nervo
Sep 10 2007, 11:46 PM
الحلقه الثامنه عشر
" الحاج ابو احمد والحاجه جابوا الرقم واتصوا بالوليه اشطه اشطه تعالوا نشوف ايه الحوار اللي تم "
الحج : شجه الست عطيات
" مش تخدوا في بالكوا عطيات دي الوليه الي ساكنه في الشقه الي ادام احمد "
عطيات : ايوه يا اخويا عايز مين
الحج : كنا عايزين نكلم احمد هو هنا
عطيات : يالهوي هنا فين يا حج مش عيب دا انا ست لوحدي واخاف علي سمعتي
الحج : يا ست الشريفه مش جصدي انا جصدي تنديه من شجته هو مش ساكن هنا بردك
عطيات : ايوه يا خويا ساكن هنا بس هو مش هنا الندل ده وانت مين يا اخويا
الحج : انا ابوه هو مش هنا ليه
عطيات : ابوه يا اهلا يا اهلا العمده يا مراحب يا حج
الحج : اهلا بيكي يا ست هو مش موجود
عطيات : لا يا اخويا دا مسافر شرم الشيخ ولسه ما جاش
الحج : يالهوي كفر الشيخ يعمل ايه هناك
عطيات : يا حج شرم شرم الشيخ بتاعت الاجانب والسياح ده مصيف يعني
الحج : زي جمصه كده
عطيات : ايوه زي جمصه كده بس شرم دي بتاعت الناس الهاي اوي والاجانب
الحج : ايوه ايوه يا عيب الشوم بتاعت البنات المش لابسين هدوم
عطيات : ايوه يا حج شوفت وواخد معاه واحده صاحبته هي اللي هتبوظه يا حج
" عطيات مفروسه من نور عشان احمد مهتم بيها ومنفضلها "
الحج : واحده
عطيات : اه والنبي يا خويا رايح مع واحده زميلته في الجامعه هتبوظه
الحج : متشكرين يا ست عطيات والنبي لما يجي ابجي شيعلنا تليفون عشان اجيله
عطيات : حاضر يا خويا
" الحج ابو احمد بيضرب كف علي كف وبيكلم في نفسه وعطيات ضربت مهموز في احمد جامد اوي "
" سيبك بقي من الحج وعطيات وتعالوا نشوف احمد ونور وريم عملو ايه مع الصيد "
نور : ههههه واحده كمان اهه يا احمد شد السناره بقى
احمد : شكلكوا مرزقين يا بنات انا عمري ما صدت سمك بالكميه دي مشاء الله
نور : كفايه كده يا احمد وتعالوا نشويهم بقي
احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا
ريم : اه والله يا احمد انا جعانه مووت اهه يا احمد جيبها بقي
احمد : حاضر ههههههههههههههههههه بصي يا نور نصيب ريم طلع ايه
نور : هههههههههههههههه انتي هتكلي دي ههههههههههههههههه
" عايزين تعرفوا ريم طلعلها ايه ؟ "
الحلقه الى جايه و عليكو خير بقى
nervo
Sep 11 2007, 12:15 AM
الحلقه التاسعه عشر
" كنا سيبين احمد ونور وريم بيصطادوا في اخر سمكه وفي حاجه حصلت ايه هيا ؟؟ "
احمد : شكلكوا مرزقين يا بنات انا عمري ما صدت سمك بالكميه دي مشاء الله
نور : كفايه كده يا احمد وتعالوا نشويهم بقي
احمد : استني كمان شويه اخر واحده عشان كل واحد ياخد خمسه عشان ريم دي شكلها جعان وممكن يكولنا
ريم : اه والله يا احمد انا جعانه مووت اهه يا احمد جيبها بقي
احمد : حاضر هههههههههههههههه بصي يا نور نصيب ريم طلع ايه
نور : ههههههههههههههههه انتي هتكلي دي ههههههههههههههههه
ريم : كدا بردك يا نور تردي ان اكل الشىء ده
" مش تخدوا في بالكوا اصلي معرفش احمد اصطاد ايه اصلا عشان انا مش كنت معاهم لما يجي هبقه اسالوا "
" هههههههههههههههه رخم اوى انا عارف فى الحته دى "
احمد : يلا يا ريم ويا نور حضروا الشوايه عشان نشوي السمك عشان انا جعان مووووووت
ريم : اه بسرعه يا نور عشان انا ممكن اكل احمد دلوقتي
نور : يالهوي تاكلي احمد لا انا خلصت اهه
" احمد ونور وريم كله بالهنا والشفا واعدو شويه قدام البحر طبعا احمد مش عارف يكلم نور من الست ريم بس انا عاذرها والله اصلها مش ليها صاحبه غير نور هتقعد مع مين يعنى "
" مع انها اموره بس يا خساره لو مكنتش اتعرفت على نور فى اول القصه ياله هعمل ايه بقى هقطع روحى "
" ف ريم هتعمل ايه يعنى بتقضي معاهم شويه وتعد لوحدها شويه "
" بس علي فكره بيني وبينكوا انا ابتديت احب ريم اصلها طيبه اوي ووحيده و اموره و كده يعنى احم احم "
" ما علينا المهم نكمل بقى كلامنا بعد فاصل من المعاكسه فى ريم العسل و هما خلصو اكل و كده "
احمد : انا طالع بقي احضر شنطتي عشان بكره اكون فاضي
نور : اه صحيح دا احنا هنرجع بكره يخبر يلا يا ريم نطلع نحضر الشنط عشان بكره نخرج قبل ما نمشي و نكون مجهزين الشنط
ريم : اوك يلا بينا
احمد : انا عندي فكره وانتي يا نور بتحضري الشنط حطي ريم جوه شنطه عشان مش تقعد علي سلم الباص زي ما عملتها واحنا جايين و مش كانت لاقيه مكان تقعد
نور : ههههههههههه عندك حق يا احمد والله
ريم : عندو حق دا بدل ما تقوملي وتخليني اعد مكانك مش انت ولد و تتحمل
نور : لا في دي يا احمد عندها حق
احمد : يالهوي انتي تؤمري يا ريم دنا ممكن اخلي الى فى الباص كله يجري وراه و مش يركب اصلا وانتي بس ركبه جوه وتقعدي علي كل الكراسي براحتك
ريم : اتريق اتريق
احمد : خلاص انا غلطان وهسيبك في الشنطه هههههههههههههه
نور : خلاص يا احمد دي مهما كان بردك صحبتي الانتيخ
احمد : خلاص يا نور عشان خطرك انتي و على شان خاطر ريم
ريم : مرسي يا احمد
" احمد ونور وريم طلعوا يحضرو االشنط ونامو لغايه بليل "
" و بعد لما صحيو نزلوا اتعشوا وخرجوا شويه وبردك ريم معاهم مش عارفين يتكلموا خالص "
" احمد بوظ الاعده علي ريم ومشاها بذكاء على شان يعرف يكلم نور "
المره الى جايه بقى نعرف احمد عمل ايه على شان يمشيها
استنووووووووو الحلقه الى جايه
مشمشه
Sep 11 2007, 12:16 AM
اكيد طلع لها هيكل سمه مش سمكه
هههههههههههههههههههههههههههههههه
مشكورة نيرفو و مستنيين الباقى
nervo
Sep 11 2007, 12:20 AM
الحلقة العشررررين
كنا واقفين المرة الى فاتت عند
" احمد ونور وريم طلعوا يحضرو االشنط ونامو لغايه بليل "
" و بعد لما صحيونزلوا اتعشوا وخرجوا شويه وبردك ريم معاهم مش عارفين يتكلموا خالص "
" احمدبوظ الاعده علي ريم ومشاها بذكاء على شان يعرف يكلم نور"
احمد بقي هيعمل ايه فضل احمد يفكر ويفكر هيعمل ايه علشان يمشي الى اسمها ريم دي من معاهم وفي الاخر وصل لحل ظريف اوي
تعالوا نشوف ايه الحل الى احمد وصلوا
اتصل بالتليفون في الاوضه الى فيها نوور وريم
احمد : هاي ازيك يا نور
نور : الحمد لله تمام يااحمد انت عامل ايه
احمد : اهي ماشية الحمد لله هتعمل ايه يعني
نور : هيا ايه الى هتعمل ايه يااحمد انت مالك مش مركز ليه
احمد : والله يا نور مضايق شويه
نور : خير يااحمد في ايه يا تري
احمد : بصراحه كدا بصراحه يعني
نور : ها يااحمد عايز تقول ايه
احمد : كنت عايز أقعد معاكي شويه لوحدنا بس الست ريم مش مدينا فرصه
( احمد بيعمل كدا ليه علشان نور تفكر معاه ازاي تخلي ريم تشوف حاجة تعملها بدل مهي معكننة عليهم كدا ومش مخلايهم عارفين يقعدوا مع بعض )
نور : ليه يااحمد عايز تقول حاجه ؟
احمد : كلام كتير والله يا نور بس مكنتش عارف ابدأ ازاي
( نور فرحت طبعا من كلام احمد )
نور : خلاص يااحمد تعال نفكر نعمل فيها ايه علشاان ننزل نقعد مع بعض شويه قبل منسافر
احمد : اها مهو دا الى مضايقني وخصوصا اني مش عارف هشوفك تاني امته لاني عايز اسافر البلد شويه
نور : طيب تعال ننزل دلوقتي وهي ملخومة في ترتيب الشنط هقولها راحه اشتري حاجه وراجعه
احمد : يلا بينا يا نور بس علشان خاطري مش تتأخري علي شان عايزك في موضوع مهم
نور : اوكي يااحمد هنزل دلوقتي حالا
نزلت نور وهي لسه واقفه قدام الرسبشن علشان تسأل علي احمد
لقيت احمد بينادلها
" نووووووووووور نووووووووووور نووووووووووووور"
راحت عندوا كدا ووقفت قدامه
نور : نعم يااحمد خيرر
احمد : انا عايزك اقولك علي حاجه ضروري يا نور واتكلم معاكي كتيررر قبل معملها
نور : اتفضل قول يااحمد
