الاميرة توتة
Oct 10 2007, 09:39 PM
بسم الله الرحمن الرحيم
* دلوقتى ماهى لازم تكلم دة وتصاحب دة وتتعرف على دة ويبقا فى إختلاط .. إحنا مابقيناش زى زمان .. البنت تستخبا فى بيتها لحد مايجلها عدلها
إحنا فى زمـن أرقى من الإسلوب القديم دة .. البنت لازم تتعرف على صحابها الولاد فى الكلية وتعمل جروب منهم مع صحابها البنات . ولو كان فى صحاب ولاد من ثانوى كمان يبقا خير وبركة !!!
يعنى تفتكرى لو البنت ماعملتش كدة هتجوز ؟؟
ماهى لااااااااازم يابنتى تختلط بالناس وتكلم وتصاحب وبتاع انتى فى ايه بس مالك معقداها كدة
لا مش معقداها .. بس ماكناش بنسمع عن حاجة زمان إسمها مصاحبة بين ولد وبنت والبنت تخرج مع صحابها الولاد او حتى صاحبها عادى يعنى .. هو إحنا بقينا منفتحين للدرجة دى وانا معرفش؟؟؟
لا ياستى المجتمع إتغير والمرأة أصبحت نصف المجتمع الآن ولو ماصاحبتش حد مش هتلاقى إللى يبصلها ويجوز ... وجواز الصالونات بقا موضة قديمة وماحدش مقتنع بيها من جيلنا الحالى إللى عاوز يجوز عن قصة حب تكسر الدنيا ويمشو ويقضوها تليفونات عاتى يعنى مش عيب طالما الاهل عارفين
الأهل عارفين !!!.... طب هو فى أهل يسمحو لبناتهم أساسا يكلمو واحد مافيش بينهم وبينه حاجة ويقضوها حب مع بعض ؟؟؟؟.. دة إلى ربنا أمرنا بيه دلوقتى صح ومش أمر بيه زمان أيام باباكى ومامتك وبابايا وماممتى
الزمن بقا خلاص أجبر إن البنت تكلم ولاد عشان تعرف تكلم ويبقا عندها خبرة فى إسلوب التعامل مع أى ولد .. حتى لو دة يرفضه تقاليد ومجتمعنا كا مجتمع شرقى
وخلاص البنت لو مش كلمت زمايلها او مابقاش عندها أصحاب مش هتتجوز وإحتمال تعنس
طب ليه بتفكرى كدة ؟؟.. هو إحنا لازم نعمل حاجة مش مقتنعين بيها وحاسين انها غلط عشان نوصل للى إحنـا عاوزينه ؟؟؟
حد سمع زمان عن الكلام دة ؟؟
ماكان خلق الله بيجوزو صالونات والى بيشوف واحدة تعجبه يروح لأهلها يتقدملها ويحصل إلى فيه النصيب
إيه الى جرا الزمن دةيعنى .. بقا خلاص عاوزين كل حاجة free ومش يهمنا أى حد المهم نعمل الى عاوزينو وخلاص !
أى مجتمع أو أى مبدأ يوافق على إن يكون فى صحوبية وان بنت تحكى لأسرارها لولد مش تعرفه ولا بينها وبينه أى حاجة !!!
وهو كدة هيخلى البنت الشباب تجرى وراها عشان يجوزوها لما يلاقوها مصاحبة ولاد وبتاع واعدة جروب معاهم ؟؟
طيب طيب طيب .. بص يابنى انت اسمعنى
لو جبتهالك فى اختك هتعملى فيها عم الحمش وإللى يقول أنا أختى محترمة ماتعملش كدة وبتاع
وأنا أش ضمنى أن الى يصاحب أختى دة يكون إنسان كويس ومحترم
لاحول ولا قوة ألا بالله.. يعنى إنت تصاحب وتعمل شلة وبتاع ولو سألتها على أختك هتقولى كلام زى دة !!!!!!!!!!!
* كل واحد طبعا منكم له أراء مختلفة فى موضوع الصحوبية وإللى من غيره زى مابيتزعم البعض من الولاد .. إنه شىء عادى وطبيعى يعنى خلاص مبقاش عيب ولا حرام إن بنت تأنتم مع ولد وتحكيله كل أسرارها.. وانت ذات نفسك هتقول وفيها إيه .... أنا صحابى البنات .. بنات محترمة ولا بيشربو شيشة ولا بيمشو مع حد ومن البيت للكليية ومن الكلية للبيت 
* ماشى يا سيدى إنت مقتنع انك مش بتعمل حاجة غلط .. وبتقول ماهو دة لازم عشان البنات تدردح شوية ههههههههه .. حلوة صح ؟ 
وكتاب الله لو قولتها فى أختك ماهتقول الكلمتين دول
مــــن الآخـــــــر كدة.. إنت شـايف أن صحوبية البنات والولاد مهمة أوى عشان البنت تتجوز ومش تضمن تعنس يعنى !!!!!
