بسم الله الرحمن الرحيم
السلام عليكم ورحمة الله وبركاته
هبدأ بالرد
طبعا فاكرنى
فى الاول التوبيك ده هيكون رد على بعض الردود فى التوبيك اللى فات
لان المضوع اتقفل مش عارف ليه مع انه صاحب التوبيك ما ردش على
اللى اتكتب المفروض حكاية القفل دى تكون بالمشاوره مع صاحب التوبيك
الا بقى لو كان توبيك ابيح ولا حاجه
ما علينا المهم انا هرد واقول
للاسف فعلا للاسف ان الردود اللى فاتت ممكن تثبت بعض الافكار عندى
العضوه اميره اللى ليا معاها كلام كتير قالت كلمه عجبتنى اللى هى
انت عملت التوبيك ده علشان اتسيط واتعرف وكده والفت النظر مش حقيقى يا اميره فعلا كان من اهدافى الفت نظر الناس لمواضيعى يعنى مش على مستوى شخصى وده طبيعى لانى معرفش حد هنا
ولو كان هدفى الاساسى زى ما فكرتى كنت كتبت ويب سايت او ايميل بحجة اللى عاوز يناقشنى يدخل او يتفضل يكلمنى انا حتى فى البروفيل بتاعى هنا مش كاتب اى بيانات عنى ولولا بترفلاى قال اسمى فى التوبيك اللى فات محدش كان هيعرف عنى حاجه
للاسف يا اميره
انا فعلا اخترت التوبيك ده علشان يكون الاول ليا هنا فعلا علشان تكون بدايه
يهتم بيها كتير وخصوصا فى سايت كبير زى ايجيهات لازم الواحد
يثبت فيه نفسه والتوبيك اللى فات ما هو الا مجموعة
مقالات خاصه بى بناقش فيها الاشخاص اللى فى المجتمع يعنى المرأه الرجل الاب الابن
الام البنت كده يعنى
وهتلاقو موضوع النهارده بعنوان الرجل
يعنى مش الغرض الاساسى يا اميره هو لفت النظر
وبدأت كلامى بكلمة للاسف لان التوبيك اللى فات الناس اللى ردت مفهمتش الغرض منه
او ممكن فاهمين بس الكلام كان جامد شويه
انا كل كلمه فى التوبيك اللى فات غرضها الاصلاح
حتى اخر كلمه وهى ........ لكن كيف ؟؟
انا لما عملت التوبيك ده عملته مش علشان اترسم على حد لاء
انا قدمت صوره سيئه للمرأه وللاسف موجوده بشكل كبير
وكل هدفى كان البنت اللى تدخل التوبيك وتقراه تقول لا ايه ده انا مش
كده انا مش بالصوره دى ولو بنت دخلت وفيها بعض من الصفات اللى انا قولتها
هتقول يا خبر انا كده لا لازم اتغير واكون كويسه وفى الاخر هنوصل لحاجه حلوه اوى
لان الانسان لو شاف عيوبه على الاقل هيحاول يصلحها وانا ظهرت عيوب المرأه
ومع ان دى كانت وجهة نظر شخصيه متهيألى محدش ينكر ان كتير من كلامى صح اوى
يعنى الغيره والحقد والنميمه والفساد وكده ده موجود فعلا واقع
واللى دخل وقال ماتنكرش دور المرأه انت من غيرها مكنتش جيت وكده ماجبش
الديب من ديله ولا حاجه انا بكل بساطه قايل كده فى المقال وموضحه فى ردودى امهات المسلمين نساء امى امهاتكم
محدش يقدر يقول حاجه على كده انا لما اقول رايي فى البنات بصراحه البنت اللى مش موجوده فى المقال هتقول ايه
ده لا الكلام ده غلط والبنت اللى مش كويسه حتى لو مردتش عليا هتتكسف من نفسها وتحاول تصلح من نفسها
فى النهايه عاوز اوصل لامهات صالحات يربوا الجيل اللى جاى علشان نطلع جيل يعتمد عليه ويصلح مالم نستطع نحن
وأبائنا اصلاحه
كتير مفهمش المعنى ده وخد الموضوع على انه اهانه للمرأه واستهزاء بها
ده بالنسبه للموضوع تسمحولى ارد على ناس ردوا عليا
من الناس اللى انا مش عارف اشكرهم ازاى دعولى بالشفاء وكده بجد شكراً
اما اللى قالو انى عقد ومعقد وكده وعلى ما اذكر اميره انا ذكرتك انت بالذات يا اميره لانى مستغرب جدا
ازاى واحد يختارك انتى بالذات من قبل حتى ما تردى على موضوعه ويبعتلها رساله يطلب انه يتعرف عليها
ويكون معقد ازاى البنات ماليين السايت والنت والدنيا كلها كل ما فى الموضوع ان من اول موضوع قريته ليكى
اللى هو على ما افتكر كان اسمه خواطرى ان بجد الاسلوب عجبنى جدا لانه نفس اسلوبى فى الكتابه علاوه على كده
