مشمش_2007
Sep 25 2007, 01:57 AM
السلام عليكم
انا جبت لكم شوية الغاز هحط لغز واحد ولما يتحل هحط التاني
وعايزة اشوف التركيز
اللغز :
فتاة حكموا عليها بقضاء 10 سنين في السجن فلما عرف أبوها غضب وكتب وصية ((أملاكي وأموالي للحكومة))
فزادت حرف فأصبحت أملاك الأب وأمواله لها ... كيف؟؟؟؟
يلا عايزة اشوف الردود
Bluesy_panther
Sep 25 2007, 02:22 AM
انا مش فاهم الفزوره اوى
ايه المطلوب بقى..........
مشمش_2007
Sep 25 2007, 02:54 AM
منور يا بليزي
المطلوب ان فيه حرف كتبه الاب زيادة في وصيته
فخلا اللميراث بدل مايكون للحكومة يكون للبنت
ايه الحرف وهنحطه فين؟
ehahe
Sep 25 2007, 03:36 AM
دى سهله خالص
مع انها تعبتنى
حرف الميم
((أملاكي وأموالي للمحكومة
مشمش_2007
Sep 26 2007, 01:54 AM
ايه يا جماعة محدش قادر يفكر ولا ايه
مفيش غير اسراء بس
ميرسي يا سوسو لردك
انا هستني الردود وولو مجتش ردود هضيف اللغز التاني واجابة الاول
Bluesy_panther
Sep 26 2007, 03:24 AM
انا فهمت........صح جاه ايهاهى صح
املاكى واموالى للمحكومه
زياده حرف الميم
مشمش_2007
Sep 26 2007, 03:52 AM
برافو يا اسراء وانت يا بليزي
اجابة صحيحة
اللغز التاني
ما هو الشيء الذي يمشي في الاول ب أربع ؟
في الثاني ب اثنان ؟؟
و في الأخر ب ثلاث ؟؟؟
monyy
Sep 26 2007, 03:59 AM
اخيرا عرفت واحدة
الانسان
الاول بيسحف بايدو ورجلو
وبعد كدة بيمشي برجلين
وبعد كدة بيمشي برجلين وعصاية
vip.007
Sep 26 2007, 05:48 PM
انا علي طول باجي متأخر مش بلحق
بس موضوع جامد يا مشمش
تسلم ايدك
aboud_500
Sep 27 2007, 01:25 AM
اية يا مشمش الالعاب الجامدة دى
مستنين بقيت الالغاز
يلا ربنا معاكى
مشمش_2007
Sep 27 2007, 07:45 AM
برافوا عليكي يا موني
اجابتك صح
------------------------
متخفش يا محمد انت متاخرتش ولا حاجة
الالغاز موجودة
وكفاية انك منورنا
-----------------------
ميرسي لردك يا عبود منور
اللغز التالت
ماهو العدد الدي يمكن وضعه مكان علامة الاستفهام مع التعليل
8760 . 365 . ؟؟؟. 12 . 1.
vip.007
Sep 28 2007, 03:20 AM
معلش يا مشمش بس انا مش فاهم انتي عاوزة ايه
مشمش_2007
Sep 28 2007, 03:45 AM
منور يا محمد
بص للارقام كويس
هتلاقي حاجة تربطها ببعضها او بمعني اصح كلهم بيدلوا علي حاجة معينة
انا عايزة الرقم اللي ناقص
بس ركز كويس.
