اولا احب اقول لكم كل سنة وانتم طيبين
ورمضان كريم علينا وعليكم يارب
انهاردة اول يوم من ايام شهر رمضان
عايزين نتكلم عن زكريات شهر رمضان معانا زمان
ايام طفولتنا الجميلة
انا عن نفسي رمضان كان له شكل وطعم خاص زمان
فاكرين اول مابدانا نصوم
لما كنا نصوم واحنا هنموت من العطش او الجوع
بس مش عايزين نفطر ونكمل لحد المغرب علشان محدش يقول علينا عيال
فاكرين لما كنا نعمل زينة علشان نعلقها في الشارع وعلي البيوت
كانت بتبقي حلوة اوي
فاكرين فوانيسنا الجميلة بتاعة زمان
اللي بالشمعة واللي باللمبة قبل الفوانيس الجديدة ديه متظهر
وكنا بعد صلاة العشا ننور الفوانيس ونغني
حاللو يا حاللو رمضان كريم يا حاللو
ووحوي يا وحي ايوحه
وكمان وحوي ايوحه
رحت يا شعبان
وجيت يا رمضان
كانت اغاني حلوة
ولما كان حد مننا ميصومش كنا بنغنيله
يا فاطر رمضان يا خاسر دينك
القطة السودة هتقطع مصرينك
ههههههههههههههه
كانت ايام جميلة اوي ياريتها ترجع
بس للاسف الزمن مبيرجعش
عايزة كل واحد يحكي عن زكرياته في رمضان زمان وكان بيعمل ايه ودلوقت بقي بيعمل ايه
كل سنة وانتم طيبين