الموضوع غريب والأغرب انه له كزا شق أولهم الصحوبية وثانيهم لما يكونو الأهل عارفين حوار الصحوبية دة او الحب .. وثالثهم لو شاب رفض الصحوبية دى لأخته
يــــــــــــــــلا عاوزة ألاقى دش جامد أوى من الردودد
RO2A77
Oct 10 2007, 10:41 PM
بصى ياتوته موضوعك مهم
بس انا برفض كلمه مصاحبه حاسس انها رخيصه شويا
ميمنعش ان البنت تتعرف على الولد بس
يكون شايفين الله قدامهم قبل اى حاجه
تانى حاجه الاحترام المتبادل بينهم
وحكايه ان الاهل يعرفوا تكون اجمل واحسن
ولو على انا ارضى او لاء ان اختى تصاحب
لو الاقى حد يخاف عليها زى مبخاف على زميلى واخواتى البنات مش هرفض
تسلمى ياتوته على موضوعك
تحـــــــــــــــــياتى
ehahe
Oct 10 2007, 11:32 PM
بصى ياتوته هو طبعا موضوع مهم جدا
وانا بقى بالنسبه لى الموضوع كبير اوى لو فاضيه اسمعى
بصى انا مش مع ان البنت تخرج وتصاحب والمهازل اللى بتحصل دى
مش حنكر ان فى البعض بيحافظ على حدود واحترام بس دول فئه نادره جدا جدا
اه كل بيضايق من الولد اللى بيعمل كده ومش بيرضى على اخته كده
شوفى الولد ده اكيد برضه اللى بيمشى معاها برضه بنت
وهما هنا بيقولوا الولد يعمل اللى عايزه البنت لا كانه لما بيصاحب مش بيصاحب بنت ناس برضه
عموما انا شايفه ان الولد ده معاه حق على الاقل مش قبل انه يبقى ديوس
اما بالنسبه انها لازم تصاحب ده وتمشى مع ده علشان تتجوز و الكلام ده فانا شايفه ان الحكايه دى قسمه ونصيب
وطالما هو مكتوب يبقى حيجى لحد عندها مش لازم تمشى مع عشر ولاد الاول علشان يجى الحاد ى عشر يختارها
سورى انا مش بحترم البنت اللى بتنزل تدور على ولد بحس انها فعلا رخيصه
كان فى زمان اغنيه لمحمد محى بيحكى فيها قصه ان كان ماشى مع واحده وشاف اخته ماشيه مع واحد
كان حيروح يزعق لها بس تراجع علشان خاف على زعل اللىهو ماشى معاها وخاف تقوله اشمعنى انا معاك
الاغنيه دى تقريبا بقالها 9 سنين بس لسه لحد دلوقت مش قادره افهم موقفه المتخاذل ولو مكانه حجيبها من شعرها وارمى البنت اللى ماشيه معايا
نهر الحب
Oct 10 2007, 11:32 PM
هو كلام حلو
بس انا عن نفسي اوك موافقه
بس البنت بقي المفروض عليها تنقي اصحبها كويس اصدقائها واحبائها علشان ما تدنمش في الاخر
وميرسيه ليكي يا عسل وبعدين انت ديما مواضيعك جامده كده
وكل سنه وانت طيبه
نهر الحب
Oct 10 2007, 11:45 PM
انا مع ايهاهي وموافقها في الراي
tgouidah
Oct 11 2007, 12:01 AM
موضوع جميل جدا جدا وأعتقد فى شباب كتير محتاج الكلام ده
لأن أعتقد والحمد لله كتير ما يقبلش ده على أخته ودى بداية خير
بس الكارثة فعلا أن فى أهل بيبقوا عارفين أن بنتهم مصاحبة ويبقوا عارفين هى مصاحبة مين بس لا أعتقد أنهم بيبقوا عارفين تفاصيل كافية عنه وعن هما بيعملو أيه مع بعض أصلا وهى دى الكارثة والمهزلة التربوية وربنا يستر على أخواتنا وبناتنا
وأنا متفق مع إسراء تماما فى رأيها
إقتباس
مش حنكر ان فى البعض بيحافظ على حدود واحترام بس دول فئه نادره جدا جدا
وتسلم أيدك يا توتة
N0UR
Oct 12 2007, 02:28 AM
موضوع حلو اوى تسلم ايديكى
وانا متفقه مع اسراء فى كلامها كله
البنت او المرأة عامة ربنا عملها كرامه و خلاها حاجه كبيره اوى اوى ليه هى تسمح بانها تنزل من نفسها
يعنى خليها صاحبت و كل ده وفى الاخر طلع الولد ده وحش
يبقى هى خسرت كتير و كفايه التعب النفسى و ارهاق عاطفتها على علاقات لا بتودى ولا بتجيب
ربنا يحفظ كل بناتنا يارب ويهدينا جميعا
جزاك الله خيرا ,,,, و هيتم نقل الموضوع لقسم فضفضه عشان مكانه هناك افضل
