RO2A77
Oct 9 2007, 06:57 AM
سألنى واحد صاحبى واحنا قاعدين فى مره مع بعض والجو رايق والسما صافيه وبنضرب كوبايتين حلبه باللبن على القهوة
هو انت بتحب مصر .؟
بصراحه اتفاجئت بالسؤال وكان نفسى اقوله يا اخى غير الموضوع دة احسن
لكن حاجه جوايا خلتنى من غير ما افكر ارد عليه علطول واقوله طبعا بحبها مصر هى امى نيلها جوه دمى مصر اللى ابويا واجدادى عاشوا فيها وماتوا فيها
مش مصر اللى عايشينها 2007 دى انا معرفهاش ولا بحبها مصر دى يا تامر _ ده اسم صاحبى _ هيا اللى مات فيها ابويا متسرطن بفعل المبيدات المتسرطنه ومات فيها جدى فى حريق القطار ومات فيها عمى فى حوادث الطرق اللى بقت فيها المطبات الصناعيه اكتر من البنى ادمين
ومات فيها صاحبى لما انتحر بعد ما غلب حماره من وجود فرصه عمل واحده توحد ربنا
ومصر اللى بتتكلم عن حبها دى هيا اللى ماتت فيها خالتى وجوز خالتى فى غرق عباره السلام اللى قولنا عليها السلام والكتمان وكأن اللى ماتوا فيها دول مش مصريين
ومصر دى اللى نليلها بقى التلوث فيه اكتر من المياه نفسها والفساد امتد فيها من اسكندريه ل اسوان مصر دى من الاخر يا
تامر معرفهاش ولو كان مصطفى كامل عايش لحد النهاردة لكان لعن اليوم اللى قال فيه لو لم اكن مصريا لوودت ان اكون مصريا
الوله تامر سمع الكلمتين دول منى وخد ديله فى اسنانه وقال يا فكيك مش عارف ليه
ببص جمبى الاقى كل اللى كانوا حواليا فى القهوة قاعدين وبيدونوا كل اللى قولته وطلعلى واحد من بينهم حلو كده ووشه سمح وقالى اتفضل معايا
طبعا مش محتاج افسر هو مين او اتفضل فين العميله واضحه جدا قولتله على طول لا انت فاهمنى غلط انا مش معاهم انا معاكوا
وانا فى سرى بلعن اليوم اللى عرفت فيه تامر وقعدت معاه القعده السوده واليوم اللى شوفته فيه
دى وكنت بقول لنفسى طول الطريق هى دى مصر 2007
وسلملى على الديمقراطيه
HamdyTOtti
Oct 9 2007, 07:13 AM
ههههههههههههههههه
انتة عايز اللى بيدونو دول يجو يقفشونا ولا اية
هتلاقينى اول واحد واخد ديلى و طالع اجرى اصلا
انسانى يا عم فى الحاجات دية
هههههههههههههههههه
بس والله مصر فيها حاجات حلوة كتير بتخليك تتمسك بيها
بغض النظر عن اللى بيدونو :D
مشكور يا عسول على التوبيك
ehahe
Oct 9 2007, 09:05 AM
بالرغم من الواقع المرير اللى حاصل
بس والله فعلا فى حاجات عندنا مش عند حد تانى
كفايه روحنا وشورعنا ياعم مافيش زى المصريين ولو كده فاحنا احلى الوحشين
العيب مش فينا العيب فى اللى مسكين البلد
وحقولك على حاجه طب يعنى مشربتش من نيلها طب فكرت تغنلها فكرت فى عز ماتحزن تمشى فى شورعها وتحكيلها
RO2A77
Oct 9 2007, 12:18 PM
يامصبرنى انتوا
بص ياحمدى انت رئيس الجماعه
والمسؤل عن تفجيرات فم الخليج
ehahe انتى بقى المموله للجماعه
ياجماعه مصر هتفضل مصر بس باارضها وبناسها محدش يقدر يقول حاجه
بس لامتى هنفضل باصين تحت رجلينا ومنشفش قدامنا
كلمه حلو وكلمتين حلوه يابلدى
اى خدمه
منورييييييييييييييين وشكرا ليكوا
تحياتى
HamdyTOtti
Oct 9 2007, 01:33 PM