عايزين تعرفوووووا احمد كان عايز يقول لنور ايه طبعا استنونا الحلقه الجاية
مع نغماات مش هتقدر ترمش بعيوووونك الكمال توووول
nervo
Sep 11 2007, 12:22 AM
الحلقه الحادية والعشرين
كنا واقفين ان احمد كان عايز يقول لنور حاجه ياتري ايه هيا الحاجه دي؟؟
دا الى هنشوفوا خلال حلقتنا انهردة
نور : نعم يااحمد خيرر
احمد : انا عايزك اقولك علي حاجه ضروري يا نور واتكلم معاكي كتيررر قبل معملها
نور : اتفضل قول يااحمد
احمد : بصي يا نور انا هكون صريح معاكي وانتي عارفه انك اقرب حد ليا في البلد دياا
نور : اتكلم يااحمد انت قلقان ليه كدا ومتوتر ليه ؟
( نور وشها احمر حاسه بالي احمد عايز يقولوا )
المهم نرجع لموضووعنا
احمد : نور بصي حدانا في البلد الى بيكون بيصيف بيجيب مشبك وهوه راجع وانا معرفشي محلات بتبيع مشبك هنا
نور : احمد ايه الى انت بتقولوا دا
احمد : والله يا نور مكسوف منك مووت
نور : هوه دا الموضووع الى كنت عايزني فيه يااحمد
احمد : اه يا نور امال انتي كنتي فاكرة ايه ؟
نور : احمد انت جاي شرم الشيخ علشان تشتري مشبك
احمد : امال هما بيجوا ليه ؟
نور : احمد مش معقول كدا
احمد : نور مش انتي قولتلي ان شرم الشيخ دي زي راس البر وجمصة ؟ ولا انتي هترجعي في كلامك وشكلك مش عايزه تسعديني
نور : اوووووووووووووووووووووووووووف
وسابت احمد ومشيت واحمد طبعا استغرب من الى حصل هوه شايف ان الموضوع طبيعي لكن نور طلعت منهارة وعماله تعيط
فطلعت فوق لقيت ريم بتعيطت فحاولت تهدي نفسها علشان تعرف تكلم ريم
في نفس اللحظه احمد قال يعمل تليفون طلما نور مش عايزه تساعدة هيتصل بمين بمين بمين ؟؟
بعطيااات :)
احمد : الووووو
جارته : ايوة مين
احمد : انا جارك يا ست عطيات
جارته : اهلا يامومو عامل ايه
احمد : مومو مين ياستي بقلك انا احمد جارك الى فوق
جارته : ايوة يا مومو مانا بدعلك
احمد : اها اذا كان كدا معلشي
جارته : ايه انت لسه مجتشي من المصيف
احمد : لا انا جاي بكره ان شاء الله انا متصل بيكي بخصوص الموضوع دا
جارته : خير يا مومو عايز فلوس ولا عايز ايه ؟
احمد : لا مستوره والحمد لله انا كنت عايزك اسالك سؤال بسيط كدا
جارته : قول يا حبيبي قول
احمد : تعرفي محلات مشبك في شرم اشتري مشبك لبوياا وامي
جارته : ههههههههههههههيههههههههههههههههههههههههههه :d
احمد : بتضحكي علي ايه يا ولية انتي
جارته : اه يا مومو عارفه
احمد : والله هجبلك ربع كيلوا وانا جاي بس قوليلي فين مكانه
جارته : انت عارف وانت جاي من شرم
احمد : لا عارف وانا جاي من بلدنا ههههههههههههههههه متخلصي يا ولية انتي
جارته : قول للسواق نزلني عند بتوع المشبك هههههههههههههههههههههه
احمد : بجد يا ست عطياات
جارته : ايوه يا حبيبي بجد
احمد : طيب سلام
نرجع بسرررعه علشان نعرف ريم كانت بتعيط ليه
نور : مالك يا ريم
ريم : مفيش يا نور انتي كنتي فين ؟
نور : كنت تحت بشتري شويه حاجات
ريم : اها سألت عليكي بتاع الرسبشن قالي انك خرجتي مع احمد
نور : بصت ليها كدا وراحت معيطه
ريم : بتعطتي ليه دلوقتي مع انك كنتي مع احمد يعني
نور : تقصدي ايه يا ريم بالي بتقوليه دا
ريم : مقصدش حاجه هانت اهي وكل حد فيناا يروح لحالة
نور : انا مش مطمنه لكلامك دا يا ريم ياريت توضحي كلامك
ريم : لا كلام ولاحاجه يا نور انا هنزل اتمشي شوية
نور : طيب براحتك مهي العمليه نقصاكي اصلااا
ريم : انا نازلة
نزلت ريم كانت راحه فين بقي ؟
هوه دا الى هنعرفوا مع بعض الحلقه الجاية
nervo
Sep 11 2007, 12:45 AM
الحلقة الثانيه والعشرين
كنا واقفين عند ريم وهي نازله ياتري قابلت مين وكانت خارجه مخنوقه من نور الله اعلم ليه
المهم ريم نازلة علي السلم وقعت رجليها وجعتها في داخلة احمد الفندق
احمد : يانهاار مدوحس دي ريم ولا ايه ؟؟؟؟
بتاع الامن : والله معرفشي حضرتك
احمد : وانت مالك يعم هوه حد كان سألك
بتاع الامن : سوري حضرتك كنت فاكرك بتكلمني
احمد : اروح اشوف البت دي حصل فيها ايه
اوعوووا يا جدعااان جحا اولي بلحم طوووورة اوعوو بس انا هشوفها
احمد : ريم مالك
ريم : رجلي بتوجعني يااحمد
المهم احمد سمع الكلمتين دول ونسي المشبك ونسي الدنيا كلها
وشال ريم (اخوي يعني) وراح بيها المستشفي
نرجع بسرررعه لنوررررر
نور : ياتري ريم زعلانه ليه ؟ اممممممم مش عارفه ربنا يستر وميكونشي عملت حاجة تزعلها دي بردوا صحبتي الانتيخ ومش عايزاها تزعل مني
وفي نفس الوقت كان في حوار صغير كدا في البلد عند احمد بين ابوه وامه
ابووه : شوفتي يا وليه الواد تريبتك النجاقصه سايب دراسته وعمال يتسرمح في شرم الشيخ مع البنات الى لبسه هدوم مجطعه
امه : يا حج محمد هوه احمد صغير اكيد بس بيغير جووو زي زمايله وانت عارف ان الطلبه بتغير من بعضيها
ابووه : مكان جه غير جو في الترعه حدانا او في المصرف الى في اخر البلد
امه : هتلاجيه نسي يا حج
ابووه : دانا لما يجي هشوف شغلي معااه علي شان ميعملشي كدا تاني
امه : ربنا يجيبوا بالسلامة بس وبعد اكده ابجي اقطع رجبته
ابووه : وهيجي ليه بجي لما انا هجطع رجابته هههههه يا وليه انا خايف عليه
امه : مني عارفه يا حج محمد ربنا يخليهولك يارب
ابوه : امه بئي يا وليه اعملينا صنيه البطاطس علشان هموت من الجوع
امه : عنيا يا ابو محمد
ابووه : تسلم عنيكي يا غالية
وقامت ام الواد تعمل صنيه البطاطس لجوزها والراجل الناقص بيقول
ياتري يابني عامل ايه مع الحريم الي لبسه من غير هدوم في شرم الشيخ
جتنا نيله في حظنا الهبااب قاعد في وش الوليه دي ليل ونهار مش عارف اشوف غيرها
الواد دا مكنش جال كنت روحت معااه اتفرجتلي يومين ولا حاجه
لا والمصيبه الاكبر جارته يلهوي علي ضحكتها مسخرررة بجد يعني
يارتني كنت انا الى ساكن عندهاا
وبسررررعه نروح لرررررررريم في المستشفي
ريم : اه .... اه ..... اه يا رجلي
احمد : حمدالله علي السلامة ياريم
ريم : الله يسلمك يااحمد هوا انا فين
احمد : في بيتك ومترحك يختي هههههههههههه
ريم : لا بجد ياااحمد انا فين
احمد : في المستشفي يابنتي
ريم : وانا ايه الى جابني هنا انا كنت كنت كنت والله مانا فاكرة
احمد : ايه دا يا ريم انتي فقدتي الذاكرة :-س
ريم : يااحمد متهزرشي
احمد : حاضر يا ريم انتي وقعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بقي ههههههههههههه
ريم : ميرسي يااحمد علي زوقك وعلي انك جبتني هنا
احمد : وميرسي دي اصرفها منين هههههههههه هتيلي حاجه ساقعه احسن وياريت باكو بسكوت شمعدان ونص كيلوا مشبك لابويا ههههههههههه
ريم : انت بتقول ايه يااحمد ؟ مش فاهمة منك حاجه
احمد : لا لا متحطيش في بالك
ريم : طيب
احمد : طيب معاكي علي رائ خالتك سميرة سعيد
ريم : ههههههههههههههه ماشي يا خفة
سكتوا الاتنين فترة كده وريم عاملة تبص في عنين احمد واحمد مركز في وشها اوي
وفجأه احمد قالها
ريم
ريم
ريم
ريم
عايزين تعرفوا احمد قالها ايه ؟؟؟؟ تابعووونا الحلقه القادمة
nervo
Sep 12 2007, 12:12 AM
الحلقه الثالثه والعشرين
وقفنا المرة الى فاتت عند ريم كانت تعبانه وكانت في لحظه رومانسية هي واحمد دي بتبص في عنيه وهوه بيبص في وشها
وقفنا ساعه ما قالها
ريم
ريم
ريم
ريم
ياتري كان عايز يقولها ايه
دا الى هنشوفوا انهرده مع بعض
احمد : ريم
ريم : نعم يااحمد في ايه حضتنني
احمد : انتي وشك اصفر شكل الكشري بتاع المحلات بتاع طنطا
ريم : بجد يااحمد
احمد : اها ورحمة خالي حسن
ريم : طيب هاتلي دكتور ولا اعمل اي حاجه
احمد : حادر هنزل اشوفلك دكتور تحت في اي حته
ريم : طيب يلا بسررعه
نزل احمد تحت وبيسأل ممرضة
احمد : لو سمحتي يا نيرس