في انتظار الرد
ehahe
Sep 28 2007, 04:36 AM
بصى هى يوم وشهر وسنه
وكده يبقى 52
Tamerifm
Sep 28 2007, 06:22 PM
تقريبا حل اسراء صح
السنة = 12 شهر = 52 اسبوع = 365 يوم = 8760 ساعة
وشكرا يا مشمش على الالغاز الجميلة دى
تسلمى عليها
مشمش_2007
Sep 29 2007, 08:20 AM
فعلا
اسراء وتامر اجابتكم صح
وانت فسرتها صح يا تامر
اللغز الرابع
عندك عشرة اطباق بيض كل طبق من هذه الاطباق وزن الييضه الموجده داخل هذا الطبق عشرة جرام الا طبق من هذه الاطباق وزن البيضه الموجد باداخله تسعة جرام كيف تعرف هذا الطبق مع العلم ان ليس لك الا وزنه واحده فقط؟
Tamerifm
Sep 29 2007, 06:13 PM
انا تقريبا عرفت الحل
بس مش هقولة دلوقتى
هسيبكم تفكروا فى اللغز شوية
مشمش_2007
Oct 2 2007, 04:16 AM
معقولة هوه اللغز صعب اوي كده
مفيش غير واحد بس
اوك يا تامر
يوم كمان وحط الاجابة
Tamerifm
Oct 2 2007, 05:33 AM
فين الاذكية اللى فى حزب البنات
:)
ehahe
Oct 2 2007, 06:58 AM
نحن هنا ياتامر
بس شكلك مش عرفتها والا كنت حليتها
بصى يابوسى والله اعلم شكل البيضه دى متقشره علشان كده هى اللى حتتزن
ياااااااارب تكون صح
Tamerifm
Oct 3 2007, 07:12 AM
الحل هو
احنا هنرقم العشر اطباق دول من واحد لعشرة
وناخد من الطبق رقم واحد بيضة واحدة ومن الطبق رقم اثنين بيضتين ومن الطبق رقم ثلاثة ثلاث بيضات
وهكذا لحد مناخد من الطبق رقم عشرة 10 بيضات
كدة يبقى معانا 55 بيضة هنروح وزنينهم (ودى الوزنة المسموح لنا بيها)
بما ان وزن البيضة 10 جرام يبقى ال55 بيضة يعملوا 550 جرام
لاكن بما ان فى طبق ناقص يبقى كدة الوزن هيقل عن 550 جرام
فلو الوزن قل جرام واحد فدة هيبقى بسبب البيضة اللى خدناها من الطبق رقم واحد
وكدة يبقى الطبق اللى ناقص هو رقم واحد
ولو الوزن قل جرامين فدة هيبقى بسبب البيضتين اللى خدناهم من الطبق رقم اثنين
وكدة يبقى الطبق اللى ناقص رقم اثنين
ولو الوزن قل ثلاث جرامات فدة هيبقى بسبب الثلاث بيضات اللى خدناهم من الطبق رقم ثلاثة
وكدة يبقى الطبق اللى ناقص رقم ثلاثة
وهكذا
وشكرا يا بوسى على الالغاز الجميلة دى
بس ابقى سهليها شوية علشان حزب البنات (:
ونحن هنا برضة يا اسراء
وخدى بالك ان حزب الشباب حزب جامد اوى اوى
ههههههههههه
مشمش_2007
Oct 3 2007, 03:37 PM
صح كده يا تامر انت فسرتها صح
بس البنات كانوا عارفينها وسابو ليكم الفرصة ديه
لانهم طبعا جاوبوا الالغاز اللي فاتت وده اول واحد ليكم
وخلي بالك حزب البنات جامد اوي
اللغز الخامس
ما هو الشيءالذي ترميه كلما احتجت اليه؟
يلا يا بنات
monyy
Oct 4 2007, 07:05 AM
سهلى الالغاز شوية يا بوسي :D
دة السنارة باين
vip.007
Oct 4 2007, 09:38 AM
اه ممكن سنارة
او شبكة الصيد
تسلم ايدك يا مشمش
بس صحيح سهلي شوية
مشمش_2007
Oct 6 2007, 12:44 AM
ههههههههههههههههههههههه
ماهي سهلة
ااسهلها ازاي احط الحل كمان؟
فعلا اللاجابة هيه الشبكة او السنارة
برافوا يا محمد وموني
وادي لغز سهل مفيش اسهل منه.