دمت بكل خير
ميــ المجنن البنات ــدو
Oct 13 2007, 03:01 AM
السلام عليكم ورحمة الله وبركاتة
بصراحة يا جماعة كلامكو عاجبنى بي بعض الكلام انا مش موافقكو علية دلوقتى بتقولو انا مش هسمح لى اختى ان هى تمشي مع شباب بصو كل واحد فينا في معه او كلية لية جروب حتى لو بيعد معاة بس في الكلية اشمها اعدة مع شاب اما بالنسبة لى ان الشاب دا وحش وسررى يا جماعة البنت هى الى بتفتحلة المجال ان هو يتكلم وحش او تكون نيتة وحشة اما لو البنت بتحافظ على كرمتها وعلى كلامها قدام الناس طبعا في بناااااااات كتير جدا كويسين وبيخافظو في كلامهم وتعاملاتهم بس بصراحة هما مستخبين وسط الوحشين يعنى بصراحة انهاردة وقفة العيد انا نزلت اتمشي شوية سوررى في اللفظ البنات اخر مسخرة يعنى بيحسسونى ان انا ماشي في كابارية سوررى بس مافيش حياء من البنات خالص والبنات بطبيعتها بتبص لى بعض بس مش كلهم طبعا بصراحة انا خفت على اخواتى ان هما ينزلو الشارع علشان لو حد كلمهم انا مش هيكفينى فية الا موتة بصراحة وانا لله الحمد براعى ربنا في البنات الى اععرفها ودى حاجة ماحدش يعرفها الا ربنا بس مش معنى كلامى ان انا بجيب الوم على البنات بس وعلى الشباب برضو دا بيبقي عيب تربية برضو وبرضو في شباب متربية كتير وولاد ناس ومحترمين جدا وكل الى اعرفهم الحمد لله محترمين وولاد ناس اما انا الى يحكم عليا الى يعرفنى طبعا ماحدش بيحكم على نفسة
سوررى لو كان كلامى ازعكو
كل ســـــــــــــــــــــــــــــــــ وانتم طيبين ـــــــــــــــــــــــــــــــــــــــــــــنة
zizooftop
Oct 25 2007, 09:10 PM
هو موضوع جميل جدا جدا جدا
بس فى فرق طبعا بين المصاحبة والصداقة
والولد والبنت بيقوه عارفين ايه حدود الصداقة طبعا ولو فى مصاحبة دى طبعا مالهاش حدود زى ما كلنا عارفين لانها بتبقى معظمها وهم بالجواز و و و و و حاجت كتير طبعا وانا هجى هتقدم وهوه بيلعب بيها وهيا تقوله انت اول واحد اكلمه وتكون لسه قافله مع واحد قبله وكده وفى صداقة عادية جدا زى ما بيكونش ليها غرض زى اى ولد لما بيصاحب ولد تانى او اى بنت بتصاحب بنت وده طبعا بعيد عن الحب الصادق
وانا مع RO2A77 فى رايه
وشكرا على مجهودك فى عرض الموضوع (القضية)
وبالتوفيق ان شاء الله
سبحان الله وبحمده سبحان الله العظيم
الحمد لله على كل شئ فى حياتنا
اللهم استرنا واستر اخواتنا واستر جميع بنات المسلمين وشباب المسلمين
اللهم آمين
reham2019
Oct 25 2007, 11:16 PM
شكرا جدا يا توته يا عسل بجد موضوع مهم وانتى كاتباه بطريقه مشوقه جدا
بصى انا من رايى دلوقتى مفيش بنت مش بتكلم ولد ده شئ عادى والاهل اكيد عارفين كده ولو مش هتكلم من الثانوى يبقى اكيد اكيد هتكلم فى الجامعه
ومدام حاطين ربنا ادامهم خلاص وكل واحد عارف حدوده كويس خلاص ومعليش انا مش بحب كلمه ان البنت مصاحبه الولد مفيش حاجه اسمها كده اصلا
ما علينا ممكن تقولى ده زميلى ولو الزماله طولت اوى وكده تسميه صديقك وانا اصلا عن نفسى مش بقتنع ان فى صداقه بين الولد والبنت زمايل اه اقتنع بده
مشكوره جدا
بالتوفيق
angry angel
Dec 21 2007, 03:12 PM
في الفاضي مفيش حاجه اسمها مصلحبه البنات
انت لو عاوز تكلم واحده يبقي تكلمها عشان تتجوزها مش عشان تمشيلي معاها و بعديت تدحك عليها
مفتكرش ان مصاحبه البنات من الأساس كويسه
انت كدا بتدحك علي نفسك لما تقول انك هتصاحب بنت كدا يعني
مفتكرش ان انا ممكن ارضي اني اتجوز واحده مصاحبالي ميدو و كوكو و المخلوقات الغريبه دي
و شكرا