الممرضه : ايوة تحت امرك
احمد : الامر لله يا قمر
الممرضه : بصت ليه كدا وقالتوا خير يا فندم عايز حاجه
احمد : اها واحد كابتشينوا وباكوين بسكويت لو سمحتي
قامت االممرضه ضحكت كدا وقالتوا
الممرضه : حضرتك دا مش كنتين دي مستشفي محترم
احمد : اها مانا عارف عندنا زيها في بلدنا
الممرضه : بلدكوا ؟؟
احمد : اها بلدنا انا شايف الفضول في عنيكي وعايزه تعرفي ايه البلد
اللممرضة : ههههههههه بصراحه اها
احمد : طيب مش هقولك
الممرضه : طيب مش مشكل المهم انت كنت عايز تقول ايه ؟
احمد : انا معايا واحد زملتي فوق رجليها مكسورة ولونها اصفر لو سمحتي عايز حد يشوفها
الممرضه : اها طيب اوكي تعال هاجي معاك اشوف المووضوع يستلزم دكتور ولا لا
احمد : اوكي اتفضلي
طلعت الممرضه معاه وساعه ماشافت ريم بنوته حلوه وعسولة وشكل سمية الخشاب هههههههههههه
راحت مسكت ايديها كدا علي اساس انها بتقيس ليها النبض يعني
وقالت لاحمد
الممرضه : عايزك ثواني
احمد : طيب حاضر هشوفها يا ريم شكل الموضوع خطير ولا شكلك هتموتي ونخلص منك ههههههههه
ريم : بعد الشر عليا يااحمد متبقاش كدا
احمد : انت هترغي يا ستي استني لما اشوف الممرضه الى بره دي
ريم : طيب
خرج احمد بره لقي الممرضه مستنياه
احمد : ايه مالها خير
الممرضه : بص يا استاذ ....امممممم
احمد : اسمي احمد وبلاش استاذ دي شيلي التكليف حضرتك
الممرضه : ميرسي يا احمد كلك زوق
احمد : اها مانا عارف البلد كلها بتقولي كدا حتي نور بتقولي كدا
الممرضه : نور مين ؟
احمد : هوه انتي علي طول عندك الفضول دا ههههههههههه
الممرضه : سوري اني ادخلت في حاجه مش لياا فيهاا
احمد : لا عادي مفيش مشكل المهم قوليلي ريم مالها
الممرضه : دي بت مكهونه ومعندهاش حاجه هي بس لونها مخطوف من الخضه
احمد : ايه دا يعني هيا رجليها مش مكسورة
الممرضه : لا مكسورة بس دلوقتي بقيت كويسة وتقدر تروح كمان 10 تيام ان شاء الله
احمد : عشر تيام ينهار مدوحس داحنا مسافرين بكره
الممرضه : مسافرين فين
احمد : رايحين القاهرة تاني احنا طالبه وجاين رحلة
الممرضه : اها طيب مهي مش هتنفع تخرج قبل كدا
احمد : خلاص هنسبها ولما تخف تبقي تيجي
الممرضه : لا متسبهاش هي ممكن تخرج انهرده
احمد : هههههههههههههههه الا قوليلي يا اسمك ايه
الممرضه : اسمي نهي
احمد : عاشت الاسامي يا نهي علي فكرة اسمك جميل اوي وانا بحبه
الممرضه : ميرسي ليك يااحمد كلك زوق
احمد : ايوه مانا قولتلك عارف البلد كلها بتقول عليا كدا
الممرضه : هههههههههههههههههه
احمد : هههههههههههههه هوه انتي معاكي شبكة ؟
الممرضه : اها معايا
احمد : طيب ممكن رقم موبيلك :$:$:$:$
الممرضه : اها طبعا اتفضل 0000000000
احمد : طيب انا هروح اشوف بقيت صحابنا وهتصل بيكي اطمن علي ريم وانتي خدي بالك منها
الممرضه : طيب هتيجي امته :$:$: علشان لو عايزين حاجه في الرسبشن
احمد : علي طول هشوف نور بس واجي
الممرضه : طيب اوكي هستناك
في نفس الوقت دا نور قلبت الدنيا علي ريم واحمد مش لاقيه حد ومش عايزه تسأل حد علشان ميبقاش شكلها وحش
وفي الاخر اكتشفت انهم مع بعض
هتعمل ايه بقي تعمل ايه تعمل ايه تعمل ايه
فضلت تفكرر شويه وفي الاخر وصلت لفكررررررررة
ياتري هتعملي ايه ياااااااااا نوووووووووووووووووووووووووووووووووور ؟
دا الى هنشوفوا مع بعض الحلقه الجاية انتظروناا
nervo
Sep 12 2007, 12:22 AM
الحلقه الرابعه والعشرين
وقفنا المرة الى فاتت عند نوووور كانت بتفكر وبتقول
ياتري هتعملي ايه ياااااااااا نوووووووووووووووووووووووووووووووووور ؟
طبعا كلكوا عايزين تعرفوا نور هتعمل ايه دا الى مش هنعرفوا مع بعض انهرده لاني هسبها للحلقه الجايه - هههههههههههههههههه
نرجع مع بعض لررررررريم واحمد والممرضه
دخلت الممرضه (نهي يعني ) الاوضه بتاع ريم
وقعدت تتكلم معاها
الممرضه : ازيك يا ريم دلوقتي عاملة ايه ؟؟
ريم : الحمد لله كويسة احسن شويه
الممرضة : لا لا انتي بقيتي كويسة خالص ايه دلع البنات دا بقي هههههههههههه
ريم : هههههههه والله مش دلع بس فعلا رجلي تعباني شويه
الممرضة : ان شاء الله هتبقي كويسة
ريم : ميرسي ربنا يخليكي
وسكتوا الاتنين شويه
وفجأة
ريم والممررضة : امال احمد فين ؟
اتغيررر معالم وش ريم باحمرار غريب كدا ونرفزه والممرضه بكسووف
ريم : خير انتي عايزاه في حاجه
الممرضه : لا ابدا بسأل عليه
ريم : مش عارفه والله راح فين
الممرضة : هوه كان قايلي انو رايح يشوف واحدة صحبته اسمها نور
ريم : ياربي علي نووور دي حتي في الوقت دا بيفكر فيهاا
الممرضه : بيفكر فيها ازاي يعني
ريم : انتي فضولية اوي هههههههههههههههههه
الممرضة : احمد لسه قايلي كدا دلوقتي
ريم : هوه احمد دا مش سايب حد غير لما يعرفوا ياربي علي كدا
الممرضة : هوه انتو صحاب دراسه ولا ايه بالظبط
ريم : بصي يا.....اممممم
الممرضة : اسمي نهي
ريم : بصي يا نهي احنا اصلا طللبه مع بعض واحنا التلاته جايين في رحلة تبع الجامعه بس للاسف احنا التلاته الى صحاب اوي يعني ملناش كلام اوي مع بقيت الناس
الممرضة : اها طيب وايه حكايه نور
ريم : حكايتها ازاي يعني
الممرضة : ههههههه يعني مش عارفه اقصد ايه
ريم : لا عارفة بس ايه
الممرضة : ايه هههههههههههههه
ريم : اصل مفيش حاجه اقدر اتكلم فيها لاني مش متأكدة من حاجه
الممرضة : طيب لو عايزه تقولي شكك في ايه قوليلي وانا هخلي دا سر بيناا ومتقلقيش انا معرفشي حد اوي يعني احمد اتكلمنا مع بعض علشانك بس تصدقي اني استريحتلك
ريم : وانا كمان والله
الممرضة : ( طيب قولي يا هبلة ) - بس في سرهاا ههههههههههه
الممرضة : ربنا يخليكي يا ريم
ريم : هقولك يا ستي اول حاجه من ساعه متكلمت مع احمد وهوه اهتمامه الكلي بنور كأن مفيش حد تاني معااه بس مش عارف بئي في حاجه بينهم ولا لا
الممرضة : وانتي تضايقي ان يكون في حاجه بينهم ؟
ريم : لا طبعاا بس ايه
الممرضة : ايه ؟؟؟ طيب خلاص فهمت
ريم : لا متفهمنيش غلط انا قصدي ان المفروض يعرفوني لو فيه حاجه علشان بس مش ابقي ماشيه معاهم كدا
الممرضة : ويمكن يكون صحاب عادي
الممرضة : ممكن الله اعلم
وسكتوووووووا فجأة وبعدين
الممرضة : طيب عندي سؤال عايزه اسألهولك
ياتري ايه السؤؤؤؤؤؤؤؤؤؤؤؤؤؤؤؤال ؟
ياتري هنعرف دا انهرده؟
لا هنعرفوا الحلقه الجايه مع بعض مع نوووووووووور واحمد وريمممممممممم ونهىىىىىىىىى
nervo
Sep 12 2007, 12:26 AM
الحلقه الخامسة والعشرين
ياتري ايه السؤؤؤؤؤؤؤؤؤؤؤؤؤؤؤؤال ؟
حد عرف السؤؤؤؤؤؤؤؤؤؤؤؤؤال ؟
لسه طبعاا محدش عرفوا علشان انا كمان بفكر اخليه انهي سؤال
المهم ما علينا
شوفنا الحوار الي كان بين ريم والممرضه كان حلو بصراحه الاتنين بيتلأموا علي بعض وشكلهم تحفة
وريم كالعادة هبلة وبتقع في الكلام
المهم نشوف احمد الى راح يشوووف نوووور
ونورر عملت ايه
نور طبعا لما عرفت ان احمد وريم مش موجودة زعلت جدا انهم سايبنها لوحدها
وفي نفس الوقت احمد ماشي علي البحرر
وعمال بيفكر
احمد : هوه ايه الى بيحصلي دا
مانا كنت كويس وعايش حياتي
لا مكنتش عايش دلوقتي عرفت طعم ومعني للدنيا
ايوه يااحمد دلوقتي عرفت حاجات كتيرة
طيب نووور وريم ونهي
دول بالنسبالك ايه يااحمد ؟
امممم مش عارف
نور بنت جميلة ولطيفه ووقفت جنبي كتير
ريم عسووولة ودمها خفيف بس مش عارف حاسس فيها بحاجات غريبه كدا
نهي يعم دي لسه معرفة نص ساعه نفضلها وخلاص
طيب وبعدين هتتصرف ازاي يا احمد وانت الاتنين معتقدين انك بتحب واحد فيهم
وانت فعلا بتحب مين
وفجأة
خبط احمد في الست الاجنبية العسولة الامورة الى قابلها اول مجه شرم
احمد : يلهوي انتي تاني
