طبعا وفي ظل الالحان الجبارة

والكلام الهايل في أغاني 2007


انا طبعا متأكده ان معادش حد مضطر يسمع اغاني أم كلثوم

عبد الوهاب وعبد الحليم حافظ

وفريد الاطرش ولا يتفرج على افلامهم

واسمع الاغاني الوحشة دي ليه مثلا

ده حتى بالعقل اقارن

حد عاقل مثلا يسيب الأغنية الجبارة

بتاعت المطرب الهايل فلان

البري بري بئ بيدق في الشكمانات

ويسمع مثلا هذة ليلتي لأم كلثوم

ولا حد عاقل يسيب أغنية

بقى ده اسمه كلام والنبي يا أحمد

ويسمع أغنية يا ملاك قلبي لعبد الحليم حافظ

ولا حد عاقل يسيب اغنية

وابقى تعالى بالليل وانا اوريك الويل ..الحلو هانحلى واعملك الللي

ويسمع مثلا أغنية أيظن بتاعت نجاة الصغيرة

دي حتى طلعت سارقاها وانا مش عارفه

ولا حد عاقل عنده ذرة رومانسية يسيب أغنية

هي ناقصاك انت كمان جاي وعايز من حنان

ويسمع أغنية أهواك واتمنى لو انساك

لعبد الحليم ده اسمه كلام برضه


تخيلو لما بنشوف كليب على قناة فضائية بيبقى عامل ازاي

المشهد الاول:

المغني الهايل ذو الصوت الجبار صاحب الحنجرة المتكلفة

واقف في الحارة ولابس فانلة حمالات

ومهبب وشه بهباب_ قال يعني من لوعة الحب

_وبيجري ورا عربية الرش

وبيغني بعد ما الحمد لله لحقها واتشعبط فيها

من كتر حبي ليك ....بقيت ما باكلش كيك

وباكل اللحمة نية ...وفراخ من غير فريك

يطلع طقم بنات جامدين ولابسين من غير هدوم

ويرددو بكل حماس كأنه النشيد الوطني لمصر

وفراخ من غير فريك ....وفراخ من غير فريك


المشهد التاني:

نفس المغني اللي كان جربان من شوية

راكب عربية 12 متر بتاعت مليون وشوية كده

ولابس بدلة من عند عم عبده الزفر

والبت بتاعته بقى هي كمان نضفت

وجايبين مروحة من عند عمر افندي قبل بقى ما يتخصحص

وعيل صغير واقف وراها مش باين بقى طبعا

وشعر المزة عمال يطير في الهوا قال يعني الشعر الحرير

وهي اصلا شعرها سلك المواعين

بالنسبة له طفرة في مجال النعومة

والمطرب العاطفي يكمل غنا بقى

يا حبيبي عزالك علي هلو ....والرجل بقى فيها كلو

لو شافني قلبك ماتقوله..الكلو طلعلي ليه؟

يطلعو برضه نفس طقم البنات هم هم

ولابسين طقم قلته هاتبقى حشمة عن كده

ويردو بنفس الحماس

الكلو طلعله ليه؟ ......الكلو طلعله ليه؟

ويفضل بقى المغني الجبار يعيد ويزيد في الكلمتين الحمضانين دول

لحد ما ال3 دقايق بتوع الكليب يخلصو

وينزل بقى اسم المخرج

سيد حركات

ـأليف وغناء المطرب الجبار

سيد منافلة

والناس بقى تقولك يا سلام ده مولود من يومه في عيلة تعشق الغناء

وتقدس البتنجان الاسود

ده مألف أغنية محصلتش


*وينزل بقى التتر بتاع الاغنية كله بالانجليزي

مع العلم ان المطرب ده نفسه ممكن مايعرفش يقرا اسمه

بس اهو كده التتر لازم يبقى انجليزي عشان الشياكة

*وبعد كده بقى يختملك الكليب بصورة المطرب الجبار

وهو متصور في اوضة اضائتها خافتة كده تقريبا دي اوضه الفران

ولابس اسود في اسود وضارب نضارة شمس

من اللي بيتباعو في العتبة ب10 جنيه

وبيبص للمتفرجين بصة كلها شموخ

كأنه ملك انجلترا قال يعني النجم العالمي (ارفس برجلي)...


*والغريب بقى ان اول ما الاغنية تنزل

الناس تبقى مش طايقاها وهاترجع لما تشفها

لكن بقى طبعا المطرب الجبار

دافع يعني لازم الناس تسمع غصب عافية هاتسمع

*الاغنية تتذاع بتاع 90 مرة كده في اليوم

الناس بقى مفيش هو اسبوع واحد

وكل العربيات والناس تبقى مالهاش سيرة غير الاغنية دي

لا بجد موضوع حلو
وبالذات اغنية المشهد الاول
الفراخ اللى من غير فريك

طب كويس ان الموضوع عجبك دة شرف لينا

انا اللى عجبنى اكتر











































اغنية المشهد الاول

بجد طبعا دى اغنية تحفة عبد الحليم مين وبتاع مين

ههههههههههههههههههههههههههههههههههههههههههههههههههههههه

بجد موضوع هايل وطريقتك فى العرض تحفه
ميرسى يا قمر ع التوبيك الجميل ده

ههههههههههههههههههههههههههههههههه
تسلم ايدك حلو اووووووووووووووووووووووووي

هههههههههههههههههههههههههههههههههههه
هههههههههههههههههههههه
موضوع خطير بصراحه تسلم ايدك ياقمر

تسلم أيدك موضوع جميل يا أميرة توتة
وعلى فكرة مافيش أجمل من أغانى زمن الطرب الجميل
حد ما يسمعش عبد الحليم حافظ برضو
بس كمان فيه ناس جديدة حلوة
وخلى بالك أنا شامم ريحة تخبيط فى الحلل بالموضوع ده وأنا موش مطمن للطبخة دى (قصدى الموضوع ده) هههههههههههه