السلام عليكم و رحمة الله و بركاته

في سابقه ليس لها مثيل ..

و في حكمه بالغه قلما جاد بها الزمان ..

و في اشاده منا برئيسنا اللي مهشتكنا و مبشتكنا طويل العمر يزهزه عصره ..

هاي هئ

نشكر نحن سيادة الرئيس محمد حسني مبارك علي نصيحته الغاليه للشعب ان اراد يوما الحياة

عفوا

ان اراد تنظيف المياه

..

لو ربنا كارمك و فاتح عليك و لسه قابض و عاوز تجيب لأولادك فاكهه

عليك بالمشمش

- ليه ؟

- عشان الريس تقريبا كده كان عامل ابحاث سريه جهنميه فلكيه

و توصلوا في الابحاث ديه
ان بذرة المشمش لها قدره مذذذذذذذهله و اخد لي بالك من مذههههههههله ديه ..؟؟

علي ازالة الاوساخ من المياه

و هو ينصح كل بيت مصري يتميز بالاصاله و بيع الدماغ و تريحيها

انه قبل ما يشرب كباية المياه ..

ينقع فيها بذرتين تلاته الاول

و بالهنا و الشفا .. مياه نقيه منقاه لااااااااااااااااااااخر قطرررررررره

و ما تنسوش تشكروا الريس .. !!

و ده برده بيعني من الاخر كده انك لو شفت ابنك بيحاول او بيتجرأ بس

بيتجرأ بس

انه يرمي البذره من البلكونه بعد الان

عليك و بالفلكه .. و هاتك يا ضرب

عشان يتعلم بعد كده ما يرميش البذره

اصلها بكره هتتباع بفلوس ..

و اللي ما يشتري هايتفرج

و عمار يا مصر

حقه يا ولاد ..

احنا خساره في مصر ..

و الريس دهه

خسارة فينا

thanks ledo
thanks for u

انت ايه اللى صابك ياليدو بس

مالك ومال الريس

عايز ترشح نفسك ولا ايه

ورحمه النعمه المنتدى ده هيقفل على اديك

هدى اللعب شويا معنا جواسيس والحيطان ليها ودان ياليدو

مشكووووووووووور ياصاحبى على موضوعك

ومل مره نوضوع احلى من غير

الى الامام ديما

تحياتى

خــــــــــاطف

ايه ياليدو شكلك مش ناوي تجيبها لبر مش كل مره تسلم الجره

احنا حزرناااااااااااااك يامعلم وبرده انا معرفكش

يعيش الريس

تحيا جمهورية مصر العربيه

بالروح بالدم نفديك ياريس

هههههههههههههههههههههههههههههههههههههه

اختارناه اختارناه اختارناه هههههههههههههههههههههههه

لا تعليق ياليدو ( في المشمش)

بجد بجد موضوع جامد وحلو وجرى جدا
بس برده الميه ميه ميه

هههههههههههههههههههههههه
موضوع تحفه وردود تحفه
وانا بنضم لبيهم لانى مالاحظه ان معظم موضيعك مؤخرا بقت كلها سياسه
وحاسه شبه استهزاء بحكومتنا وسياستها الرشيده

وكده ممكن نزعل بكار فبلاش

ايه يا ليدو انت حاتت الراجل ف دماغك ليه

ربنا يخليه لينا

تسلم ايدك ع التوبيك