الاجنبية : -------
احمد : نفسي تنطقي مرة لوجه الله
الاجنبية : -------------
احمد : خلاص يا ستي انتي هتقعدي تتكسري في الكلام انا ماشي
جتكو نيلة مليتوا البلد هههههههههههههههههههههه
--------------------------------
نرجع لنوووور ونعرف هتعمل ايه يا نور
يا تري يا نور هتعملي ايه
انا ممكن اسبهم وامشي وهما يبقوا علي راحتهم
طيب افرضي يا نور ان احمد مفيش حاجه بينه وبين ريم تبقي خصرتي احمد
طيب انا هسأله
وجابت الموبيل
واتصلت
نور : الووو
احمد : ايون
نور : انت فين يااحمد
احمد : انا قدام الاوضه بتاعتك
نور : انت هتهزر
احمد : لا والله حتي بصي تك تك
نور : انت كنت فين
احمد : كنت في المستشفي مع ريم
نور : ملها ريم
احمد : وقعت وهي نازله ع السلم زي الجردل ورجليها اتكسرت
نور : هوه الجردل ليه رجلين هههههههههههههههههههه
احمد: ههههههههههه اها حاله خاصه ههههههههههه
نور : طيب يلا علشان نروح نطمن عليها
احمد : يلا بيناا
--------------------------------
نازلين احمد شافوا مكان لذيذ كدا شكلوا رومانسي فقالت نور لاحمد
نور : احمد متيجي تعزمني علي حاجه هنا
احمد : اوكي بس انتي الى تدفعي هههههههههه
نور : اوك موافقه
احمد : موافقه في عينك انتي عايزه واحدة ست تصرف علياا
نور : ههههههههههههه خلاص يابني ادفع انت هتعمل مشكله ولا ايه
احمد: لا خلاص ادفعي انتي علشان ميبقاش شكلك وحش
نور : طيب ههههههههههههههههههه
احمد : اتفضلي
-------------------------------
دخلوا قعدووا وتماممممم
في نفس الوقت ريم قلقانه طبعا احمد بقالوا تلت ساعات سابيها لوحدها مفيش حد في وشها غير الممرضة
المهم ندهت لنهي وقالتها انا عايزه فون علشان مش معايا رصيد
نهي : ليه ؟؟ هتكلمي احمد
ريم : اها اصلي مش عارفه اتاخرليه
نهي: اوكي اتفضلي موبيلي اتكلمي منه
ريم : ميرسي ليكي يا نهي مش تقلقي مش هطووول
نهي :لا يا حبيبي طولت براحتك معاكي 1,50 جنيه رصيد
ريم : ههههههههههههههههههههه
----------------
اتصلت ريم باحمد
ريم : اممممممممممم مش ببيررد
نهي : يمكن الموبيل مش معاه ولا حاجه
ريم : مش عارفه بصراحه استني لما اتصل علي نور
نهي : اوكي
ريم : اممممممممممممممم غير متاح حاليا
نهي : خلاص استني شويه
ريم : مانا مستنيه وانا هعرف اعمل ايه
نهي : هههههههههههههه معلش يا حبيبيتي بكره تقومي بالسلامة
ريم : ميرسي ربنا يخليكي انما مش قولتلي كنتي عايزه تسألي علي ايه امبارح لما الدكتور ندالك
نهي : كنت عايزه اسأل هوه احمد مواعدك انتي ونور بحاجه
ريم : (سكتت كده) وقالتها هكلمك بصرااحه انا عن نفسي لا ونور مش عارفه
نهي : اها يبقى متزعليش منه
ريم : لا بزعل مش عارفة ليه
نهي : بكره تعرفي ههههههههههههههه
-----------------------
نرجع لاحمد ونور
نور : مين كان بيتصل بيك يااحمد
احمد : دي ريم
نور : احسن انك مش رديت عليها
احمد : هههههههههه مانا قولت انك هتقولي كدا بردوا
نور : ههههههههههههههه متفهمنيش غلط لو سمحت
احمد : لا مانا فاهمك صح
نور: انا بقي كنت عايزززك في موضوع كدا بس تجاوبني بصرااحه
احمد : خيرررر
نور : انا كنت عايزه اعرف حاجه واحدة
احمد : قولي يابنتي خير قلقتيني
نور : لا مش تقلق ولا حاجه بس انا مش عارفه
احمد : مش عارفه ايه
نور : اقولهالك ازاي
احمد : والله ماني فاهم حاجه
نور : طيب استني هفهمك
احمد : قولي يا سعاد ههههههههههههههه
نور : بس بقي مش تقلب الكلام تهريج
احمد : حاضر انطقي بقي
نور : هوه انا ايه بالنسبالك ؟
احمد : مممممممممممممممممممممممممممم
ممممممممممممممممممممممممممممممم
ممممممممممممممممممممممممممممممممممم
ممممممممممممممممممممممممممممممممممممممم
مممممممممممممممممممممممممممممممممممممممممم
هنعرف نور بالنسباله ايه الحلقه الجايه ان شاء الله
nervo
Sep 12 2007, 12:28 AM
الحلقه السادسة والعشرين
وقفنا المرة الى فاتت عند نووور وهيا بتسأل احمد
نور : هوه انا ايه بالنسبالك ؟
ياتري نور بالنسبه لاحمد ايه ؟؟؟؟
دا الى هنعرفوا مع بعض الحلقه دي
نور : هوه انا ايه بالنسبالك ؟
احمد : عارفه السؤال دا يا نور
نور : ماله
احمد : كنت لسه بسأله لنفسي من نص ساعه
نور : وياتري اجابتك عليه كانت ايه ؟
احمد : هقولك علي حاجه يا نور بس حاولي تفهميني
نور : اتفضل
احمد : هقولك مثل بسيط كدا ينفع القمر يطلع من غير ميكون في ليل ؟
نور : لا طبعا
احمد : ينفع الشمس تشرق من الغرب بدل الشرق ؟
نور : لا بردوا
احمد : هوه انتي كدا يا نور قمرر بينور ليه الليالي وشمس بتدفيني وبتفضل منورالي طول النهار مش بس كداا
نور : امال ايه
احمد : يعني بحس انك قريبه مني اوي
نور : هوه دا بس يااحمد ؟
احمد :لا يا نور بس مش تسبقي الاحداث هتعرفي كل حاجه في وقتها المناسب
نور : انا سعيدة جدا بكلامك دا يااحمد مع اني مكنتش اتوقع انك تقوله
احمد : ليه يعني هههههههههههه الحروف هتقع مني
نور : هههههههههههههههههههه لا مش قصدي
احمد : المهم يا نور احنا هنسافر بكرة الصبح لازم نروح نشوف ريم ونجبها معانا
نور : اها طبعا يلا بيناا
احمد : طيب والعصيرر
نور : مرة تانيه بقي ههههههههههههههه علشان نلحق الساعه 11
احمد : زي متحبي يا قمرر يلا بينا
***************
في نفس الوقت نهي عاملة تجرب تضرب علي تليفون نور وهي فاكرة ان النمرة بتاع احمد
وفجآة التليفوون رن
نور : ايوووة مين ؟
نهي : انا نهي الممرضه في المستشفي الي صحبتك ريم فيها
نور : اها انا تحت في الرسبشن وطالعه علي طول
نهي : هوه انتي مين ؟ هووه دا مش رقم موبيل احمد
نور : لا دا رقم موبيلي انا ثواني انا طالعه انا واحمد
نهي : اوكي سلام
*********************
اول مخرجت من الاسنسير لقيت نهي في انتظارها عايزه طبعا تشوف مين نور دي ههههههههههههههههههه والمفاجأة الكبري
نهي : انتي نور ؟
احمد : اها هيا يا نهي
نور : انتي تعرفيني قبل كدا ؟
نهي : لا سمعت عنك
احمد : بقيتي اشهر من مادلين طبر يا نور افرحي بقي
نور : ههههههههههههه بس يااحمد استني لما اشوفها سمعت ايه ؟
نهي : لا عادي كل صحابك بيحبوكي حتي احمد ساب ريم وجالك
( نور بقي بصت لاحمد كدا بصه جميلة اوي اكيد كلنا عارفها يعني هههههههههه)
نور : لا هوه مش سابها بس يعني :$ هوه كان جاي علشان انا مبقاش لوحدي
نهي : اها ربنا يخليكوا لبعض
نور : يارب :$
احمد : هههههههههههههههه هوه فيه ايه ؟
نهي : لا مفيش اتفضلوا ريم في الاوضة بتاعتها
احمد : انا عايز اشرب شاي يا نهي بس باللبن لو سمحتي
نهي : حضرتك دي مستشفي مش كافترياا
احمد : يلهوي بتحرجيني يا نهي
نهي :اها خلي نور تعملك
احمد : اها ههههههههههههه هي بقيت كدا طيب مش عايز حاجه
نور : هوه في ايه يااحمد ؟
احمد : معرفشي والله يا نور عادي كبري يلا بس نتدخل نشوف ريم
نور : اوك
********************
دخل احمد ونور الاوضه بتاع ريم لقوا ريم قاعدة كداا
نور : الف سلامة عليكي يا حبيبتي
ريم : الله يسلمك يا نور
احمد : هتروحي انهردة ان شاء الله
ريم : اها هخرج دلوقتي علشان نسافر الصبح
احمد : طيب هروح انا اشوف الرسبشن علشان اخلص الحساب معاهم
ريم : الرسبشن ولا نهي ولا ايه بالظبط
نور : نهي ؟؟
ريم : اها نهي
احمد : مالها نهي يا ريم
ريم : يابني دي قلقانه عليك اكتر مني هههههههههه
احمد : وانا مالي هعملها ايه يعني
ريم : دي عايزه تعرف كل حاجه عنك هههههههههههههه
نور : ازاي يعني
ريم : بتسأل اسئلة غريبه كدا
نور : زي ايه ؟
ريم : مش فاكرة
احمد : والله انتي هبلة انتي وهيااا جتكو القرف انا نازل
نور : احمد بسررعه ومش تتأخر ومش تقف تتكلم كتير
