الزمالك و الزمالك فقط...مع الإقرار والتأكيد على أننا لا نقبل ما قام به عمرو زكي ولكننا نريد فقط العدل و ليس أكثر...والمساواة ايضًا بين الجميع .

يا بنتي نصيحه بجد بطلوا الافلام العربي اللي انتوا بتتفرجوا عليها دي

عدل ومساواه ايه بس انتو تايهين من الحمله الفرنسيه

عايزين تيجيبو لفلافيو مترجم جيبوا بس خلي بالك النادي مفهوش فلووس علشان يجيب مترجم

ولو كان فلافيو بيشتم امال جونيور اللي كان عندكو بيعمل ايه اللي عمل حركه مفروووض يتوقف بيها مدي الحياه

ولا ابراهيم سعيد اللي مفرووض كانوا ضربوه بالنار ولا حسام حسن اللي كان مؤدب وعاقل لما كان موجود في

الاهلي راح الزمالك رفع الجزمه فعلاا هذا هو الزمالك

هقولك ايه ولا ايه دا انتوا ناديكو كله فضايح ولا مرتضي لما لم البلطجيه ادام النادي وقعد يتشاكل معا النائب بتاعه بلاااااااااااااااااااوي

يا بنتي النادي بتاعكوا دا مش نادي دا غرزه داا كفايه ان مرتضي طلع يقوول انا كنت بخش النادي الاقي اللي بيبيع ترمس وبطاطا ودره ( نشااط اجتماعي ) ههههههههههههههههههههههههههههههههه

طالما سايبين ناديكو وبتتكلموا علي الاهلي عمركوا ما هتشموا ريحه بطوله واحده

يا أخ اسلاموز ياريت توفر نصايحك للأهلويه الى زيك
انتو الى بديتو مش احنا
بتقعدو تقولو احنا فى فريقنا وبس لكن الواضح مش كده بتستفزونا وبتخلونا نتكلم فى القديم والجديد


وفى الاخر احنا مصريين ولو فضلنا نرد على بعض كتييير كده يبقى مش هنخلص هنمسك لبعض الأخطاء وخلاص وهننسى احوال بلدنا الى كلها اخطاء

متهيقلى ان الهدف من التوبيك ده اننا ننهى التعصب مش نزوده

وانا كمان حاسس ان هدف الموضوع تاه وسط الكلام انا هسميها مداعبات بين اجمل اعضاء

حتى نبعد عن التعصب

ومش عايزين كل واحد يجيب القديم والجديد

وبمناسبه كلامكم الجميل

انا جالى سؤال حبيت اعرضه عليكم

ليه كل واحد بيشجع فريقه وفى نفس الوقت بيشمت فى الفريق الاخر؟

اوضح

يعنى كل اهلاوى يهمه طبعا فوز الاهلى وفى نفس الوقت يهمه خساره الزمالك

وكذلك كل زملكاوى يهمه فوز الزمالك وخساره الاهلى

انا سعيد جدا اننا بنتكلم مع بعض بروح جميله حتى لو جه فى الوسط بعض المشادات البسيطه

شكراااااااا ليكم بجد

تعالوا نكمل المناقشه بقى........

لا لا لا يا اسلام ملكش حق
ازاي تقارن الزمالك بفريق زي شبين الكوم اذا كان فريق شبين اللي مش عاجبك ده كسب الزمالك والزمالك مقدرش يكسبه ولا مره لحد دلوقتي
الزمالك اقل من كده بكتيييييييييييييييييير اوي

بيقولوا القطبين على الاهلي والزمالك مع ان الاقطاب هي الاشياء المتساويه في القوه والمتعارضه في الاتجاه

حط ال33 بطولة دوري بتوع الاهلي جنب ال11 بتوع الزمالك ؟؟؟؟؟؟؟ ايه ده
و30 كاس و5 افريقيا ابطال دوري و4 ابطال كأس و3 سوبر فين بقى التساوي جنب بطولات الزمالك والارقام المتواضعه
خلي عندكم موضوعيه شويه شجعوا فريقكم ماشي محدش له دعوه انتوا حرين
انما محدش له دعوه بالنادي الاهلي زعيم الانديه العربيه والافريقيه وتالت العالم

نورتنا والله يا اميدو

شكرااااااااا ليك يا حبى

بس انا شايف ان الموضوع بدل ما انه بيهدف الى البعد عن التعصب والتاخى بين الفريقين

اتحول الى موضوع يثير التعصب والبعد عن الروح الرياضيه

لذلك سوف يتم غلق الموضوع

"أنــــــــــــــــــا أســـــــــــــــــــــف جــــــــــــــــــــــــــــــــــدا"

كان نفسى نناقش الموضوع بدون عصبيه ولكن للاسف

اتمنى التوفيق للفريقين

اتمنى التوفيق لكل الاعضاء

شكراااااااااااا ليكم