ههههههههههههههههه
لا بقولك اية نظام التدبيس دة بلاش بليز
انا مش ناقص يا عم انا تحت المراقبة اصلا
و بعدين قلبتوها اغانى وطنى ولا اية :D
طب يلا بقى ماحدش واخد منها حاجة
كنا هنبنى و ادينا بنينا السد العااااااااالى تيرارارا
لا بس بجد مصر زى العسل
شكرا تانى يا روئا يا عسول
RO2A77
Oct 9 2007, 03:30 PM
خلى السلاح صاحى صاحى صاحى
شكرا ليك انت يامان
ومنور ديما
vip.007
Oct 9 2007, 06:13 PM
تسلم ايدك علي التوبيك
موضوع جامد جدااااااا
RO2A77
Oct 9 2007, 09:59 PM
شكرا ليك بجد ومرورك اللى منور ديما
Bluesy_panther
Oct 9 2007, 10:26 PM
بجد تسلم ايدك يا جميل على اسلوبك فى عرض لموضوع
فعلا انا معاك ان مش دى مصر المعروفه للعالم كله بانها بلد الخيرات وبلد السياحه
بس المشكله فينا فى كل واحد على ارض مصر
سواء طالب او موظف او رجل اعمال او صاحب سلطه
لو كل واحد سأل نفسه " انا عملت ايه لمصر....عشان اخد منها"
لو كل واحد لقى الاجابه هتلاقى مصر حاجه تانيه خالص
بس مهما حصل بنحبك يا مصر.......
تسلم ايدك يا حبى.... بس بقولك ايه "خف عليهم شويه"
بالتوفيق يا واد..
الاميرة توتة
Oct 9 2007, 10:36 PM
انا معاك ان مصر فيها كدة والعن ن كدة كمان بس مصر بردة بلادنا وفيها حاجات الناس بتموت عشان يبقى عندها زيها
RO2A77
Oct 9 2007, 10:37 PM
عارف اقولك ايه انا اللى بشكرك بجد بجد بجد
اقولى ليه
ليه
انت اكتر واحد حسيت انه فهمنى فى الليله
انا بحب مصر زى اى مصرى بس مش حابب تكون دى صوره مصر
بجد انا اللى بشكرك
وتعالى هنا
اخف على مين
ربنا يخليك ويخليلى مرورك ومخك الجامد ده
elamora
Oct 10 2007, 01:09 AM
موضوعك جامد
RO2A77
Oct 10 2007, 01:28 AM
شكرا جدا ليكى يااميره
انا عارف ان مصر فيها حجات جميله قوى مش عند حد
بس اللى كده بقى قليل قوى
شكرا جدا لمرورك منوره ديما
وانتى يااموره كمان شكرا جدا ليكى وعلى مرورك
تحيـــــــــــــــــــــــــــــاتى
hantoso
Oct 10 2007, 02:18 AM
انا مع بليزي قلبا وقالبا
تحيااااا مصر يعيش الزعيييييييييييييم
شكرا ياروئا بس المنتدي كده هيقلب سياسه ودي فرصه كويسه ان احنا نشوف بعض ونتجمع طبعا انتوا عارفيين فيييييييييييييين
يبقي انت اكيد اكيد في مصر
RO2A77
Oct 10 2007, 02:50 AM
ههههههههههههههههههههههههههههههههههه
اكيد فى مصر بس انا معايا كارت ميناتل هخرج منها
وهجبلك عيش وبطاطس
متخفيش
مصر هتفضل هى مصر
بس احنا نتغير
شكرا جدا ليكى ياقمر
/hantoso ده دلع ولاصفه ولا ايه
بس كفايه انك فهمتى
منوره الليله دى ياقمر
hantoso
Oct 10 2007, 03:08 AM
لا ياروئا حنتوسو ده دلع مش صفه انت مش عارف اسمي المنتدي كله عارف اسمي
دور عليه تلقاه ههههههههههههههههههههه
RO2A77
Oct 10 2007, 03:21 AM
ههههههههههههههههههههههههههههههههههه
ماشى ياستى هبقى ادور على اسمك
لو مشهور كده اكيد هعرفه
تسلمى ياقمر
aboud_500
Oct 10 2007, 09:53 AM
تسلم ايدك والله موضوع جامد
RO2A77
Oct 10 2007, 12:19 PM
تسلم لمرورك
شكرا ليك
منور