احمد : هههههههههه لا مش هقف مع نهي متقلقيش ههههه
نور : هههههههههه طيب كويس انك فاهم
احمد : اساسي يابنتي
نور : ماشي ياعم
احمد : يلا انا نازل
******************
ماشي احمد علشان يوصل للاسنسير علشان ينزل يشوف حساب المستشفي شاف نهي
نفض ومشي ههههههههههههههههههههههههههههههههه
نزل تحت خلص حساب المستشفي مع الحساباات وجاب عربية ورجعوا الفندق
وهيسافرروا الصبح
امممممممممممممممممممممممممممم
ياتري في احداث قبل ميسافروا تاني؟
يااتري في احداث وهما في الطريق ؟
سنري ماذا سوف يكووون في الحلقه القادمة
انتظروناا
nervo
Sep 12 2007, 12:44 AM
الحلقه السابعه والعشررررررررين
طلع احمد و نور والمكسوورة (ريم يعني )الاوض بتاعتهم في الفندق
ومن هنا ابتدي كلام تاني
بين مين ومين الكلام التاني ؟؟؟
اممممممممممممممممممممممممممممم
بين ريم ونور
ريم : نور انا عايزة اقولك حاجه
نور : نعم يا ريم
ريم : انتي ايه رائيك في احمد
نور : احمد ( ولحظه تفكير عميقة ) ماله يعني
ريم : مالك شكلك اتغير ليه
نور : لا مفيش حاجه
ريم : مفيش حاجه :S طيب
نور : هتنامي بقي علشان هنمشي الصبح بدري
ريم : اها هنام
نور : وانا كمان تصدقي نفسي انام كتير اوي
ريم : اها باين عليكي
نور : باين عليا هههههههههههههههه
ريم : اها
نور : طيب يلا ننام بقي
ريم : اوكي يلا
واطفي النور,,,,,,,,,,,,,,,,,, وبعد خمس دقائق رن موبيل نوور
صحيت ريم ومسكت الموبيل
ريم : الوو ايوة يااحمد
احمد : ايوه ياحبيبتي ازيك
ريم : حبيبتك ؟
احمد : اها يا نور غريبة دي ؟
ريم : بس انا مش نور يا استاذ احمد
احمد : ريم
ريم : اها زفت يا سي احمد
احمد : مالك يا ريم في ايه
ريم : لا ابدا مفيش حاجه خالص ثواني اصحيلك حبيبتك تكلمها
احمد : امممممممممممم طيب بصي يا ريم
ريم : نعم
احمد : بصي يا ماما انا لو فكرت احب حد مش هلاقي احسن من نور علشان احبها
ريم : اشمعنا يعني وحشين احنا
احمد : لا ابدا بس انا اعرف نوور كويس وكمان بحب فيها حاجات كتيرة اوي
ريم : اها مهو واضح من كلامك اهوه
احمد : يابنتي انا معرفشي عنك حاجه
ريم : طيب مش مشكلة
وفجأة .,.,.,.,
تصحي نوور وتسمع بقيت حديث احمد وريم الى هوووا :$
احمد : طيب انا مش عايزك تزعلي ياريم مانتي عارفه ان انا بحبك
ريم : وانا كمان بحبك
احمد : لا بحبك زي اختي متفهمنيش غلط
ريم : شعور رقيق منك يااحمد بس للاسف في وقت متأخر
احمد : تقصدي ايه بوقت متأخر
ريم : ايوه انا حتي لو بحبك مش هقدراكمل معاك علشان
خاطر نور
احمد : وانا بحبك نور اصلا يا ريم
ريم : بص يااحمد مش هعرف اتكلم معاك دلوقتي فخليها للظروف
احمد : اوكي سلام
ريم : احمد
احمد : نعم يا ريم
ريم : لا ابدا مفيش
****************************
طبعا نور سمعت الكلام الى فوق دا وكان رد فعلها انها عملت انها مكلمة نومها عادي وقالت تستني بقي علشان تفهم وتشوف احمد هيقولها ايه
**************************
وتاني يوم الصبح قدام الاتوبيس
احمد واقف مستني ريم ونور
طبعا محدش فيهم لسه وصل وفاضل عشر دقايق والاتوبيس يتحرك
واحمد بيرن علي موبيل نور وهي مش بترد وبتكنسل عليه
ووصلت نور وريم
احمد رايح بيكلم نور وريم
احمد : ايه يا نور مش بتردي علي الموبيل ليه
نور : مليش مزاج
احمد : ملكيش مزاج ؟ طيب براحتك وانا غلطاان اصلا اني
كلمتك
نور : اها من ناحيه انت غلطان فانت غلطان في حاجات كتير بس هقولك ايه
احمد : تقوليلي ايه في ايه يابنتي الناس بتصحي تقول للناس صباح الخير
نور : لا انا صاحيه اقول يا خناق
ريم : في ايه يا نور مالك بس
نور : لا مفيش يا ريم
ريم : طيب يلا نركب علشان هقعد هنا علشان رجلي
نور : لا انا رأي انك تقعدي جمب احمد واعتقد كدا الظروف مناسبة
ريم : ظروف ؟ ظروف ايه يابنتي ؟
نور : لا متشغليش بالك
احمد :يلا يا ريم علشان اركبك نور مش عارف مالها علي الصبح
نور : استاذ احمد اعتقد انك ملكش دعوه بنور لحد منوصل القاهرة وكل واحد يشوف رايح فين
احمد : طيب يا نور انا مش هتكلم معاكي دلوقتي بس خليكي فاكرة الطريقه دي
ريم : هوه انت زعلتها في حاجه يااحمد
نور : ويزعلني بتاع ايه ملوش انه يزعلني
احمد : يووووة بقي مبحبش انا حركات العيال دي انا طالع
********************
وطلع احمد ريم وطلع ركب وبينه وبين نووور تلت كراسي
المفاجأه ان نور لما قالت الظروف مناسبة ريم فهمت انها سمعت كلامهم امبارح وقالت فرصه علشان اعرف اوصل للي انا عايزاه
ياتري ريم هتعمل ايه ؟؟؟؟؟؟؟؟؟؟؟
وياتري احمد هيعمل ايه ؟؟؟؟؟؟؟؟؟؟؟؟
وياتري نوور هتعمل ايه ؟؟؟؟؟؟؟؟؟؟؟؟
دا الي هنعرفوا مع بعض المرة الجاية
nervo
Sep 12 2007, 12:46 AM
الثامنه والعشرين
وصلنا المرة الى فاتت ان ريم كانت بتظبط امورها علشان توصل للي هيا عايزااه
نشوف مع بعض ايه الى هيحصل
ركبت نور جمب ريم في الاول علشان رجل ريم المكسورة
وركب احمد قدام
بدأ احمد يفكر في الموضوع ويشوف ايه الى حصل علشان نور يبقي اسلوبها كدا
وبدأت ريم تفكر ازاي تخلي نور واحمد يكرهوا بعض
وبدأت ريم بعد معملت خطه محكمة لكل دا وهتبدأ مع نور
ريم : مالك يا نور مضايقه ليه
نور : مش مضايقه ولا حاجه انتي هضايقيني بالعافية
ريم : لا شكلك مضايقه انا مش لسه عارفاكي يعني
نور : وبعدين بقي يا ريم
ريم : طيب سوري يا نور بس عايزه اعرفك حاجه
نور : وانا مش عايزة اعرف حاجه يا ريم علشان خاطر ربنا
ريم : طيب ياريت تفهميني مالك علشان شكلك كده ميطمنشي
نور : اقولك والله لقايمة مغيرة الكورسي مع حد تاني ومش قاعد
جمبك انتي كمان لو نطقتي بحرف واحد
ريم : لا لا لا خلاص خليكي
نور : طيب اسكتي بقي علشان عايز شوية هدوء
ريم : حاضر
وسكتت فجأه كده ومسكت الموبيل
بعتت رساله لااحمد
مضمون الرساله
احمد : انا مش عارف نور بتعاملني وحش وعمال تقول كلام غريب مش عارفه ايه الى غيرها كدا
المهم رن موبيل احمد برساله النغمة
احمد : ياتري مين الى بعتلي رساله يارب تكون نور
فتح الرساله لاقها من ريم ومكتوب فييها الكلام الي فاتت
راح قايم
وراح ناحيه نور
احمد : ايه يابنتي مالك
نور : لو سمحت روح اقعد مكانك وملكشي دعوة بيااا
احمد : علي فكرة اسلوبك وحش اوي معايا وانا مبحبش الاسلوب دا
نور : ايوه عارفه بس انت شخصيا مينعفشي معاك غير الاسلوب دا
احمد : واشمعنا انا شخصيا علي اساس اني احمد زويل ههههههههه
نور : دمك تقيل بصرااحة
احمد : انتي كدا بصراحه زوديتها اوي وانا اسف اني قومت من مكاني علشان اشوفك مضايقه من ايه
نور : طيب يلا روح اقعد مكانك وياريت تخليك في نفسك بس
احمد : اممممممممم اوكي
وجع احمد قعد مكانوا تاني
وبدأت نور تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب دا
ففكرت في مسدج
اممممممممممممممممممممممم
امممممممممممممممممممممممممممم
امممممممممممممممممممممممممممممممممممم
امممممممممممممممممممممم هتكتب ايه في المسج ؟؟؟؟؟؟؟؟؟؟؟؟؟؟
دا الى هنعرفوا مع بعض الحلقه الجايةة
انتظرونااااااااااااااااااااااااااااااااااااااااااا
nervo
Sep 12 2007, 12:49 AM
الحلقة التاسعه والعشرووون
وقفنا المرة الى فاتتت
بدأت نور تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب دا
ففكرت في مسدج
ياتري كتبت ايه في المسدج
مسكت الموبيل وقعدت تفكررر
اكتبلة ايه
المهم بعتت المسدج
وكتبتلوا انا اسف
المهم احمد شاف المسدج وبصلها ورجع تاني يبص قدامه تاني
وفكر يوم يكلمها بس كرامته مسمحتلوش
فقال يقعد ويستني الظروف هتعمل ايه
وبعد لحظاات
قامت نور جمب احمد وقالته
نور : احمد
احمد : نعم
نور : انا سمعتك انت وريم بتتكلموا امبارح
