رمضان كريم

كل سنة وانتم طيبين يا احلي اعضاء ومشرفين في احسن منتدي (ايجيهات)
ورمضان كريم عليكوا جميعا
ويكون شهر خير وبركة علي الجميع وعلي الامة الاسلامية كلها
وتتحقق امانيكم واحلامكم

طبعا كلنا بنحب الفوانيس ومفيش حد فينا مكنش عنده فانوس وهوه صغير
يا تري كل واحد فاكر فانوسه وهوه صغير كان شكله ايه ولونه؟
وياتري بتحبوا شكل فوانيس زمان ولا فوانيس دلوقت؟ ولسه بيجيلكوا فوانيس لحد دلوقت ولا خلاص؟


كل سنة وانتم طيبين
اللهم بلغنا رمضان
وتقبل صيامنا وقيامنا يارب العالمين
آمين

كل سنة وأنت طيبة يا بوسى يا عسل
ورمـــضـان كـــريم على كل أعضاء إيجى هات
ويعوده عليكم بالخير

موضوع حلو وجاى فى وقته تمام

طبعا مين ما يحبش الفوانيس وهى عادة أدخلها إلى مصر الفاطميين

وبصراحة أنا مش فاكر شكل الفوانيس اللى كانت بتجيلى وأنا صغير هما كانو كتير أصلا
بس أنا شايف أن شكل الفانوس زمان أجمل وأحلى رغم أن الشكل يمكن ماكنش فيه الدلع الجامد بتاع دلوقتى بس أنا مع شكل زمان مش الصينى بتاع اليومين دول
(فانوس وبيغنى ماكارينا بدل ما يقول وحوى يا وحوى)
بالزمة ده يبقى فانوس رمضان ولا فانوس حاجة تانية؟؟

ميرسي اوي يا طاهر علي ردك الجميل
وفعلا عندك حق الفوانيس بتاعه زمان كنا بنحس فيها بروح رمضان اكتر
سواء كانت الحديد اللي بشمع ولا البلاستيك الملونة
ايام زمان كان رمضان له طعم تاني
كل سنة وانت طيب يا طاهر
ورمضان كريم عليك ان شاء الله وعلينا جميعا

تسلم ايدك يابوسى
بصى ياقمر انا كان عندى وانا فى ح

وانتى طيبة يا بوسى
بصى اول فانوس خالص كان بشمعة
بس مكونتش بحبو ولا بلعب بيه
كانت ماما اللى بتشغلهولى وتفضل قاعدة معايا احسن اتهور واعمل حاجة بالشمعة
بس بعد كدة بالتكنولوجيا وصلت للى بلمبة دة
وكان الحديد بتاعو لونو دهبى والازاز احمر وكنت بحبو اوىىىىى
والفانوس دة بحبو اكتر من الجداد اللى على شكل ميكي وكدة
وانتى يابوسى فانوسك كان ايه ؟

تسلمي يا موني يا قمر علي ردك
وكل سنة وانتي طيبة
انا كان فانوسي الاول حديد الاضفر اللي بشمع وكنت ديما بتلسع منه الشمع كان ديما يسيح علي ايدي
ههههههههههههههههههه
وبعد كده بقي عندي الفانوس اللي بالبطارية وكنت بحب الاحمر
وكان عندي الوان كتير
بس برده فوانيس زمان اجمل بكتيرمن دلوقت

ههههههههههههههههه

يخربيت عقلك يا بوسى

رجعتينا لكاااااااااااااااااااام سنه ورى

بس كانت ايام حلوه

انا اول فانوس فاكره كان من بابا وكان عباره عن صاج وجواه شمعه

كان بيولع الشمعه وافضل قاعد جنبه .....ومكنتش بعرف امسكه عشان كان بيبقى سخن اووووووى

بس الحمد لله السنه الى بعديها ماما جابتلى فانوس بلمبه .....ولسه محتفظ بيه لحد دلوئتى ...بس مش شغال

تسلم ايدك يا بوسى

والله موضوع جميل

ههههههههههههه

بالتوفيق.........

بصى انا من النوع اللى مش احب اجيب كل سنه فانوس
فكنت باخد بالى جدا عليه

اعد الفانوس الاخير بتاع 3 سنين معانا و اخويا كسره ليا"طبعا كنا عيال"
و من يومها قررت مش اجيب فانوس عشان محمد و بلال مش يكسروه ليا تانى

ميرسي يا بليزي لردك
ومفيش احسن من ايام زمان
---------------------------
وانتي يا مشمشة متزعليش علي الفوانيس اللي اتكسرت
وميرسي لردك