ان الكلام كان طالع من قلبك بجد واللى يعجبنى فى اى حد انه يكتب بصدق وانت كده وحكمت عليكى من اول موضوع
وشوفى ردى كان عامل ازاى
ازاى اكون معقد وانا اول ما لقيت انسانه افكارها عجبانى بكل بساطه بعتلها رساله اطلب منها اننا نتعرف
واو كنتى ولد وعجبنى كلامك كنت برضه هطلب اننا نتعرف انا بتعامل نع عقليه "اللى يهمنى الدماغ"وطلبى فى التعارف عليكى ده
معناه انك غبيه استحاله طبعا
والمشكله انك بتقولى انك عارفه المنتدى اللى انا اتكلمت عليه فى مقالى مستحيل لو عارفاه فعلا وكنتى قريتى قصصى
ومقالاتى ومواضيعى عليه مستحيل يجيلك ايحاء انى معقد
وبرضه سمعت كلام عن انى خايف او انى مريت بحب فاشل او حاجه زى كده يعنى
الحمد لله انا علشان مظلمتش اى انسانه عرفتها متظلمتش من حد والحمد لله ربنا يخليهالى يارب النسانه اللى فى دماغى
مع ان الموضوع دخل فى نطاق شخصى وان مش من حق اى حد يتدخل فى حياتى الشخصيه بس لازم ارد احسن اتفهم غلط
واللى اتمنالى الشفاء ده لاما فكر ان البنات بتكرهنى فمن حقدى عليهم قولت الكلام ده يا اما حس انى اصلا جوايا عقد وكلاكيع ومريض فعلا
بس احب اقول كلمه ممكن ناس منكم تقول انى مغرور او كده ويمكن الناس حبايبى برضه يتمنولى الشفاء احب اقولهم
"ان متخلقتش البنت اللى كرهتنى او علشان متبقاش واسعه منى انا مقابلتش البنت اللى كرهتنى"
واللى ممكن يكرهنى فى البنات او الشباب انسان واحد بس هو الانسان اللى بيفهمنى غلط
انا بقول الكلام ده علشان حسيت ان كلام ملوش لازمه بيتقال وانا فى المقال اللى فات اتفهمت غلط
ماانكرش ان ده لرأيي بس الهدف من التوبيك البناء لا الهدم
يعنى مثلا هقول كام مثال بمناسبة اننا فى رمضان هتكلم على نطاق شخصى برضه
فى جامع جميل اوى بنصلى فيه التراويح الشيخ بصراحه برفكت هو بيقرأجزء فى اليوم وناس كتير بتيجى
من اماكن بعيده علشان تصلى نخلص صلى من هنا ونخرج نلاقى ايه الهنا كله البنات جايين يصلوا مكياج كامل
برفانات نفاذه وايه عادى ولا اكننا فى رمضان وكلام وصوت عالى ومسخره ويعدوا قدامنا اكننا بنات زيهم
على الجانب التانى تلاقى بنات توب ماشيه ادب اخلاق استقامه
تلاقى بنات ماشيين لابسين لبس مستفز طيب ليه انا ليا بنتين اصحابى لما يلاقوا بنات من اياهم دول يمشوا
يعكسوهم هههههههههه.. طيب احنا نعمل ايه
ده بالنسبه للناس اللى قالوا انى عممت وقولت ان البنات كلهم عاوزين الحرق لاء طبعا وزى ما انا مش ناسى انى قولت
ان الرجاله او الشباب مش ملايكه بالعكس دول فيهم شياطين
وبجد والله ما حد يتصور فرحتى وسعادتى لما الاقى بنت بتقرأقرأن جنبى فى الباص او بنت كلمتها فى الحقيقه او على النت واعتبرتها اختى
ولقيتها بنت صالحه وهتكون زوجه صالحه بكون من اسعد الناس على الارض لما اشوف ده
يعنى انا عمرى ما كان قصدى استهزاء واستخفاف بس اللى انا بقوله واقع وفيه بلاوى ومحدش يقدر ينكر ان فى كلامى كتيير من المنطقيه
وعلشان اضرب مثال عملى
للناس اللى يعرفوا المنتدى اللى انا اتكلمت عنه واميره قالتلى انها تعرفه وكمان عرفت ان مشمشه عليه
فيه عضوه عليه اسمها عين الحياه بجد مثال للزوجه الصالحه بجد ومحدش يتصور انا بحترمها قد ايه واتمنى ان كل بنت تتعلم منها
وانا متأكد ان فيه كتير زى عين بس للاسف الاوحش اكتر
وبرضه بقول كل قاعده لها شواذ
والمقال النهارده عن الرجل برضه هنقده محدش يقول بقى الواد مش عاجبه حد لا بنت ولا ولد ده معقد ربنا يشفيه
ولازم ندعى لاخونا ان ربنا يشفيه وكده انا قولت
انا انقد من اجل الاصلاح لا من اجل النقد
يعنى برضه بنقد الشباب اللى سلوكهم غير سوى علشان يتكسفوا على دمهم ويتقوا الله ونطلع فى النهايه بشباب ينفعوا انهم يربوا جيل يعتمد عليه