احمد : بجد يا نور
نور : اها بجد
احمد : والله يا نور كل كلمة قولتها لريم ساعه مكنا بنتكلم كانت من جوة قلبي
نور : اممممممممممممم ( وشها احمر كدا طبعا مضايقه ) طيب ربنا يتتمم ليكم بخير
احمد : لا لا لا استني انتي فهمتي غلط خالص
نور : غلط ايه وصح ايه والله انا مبقتشي عارفه الصح من الغلط
احمد : هههههههههههههههه ليه ان شاء الله
نور : احمد بطل تهريج لو سمحت وفهمني في ايه
احمد : طيب اهدي يابنتي احنا في الاتوبيس ومعانا ناس
نور : طيب هديت ممكن تتكلم بقي
احمد : لا ممكن تقعدي بقي وتهدي كدا ولما ننزل ان شاء الله هبقي افهمك كل حاجه
نور : انت بتهرج يااحمد هوه انت فاكر اني هقدر استني لحد منوصل
احمد : مهو في احتمال 50 % منوصلشي ههههههههههههه
نور : والله انت رخممممم مووووووووووت
احمد : ربنا يسمحك روحي بقي اقعدي وحاولي تفهمي من ريم علي منبقي نوصل
نور : حاضرر :@@::@@:@@:@@@
احمد : ههههههههه والله البنات دي عايزة الولعه مش عايزه الى يكلمهم بالراحة
***************************************
راحت نور علشان توقع ريم في الكلام
نور : ها يا ريم عاملة ايه دلوقتي
ريم : الحمد لله كويسة
نور : طيب
ريم : بس انتي رجعتي لمودك تاني هوه انتي كنتي مضايقه من حاجة
نور : لا لا ابدا بس مكنتش نمت كويس
ريم : اقصدك سمعتي المكالمة بتاعه احمد امبارح معايا
نور : اها
ريم : علي فكرة يا نور انتي صحبتي وصعب عليا اني اضحك عليكي او اقولك حاجه مصحلتشي
نور : قولي يا ريم انتي عارفه اني بثق فيكي
ريم : احمد امبارح كان بيكلمك علي موبيك
فانا رديت عليه
فقالي ايوه يا حبيبتي
مش عارفه بقي كان يقصدني ولا يقصدك
نور : هوه انتي كنتي اتكلمتي
ريم : ايوة كنت قولت الوو
نور : اها ممكن يكون مش ركز في الصوت بس
ريم : عايزة اسالك سؤال يا نور
نور : اتفضلي
ريم : هوه انتي بتحبي احمد ؟
نور : نعم ؟؟ بتقولي ايه
ريم : ههههههههههههههههه هوه انتي بتحبي احمد
وفجأة
وفي ولهة من الوقت
سمع الجميع صوووووووووووت كداا
ياتري صوووت مييييييييييين ؟؟؟؟؟؟؟؟؟
صووووووووووت السواق الريست يا جماعه هنريح هنا شوية ونكمل بعد ساعتين
نور فرحت اوي ههههههههههههه انها مريحتش ريم ههههههههههههههههههه
نزل الجميع علي الطريق قدام فندق علشان يشربوا حاجه ياكلوا حاجة كدا يعني
وقامت قالتها ثواني هسأل احمد علي حاجة
ريم : اوكي
راحت نور لاحمد
نور : احمد
احمد : نعم
نور : انت وانت بتتكلم امبارح كنت عارف ان مين الى معاك
احمد : كنت عارف انها ريم
نور : كنت عارف انها ريم وبتقولها ايوه يا حبيبتي ؟
احمد : لالالا في الاول كنت بكلمها علي اساس انتي
نور : وبعدين
احمد : اتكملنا كلام عادي يعني وفهمتها اني ؟؟؟؟؟
نور : انك ايه ؟
احمد : اني كنت عايزك انتي
نور : طيب وليه مش خليتها تصحيني
احمد : مكنتش عايز اقلقك يا قمر
نور : تقلقني :@
احمد : اها هههههههههههههه
نور : والنعمة انت رخم
احمد : من بعض ما عندكم
نور : طيب هروح اقعد مع ريم علشان مش تبقي لوحدها
احمد : لا استني نفضلها بقي وتعال نتغدي مع بعض
نور : هتغديني ايه طيب
احمد : ههههههههههه في سندوتشات فول وطعمية هنا جنان ههههههههههه
نور : هههههههههههههههه لا انا هروح اتغدي مع ريم
احمد : طيب هتتغدوا ايه
نور : مش عارفه
احمد : طيب تعالي بس ندخل جوه ونشوف عندهم اكل ايه
نور : طيب اوكي يلا
***************************************
ريم قاعدة هتولع نور سابتها هي واحمد ودخلوا المطعم
وجتلها فكرررررررررررررررررررررررررررة
ياتري هنعمل ايه ؟؟؟؟؟؟؟؟؟؟؟؟؟؟؟؟؟؟
هتعمل حاجه ظريفة اوي
داالى هنعرفوا مع بعض الحلقه الجاية
انتظرونااااااااااااااااااااااااااااااا
nervo
Sep 12 2007, 12:51 AM
الحلقه الثلاثون
***********************************************
ريم قاعدة هتولع نور سابتها هي واحمد ودخلوا المطعم
وجتلها فكرررررررررررررررررررررررررررة
ياتري هنعمل ايه ؟؟؟؟؟؟؟؟؟؟؟؟؟؟؟؟؟؟
اممممممممممممممممممممممممممممممممممممممممممممم
عايزه اعمل حاجه علشان اخليهم مش يعرفوا يتصالحوا
ياتري هتعملي ايه يا ريم
اممم يلا يا ريري فكري
وجدتها
اها يا رجلىىىىىىىىىىىىىىىىىىى
رجلىىىىىىىىىىىىىىىىىى
سمع احمد ونور صوت ريم وهي بتأألم سابوا المطعم ومشيوا من غير مياكلوا يعيني ورحوا يشوفوا ريم
نور : مالك يا ريم
ريم : رجلي بتوجعني اوي
نور : من ايه حصل حاجه
ريم : اها اتخبطت مني هنا
احمد : وكل الدوشة الى انتي عاملاها دي علشان رجلك اتخبطت مكنتش تبقي الخبطه في دماغك وتموتك ونستريح منك ههههههههههههههههههه
نور : لا حرام عليك يااحمد متقولشي كدا بعد الشر عنها
ريم : ان شلااا انت
نور : لا متقوليش كدا بقي وبس خالص انتي وهوه
احمد : حادر انا بسيت اهووووووووووت
ريم : ايوه امشي من هنا كمان دي قاعدة بنات انت جاي تقعد معانا ليه
نور : هههههههههههههههههههه ايوة يااحمد يلا اسمع الكلام وامشي بقي
احمد : شوفتي المفعنة الى مش بيطمر فيها حاجة انا جاي اشوفها يمكن تكون فيها حاجة
نور : لا امشي هي كويسة ههههههههههههههههههههههههههههههههه
احمد : طيب يلا نروح نشوف الاكل زمانه برد
نور : لا روح هات الاكل هنا علشان ريم تاكل معانا
احمد : بقي انا هاكل مع ريم دي هههههههههههههههههههههههههههه
ريم : ومالها بقي ريم يا سي احمد
احمد : سي السيد لو سمحتي هههههههههههههههههه اتعلموا تكلموا ولاد الناس بئي هههههههههه
ريم : ولاد ناس هههههههههههههههههههه ضحكتني ههههههههههههههههههههههه
نور : بس يابنتي انتي وهوه كدا هتزعلوا من بعض
احمد : لا لا متقليش يا نور باخد بمبدأ انا اذا تكلم السفهاء فدع القافله تسير هههههههههههههههههه
نور : هههههههههههههههههههههههههههههههههههههه طيب بس يااحمد علشان خاطري :$
احمد : بس كدا :$ دانت تؤمر يا قمر
ريم : اجبلكوا اتنين عصير ليمون :S
احمد : اها ياريت وشجاريتن وكرسي وطرابية ههههههههههههههههههههههه
نور : قصدك كرسين وشجره وطرابية هههههههههههههههههههههههههههههه
احمد : يا ستي بقول شجرتين علشان تقوم مترجعشي هههههههههههههههه
ريم : انشللااا الي يكرهني
احمد : هوه انتي في حد بيحبك اصلا ههههههههههههههههههههههههههههههههه
نور : انا بحبها :$ اختي العسووولة دي
ريم : تسلملي يارب يا نور
احمد : اعدم عم ابراهيم بتاع الترمس بتجاملك هههههههههههههههههههههه
ريم : ملكش دعوه يا غلس :(
نور : متقوليش عليه غلس لو سمحتي :$
احمد : يابنتي قولتلك سيبك منها وتعال نروح نتغدي سوا وهي انشالله مكلت هههههههههه
نور : لا روح هات انت بقي يااحمد علشان خلاص فاضل في الريست نص ساعه
احمد : حاضر
نور :تاكلي ايه يا ريم ؟
احمد : لا هجيبلها علي زوقي ههههههههههههه سندوتشين طعمية ونخلص من رخامتها
ريم : يابني بطل الرخامة الى فيك دي :(
احمد : طيب هروح اجيب الاكل واجي
**********************************
مشي احمد راح يبجيب الاكل
وبعدين ريم بتسأل نور
ريم : نور عايزه اسألك علي حاجه
نور : اسالي يا ريم
ريم : هوه انتي واحمد خلاص يعني ؟
نور : يعني ايه خلاص يعني ههههههههه مش فاهمة حاجة
ريم : بتحبوا بعض يعني
نور: بصي هوه بصرراحة مش قالهالي مرة واحدة
ريم : امال قالهالك علي تلت مقاطع :S
نور : نوو هوه يمكن حسسني بيها بس مش قالها
ريم : وانتي بتحبية
نور : ايه ؟
ريم : وانتي بيحيبه
نور : بصراحة ؟
ريم : امال يعني بالسلطة :(
نور : اه بس مش عارفه هوه بقي ناوي علي ايه
ريم : علي فكرة عايزه اعترفلك بحاجة
نور : تعترفي !!!!!!!!!!!!!
ريم : اه
نور : باية !!!!!!!