اللغز السادس
مرت امرأة علي صديقة لها تتحدث مع شاب وفسألتها من هوه؟ فقالت: امي جابت امه واخو زوجي يكون عمه .......فمن يكون؟
ehahe
Oct 6 2007, 02:28 AM
ههههههههههههههههههههههههههه
معلش يابوسى حزب الولاد بقى
حل انهارده
الولد ده ابنها
اى خدمه
Tamerifm
Oct 6 2007, 03:58 AM
اية الالغاز السهلة دى
انا على مابخش بتكون اتحلت
صعبى شوية
واللى مش عارف يحل يبقى يتفرج
هههههههههههههههههه
مشمش_2007
Oct 6 2007, 03:30 PM
برافو يا سوسو
ايوه كده عرفيهم احنا مين
هما مردوش غير علي واحد بس
وبعدين معاك يا تامر
نعمل ايه احنا بحل بسرعة
ومالكش دعوة بحزب البنات
ده مش اي حزب
اللغز السابع
ترى كل شىء . . ولكن ليس لها عيون . . فما هى ؟
يلا يا بنات
vip.007
Oct 6 2007, 04:02 PM
المرايا يا مشمش
Tamerifm
Oct 6 2007, 05:50 PM
ايوة كدة يا محمد
تسلـــــــــــــــم
ال يلا يا بنات ال
ههههههههههه
monyy
Oct 6 2007, 09:14 PM
دة خوم انا مش بلحق اشوف
بصى حددى وقت معين تحطى فيه اللغز
عشان مش نشوفو بالصدفة كدة :D
مشمش_2007
Oct 7 2007, 07:31 AM
برافو يا محمد
مرة من نفسكوا تحلوا
وبعدين معاك يا تامر
اه حزب بنات مش عجبك ولا ايه
متزعليش يا موني
ماهو المفروض منزلش اللغز غير بعد ما الاول يتحل
اللغز الثامن
إننا أربعة إخوة ، لنا رأس واحد فما نحن ؟
monyy
Oct 7 2007, 07:57 AM
الترابيزة ورجليها :D
Tamerifm
Oct 8 2007, 01:26 AM
لو اجابة مونى صح دى تبقى سهلة اوى اوى
علشان بكدة ممكن تكون الطربيزة او الكرسى او اى شىء لة اربعة ارجل
صعبى الالغاز يا بوسى
الالغاز كدة بتتحل بسرعة اوى :D
monyy
Oct 9 2007, 12:38 AM
بتتحل بسرعة من الزكاء :u
متسمعيش الكلام يا بوسي متصعبيش
مشمش_2007
Oct 9 2007, 03:59 AM
برافو عليكي يا موني
ايوه كده يابنات رافعين راسي
نعمل ايه بقه يا تامر ده الذكاء
هما بيفكروا بسرعة
اللغز التاسع
ما هو الشيء الذي يقرصك . . ولا تراه ؟
ehahe
Oct 9 2007, 06:31 AM
بوصى يابوسى هو يالجوع يالبرد
ولو الاجابه غلط احذفى اى اجابه تاني ماافكر
بس دى اكيد صح ايام شور
Bluesy_panther
Oct 9 2007, 10:30 PM
ايه ده انت بتلعبوا من غيرى.........
