الاميرة توتة
Oct 24 2007, 09:08 PM
تدخين البنات تمرد على العادات بين الفتاة والشاب..........
او انه منافسة لأفعال الشباب والرجال.........
او انه عادة جديدة دخيله علينا وعلى مجتمعنا.......
موضوع مهم اتمنى أن يشارك فيه الجميع ويبدون رأيهم بصراحه ، بعد ان ظهرت في الآونه الأخيره للأسف ظاهرة تدخين البنات سرا وجهرا والمراقب لهذه الظاهرة يتساءل عن أسباب هذه الظاهرة الغربية ...
هل هي الحضارة أم التحضر ؟؟؟؟؟؟؟
ام هي ظاهرة تقليد أم أنها ظاهرة لإثبات الوجود...
ففي عصر العولمة والإنفتاح الفضائي وتقنية المعلومات الإنترنتية هل أصبح تدخين الفتيات
عادة من العادات المفروضة ، و اذا كانت الفتاة لا تهتم بصحتها و تتهاون في مسألة الخطر
الذي يحدق بحياتها ,
فهل تتساهل في الخطر المحدق بأنوثتها وعذوبتها........
لا اعتقد ان اي فتاة قد تتهاون في هذا الجانب الذي يمثل معنى وجودها في الحياة ومعني جمالها ورونقها الجذاب
ايتها الفتاة المدخنه:
الانوثة هي بريق عينيك و انت ذابلة العيون ، الانوثة هي لون شفتيك و انت قد طليت شفتيك
بلون اسود كتوم ...الانوثة هي عبير انفاسك و انفاسك انت كأسوأ ما تكون...الانوثة هي اشراقة وجهك و انت وجهك غائب بين الدخان و السموم....جميع الرجال يذبلون امامك جمالك...وجميع الشعراء قد تغنوا بكي....فأفيقي قبل فوات الاوان و قبل حدوث شي مالا يجب ان يكون وقبل ذبلان الورود........
السؤال هنا:
هل السبب في ذلك الحريه من الاهل
ام الثقه القويه من اولياء الأمور
ام التهاون في التربيه والانشغال في امور الدنيا
ام نابع من الفتاة في تجربة هذه المرحلة
ام انها مرحللللللة مراااهقة
ام ارتباط الفتاة بصديقات السووء
ام مشاكل عاطفية تمربها الفتاة
ماهو راي الشباب والبنات في هذا الشئ
hobalovely
Oct 24 2007, 10:31 PM
انا ملاحظ كده ان مواضيعك كلها جامده ومهمه جداً
انا رايي ان السبب في تدخين البنات
اولا واخيرا عدم التربيه علي اسس سليمه ونقص الوازع الديني وطبعا ده اساس التربيه السليمه
وعدم وجود مثل اعلي يحتذي به وممكن كمان يكون تقليد اعمي لصديقات السوء
وفي اسباب كتيره كمان منها المشاكل العاطفيه والتفكك الاسري وكفايه كده علشان مطولش
ربنا يهدينا ويهدي بنات المسلمين اجمعين
تحياتي لكي وتمنيايت لكي بدوام النجاح والتوفيق ان شاء الله
dolly2010
Oct 24 2007, 10:41 PM
مواضيعك مهم اوى
لانى انا لحظته كتير اوى
فى البنات
وللاسف فكرينه عاده حلوة وكل بنت بتقلد التانيه
وتشوفى البنات تشرب وبيبقى فرحنين
بس هو السبب اولا التفكك الاسرى
عند البنات
وعندم انضباط التربيه
والاخلاق
وكتير المشاكل فى البيت او
اختيار اصدقاء السوء وهذا يساعد على شرب السجاير
ehahe
Oct 25 2007, 10:13 AM
تسلم ايدك ياتوته موضوع خطير وفعلا يستاهل المناقشه
وطبعا مش حزود على هوبا ولادولى فى اللى قالوه وانه مجرد تقليد اععمى للغرب
وسؤ استخدام للحريه وعدم فهم ليه
واحيانا بيكون مجرد تقليعه وفكره ليه ميجربوش حاجه جديده
ويمكن انا شفت وحده والدها قاسى شويه فى معاملته معاها فبتحاول تعمل اى حاجه هو مش حيبقى راضى عنها وكل مابتشرب سجاير بتبقى كأنها انتصرت عليه
وفوق ده كمان البنات اللى بتشرب شيشه
والمشكله ان الاول كانت اللى بتشرب دى بتحاول تخبى نفسها واصحاب الكافيهات كانوا ببيحطوا برفان
لكن دلوقتى والله اللى مش عاجبه يدور وشه لو طلعتى على البحر حتلاقيهم ولا كأنهم معلمين
ظاهره غريبه ربنا يهديهم يارب
اسفه على الاطاله بس الموضوع اساسا كان شغلنى بقاله فتره
zizooftop
Oct 25 2007, 08:32 PM
موضوع جميل جدا
وانا اويد راى هوبه طبعا التربية هيا الاول والاخير فى النشاة
وبالتوفيق ان شاء الله