ريم : انا كنت حاسه اني بحب احمد وهوه كمان حسسني انه بيحبني بس بعد مكالمه التليفون عرفت انه بيحبك وكنت شاكه قبل كدا
نور : بيحبني :$
ريم : اها
نور : بصي يا ريم صعبه اوي اني اختار بين صحبتي وبين الى انا بحبه فانا هسيب الامور تمشي بطبيعتها علشان مش نزعل من بعض
ريم : لا هنزعل من بعض ليه يعني دانا المفروض اني افرحلك في فرحك هوه احنا مش اخوات
نور : ربنا يخليكي يارب يا ريم
ريم قاعدة هتولع (( ايه الي انا هببتوا دا )) جييييت اكحلها عمتها :(
ولحظااااااااااااااااات من الصمت
*
**
***
****
*****
******
*******
********
ويأتي احمد
بالسندوتشاات
يلا كلوا بسرعه علشان السواق بيقولوا استعدووووا هنمشي
************************************
وينتهي الريست بانتهاء الغداا ويرجع الجميع للاتوبيس لاستكمال العوووووووووووووودة
*************************************
وانتظروووووووووووونا الحلقه القادمة
nervo
Sep 12 2007, 12:53 AM
الحلقه الحادية والثلاثون
وقفنا المرة الي فاتت
وينتهي الريست بانتهاء الغداا ويرجع الجميع للاتوبيس لاستكمال العوووووووووووووودة
الصمت يسوووووووووووود الاتوبيس ياتري في ايه
ريم مضايقه اوي من الى حصل ومن احمد ومن نور ومش طايقه نفسها ففضلت السكوت
نور بتفكر في احمد يااتري هوه كمان بيحبها ولا مجرد اعجاب ولا مجرد واحد بيتسلي وياتري هي
اخطأت الاختيار ولا ايه بالظبط
احمد بقي ودا مشكلته مشكلة عمال يفكر يعرف نور انو بيحبها ازاي ؟؟
والاتوبيس ماشي في الطريق والسواق هينام وشكلوا هيقلب الاتبويس بيهم وهيموتوا ونخلص
منهم كلهم باذن الله
هههههههههههههههههههههههههههههههههههههههههههههههههه هههههههههههههههههههههههههههههههه
**********************************
وبعد مرور سبع ساعات تقريبا ومحدش يسألني ليه سبع ساعات علشان هي جت في دماغي
كدا
السواق : حمداالله علي السلامة يا جماعة
وصلنا الحمد لله
وصل الرجل ووصل الناس
ونزلت الناس من الاتوبيس
ونزل احمد نور وريم ووقفوا تاكسي
ريم : ميرسي يااحمد معلش تعبتك معايا
احمد : انتي بتقولي ايه يا هبلة احنا اخوات
ريم : تسلم يارب يااحمد
احمد : يارب يختي يارب هههههههههههههه
احمد : نور هتروحي فين دلوقتي
نور : هرجع تاني شرم هههههههههههههههه
احمد : طيب استني نروح ريم ونرجع سوا هههههههههههه
ريم : ههههههههههههههه ماشي انا هركب وامشي يا غلسين
نور : هروح طبعا يااحمد مرهقة جدا ومحتاجه اني اريح
احمد : طيب بعد متوصلوا اتصلوا بيا طمنوني عليكوا
ريم : وانت هتروح فين يااحمد
احمد : هروح اخد شوية حاجات من البيت وهنزل البلد
نور : انت هتنزل البلد ؟
احمد : اها
نور : طيب هشوفك امته تاني
ريم : خليه ياستي قاعد في بلدهم اكرمله ههههههههههههه
احمد : خليكي في حالك يا غلسه انتي :@
ريم : انا غلسه يااحمد
احمد : بصرااحة اها
نور : عندوا حق بصراحه يا ريم
ريم : ماشي ماشي ربنا يسمحكوا
يلا علشان تروحوا ووقف احمد تاكسي وركب نور وقالها انا هوصل لريم لحد البيت
نور : لا هاجي معاكوا انا بيتي مش بعيد عن ريم
احمد : هههههههههههه ولا بعيد هههههههههههه
نور : يلا مش مهم توقف تاكسيات تاني
*****************************
السواق : علي فين يا انسة
ريم : المعادي يا اسطي
السواق : هي المعادي دي شارع يعني راحة فين في المعادي
احمد : ايه يعم انت في ايه مش في راجل واقف المفروض تتكلم معاه ولا انت ابن دزمه معترفشي
في الاصول
السواق : اللهم طولك يا روح بلاش غلط يا بليدنا انت
نور : خلاص انتو هتتخانقوا
السواق : لا يا ستي اتفضلوا اركبوا مهو يوم مش معدي باين عليه من اوله
احمد : تصدق بالله يا اسطي
السواق : لا اله الا الله سيدنا محمد رسول الله
احمد : انت متنفعشي سواق اخرك سبااك مش عارف دا احساسي من ناحيتك
السواق : والله يا اخينا انا مش مستريحلك مش عارف ليه
احمد : يعم هوه انا جاي اتجوز اختك :S هتقولي مستريحلك ولا مش مستريحلك ايه الناس دي
السواق : يعم متبطل غلط مش عايز اطول لساني عليك
احمد : تطووول ايه انت عبيط يعم انت ولا شكلك كدا
ريم : خلاصصصصصصصصصصصصصصصصصصصصصصصصص انتوا بتتخانقوا
السواق : والله مانا مركبكوا
احمد : احسن يعني هنركب التروماي هههههههههههههههه يلا يعم شوف انت رايح فين
******************************
ومشي سواق التاكسي
واحمد واقف واحد تاني بس شاب كدا وباين عليه لذيذ
السواق : علي فين يا فندم
احمد : المعادي يا باشا
السواق : اتفضل ياباشا
ونزل فتح شنطه العربية ودخل الشنط وركبهم ومشي
السواق : علي فين بالظبط في المعادي يا استاذ
احمد : شارع بغداد عمارة 32
السواق : اوك
وبعد خمس دقايق تقريباا
وصلوا
ريم بتتكلم في التليفون
ريم : ايوه يا ماما
مامتها : ايوه يا ريم
ريم : انا تحت العمارة ورجلي مكسورة
مامتها : مكسورة ؟؟
ريم : اها
مامتها : طيب انا هنزلك حالا
ريم : اوكي بس بسرعه
ثواني معلش ماما نازلة دلوقتي
السواق ولا يهمك يا فندم
احمد : علي فكرة انت زوق يعني
السواق : ربنا يخليك
ونزلت مامة ريم
مامة ريم : مالك يا ريم
احمد : هوه دا وقت مالك يا ريم هههههههههههههه
ريم : بس يااحمد هههههههههههههههههههه
احمد : حادر
ريم : يلا نزلوني
نزلت ريم وخرج الراجل شنطها
احمد : ثواني معلش هطلعها وانزلك
السواق : ولا يهمك انا معاك
طلع احمد مسند ريم ومامتها معاه
ونور في العربية ولا نطقت بحرف واحد
المهم طلعت ريم ونزل احمد
احمد : يلا بينا يا باشاا
السواق : علي فين ياباشا
احمد : لا مش بعيد الشارع الجاي دا وبعد كدا هتوديني الحدايق
السواق : اوكي
وسكون لحظات كدا
وبعدين نور تتكلم
نور : احمد انزل ثواني عايزاك
احمد : اوكي حاضر
نزلوا الاتنين شال معاها الشنط
لحد موصلها لجوه العمارة
احمد : خليكي معايا في الفون
نور : لا انت رخم اصلا
احمد : ليه بس ؟
نور : عمال تهزر مع ريم ومع مامتها
احمد : يا هبلة ريم دي اختي ومامتها مامتي
نور: بس بردوا
احمد : طيب خلاص متزعليش كدا
نور : هتقعد قد ايه في البلد
احمد : قد ايه ههههههههههههههههههههه دا اصلا فاضل علي الدراسة 19 يوم ههههههههههههههههههههه
نور : يعني هتقعد ال 19 يوم في البلد يااحمد
احمد : لا طبعا هقعد 18 بس ههههههههههههههههههههههههه
نور : بتكلم بجد بئي متبقاش رخمممممم
احمد : طيب هقولك هوه اسبوع واحد بس علشان ابويا ميزعلشي
نور : طيب ابقي طمني عليك
احمد : وانتي كمان هتوحشيني والله
نور : ايه
احمد : الراجل واقف بره هههههههههههههههههههههههه
نور : ههههههههههههههههههههههههههه طيب ابقي كلمني اول متوصل البيت
احمد : حاضر
نور : يلا لا اله اله الله
احمد : سيدنا محمد رسول الله
خرج احمد للراجل
احمد : معلش يا باشا اتأخرت عليك
السواق : ولا يهمك ياباشا
احمد : تسلم يارب
ومشيوا واحمد قالوا علي العنوان وووصل احمد بالسلامةةةةةةةةةةةةةةةة
احمد : اتفضل معانا ياباشا
السواق : الله يخليك علشان شغلي بس
احمد : ماشي ياباشا
مشي السواق واحمد طالع علي الشقه
حب يتكلم في التليفون
ياتري هيكلم مين ؟؟؟
اكيد نووووووووووووووووور
المهم اتصل بيها
احمد : وحشتني
نور : بس يا مجنون
احمد : مجنون ليه ؟ هههههههههههههههههههههه
نور : بس بئي يااحمد
احمد : طيب خلاص انا وصلت اهوه وطالع علي السلم
نور : حمدالله علي السلامة
احمد : عايز اقولك علي حاجة
نور : قول
احمد : انا ان شاء الله لما ارجع من البلد
وسكت
نور : ها يابني
احمد : ,,.,.,.,.,.,.,.,.,.,.,.