الاجابه غلط يا ايهاهى......مشيها يا مشمش غلط
الاجابه هى" الجوع" اى خدمه
ال ايام شور ال
Tamerifm
Oct 10 2007, 06:25 AM
ايوة كدة يا بليزى .. انت فين من زمان
( ايام شور )
انجليزى دة يا مرسى
:D
ehahe
Oct 10 2007, 06:41 AM
ههههههههههههههههههههههههه
ماشى ماشى علشان بس صح
واحنا غالبينكم
وبعدين اتريقوا i don"t careطالما احنا الغالبين
"وش مطلع لسانه
مشمش_2007
Oct 10 2007, 07:01 AM
برافوا عليكي يا اسراء
ايوه كده
هوه ده الحزب بتاعنا الجامد
وسبيهم يتريقوا براحتهم
نورت اللعبة يا بليزي
خدي بالك يا اسراء المنافسين بيكتروا
وكفاية عليكي تامر وبليزي
شيدو حيلكم يا بنات
اللغز العاشر
كلي ثقوب ومع ذلك أحفظ الماء. فمن أكون ؟
ehahe
Oct 10 2007, 07:14 AM
تسلمى يامشمش
عارفه احلى حاجه لما المنتدى يبقى فاضى ومفيش غيرى
"ولاحتى موجوديم مش بيعرفوا يحلو"
الحل هو الاسفنــــــــــــــــــــــــــــــــــــــــــــــــجه
وبطلى تسهليها علشان حزبهم
Tamerifm
Oct 10 2007, 07:44 AM
اية دة الحل نزل بعد اللغز بعشر دقايق ( وش مستغرب )
هى الالغاز متسربة بإجاباتها
ولا اللعبة فيها كوسة
كوسة كوسة كوسة
ehahe
Oct 10 2007, 08:01 AM
ههههههههههههههههههههههههههههههه
والله ياعم تامر مش شفتها اصلا بقالى يومين
وبعدين بلاش بقى دور المظلومين اللى عايشين فيه
مش علشان حليتوا مره من نفسكم خلاص بقى الرؤؤس اتساوت وحتعرفوا تحلوا
وبعد ين احنا مش نحل اللغز بعد 10 دقايق بس ده حتى كمان قبل ماتفكر هى فيه
احنا بنلعب ولا ايه
aboud_500
Oct 10 2007, 10:23 AM
يا جماعة اللعبة دى انا كل مرة ادخلها اقرة ردودك واللغز واطلع تانى مش عارف اى حاجة
بس انا فعلا ملاحظ ان اللعبة فيها كوسة والاسئلة متسربة بين حزب البنات حرام عليكم بصراحة
وكمان يا بوسى اية الاسئلة الصعبة دى من اول صفحة اسئلة صعبة مش عارف احل اى حاجة سهليها شوية ابوس ايدك
عايز احل واحس انى بفكر هههههههههههههههه يلا معلش طولت عليكم
.
ehahe
Oct 11 2007, 04:24 AM
إقتباس
بس انا فعلا ملاحظ ان اللعبة فيها كوسة والاسئلة متسربة بين حزب البنات حرام عليكم بصراحة
والله بقى انتو اللى ظالمين
ومش بتعرفوا تحلوا علشان كده بتجيبوها فينا هو ده كمان ماتش زمالك حتتعاركوا عليه
وبعدين انتو مش بتابعوا اللعبه نعملكم ايه
ولا هو لو فزنا يبقى كوسه ولو محلناش يبقى خلاص
حزب ولاد صحيح"وش متانرفز"
مشمش_2007
Oct 12 2007, 04:02 AM
والله مافيه كوسة ولا حاجة
بس الفرق انهم بيتابعوا اللعبة وانتوا لا
وزي ما اسراء قالت انا فعلا مشوفتهاش من يومين
وبعدين متبقاش اصول اللعبة لو سربتها
بطل تشعللها يا تامر
وانت يا عبود ايه اللي مش فاهمة في اللعبة
اللعبة سهلة وواضحة بس عايزة متابعة
وانتي يا سوسو يا حبيبتي متزعليش نفسك
ولا تحرقي اعصابك سيبيهم يقولوا اللي يقولوه
اللغز الحادي عشر
يسمع بلا أذن . . ويتكلم بلا لسان فما هو ؟
ehahe
Oct 12 2007, 04:27 AM
التليفون او التكتافون
Tamerifm
Oct 12 2007, 05:21 AM
يا اسراء فوتى حاجة لله
نفسى اخش مرة الاقى اللغز من غير حل
:D :D
ويا بوسى صعبى علشان اللغز يقعد مدة من غير حل والكل يشوفة
دة اذا مكنش فى كوسة فعلا
هههههههههههه
aboud_500
Oct 12 2007, 08:59 AM
ايوة فى كوسة
تصعب اية يا تامر انا عارف احل الكلام دة لما هحل اصعب
بلاش كوسة بقة يا اسراء انتى ومشمش هههههههههههه