________________________________________________
__________________________________________________
دا الى هنعرفوا مع بعض الحلقه الجاية :$
انتظرونا
nervo
Sep 12 2007, 12:54 AM
الحلقه الثانية والثلاثون
وقفنا المرة الى فاتت ساعه مااحمد كان بيكلم نور وبيقولها
انو لما يرجع من البلد وسكتتتتتتتتتتتتتتتتتتتتتتتتت
ياتري هيقول ايه دا الى هنعرفوا مع بعض خلال حلقتنا انهردة
احمد : عايز اقولك علي حاجة
نور : قول
احمد : انا ان شاء الله لما ارجع من البلد
وسكت
نور : ها يابني
احمد : هغير الشقه دي واخد شقه تانيه
نور : اشمعنا يعني
احمد : لسببين بصراحة
نور : الى هما ايه يعني
احمد : السبب الاول يا ستي الست صاحبة البيت مش مظبوطه كدا
نور : مش مظبوطه ازاي يعني
احمد: عادي يعني مش مستريحلها انا
نور : اها والتاني ايه بئي
احمد : عايز اخد شقه قريبه من بيتكوا
نور : من بيتنا اشمعنا ؟
احمد : هقولك لما ارجع ان شاء الله
نور : لا قولي دلوقتي
احمد : لا مش هينفع دلوقتي والله
نور : بئي كد ياااحمد
احمد : يابنتي عادي والله هقولك لما ارجع
نور : ان شاء الله ترجع بالسلامة
احمد : طيب انا هقفل دلوقتي وابقي اكلمك وقت تاني
نور : طيب بس مش تتأخر عليا
احمد : مقدرشي اتأخر عليك يا قمرررر
نور : :$ طيب يلا سلاام
احمد : ههههههههههههه سلام
وقفل احمد مع نور
وطالع السلم قابل مين
جارته صحبة البيت
جارته : حمد الله علي السلامة يا استاذ
احمد : الله يسلمك
جارته : جيت امته
احمد : لسه حالا
جارته : علي فكرة الحج اتصل بيك كزا مرة
احمد : ابويا
جارته : اها
احمد : طيب ماشي انا رايح اصلا حالا
جارته : ابقي طمني عليك لما توصل
احمد : ان شاء الله
وطلع احمد لم حاجاته
وراح ركب العربية الى هتوديه البلد
وركب فعلا
وبعد سااعاات وصل احمد البلد
نزل من العربية
قابل مين ؟؟؟؟
ياتري قابل مين
قابل محمد ابن عمه
محمد : مييييييييييييييييييييييييين احمد ؟؟؟؟
احمد : اها يابني ايه شوفت عزرائيل ههههههههههههههههه
محمد : وحشني يا وله
احمد : وانت كمان والله يا محمد ايه اخبارك
محمد : الحمد لله عايشيييييييييييييين انت عامل ايه يا ولة
احمد : وله ايه يعم هههههههههههه متهدي شوية عليا
محمد : ايه انت بقيت خلاص بندري
احمد : بندري ايه يابني :s
محمد : انت اتغيرررت يااحمد ومبقتشي زي الاول
احمد : يلا يابني علشان توصلني
محمد : اوصلك فين ؟؟
احمد: اللبيت يابني
محمد : لا لا لا لا تعال نروح البيت عندنا نتغدي الاول
احمد : لا يلا نروح ابويا وامي وحشني وعايز اشوفهم
محمد: طيب يلااا انت حرر :(
احمد : طيب يلا
*************************
مشيوا الاتنين وراحوا بيت احمد
احمد دخل البيت سلم علي ابوه وامه وقعد اتكلم معاهم
وبالليل بعد مسلم عليهم قال لابوه انا عايزك في كلميتن
ابوه خدوا وخرجوا معرفشي رراحوا فين بس المهم انهم خرجوا
وهما ماشين
الحج : ايه يااحمد خير في ايه
احمد : بصراحه يابا انا كنت عايز اكلمك في موضوع كدا
الحج : قول يا احمد في ايه
احمد : انا معايا بنت في الجامعه بحبها وعايز اخطبها
الحج : ودي من مصر يا احمد
احمد : اها من مصر يابا
الحج : بص يااحمد انت طلبت تروح مدرسه كبيرررة
احمد : اسمها الجامعه ياباا
الحج: انا معرفشي في الحاجات دي
احمد : المهم يابا البنت دي بحبها وهي بتحبني وعايز اخطبها
الحج : يابني بنات مصر غيرنا
احمد : لا يابا دي كويسة اوي
الحج : ياااحمد فكر تاني وانا يابني مش هتأخر عنك
احمد : تسلملي يارب يابا وربنا ميحرمنيش منك
الحج : تصدق ان امك لسه مكلماني في الموضوع دا
احمد : موضوع ايه
الحج : كانت عايزه تخطبلك مسعدة بنت خالك
احمد : حرام عليك ياباا دي دايسه علي وشها قطرر قبل كدا هههههههههههههههههه
الحج : بس يا وله دي بنت خالك بردوا
احمد : ماشي ياباا سكت اهوه
*********************************
ومشي ابوووه هوه واحمد ماشين بيتمشوا في البلد
وروحوا بالليل
احمد كان مستعجل عايز يروح علشان يكلم نور
المهم دخل احمد اوضته وقال هكلم نور
المهم اتصل بيها
نور ردت عليه
احمد : نوور
نور : احمد ازيك
احمد : الحمد لله تمام ازيك انتي عاملة ايه
نور : الحمد لله تمام
احمد : فاكرة يا نور السبب التاني الى كنت بقولك عليه بتاع الشقه
نور : اها طبعا فاكرااه الي انت مردتش تقولي عليه هههههههههههههه
احمد : مانا خلاص كلمت الحج
نور : حج ايه ؟ مش فاهمة حاجة
احمد : نور
نور : نعم
احمد : شكلك حلو وانتي بتعملي عبيطة ههههههههههههههههههههه
نور : ههههههههههههههههههههههههههههه لا بجد مش فاهمة في ايه
احمد : نور
نور : يادي نور نعم يابني
احمد: بحبك
*
***
*******
انتظرواا الحلقه الاخيرررررررررررررررة
nervo
Sep 12 2007, 12:56 AM
الحلقه الاخيرةةةةةةةةةةةةةةةةةةةةةةةةةةةةةةة
وصلنا المرة الى فاتتت عند موصلنا ههههههههههههههههه انا مش هقول وصلنا فين
علشان انا بتكسف هههههههههههههههههههههه
شاب اخلاق انا والله هههههههههههههههههههههههههههه
المهم نرجع لموضوعنا
نور : نعم !!!!!!!!!!!!!!
احمد : ايه قولت حاجه مش علي مزاجك ؟
نور : نعم !!!!!!!!!!!!!!
احمد : ايه يابنتي عليكي عفريت اسمه نعم ؟؟
نور : ايه !!!!!!!!!!!!!!!
احمد : طيب بقولك ايه هههههههههههههههههههه اعتبريني مقولتش حاجة
نور : مين !!!!!!!!!!!!!!!!!!!
احمد : ههههههههههههههههههه وربنا هبلة
نور : احمد اقفل دلوقتي ونكمل بعدين
احمد : ههههههههههههههههههههههه ليه يابنتي
نور : اسمع الكلام بس يااحمد علشان خاطري
احمد : حادر يا ستي
نور : سلام يا,,,,,,,
أحمد : ياا ايه ؟؟؟
نور : يارخم ههههههههههههههههههه
احمد : سلام يا روح قلبي :$
******************************************
وبعد مرور اياام حوالي اسبوع تقريباا
وكانت مكالمات احمد ونور عباره عن اتنين خلاص بئي بيحبوا بعض
رجع احمد الشقه القديمه خد حاجته كانت نور ظبطت ليه شقه جديدة
وراح نقل حاجاته في الشقه الجديدة ومستني يعرررررررررررف رد نور علي اخر
سؤال كان سأله ليها
ياتري ايه هوا السؤؤؤؤؤؤؤؤؤال
امممممممممممممممممممممممممممممم
امممممممممممممممممممممممممممممممممممم
اممممممممممممممممممممممممممممممم
لو فكرنا هنلاقي ملهاش غير حل واحد بس مش ملهاش حل بتاع المنتدي بتاعنا ههههههههههههههه
نرجع كدا نشووف ايه الحوار ونور بتفكر فيه
ياتري هتعملي ايه يا نور
وعمالة تفكر ياتري اقوله ايه
كل ما تتخيل الموقف مش عارف تفكر في اي حاجة
هقولكوا علي الحوار علشان مبقاش حرمتكوا من حاجة
ههههههههههههههههههههههههههههههههههههه
احمد : نور
نور : نعم
احمد : بصراحه كدا
نور : ها
احمد : وبدون مقدماات
نور : يارب نخلص هههههههههههههههه
احمد : هنخلص اهوتتتتتتتت
نور : طيب يلا انطق ههههههههههههههه
احمد : انطق ههههههههههههه
نور : دانا يابني لو بحب في ابو الهول كان زمانه نطق ههههههههههههههه
احمد : علي اساس انك بتحبيني يعني :$
نور : عارف مستر كاظم الساهر
احمد : وهل يخفي القمر
نور : بيغني بئي وبيقول ((( هل عندك شك ))) اظن كده مسمعشي صوتك تاني ههههههههههههه
احمد : لا مش فاهم وضحي حضرتك هههههههههههههههههههه
نور : طيب اها يا سيدي حاجة تانيه
احمد : اها ايه بئي ؟
نور : يلهوووووووووووووووووووووي يابني خنقتني ههههههههههه
احمد : طيب خلاص خلاص خلاص
نور : ها كنت عايز تقول ايه
احمد : كنت عايز اقولك
اقوولك
اقولك
اقووولك
تتجوزينني
monyy
Sep 12 2007, 02:12 AM
نيرفوو بجد القصة فوق الفظييعة
حلوة جداا
بس انا محستش انها خلصت :(
يعنى معرفناش الرد ولا ريم الزفتة دى عملت ايه تانى :(
nervo
Sep 12 2007, 02:18 AM
لا ما خلاص ياقمر ريم عرفت ان احمد بيحب نور فاانسحبت
وكمان نور كان واضح من كلامها انها بتحبه وهو كان تقلان عليها بس عقدة لسانه اتفكت خلاص ههههههههه
ميرسى ياقمر على ردك الجميل وبالتوفيق
ledo_boda
Sep 12 2007, 05:03 AM
هههههههههههههههههه
هى القصة خلصت
ليييييييييييييييييييييييه :(
تسلم إيديكى يانيرفو ياعثل
تعبتى فى القصة دى كتير
وتستهالى ألف شكر للجهد الجميل ده
ehahe
Sep 12 2007, 07:32 AM
هههههه
حلوه اوى القصه على فكره
ونهايتها حلوه
تسلم ايدك ياقمر
ومشكوره على مجهودك
وخدى حق تعبك
اموااااااااااااااااه
مشمشه
Sep 12 2007, 03:35 PM
القصه روعه روعه بجد ينيرفو
الف الف الف شكر على المجهود ده بجد
قصه حلوة اوى
nervo
Sep 12 2007, 04:27 PM
شكرا ياليدو مش انا لوحدى الى تعبت فى القصه
انت والشاب الشقى نزلتو جزء منها
ميرس سوسو ومشمشه على ردكم الجميل ده امووووووووووووواه